استفسار !

السلام عليكم شباب عندي 3 اسئلة حاب استفسر عنها
انا توني ابدا اللعب RTK
اول شئ .. الـ Bandit ازعجوني خخ وش سبب ظهورهم لي .. ليه ما يطلعون على ممالك ثانيه غيره ؟

2\ ايش فايدة الـ AP ما اعرف عنه شئ .. حاليا عندي 2143\255 .. ليه محدد 255 يعني لازم ما اتعدى الـ 255 ؟ لان وصلت الفين و للحين ما اشوف شئ اثر على مملكتي فـ يا ليت احد يشرح لي ايش هو الـ AP

3\ كيف اكون صداقات مع الممالك الثانية , و على سبيل المثال لو واحد يهاجم مملكتي .. اقدر اعرض عليه ذهب او اكل عشان يوقف الهجوم ؟
لان يوم كنت اهاجم Jian Ye مالكها كان يعرض علي ذهب بس عييت عليه خخخ .. يعني اقدر اسوي مثله و اعرض ذهب او لا؟

و شكرا

اقتباس :

ول شئ .. الـ Bandit ازعجوني خخ وش سبب ظهورهم لي .. ليه ما يطلعون على ممالك ثانيه غيره ؟

اذا ال order او النظام في المدينه اقل من ال 70 راح يكون هناك فرصه يظهرون في مدنك كل ما قل النظام كل ما زادت الفرص

تقريباً كل الاشياء الي تسويها تقلل النظام ، اذا المدينه ما فيها جنرال يقل النظام فيها ، بعد انتهاء كل فصل يقل النظام في المدن...الخ

تقدر تزيد النظام في المدينه لما تسوي تفتيش او inspection في المدينه


اذا تبيهم يطلعون في ممالك ثانيه روح لقائمة ال Tactics و اختار rumors و اختار المدين الي تبي تنزل نظامها

و انت و حظك

اقتباس :

\ ايش فايدة الـ AP ما اعرف عنه شئ .. حاليا عندي 2143\255 .. ليه محدد 255 يعني لازم ما اتعدى الـ 255 ؟ لان وصلت الفين و للحين ما اشوف شئ اثر على مملكتي فـ يا ليت احد يشرح لي ايش هو الـ AP

ال ap هي نقط الادوار ، كل شي تسويه يستعمل ap ، تبني او تجند او اي شي ، في كل دور يعطونك عدد من ال aps

حتى تتصرف فيهم ، كل ما كبرت مملكتك كل ما اعطوك زياده

و فيه tp (الي هي ال 2143) هي تستعملها في الابحاث او أل Research حتى تقوي جيشك او مدنك ، شي مهم حيل

اقتباس :

كيف اكون صداقات مع الممالك الثانية , و على سبيل المثال لو واحد يهاجم مملكتي .. اقدر اعرض عليه ذهب او اكل عشان يوقف الهجوم ؟

في قائمة ال diplomacy راح تلقى الخيارات good will الي هي النيه الحسنه حتى تحسن العلاقات

alliance الي هي التحالف ، ceasefire الي هي هدنه في خيارات ثانيه ناسيها

السلام عليكم اخوي و هلا بك بالمنتدى معانا.

بخصوص الـ Bandits, يطلعون للكل. شوف الـ Order لمدينتك, هو رقم من 1 الى 100. اذا كان الاوردر بالسبعينات او الستينات, فانت معرض للثورة من اللصوص. الاوردر ينزل بشكل طبيعي كل ما تجند او تبني او تهاجم او يمر الوقت. تقدر ترفع الاوردر بأمر Inspections و الامر هذا يصرف منك 100 ذهب بس يرفع الاوردر تقريبا 10 نقاط. حاول تحافظ على الاوردر بالثمانيات و التسعينات احسن لك.

بخصوص الـ AP. في رقمين. الرقم الاول هو الـ AP و هو الـ 255 و ما يتعداها اعتقد.. او يمكن يتعداها اذا ترقيت. عموما هذا رقم يحدد الاوامر الي تقدر تسويها بالدورة الوحدة. جرب تجند و تضم و غيرها و راح تشوف الرقم يقل مع كل امر تسويه, اذا الرقم خلص راح تكون مجبر انك تنهي دورتك. الرقم راح يزداد بالدورة الثانية. تخزينك للرقم ما راح يؤثر عليك سلبا.

الرقم الثاني هو الي يوصل للالاف, اسمه TP. الرقم هذا يزداد مع كل انجاز تسويه (تحتل مدينة, تبني, تهزم, الخ..). الرقم هذا مطلوب منك في الابحاث. شوف امر Techniques اضغط عليه بعد ما تجمع 1000 TP و 1000 ذهب, و راح تقدر تشتري ابحاث, طبعا في الابحاث منها ابحاث غالية تحتاج 2000 او حتى 5000 من الـ TP و الذهب ممكن يصل الى 10 الاف. بس طبعا لابحاث اثارها تستحق لانها كبيرة حيل, منها فتح اسلحة جديدة او تقوية المدن كلها.

في استعمال ثاني للـ TP. و هو امري Oath و Marriage. الاول يتيح لك الفرصة تعمل عهد اخوة بين اي جنرالين او ثلاث جنرالات في جيشك بشرط ان ما بينهم علاقة نسب. عهد الاخوة يقوي التعاون بين الجنرالات الاخوة و لو تحطهم في كتيبة وحدة او كتيبتين متجاورتين راح يفيدونك. الامر الثاني هو امر الزواج, ايضا ينفع للتعاون اذا كان عندك نساء في جيشك.

امر تكوين الصداقات هو Alliance. الامر هذا يدخلك في تحالف مع الجيش الي تبيه. في حالة قبول التحالف ما راح تهاجمون بعض, ممكن تمر من مدنه بشكل عادي. في حالة حبيت تلغي التحالف استخدم الامر Annul. قبول التحالف صعب, فعشان تجيبه لازم ترسل واحد ذكي, و تدفع مبلغ حلو, و تكون علاقتك اساسا مع الجيش علاقة حلوة, اذا تبي ترفع العلاقة استخدم الامر Goodwill.

بالنسبة لعرض الذهب, تقصد الهدنة. موجودة باللعبة و هي خيار Ceasfire. اضغط عليه, حدد المدة و الفلوس, و المستشار الي ترسله, و تشوف النتيجة.

اي سؤال ثاني انا حاضر اخوي, توني قبل ساعتين كنت العب فذاكر كل شي فيها ههه

تعديل: سبقتني يا فلاح..

اهاااااااااااااااااااا

و انا احسب الـ TP شئ مب كويس و لازم انزله و ماني عارف كيف خخخخخ

يعطيكم العافية اثنينكم

لازم يكون في مدينتك جنرالات عشان تختار خيار Technique و تشتري ابحاث, و ابسط ابحاث تاخذ 1000 ذهب.. يعني جمع على الاقل 2000 ذهب و شوف. بس اكيد عندك شي غلط, ابسط ابحاث تحتاج 1000 ذهب و 1000 TP و على الاقل جنرال واحد فاضي بالمدينة, و 50 AP.

خيار Exchange يخليك تتفاوض بارجاع الاسرى. تقدر تعرض عليهم فلوس او تبادل اسرى عشان تسترج الاسير. في طرق ثانية طبعا, اهزم الكتيبة الي اسرت اسيرك قبل لا ترجع للمدينة, او احتل المدينة. و ممكن هو مع الزمن يهرب.

شوف جنرالاتك و شوف مقدار الـ Loyalty عندهم, حاول دايما تخليهم 100. كل ما تضم واحد راح يكون العدد قليل, و تقدر ترفع الولاء باستخدام امر Rewards و راح تصرف 100 ذهب لكل جنرال عندك و هذا راح يرفع الولاء. و تقدر تستخدم امر Award و تعطي جنرالاتك مقتنيات items مثل الحصن و الاسلحة و الكتب و غيرها, هذه ترفع الولاء بشكل كبير.

اذا تبي تضم اي واحد مو معك, استخدم امر Employ. راح يعطيك اسماء كل الي مو معك, و تقدر تختار اي جنرال سواء ان كان بجيش ضدك او كان الجنرال عاطل عن العمل ههه و ترسل له واحد يقنعه. تقدر تستخدم امر Search و ترسل واحد يبحث في مدينتك يمكن يحصل ناس او مقتنيات او حتى ذهب.

Shizai كتب:

لازم يكون في مدينتك جنرالات عشان تختار خيار Technique و تشتري ابحاث, و ابسط ابحاث تاخذ 1000 ذهب.. يعني جمع على الاقل 2000 ذهب و شوف. بس اكيد عندك شي غلط, ابسط ابحاث تحتاج 1000 ذهب و 1000 TP و على الاقل جنرال واحد فاضي بالمدينة, و 50 AP.

خيار Exchange يخليك تتفاوض بارجاع الاسرى. تقدر تعرض عليهم فلوس او تبادل اسرى عشان تسترج الاسير. في طرق ثانية طبعا, اهزم الكتيبة الي اسرت اسيرك قبل لا ترجع للمدينة, او احتل المدينة. و ممكن هو مع الزمن يهرب.

شوف جنرالاتك و شوف مقدار الـ Loyalty عندهم, حاول دايما تخليهم 100. كل ما تضم واحد راح يكون العدد قليل, و تقدر ترفع الولاء باستخدام امر Rewards و راح تصرف 100 ذهب لكل جنرال عندك و هذا راح يرفع الولاء. و تقدر تستخدم امر Award و تعطي جنرالاتك مقتنيات items مثل الحصن و الاسلحة و الكتب و غيرها, هذه ترفع الولاء بشكل كبير.

اذا تبي تضم اي واحد مو معك, استخدم امر Employ. راح يعطيك اسماء كل الي مو معك, و تقدر تختار اي جنرال سواء ان كان بجيش ضدك او كان الجنرال عاطل عن العمل ههه و ترسل له واحد يقنعه. تقدر تستخدم امر Search و ترسل واحد يبحث في مدينتك يمكن يحصل ناس او مقتنيات او حتى ذهب.

اف اشياء كثيرة ما كنت اعرفها !! يعطيك الف عافية
بالنسبة للـ TP طيب وين مكان شرائها , انا احاول اضغط على كلمة الـ TP فوق تتطلع لي قائمه بس ما اقدر اضغط على اي ابحاث عشان اشتريه

و قررت اعيد اللعبة ازعجني Cao Cao , اصلا لقيت لعبة احسن
Rise of Heros عجيبه ممالك كثيره و مملكه Wu كاملة !! و مكان استراتيجي

و عندي استفسار ثاني , ليه محد راضي يصير Alliance معاي ؟ حاولت في اكثر من مملكه محد يبي ض1

لأن علاقاتك مع الممالك الثانيه سيئه ، استعمل خيار goodwill حتى تحسن العلاقات مع الممالك الثانيه حتى تصير

friendly او trusted بعدين ارسل طلب التحالف

اقتباس :

بالنسبة للـ TP طيب وين مكان شرائها , انا احاول اضغط على كلمة الـ TP فوق تتطلع لي قائمه بس ما اقدر اضغط على اي ابحاث عشان اشتريه

اخوي انت ما تشتري نقاط الـ TP. نقاط الـ TP تزداد من نفسها بعد كل امر تسويه.

اذا تقصد الابحاث, ففي نسخة البلاي ستيشن 2:

اول قائمة.. City اعتقد اسمها مو متأكد, بعدها اخر خيار Technique.

research ثم city



هذا خيار الtp

اها يعطيكم الف عافية , اجل طلع لازم ارسل لهم فلوس عشان يقبلون فيني

اجل خلهم ينقلعون , بالاخير لما تكبر مملكتي بيطلبون تحالف معاي

شباب سؤال على السريع و اسمحولي ازعجتكم شوي

لما اسجن سجناء .. بعد كم شهر يهرب ؟؟ كيف ما اخليه يهرب ؟
و اذا سجنت احد اقدر اتصرف فيه ؟ يعني احاول اخليه ينظم لي او اذبحه او احرره .. اذا اقدر وين اروح


اللعبة حماااس ما توقعتها تتطول ... انا و ليو باي حروب طاحنه
و cao cao ما خذ راحته و يوحد الشمال بدون ازعاج قاهرني المشكله احاول مع ليو باي اتحالف معاه بس ما يبي
بس هانت قريبا بدمره و اشوف شغلي مع تساو تساو

و عليكم السلام, عادي خذ راحتك.

الاسرى يهربون بتوقيت عشوائي يعني ما في فترة محددة. لكن سرعة الهرب تعتمد على قوة (War) للاسير نفسه, و قوة محافظ المدينة, و حالتها, و الـ Order لها. انت ما تقدر تمنع الهروب لكن تقدر تتصرف معه بشكل سريع. الاعدام ممكن, اول ما تقبض عليه اضغط Execute (باللون الاحمر) بدل من Capture. بعد ما تقبض عليه ما تقدر تعدمه. تقدر تحرره باستخدام الامر Banish (انتبه انك تختار الاسرى فقط, اذا اخترت احد جنرالاتك راح تسرحه من الخدمة). تقدر تضمه باستخدام الامر Employ كالعادة و يصير كانه جنرال ضدك او واحد بلا خدمة. الاسرى راح يصرفون اكل و ذهب زيادة على المدينة طوال فترة وجودهم, لكن الولاء لهم راح يقل تدريجيا اثناء فترة بقاؤهم معك.

موفق اخوي باللعبة, و Cao Cao و Yuan Shao صعاب اذا ما انهيتهم في بداياتهم, او اذا ما جاريتهم على الاقل. اي اسئلة انا و الشباب ما راح نقصر معك. رومانس حلوة و انت تستاهل ههه

Shizai كتب:

و عليكم السلام, عادي خذ راحتك.

الاسرى يهربون بتوقيت عشوائي يعني ما في فترة محددة. لكن سرعة الهرب تعتمد على قوة (War) للاسير نفسه, و قوة محافظ المدينة, و حالتها, و الـ Order لها. انت ما تقدر تمنع الهروب لكن تقدر تتصرف معه بشكل سريع. الاعدام ممكن, اول ما تقبض عليه اضغط Execute (باللون الاحمر) بدل من Capture. بعد ما تقبض عليه ما تقدر تعدمه. تقدر تحرره باستخدام الامر Banish (انتبه انك تختار الاسرى فقط, اذا اخترت احد جنرالاتك راح تسرحه من الخدمة). تقدر تضمه باستخدام الامر Employ كالعادة و يصير كانه جنرال ضدك او واحد بلا خدمة. الاسرى راح يصرفون اكل و ذهب زيادة على المدينة طوال فترة وجودهم, لكن الولاء لهم راح يقل تدريجيا اثناء فترة بقاؤهم معك.

موفق اخوي باللعبة, و Cao Cao و Yuan Shao صعاب اذا ما انهيتهم في بداياتهم, او اذا ما جاريتهم على الاقل. اي اسئلة انا و الشباب ما راح نقصر معك. رومانس حلوة و انت تستاهل ههه

اها يعطيك العافية عذبتك معي .. اجل ياكلون و يضيعون ذهبي .. حلوه هذي برب اعدام

و لا تخاف cao cao متحالف معاه و yuan shao ماله هيبه .. واحد ما اعرف اسمه حرق مدنه

يعطيك العافية

سؤال: التحديات الي في رومانس ايش اسمها بلانجليزي

سيد الحرب Cao Cao كتب:

سؤال: التحديات الي في رومانس ايش اسمها بلانجليزي

اسمها Challenges. في شاشة اختيار السيناريو/العصر الي تلعب فيه, اضغط على R1 و راح تطلع لك قائمة ثانية بالسيناريوهات اسمها Present, العصور هذه تكون متعلقة بشخص معين (مثلا تلعب بـ Cao Cao في فترة صعوده للقوة, Sun Ce في توحيد الجنوب, Lu Bu اثناء تكوين قواته, الخ..). و بعدها اضغط R1 مرة ثانية, تطلع لك قائمة التحديات Challenges, هذه تحديات محددة تلعب فيها, مثل تلعب بـ Cao Cao و تسقط بقايا العمائم الصفر, او تلعب بـ Cao Cao و تهرب من Xu Rong, الخ..

طبعا هذا بالنسبة لنسخة البلاي 2 , ما اذكر نسخة الـ PC شلون كانت, بس اعتقد تحصل فوق في زر في شاشة اختيار السيناريو و تضغط عليه..

انا صار لي سنتين العب هاللعبه على ال pc لكن في شي مو فاهمه:

ال war يرفع طاقة الهجوم حق الكتيبه..وال LRD يرفع الدفاع حق الكتيبه..

انا كنت اقود كتيبه Pike ب Guan Yu ..وضدي Zhang Liao في كتيبه Pike ايضا...

ال War و ال LRD حق Guan Yu اكثر...لكن الدفاع حق كتيبة Zhang Liao اكثر!! لييش؟؟

مع العلم ان كلا الكتيبتين تحتوي على 3 جنرالات...لكن ما اظن ان هذا له اهمية..لان اهم شي ال commander مال الكتيبه...

امم ممكن Zhang Liao معه ابحاث؟ ممكن معه واحد خاصيته Pike General مثل Wen Pin او غيره؟

و على فكرة, لها اهمية. شوف بشاشة اختيار الجنرالات, تحت في ارقام للهجوم و الدفاع و الشجاعة و السرعة و غيرها, الارقام هذه تتغير حسب الي تحطهم. جرب حط Guan Yu مع اثنين ضعاف, و جرب تحطه مع اثنين اقوياء, تلاحظ الارقام تفرق بشكل كبير حيل.

اقتباس :

و على فكرة, لها اهمية. شوف بشاشة اختيار الجنرالات, تحت في ارقام للهجوم و الدفاع و الشجاعة و السرعة و غيرها, الارقام هذه تتغير حسب الي تحطهم. جرب حط Guan Yu مع اثنين ضعاف, و جرب تحطه مع اثنين اقوياء, تلاحظ الارقام تفرق بشكل كبير حيل.

الارقام الظاهره:

الهجوم
الدفاع
الذكاء
البناء
الحركة

ما في شجاعه...
انا العبها على ال pc

طيب سؤال اقدر احط عدد الجيش الي انا ابغاه

اذا كان بالفلوس سهل

كيف اخلي معابا جنرالت ومستشارين
؟

والجاء الرد

اخوووي اتذكر مره لعبت اللعبه بلاستيشن 2 فيها مهمات بس بالكمبيوتر مو لاقيها يعني الكمبيوتر مافيه المهمات

ااخواني ابي مساعدتكم ابي احمل اللعبه

تفضل
https://dynastywarriors.yoo7.com/t584-topic