السلام عليكم
بسم الله الرحمان الرحيم
رح ابدا هذي نكت باللهجة الجزائرية انشاء الله تتمكنوا من فهمها
قال الشاعر في مدح اللوبيا إنها لعظيمة
ومشبعة للقانع فبالنهار منافع و بالليل مدافع
زوز راحو لبحر واحد عام واحد عامين
واحد نوض مرتو ديمارات بيه
واحد جا يوكل محامي لقاه صايم
واحد ضرب دورة شكات بيه
واحد كحلوش في القسم راح التريسيتي كتبوه غايب
مرة واحد ديما يدوبل يوم علقو النتائج قال لصاحبه اذا مجبتش المعدل في مادة قلي محمد يسلم عليك اذا مجبتش في زوز قلي محمدين
يسلموا عليك و هكذا... كشاف صاحبه و رجع قاله امة محمد تسلم عليك
المعلم:مامعنا كلمة سبيل. الطالب:طريق.. المعلم:ممتاز.. والأن ما معنا كلمة (سلسبيل) الطالب: طرطريق.
كاين زوز ركبوا تاكسي واحد ساق والاخر جذور
زوز مهابل هربوا من مستشفى المجانين ركبوا سيارة الاول قال الثاني دور على اليمن قالوا الثاني دور انت راني نسوق
واحد مجنون راح لجنازة قام يخطب عليهم قالهم الانسان كيما بني ادم اذا مات يتوفى.
واحد مجنون قال لخطيبتوا تعرفي القمر شحال بعيد قاتلوا ايه قالها حتى ريحت رجليك توصل ثم
أيا قالك وحدة فاتت على راعي , قالتو _ عمو Bonjour بونجور _ قالها : يبنجرك بالخير بنتي
أيا قالك واحد راح مصنع انتاج مركبات كيميائية , لقى صهريج فيه حمض الكلور
, حب يعرف وش هو الأسيد , دخل يدو ثمة , كي خرج مالقاش يدو ؟؟؟ آو(ذابت
في الحمض ) ؟ داخ , زاد لاح يدو الأخرى وخرجها مالقاهاش ؟ أيا لاح راسو
يحوس عليهم
زوز تزوجو , وبعد 20 سنة زواج المرأة حملت , ما تفاهموش , هو قالها نسميه
خير الدين , وهي قاتلو خير الله , المهم , كي ولدت طفل خرج
صغييييييييييييييير سماوه " خير من بلاش
واحد طويييييل شرب حليب ومبعد مات , علاش ؟ الحليب انتهت مدة صلاحيته قبل ما يوصل لكرشو
قالك كاين زوز
واح يقول احنا فالنهار ولاخر يقول احنا فالليل
وبقاو هكاك
لقاو واحد سقساوه:
خويا حنا فالليل ولا فالنهار
قالهم اسمحولي ما نسكنش هنا
واحد حب يشري سروال لوبيا مالقاش شرى سروال عدس