أسرار الممالك الثلاث
مرحباً , نتمنى أن تكون على ما يرام : تفضل بتسجيل الدخول إذا كنت أحد أعضاءنا , او تفضل بالتسجيل إذا أردت الانضمام إلى اسرتنا الكريمة.

تسجيلك في المنتدى سيمنحك فرصة المشاركة في المواضيع و ابراز رأيك في المنتدى, و ستفتح لك مميزات جديدة و اقسام جديدة لدخولها.


منتدى تاريخي , يهتم بتاريخ الممالك الثلاثة واليابان والتاريخ الاسلامي , ويشتمل المنتدى كذلك على اقسام أخرى متنوعة.
 
مكتبة الصورالتسجيلدخولبحـثس .و .جالرئيسية
يتم تفعيل العضوية الغير مفعلة من قبل نفس العضو عبر بريده الالكتروني بشكل دوري من قبل الإدارة لذى اذا لم يتمكن العضو من تفعيل عضويته عبر البريد الالكتروني سوف تتكفل الإدارة بذلك من خلال لوحة التحكم ..
بحـث
 
 

نتائج البحث
 

 


Rechercher بحث متقدم
اقتباسات عشوائية

شاطر | 
 

 قيادة المرأة للسيارة فكرة (سليمة أم خاطئة)....

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
The Stranger
Marquis
Marquis


ذكر عدد الرسائل : 3357
العمر : 22
الدولة : في عآلم الغربه...
أفضل مملكة : Shu
تاريخ التسجيل : 14/11/2009

مُساهمةموضوع: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 9:14 am

موضوع للنقآش بهذا الشأن يلآ نبي كل واحد يبدي رأيه ويحآول يثبت الأمر هذا للغير نقاش فقط لآغير اتمنى من الإدارة ماتحذفه ^_^


- نبي نعرف منكم سلبياتها وايجآبيآتها

- نبي رأي كل شخص بهذا الشأن

- ونبي حكمه بنظركم انه عآدي او مآ ينفع الخ...

بالتوفيق بالنقآشآت


عدل سابقا من قبل Dragon Shu في الجمعة 12 أغسطس 2011, 9:44 am عدل 1 مرات
الرجوع الى أعلى الصفحة اذهب الى الأسفل
http://dynastywarriors.yoo7.com/profile.forum
Kong Ming
Marquis
Marquis


ذكر عدد الرسائل : 2607
العمر : 20
الدولة : Han Zhong
أفضل مملكة : Shu
تاريخ التسجيل : 17/02/2011

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 9:28 am

المراة لن تسوق السيارة والمراة ترا كملكة يعني رجالها يسوق لها وبل السفر بالسيارة مين يقدر غير الرجل يخلي رجلة مكانها 4او8ساعات على الدواسة وسؤال ماخذوا البنات درس كل اسبوع ميته بنت او ثلاث والامير نايف قال والله ماتسوق المراة وانا حي تبي تظهر رايها تروح محكمة وتشتكي (معروف بيسلكون لها واخر شي لا) انتم برايكم تسوق اولا انا لا وكلمة الرجال وحدة (انا ونايف مترصدين لهم ههههههههههه)
الرجوع الى أعلى الصفحة اذهب الى الأسفل
The Stranger
Marquis
Marquis


ذكر عدد الرسائل : 3357
العمر : 22
الدولة : في عآلم الغربه...
أفضل مملكة : Shu
تاريخ التسجيل : 14/11/2009

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 9:31 am

ههههههه

احنا نبي رأي الكل كرأي شخصي مآ يهمنا سوآء بالسعودية أو بغير السعودية لأن ديننا وآحد وكل وآحد له تفكيره يوضح السلبيآت فيه والإيجآبيآت وأخطآء تفكير الآخر وكل شئ ممكن
الرجوع الى أعلى الصفحة اذهب الى الأسفل
http://dynastywarriors.yoo7.com/profile.forum
Kong Ming
Marquis
Marquis


ذكر عدد الرسائل : 2607
العمر : 20
الدولة : Han Zhong
أفضل مملكة : Shu
تاريخ التسجيل : 17/02/2011

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 9:44 am

النهاية لا What a Face
احسن شي عشان تخيل بكرة اختك او امك بالمستشفى
انت وش رايك في موضوع القيادة Shocked
الرجوع الى أعلى الصفحة اذهب الى الأسفل
The Stranger
Marquis
Marquis


ذكر عدد الرسائل : 3357
العمر : 22
الدولة : في عآلم الغربه...
أفضل مملكة : Shu
تاريخ التسجيل : 14/11/2009

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 9:54 am

انا بتشوفها بعدين مع آرآءهم اذا شفت اعصابي تنرفزت بعدين ههههه
الرجوع الى أعلى الصفحة اذهب الى الأسفل
http://dynastywarriors.yoo7.com/profile.forum
Kong Ming
Marquis
Marquis


ذكر عدد الرسائل : 2607
العمر : 20
الدولة : Han Zhong
أفضل مملكة : Shu
تاريخ التسجيل : 17/02/2011

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 9:57 am

لاتكون الرومانسية اشتغلت ههههههههههه
انت رايك نعم صح بس تنتظر واحد يدعمك
الرجوع الى أعلى الصفحة اذهب الى الأسفل
Fox
Colonel
Colonel


ذكر عدد الرسائل : 1393
العمر : 24
الدولة : الكويت
أفضل مملكة : Wei
تاريخ التسجيل : 26/02/2011

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 10:47 am

مثل ما قلت ما فيه دليل واحد يثبت ان القياده حرام ، اذا راح نمشي على ماذا لو ما راح نخلص

الرسول كان يدري بالسوق و كل الي يحصل فيه من معصيات ولا قال الاسواق حرام ، ليش ؟

اظن الكل يعرف خولة بنت الأزور الأسدي الي كانت تقاتل مع باقي المسلمين في الغزوات ليش ما منعها احد ؟

وش بيصير اذا اسرت ؟ ليش ما طردها خالد بن الوليد ؟ طبعاً القياده غير و السفر غير لا تختلط عندكم الامور

و وش راح يوديها لمنطقه نائيه ؟ انت تدري وش يصير مع المرأه و السايق ؟ تعتقد طفل كمحرم راح يسوي شي ؟

ههه مدري احس ان الشغله ماخذه اكثر من حقها ، فيه اشياء حلال واجد اقدر احط فيها مية ماذا لو و اقول خلاص حرام

-يكح- الكمبيوتر -يكح-
الرجوع الى أعلى الصفحة اذهب الى الأسفل
Lu Meng
King
King


ذكر عدد الرسائل : 2334
العمر : 27
الدولة : دولة قطر - مدينة الريان
أفضل مملكة : Wu
تاريخ التسجيل : 27/01/2009

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 11:28 am

أنا بتكلم عن وجهة نظري أنا شخصياً ما راح أتكلم عن باقي الشرائح



حنا في عايلتنا أو خلنا نقول في قبيلتنا بكبرها ما عندنا نسوان يسوقون



اللهم لتسليه في البر أو في المزارع و غيرها من هالأماكن إللي مش مزدحمه


و لا أرضى بمرتي أو أمي أو خالتي أو أختي أو عمتي أو حتى أي وحده تصير لي تسوق طبعاً


لكن في نفس الوقت أشوف أنه سواقه المرأه مش حرام و لا هم يحزنون هو بكيفكم تحرمون ؟


لكن حنا عندنا عادات و تقاليد و أعراف بأن المره ما تسوق عندنا و أصلاً المره عندنا بنفسها ما تبي تسوق


تقولك شعلي من عوار الراس أبي سايق يوديني و يجيبني أحسن و يتسحسن سواقه بعد


سالبياتها أممم برأيي أي مكان فيه نسوان لازم يكون فيه جذب لشباب الطائش (ما عاد الأشغال والدوامات)


يعني راح تكثر المغازلات و المعاكسات و من هالحركات الصبيانيه و راح تكثر المشاكل


لكن أنا في نفس الوقت ما أشوف فيها شي لو مره تسوق لكن ما أرضى على حد من نسواني يسوق


أجيب لها سايق يوديها و يجيبها معززه مكرمه مرتاحه


الإيجابيات في سواقة المرأه أمممممم ممكن يخليها تعتمد على نفسها و تتجمل المسؤوليات


و ممكن تشيل نفسها بنفسها و تخلص أغراضها و معاملاتها و يعلمها شوي الجرئه و معرفة تصريف الأمور برأيي


لان السواقه مو بس لعب و هيصه و أغاني نوال و قصايد السواقه هي وسيله مواصلات مهمه في الحياه نكاد أن نجعلها من أهمية الماء لحياة الأنسان <<< أرجوك و الله تعب و هو يكتب هالجمله Laughing


<<< قلت لكم متناقض هالكائن البشري


المهم إللي فهم شي من كلامي يعطيني بنق هههه تشآآآو


دمتم بحب



(( تــــــــــــحياتـــــــــــــي ))
الرجوع الى أعلى الصفحة اذهب الى الأسفل
http://kongming.net/novel/
The Stranger
Marquis
Marquis


ذكر عدد الرسائل : 3357
العمر : 22
الدولة : في عآلم الغربه...
أفضل مملكة : Shu
تاريخ التسجيل : 14/11/2009

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 11:33 am

مآحد قآل حرآم الله يجزآكم خير بسس قلنا عشآن الي يسببه من سلبيآت مو حلو ابد

PING...

مشكورين على آرآئكم....
الرجوع الى أعلى الصفحة اذهب الى الأسفل
http://dynastywarriors.yoo7.com/profile.forum
Fox
Colonel
Colonel


ذكر عدد الرسائل : 1393
العمر : 24
الدولة : الكويت
أفضل مملكة : Wei
تاريخ التسجيل : 26/02/2011

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 12:51 pm

محمد انت منافق! بس ماني بعيد منك >_>

اعذروني فهمت غلط
الرجوع الى أعلى الصفحة اذهب الى الأسفل
Mengde
The Emperor
The Emperor


ذكر عدد الرسائل : 1749
العمر : 23
الدولة : NetherRealm
أفضل مملكة : Wei
تاريخ التسجيل : 17/05/2009

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 6:12 pm

الحكمة من تحريم لجنة الافتاء في السعودية مهو على اساس قيادة المرأة للسيارة ولكن للمفاسد اللي تترتب عليها من قيادتها للسيارة ولكنا نعرف ان النساء سابقا كانوا يركبون الخيل والجمال وهذا ما فيه شك لكن قيادة المرأة يحتاج لها تخطيط قبل ما يسمحون لهم بالقيادة يعني الشوارع تحتاج لتخطيط وتوسيع أفضل من الحالي لأن لو سمحنا للحريم انهم يسوقون راح تزدحم الشوارع هذا بالإضافة إلى أنه مو كل الحريم عندهم رخص قيادة من الخارج فالنسبه الأغلب ما عندها ولا تعرف تسوق اصلاً فالسالفة يبغالها صبر وتخطيط ومع التوعية للنساء اولاً ومن ثم الشباب راح يتسهل الوضع ويسوقون لكن التحريم مو على اساس القيادة نفسها والوضع يختلف من منطقة لمنطقة ممكن بعض المناطق في السعودية ما راح يكون فيها مشاكل نظرا لان المجتمع في المنطقة ذيك متماسك ومحافظ وما راح يشكل قيادة الرأه له أي مشكلة بعكس بعض المناطق الثانية ما ينفع فيها !

المختصر المفيد التحريم مو على قيادة المرأة للسيارة نفسها لكن التحريم بسبب المفاسد اللي تترتب عليها سواء مفاسد اخلاقيه او اجتماعية او حتى اقتصادية ..

والمجتمع السعودي حالياً مو مستعد لهذي التجربة للآن ويبغالها وقت لا اكثر .

وترى الحريم يسوقون في القرى والاماكن البعيدة عن المدن عادي مافي مشكلة ..


بالتوفيق"
الرجوع الى أعلى الصفحة اذهب الى الأسفل
http://dynastywarriors.yoo7.com
Gong ji
Colonel
Colonel


ذكر عدد الرسائل : 1058
العمر : 30
الدولة : الكويت
تاريخ التسجيل : 03/01/2009

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 6:13 pm

شوف تبي الصراحه المراه تتعلم السياقه انا مؤيد المراه تسوق انا ارفض<<< طبعا راي شخصي



النقطه الاولى

تتعلم السياقه عشان اذا الله لا يقوله طاح الوالد مريض حصل طارئ و مافي رجال يسوق هنا المراه تسوق لانه اذا ما ساقت ممكن حياة انسان تروح ولا حتى تخرب الطبخه و ياذن المغرب و مافي فطور @@"


المهم نرجع للموضوع

النقطه الثانيه


المراه تسوق؟ الصراحه انا ما اوافق على هذا الامر لانه في حوادث كثيره بسبب المراه و تخلي مراه مصابه في نص الشارع نص الي في الشارع يطفون سياراتهم و يتفرجون عليها



وهذا السبب الرئيسي عندي
قدامي شرطي حرر مخالفه لمراه قدامي سوت لنا فضيحه في الشارع طبعا انا كنت حاقد على الشرطي ساحب الاجازه بس مو لدرجه انه عشان مخالفه اقوم الدنيا و اقعدها


و سالفه حريه و حقوق اظن الحقوق كافلها الاسلام للمراه ولا اظن السياقه للعبط حريه


محمد في البر سياقه الحريم عاديه بس طعس و تدعمه بفورد؟؟ هذي صعبه شوي @@" قلنا ما يعرفون يسوقون بس مو لدرجه يدعمون طعس و ارض الله واسعه


الي عندها ظروف خاصه او حالات خاصه تصير مستثنيه من كلامي و اوافق على سياقتها


وشكرا...
الرجوع الى أعلى الصفحة اذهب الى الأسفل
http://dynastywarriors.yoo7.com/profile.forum?mode=editprofile
Mengde
The Emperor
The Emperor


ذكر عدد الرسائل : 1749
العمر : 23
الدولة : NetherRealm
أفضل مملكة : Wei
تاريخ التسجيل : 17/05/2009

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 6:22 pm

بالضبط حمد وجهة نظرك سليمة ,

الرجوع الى أعلى الصفحة اذهب الى الأسفل
http://dynastywarriors.yoo7.com
Shizai
Marquis
Marquis


ذكر عدد الرسائل : 9522
العمر : 22
الدولة : دولة الخليج العربي, محافظة الكويت.
أفضل مملكة : Wei
تاريخ التسجيل : 10/10/2007

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 7:15 pm

تحسسوني ان المراة اذا تبي تسوق, راح تلبس عبايتها و تروض لها ثور.. ترى كلها سيارة, تدوس بنزين و توصل للمكان الي تبيه. ليش يعني السالفة يبيلها رجل يعني؟ مهي اختراع ترى..

عندنا بالكويت, المراة تسوق ولا فيها مشاكل ولا شي و الدنيا ماشية بخير. معظم حوادثنا القاتلة من الشباب, مشاكل الشارع و الزحمة اكثرها من الوافدين, الحريم يزعجونك ساعات يلفون غلط, يسفطون غلط, بس مهي مشكلة كبيرة يعني و التعميم غلط (على قولة الوالد.. تخيل لو بنت شابة و وافدة؟ بتشوف فنون السياقة ههههه) بس ترى انتم تكبرون سالفة.. ما عندنا بنات يسوقون؟ شفيها يعني اذا ساقت؟

انا اقولها و بكل فخر, امي تسوق سيارة. ترى اذا الحريم ساقوا راح يكون في راااحة خيالية للمحارم. ما يحتاج تقطها بيت اهلها تزورهم, ولا توديها و ترجعها من الدوام. خلها تسوق, بتروح تداوم و ترد, كانك قاطها اساسا لانها ما راح تنزل بمكان ثاني. نفس الشي اذا بتروح اهلها, اذا بتروح سوق حريم تروح عادي و تاخذ معها بناتها, اذا بتروح مجمع تاخذ معها عيالها و لو صغار, ما راح يصير فيها شي. ادري الشباب خبول بس مو لدرجة يتحرش بوحدة جايبه معها عيالها.. اصلا الحريم نفسهن يقولن الشي هذا, ما يبون يروحون مجمع ولا سوق الا تقول لرجلها يروح معها بس انا اتكلم في اسوأ الاحوال يعني, تاخذ عيالها و خلاص. يعني باختصار, لو الحريم ينفتح باب القيادة امامهن, راح يستعلونها بس للمشاوير العادية دوام-اهل-بيت اما سالفة تروح مطعم ولا تروح مجمع و سوالف المشاوير الثانوية هذه, هي من نفسها ما راح تروح الا مع محرم او عيالها باسوء الاحوال.

الا عاد اذا انت ما تثق فيها.. هني و الله لو انت تقطها بنفسك و هي براسها شي, تسويه غصب عنك من وراك. اما لو هي زينة, قطها بين مساجين و ما راح تسوي شي. بعدين اساسا الحريم ما يطلعون من البيت الا بعد ما ياخذون اذن ازواجهن, فالسالفة ما راح تنفتح على الاخر يعني. و البنات الصغار نفس الشي راح تروح الدوام/الجامعة و ترد, و اذا بتروح مجمع لازم معها احد و بناتنا من نفسهن راح يقولن الشي هذا, و لازم نربي الشي هذا عندهم.

صدقوني الانسان يبي الشي الممنوع عنه.. اذا منعنا عنهم السيارات "منعا للفساد و المنكر" راح يفكرون بالشي هذا و يبونه, مثال حلو: الشباب. لاننا ما نربي عندهم الرقابة الذاتية و نمنع عليهم كل شي و كل ما يؤدي الى شي بطريقة غصب بدون اقناع و بدون لا نثق فيهم من عمر صغير, يسافرون برى و يجيبون العيد, و اعتقد معروف المثل هذا.. من الكبت الي بالديرة تلقاه يروح برى و يحس انه جاي من ديار كلها رجال..

بعدين ترى في مبالغة كبيرة.. شنو يعني قيادة المرأة تؤدي الى فتن و مشاكل؟ شنو المشاكل الي بتصير؟ يعني اذا ساقت راح تغري الشباب مثلا؟ القصد من العبارة هذه انها اذا طلعت لحالها, مو اذا ساقت. عملية السياقة نفسها ما فيها شي. و هذه كلها شغلات تربوية مالها علاقة تسوق ولا ما تسوق, لو هي براسها او براس الشاب شي, راح يصير لو تاخذ كل احتياطاتك. دول واجد تخلي الحريم يسوقون ولا فيها المشاكل هذه و ما يصير نبالغ حيل و نطلع اثار خيالية و نفرض انها راح تصير اكيد اذا المراة ساقت.

ولا الي يقولي اذا صار لها حادث ولا بنشر, تتصل بالتلفون يا شيخ. ترى حتى الشباب معظمهم اذا صار له حادث ولا بنشر يفتح فمه ولا يدري شنو يسوي و يتصل على ابوه ولا اخوه. يقول شلون المراة تقدر تمسك خط 8 ساعات.. معليش يمكن عشاني من ديرة صغيرة ما عندي فكرة.. بس انت اذا تبي تروح الدوام ولا اهلك.. تاخذ خط 8 ساعات؟ ما قلنا تسافر يا خوي, معروف السفر لازم محرم..

من ناحية الشرع انا ما ودي افتي من عندي و اجيب العيد, بس الي اعرفه ان اصل الاشياء حلال الا ما حرم الله. في شي يقول انها حرام؟ ما اعتقد. و النساء وقت النبي صلى الله عليه و سلم كانوا يركبون الخيل عادي. بتقولي لازم نسد المفاسد من ابوابها, اقولك هذا اذا المرأة استغلت القيادة بشكل غلط. كل شي يضر او يؤدي الى حرام يكون حرام بس هذا يعتمد على استعمال الفرد و ما يصير تحرمه على طول. ياخي اذا بنمشي على المنطق هذا, اجل الكأس حرام.. ممكن تشرب فيه خمر. التلفزيون حرام, ممكن تشوف فيه منكر. المسجل حرام, ممكن تسمع فيه اغاني. الانترنت حرام, ممكن تشوف.. كل شي. الحياة بكبرها حرام, ممكن تكفر!!

الدين الاسلامي كرم الانسان و وثق فيه, و زرع فيه حس الرقابة الذاتية. اذا نبي نعامل البشر مثل البهايم اجلكم الله و نمنع عنهم كل شي بدون لا نثق بحكمتهم باستعمال الشي هذا, راح نكون ظلمناهم و قللنا من قيمة الانسان و الدين معا. والله العظيم, ثم والله.. ترى ما شوهنا و شوه صورة ديننا الا بعض عاداتنا المعوقة..

بس يمكن بالسعودية الوضع يبيله دراسة على ما يتطبق مثل ما قال مصلح. يعني تخيلوا زحمة الرياض و جدة لو الحريم يسوقون شراح يصير؟ اتوقع مصلح راح يروح الجامعة بهيلوكبتر..

___________________

Sometimes a very small man can cast a very large shadow ~ Varys

الرجوع الى أعلى الصفحة اذهب الى الأسفل
http://www.google.com
Mengde
The Emperor
The Emperor


ذكر عدد الرسائل : 1749
العمر : 23
الدولة : NetherRealm
أفضل مملكة : Wei
تاريخ التسجيل : 17/05/2009

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 7:43 pm

ههه ايه بالضبط , ترى المشكلة مو في الحريم ولا في القيادة نفسها المشكلة في المجتمع نفسه قبل فترة ممكن سمعتوا عن وحده اسمها منال الشريف ( الله يستر عليها ) المهم هذي ركبت سيارتها مع صاحبتها ونزلوا يلفلون عشان متفقين على يوم يطالبون بقيادة المرأة , الشرطة شافتهم وودتهم التوقيف ( الشعب المضيع اللي عندنا ايش سووا ! ):-

http://www.youtube.com/watch?v=CUiFoC-dW9U
-
http://www.youtube.com/watch?v=XROYsmr8iSk&feature=related
-
http://www.youtube.com/watch?v=P51Gkuf6mk4
-
http://www.youtube.com/watch?v=qwV2tyOx5ng&feature=related

لا تضيع وقتك وتشوف المقاطع بالكامل المهم اللي اقصده تبغانا نطلع امهاتنا واخواتنها وحريمنا ووسط الشارع شباب في مثل هذا التفكير ! يعني انا لمن اسوق وسط الشارع ستين الف مره يجيني واحد طاير من جنبي ويدخل علي , اذا يبغون الحريم يسوقون علموا الشباب بالأول كيف يسوقون ويحترمون النظام ,, فالشيوخ اللي يجيون يقولون حرام ما يقصدون الفعل نفسه يقصدون اللي راح يترتب من هذا الفعل واكثر من شيخ قال ان المجتمع مهو جاهز لهذا الشي صحيح قيادة المرأه مو هذاك الموضوع اللي المفروض نعطيه كل هذا الكلام والنقاش لكن الموضوع يحتاج للتخطيط والتوعية وانا ما انكر ان الحريم وراهم اشغال ووراهم مشاوير ومن حقهم يروحون وين ما يبغون لكن ما اضمن انا اهلي يرجعون سالمين واكثر من 60% من اللي يسوقون في الشارع متهورين ولا يعرفون في النظام شي ! هذا شي الشي الثاني قبل ما تطالب المرأة بحق القيادة ليش ما تطالب بحقوقها الثانية الأهم الزواج والوظيفة وحق رفض الزوج اذا ما رضت به وغيرها حقوق كثيرة اهم بكثير من موضوع القيادة ..

واتفق معاك في اللي قلته ,,


الرجوع الى أعلى الصفحة اذهب الى الأسفل
http://dynastywarriors.yoo7.com
Gong ji
Colonel
Colonel


ذكر عدد الرسائل : 1058
العمر : 30
الدولة : الكويت
تاريخ التسجيل : 03/01/2009

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 7:57 pm

شوف اول مقطعين ضبطوها الصراحه Surprised


اول شي مو حنا الي نقرر المراه تسوق ولا لا الدوله لها قوانين و احكام تحدد


ولا حنا عندنا العلم الي يخلينا نفتي


حنا نناقش من وجهات النظر


طبعا معروف الكويت فيها المراه تسوق عادي


بس ناصر اذا رحت الجامعه باذن الله ركز عى الدراسه ولا تركز على البي ام و المرسيدس و الي يسوقها (مو جامعه للتعليم العالي صارت جامعه الامم المتحده على هذي السيارات )



زين امك تسوق وشفيها؟؟ و نص بنات الكويت يسوقون عادي المراه تسوق بس تذكر سالفه الاجنبيه الي ماتت عشان بنتها انمسكت من الشرطه؟؟


و سمعت بسالفه الحريم الي يتحرشون فيهم الشرطه؟؟ (في مواقف حقيقيه و في مواقف ادعائات )


و طبعا ما شفت حرمه في نص الشارع تسب و تلعن و محد يقدر يسوي لها شي لانها مراه


الكلام ع البنات الي يبون يسوقون بدون اهميه يبون يسوقون عبط


وشكرا...
الرجوع الى أعلى الصفحة اذهب الى الأسفل
http://dynastywarriors.yoo7.com/profile.forum?mode=editprofile
Shizai
Marquis
Marquis


ذكر عدد الرسائل : 9522
العمر : 22
الدولة : دولة الخليج العربي, محافظة الكويت.
أفضل مملكة : Wei
تاريخ التسجيل : 10/10/2007

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 8:12 pm

اقتباس :
زين امك تسوق وشفيها؟؟

"ما عندنا بنات يسوقون" و "ما ارضى اختي تسوق" و بعض كلام شباب حسسني انها عيب ولا غلط اذا المرأة ساقت, ادري ان الوضع عادي بالكويت و البنات اما يسوقون او يقدرون بس ما يبون من كيفهن.

اقتباس :
زين امك تسوق وشفيها؟؟ و نص بنات الكويت يسوقون عادي المراه تسوق بس تذكر سالفه الاجنبيه الي ماتت عشان بنتها انمسكت من الشرطه؟؟

و سمعت بسالفه الحريم الي يتحرشون فيهم الشرطه؟؟ (في مواقف حقيقيه و في مواقف ادعائات )

و طبعا ما شفت حرمه في نص الشارع تسب و تلعن و محد يقدر يسوي لها شي لانها مراه

شفت, بس هل نعمم الشي هذا على الكل؟ هذه نقطة, ثاني شي انتقاداتك هذه تربوية تصير بكل شي مو بس السياقة, لو تحط لها سايق ممكن الشرطة يتحرشون و ممكن تسب و تلعن بالشارع و هذه مالها علاقة اذا المراة ساقت ولا لأ و نفس الكلام اقدر اقوله على الشباب, ما تذكر الي متسابقين بالخط السريع؟ يحسبونه رالي داكار و انا مدري.. ولا كم مرة باص او شاحنة تلف عليك؟ كم مرة دخلت المسافط لقيت عشرة داشين عكس السير؟ كم مرة تحط راسك تبي تنام بالليل تسمع خمسة يقحصون بالدوار الي جنب بيتكم؟ لا تصور السالفة انها بس على البنات, بالعكس بنات الخليج معروفات انهن بنات قبايل و يعرفون شلون يصونون كرامتهن.

مصلح كلامه حلو و اتفق معه, الظاهر المجتمع السعودي فعلا مو جاهز للتجربة هذه لانها للاسف جت متأخرة شوي. على فكرة انا احيي منال الشريف على تصرفها.

___________________

Sometimes a very small man can cast a very large shadow ~ Varys

الرجوع الى أعلى الصفحة اذهب الى الأسفل
http://www.google.com
Lord Turki
Vanguard
Vanguard


ذكر عدد الرسائل : 2397
العمر : 28
الدولة : KSA
تاريخ التسجيل : 05/12/2008

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 9:19 pm

هههههههههه . ما توقعت سؤال صغير في الخيمة الرمضانية يسوي موضوع نقاشي مثل هذا

أولا من الناحية الشرعية أتوقع ما في مانع معين ولكني ما أجزم طبعا . بنفس الوقت المشكلة هي من التنظيم والتشريعات

ثانيا . من ناحية هندسية . شوارع الخليج كلها غير مهيأة لسواقة المرأة وهذا هو سبب الإزدحامات المرورية في الشوارع . ولكننا نلاحظ في دول الخليج أنه عدد السكان قليل . فممكن الإزدحمات المرورية تنتهي بسرعة عكس عندنا في الرياض مثلا أو جدة

معليش ممكن أخواننا اللي من برا السعودية الكلام اللي بأقوله ما يعنيهم لكن دائما ما نسمع عن حوادث سيارات النقل الخاصة بنقل المعلمات . بالله لو أن كل معلمة زوجها وصلها إلى المدرسة ما كان إطمئن عليها أكثر بدل ما يوصله نبأ وفاة الزوجة وعيالها يصيرون يتامى

بعدين اللي يتججون بالدول اللي برا وأنهم معطين المرأة الحق في القيادة أقولهم أنه الشوارع هناك الإزدحام المروري فيها قليل لأنه وسائل النقل هناك متوافرة بشكل يغنيك عن السيارة وأنا كنت قبل 6 سنوات تقريبا أدرس لغة في أمريكا ما إحتجت إلى سيارة أبدا في مشاويري . غير السوالف الحلوة اللي تسمعها والمواقف اللي تصير قدامك هههه

وبنفس الوقت أعرف واحد من الزملاء كان عندهم سائق وسافر وقعدوا فترة سنة بدون سائق . كانوا أهله يحدوون وقت معين عشان الكل يخلص مشاويره مرة وحدة . فلو أعطى الواحد نصف ساعة إلى ساعة لأهله يوميا صدقني راح ترتاحون من مشاكل السائقين والإزدحمات

بعدين بالنسبة للأشخاص اللي يسمحون للمرأة بالقيادة . هل تتوقعون أن سامحين لها تروح وتجي على كيفها ؟ أكيد لا . أما لدوام معين أو زيارة مهمة أو لطلبات البيت . وبعد تلاقيهم يرجعون في وقت محدد وما يقعدون لنص الليل برا البيت

وأنا كنت قبل 3 سنين في الكويت ومشيت في شوارعهم . الإزدحام اللي يذبح عمره ما يطول عن نصف ساعة مع قيادة الرجال والحريم . بينما حنا نضيع ساعة أو ساعة نص ورجال فقط وعلى أبسط حادث يتعطل الطريق . لذلك الإخوان هناك ما يمنعون لأسباب هندسة الطرق والإزدحام ويمكن يكون المنع لأسباب إجتماعية مثلا

بعدين لو فرضنا أسرة مكونة من 4 أشخاص طالعين محل معين . الأب يسوق سيارته الخاصة . والأم كذلك . والأبناء كذلك . عشان يتواعدون في مكان معين وهم قاعدين في نفس البيت . بفرق أنه واحد ولا إثنين منهم مشغولين وراح يلحقونهم . كذا يتسببون بإزدحام أكثر . معرضين لحوادث لا قدر الله أكثر . بعكس لما يكونون في سيارة وحدة يسولفون ومبسوطيبن

وأنا عن نفسي أستانس حقيقة إذا ركب معي أحد . وحاليا بسبب العملية اللي سويتها ما أسوق سيارة وسيارتي واقفة بدون حركة . فإخواني يوصلوني أي مكان وطول الطريق نسولف وننبسط إذا كان المشوار خاص فيني فالموضوع برأيي ما يأخذ أكثر من تنظيم وتنسيق

خلاصة كلامي ووجهة نظري . كل شعوب الخليج ما تحتاج نسائها للقيادة إلا في حالات معينة ومحصورة جدا . الموضوع لو يكون فيه تنظيم للمشاوير في كل بيت كان إستغنى الخليجين عن السائقين وإستغنوا الحريم عن القيادة . صراحة المشكلة من الرجل نفسه . ما يبي يوصل حرمته ولا يبي يوفر لها سائق ولا يبيها تسوق هههههه إلا من رحم ربي
الرجوع الى أعلى الصفحة اذهب الى الأسفل
http://www.google.com.sa
The Stranger
Marquis
Marquis


ذكر عدد الرسائل : 3357
العمر : 22
الدولة : في عآلم الغربه...
أفضل مملكة : Shu
تاريخ التسجيل : 14/11/2009

مُساهمةموضوع: رد: قيادة المرأة للسيارة فكرة (سليمة أم خاطئة)....   الجمعة 12 أغسطس 2011, 11:39 pm

ايه انا اتفق مع كلآم تركي وكل شئ قآله المشكلة بالرجل نفسه لو يوفر لأهله وقت للمشآوير وكل شئ كآن استغنوا عن السآئقين وانهن يسوقون..

ونصفهم اعتقد او اقل عندنا بالسعودية لو اهله طلبه منه شئ هاااه مآ أقدر اطلبوا من واحد غيري ومدري ايش لكن بالنهآية مع تكفيخ الوآلد يروح... اما بخآرج السعودية مآ ادري...

السآلفة بالنهآية فينا احنا الشبآب والرجآل الشيبآن مآلهم علآقة مسآكين يآحليلهم على الكرآسي لو نخصص وقت لهم نلبي طلبآتهم والله مآ يأخذ منا شئ بالعكس ترتآحي لأنكـ سآعدت او قدمت شئ يسآعد بسس احنآ صرنآ الوآحد فوق رأسه ريشة مآ اقدر ومدري ايش صرآحة هذا الي اشوفه...

بالعكس اذا رحت مآ بيضركـ شئ وبيسآعد كثير الي يقول حريمنا ما يسوقون ومدري ايش اثبت لهن انهن مآ يحتآجون يسوقون أو يحتآجون سوآق بنفسكـ اقضي مشوآريهم مو بس كلآآم...

البعض يعتبره اممم زي الخآدم او كذا ما اعرف بس تركب برؤوسنا كلمة لآ مو رآيح مآ قدرت عآدي بالعكس انت كذا رجآل كذا تثبت انكـ قد المسؤولية تقدر تسوي وتسوي وتسوي تثبت الفرق بينكـ وبين المرأة ان المرأة شغلها دآخلي تعرف له بالبيت وكذا وانت بالخآرج برا البيت مشآوير وغيرها كثير...

الحقيقة بنظري ان المشكلة فينا الي مآيبي حريمهم يسوقون يثبت انهن مو محتآجين هالشئ أو محتآجين سوآق حتى...
الرجوع الى أعلى الصفحة اذهب الى الأسفل
http://dynastywarriors.yoo7.com/profile.forum
Fox
Colonel
Colonel


ذكر عدد الرسائل : 1393
العمر : 24
الدولة : الكويت
أفضل مملكة : Wei
تاريخ التسجيل : 26/02/2011

مُساهمةموضوع: رد: قيادة المرأة للسيارة فكرة (سليمة أم خاطئة)....   السبت 13 أغسطس 2011, 12:37 am

اقتباس :
تحسسوني ان المراة اذا تبي تسوق, راح تلبس عبايتها و تروض لها ثور.. ترى كلها سيارة, تدوس بنزين و توصل للمكان الي تبيه. ليش يعني السالفة يبيلها رجل يعني؟ مهي اختراع ترى..

عندنا بالكويت, المراة تسوق ولا فيها مشاكل ولا شي و الدنيا ماشية بخير. معظم حوادثنا القاتلة من الشباب, مشاكل الشارع و الزحمة اكثرها من الوافدين, الحريم يزعجونك ساعات يلفون غلط, يسفطون غلط, بس مهي مشكلة كبيرة يعني و التعميم غلط (على قولة الوالد.. تخيل لو بنت شابة و وافدة؟ بتشوف فنون السياقة ههههه) بس ترى انتم تكبرون سالفة.. ما عندنا بنات يسوقون؟ شفيها يعني اذا ساقت؟

انا اقولها و بكل فخر, امي تسوق سيارة. ترى اذا الحريم ساقوا راح يكون في راااحة خيالية للمحارم. ما يحتاج تقطها بيت اهلها تزورهم, ولا توديها و ترجعها من الدوام. خلها تسوق, بتروح تداوم و ترد, كانك قاطها اساسا لانها ما راح تنزل بمكان ثاني. نفس الشي اذا بتروح اهلها, اذا بتروح سوق حريم تروح عادي و تاخذ معها بناتها, اذا بتروح مجمع تاخذ معها عيالها و لو صغار, ما راح يصير فيها شي. ادري الشباب خبول بس مو لدرجة يتحرش بوحدة جايبه معها عيالها.. اصلا الحريم نفسهن يقولن الشي هذا, ما يبون يروحون مجمع ولا سوق الا تقول لرجلها يروح معها بس انا اتكلم في اسوأ الاحوال يعني, تاخذ عيالها و خلاص. يعني باختصار, لو الحريم ينفتح باب القيادة امامهن, راح يستعلونها بس للمشاوير العادية دوام-اهل-بيت اما سالفة تروح مطعم ولا تروح مجمع و سوالف المشاوير الثانوية هذه, هي من نفسها ما راح تروح الا مع محرم او عيالها باسوء الاحوال.

الا عاد اذا انت ما تثق فيها.. هني و الله لو انت تقطها بنفسك و هي براسها شي, تسويه غصب عنك من وراك. اما لو هي زينة, قطها بين مساجين و ما راح تسوي شي. بعدين اساسا الحريم ما يطلعون من البيت الا بعد ما ياخذون اذن ازواجهن, فالسالفة ما راح تنفتح على الاخر يعني. و البنات الصغار نفس الشي راح تروح الدوام/الجامعة و ترد, و اذا بتروح مجمع لازم معها احد و بناتنا من نفسهن راح يقولن الشي هذا, و لازم نربي الشي هذا عندهم.

صدقوني الانسان يبي الشي الممنوع عنه.. اذا منعنا عنهم السيارات "منعا للفساد و المنكر" راح يفكرون بالشي هذا و يبونه, مثال حلو: الشباب. لاننا ما نربي عندهم الرقابة الذاتية و نمنع عليهم كل شي و كل ما يؤدي الى شي بطريقة غصب بدون اقناع و بدون لا نثق فيهم من عمر صغير, يسافرون برى و يجيبون العيد, و اعتقد معروف المثل هذا.. من الكبت الي بالديرة تلقاه يروح برى و يحس انه جاي من ديار كلها رجال..

بعدين ترى في مبالغة كبيرة.. شنو يعني قيادة المرأة تؤدي الى فتن و مشاكل؟ شنو المشاكل الي بتصير؟ يعني اذا ساقت راح تغري الشباب مثلا؟ القصد من العبارة هذه انها اذا طلعت لحالها, مو اذا ساقت. عملية السياقة نفسها ما فيها شي. و هذه كلها شغلات تربوية مالها علاقة تسوق ولا ما تسوق, لو هي براسها او براس الشاب شي, راح يصير لو تاخذ كل احتياطاتك. دول واجد تخلي الحريم يسوقون ولا فيها المشاكل هذه و ما يصير نبالغ حيل و نطلع اثار خيالية و نفرض انها راح تصير اكيد اذا المراة ساقت.

ولا الي يقولي اذا صار لها حادث ولا بنشر, تتصل بالتلفون يا شيخ. ترى حتى الشباب معظمهم اذا صار له حادث ولا بنشر يفتح فمه ولا يدري شنو يسوي و يتصل على ابوه ولا اخوه. يقول شلون المراة تقدر تمسك خط 8 ساعات.. معليش يمكن عشاني من ديرة صغيرة ما عندي فكرة.. بس انت اذا تبي تروح الدوام ولا اهلك.. تاخذ خط 8 ساعات؟ ما قلنا تسافر يا خوي, معروف السفر لازم محرم..

من ناحية الشرع انا ما ودي افتي من عندي و اجيب العيد, بس الي اعرفه ان اصل الاشياء حلال الا ما حرم الله. في شي يقول انها حرام؟ ما اعتقد. و النساء وقت النبي صلى الله عليه و سلم كانوا يركبون الخيل عادي. بتقولي لازم نسد المفاسد من ابوابها, اقولك هذا اذا المرأة استغلت القيادة بشكل غلط. كل شي يضر او يؤدي الى حرام يكون حرام بس هذا يعتمد على استعمال الفرد و ما يصير تحرمه على طول. ياخي اذا بنمشي على المنطق هذا, اجل الكأس حرام.. ممكن تشرب فيه خمر. التلفزيون حرام, ممكن تشوف فيه منكر. المسجل حرام, ممكن تسمع فيه اغاني. الانترنت حرام, ممكن تشوف.. كل شي. الحياة بكبرها حرام, ممكن تكفر!!

الدين الاسلامي كرم الانسان و وثق فيه, و زرع فيه حس الرقابة الذاتية. اذا نبي نعامل البشر مثل البهايم اجلكم الله و نمنع عنهم كل شي بدون لا نثق بحكمتهم باستعمال الشي هذا, راح نكون ظلمناهم و قللنا من قيمة الانسان و الدين معا. والله العظيم, ثم والله.. ترى ما شوهنا و شوه صورة ديننا الا بعض عاداتنا المعوقة..

بس يمكن بالسعودية الوضع يبيله دراسة على ما يتطبق مثل ما قال مصلح. يعني تخيلوا زحمة الرياض و جدة لو الحريم يسوقون شراح يصير؟ اتوقع مصلح راح يروح الجامعة بهيلوكبتر..

1+

مشكور يا ناصر شرحة وجهت نظري كلها تقريباً ، تبي تقول عادات و تقاليد كيفك ، بس ما تحرم و تحلل على مزاجك

سالفة الطرق يدخل فيها سالفة الفساد و مشروع ابو 100 مليون يدفع فيه 10 >_> خليتوا الدين اساس كل مشكله..

على الشباب اللطيفين عندهم الهيئه الي يناظر يمين او شمال يعطونه على قفاه

اقتباس :
بس ناصر اذا رحت الجامعه باذن الله ركز عى الدراسه ولا تركز على البي ام و المرسيدس و الي يسوقها (مو جامعه للتعليم العالي صارت جامعه الامم المتحده على هذي السيارات )

لا غلطان ، كل خرابيط الجامعه داخلها ولا لها شغل في السياره ، طبعاً فيه بعض الخرابيط خارجها بس مالها شغل في السواقه ، مثلاً وحده يقطها والدها و تنتضر

لين يمشي و تطلع مع بعض الناس ، مثل ما قال ناصر لو تبي تخربط ، بتخربط من وراك

اقتباس :
و سمعت بسالفه الحريم الي يتحرشون فيهم الشرطه؟؟ (في مواقف حقيقيه و في مواقف ادعائات )

سمعت عن الضباط الي راحوا فيها و انطردوا من الداخليه لأن وحده مشتكيه عليهم ؟
الرجوع الى أعلى الصفحة اذهب الى الأسفل
أبو عادل
Marquis
Marquis


ذكر عدد الرسائل : 1765
العمر : 23
الدولة : المملكة العربية السعودية
أفضل مملكة : Shu
تاريخ التسجيل : 18/04/2011

مُساهمةموضوع: رد: قيادة المرأة للسيارة فكرة (سليمة أم خاطئة)....   السبت 13 أغسطس 2011, 1:17 am

امممم صراحة مااعتقدت يوم اني بأشارك بمثل النقاش هذا...أو أن موضوع مثل هذا يرى النور..
المهم..
عندي بعض التعليقات البسيطة على كلام الأخوان...
الكثيرين يجعلون من جهاد المرأة في السابق ذريعة تؤهل قرار مثل القيادة يرى النور..
خلونا نشوف مع بعض كيف المرأة كانت تجاهد سابقا وراح نشوف هل في الأمر شبه أو لا...
المرأة عندما كانت تجاهد وين كان موقعها بالجيش ؟؟ كانت بالخلف وكان يفرض عليها ألا تختلط بالرجال أيضا...وفي غالب الغزوات كان دورها التموين والتمريض الا عند الضرورة
المرأة لما كانت تجاهد كانت تختار بعناية بمعنى أنه ليس كل من هب ودب تتمكن من الجهاد...
وقد اشتكت احدى النساء الى النبي صلى الله عليه وسلم والحقيقة اني لا أذكر الحديث كاملا.. لكنها ذكرت أنكم معشر الرجال فضلكم الله علينا تجاهدون في سبيل الله وتطعمون الطعام وتصلون في المساجد ووو.. فرد النبي صلى الله عليه وسلم بأنها ان بقيت في بيتها فرعت حق زوجها فلها مثل ذلك الأجر...
بالتالي فمسألة جهاد المرأة سابقا مختلفة تماما عن القيادة الا إذا خصصت شوارع للنساء مثلا وهذا مستحيل ولايدخل العقل بطبيعة الحال...
العذر الثاني... المراة سابقا كانت تقود ابل وخيل..وهذا الكلام مو صحيح أبدا أبدا... وياليت اذا أحد كان هنده شيء يثبت خلاف كلامي يقوله لي...في العصر الاسلامي ماحصل هذا الشيء أبدا.. كانت المرأة تركب على الدابة ويقودها محرمها الى حيث شاءت...فلو أن رجلا تعرض لها لدافع عنها محرمها بحياته..
في العصر الجاهلي نعم الشيء هذا صار ...لكن ماذا ترتب عليه؟؟ اعتقد الجميع يعرف..
حتى وان كانت تسوق ابل وخيل قديما...هل هذا يجعلها تسوق الآن ؟؟
ما أعتقد أبدا.. لان في زمن الصحابة الأمور تختلف عن الآن..يقول صلى الله عليه وسلم: خير القرون قرني ثم الذين يلونهم..
العذر الثالث: الحاجيات والمشاغل..
هنا لازم أتفق مع الكثير من الناس.. صحيح بأن معظم الاحتياجات الى القيادة وهمية مثل ما أوضح الأخ تركي.. احنا مانبي نوديهم ونتعب أنفسنا وهذا الحق الي مافي أحد المفروض يزعل منه...لكن في طائفة يحتاجون الى القيادة صراحة
لكن كم يمثلون ما أعتقد يزيدون على 10%..وهناك احصائية سابقة بالفعل ذكرت هذا الشيء..80% يرفضون..والباقي مو متأكد منه..لكن في ناس مؤيدة وناس ماتدري..علما أن الاحصائية للنساء فقط..
ومن غير المعقول أني أقدم مثل القرار هذا عشان 10% وفيه رفض تام له..
من الناحية الشرعية ما أقدر أفتي لان ماعندي علم بمسألة اختلف فيها العلماء..لكن اللجنة الدائمة للبحوث والإفتاء أصدرت قرارا بمنع ذلك..وهي تضم كبار علماء المسلمين..
شدني جملة كتبها أحد الإخوة في الخيمة الرمضانية>>>كله منك ياتركي أنت وحمد هههه..
الجملة كانت أن الألباني رحمه الله كان مؤيدا وقد قال أن الأستر للمرأة الحديد وليس الخيل..
الشيخ الألباني من عظماء علماء الأمة...بل ويسمى بعالم ليس في زمانه ولكن في الحديث
علوم الشريعة متفرعة ومتشعبة كثيرا..فهناك الحديث والفقه والتجويد وأصول الفقه وووووو
فالعالم الذي يبرع في مجال ما ..ليس شرطا أن يكون نابغة في مجال آخر...
فالطبيب في العيون لايجب أن يتمكن من معالجة الجلدية وان كان محترفا.. فالعلم واحد وهو الطب ..ولكن الفرع مختلف.
الالباني مثلا ..كان ناقما جدا عندما استعان الخليجيون بالأمريكان ...ولايسعنا القول الا أنه كان مخطئا لان هناك من هو أكثر منه علما أقر ذلك... فلو أن اللجنة الدائمة أعطت رأيا فإنه يكون ذا وزن أعلى من وزن أحد علماء الحديث الكرام..
أعتذر عن الإطالة وأرجوا أن تكون الفكرة وصلت للجميع وأي مناقشة أنا مستعد...
الرجوع الى أعلى الصفحة اذهب الى الأسفل
http://ar.wikipedia.org/wiki/%D8%A7%D9%84%D8%B5%D9%81%D8%AD%D8%A
Mengde
The Emperor
The Emperor


ذكر عدد الرسائل : 1749
العمر : 23
الدولة : NetherRealm
أفضل مملكة : Wei
تاريخ التسجيل : 17/05/2009

مُساهمةموضوع: رد: قيادة المرأة للسيارة فكرة (سليمة أم خاطئة)....   السبت 13 أغسطس 2011, 1:58 am

اقتباس :
المرأة عندما كانت تجاهد وين كان موقعها بالجيش ؟؟ كانت بالخلف وكان يفرض عليها ألا تختلط بالرجال أيضا...وفي غالب الغزوات كان دورها التموين والتمريض الا عند الضرورة

ترى فيه صحابيات كانوا يجاهدون ويقاتلون في المعارك ,
مثل (نسيبة بنت كعب)
(
"ما التفتُّ يومَ أُحد يمينًا ولا شمالا إلا وأراها تقاتل دوني" .
يقول النبي ( عنها: "لمَقَاَم نسيبة بنت كعب اليومَ خيرٌ من مقامِ فلان وفلان" [ابن سعد].
) مع العلم انها كانت تقاتل مع ابنها وكانت تدافع عن الرسول ولمن مات ولدها في المعركة قتلت اللي ذبحه والرسول كان يبتسم ويدعو لها ..

واثبتت السير إن النساء كانوا يقودون الخيل مثل أم حرام الانصارية كانت راكبة على دابتها وطاحت منها وماتت والرسول تحدث عن موتها ..

الرجوع الى أعلى الصفحة اذهب الى الأسفل
http://dynastywarriors.yoo7.com
Tadaoki
Marquis
Marquis


ذكر عدد الرسائل : 4298
العمر : 23
الدولة : kingdom Of Jin
أفضل مملكة : Jin
تاريخ التسجيل : 14/06/2010

مُساهمةموضوع: رد: قيادة المرأة للسيارة فكرة (سليمة أم خاطئة)....   السبت 13 أغسطس 2011, 2:09 am

أنا راح أختثر الموضوع بكلمتين


معقول الأمير يتنازل ويصير سواق

المرأة أميرة

والدليل أنها تركب بجانب السائق أو خلفه

فالمطالة بالقيادة كالقول بإنزال المرأة من مقامها الرفيع

ثم معروف أن المرأة مو مثل الرجل

الرجل يستطيع التحمل

بس المرأة من الصعب عليها

لو انفقع كفر وش راح تسوي؟
الرجوع الى أعلى الصفحة اذهب الى الأسفل
Shizai
Marquis
Marquis


ذكر عدد الرسائل : 9522
العمر : 22
الدولة : دولة الخليج العربي, محافظة الكويت.
أفضل مملكة : Wei
تاريخ التسجيل : 10/10/2007

مُساهمةموضوع: رد: قيادة المرأة للسيارة فكرة (سليمة أم خاطئة)....   السبت 13 أغسطس 2011, 2:30 am

أبو عادل بداية كلامك عن حاجة النساء للقيادة و غيرها, انا صراحة ما علقت الا على سالفة "عيب" انها تسوق و لا "حرام" انها تسوق. اذا حصل و تطبق قرار اعطاء المرأة حق القيادة, ما راح يكون اجباري.. ممكن تسوق و ممكن تظل مثل ما هي, فقضية انها مو محتاجة تسوق هذا ما يغير بالموضوع شي. ثانيا يمكن لاني بعيد شوي عن السعودية فما ادري عن صدى القضية عندكم بس كون القضية وصلت الجرائد و وصلت الى مطالبات و تحدي للقانون, اعتقد النساء يقرون انهن محتاجات للقيادة و هن ادرى مني و منك و انت ادرى مني بالوضع هناك. بس نقاشنا عن "حق" للقيادة, و الحقوق مالها علاقة بمدى احتياجية الفرد للحق, او مدى احتياجتنا لوصول او منع الحق هذا من غيرنا.

ثانيا انت تتكلم عن الاختلاط, القيادة مالها علاقة بالاختلاط. ثالثا حسب علمي المحدود بالشرع, العلماء انكروا الاختلاط مو لانه حرام, بل عشانه يؤدي الى "الخلوة". اذا كانت بالشارع, ما اعتقد راح يكون في حالة خلوة صراحة.. الا اذا راكبة مع واحد بنفس السيارة و بالحالة هذه مو شرط هي تسوق, يعني ممكن حاليا يصير الشي هذا, و هذا يعني ان الخلوة و الاختلاط و غيرها ما لها علاقة بالموضوع.

صراحة حسب ما قريت ببداية البلبلة هذه يوم بدت, ان المشايخ بالسعودية حرموا قيادة المرأة للسيارات لانها ما تناسب امكانياتها الجسدية, هل هذا صحيح؟

و مقارنتك بالعلاقة بين علم الحديث و علم الشرع, بالعلاقة بين طب العيون و طب الجلد ليست في محلها. الاسلام كله منظومة وحدة, الي ينزل محرم في الحديث, لا يمكن يكون محلل في القران. و على فكرة طبيب العيون يقدر يفيدك بالجلد بس مو مثل طبيب الجلد, يمكن هذا الي كنت تبي توصله.

اقتباس :

ومن غير المعقول أني أقدم مثل القرار هذا عشان 10% وفيه رفض تام له..

ليش لأ؟ عطهم الحق. الي تبي تسوق حياها الله, الي ما تبي, ما تشوف شر. شراح يصير يعني؟

فلاح: حبيب والله.

___________________

Sometimes a very small man can cast a very large shadow ~ Varys

الرجوع الى أعلى الصفحة اذهب الى الأسفل
http://www.google.com
Tadaoki
Marquis
Marquis


ذكر عدد الرسائل : 4298
العمر : 23
الدولة : kingdom Of Jin
أفضل مملكة : Jin
تاريخ التسجيل : 14/06/2010

مُساهمةموضوع: رد: قيادة المرأة للسيارة فكرة (سليمة أم خاطئة)....   السبت 13 أغسطس 2011, 2:42 am

ناصر

أجل في نسبة 5%معارضين لقيادة السيارة

أجل حطهم حقهم

واحدة بواحدة

نظام ساهركان يحتاجه 10%فقط

وشوف صار للباقي
الرجوع الى أعلى الصفحة اذهب الى الأسفل
 
قيادة المرأة للسيارة فكرة (سليمة أم خاطئة)....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
أسرار الممالك الثلاث :: الاقسام النقاشية :: القسم العام-
انتقل الى: