قصة : ليلة اختطاف ناصر

بعد مرور 11 عاما اي في عام 2022 كبر اعضاء المنتدى في العمر فمنهم من عمل اختصاصي كهرباء و منهم من ترقى الى رتبة عقيد و منهم من عمل مهندس معماري .

قرروا الاجتماع في مجلس ناصر " الذي اصبح فيما بعد مدير للمنتدى " الكائن في دولة الكويت .

=============================================================================================

راشد : الو .
؟؟؟؟ : راشد
راشد : Yes , Can I Help You
؟؟؟؟ : بطل عبط و تكلم من الناس
راشد : خلاص يا وليد
وليد : متى بتوصل للكويت ؟
راشد : يا ولد الحلال توني واصل و ادور لي تكسي
وليد : اصبر انا و تركي و مازن و مصلح جايينك
راشد : ثركم وصلتم قبلي !
وليد : واصلين من ساعتين , و قعدنا ساعة ننتظر في طيارتك لتوصل المطار .
----------------------------------
بعد مرور 20 دقيقة

تووووط تووووط
( راشد نايم على كرسي و لاف الغترة على راسه )
تركي : رايح اصحي ذا النايم (يمسك تركي كوب الماء الي في يده و يكبه)
راشد : اصبري يا حرمه توني جاي من الدوام ( يحاول يرجع للنوم)
تركي : يا ابو الشباب قم من النوم توها القايلة
راشد : يا بوسيف يقولون السلام عليكم , الحمد لله عالسلامة , مب تيني مثل الحرمه تكب الماي علي .
وليد : اقول اركب ترا يومنا هذا كان زاحف
(يركب راشد السيارة و معاه تركي)
راشد : اقول وليد , سعود ما جا معك ؟
وليد : خليته يحوم مع خوياه احسن

(يرن تلفون مصلح )

مصلح : الو , ايوه , ايوه , نعم , دقيقة و نكون عندك
تركي : من كان معك ؟
مصلح : هذا فلاح يقول نقابله عند مطعم ابو صويلح
وليد : انا وش الي يعلمني وين ذا المطعم !
مصلح : يقول جنب محطة البترول الي جنبها بنك الخليج الموحد
راشد : وليد على يمينك بنك الخليج الموحد , و هذيه شيشة البترول

(لقوا فلاح في مطعم ابو صويلح و اخذوه معهم)

راشد : يا جماعة الخير السيارة غدت زحمة , متى نوصل ؟
فلاح : وليد لف على يسارك تلاقي بيت ابيض جنبه كراج فيه سيارة كامارو 2020
وليد : لقيت البيت .

(يطلعوا من السيارة و يروحوا يدخلوا من المجلس)

راشد (يدق الباب) : هود , هود ياهل البيت !

(تمر 3 دقايق و محد يرد)

فلاح : ماني منطمن للي يجري
وليد : خير , ليه مو مطمن ؟
فلاح : لأن ناصر مو من عادته ما يفتح الباب لربعه
مصلح : لا اله الا الله , الساعة 10 بالليل و ين بنلاقي لنا فندق ننام فيه
راشد : ناصر قال مجهز لنا الميلس , ترا كل شي مدبرنه وياه
تركي : اسمعوا شباب في صوت داخل

(دق دوم بخ دوووف)

وليد : وش ذا ؟
مصلح : شكله في شي يحصل داخل
راشد : وخروا , وخروا بكسر الباب ,

(بعد ما كسر راشد الباب)

-

-


-

-

-

-



وليد : من هم ذول ؟
مصلح : يا صبي انت و هو , بابا وين ؟
العيال : في الديوانية
راشد : عيل باب الشو الي انا كسرته ؟
العيال : باب بيتنا , انت حرامي ؟
فلاح : اسفين , اسفين
العيال : بابا في المجلس معاه واحد مطوع و واحد يشبه الي يطلعوا في المسلسلات التركية .
تركي : ههههه , مشعل و حمد .
راشد : شكله ذاك الميلس , يلا خلونا نسير .

(بعد ما وصلوا الشباب لباب المجلس)

فلاح : راشد شوي شوي لا تكسر الباب
مصلح : في صوت داخل !
راشد : ما بكسر الباب انسوا
وليد : ايه في صوت

(امممم اممم امممم )

وليد :وشو ذا بعد
راشد : تعالوا يا شباب الدريشة مفتوحة
مصلح : راشد ادخل منها و افتح الباب

(يدخل راشد من النافذة و يفتح باب المجلس)

راشد : تعالوا الصوت ياي من هني

(يلاقوا غرفة صغيرة في اخر المجلس)

مصلح : تتوقعوا شو داخلها ؟!
فلاح : نعرف يوم نفتحها ......

----------------------------------------------
انتظروا المقطع الثاني من ليلة اختطاف ناصر

بدآية موفقة وحلوة يآ رآشد والجآيآت أفضل

كفوووووو راشد


ليش تاخرت في كتابه هذي القصه



الله يوفقك و ان شاء الله تكملها برعه و تكتب غيرها بعد ^^



راشد لا تتاخر و تخلي التكمله بعدين نبيها بسرعه ^^


وشكرا...

ناصر مسكين ياخي , بكل القصص هو الضحية هههههه


بالتوفيق راشد و اسلوبك فعلا يشد.. الاهل ينادوني على السحور و انا اقرا قصتك. ان شاء الله نشوف الفصول الجاية قريب, بعدين الشباب بالقصة ترى المفروض يدرون ان ناصر فيه بلى لانه ما استقبلهم بالمطار >> يا روحي يالاصيل انت

لحظة لحظة لحظة انا اشبه الممث التركي؟؟؟؟<<<<< منو الممثل ؟؟؟



راشد لا يكون جايب العيد فيني




و نضل ننتظر الفصل الثاني ^^



وشكرا...

قصة ممتازة جدا وأتمنى ادخالي بها..

اقتباس :

لحظة لحظة لحظة انا اشبه الممث التركي؟؟؟؟<<<<< منو الممثل ؟؟؟

.....

----------------------------------------------------------------------------------
تركي : بسم الله الرحمن الرحيم

(يفتح تركي الباب)

راشد : يا شيب عيني شيباه
وليد : ههه , من متى تتكلم مثل العوامر !
راشد : هذيل حمد و مشعل مربوطين من ريولهم و معلقين في المروحة !

(يسرعون يفكوا حبالهم و ينزلوهم من المروحة)

حمد : من انتم , من انتم !
فلاح : بعده متأثر بالقذافي , ههه
وليد : يا خبل شيل الربطة الي على عيونه

(يشيل فلاح الربطة الي على عيون حمد و مشعل)

وليد : ناصر وين و من الي سوا هذا فيكم ؟!
مشعل : يوم كنا قاعدين عند ناصر نلعب PES 2021 دخلوا علينا ناس ملثمين ....
حمد : دخلوا علينا ملثمين و مسكوا مشعل من لحيته و انهالوا عليه بالضرب
راشد : الحين اتخبرك حمد , انت كيف وصلت لرتبة عقيد و خلبوك كم من لوتي ؟!
حمد : فلعوني بحصا
مصلح : و ناصر شلون خطفوه ؟
حمد : و الله مدري , انا رنعوني بحصا و مشعل غاب عن الوعي
تركي : تعالوا , حصلت رسالة تحت PS9
وليد : وش مكتوب بها ؟
تركي (يقرأ الرسالة) : انتوا يا اعزاء الممالك الصلاص , تسرقين مينا مهلومات من سنين تويل , الهين اهنا امسك
راس كبير مال انتم , انا بيسوي مساعدة مشان انتا مشان اقدر حصل وكر مال عصابة حق انا .
انتا لازم اتبع كلام مال انا ..

1- تروحين الى برجر كينغ مال شارع خليج
2- تسألين عن واحد اسموه مالتمان
3- هو بيخبر انتا عن ستيب جديد

GOOD LUCK

Koei .

(يترجم مشعل الرسالة)

مشعل : انتوا يا اعضاء الممالك الثلاث , تسرقون مننا معلومات من سنين طويلة , الان قبضنا على مخططكم و رأسكم الكبير , سوف اساعدكم لتصلوا الى وكر عصابتي , يجب ان تتبعوا المعلومات التي سأعطيها لكم ..

1- تذهبون الى برجر كينغ في شارع الخليج
2- تسالون عن شخص يسمى مالتان
3- و هو سيخبركم عن الخطوة التالية

حظا طيبا

Koei .

مصلح : يعني تريد تقولي ان Koei هي المسؤولة عن اختطاف ناصر !؟
مشعل : هذا الواضح من الرسالة
مصلح : طيب ايش نسوي ؟
راشد : نروح لبرجر كينغ في شارع الخليج
حمد : لازم نفترق لمجموعتين , راشد و مشعل و وليد معي و تركي و فلاح و مصلح في سيارة

(يطلعوا من المجلس مسرعين للشارع)

حمد : يلا توكلوا على الله و الي له امانة يردها , و الي له عيال يوصي عليهم احد و ...
راشد : فال الله و لا فالك , حنا سايرين نموت و لا ننقذ ناصر
حمد : لا , بس احاول اعيشكم الجو
مشعل : علاكم تسولفون ! اسرعوا ما عندنا لحظة نضيعها .

-------------------------------------------------------
انتظروا الفصل 3

كالعاده راشد متالق



و كالعاده ننتظر الفصل الثالث ^^



وكالعاده وشكرا...

ههه خوش لهجه لهجة شركة koei ، و مثل ما قالوا الشباب قبل ننتظر الفصل الجديد =]

عجبتني راشد ممكن تدخلني بالقصة

الفصل الثالث

-----------------------------------
بعد توجهه الاعضاء الى شارع الخليج , لقوا في طريقهم مشاجرة بين بعض الشباب و شخص ليس بغريب عليهم
نحيف و طويل القامة , مربي شنب (حلوه مربي :D ) مائل وجهه الى السمره القليلة .

مصلح يتصل على راشد ....

مصلح : هذا الي واقف هناك شكلو ما غريب علي !
راشد : تقصد هذاك الي يضارب ؟
مصلح : ايه
(فلاح يمسك التلفون من عند مصلح و يقول ...)
فلاح : هذا سليمان الي هناك !
راشد : اي واحد فيهم ؟
فلاح : سليمان المطيري !
(ينزل مشعل من سيارة حمد و وجهه مشتدد الحمره)
مشعل : انتوا يا جلاب , تضاربون واحد من ربعنا !
تركي (يصارخ من السيارة) : تعال و انا اخوك بيقتلونك
مشعل : ما علي منهم , انا اربيهم
(قبل ما يوصل مشعل لسليمان ...)
ينقز سليمان في الهوا و يعطيهم ضربات برجليه و يشدد ضربات في اماكن خطيرة في اجسامهم.....
راشد : انا اشهد انه متأثر بـ Tekken .

يروح سليمان لعند مشعل و هو مذهول , يمد سليمان شنبه و يقول : تأخرت يا ابو الشباب , خخخخ
يعصب مشعل و يريد يعطي سليمان شوته .... ينقز سليمان و يروح ورا مشعل و يقوله : الهدوء سلاح الفوز
مشعل : اقول اركب معانا بس

( بعد ما ركب سليمان معهم فهموه السالفة كلها , و فكر لهم بخطة )

بعد مرور 15 دقيقة ... , يصلون الى برجر كينغ في شارع الخليج ...

يدخل سليمان المطعم بكل هدوء و يجلس على الطاولة و يطلب له وجبه Combo ....

سليمان (بكل هدوء و رافع صوته): ما عندكم واحد اسمه مامان ؟

لا يرد احد ........

تركي يكلم سليمان عبر سماعة البلوتوث الي في اذن سليمان , تركي : مالتمان , مالتمان لا تفشلنا

سليمان : ما عندكم واحد اسمه ماطمان ؟

يسمع سليمان صوت اتي من حمام الرجال ...
مالتمان : انتي يا خبله قولي مالتمان مافي ماتمان , مافي ماطمان انا في مالتمان
سليمان : انت الخبل الي اختطف بو بدر ؟!
مالتمان : انا مافي شلي راس كبير , انا مساعد في العملية , و لا تقولي علي خبله يا خبله
سليمان يرمي صحن الوجبة على وجهه مالتمان و يقوم يشدد له ضربة في بطنه برجله ...
مالتمان : ههه , انتي فكر انا مافي مشتعد مشان زرابة (ضرابة) , يا شباب تهالوا يلا

يظهر من المطبخ 5 من اتباع مالتمان و على صلعتهم علامة Koei .....

سليمان (و هو يصارخ) : الطير ظهر من عشه , اكرر الطير ظهر من عشه

الشباب يسمعونه عبر التلفون ...

راشد : هذا يهذرب شو يقول ؟
تركي : هذي الاشارة (يمسك تلفون راشد و يتصل على حمد ) حمد اظهر انت و مشعل الطير ظهر من عشه
راشد : انا اسير و لا اتم عندك ؟
تركي : لا انت روح عندهم و انا و فلاح بنقى نأمن السيارتين
راشد : وليد وينه ؟!
تركي : دخل مع سليمان و لا سمعنا له حس

في هذه الاثناء في المطعم ...

مشعل : اوقلكم تركوني لألعن والديكم
مالتمان : انتي فكرتي تقدرين تهزموني ! انا مالتمان
حمد : لو برطمان و الله نغلبك

(مالتمان يصفع حمد ) مالتمان : انتي يا خبله تفكروني تقدرين تغلبوني !؟ هههه انتي خبله و الله

-----------------------------------------------
انتظروا الفصل الرابع ..

اقتباس :

يظهر من المطبخ 5 من اتباع مالتمان و على صلعتهم علامة Koei .....

ههههههههههههه هذه تموت من الضحك هههه

الله يوفقك راشد بالقصة و استمر الى الامام!

بس الظاهر اخذت فكرة KOEI خطفت ناصر من كذبة ابريل الي طافت ها؟ هههه

هههههه

رهييب رآآشد

انت ومآلتمآن حقكـ ذا بالتوفيق وإلى الأمآم

@@"


الفصل ممتاز و رائع بس تحرقنا اسبوع على الفصل الرابع اطلع حرت برطمان عليك @@"



الفصل ممتاز و رائع بكل ما تحمله الكلمه من معنى



و في انتظار الفصل الرابع



وشكرا...

الفصل الرابع
--------------------------------------
(بعد ان ربط مالتمان كل من مشعل و راشد و حمد و سليمان بالحبل و علقهم بالمروحه)
احاط جميع رواد المطعم بمالتمان يريدون مشاهدة هذا الحدث .........

مالتمان : انتي يا خبلات الخبل روحي من هني يلا .. يلا :P

(في لحظة اختفى جميع الرواد و الزبائن الا .. بقي ليكمل طعامه)

مالتمان : انتي شو يسوين مني يا خبلة ؟!
؟؟؟؟؟ : اسكت و لا اضربك
مالتمان : شو تسكتيني يا خبلة !
؟؟؟؟ : ما بدي اطلع خلئي فيك
مالتمان : قولي قسم و الله
؟؟؟؟؟ : هسا توخر عن طريقي و لا اربيك
مالتمان : خخخخ , انا اربيك يا خبلة
؟؟؟؟ : خطوة وحدة بس , اطلع مخك من راسك
حمد : يا معود انت من ساعة تهدد , تصرف
؟؟؟؟ : هسا بدك تسكت و لا اشغل المروحة
مالتمان : ما في كركركركر انتا حرمه و لا رجال
؟؟؟؟ : هسا بفك خلئي فيك
مالتمان : بس بس يلا سيري بيت مال انتي
؟؟؟؟ (يروح فوق الطاولة و يطلع من جيبه مشرط) : هسا بدي ارتكب فيك جريمة !
مالتمان : يلا خبلات (اتابع كوي) هزوووم
؟؟؟؟؟ : و الله لا اطلع من راسك الدم
(يمسك واحد منهم و يشخط بالمشرط على راسه)

تابع كوي (يجري الى مالتمان) : بابا !! ....
مالتمان (يمسك التابع و يلصقه بالجدار) : وخري من تريجي يا خبلة ..
الحين انا اراويجي يا خبلة الخبالات
؟؟؟؟؟؟ : و الله لأحط السجينه في بطنك

.....تك تك تكتكتكت طااااااخ (طاحت المروحة بسبب الوزن)

راشد : ول ول ول وليت انت و رمستك هذي قاعد تتساب مع الهندي لين ما طحنا يا رامبو
سليمان : يبا انت منو ؟
؟؟؟؟ : انا ...

(يدخل تركي و مصلح من الباب)

تركي : ها بشروا وش سويتوا ؟
راشد : يانا رامبو و تم يسولف مع مالتمان لين ما طحنا من المروحة
تركي : وش وصلكم للمروجة ؟!
راشد : سالفة طويلة اخبرك يوم نطلح

مشعل (يمسك ؟؟؟؟ من رقبته و يرفعه لفوق) : تخبرنا انت من و لا نجلتك .....
مصلح : روق المنكا يا ابوي و هدي اعصابك نفهم وش صاير
؟؟؟؟ : بهسهولة عرفتكم و ما عرفتوني !
سليمان : لا يبا, تحجا من انت ؟
محمد (يشل النظارة الشمسية و الكاب) : انا محمد الشيخلي

(بعد ما اعلموه بقصة اختطاف ناصر)

محمد : شو بدنا نعمل ؟
راشد : سهلة ابوي , نتريا الطربان لين ما ينس من الرقاد و نتخبره
مشعل : لالالا .... (يقوم و يجيب دلو من المطبخ و يكبه على مالتمان) ... الحين تخبرنا وين ناصر و لا العن والديك
مالتمان (يمد يده لجيبه و يطلع رسالة) : اندوكي يا خبلات هذي , خبلات و الله ... (يرمي مشعل الدلو على مالتمان و يغمى عليه)

الرسالة :
يا اعزاء الممالك الزلاز تعالوا الى بيروط و ادخلوا فندك ذا مون و انتزروا مناك 5يوم ويجيكم .....

مشعل يترجم :
يا اعضاء الممالك الثلاث , تعالوا الى بيروت و ادخلوا فندق The Moon ذا مون و ابقوا هناك مدة 5 ايام و سيمر عليكم .....

راشد : منو بيمر علينا ؟
مشعل : خلصت الرسالة
مصلح : يلا شباب , بيروت
حمد : وليد وينه ؟

(تشششششش .... يفتح باب الحمام)

وليد : هذا وش طيحه ؟
راشد : انت سر اركب السيارة و في الطريق اخبرك

................................

(في الطريق)

حمد : شوفوا شباب كلمني تركي و قال نروح المطار و ناخذ اول طيارة على بيروت , هو و مصلح و فلاح و محمد سبقونا عالمطار و الطيارة بتطير بعد نص ساعة ....
مشعل : الزبدة
حمد : وراكم شي تسوونه ؟
راشد -مشعل : لا
وليد : ايه , بعدني ما انهيت انمي سجن deadman wonderland
حمد : نقول بسم الله و نسير ناخذ تذاكر قبل ما تطير الطيارة

--------------------------------------------
يتبع الفصل الخامس

حسافه ما ضربت برطمان


ماعليه خيرها في غيرها



كالعاده ابداع في ابداع (بس يا معود هذي حلوه ^^)


وشكرا...

الفصل الخامس

------------------------------------------

بعد ما سجبوا الشباب تذاكر على بيروت , ركبوا الطيارة و مضوا في رحلتهم الى ان وصلوا بيروت , حمد اخذ كل من وليد
و راشد و مشعل بسيارة و تركي اخذ معاه فلاح و محمد و سليمان ومصلح بسيارة .....

راشد : الو
؟؟؟؟؟؟ : السلام عليكم
راشد : و عليكم السلام
؟؟؟؟؟؟ : راشد وينكم ؟ وصلتم بيروت ؟
راشد : ايه نحن في الطريق للفندق الي خبرتك عنه
؟؟؟؟؟؟ : طيب ابيك تمر علي ابيك بسالفة ضرورية
راشد : انزين وينك ؟
؟؟؟؟؟؟ : انا بسوق قريب من الفندق اسمه مون مول
راشد : زين زين , بنيك انا و وليد و حمد
؟؟؟؟؟؟ : طيب عجلوا عجلوا





حمد : من كان معك راشد ؟
راشد : هذا مازن يريدنا في موضوع
حمد : وش موضوعه ؟
راشد : قال يخبرنا يوم يشوفنا
حمد يتصل على تركي و يقوله ...
تركي : ما عندي مشكلة حنا بنروح نحجز في الفندق
راشد (يقطع المكالمة بين الاثنين) : حمد وقف ابا الزوية
حمد : نعم ؟!
وليد : اعتقد انه تعبان من السفر
راشد : وقف ابا الزوية
حمد (بعد ما وقف السيارة) : شو تريد تسوي ؟
(راشد ينزل من السيارة و يجري لأقرب مكان غير مكشوف)
(بعد مرور 15 دقيقة)
وليد : ذا وش عنده , اخرنا هذا الرجال
راشد (بعد ما وصل للسيارة) : يلا خلونا نكمل المسير
(وليد و حمد ينظرون اليه بكل غضب)

بعد ما وصل كل من تركي و فلاح و سليمان و مصلح و محمد الفندق ....

موظف الاستقبال : خيي بدك غرفة درجة اولى و لا تانيه و لا تالته ؟
تركي : الدرجة الاولى بكم ؟
الموظف : بـ 100 دولار لليوم للـ 5 افراد
مصلح : بلب شكلك
تركي : !!! طيب الثانية ؟
الموظف : 70 دولار للـ 5
مصلح : بلب شكلك
تركي : و الثالثة ؟
الموظف : 30 دولار للـ 5 افراد
مصلح : حلو
تركي : طيب كم غرفة درجة ثالثه ؟
الموظف : غرفتين و مطبخ و صالة
تركي : طيب عطنا درجة ثالثه و الله يستر
سليمان : شنو ؟! بنعيش درجة ثالثة !!
محمد : هسا بدك تعيشنا في غرفة ؟ !!
تركي : كلها 5 ايام بس

في هذه الاثناء مع حمد و راشد و وليد .....

راشد : الو مازن حنا في المول وينك انت ؟
مازن : تعالوا بعجلة انا بمطعم اسمه كافي كيف
راشد : اشوف المطعم و اشوفك ترمس من التلفون , يلا برايك

بعد ما وصلوا لمازن في المطعم و سلموا عليه


راشد : خير يا طير شو السالفة ؟
مازن : اشرف على الطاولة على يمينك
(يمد راشد راسه و يطالع الطاولة الي على يمينه)
راشد : تقصد الطاولة الي قاعدة عليها البنت ؟
مازن : ايه
راشد : بلاها ؟
مازن : اري ....
راشد : شو تريد ؟
مازن : اررر....
راشد : شو ... ؟
مازن : اشا اخطبها
(وليد يطلع العصير من فمه)
وليد : وش ؟ وش ؟ تريد تخطبها ؟
مازن : ايه اريد اخطبها
راشد : و تشانا نخاويك عشان تخطبها ؟
مازن : لو تكرمتوا
راشد : اعتبرنا انا ووليد معاك
حمد : و انا مب معبي عينك ؟
راشد : نريدك تسير عندك تركي و غزوه
حمد : رجلي على رجلك

(طلعوا من المول و دلهم مازن على بيتها)

حمد : انت شنو عرفك ببيتها ؟
مازن (بكل خجل) : متعرف عليها من سنين و نوينا ننخطب
حمد : طيب هي من وين ؟
مازن : من المملكة
وليد (بكل استهزاء) : و انت معاك المهر ؟
مازن : انا مجهز كل شي مع ابوها و قايل له انا و ناس يقربولي جايينهم .
راشد : خلاص , انا عمك و حمد عمك و وليد خويك و مشعل ؟...
حمد : مشعل بيشتري اغراض من المول
مازن (بكل قهر) : طيب

بعد ما وصلوا البيت ....

دق دق دق دق ....
دق دق دق دق دق ..... ينفتح الباب
مازن : عمي ؟
الطباخ : شو يريدين انتو ؟
راشد (ماسك نفسه) : ههه ... هذا طباخهم .... قول مشان بابا خطاطيب عند الباب

(بعد ما دخلوا البيت)

حمد (دخل المجلس في مقدمتهم) : السلام عليكم
ابو محيميد : و عليكم السلام , اقلطوا اقطلوا , يا ولد صب الفناجيل على الضيوف
حمد : و الله يا ...
مازن (بصوت منخفض) : ابو محيميد
حمد : حنا يا ابو محيميد نبي القرب منكم , و نخطب بنتكم لولدنا مازن
ابو محيميد : و الله حنا كلمنا ابو مازن و اتفقنا على المهر ...
راشد (مداخلة) : موجود
ابو محيميد : شو يشتغل ؟
راشد : موجود , يشتغل في الديوان الاميري
ابو محيميد : يصلي ؟
راشد : الحمد لله
ابو محيميد : يصوم و يتصدق ؟
راشد : الحمد لله
ابو محيميد : مستقل بحياته ؟
راشد : الحمد لله
ابو محيميد : محافظ ؟
راشد : الحمد لله
ابو محيميد : يشرب ؟
راشد : الحمد لله
(تطير عيون الحاضرين عند راشد)
حمد : الحمد لله يشرب ماء زمزم يوميا
ابو محيميد : الحمد لله
راشد : الحمد لله
ابو محيميد : باقي نسأل عن النسب مازن سبعي بن ؟
مازن : احمد
ابو محيميد : بن ؟
مازن : حسن
ابو محيميد : بن ؟
مازن : محسن
ابو محيميد : بن ؟
مازن : محمد
ابو محيميد : بن ؟
مازن : مهدي
ابو محيميد : بن ؟
مازن : عبد الله
ابو محيميد : بن ؟
مازن : عبد الرحمن

(في هذه الاثناء عند تركي و فلاح و محمد و سليمان)
تركي : يلا شباب نريد ننظف هالغرفة
محمد : لو اني داري من الشغل ما جيت معكو , كلو مشان ناصر
دق دق دق .... دق دق دق .... دق دق ...
مشعل : افتحوا الباب
فلاح : بسم الله الرحمن الرحيم
مشعل : هذا انا مشعل افتحوا معي اغراض و اشتريت لاب جديد بسعر حلو افتحوا لاكسر روسكم
فلاح : ما يخالف ما يخالف

(نرجع لعند مازن و الشباب)

ابو محيميد : بن ؟
مازن : عكرمة
ابو محيميد : بن ؟
مازن : سيف
ابو محيميد : بن ؟
مازن : محمود
ابو محيميد : بن ؟
مازن : اسماعيل
ابو محيميد :بن ؟
مازن : ابراهيم

(نرجع لتركي و ربعه)
تركي : وش جبت معك ؟
مشعل : 30 كرواسون جبن و 20 كرواسون زعتر و 40 عصير برتقال و 7 كراتين بيتزا و لاب جديد و تلفون جديد و ......
فلاح : حلو بتكفينا .
دق ... دق.. دق .. دق
محمد : من جاينا هسا ؟ .........

(اما مازن المسكين مر عليه 3 ساعات)
ابو محيميد : بن ؟
مازن : هارون
ابو محيميد : بن ؟
مازن : قابيل
ابو محيميد : بن ؟
مازن (بكل نفاذ صبر) : بن ادم عليه السلام
ابو محيميد : و الله و النعم فيك , تعالوا لنا الخميس الجاي و نكتب الكتاب باذن الله
مازن(يقوم و يبوس راس ابو محيميد) : مشكور عمي و الله يطول بعمرك عمي

(و يطلعون من بيت ابو محيميد)
مازن : و الله كنت اشا امزع رقبته

------------------------------------------------
انتظروا الفصل السادس

فصل جديد و ابداع جديد



القصه حلوه و احلى موقف يشرب ^^"



ان شاء الله تستمر الفصول الجايه على نفس الطول



والله يعينك راشد



وشكرا...

مازن : اشا اخطبها
(وليد يطلع العصير من فمه)
وليد : وش ؟ وش ؟ تريد تخطبها ؟
مازن : ايه اريد اخطبها


حطمتني رآشد ههههه

ويشرب بعد هآه ×_×

اقتباس :

ان شاء الله تستمر الفصول الجايه على نفس الطول

و الله يعتمد عالوقت المتوفر للكتابة

اقتباس :

ويشرب بعد هآه ×_×

الحمد لله

احييك راشد , ابداع في كذا مشهد فعلاً غصبا عنك تضحك..

بالتوفيق"

احسن شي سالفة مازن ناداهم للمطعم عشان خطبة

و الله مزاجي تبن الحين بس ياخي ضحكت على القصة هههه

مازن يبي يعرس هههه و الحمد لله يشرب هههه

ولا بن بن بن بن هههههههه

الله يسعدك راشد, و بالتوفيق بكتابة القصة.

قصة كوميدية من طراز عالي جدا...
أنتظر دوري القادم..

مازن و جماعة الخطاطيب كانوا في الطريق للفندق , لكن في هذه الاثناء عند تركي و الشباب ....

دق دق دق ...دق..دق
محمد : مين جاينا هسا .. ؟
(يفتح محمد الباب)
محمد : انت مين ؟
بتاز : انا في بتاز
محمد : مين ؟
بتاز : بتاااااز يا خبله
محمد : ان لله و انا اليه راجعون , دوبنا قبل يوم ملاقين واحد من اصدقائك , هسا تطلعنا انتا ؟
بتاز(يعطي محمد كف على وجهه و يرميه ارضا) : هع , ما تقدرون علي انتي
محمد : آآآآآ......
مشعل : محمد !!
محمد : آآآآآ......
(يقوم مشعل من الكرسي و يلاقي محمد مرمي عالارض و خده الايمن محمر)
مشعل : شنو هذا ! من طقك ؟!
محمد : آآآآآآ.....
مشعل : شنو آآآآ ؟
محمد : آآآ يا خدي
مشعل : قم قم , خلنا نداويك

دق دق دق ....دق دق دق
مشعل(ماسك نعاله و متجهز) : من عالباب ؟
مازن : افتح
مشعل : من انت ؟
مازن : مازن
مشعل : هع العب غيرها , من انت ؟
مازن : اسعد عمر قلي
مشعل : اووو , صدق ! (يفتح الباب بسرعه)
مازن : ما قلت لك اني مازن
مشعل : وش جابك ؟
مازن : خلنا ندخل و اخبرك
مشعل : طيب وين باقي الشباب ؟
مازن : نزلوا للمطعم الي في الفندق و يرجعوا

(في هذه الاثناء في مطعم الفندق)
وليد : راشد , ممكن اعرف ليه جايبنا هنا ؟
راشد : ما شفت الاعلان عند الباب , عندهم بوفيه مفتوح
وليد : لا تقولي انك تبي تاكل ؟
راشد : لا بس اشوف شو عندهم
وليد : متأكد ؟
راشد : و يمكن اكل شوي
وليد : تستهبل ! توك تقولنا تريد تشوف وش عندهم
راشد : استهدي بالله , من ما نزلنا من الطيارة ما كلنا شي
وليد : طيب حنا وش اكلنا عند ابو محيميد !؟
راشد : لا يشبع و لا يغني من جوع
وليد : نشوف وش اخرتها معك
حمد(يدخل بين الاثنين و يتكلم بصوت منخفض) :اقولكم , ناظروا هناك
راشد(يلف وجهه) وين ؟
حمد : لا تلف وجهك !
وليد : طيب وش عندك ؟
حمد : انا شفت ....
وليد : وش شفت ؟
حمد : شفت مالتمان !!
راشد : فال الله و لا فالك , وين شفته ؟
حمد : هناك
راشد(يلف وجهه) : وين هناك ؟
حمد(بكل خوف) : اقولك لا تلف وجهك
وليد(بكل سخرية) : اخاف يعلقنا بالمروحة
راشد(يتلثم بغترته) : انا ساير اكلي شي من هالبوفيه
حمد : انا راجع للغرفة
وليد : انا ببقى مع راشد
حمد : كيفكم
(يقوم حمد من مكانه و يحط يده على وجهه)
مالتمان : وقفي!
حمد(بصوت منخفض) : اكلتها
مالتمان : انا وين شوف انتي قبل ؟
حمد : و الله انا ما يعرف
مالتمان : همممم .... انتي شكلك ما غريب
حمد : يمكن انتي شوف واحد شمشم انا
مالتمان : همممم .....كلاص يلا كملي طريقي
حمد : كيشاهي بابا
(يطلع حمد من المطعم و يهرول للغرفة)

في هذه الاثناء مع وليد و راشد
وليد : ها بشر خلصت ؟
راشد(و هو يملأ الصحون) : دقيقة دقيقة و اخلص
وليد : بسرعة مالتمان جاي
راشد : يلا يلا شل الصحون
(يمرون من جنب مالتمان و هم ملثمين)

في هذه الاثناء في الغرفة ....

ترنترن ..... ترنترن......ترنترن....ترنترن
مصلح كان يلعب COD و ترك الجهاز و رد على التلفون
مصلح : الوو
؟؟؟؟؟ : الووو , انتي مصلح ؟
مصلح : ايه انا مصلح
؟؟؟؟؟؟ : احنا Koei
مصلح : وش تريدون ؟
؟؟؟؟؟ : ناصر المتيري يريدي يكلمكي (يمرر السماعة لناصر)
مصلح : ناصر ؟!
ناصر : مصلح , مصلح
مصلح : ناصر هذا انت !
ناصر : مصلح اسمع ما عندنا وقت , يقولون لكم مهلة 30 يوم تطبقون الي يقولنه لكم و الا .....
مصلح : ولا ايش ؟
ناصر : ولا يذبحوني و يدخلوني في الجزء الجديد من داينستي
مصلح : ايش شروطهم ؟
ناصر : الليلة بيجيكم واحد اسمه بتاز بالليل ....
مصلح : اش اسمه ؟
ناصر : بتاااز ....
؟؟؟؟ : ناصر قدامكي 20 تانية
ناصر : مصلح اسمع
مصلح : قول اش تريد يا ولد خالوتي ؟
ناصر : جيب لي ....
مصلح (و الدموع تتطاير من عينيه) : اش اجيب لك
؟؟؟؟ : 10 تانية
ناصر : ابي ....
؟؟؟؟؟ : 5 تانية
ناصر : مصلح ! ابي برجر كينغ
.....توووووووووووط ....
مصلح : اش به ذا الولد !
تركي : وش قالك ناصر
مصلح : الليلة بيجينا واحد اسمه بتاز و وصا على برجر
تركي : اممممم ..... الله يستر
(بعد ما وصل حمد و وراه راشد و وليد محملين الغنايم)
حمد : افتحوا انا حمد
مشعل : طيب طيب
(يفتح مشعل الباب)
حمد : يا شباب , مالتمان , مالتمان في الفندق
(محمد يقوم راسه من الكرسي و على خده مرهم)
محمد : ايش ؟
حمد : ايه مالتمان في الفندق
تركي : لازم 3 فينا يبقوا بالصالة
راشد : انا و وليد و فلاح
تركي : فلاح مو موجود , طلع و بيرجع
راشد : خلاص , انا و وليد و محمد
تركي(و هو متطمن) : حلو , واحد منكم يسهر و اثنين ينام , كل 3 ساعات بدلو
وليد : انا بدخل الاكل الثلاجة حق السهره