أسود الصحراء - قصة

هههههه

أنآ أضحكـ كل مآيرد ابو عآدل بشعر هههههه

اما شخصية ابو عآدل بدآل مآ هي حكيمة صآرت كوميدية

اتخيل وآحد تتكلم عليه يرد لكـ بشعر تصفعه بوآحد تخلي رأسه يدور هههه

اتخيل شخصية فلاح ماسكه عصاة مربوط فيها خرقه و هو مطرود ههه مشكور و حلوه سالفة الاعضاء على الفصل بس في جمله ما فهمتها

اقتباس :

المصور الي معي كان مستر و كان يبي يتصل على الشرطة بس ذبحته و هو يتصل

شنو يعني مستر ؟

مشكور أخوي ناصر ابداع القصة..
بس فيه ثغرة بسيطة..

اقتباس :

راح مصلح و محمد و أبو عادل و مازن للحرب, و اخذوا معظم الجنود و قعدوا الباقيين بالمكان و راح تركي يكلم ناصر..

هنا تقول أبو عادل راح...

ناصر: قتل كذا واحد؟ شرايك بو عادل؟ اخاف يموت بسبتي..
وهنا كان جالس معهم..
صراحة أنا من أشد المعجبين بزهير بن أبي سلمى وخصوصا معلقته الرائعة..
ةأنت الله يوفقك كثرت منها فشكرا..

اقتباس :

من اللقب الي اطلقوه الشباب عليك بالقروب, سيبويه المنتدى

ما أدري بس أحس السيبويه ذا ملازمني هههه
يلقبوني سيبويه الحارة, سيبويه المدرسة , والحين سيبويه المنتدى, مابقى الا بأمريكا يلقبوني سيبويه أمريكا هههه

اقتباس :

هههههه

أنآ أضحكـ كل مآيرد ابو عآدل بشعر هههههه

اما شخصية ابو عآدل بدآل مآ هي حكيمة صآرت كوميدية

اتخيل وآحد تتكلم عليه يرد لكـ بشعر تصفعه بوآحد تخلي رأسه يدور هههه

ان شاء الله تعجبك كل شخثيات المنتدى هههه

اقتباس :

اتخيل شخصية فلاح ماسكه عصاة مربوط فيها خرقه و هو مطرود ههه مشكور و حلوه سالفة الاعضاء على الفصل

هههههههههههه

اقتباس :

شنو يعني مستر ؟

اقصد الكلمة الانجليزية, افهمها انت عاد هههه


هنا تقول أبو عادل راح...

اقتباس :

ناصر: قتل كذا واحد؟ شرايك بو عادل؟ اخاف يموت بسبتي..
وهنا كان جالس معهم..
صراحة أنا من أشد المعجبين بزهير بن أبي سلمى وخصوصا معلقته الرائعة..
ةأنت الله يوفقك كثرت منها فشكرا..

عدلتها مشكوووور على الملاحظة.

زهير لازم اكثر منه, دامه مطيري هههه هذه ماسكها على مدرسنا العربي القديم.. كنت اقوله زهير مطيري, يقولي لأ غطفاني.. اقوله مطير من غطفان, يموت ضحك هههه

اقتباس :

ما أدري بس أحس السيبويه ذا ملازمني هههه
يلقبوني سيبويه الحارة, سيبويه المدرسة , والحين سيبويه المنتدى, مابقى الا بأمريكا يلقبوني سيبويه أمريكا هههه

هههه اجل شكلها جت عليك بالضبط ههه

و بخصوص الي قلت لي عنه بالخاص عدلته, ما فكرت ببيت زهير ان فيه عدم اعتراف بأحقية الموت, فعدلته و رحت لعند عنتر, معروف هو و المنية ما يتفرقون بالشعر. على فكرة انا برأئي زهير كان حنيفا, ابياته توضح الشي هذا و ما كان في اسلام بوقت الجاهلية اساسا.

فصل جديد اتمنى يعجبكم و اسفين على التأخير و القصور..
---------------------------------------------------------------

فلاح ما كان بعيد عن الشباب.. كان يراقبهم خطوة بخطوة و هم ما يدرون, ما كان وراه شي و كان يبي يعرف شنو اخرتها مع الشباب. عموما, لاحظ ان مصلح و محمد و بو عادل و مازن و معهم اعداد كبيرة من الجنود فعرف انهم رايحين للحرب في الضفة العنابية, فتبعهم..

يوم ورى يوم كانوا يسافرون و فلاح وراهم بالجيب , الى ان وصلوا و دخلوا الضفة العنابية الي كانت محوطة تماما بالحراسة و تسللوا الى مكان قريب من المعسكر..

محمد: مصلح, هسى شلون تريدنا نعاونهم؟ الباب مسكر و ممنوع التطوع..
مصلح: ههه لا ما عليك, انا اكلمهم يخلونا نساعدهم دحين"
مازن: هههه يا روحي يا مثلح..

يدخل مصلح و بخطوات ثابتة الى داخل المعسكر لحاله, و محمد و مازن و بو عادل ينتظرون بالخارج.. دخل مصلح المعسكر و الجندي الي عند الباب كلمه

الجندي: موب مصرح لك تدخل مني
مصلح: ابغى اكلم المسؤول"
مازن من بعيد: تحث انه داخل مطعم مو معثكر..
الجندي: ليه تبغي تكلمه؟
مصلح: ابغى عرض عليه مساعدة"
الجندي: يعني انت عندك معلومات؟!
مصلح: ..... ايه"

و بسرعة الجندي يسحب مصلح داخل و يتم تفتيشه و اخذه الى المسؤول..
مصلح بقلبه: دام السالفة فيها سحب بالعافية, لا ما عندي معلومات ! خلاص!

الشباب برى ما يدرون عن السالفة..

الجندي: سيدي! الشاب هذا يدعي امتلاك معلومات تهمنا سيدي!
المسؤول: طيب خلوه يستريح.. انت شكلك من ربعنا.. قول شعندك؟
مصلح: و الله انا دوبني وصلت انا و عدد كبير من الشباب و حبينا نتطوع للمساعدة
المسؤول: ما نقدر ندخلك معانا
مصلح: بس يا حضرة الضا-
المسؤول: بدون بس, و انا عقيد مو ضابط..
مصلح بلع ريقه و قعد يفكر شنو يقول..

بهذه الاثناء..
مازن: مثلح تأخر
محمد: خطية لا يكون صار اله شي..
بو عادل: من اطال الغياب اتى بالغنائم!
محمد و مازن اعطوا بو عادل نظرة استغراب..

شوي و يسمعون صوت سيارة مسرعة لهم, و يلتفتون و يشوفون سيارة قديمة و مقطنه, تتقدم بسرعة و تناقز بمكانها و تبي تدعمهم, بسرعة راحوا على جانب الطريق و دعمت السيارة الباب و دخلت بسرعة كبيرة..

بو عادل: مكر مفر مقبل مدبر معا... كجلمود صخر حطه السيل من علي

و يخرج رجل كبير بالسن شوي, تقريبا في بداية الاربعينات, شعره كان نصه ابيض و عنده لحية قصيرة, و سيجارته بفمه و الجنود حوله ساكتين ما قالوا شي, و دخل الرجل هذا لغرفة المسؤول..

احد الجنود بالخارج: ايييه.. شيبي الشايب هذا الحين.. لازم يحشر نفسه..

المسؤول: بدون بس, و انا عقيد مو ضابط
مصلح بلع ريقه, و دخل الرجل للغرفة و تكلم مع المسؤول..

المسؤول: اهه جنرال محمد..
الجنرال محمد: بعد كل سنوات الخبرة هذه, تستعدون لحرب بدون ما تستدعوني؟ عشرة عمر..
المسؤول: اسف بس للحين ما وصلت لك مهمة معينة تمسكها بالحرب..
الجنرال محمد: ما وصلني شي من اربع سنيييين...
المسؤول: اسف الامر مو بأيدي, بس للاسف ما لك مكان عندنا بالمعسكر و وجودك غير مصرح به حاليا..
الجنرال محمد: انا اقدم منكم كلكم! مشكلة الدنيا هذه تقطك بين يدين ناس اصغر منك! و يسوون نفسهم فاهمين بعد! بس انا اوريك, اقاتل غصب طيب..

و يمشي الجنرال محمد و يطلع من المعسكر, و المسؤول ينفخ و يفكر بكلام الجنرال محمد, و يطلع مصلح من الغرفة بدون لا يدري المسؤول حتى..

مصلح: جنرال جنرال! انا اقدر اساعدك اذا ساعدتني.."
الجنرال محمد: قول عطنا شعندك..
مصلح: انا عندي جيش كامل من المتطوعين بس ترى عندهم خبرة حلوة مرة, احنا جايين نبغى نشارك بالحرب بس ما استقبلونا. اذا دبرت لنا مكان بخطتك, نقدر نساعدك بالقتال كمان. ايش قلت؟"
الجنرال: هاهاهاها الظاهر الجيل هذا مو كله ***
مصلح : هههه تفضل اعرفك على الشباب.."

و راحوا عند الشباب..
مازن من قبل لا يوصل لهم مصلح و الجنرال محمد, قال لمحمد: الظاهر مثلح جاب المثؤول لنا.. و الله عرف يكلمهم..

محمد: اني محمد من البوابة الشمالية
الجنرال: امم اوكي, و نعم..
مازن: انا مازن, صديق مثلح
الجنرال بقلبه: مثلح؟
الجنرال: امم و نعم.. و انت منو؟
بو عادل: أنا الذي نظر الأعمى إلى أدبي.......وأسمعت كلماتي من به صمم
مصلح: ههه اسمه بو عادل, هو دايما كذا"

فلاح قرب من الشباب شوي , يبي يسمع كلامهم..

الجنرال: اسمي الجنرال محمد, نادوني الجنرال بس لو سمحتوا. انا عندي خطة جاهزة للعملية. ربعنا خايفين من كثرة اعداد العدو, خاصة ان قائد الاسطول ارسل رسالة يقول ان جيشه مليون رجل. اذا انتم واثقين فيني, انا اضمن لكم الانتصار. ببساطة, الشيتان الاعزم علاقته مع البحر مو حلوة. حنا اهل الصحراء, على الرغم ان الاسم ما يوحي, لكن كان منا عدد كبير من السكان ساكنين على البحر و اشتغلوا بالصيد و الغوص, و حنا اهل البحر. لو تلاحظون سكان الشيتان الاعزم سكانهم منعدمين من بعد جبال جازروس الى الخليج, و علاقتهم التاريخية بالبحر مو قوية. اكلاتهم كلها مشويات و لا في اكل بحري عندهم, انهارهم كانت مسدودة لفترات طويلة تاريخيا, و معركة الماراثون القديمة الي كانت عار عليهم و خلتهم يطقون البحر بالرماح من الغضب و الخزي بالهزيمة. لا يمكن يكون عندهم مليون جندي.. اتوقع عندهم 250 الف جندي, و الظاهر بس يبون يخوفونا عشان نستسلم. انا راقبت تحركات اسطولهم و تجهيزاته, هم يستعملون سفن كبيرة بس سريعة بشكل لا يوصف على الرغم من الكبر, السفن هذه تجمع بين السرعة و القوة الدفاعية الي تصعب تحطيمها. سويت بحث عن السفن هذه, اسمها خدافس-7 , السفن هذه تصميمها في مشكلتين. ان لازم كل السفن تنربط ببعض لان المحرك مشترك, و المشكلة الثانية انها تصرف بنزين بشكل خيالي حيل و مكلفة, عشان يقطعون مسافة الخليج يحتاجون يعبون على الاقل 10 مرات بالهجوم و 10 مرات بالانسحاب.خطتي ببساطة اننا نحرق مخازن الوقود الي عندهم داخل السفن. انا عندي شهادة اجتياز عشر دورات تفجير, و عشرة دورات احراق, يعني الامور هذه لعبتي بس الاغبياء الي ماسكين الكراسي ما يدرون عن احتياجهم لي.

مصلح: الفكرة حلوة مرة"
محمد: هسى بالخطة هذه, حتى لو كانوا مليون جندي, نقدر نفجرهم! اقلك جنرال, نعمل الخطة هذه اليوم لو بكرة؟

الجنرال: انا اتوقع يوصلون لنا بعد ثلاث ايام, بالفترة هذه نكون جاهزين لهم. انا اعتقد لازم نبدر لنا هيلوكبتر عشان نرمي على المخازن من بعيد و نحرقها و نحرق السفن.

مصلح: و الهيلوكبتر كيف تدبرها؟"
محمد: انا اكلم مسؤول المستودع و اخذها منه.. اضحك عليه بكم كلمة و اخذها..
بو عادل: الن يقاضوك؟
محمد : لا ما عليك منهم, اخاف صج يسوون شي بس..

و يولع محمد السيجارة, طبعا الشباب الي كلهم مطاوعة ما عجبهم الشي هذا بس تعايشوا مع الوضع..

مصلح: و جيشنا ما تحتاجه؟"
محمد: جيشك ضروري لي.. انا راقبت تجهيزات ربعنا.. ما وزعوا جيوشهم بالاماكن الصح. في اماكن على طول الساحل ما فيها حماية مثل مدينة الوركة, و في بعد المدينة اسواق و اماكن عامة يعني جيشك المفروض يحميها. اتوقع يرسلون جيش فرعي لها.
مصلح: امم مو مشكلة"

محمد: الكورة مكان بعيد, لازم هسى نروح له
الجنرال: ايه صحيح.. مصلح و جيشك روحوا للوركة من الحين عشان تلحقون.
مصلح: طيب انت اخذ معك بو عادل يمكن يفيدك
الجنرال: امم ما ودي اخذه صراحة, ودي لو انا اسوي الشي هذا بروحي..
بو عادل: ليس كل ما يتمناه المرء يدركه.... تجري الرياح بما لا تشتهي السفن
الجنرال: هههه طيب, بعد ثلاث ايام موعدنا.

فلاح قعد يفكر يراقب اي جهة من الجهتين الي راح يتفرقون.. طلع الاي فون و طقطق شوي بالبرامج.. و قعد يفكر لين ما لقى الي هو يبيه..

-- بعد ثلاثة ايام.. الكل في موقعه..

محمد: اجو اجو! اجو قوات الشيتان!
مصلح: دوبهم يجيوا.."

و يتجهزون للدفاع, و مصلح مكلم بو عادل ان يكون بينهم مسجات بالتلفون.. و قاله ان العدو وصلوا للوركة..

--

الجنرال: اقولك المسؤول دزني اخذ افضل طيارة و اروح للوركة بسرعة!
الحارس: لازم يكون عندك تصريح..
الجنرال: تعرف احد بالوركة؟ اتصل عليه شوف اذا يبون حماية ولا لأ. انا كلمت المسؤول قالي بسرعة روح و لا تتأخر, اذا رديت له و درى انك اخرتني ساعة كاملة ما راح يسكت ترى.. راح يطردك..
بو عادل دخل عليهم: حارس المخزن؟ ارسلني المسؤول لابلغك برغبته بتواجدك هناك
الحارس: طيب اخذ الطيارة هذه.. كبسة-7 , تصلح للمهمة.
الجنرال: فيها ذخيرة؟
الحارس: ايه مليانه.. انا بروح اشوف المسؤول..
و يروح الحارس.. و يركب بو عادل و محمد بالطيارة. محمد يسوق و بو عادل ماسك الرشاش..

الجنرال: الحين المسؤول صج يبيه؟
بو عادل: لا
الجنرال: الكذب مو حرام؟ ههههه
بو عادل: عند الضرورات تباح المحظورات..

و يطيرون بالطيارة بسرعة و يروحون شمال بدل شرق.. المسؤول شاف الطيارة تطير بالسما و قعد يستجوب الموجودين عن السبب, و عرف ان الجنرال محمد ورى العملية..

الشباب الي بالوركة كانوا يدافعون بشكل حلو بدون خسائر قوية و قدروا يصمدون فترة حلوة, حتى ان محمد قدر يغرق سفينة.

طاروا بو عادل و الجنرال و لقوا سفن العدو الكبيرة المتلاصقة و كانت مقسمة خمس اقسام, قسم بالنص و اربع اقسام بالجهات الاربع, القسم الي بالنص كان مدرع و كان فيه مخزون البنزين, الاقسام الي على الاطراق كانت هي الي فيها قوات القتال. بدأت القوات ترمي على هيلوكبتر الجنرال من كل الاتجاهات و الجنرال يفر بسرعة بالهواء عشان يتجنب الاضرار..

بو عادل كان يرمي على الي يقدر عليه وسط السرعة الكبيرة الي مضطر الجنرال يتحرك فيها, كانت الحركة بلا جدوى لان صعب على بو عادل يرمي بالحركة هذه. شوي شوي اقتربت السفن الى الساحل و المعسكر, و بدأ المسؤول و الحرس يقاتلون و الهيلوكبتر قل التركيز عليها شوي..

فلاح كان بالمعسكر و شاف الفوضى الي صارت و كل واحد يمسك مكانه و هو قعد يطالع الهيلوكبتر بالسما..

بالمسجات بين مصلح و بو عادل
فتى السيول: بو عادل ترى وصلت مساندات

بو عادل اساسا ما كان يقدر يشوف جهازه من الانشغال, ولا سمع الصوت حتى من صوت الطلقات..

مصلح و محمد و مازن شوي شوي زاد الحصار عليهم من امدادات العدو, خسروا كم رجل مات..

محمد: هسى نكمل لو نرجع؟
مصلح: مدري .. اصبر"

فتى السيول: بو عادل بسرعة.. رد
لله درك يا عكرمة الفياض: انتظر قليلا..

الجنرال: شهالجيل هذا!! ماسك موبايل بحرب! عمى..

و يتمكن بو عادل من تدمير درع المخازن, و اكتشفوا وجود درع ثاني تحته لكنه اصغر..

مصلح: شباب انسحااااااب! ما نقدر خلاص!"
مازن: ثمعتوا مثلح, انثحاااااااب
مصلح: ما قلت ولا كلمة صح.. ههههه"

انسحبوا الشباب الى السوق الي بعد الساحل, و تحصنوا فيه..

فلاح بالمعسكر راح مستودع الاسلحة, لقى الحارس قاعد على الارض يرجف..

الحارس: من انت؟
فلاح: بات مان..
الحارس: لا جد من انت؟
فلاح: واحد متطوع ابي اساعد. الحين ليش ما تستعملون الطيارات هذه كلها؟ اشكال و الوان..
الحارس: ما عندنا وقود كافي..
فلاح: شلون ما عندكم؟ انتم مجهزين للمعسكر من زمان..
الحارس: في واحد سرق معظم الوقود..
فلاح: اها.. و الوقود هذا ما يكفي يعني؟
الحارس: ما يكفي قتال و طيران, بس يكفي تاخذ فيه جولة عشر دقايق بكل طيارة. بعدين انت شدخلك؟

فلاح يلكم الحارس و يسدحه. ياخذ مفاتيح الطيارات و يفتح الباب الخلفي للمخزن و يطلع الطيارات كلها و يصفها على طول الساحل, استغرقت العملية هذه ساعة كاملة.

بهالوقت, مصلح و مازن و محمد كانوا يقاتلون و خسروا عدد كبير حيل من الرجال, و السوق بكبره احترق و العامة هربوا ما بقى الا متطوعين قليلين قاتلوا معهم و ماتوا..

فتى السيول: يا شيخ فكنا!
لله درك يا عكرمة الفياض انفطع اتصاله
مصلح: كمان؟"

الجنرال راح زاوية بعيدة شوي و بو عادل قتل الحراس على طرف السفينة, و بسرعة رمى على الدرع البسيط و كسره على الاخر و انكشفت مخازن البنزين الكبيرة.

الجنرال: يلا ارم ارم!! تفجيييير!! نار نار نار!!

بو عادل يرمي لكن انتهت الذخيرة عنده!!

الجنرال: ارم!!!
بو عادل: يبدو ان الذخيرة انتهت..
الجنرال: شنو؟!

و احد حرس السفينة طلع القناصة و كان يبي يقتل الجنرال لولا ان الجنرال حرك الطيارة فوق شوي, و بالغلط اصابت الرمية الطائرة نفسها.. و وصلت السفينة الى الساحل تقريبا و قربت من المعسكر بشكل كبير, بس مسافة بضعة امتار.

بو عادل: كاد ان يقتلك يا رجل! حمدا لله
الجنرال: الطيارة راحت فيها.. الجناح الخلفي تكسر و ما نقدر نطير واجد لازم نرجع..
بو عادل: اصابوا كبينة الوقود ايضا.. انه ينزف.. فعلا يجب علينا العودة للاسف.. تبا لكم ايها الاوغاد!
الجنرال: تقول البنزين ينزف؟ بس بس خلها علي اجل..

و يحلق بسرعة بنص السفينة بسرعة و يكشف نفسه للكل يصيبه, و طلع احد الجنود ار بي جي يبي يطرح الطيارة لكن محمد تجنب الضربة بسرعة و قعد عشر ثواني و بسرعة رمى السيجارة من فوق على المخزن بعد ما ولعها عدل, و احترقت المخازن..

بو عادل: لقد فعلتها!!
الجنرال: في شي غلط.. النار مو قاعدة تنتشر..

فلاح بهالوقت صف الطيارات كلها و لفها, خلاها تعطي ظهرها للشاطىء و شغلها كلها. شغل المحركات و ادار المراوح الخلفية, طبعا هذه طيارات عادية مو هيلوكبترات. و بدأت النيران تنتشر تدريجيا الى الجهة الثانية من السفينة..

بو عادل :
الــــنــــار شِــــعــــرك و الــــرّيـــــاح كــــلامـــــي............مـهــمــا اعـتـلــيــت َ فـــلـــنْ يـــطـــولَ صــيــامــي
الـــــنـــــار عـــاقــــبــــة الّـــــذيــــــن تــهـــافـــتـــوا.........حــــــــول الــرّذيـــلـــة و الــمــصــيــر الــــدّامـــــي
لـــــك َ جــولـــة ٌ إنْ خَـــــفَّ وَطـــــئ دعـابــتــي,.............و نـــهـــايـــةٌ لـــــــــولا اســتــلــلـــتُ حـــســـامـــي
لا فَــــضــــل يَــــرجِــــع ُلــلــســهــام بـــضـــربـــةٍ............فــالـــفـــضـــل ُ مــــرجِــــعــــه لــــخــــبــــرة رام ِ
ســيــجـــارة ٌ ســقــطـــت ْ بــــــــرئ ٌ جَــمْـــرُهـــا..........لـــــــولا هــبــوبَـــكَ مـــــــا إســتــفـــاقَ بـــلائــــيْ
دحْــرَجْــتَــهـــا نــــحـــــو الــهــشــيـــم ِبــنــســـمـــةٍ.......أغــضَــبْـــتَـــهـــا فــتــخـــضَّـــبـــتْ بــــدمـــــائـــــيْ
يـــــــا عــابــثـــاً بــالــنـــارِ إحــــــــذرْ ثــــورتــــي............بـــركــــانُ شـــعــــر ٍ قـــــــدْ تـــفــــورُ ســمــائـــيْ

مازن: مثلح.. الاعداء يثحبون!
مصلح: حلو حلو.."

لله درك يا عكرمة الفياض: لقد انجزنا المهمة. لنلاقيكم في المعسكر يا جماعة
فتى السيول: طيب

قتلوا الباقين في السوق و الساحل في الوركة, و راحوا للمعسكر و وصلوا بعد كم يوم. كانوا تعبانين بس معنوياتهم حلوة بعد الانتصار, و خسروا اعداد كبيرة حيل.

محمد و بو عادل ردوا للمعسكر, محد كلمهم لان الكل كان مشغول بقتال بقايا الموجودين, بعدها المسؤول امر بملاحقة العدو و استمرت الملاحقة و استمر القتال لكم يوم و اجتمعوا الشباب مرة ثانية. الحرس للحين ما يدرون شنو لغز الطيارات الي صفت على جانب الساحل و اشتغلت..

===============
ان شاء الله يعجبكم الفصل, الابيات الي قالها بو عادل عن النار في منها بيت كان يركب بعد على سالفة الرياح بس شلته لانه ما عجبني.

في شغلة بكلام مصلح الي يلاحظها يطلع بطل هههه اذا في اي خطأ اتمنى ابلاغي , الدنيا رمضان و انا مصدق حالي اكتب ههه

طيب ولله حلوة سالفة مازن هههههههههههههه

ووش سالفة الطيارات

ممكن تظمني للقصة

فصل ممتاز جدا جدا جدا جدا....
فتى السيول هذي ابداااع... بس أنا لو خليتها طلحة الفياض أفضل.. لأن طلحة هو الذي لقب بالفياض وليس عكرمة...
أنا حزين على فلاح مسكين ..وده يخدم بس الكل مطنشه ههه..
اذا قصدك الشغلة الي بكلام مصلح قصدك اللهجة ؟ بكل الفصول كانت كذا أو ممكن النقاط الواجدة والترقيم بس هذي بكل الفصول كانت موجودة ..

ههه معركة chi bi ، محمد هو huang gai و انا zhuge liang الروايه هذولا الي قدرت اصيدهم

سالفة الزقاره شكلك شايف فلم هندي قبل لا تكتب الفصل ، و ضحكت على ابو عادل لما نكب الشباب و خلص

الذخيره ، فيه اشاء واجد عجبتني و لو اقولها ما خلصت ، لا توقف القصه =]

اقتباس :

ههه معركة chi bi ، محمد هو huang gai و انا zhuge liang الروايه هذولا الي قدرت اصيدهم

قصدك محمد Zhou Yu وأنا Huang Gei لأني الي أحرقت كل شيء اللهم السيجارة

اقتباس :

بس أنا لو خليتها طلحة الفياض أفضل.. لأن طلحة هو الذي لقب بالفياض وليس عكرمة

http://www.qwled.com/vb/t85335.html

اقتباس :

اذا قصدك الشغلة الي بكلام مصلح قصدك اللهجة ؟

لا, اذا تكلم تحصل الـ " مكتوبة, و اذا كتب مسجات, ما تحصلها ههه عكس الواقع.

اقتباس :

ههه معركة chi bi ، محمد هو huang gai و انا zhuge liang الروايه هذولا الي قدرت اصيدهم

هههه بالضبط, و راح تشوفون مقتطفات واجد من الممالك

اقتباس :

سالفة الزقاره شكلك شايف فلم هندي قبل لا تكتب الفصل

ههههههههههههههههههه طال عمرك كنت ابي اخلي الجنرال ينزل بالطيارة و يقرب للسفينة و يرمي الزقارة بس قلت ابي اخلي فيها حس كوميدي شوي ههه
=========================================
طولت حيل بالفصل هذا.. من الاشغال و الجفاف الفكري الي حاشني, سامحوني اذا ما كان يستاهل الانتظار هذا كله *يجهز الافى*

الشخصيات الباقية و الي لها دور بالقصة بس ما ظهرت للحين (Ling T0ng - Wenyuan - Empror Deng Ai - أبو عزيز - Ma Chao-226) اي واحد حاب يدخل القصة يعطيني خبر لان الادوار بدت تقل.. و اتمنى تعذروني اذا في واحد ما قدرت ادخله بالقصة و ما حصلت له دور..

---------

اجتمعوا الشباب مرة ثانية في المعسكر في شمال دولة الضفة العنابية, و تجمعوا عشان يسمعون الخطبة الي كان يبي يلقيها مسؤول المعسكر:

"اليوم فزنا, و دافعنا عن بلادنا الحبيبة! قتلنا كل طامع فيها و قدرنا نحميها بفضل الله تعالى ثم بفضل التعاون و التأخي بينا و قتالنا الشرس. ابارك لكم الانتصار المبهر و القتال الظافر و المجد المستحق, و نعدكم بملاحقة الشيتان الاعزم في المعارك القادمة و مساعدة جميع اقطار البلاد الصحراوية و نستنكر عدم مساعدة الدول الربعية لنا في هذه الاوقات العصيبة, و لا ننسى ان نتقدم بالتعازي لعائلات الشهداء و نبارك لهم الشهادة و نسأل الله ان يقبلها" ثم يدخل المساعد و يقول:

"حقيقة كان ودي اشدد على دور بطل المعركة و أسدها و الي جلب الانتصار و المجد لنا" الجنرال بدأ يتحمس و هو واقف بين صفوف المستمعين "الاخ ناصر ما قصر و ابدع في المعركة و قادها بكل شجاعة و حكمة و حلل تحركات العدو و قهرهم و يستاهل كل ثناء و اشادة"

ناصر واقف بين الشباب قال انا شكو..؟
و يتكلم المسؤول: ما قصرت و احرجتني بكلامك و انا ما استاهل كل هذا..
سعود: اووه طلع سميك! ههههه
ناصر: وقفوا وقفوا.. هذا مو ناصر ال شوارسكوف؟ هههه شجابه هني؟!
المسؤول: اشكرك صراحة احرجتني و انا ما سويت شي يذكر, بس قدت الصفوف الامامية و اخترعت نوع جديد من الكلاشنكوف و يوم غرزت الدبابة دزيتها بروحي و يوم انشق تاير الدبابة صلحته بالعلج و خيط سروالي بس.. و انت ما قصرت بعد و قاتلت بكل شجاعة و مروءة..
مصلح: عارفين, بديت احس انهم شغالين يمدحوا بعض"
الجنرال: و انا نسوني؟! كل هذا سويته ولا اعتبروني و نسوني و همشوني و ظلموني و خلوني و تركوني؟!
بو عادل يقول بقلبه, فلاح..

راحوا الشباب بنص الخطبة الي استمرت ساعتين و المسؤولين يمدحون بعض فيها و يسرقون الاضواء, و وسائل الاعلام تغني و تطبل لهم متناسين الابطال الحقيقيين. المهم انهم راحوا الشباب على طرف المعسكر و قعدوا يفكرون بالخطة الجاية, بينما الجنود كلهم و المتطوعين الي معهم كانوا يسمعون الخطبة..

تركي: شباب, عندكم فكرة جديدة؟
سعود: ابي الجنرال معنا..
مصلح: صح باين عليه ينفع"
مازن: خلاص انا بروح اكلمه اجل
محمد: الله معك عيني

راح مازن و رد بعد دقايق..

الجنرال: بغيتوني انضم لكم؟
سعود: اي والله, بغيناك تنضم لنا بمشوارنا. الكلام ما ينفع و لازم ف-
بو عادل: نحن اهل الفصاحة و البيان يا هذا!! لا تجرأ ان تستخف ببلاغتنا و بياننا!!
عبد المحسن: اوب اوب..
سعود: يبى خلاص اسفين, لازم نقاتل ما نكتفي بالكلام, و نبيك تقاتل معنا..
الجنرال: هههه زمن حدني اقاتل مع مبتدئين, بس اشوف انكم محتاجين واحد خبرة معكم, و هذه مغامرة حلوة. اعتبروني معكم يا عيال.
محمد يهمس لتركي: اطخه؟
تركي يرد عليه بهمس: تقدر تجرب, بس انا مو مسؤول عن الي بيصير فيك..

مازن: الحين المهم نعرف ايش الخطوة القادمة؟
سعود: الحين حنا قدرنا نحرر كل ارجاء البلاد الصحراوية, فضحنا اماكن تجمع العملاء و دافعنا عن الضفة العنابية..
تركي: و الثوحيين سكتناهم
ناصر: بقى ديرة البطيخ.. ااااه متى يجي اليوم الي تتحرر فيه..
و يرفع الكل ايديهم للسماء و يقولون بصوت واحد امييين يا رب
و يجيهم واحد قريب من عمر الجنرال, لابس لبس عسكري بس مختلف عن لبس الجنرال..

؟؟؟؟ :جنرال محمد! جنرال محمد! اسف اسف اسف اسف على التأتأتأخير
الجنرال محمد: هههه شفيك تأخرت على المعركة؟
؟؟؟؟ :يا معود الموترترترتر خرب بالطريق.. خلها على الله بس بس بس.. الحين الحين ششششصار بالضبط؟
الجنرال محمد: انتصرنا عليهم و رديناهم لمكانهم
مصلح: مين هذا؟"
الجنرال محمد: هذا الجنرال حمد

و يتعرف الجنرال حمد عليهم و يسلم عليهم واحد واحد, و يشرحون له الي صار..

الجنرال حمد: ص-ص-ص-صاحي انت؟
الجنرال محمد: .....
الجنرال حمد: لا..ااا.. والله مو صاحي.. الحين انت من ص-ص-صجك تبي تنشق عن الجيش و تروح مع الصغار ذو-ذولي؟
الجنرال محمد: ايه
الجنرال حمد: ههههه تصدق فكرة مجنو-نةنة بس المغامرة حلوة, تتتتتبوني اروح معكم؟
سعود: حياك! نبي عناصر خبرة معنا..
عبد المحسن: حسستوني المنتخب...
الكل: ههههههه

سعود: انا اقول نروح نقاتل بديرة البطيخ و نحررها احسن, اول يوم رحنا هناك انهزمنا لاننا ما رحنا كلنا..
الجنرال حمد: لا لا لا لا لا
ناصر: اي اي اي اي اي, خلنا نروح و نحرر ديرتنا, الحين نقدر لهم
الجنرال حمد: لا لا لا البطيخ تحررت تحررت تحررت
محمد: هسى شلون تحررت؟
الجنرال حمد: جيشنا جيشنا جيشنا حررها-ها قبل اسبوعين-عين
ناصر: و حنا اخر من يعلم, بس الحمد لله تحررت..
مازن: اقول.. ليش ما ندعي على الشيتان؟ يمكن الدعوة تتحقق مرة ثانية؟ ههههه
بو عادل: ها ها ها ها ها

سعود: طيب الحين لازم نروح لجزيرة شويطر, اعتقد هي اخر مكان من البلاد الصحرواية المحتاجة للتطهير.
تركي: عاد هناك العملاء غير.. هناك مركز خدمة العملاء هههه
مصلح: دحين احنا صرنا اقوياء مرة و نقدر لهم"
الجنرال حمد: و و و و انا بج-بجهز اسطو--طو-طو-طو-طول لكم عشان تسافرون-رون-رون فيه..


راحوا الشباب ينامون.. بالليل, كان بو عادل يطالع النجوم و سرحان يفكر فيها.. و يحاول يقصد بالمنظر الجميل, و يعد النجوم نجمة.. نجمتين.. ثلاث.. فلاح.. فلاح؟! و يقوم على طول و فلاح يسد فم بو عادل و يأشرله انه يلحقه, و يروحون على مسافة بعيدة عن الشباب و ورى بيت..

بو عادل: يا من يعزُّ علينا أن نفارقهــم ..........وجداننا كلُ شيءٍ بعدكم عدمُ
فلاح: هههه تسلم, طيب للحين الربع مو تارس عينهم؟
بو عادل: لعل عتبَك محـــــــــــمودٌ عواقبه ............فربّما صحّت الأجســــــــامُ بالعللِ
فلاح: ولييه.. يعني شسوي لهم بالضبط؟ شقول؟
بو عادل: لا تقلق, رأيتك تدير الطائرات و تساعد باشعال النيران, شكرا جزيلا لك يا فلاح على ما قمت به من مساعدة لنا.
فلاح: شكرا ما تكفي.. الشباب ترى ما هموني حيل, بس ودي اساعد بلادنا و ودي اشوف شراح يصير معهم..
بو عادل: ما كلُ ما يتمنى المرء يدركهُ ..... تجري الرياحُ بما لاتشتهي السفنُ
فلاح: طيب.. على الاقل قولي الشباب وين ناويين يروحون الحين؟
بو عادل: اسري الى جزيرة شويطر, و لكن لا يتبعنك احد ولا يسمع
فلاح: ههه ابشر..

و يرجع فلاح لمكان الاختباء ماله و نام فيه, و رد بو عادل نام و شافه تركي بس من النوم و النعاس ما سأله شي, و باليوم الي بعده تجهزوا للسفر و كلموا الجنود..
======================
اكون صريح معكم؟ فصل بسيط كله حشو بحشو و ركزت على الكلام بين الاعضاء و التخطيط و مافي احداث مهمة حقيقية.. بس برأئي كان مهم بالنسبة لي عشان احدد الخطوات الجاية بالكم فصل الجايين. و اتمنى شخصية حمد تعجبه و ما تضايقه, بس حسيت ان كل ما اضيف شخصيات راح اضيع بينهم اذا ما كان في شي يميز كل شخصية عن الثانية بشكل تام.

اقتباس :

المسؤول: اشكرك صراحة احرجتني و انا ما سويت شي يذكر, بس قدت الصفوف الامامية و اخترعت نوع جديد من الكلاشنكوف و يوم غرزت الدبابة دزيتها بروحي و يوم انشق تاير الدبابة صلحته بالعلج و خيط سروالي بس.. و انت ما قصرت بعد و قاتلت بكل شجاعة و مروءة..

هههههه افضل سطر في الفصل كله ، شكل الاخ هاجري

ولا علاقة ابو عادل و فلاح الرومانسيه

لا ما عليك الفصل ممتاز و ضحكت واجد فيه مشكور ، بس لو انك تضيف واحد بلهجه ايرانيه.. الله..... ضحك مو طبيعي

القصه ممتازه ناصر ، جزاك الله خير على تعبك فيها

ههههههههه لا ماعليك بس عندي استفسار @@"<<< يازيني ساكت


شلون طاحت ديرة البطيخ قبل اسبوعين و الجيش في الجزيرة للحين موجود؟؟ مفروض ينسحب او يستسلم


ناصر هذي قصتك سو الي تبي عشان تخلي القراء يندمجون
لازم انت تنوع بطرق كلامنا ولا كذا ما راح نستمتع



ماودي احرق القصه بس فلاح وراه مصيبه


وشكرا...

جزيرة شويطر مالها علاقة بديرة البطيخ, جزيرة شويطر دولة مستقله نسبة العملاء فيها كبيرة حيل ههههه

اقتباس :

شكل الاخ هاجري

لا هو "شوارسكوف" مالنا ههه معروف, من اكبر النصابين.. بس فهمت قصدك ترى, و لا تهايط هههه

منورين القصة شباب و انتظروا الفصل الجديد.

أوووووه That is Graet >>>>أمريكي مثلا ؟
صراحة شغلة المدح والأضواء هذي على الجرح بالتمام ...
دائما في جنود مجهولين مافي أحد معطيهم حقهم..
انشاء الله أبو عادل يقدر فلاح الي بطولاته ممتازة..

شكرا على مروركم شباب و اسف على التأخير, استجابة لطلب اخوي night^wolf, بكتب النبذة هذه عن الشخصيات:

سعود, من ديرة البطيخ. يعتبر البطل الرئيسي في القصة. يمتاز بالتفكير السليم و الحذر, شخصيته محبوبة لدى الجميع. شاب في مقتبل العمر, استلم قيادة المتطوعين بعد مقتل الشيخ عبد الوهاب.

ناصر, من ديرة البطيخ. التقى بسعود بعد حادث مروري مع سعود. يفكر بخداع و يحب التخطيط, خططه تنجح لكن بخسائر كبيرة, له علاقات جيدة مع البعض و سيئة مع اخرون, مثل مصلح.

عبد المحسن, ابن خال ناصر الصغير, يمتاز بخفة الدم. يحاول اثبات نفسه لكي يشارك في المعارك لكن ناصر دائما يرفض ذلك, يوافق في النهاية بعد وصية الشيخ عبد الوهاب و الحاح تركي و بو عادل عليه.

محمد, من البوابة الشرقية. التقى بسعود و ناصر و عبد المحسن في قاعة التدريبات. يمتاز بالقوة الجسدية و العصبية السريعة.

مازن, من المملكة الكبرى. من سكان الجنوب, شاب شجاع و عصبي, فقد احد اسنانه بعد ان نجى باعجوبة من رصاص قوات الشيتان الاعزم في ديرة البطيخ.

مصلح, من المملكة الكبرى من مدينة السيول. اسس حركة شبابية في المدينة لطرد العملاء و انطلق للشيخ عبد الوهاب و انضم له. شخصية قيادية و شجاعة, و تفكيره سليم و واقعي جدا. له علاقات جيدة مع البعض و سيئة مع اخرون, مثل ناصر.

تركي, من المملكة الكبرى. في قبيل منتصف العمر, التقى بمصلح اثناء جمعه لقواته و انضم له. شاب مثقف و تفكيره ممتاز و هادىء جدا, متفاهم لكل من حوله و شخصيته محبوبة لدى الجميع, و يعرف انتقاء كلماته.

فلاح, من ديرة البطيخ. التقى بناصر اثناء فترة حبسه في ديرة البطيخ و تمكن من الهروب مع ناصر الى بر الامان, انضم الى قوات المتطوعين لكن ماضيه الغامض سبب الشك لمن حوله و اضطر الشباب لاخراجه من قواتهم.

بو عادل, من المملكة الكبرى. شاب ضخم الجثة لكنه هادىء الشخصية. شاب واقعي, ذو لسان فصيح و يتحول لوحش في المعارك. كان اسيرا بين يدي العملاء و عتقه سعود مما فتح قلبه للانضمام للمتطوعين.

الجنرال محمد, من الضفة العنابية. جنرال كبير في السن, خبير في الحروب و متخصص في عمليات الاحراق و التفجير. التقى بقوات المتطوعين في معركة الضفة العنابية و انضم لهم بعد اهمال المسؤولين لمواهبه.

الجنرال حمد, من ديرة البطيخ. قدم كامدادات متأخرة من ديرة البطيخ و انضم لصديقه القديم الجنرال محمد في المغامرة الجديدة مع الشباب المتطوعين. في منتصف العمر, و يعاني من مشاكل في الكلام.

الشيخ عبد الوهاب, يعتبر مؤسس حركة دينية شبابية مسلحة في منتصف المملكة ضد قوات العملاء, و تم اغتياله بهجوم مباغت قبل ان يتمكن من تطهير بلاده. مات بين يدي تركي و قدم له وصيته.

راشد, .............................

عبد العزيز, .......................

بو عزيز, ...........................

معاذ, ...............................

اسامة, ............................




الازرق - ديرة البطيخ
الاخضر - المملكة الكبرى
الابيض - جزيرة شويطر
العنابي - الضفة العنابية
الاصفر - مضارب الثوحيين
السماوي - الخليج اللا مجوسي
الزيتي - الشيتان الاعزم
الفحمي - ؟؟؟؟
الاحمر - ؟؟؟
الوردي - ؟؟؟؟
اللون الي بالزاوية اليمين على فوق هههه - البوابة الشرقية

============================================================

فلاح: وليييه.. متى يقومون ذولي..

و يقعد فلاح و يتسند على الجنطة (الحقيبة) الكبيرة الي جنبه و يطالع شروق الشمس..

فلاح : مو معقولة للحين ما قاموا..

بعد دقايق, قاموا الشباب و استوعبوا انهم تأخروا على التجهيزات. قاموا و شافوا الجنرال حمد و الجنرال محمد مجهزين السفن و قوات المتطوعين جاهزين للقتال و كانوا ينطرونهم يصحون. بعد ساعة , الكل كان في السفن و انطلقوا الى جزيرة شويطر. فلاح احتار شلون يلحقهم, راح لقى واحد من بلاد الفلفل على البحر واقف و معه جت سكي..

الرجال: ها ايس في صديق؟

فلاح عطاه لكمة مع وجهه و ركب الجت سكي و راح يلحق الشباب من بعيد عشان محد يلاحظه..

وصلوا الشباب للجزيرة و على بعد مسافة من الجزيرة طلع الجنرال محمد المنظار و قعد يطالع الجزيرة..

عبد المحسن: ناصر ليش ما عندك منظار؟
ناصر: اسكت..

بعد دقايق, اقتربوا اكثر من الجزيرة و نزلوا بكل هدووء على دفعة وحدة و اول ما طلعوا من السفينة, تفاجؤوا بحشود كبيرة من قوات الشيتان الاعزم تخرج لهم من بين الاشجار في الشاطىء و يرمون عليهم!! سقطت الجثث يمين و يسار, و اصيب تركي بكتفه و سقط على الارض, و بسرعة ركض مصلح و ناصر و محمد و عبد المحسن الى اليمين هاربين مع بعض المتطوعين, و سعود و مازن و الجنرالين الى اليسار هاربين مع بعض المتطوعين. بينما بو عادل كان في البحر وقتها فسحب تركي و تراجع بالقارب و انسحب. فلاح كان بعيد من الجزيرة و قاعد يطالع و هو منصدم من البحر الي صار احمر.. توزعت قوات الشيتان الاعزم يمين و يسار لملاحقة الشباب.

مصلح: ايش ذا" من فين طلعوا ذولا؟" ايش تبغانا نسوي دحين يا فهيم؟!"
ناصر: لازم نجتمع مع الشباب.. انا اقول اول شي نحصل مكان نتحصن فيه و نرتب انفسنا فيه.. يلا اركض بس اركض..

و يستمر الهرب الى ان وصلوا الى احد القلاع الترابية في جزيرة شويطر و دخل ناصر و طلع على طول

ناصر: انحااااااااااااش!!

و يركضون الشباب و يطوفون القلعة, و يطلع 10 جنود من قوات الشيتان الاعزم من داخل القلعة و ينضمون للجنود الثانيين و يلاحقونهم.. وصلوا الشباب لمفترق طرق, احد الطريقين كان في دخان يتصاعد و الثاني ما فيه شي, وقف ناصر يفكر خمس ثواني على السريع بعدين ركض للطريق الي فيه دخان, سحبه مصلح من علابيه..

مصلح: لا يا شيخ؟" تبغى تودينا عند الجنود المخيمين كمان؟"
ناصر: يبى هذا فخ شفيك.. اكيد حطوا النار و الدخان بالممر ذاك عشان نروح الممر الفاضي و يفاجؤننا هناك بفخ, حركة قديمة هذه..
مصلح: دوبك تتكلم, بلى بشكلك.. يلا بسرعة بسرعة..

و يروحون الشباب الممر الي كان فيه الدخان و يدخلون بمعسكر كامل لقوات الشيتان الاعزم الي كانوا قاعدين يطبخون اش في نص المخيم, و بعد خمس ثواني هدوء و نظرات من الجانبين, التفت مصلح لناصر: فخ يا اهبل؟"
ناصر: الظاهر عطيتهم فوق حقهم, انحاااش!!
محمد: ناصر هسى اذا متنا بسببك راح اطخك!!

و بسرعة يقفزون من بين الاشجار و يرجعون للشاطىء و يهربون على خط الشاطىء و يسمعون طلقات نار وراها صيحات للمتطوعين الي معاهم يموتون واحد ورى الثاني..

---- الجانب الثاني من الجزيرة ---

الجنرال محمد : ههههه اكثرهم لحقوا الشباب الثانيين.. الحمد لله ما لحقونا الا شوي..
مازن: شوف هناك في اشجار خلينا ننتظرهم هناك؟
سعود: يلا مشينا..

و يروحون ورى الاشجار و يقتربون قوات الشيتان الاعزم, كانوا تقريبا 20 واحد بس. و يرتبون الشباب صفوفهم و يرمون على قوات الشيتان الاعزم و يقتلون 8 بينما قتل منهم 5 , و رمى مازن قنبلة يدوية قتل منهم 3 و قلت الذخيرة. بعد ثواني, انسحب الجنرال محمد الى الاشجار الي ورى و قال للي معه يلحقونه, و لحقوه و لاحقوهم العدو و وقفوا بين الاشجار, رمى الجنرال محمد قنبلة يدويه و قتل 6 منهم بعد ما احترقت الاشجار و طاحت عليهم.

الجنرال محمد: تعلم شلون تستخدم قنابلك يا ولد..
مازن: ...

و يصحى واحد من الجنود الي طاحوا و يحرك ايده يدور المسدس, و يرمي الجنرال حمد على الشجرة و يطيح غصن كبير على راس الجندي و يقتله

الجنرال حمد: قا-قا-قاتل و لا تهذر-ر-ر يالشا-شايب
سعود: ههههههههههههههههههههه

و يقتلون الباقيين من قوات الشيتان و ينسحبون. دخلوا داخل المدينة و حاولوا يتصلون على اي واحد من الشباب بس محد كان يرد عليهم. بعد التفتيش عنهم في المنطقة القريبة من الشاطىء ما حصلوهم, بس حصلوا جنود اضافيين فقرروا يبتعدون عنهم و يدخلون في المدينة بدل المشاكل.

الجنرال محمد: جنرال حمد, انت قد زرت جزيرة شويطر من قبل, وين طريق دخول المدينة؟ يمين ولا يسار؟
الجنرال حمد: ي-ي-ي-ي-ي-ي..
الجنرال محمد: اخلص!!
الجنرال حمد: يمين! و المفروض انت تدل لانك كل يومين مسافر! اشهدوا يالربع, قلت جملة كاملة بدون لا اقط-ط-طع! لاااا..
مازن: هههههه وناثة اذا قعدت مع شياب..
الجنرال محمد: و وناسة اذا قعدت مع طرمان.. ههههه
سعود: ههههه

حصلوا طريق المدينة و قعدوا يدورون داخل المدينة..

سعود: غريبة ترى.. الي قبل شوي كانوا قوات الشيتان الاعزم نفسهم ما كانوا عملاء..
مازن: ايه.. الشيتان الاعزم احتل جزيرة شويطر بالثر و ما انكشف الامر الا باحداث الربيع الصحرواي..
الجنرال حمد: كا-كا-كاهم! على الدوار يقا-قاتلون!

و قربوا الشباب للدوار الكبير و حصلوا الشباب محتمين ورى مجسم كبير و يقاتلون ورى الدوار, و فجأة يشوفون انفجارات قدامهم بسيارتين و يموتون الجنود الي حول السيارتين, و يجون الشباب و يجتمعون معهم في الدوار و يقاتلون الي حاصروهم من الجهة الثانية. بعد نص ساعة قتال و رمي..

سعود: وين بو عادل؟!
محمد: يمكن كان من الجثث الي طاحت بالشاطىء..
عبد المحسن: و تركي.. وينه؟
سعود: لا حول ولا قوة الا بالله..

و استمروا بالرمي على الموجودين الي كانوا بازدياد مستمر بينما اعدادهم كانت تقل و الدماء الشي الوحيد المشترك الي كان يزيد بالطرفين, فجاة صاح محمد: بو عاادل!!!

بو عادل من بعيد: اقبلوا!! هيا بنا!!

و يركضون الشباب بسرعة الى بو عادل و يرمي الجنرال محمد القنابل و هو يهرب معهم على خط الشارع و يركضون بين الاسواق و يدعمون الناس و الصناديق و العلب في المحلات و ياخذ عبد المحسن علبة من احد المحلات و يقط سعود صناديق وراه عشان يؤخر الجنود. الناس في المكان كلهم تعمدوا يفتحون الطريق للشباب يهربون بعد ما ميزوا علامات اوجههم انهم من بلاد الصحراء و تعمدوا يرمون انفسهم في طريق جنود الشيتان الاعزم لتأخيرهم.

وصلوا الى الشاطىء و شافوا فلاح راكب سفينة كبيرة يؤشر لهم, من الفرحة و التعب طاح عبد المحسن بمكانه و شاله ناصر بسرعة و رماه على الطراد و صعدوا على السفينة كلهم و بسرعة انحاشوا وسط رمي قوات الشيتان الاعزم.

سعود: انت بكل مكان؟
فلاح: للحين مو عاجبينك بعد؟
مصلح: سعود, لولا الله ثم فلاح كان صرت زي الشاورما دحين" فلاح اثبت نفسه انه معانا و ما راح يضرنا بشي كمان"
ناصر: ما ودي اتفق معك, بس صحيح كلامك..
سعود: امم طيب طيب. قولي شلون لحقتنا؟

فلاح: كنت على جت سكي الحقكم شوي شوي, يوم شفت الكمين الي على الشاطىء رحت عند بو عادل و ركبت معه في سفينته و رحنا ندوركم.

بو عادل: قلت له ان يتوقف ريثما ابحث عنكم. فحمدا لله اني وجدتكم تقاتلون عند الدوار المشؤوم و جئت بكم لدار الامان
سعود: تركي شصار فيه طيب؟
بو عادل: انه في الاسفل يرتاح..

نزلوا الشباب يشوفونه و حصلوه مضمد, استغرب عبد المحسن من الضماد و من وين حصلوه, فقال لهم فلاح ان كان معه جنطة كبيرة فيها ضماد و كل شي, و معه اكل لهم و هذا اشعرهم بالراحة لانهم كانوا جواعى و بدؤوا ياكلون بعد التعب.

سعود: شباب للاسف خسرنا اكثر من 90% مننا بسبب الكمين الي صار. حاليا ما في الا حنا و خمس متطوعين فقط و عددنا ما يكفي عشان نسوي اي شي ثاني. انا اقول الحين نرجع للمعسكر و نجمع متطوعين من اول, شرايكم؟

مصلح: اوكي"

في الفجر, صحى تركي من النوم و حس بتحسن كبير و قدر يحرك جسمه. و صعد على سطح السفينة..

=====================
ان شاء الله يعجبكم الفصل, و سامحوا اي قصور + التأخير + الافلام الهندية ساعات

في نغزة للممالك الثلاث في الفصل هذا, نشوف منو يطلعها (واضحة حيل) و في كم نغزة لاحداث سياسية بس هذه واضحة و لحد يتكلم فيها هههه

قصة رائعة و من زمان اتابعها <<< و توه يرد

بالنسبة لنغزة الممالك الثلاث اظن انها سالفة الممرين , ممر به دخان و ممر امن

ناصر: يبى هذا فخ شفيك.. اكيد حطوا النار و الدخان بالممر ذاك عشان نروح الممر الفاضي و يفاجؤننا هناك بفخ

Guan YuوCao Caoبعد Chi Bi

هههه

قصة حلوة وبالتوفيق بالتكملة

ايه يوم تقول أعطيتهم أكثرمن حقهم ...
بس ناسي والله وين بس أظنها حصلت مع Zhuge Liang....
ممتاز الفصل هذا ..ويحزنون الشباب فقدوا 90% منهم...
والاسقاط السياسي الي يوصف الشيتان بالأغبياء في مكانه صراحة ..

xiahou dun في po wang ? او cao cao بعد lمعركة chi bi

مشكورين كلكم على المرور الطيب, الي قال Cao Cao بعد Chibi كلامه صح.
----------------------

قام تركي و هز راسه و فرك عيونه.. طالع يمين و يسار و كانت الرؤية تضايقه. بعدما رفع جسمه و حس بالماي ينزل من ملابسه المبللة, دلك عيونه و رفع نظارته من الارض و لبسها و شاف حوله.. شاف مصلح و فلاح و سعود و بعض المتطوعين..

تركي: مصلح مصلح.. اصحى يا شيخ.. يا سعود اصحى..
فلاح: قبل لا تقول اسمي, صحيت..
مصلح: حد عارف احنا فين؟"
فلاح: ديزني لاند؟ شدراني!
تركي يؤشر وراهم و يفتح فمه, الشباب يلتفتون للاتجاه الي اشر عليه و يشوفون علم كبير..
تركي: حنا في بلاد الشيتان الاعزم!!
واحد من المتطوعين: اول مرة ادري ان عندهم ديزني لاند..

فلاح يهفه مع راسه و يتوزعون كلهم عشان يصحون الباقيين, بعد ما صحوا..

بو عادل: افي بلادهم نحن, و سيوفنا في اغمادها؟
عبد المحسن: لا تكثر من الافلام الصحرواية..
مصلح: يا شباب, الحين لازم ندخل في المدينة عندهم بكل هدوء و بدون لا احد يدري, نشوف لنا اقرب طيارة للمملكة و نرجع..
الجنرال حمد: ص-صح كلام-م-ك مصلح..
الجنرال محمد: طيب منو فيكم يدل الطريق؟
فلاح: انا, انا قد زرت الشيتان الاعزم مرة
الجنرال حمد: ص-ص-صج؟
فلاح: ل-ل-لأ هههه

مازن: شباب.. ترى الموضوع جد. كلنا 16 واحد بث! و في دولتهم!
ناصر: لا و قاعدين على البحر بعد ههه
سعود: مشكلة البطيخيين, لازم يستعبطون..
محمد: وقف وقف مازن, انت قلت 16؟ هسى احنا 16 بس بالسفينة كنا 15!!
تركي: في واحد مندس بيننا..

المتطوعين كلهم تفقدوا بعض و مسكوا واحد حاول ينحاش.. و رموه بالنص بين الشباب و حاصروه

واحد من المتطوع: هذا!
عبد المحسن (بصوت واحد معروف) : والي يرحم والديك؟
؟؟؟؟ : شباب.. تكفون لا ترموني عندهم اخاف يذبحوني.. انا كنت بالبحر كنت راح اغرق بس تمسكت بسفينتكم يوم كنتم تصعدون عليها و اندسيت..
ناصر: كلامه مو شيتاني..
مصلح: اعذرني, بس ايش اصلك؟"
؟؟؟ : ******
سعود: حلو يعني مو عميل. طيب اسمك الحين؟ هههه
بو عزيز: نادوني بو عزيز, ابي اروح معكم..
سعود: طيب انت معنا..
فلاح: فلة شمعة..؟
ناصر: اسكت..

و يروحون الشباب و يمشون على البحر, و يبعدون عن البحر و يدورون اي شكل من اشكال مدن او شوارع او شي. لقوا جبال عالية اسمها جبال جازروس و وقفوا قدامها..

مصلح: لازم نصعدها"
عبد المحسن: نعم؟ من صجك انت؟!
مصلح: لازم نروح للجهة الثانية ! دحين حيمسكونا قوات الامن حقتهم !
بو عادل: لقد اسمعت لو ناديت حيا و لكن لا حياة لمن تنادي
عبد المحسن: شقصدك؟
بو عادل :لو نارا نفخت بها لأضاءت ولكن أنت تنفخ في رماد

يروحون الشباب الى الجبل, الي يجهز نفسه و الي يتحلطم (يتذمر) و الي خايف.. قربوا من الجبل..

بو عادل: ااااااه!!
تركي: شباب!! بو عادل طاح بالحفرة هذه!!
و ينطون وراه كلهم, و يلقون انفسهم بسرداب تحت الارض مبني بعناية, و بعد ثواني يوصلون رجال مسلحين لبو عادل و الشباب..

احد المسلحين: انتا منو؟
بو عادل: ابو عادل انا, سيد القتال و والد الفصاحة و صاحب ال-
المسلح: انتا اربي!! و يطلع سلاحه..
الشباب بسرعة يطلعون اسلحتهم و يرمون على المسلحين..
فلاح: و انتا مجوسي!!

يمشون الشباب في المكان , و يدخلون مكان فيه اسلحة و معدات و يدخل عليهم عدد اكبر من الجنود, و يتحصنون بالمكان و يرمون على المسلحين..

مصلح: شكلهم حاسبين حسابنا"
مازن: ما عليك!! على الاقل ما راح نثعد جبل!!
محمد: اي هيجي احلى!
بو عزيز: دايم كذا انتوا؟
الجنرال حمد: م-مرات..
الجنرال محمد يرمي قنبلة و يقتل كذا واحد
الجنرال حمد: و مر-رات جذيه

ابو عادل و محمد يطلعون من الغرفة و يرمون على الي امامهم, يطلع وراهم مازن و مصلح و يروحون لليمين, و الباقيين يتوزعون من يسار و حماية للمستودع للاسلحة و غيرها..

فلاح دخل غرفة لقاها فاضية, طلع منها حصل غرفة مقفلة باقفال واجد, رما على الاقفال و شاف واحد قاعد على كرسي و مربط و شكله يخرع كانه تعرض للتعذيب و اول ما شاف فلاح قام يصيح بمكانه, فلاح على طول رمى عليه و قتله بردة فعل عكسية. يوم راح عنده و تفقده لقاه ميت, و مبين عليه انه كان معتقل بالمكان او صار له عملية غسل مخ, و مبين عليه ما قام من مكانه من اسابيع.. دخلوا عليه خمسة و شافوه و صاحوا و اول ما رموا عليه رميتين طاحوا ميتين و دخل سعود و الجنرال حمد الغرفة

سعود: يلا فلاح امش!! شكلهم ما يخلصون!!

ردوا الشباب و تجمعوا..

ناصر: انا حصلت فلوس, تقدر تفيدنا..
مازن: انا قطعت راثين! ههه
بو عادل: حسنا لقد تجمعنا, و يبدو ان لا نهاية لهؤلاء الاوغاد.. اين القائد محمد؟
عبد المحسن يحك راسه: ايه اين القائد محمد؟

و يجيهم الجنرال محمد معه ار بي جي و يصيح عليهم عشان ينحاشون, صعدوا سلالم مالها نهاية و طلعوا من الباب و ركضوا, و الجنرال رمى كذا رمية على المكان و الجنود و قتلهم.. و انحاشوا الشباب. طاحوا بحقل و الدخان من السرداب كان يتصاعد و تجمعوا الشرطة بس قدروا الشباب ينسحبون بين الحشائش و راحوا الى البر الي جنب المدينة.. و نصبوا لهم خيام.

مصلح: دحين ذا الهدووووء الي بغيناه؟ الله يستر عليكم!
سعود: ما عليه ان شاء الله ندبر نفسنا. بس الي قاتلناهم, ترى ما كانوا جنود بالجيش ولا بالشرطة.. كانهم مرتزقة؟
الجنرال محمد: و معاهم ار بي جي, شكلهم ارهابيين.
ناصر: و المكان الي كنا فيه؟ شيطلع هذا بالضبط؟
محمد: يمكن يكون كر الهم؟
فلاح: و في واحد ذبحته انا..
مازن: كلنا ذبحنا مو بث انت هههه
تركي: شباب خلونا ننام الحين, و بكرة نشوف الي لنا و الي علينا..
ابو عادل كان نايم اصلا وسط كلامهم, فراحوا الشباب و ناموا و عينوا المتطوعين يراقبونهم بالليل.
============

ترقبوا الفصل الجديد..

فصل جميل وفيه بعض الإثآرة والأكشن

منتظر الفصل الجديد

بالتوفيق,

هل المقتبس من الممالك
1معركة جبل الذئب اوالابيض ناسي اسمها وموقف zhan liaoفيها

2او فخxu rongبcao cao

قريت الفصل الي قبل والفصل الجديد من طول المدة بين الفصلين !
انشاء الله الجديد يكون قريب , بس ليه الشباب راحوا للشيتان الأعزم ؟