خطط القائد Guo Jia في الحرب ضد قبيلة Di

بحكم أن الأخ حمد هو مخطط المعركة وعشان نكون يد وحدة بوجه القبائل . راح يكون الأخ حمد هو الآمر الناهي بالمعركة وكلنا بإذن الله راح نمشي بخطته الرائعة اللي شرحها لنا من قبل . بالتوفيق شباب وراح يصير الموضوع بيد حمد

-------------------------------------------------------------
توزيع الجنود على القادة المشاركين بحرب قبيلة Di
============================

Guo Jia (قائد الجيش)
2250 مشاة
3250 رماة
1000 مهندسين

============

Zhang Liao
3000 خيالة

============

Deng Ai
1500 خيالة
1000 مشاة
500 رماة

============

Yue Jin
2000 خيالة
1000 مشاة
500 رماة

===========

مجموع القادة = 4

مجموع المشاة = 4250 جندي
مجموع الخيالة = 6500 جندي
مجموع الرماة = 4250 جندي
مجموع المهندسين = 1000 مهندس

مجموع الجنود العام = 16000 جندي

حمد . الساحة لك يا أبو شهاب للتخطيط . كلنا واثقين فيك وبنجاح خطتك بإذن الله . أتمنى لو تعطينا الأوامر والطلبات دايم بهذا الموضوع

موفق بو شهاب بالمعركة

تغير الخطه شباب


اسف ما اقدر ادخل المسن بس هني التخطيط



اول شي ما توقعت وجود مقدمة للقبايل قريبة مننا


يعني راشد و انا ما راح نهجم مباشرة راح نسوي فخوخ بس


تركي نفس خطتك الي بالخيالة راح توزع البارود الي اعطيك اياه بعدها تتوجه ورا الجبل و تسوي كمين و انتبه لا يكشفونك ولا تتاثر بالبارود و السم


اما راشد ابيك تتحرك من عند الغابة بهدوء و تختفي لين توصل للجبل


بعدها تنتظر الاشارة بالهجوم المباشر على القبايل بعد وصول جيشي و جيش تركي


الحين انا بسوي خططي البارود و السم يلا و ننتظر الدورة الجاية



اهم شي لا تنسون تقولون خطب قوية تزيد حماس جيشنا لانها الصراحه معركة صعبة


راشد لو تقدر ترسل رسول لقائد القبايل تطلب فيه مبارزتة لوضع حد للمعركة اذا رفض راح يضعف جيشة و يقل حماسهم طبعا حط كلام يغث الزعيم و تذكر انه غبي يعني بالكلام راح يطيعك


وشكرا

شباب هذي خطط قادتي الجديدة و الي ارسلتها ل ناصر بالضبط بالحرف الواحد




اول شي ابي

Guo Jia
يامر 500 من المهندسين يبنون معسكر جنب الغابة حيل و يخلون فيه خيام شوي و يملونه بارود و اي مادة سريعه الاشتعال اما 250 من المهندسين الباقين ابيهم يسون بارود و مواد متفجرة و يعطونها خيالة تركي يوزعونها على المسافة بين المعسكر و الجبل الي على اليمين


اما الي يبقا من المهندسين ابيه يتقدم و يسوي مخازن كلها اكل و شراب و كل ما يقدر الانسان ياكله لاكن يخليه كله سم و مواد غير صالحه للاكل و يخلونها مكشوفه وواضح للقبايل عشان يهجمون عليها و يحسبون انهم استفادوا منها



و لما كل المهندسين يخلصون من الخطط ابيهم يتوجهون الى اعلى الجبل مع القائد Guo Jia


مع كل جنوده


Deng Ai
ابيه ينشر جنوده على شكل 3 صفوف

اول ما تقترب الابل يرمونهم الرماة باسهم عشان يخوفونهم و يبعدونهم اما المشاة ابيهم يقلبون التراب و يخلون الدنيا مغبرة عشان ما يعرفون وين جنودي طبعا بعد ما يتلثمون جنودي عشان لا يختنقون و اول ما يقربون حيل الابل الخيالة يتقدمون ببطئ و يحاولون يقتلون الابل عشان لا يتقدمون اما المشاة الي يسقط من فوق الابل يذبحونه و ينتبهون من انهم يندعسون من الابل و الي تقرب منه اي ناقة ينحرها و يطعنها بعدين يذبح الجندي فوقها


و طبعا اول ما تنتهي خطه المخترع و يروح للجبل ابي Deng Ai ينسحب بالليل و يخلي الاثر انه راح للمعسكر الي فيه فخ
و هو يكون متوجه للغابة و ينخش هناك في مكان بعيد عن اي حتمال انه يحوشه اي شي

و يخلي جندين من الخيالة يغرون القبايل يدخلون المعسكر و يوقفون على خطوط البارود و بعدها ينطلقون للغابة و الرماة الي في الغابة ترمي اسهم و تفجر المعسكر

Yue Jin

يقوم بإرسال 50 من الخيالة للإشتباك مع القبائل ويقوم الباقيين بتوزيع البارود بين المعسكر والجبل الشرقي ثم يتظاهر الخيالة المشتبكين بالهزيمة حتى يبينوا للعدو أنهم تراجعوا وتركوا الطعام السام خلفهم

يقوم بالإختباء لتجهيز كمين خاص مع جميع جنوده

اوك حلو المهم راشد لا يكون غايب و ما يتحركون جنوده و يموتون بسهوله


انا افضل انك ترسل تحرك راشد من باب الاحتياط



وشكرا

Zhang Liao
يتحرك بهدوء لحين وصوله للجبل الشرقي بشكل سري (وتتم الحركة أثناء إشغال Yue Jin جنود القبائل بسرعة بحكم الفرقة مكونة من خيالة فقط)

الجبل الي على اليسار مو الي على اليمين عشان نكون بالصورة ولا تصير هناك اي مشاكل في تنفيذ التحرك



وشكرا

تم التعديل

الأوامر برسلها بكرا قبل الدورة بشوي عشان لو حضر راشد يشوفها

موفق حمد بالمعركة وكلنا واثقين من الخطة بإذن الله

حمد ليش ما تبني منجنيقات فوق الجبل الشرقي وترميها على العدو من فوق؟

هذا الي راح يصير بس خلني احمي نفسي منهم لانك تعرف اذا مت انا راح تنتهي المعركة فلازم احمي نفسي


ولا تخاف المعركة 30 دورة يعني تسوي خطط لين تقول بس و باذن الله الفوز لنا



يلا ننتظر النتايج عشان نبني عليها باقي الخطة


وشكرا

Yue Jin

يقوم بالإختباء تجهيزا للكمين المعد من قبل Guo Jia . يقوم بالهجوم على قائد الكتيبة في حال بدأ الكمين بشكل سريع ويضطرب جيش العدو

هذي تحركتي

ابي المهندسين يخلصون خططهم و يروحون للجبل نفس خطتي القديمة مع باقي جنودي




اما Deng Ai
فابيه يتقدم مع جنوده و يكون ترتيبهم خيالة اولا بعدهم مشاة بعدهم رماة و يكونون على خط واحد ( يعني مافيه مشاة و راهم مشاة يعيني خيالة بعدين مشاة بعدين رماة )


و لما يتقدم يتقدم شوي شوي و المشاة يقلبون التراب عشان يسون غبار و يخلون اهل الابل يتوقعون الي جايهم جيش كبير و يقربون من جيش الابل و يهاجمونه و يمنعونه من انه يلحق جيش احد من القادة في مملكتي


و الرماة يهاجمون رؤوس الي فوق الابل و الخيالة يقتلون الي فوق الابل و المشاة يقتلون اي ناقة تقترب منهم و اذا لقوا ابل ما عليها احد يركبونها و يصيرون فوق الابل و يهاجمون القبايل بالابل

يلا راشد انسحب و الباقي علي و خطة التفجير و السم راح تفعل الدورة الجاية



و تركي انت خطوتك الدورة الجاية اول ما ياكلون السم و جيشهم يموت بعضه و يمرض بعضهم الباقي انت استقل الضعف و اهجم عليهم



وشكرا

ابي المهندسين الي وصلوا للجبل يبنون سور من طابوق الي في الجبل و يخلون فيه فراغات صغيرة عشان يدخل منها باقي الجيش و لما يدخلون باقي الجيش يتم تصكير هذي الفتحات ب خشب و طابوق و يكونون المشاة ورا السور مباشرة


و اول ما يحاول اي واحد من القبايل انه يتعدا السور راح يتفاجي بالجيش الي يرده بالسيف و بالقوة و الرماة يرمون اي جندي ورا السور يعني قبل لا يصعد اما المهندسين ابي 500 منهم يبنون منجنيقات اول ما يخلص السور و الباقين يسون بارود و متفجرات و يسوون مخزن كامل منها

و ابيهم يسون ازعاج بالاصوات عشان يجذبون القبايل لهم لما يختفون باقي الجيش


اما القائد الثاني ابيه ينسحب بالليل بكل جيشه و يخلي 50 خيالة و اول ما يبون يشتبكون القبايل معهم ينسحبون بسرعه و يروحون للمعسكر يعني يغرونهم يروحون للمعسكر و يدخلونه و يطلعون من الجهه الثانية بهدوء


و اول ما يدخلون في المعسكر يبدون الرماة يرمون اسهم نارية على المعسكر عشان يحترق و ينفجر و ينسحبون بعدها مباشرة و يختفون

و ي توجهون شمال الخريطة و يردون تشكليتهم القديمة و يدافعون عن انفسهم و اذا خرج جنود من المعسكر و اتجهوا للغابة يهاجمونه الجنود



ملاحظة: 1: لو سمحت نبي الخريطة عشان نعرف تحركات الكتيبتين الجايات لنا
2: ترا المخازن الي فيها سم برا المعسكر و تكون بعيده عنه للتذكير فقط



وشكرا


ملاحظة هذي خططي الدورة الجاية

Yue Jin

يستمر بالإختباء لحين وقوع العدو في كمين الطعام ثم يتم حاصرهم وقتلهم على وجه السرعة

تسلم إيدك حمد . الثأثير هالدورة كان عالي وإن شاء الله نكون بهالمستوى

الآن نبي نعرف شنو الخطط الجديدة اللي مزهبها ؟

بالتوفيق شباب

الخطة الجديدة

يقوم كل من Zhang Liao و Deng Ai بالتسلل إلى جيش العدو . يتم نشر إشاعة عن وجود صندوق حديدي صعب الفتح وثقيل يوجد فيه نقود تمويل حملة مملكة Wei الهجومية ويقرر الجميع أخذه إلى زعيم القبائل ويتسلل القائدان إلى هناك ويقومون بترك جنودهم لدى Yue Jin إستعدادا للخطة القادمة

يقوم Yue Jin بإرجاع الخيالة للوراء وجعل الرماة في المقدمة + المشاة خلفهم ويقوم بمحاولة صد أي هجوم هناك . بعد وصول القائدان Zhang Liao و Deng Ai إلى هناك يستعمل Yue Jin خاصيته في الهجوم وينقل جميع الجنود معه إلى الزعيم ويطلب الثلاثة مبارزة الزعيم ويكون Zhang Liao هو مبارز الزعيم وYue Jin و Deng Ai يبارزان أي قادة هناك

Guo Jia يقوم بالإحتماء فوق الجبل ومحاولة صد أي هجوم عليه من قبل العدو عن طريق السهام + الصخور

في حال موافقة الزعيم يتحدد مصير المعركة بيد Zhang Liao

في حال الرفض يقوم الثلاثة بالهجوم على الزعيم ويقوم الجنود بعمل دائرة حول القادة الثلاثة لمنع إختراق أي قائد لمساندة الزعيم ويتكفل الثلاثة بقتله بضربة واحدة والإنتصار بالمعركة

حاشية : الخطة إنتحارية . وحنا لها شباب . آمال Wei كلها بهالمعركة . الفوز فيها بيخلينا قوات لا تقهر والجميع يعمل لنا ألف حساب . Cao Cao يا ما عمل خطط إنتحارية وبالآخر أخذ ثلثين الصين له . Zhang Liao و Yue Jin بدعوا بخطهم الإنتحارية يوم He Fei الكبرى . Deng Ai بدع بإسقاط Shu بحملة وحدة . الله يوفقنا ونفوز ويصير لنا شأن كبير باللعبة . الله كريم يا رب . بالتخطيط والإرادة راح نفوز بإذن الله رغم فرق الأعداد الكبير

خطة Yue Jin

في حالة تسلل Zhang Liao و Deng Ai يتم ضم الكتيبتين إلى Yue Jin ويصبحان بلا جنود . يقوم Yue Jin بصف الرماة في المقدمة و المشاة خلفهم لصد أي هجوم للعدو ويتم وضع صندوق مليء بالصخور صعب الفتح عند المعسكر ويكتب عليه (نقود تمويل الحملة الهجومية لجيش Wei) في مكان بارز بعيد عن Yue Jin وقريب من العدو ويقوم بإختيار جنديين من جنوده ويقومان بالتنكر بهيئة Zhang Liao و Deng Ai

في حالة عدم تسلل Zhang Liao و Deng Ai إلى العدو يتم صد أي هجوم من العدو ريثما يستعدان للتسلل ولا يتم وضع الصندوق حتى ينجح القائدان بالتسلل

تم إرسال الخطة

خطة الصندوق نقول ان المخترع هو الي يبنيه



و خل اكتشافه علي بس المشكلة الكبرى انه لما ياخذون لصندوق راح يروحون للزعيم يعني راح يجتمون كلهم

راح يعملون الجنود دائرة حول الزعيم وراح نقاتله ونقلته بإذن الله قبل أي إختراق للجيش

للأسف فشلت محاولة الإختراق وأصبحنا في موقف صعب

الخطة Deng Ai و Zhang Liao أقترح تتغير . Deng Ai يقوم بالهجوم العادي بجنوده من مكانه . Zhang Liao يصير مع كتيبة Deng Ai ويقومون بإستدراج العدو للجهة الجنوبية الغربية

Yue Jin + خيالة Zhang Liao يقومون بهجوم مباغت لقائد العدو بعد إستدراج Deng Ai و Zhang Liao للقادة الدين حولهم

ملاحظة / خلال الثلاث أيام القادمة سوف أتحكم بZhang Liao مؤقتا حتى يتفرغ الأخ راشد للعبة

تركي انتبه انت و راشد ترا اذا رفضوا يبارزونكم راح يهجمون عليكم يعني كتب بالاوامر انك اذا رفض يبارزك تكمل الهجوم عليه


و تركي لا تخلي الرماة في المقدمة خل الخيالة او المشاة افضل بكثير



اما خطة جيشي مو واضخه لاني ما اعرف جيشي انضم لك ؟ ولا للحين بروحه ؟


و خطتي راح تتغير بالكامل بالقاسم

هذي تحركاتي

بسم الله الرحمن الرحيم



ابي المهندسين يلغون صنع المنجنيق و يردون بسرعه خلف السور و يصنعون ارماح من خشب و يوجهونها للسور يعني الي ينزل من فوق السور لازم يطيح عليها و يثبتونها بالارض و بين الصخور و يعلقونها على السور بسرعه كبيرة و يخلون بينها حطب و اشجار جافة و عشب جاف قابل للاحتراق و يرجعون ورا السور اخر الجيش و يبنون راميات اسهم و 250 من المهندسين ابيهم يضعفون الصخور على الجبل حيث انه تصير سهله الكسر و تطيح على جيشهم و او ما يقرب الجيش من الجبل ابيهم يطيحون عليهم الصخور و يرجعون خلف السور من الفتحتات و يسدونها على طول


التوزيع خلف السور يكون ورا الارماح المصنوعه المشاة و يكونون مستعدين لقتل اي واحد يتعدا السور و الارماح



و وراهم الرماة يكونون مستعدين ل رمي اسهم نارية عشان تحرق العشب الي بين الارماح و السور و يحرقون جيش القبايل و يزيدون الحرارة يعني يتاخر جيش القبايل عن التقدم وقت من الزمن و خطة غريبة شوي ابيهم اول ما يشوفون قائد جيش العدو انهم يرمونه بسهم يخليه مصاب و ضعيف و يلقون القبض عليه المشاة و يجيبونه بعد ما يربطون ايدينه الى اخر الجيش


و المهندسين يسون خططهم بسرعه كبيرة و يرجعوناخر لجيش و يسون راميات الاسهم مل الي في الخطط فوق



اما Deng Ai اول شي جنوده راحوا و انضموا ل Yue Jin ؟ ولا للحين في مكانهم ؟


لانك في التفاصيل قلت ان بعضهم ضاع في الطريق يعني هم راحوا بس في الاحصايات قلت انهم في جيش بروحهم



المهم عشان لا نضيع وقت اذا انضموا ل Yue Jin ف خلاص اوامرهم عنده


اما تحركاتي للقائد المتنكر ابيه لما يتقدم الجيش الي هو داخل فيه يقترب من القائد و يكون قريب حيل منه و اول ما يبدا الهجوم على جنودي و تتلتحم الجيوش ابي اهجم عليه من الخلف و اقتله و اصرخ للجيش و اعلن عن موت القائد و اني رديت قائد لجيشي

هذا اذا للحين ما راحوا جنودي ل Yue Jin



وشكرا

عارف وراح أخطط هالمرة بشكل جيد

راح أخذ جيش Zhang Liao كله وأهاجم من الخلف هجوم مباغت . أما Zhang Liao فراح يكون مع Deng Ai فأول ما يرفضون المبارزة ينقضون عليهم بسرعة لأنه الثقة بتقل عنهم