The Last Hope" لعبة RPG للمنتدى حصرية "

فيديو بسيط عن اللعبة رافعه لكم ..

https://www.youtube.com/watch?v=dcjUPjbeHKM

زي منتم شايفين الحين انا اعاني من مشكلة التعريب واعتقد ان المشكلة من جهازي ان شاء الله عن قريب باشوف لي مخرج واحلها ..
السكريبت قابل للتعديل انا كاتبه بسرعه بسرعه عشان ارفع لكم الفيديو ..

بالتوفيق .."

مثل ما تشوفون الفيديو رافعه بعضوية المنتدى على اليو تيوب اي واحد حاب يرفع عليه شيء يراسلني على الخاص ..

الله يعطيك العافية يا مصلح على الابداع

الله يوفقك ويعينك على اللعبة ومشكور على جهودك

موفق انشاالله لكن فيه اصوات للعبة

طبعاً فيها اصوات بس انا سجلت الفيديو بدون اصوات عشان المساحة ^^"

ابداع مصلح و توقعت Lu Xun راح يقترح هالخطة هذه بالذات ههههههه

الله يوفقك و ان شاء الله تلقى حل للتعريب.

الاسم Zhangliao

شباب بالنسبة للChapter الأول ما راح يكون فيه قتال راح يكون زي المقدمة .. ان شاء الله من الثاني بيكون فيه .. وقريب ان شاء الله ارفع فيديو عن نظام القتال ..

قريباً راح ارفع صور واحدث الصفحة الأولى في الموضوع ..

ابشركم انتهيت من الشابتر الاول .. او بمعنى اصح نص الشابتر الأول حبيت ارفعه لكم عشان تشوفون المحرك طبعاً هذي المقدمة بالانجليزي للاسف ( اذا فيه اغلاط في الكتابة او طريقة صياغة الجمل يا ليت تعلموني لأني ما دققت كثير في النصوص )" وما راجعتها ..

فيه بعض الاشياء لو قربت منها ممكن تلاقي تعليقات بسيطة عليها طبعاً تعليقات خارجة عن اللعبة " مثل الخريطة اللي في القصر والصحن اللي تغسل فيه العجوز وو الخ ..

طبعاً هالشابتر ما طلعوا فيه الا قليل جداً فيه مكان سري لو دخلته تقابل بقية الشباب طبعاً اضافه بسيطة خارجة عن سيناريو اللعبة ممكن تكشفها بنفسك ..

بإذن الله من الشباتر الجاية يبدأ القتال ..

وإن شاء الله لو لقيت حل حق اللغه اخبركم واعيدها لو كان فيه وقت بالعربي ..

طبعاً هذا الVersion الاول للعبة ممكن تكون فيه اصدارات ثانية احسن فيها الأغلاط والأصوات ..

عز مطير : للأسف الصورة اللي اعطيتني هي ما نفعت حاول تضبطها او انا اسويلك الشخصية بنفس المواصفات .. حاول بأسرع وقت قبل ما ابدأ في الشابتر الثاني ..

اخيراً وقبل رابط التحميل ابغى انطباعاتكم طبعا انا اول مره استخدم هذا المحرك وماني متعود عليه واول مره اسوي لعبة rpg " فتقبلوا الوضع بس ياليت تعطوني السلبيات ..

رابط التحميل : خلوني ارفعها بالأول وبعدين يصير خير .. على فكرها حجمها 50 ميجا تقريباً مع ان الشابتر قصير جداً جداً جداً ..

بالتوفيق

الرابط نص ساعه ويكون عندكم بإذن الله ..

يعني لازم تشوقنا جذيه؟ هههههه ما اقدر انطر مصلح, اجربها و اقولك رايي و ترى اكثر شي مستانس منه ان الشابتر هذا فيه نص و عن القصة اكثر لاني ودي اعرف قصة اللعبة.

بالنسبة للتدقيق اللغوي راح اراجعلك و اعطيك خبر بعد ما ترفعها.

قصة اللعبة مهي مرة واضحة يعني الاسباب مهي موجودة تقريباً ( اسباب الحرب وو الخ )"
واللي قاد الحرب مهو معروف وو الخ يعني هذي تقدر تقول مقدمه لا اكثر ^^"

قاعد ارفعها على الzshare "

الميديا ناسي عضويتي عليه لو تذكرتها على طول بأرفعها عليه ^^"

رابط التحميل : The Last Hope.rar - 51.16MB

مصلح اللعبة تشتغل على الـ VISTA؟؟؟؟

ما جربتها بس اعتقد انها تشتغل .. اذا ما اشتغلت ممكن اجبلك الRTP حق الفيستا ..

- اصحاب الفيستا .. حاول تلعب على المستخدم الاصلي في الجهاز ..
.. حاول انك تدخل على خصائص وبعدين الخيار الثاني compatibility
واختار التشغيل على ..Windows XP (Service Pack2 اذا ما اشتغلت يمكن يكون ما عندك direct x ... حاول تحمله من موقع مايكروسوفت ..

وانا الحين باروح اجرب اللعبة على الفيستا واشوف المشكلة ..

نقلتها لجهاز اكس بي, بس وصلت الى ماستر شينغ و فريت الخريطة مرتين ادوره ما لقيته..؟

الاصوات ابداع ترى و اللعبة تخليك تعيش جوها, اهنيك على الانجاز هذا و منها الى الامام.

في كم اخطاء املائية ترى, لو تراجع النص بالاصدارات الثانية احسن.

ما عليك دام انها املائية تتعدل ان شاء الله ..

هذا تلاقيه عند البئراضغط عليه انتر وادخل ..

اللعبة جربتها على الفيستا شغاله ..بس الخلفية مهي نفسها حقت اللعبة ..

ناصر حملها وقاعد يلعبها الحين غريبة ^^"

على الفيستا بعد ما افك الضغط و انزلها و اشغلها تطلع الشاشة مالت البداية و بعد ما اضغط بداية اللعبة تعلق.

بس جربتها على الاكس بي و مشت معاي, و حلوة اللعبة مصلح و والله بدون مجاملة الفكرة كلها حلوة و استمتعت بوجود اعضاء المنتدى كشخصيات خاصة الي كان لهم دور بالشابتر هذا و كان حلو منك تخليني شخصية تلعب فيها هههههه

منتظر جديدك بأحر من الجمر و نبي ننقذ الامبراطور من ال Unknown ههه و اذا تبي ارسلك قائمة فيها الاغلاط الي لاحظتها قولي و انا ارسلها لك حاضر لان ترى غير النصوص ما شفت سلبيات باللعبة و بالعكس فكرك فكر مصمم العاب بصراحة.

و جاري التفتيش عن الغرفة السرية هههه

تسلم يا ناصر وكويس انها عجبتك .. الunknown هذا ابي الصقه في واحد بس ماني عارف عشان كذا خليته مجهول الا ناوي ان شاء الله اني اضبطه ..

بالنسبة للأغلاط والله ياليت ترسلها لي عشان اعدلها .. وارفعها من جديد على اكثر من سيرفر .."

بالتوفيق للجميع

ملاحظة اعتقد ان مشكلة اللعبة في ملف dll .. اذا تاكدت منها راح ارفعلكم الملف لحال .."

لأن جهازك شوي ضعيف اللعبة تحتاج جهاز متوسط لشتغيلها ..

لان المكان اللي في البداية فيه مجسمات كثيرة ..( وجهازك ما يتحملها )"

تم تحديث الصفحة الاولى ..