انتهت الاختبارات

شباب ابشركم انتهت الاختبارات عندي نسبتي 92 ؛34 ولله اني مستانس

ألـــــــــف مبروكـ يالغالي

إن شاء الله نتائجي تطلع بكرة

ظهرت النسبة بس مو عاجبتني أبد الله يسامح المدرسين

96.55%

96 و مو عاجبتك ؟


أنا شقول بعد يوم كنت في المدرسه و لا عمري جبت في التسعينات بوس يدك مقلوبه و تحمد الله هههههههه


مبروكين للناجحين جميعاً


الله يعطيكم العافيه أتمنى أدمج الموضوع في صفحة الأخ بس ما عرفت اطلب الأداره بدمج الموضوع في صفحة العضو الشخصيه


دمتم بحب



(( تـــــــــحياتـــــــــي ))

هههههههههه

إيش أسوي المدرسين قهرووني

والله يباركـ فيكـ

وألــــــــف مبروكـ للجميع النجاح وبالتوفيق

يبى السعودية غير مناهجهم, كلها سهلة فعادي تشوف اكثر الناس 90 و فوق, اعرف اكثر من واحد كانوا ساقطين عندنا, راحوا السعودية و نسبهم طارت فوق.

ما ودي احسدهم هههه احسن من التعقيد الي عندنا.

أي سهلة

تعال شووف مواد الدين والعربي إلي عندنااا

راح تعرف السهووولة كيف,,,

أي والله مازن صادق

اللغة العربية يدخل عليك الأستاذ ويقول أعرب (هيا محمدان قولا الحق)

طبعا مثل ما قال تعال وشوف السهولة كيف


الحمد الله نجحت ونسبتي

87%84

Shizai كتب:

يبى السعودية غير مناهجهم, كلها سهلة فعادي تشوف اكثر الناس 90 و فوق, اعرف اكثر من واحد كانوا ساقطين عندنا, راحوا السعودية و نسبهم طارت فوق.

ما ودي احسدهم هههه احسن من التعقيد الي عندنا.

انا قرفت من نفسي في العلوم و الرياضيات

كرهت شي اسمه مدرس علوم او علوم

مدرس رياضيات او رياضيات

تعقيد مثل ما قلت ناصر

و زيادة نحن عندنا شركات تعليم قالبة الدنيا فوق تحت

و تحصل فيها غير اللبنانيين

اضاهر انك تعقدت يا راشد من مدرس العلوم ههههههههه بس ولله مالها دخل المناهج على حسب المدرسين :P فيه الي يدخل عليك وهو معصب ويعطيك درس وما يعيد الشرح وفيه مدرس طيب يدخل على الطلاب مستانس وما يشرح دروس الا قليل على حسب وكذا

مازن حرام عليك ست وتسعين ماهي عاجبتك انا ودي اجيب خمس وتسعين علاشان اجيب ست وتسعين ههههههه

الله يبارك فيك

ألـــــف مبرووكـ عزيز

كلام ناصر صحيح المناهج كلها سهلة وبدون استثناء لكن الوزارة بدأت تعدل المناهج بالتدريج من المراحل الابتدائية وحتى الثانوية صارت صعبة من جد ! صف خامس ابتدائي ياخذون حق 3 متوسط وانت ماشي "

اللغة العربية اللي هي النحو والأدب كانت من اسهل المواد في الثانوية كانهم محطينها مساعدة للطلاب عشان يجيبون درجات فيها " ومع هذا تشوف درجات الطلاب طايحه فيها )انا المادة اللي ما قد حبيتها ولا راح احبها الرياضيات لاني أكبر مهمل في المذاكرة وما افتحها الا يوم الاختبار واضيع فيها " الا هي مهي صعبه لكن يبغالها واحد يذاكر "

بالتوفيق"

أي سهلة يكفيكـ عدد شعراء الجاهلية تعد وتغلط

زيكفيكـ الإعرابات خمسين إعراب أنواع وأشكال

صدقت مصلح

المناهج في الخليج بدأت تصعب سنة بـسنة

الرياضيات الي نحن قاعدين نأخذه يقول المعلم انه درس هذي الدروس في الجامعة

و استاذ العلوم نفس الشي

بالنسبة للأنجليزي هذي السنة بدأت تسهل و شالو القواعد (Grammar) من المنهاج

و نصف الدرحة (50) تكون موضوعة على مناهج سخيفة

الراسبين يقدرون يوصلون لـ 73و ما فوق في المادة

صح كلامك, قبل كان الاحصاء فصل في نهاية كتاب الرياضيات, بعدين صار كتاب لحاله, الحين منهج لحاله و تمتحن الامتحانين بنفس اليوم بعد! بس علامتهم تنجمع مع بعض.

اخوي بالابتدائي الحين يدرس دورة حياة الديناصور و الصرصور و مدري شنو.. خرابيط تعقد..

هههههههههه

الله يعين الجميع كلنا متعقدين

أنا بتكلم عن بلدي


إحنا من درجة الصعوبه عندنا إذا حد يأخذ في التسعين معدله يسوون معاه مقابلة في الإذاعه و الجريده !!


و ما يجبونها إلا نادر ف ما بالك كيف المنهج عندنا


حتى فرنسي عندنا في الأدبي


يعني أبو التعقيد و أبو الصعوبه


لدرجة أنه في ناس تروح السعوديه و البحرين و تقدم ثانوي


و في ناس تقدم نصف السنه و أخر السنه ما يقدمون من تحطيم نصف السنه و هذه الظاهره كثيره عندنا


و قسم العلمي في ناس تدخله صحيح لكن محد يجيب في التسعين أو الثمانين


و إذا ناس تجيب هالمعدلات ياخذ تكريم من سمو ولي العهد !!


ف ما بالك الجامعه ف يعني ما تلوموني لو ما درست جامعه و أشتغلت بالثانويه


يعني بالعربي و بدون مبالغه كل شي صعب في الدراسه بقطر


و كل القطريين متعقدين و أغلبهم يدخلون الجيش و الشرطه لأنه في الدراسه خفيفه


و حتى الجيش و الشرطه في دورات دراسيه


اللهم لك الحمد و الشكر في كل شي و بالتوفيق للجميع


دمتم بحب


(( تــــــــــحياتــــــــــي ))

^^"

سمعت نفس الكلام من اكثر من واحد بس الدراسة في قطر محترمه جداً وجامعاتها عالمية لكن المشكلة محنا متعودين على الصعوبة ومتعودين على الملخصات والعربي ووالخ هذي هي اللي حطمتنا لكن شيء جميل ان الدولة وفرت وظائف في القطاعات الثانيه ما تتطلب شهادات جامعيه "

بالتوفيق "

Shizai كتب:

صح كلامك, قبل كان الاحصاء فصل في نهاية كتاب الرياضيات, بعدين صار كتاب لحاله, الحين منهج لحاله و تمتحن الامتحانين بنفس اليوم بعد! بس علامتهم تنجمع مع بعض.

اخوي بالابتدائي الحين يدرس دورة حياة الديناصور و الصرصور و مدري شنو.. خرابيط تعقد..

تكفى لا تجيب سيرة الاحصاء اكلنا مقلب محترم في الجامعه المذاكرة كانت شيء والاختبار طلع من شيء ثاني !
لكن الحمد لله جبت درجة تمشي الحال "

ايش دراهم بدورة حياة الديناصور ! ياخي اسوء شيء لمن تدرس حاجه مهي ثابته علميا ويختلفون فيها العلماء للحين ! بس مادة الاحياء ممتعه وتدخلك جو "

بالتوفيق"

محمد: يعني الفرنسي مو مادة ادبية بالدول الثانية؟ حنا --بالعلمي-- ناخذ دستور و حقوق انسان. اخوانا المضطهدين في الادبي ياخذون علم نفس و فلسفة و غيرها. دراستي الفصل الي طاف عن شغلات مالها قيمة بالحياة (انواع الطحالب, انواع الاوليات..) و بعضها اصلا نظريات قديمة خاطئة و بعضها ضد الشريعة الاسلامية (نظرية دارون). بعدين الوزراة اذا جت تبي تغير شي بالمنهج, بنص السنة تجي و تحذف دروس في نص الكتاب و تكون الدروس هذه مرتبطة بدورس بعدها.

بالفيزيا ناخذ استنتاج القوانين نفسها, و مع الرسم. اختباراتنا الي طافت كلها اقل شي 10 صفحات اسئلة باستثناء الاسلامية. امتحاني الاحياء الي طاف كان 150 صفحة دراسة, تقريبا 6 فصول.

اذا حصلت كويتي بالتسعين, الوزيرة تتصل عليه و تبارك له على الهوا, و يسوون له مقابلة بالتلفزيون و يكرمه الامير و شخصيات مهمة.

اما الاحياء يا مصلح.. ما لقيت الا الاحياء! ههه