اعذار Cao Cao لمعاركه

ياشباب كل واحد يحط خطأ ل Cao Cao ويجي واحد يقول عذره
وانا القاضي اقول اذا كان العذر مناسب وبعدها نشوف خطأ ثاني
شايف نفسي هههههه

الهمة ياشباب

انه كان متهور اول ماقاد جيشه

احد يرد عليه

اقتباس :: انه كان متهور اول ماقاد جيشه

طبيعي لأنه كان شاب و يبي يحقق طموحه

لكن كلام أخونا معاذ صحيح و الدليل خلال معركة التحالف ضد Dong Zhuo كان بطيح في فخ القائد Xu Rong

لولا الله و من ثم Cao Hong و Xiahou Dun كان في خبر كان

بس ترا أقولها للمره الثانيه شي طبيعي و لو كان حد مكانه راح يسوي نفس الشي و يكون متهور

لأنه شاب و أستلم كتيبه تابعه من عائلته و أصدقاءه و يبي يترفع فيها لطموح العالي و يوصل أعلى المراتب بها

كل قائد له مواقف مشابهه أو قريبه من هالموقف طاح فيها أمثال Sun Jian و Sun Ce و غيرهم

دمتم بحب

(( تــــــــــحياتـــــــــــي ))

محكمة قررة المحكمة حضوريا بأن غلطته 50 بالمية ومبرره 50 بالمية
احد عنده خطأ من Cao Cao

Cao Cao ساعات يتهور و يستهتر, و ساعات يكون حذر زيادة على اللزوم.

صراحة ما اعتقد حركته قدام Xu Rong فيها تهور. المثال الصحيح للتهور هو تصرفاته في Wan Castle, او يوم هاجم Liu Bei و غامر بكشف قواته امام Yuan Shao الي ضيع الفرصة من امامه.

و ساعات واجد نشوف انه حذر , بس هذه بعد ما كون نفسه مو ببداياته.

احد يدينا موقف ؟

يوم جاء بيسوي مثل طارق بن زياد يبي يشجع جيشه وحرق البوابة عشان يرفع معنوياتهم , بس جاله Gao Shun وهاجمه مباغت واحترقت يد Cao Cao اليسار , بس حتى ولو Cao Cao كان شاب وطبيعي مثل الشيء هذا يصير له ..(الموقف قريته من زمان لذا ممكن يكون فيه خطأ صغير )
الموقف نفسه حصل مع Sun Jian لاحق العمائم ورموه بسهم وسقط جريح , حصانه راح للمعسكر وقعد يضرب بالأرض بحوافره , تبعوه أفراد الجيش ولقوا Sun Jian موجود بين الحشائش مصابا ..
الشاهد الكل تجيه مثل الأمور هذي , الشاب دايم يغتر بنفسه وهذا طبيعي .

اقتباس :: الموقف نفسه حصل مع Sun Jian لاحق العمائم ورموه بسهم وسقط جريح , حصانه راح للمعسكر وقعد يضرب بالأرض بحوافره , تبعوه أفراد الجيش ولقوا Sun Jian موجود بين الحشائش مصابا ..
الشاهد الكل تجيه مثل الأمور هذي , الشاب دايم يغتر بنفسه وهذا طبيعي .

معليش بعلق تعليق بسيط على هذا الموقف

أنا إللي أعرفه في معركة العمائم أنه Sun Jian أول واحد من قوات التحالف و قوات الـHan

صعد السور إللي فيه داخله العدو بنفسه مع كتيبته إللي هم Huang Gai و Han Dang و Cheng Pu و غيرهم

إللي أصاب في معركة العمائم هو Liu Bei مو Sun Jian يمكن لخبطت يا بو عادل ؟

و هجوم Gao Shun كان هجوم أنتحاري لذا ما ألوم Cao Cao على أنه لم يتوقعه

دمتم بحب

(( تـــــــــــحياتــــــــــــي ))

Sun Jian و Liu Bei اثنينهم اصيبوا في الحملة, بحدثين مختلفين. كلام بو عادل سليم حسب الـ ZZTJ و كتاب جنرالات الجنوب.. و يمكن سيرة Sun Jian اذا ذاكرتي صاحية..

اقتباس :: و هجوم Gao Shun كان هجوم أنتحاري لذا ما ألوم Cao Cao على أنه لم يتوقعه

بالضبط اتفق معك, فكرته كانت نظريا حلوة بس Gao Shun ابدع بهجوم انتحاري هو متعود عليه.. فـ Cao Cao ما سوى شي غلط.