Dynasty Warriors 7

والله توقعت خبر داينستي السابع راح يجيب نشاط, يالله شباب كل واحد يقول شنو يبي شوف, شنو يتوقع, منو تتوقعون الشخصيات الجديدة و ليش, الخ..

اتمنى يرجون البوديقارد مثل اول يعني ثمان حراس

وكذلك ما يبالغون بالاسلحة

اقتباس :

يالله شباب كل واحد يقول شنو يبي شوف

اشكال محترمة للشخصيات

اقتباس :

شنو يتوقع,

اضافة طور Conquest و امكانية اللعب بالجنود

اقتباس :

منو تتوقعون الشخصيات الجديدة

ما يهمني لأن بعد الي شفته ما يهمني الشخصيات الجديدة لو اللعبة استمرت على النحو ..

ملاحظة الصورة الي انتو حاطينها ترى مكتوب فيها 6 واللعبة 7

انا ما اتوقع يضيفون احد لانهم ما قد اضافو احد من الجزئ الرابع ثم الخامس الى السادس

اقتباس :

اتمنى يرجون البوديقارد مثل اول يعني ثمان حراس

ياليت يرجعون ايام الثالث والرابع كانت حلوة مرة فكرت الجنود التابعين

اقتباس :

و الله ملينا من Zhao Yun كرهوني فيه في اللعبة ما العبة ابد حتى في Story ما اقرب منه يمكن يعض خخخخ

اقتباس :

منو تتوقعون؟ اتوقع نفس الشخصية الي ملينا منها ببداية كل الاجزاء, Zhao Yun هههه

لاتعليق على التعصب وكره مملكة Shu كالعادة

هذا بالياباني .. الجزء الاول كان اسمه غير بالياباني عشان كذا صاروا يحسبون من الثاني على أنه الجزء الاول وهكذا
غير النسخة الانجليزية ..

سالفة الحراس ما تفرق معاي "

بالتوفيق"

اقتباس :

لاتعليق على التعصب وكره مملكة Shu كالعادة

ههههه مو تعصب, بالعكس ترى احب Zhao Yun بس ما يصير كل جزء يكون هو اول واحد ينحط لازم يكون في تغيير شوي..

على العموم , في شخصيات اضافية راح تكون باللعبة و في صورة لشخصية اضافية موجودة بالصفحة الي طافت و موجودة بالموقع.

شدعوى وانا اخوك امزح بس دايما اشوف الكره باين من كلامكم على Shu ولا انا من Wu

طيب تسمحلي استخدم الصور الي حاطهم في الموضوع Please

هههههه


كتوقيع و صورة رمزية؟ خذ راحتك هذه صور من كوي نفسهم مو من شغل ايدي.

انا راح احطها كصورة شخصية وشكرا على الاذن

مشاء الله عليك شهتحطيم القوي حرام عليك

بس صدقت هل الاشكال ماتعجبني فاشل اشكال مبزره داخلين حرب اشكال رومانس افضل مليون مره من اشكال داينستي وياريت يرجعون نظام الجنود الي قبل ويعطيك العافيه يا ناصر على الصور

واهم شيء شكل شاهدون تحفه ههههههههههه ماني قادر اتحمله قصت شوجي هههههههههههههههههههههههههههههههههههههه الله يقرف وجه

اهم شي العبة يكون نفس الاجزاء اللي قبل مو السادس أو يغيرون بالعبة كلها

صحيح هل هذه اشكال محاربين
كل ما علينا فعله هو الانتظار ان الله مع الصابرين

بس يا عبد الرحمن ما ننكر أن هالسلسه هي إللي عرفتنا بالممالك الثلاث


و لنا ذكريات فيها مثل الجزء الثاني و الثالث


صحيح الأشكال مو أشكال محاربين لكن عطونا أجواء المعارك و الخطط و المهام


المفروض تفرح أنت بذات و الشباب الباقين تدري ليش ؟


لان مخلين مملكة Shu البطله و مملكة Wei الشريره و مملكة Wu الخاينه ما فيها شرف ههههههههههه


أنا ودي أنهم يمددون التاريخ ما يوقفون عند He Fei القلعه بس


يمددونها لين مملكة Jin بس هذا إللي أبيه حتى لو كانت تتبع الروايه المهم نستمتع في الممالك الثلاث و اللعب


دمتم بحب


(( تـــــــــحياتـــــــــي ))

اتمنى ان يحطوا طور conquest واضافة شخصيات اكثر من قبل والحراس شئ حلو

إيه والله صادق نبغى يكملون إلى Jin لكن الله يعينهم على المراحل شلون بيرتونها المرحلة مثل Cao Cao من أول معركة العمائم الصفر إلى Han Zaong و Zhuge Liang من Chang Ban إلى Wu Zhang Plains وأتمنى لو يضيفون بعض المعارك اللي ما جابوها بأي سلسلة مثل :معركة Baowaing اللي بين Xhihuo Dun و Liu Bei ومعركة Chang Shu اللي بين مملكة Shu وHau Xuan ومعركة Jiang Liang اللي بين Cao Ren و Zhuo Yu

ما أعجبنا لأنه مكثرين السحر فيه والخيال

اقتباس :

اتمنى ان يحطوا طور conquest

مثلي الي اتمناءه

لكن مع الاسف كوي تطنش الاقتراحات

الهذلي: لكن داينستي هذه راح تنزل بعد سنتين من داينستي السادس, معناتها حسب كلامك راح تنجح. و داينستي السادس نزل بعد سنتين من الخامس, ولا انا غلطان؟

و بخصوص ريزيدنت ايفل 4, ليش فشلت فشل ذريع؟ ادري ان في ناس واجد يكرهونها صح, لكن اللعبة جابت ارباح اسطورية و في ناس حبوها و عشان جذيه نزل الحزء الخامس على نفس النظام و هم نجح نجاح كبير و نزلوا له اصدار خاص و هم نجح.

على العموم بخصوص التصاميم, صراحة مو عاجبتني لكن خلاص تعودت على السالفة من الجزء السادس.. و ساموراي و غيرها.

على فكرة ترى انا متحمس لثلاث اشياء:
- شخصية Wei الجديدة.
- ان اللعبة حصرية على البلاي فراح تكون قوية.
- اخر العاب كوي مثل ساموراي 3 و غيرها تبشر بالخير ترى.

نتمنى عودة لوبو الحقيقية
يوم يطلع موسيقته الخاصة
تروح تهرب منه

وليس مثل السادس هو اللذي يهرب

لوبو بالجزء السادس ضعيف اما الاجزاء السابقه مره قوي هههههه تذذكرني اول ما اشتري ديناستي كان 4 ما كنت اعرف لوبو ههههه قتلني بسرعه وكان لازم بكل مره اهرب منه كنت بس اروح لقائد المعركه واقتله
الجزء السابع يا ليته يصير مثل الجزء الرابع مع تغيرات او الثالث مع تغيرات
بس الشركه ما همها الا فلوس ولا ما عليها من الناس

اعلنت شركة KOEI ان جزءا كبيرا من الاخبار سيكشف يوم 26 من شهر اكتوبر.

حلو ننطر الأخبار إن شاء الله


الله يوفقهم


إن شاء الله تكون بالمستوى المأمول له


دمتم بحب



(( تــــــــحياتــــــــي ))

لا مو نقزه ولا شي الظاهر انه رسمي بس عساهم يغيرون طريقة اللعبه

خبر جديد, لعبة Dynasty Warriors 7 راح تكون حصرية للبلاي 3 في اليابان فقط. يعني ممكن تنزل نسخ على الاكس خارج اليابان.