+ مجلس اللعبة + V2

مجلس اللعبة, للنقاش الخارج عن اللعبة بين الاعضاء نفسهم و ليس القادة في اللعبة.

يتم نقاش الاضافات الجديدة و اخبار اللعبة و غيرها هنا.

إعذروني يالأعضاء لأنه يمكن ماراح أدخل اللعبة بالدراسة أبد لظروف شخصية


وأرجو أن تستمتعوا باللعبة الأكثر من رائعة


وراح يتحكم بقادتي أخوي الذئب أو تعطوه القيادة لأنه ما أدري يمكن أرجع ويمكن لا


دمتم بمتعة مع لعبة الأر بي جي

أقترح نخلي اللعب يكون أيام العطلة الأسبوعية والأوامر تكون على مدار الأسبوع أفضل

خصوصا بعد بدء الدراسة لبعض الطلاب . وبكذا ممكن يكون غياب الأخ مازن بشكل بسيط بدل ما يسبب مشكلة لمملكته

عموما الرأي الأول والأخير عن الأخ ناصر

ما تشوف شر مازن و متى ما فضيت لا تنسانا.

تركي: صعبة حيل تكون اللعبة يومين بالاسبوع. المعارك تاخذ اسابيع, الله يعين لو كل اسبوع دورتين..

عندنا مازن و علي هتلر مشوا تقريبا من اللعبة و الباقيين ما يجون اللعبة باستمرار و نشاط المنتدى قليل..

شرايكم, نبدأ الحدث الرابع ولا شنو؟

اقتباس :

شرايكم, نبدأ الحدث الرابع ولا شنو؟

انا موافق

وشو هذا الحدث ياترى

اوكي ناصر عندنا مشكلة أنه الأخ علي ترك اللعبة من فترة وهو ماسك Cao Cao وبدونه صعب نحط قرارات للمملكة . أتمنى تكلف أحد غيره بصفة مؤقته ونفس المشكلة مع الأخ مازن

ما نقدر نبدأ الحدث الرابع بدون من يكون أحد يتحكم بقادة الممالك . كما أتمنى يكون الإختيار والتكليف منك شخصيا لأنه المشاورات صارت صعبة في ظل عدم تواجد الشباب في وقت واحد

بالتوفيق

الذئب: تحكم بمملكة Shu ما عليك امر بشخصيات مازن الى ان يرد

تركي: تحكم بشخصيات علي على ما يرد.

الحدث الجاي راح يكون الحرب ضد Dong Zhuo الي ودكم تطلعون حرتكم فيه, انتظروه بعد يومين تقريبا (اسف على التأخير بس متعبة الدراسة في اول كم يوم)

ياشباب لو ماتعذروني على أني سأبقى في اللعبة لفترة لا أدري إن كنت بأواصل وإلا لا

لكن من الحين إعتبروني رجعت

زين سويت
لان المهمة صعبة ولكن عادي
المهم ترتاح

الحمد لله على السلامة أخوي مازن

حياك الله وإن شاء الله تكمل معنا اللعبة وموفق

الله يحييكـ يالغلا

إن شاء الله أكون معاكم على دوم

هلا والله مازن, الحمد لله على السلامة و ان شاء الله ما تفارقنا الا على خير.

مازن التحدي الأكبر بالنسبه لي صحيح هزمتك مره في التجريبيه


لكن أعتبرك تحدي حقيقي بالنسبه لي


اللعبه من غيرك ما تسوى


ما شاء الله عليك عيني عليك بارده


و إن شاء الله دوم تتم معانا بإذن الله


دمتم بحب



(( تـــــــــحياتـــــــــي ))

بس هاه أبيكـ تكون قد التحدي

ههههههههه

أمزح معكـ إنت قدها وقدودها

راح نشوفكـ باللعبة الحقيقية وراح تخسر بإذن الله

يلا نتقابل بالمعارك...........

لكن لاتفكر إني راح أكون مثل أول أو أتساهل معكـ راح أكون تحدي حقيقي بالنسبة لكـ

أشك أنك كنت تتساهل معاي ههههههه



الله يعطيك العافيه


و حلوه الثقه و راح تنقلب ضدك هالثقه


دمتم بحب



(( تــــــــــحياتـــــــــي ))

راح أفعل ماراح أتكلم

بس جاي امر مرور الكرام و اقول للشباب ان الشغل ماشي مضبوط لكن الوقت ضيق عندي و افكاري ملخبطة و مو قادر الم الاوراق كلها و استوعب شنو الي صار خاصة اني افكر بالفيزيا و للحين بقايا كيميا بعقلي ههههه

اوكل مصلح يكمل الشغل في غيابي, من تجديد للاحصائيات و اجابة اسئلة و غيرها, و مشكور مصلح على شغلك و الحدث مضبوط و فكرته عجبتني حيل.

خذ راحتك أنت بس نبي تبيض الوجه ما نبيك تهتم في شي ثاني


كل الأمور تمام و كل شي ماشي و المنتدى في أيدي أمينه و اللعبه في يد المبدع مصلح


الله يوفقك بو بدر


دمتم بحب



(( تـــــــــحياتـــــــــي ))

تسلم محمد

شباب بخصوص القروب الي فتحه تركي للنقاش بين الممالك مسموح لكم تستعملونه مثل ما تبون لكن طبقا لقانون اللعبة اي شي ينقال في القروب مو رسمي باللعبة, تتفقون على تحالف بالقروب و باللعبة تتحاربون, كيفكم. ثاني شي ادارة اللعبة و ادارة المنتدى غير مسؤولة عن القروب و يعتبر القروب رهن تصرف صاحب القروب.

Emperor Xian كتب:

تسلم محمد

شباب بخصوص القروب الي فتحه تركي للنقاش بين الممالك مسموح لكم تستعملونه مثل ما تبون لكن طبقا لقانون اللعبة اي شي ينقال في القروب مو رسمي باللعبة, تتفقون على تحالف بالقروب و باللعبة تتحاربون, كيفكم. ثاني شي ادارة اللعبة و ادارة المنتدى غير مسؤولة عن القروب و يعتبر القروب رهن تصرف صاحب القروب.

وش دعوة أبو بدر؟ ترا العين ما تعلى على الحاجب وأنت فيك الخير والبركة

هدف القروب الوحيد هو للعلاقات الدبلوماسية بين الممالك + التخطيط لو كان فيه معركة مشتركة للممالك بس . طبعا كلام القروب مو رسمي لأنه يعتبر نقاش عادي أو مفاوضات .

بالنسبة لمملكة Wei عندنا ديوان ملكي راح يكون فيه الكلام الرسمي الصادر من مملكتنا . أما القروب راح يكون دوره فقط تسريع النقاشات بدل المشاركات وإنتظار الردود . وعموما النتائج لازم تكون في قسم اللعبة وليس بالقروب

لو القروب ضايقك ناصر نشيله . أهدافه ذكرتها فقط وإذا كنت غلطان فأعتذر وأعتبرها إجتهاد شخصي مني خاطئ . بالتوفيق لك في قيادة اللعبة أبو بدر

هههههه لا شدعوة ما زعلت ولا شي, بالعكس فكرتك حلوة بس حبيت ابين كل شي من الحين. ممكن بالقروب يصير كلام و حنا ما ندري عنه و حتى لو ندري عنه, ما راح يكون رسمي باللعبة. و القروب بأدارة تركي يطرد من يبي و يضيف من يبي و يتحكم فيه مثل ما يبي و ما لنا علاقة فيه.

اما الفكرة فهي حلوة لكني اطلب من الاعضاء يوثقون كلامهم بالمنتدى عشان يكون كل شي رسمي, و مو قصدنا نكذب احد و حتى لو صور الكلام في القروب ما نعتمده.

أرجو من الأخ الذئب إذا كان فيه حدث أو أي شئ وماكنت أنا موجود أنه يتحكم بقادتي لأني بأكون مزنوق من الإختبارات

^^^
بالتوفيق أخوي مازن بالإختبارات

سؤالي المعتاد ناصر ههههه

متى راح يبدأ الحدث الجديد وشنو نوعه ؟