سرقة السير الذاتيه للقاده ونقلها لمنتدى ثاني !!!!

شووفوا ذا مو نفس الاشياء بالضبط اللي بالمنتدى http://www.mexat.com/vb/threads/891339-قصصِ-ألإبأطرةِ-،آنأسٍ-قصصهمَ-لنَ-ولِمُ-ينسأهأ-ألتأريخِ-Dчиαsтч-шαяrıoяs اذا كلامي خاظئ اتمنى ان تمسحوا الموضوع وبسرعه

الا والله صادق تطابق تاام بين السير ...
أتمنى من الادارة اتخاذ اجراء حازم..

أخوي فهد . أشكرك حقيقة على تتبعك للموضوع وهذا يدل على أخلاقك العالية

العضوان الغبيان اللي سرقوا الموضوع هم من أعضاء المنتدى اللي ما لهم أي مشاركات . وأنا للأسف لا أدري ليش العضو اللي ما نشوف له أي زيارة يتعب نفسه بالتسجيل في المنتدى وهو ما عنده نية يشارك ؟

من أكبر الأدلة على غباء الإثنين اللي سرقوا المواضيع أنه موضوع الأخ العزيز ناصر اللي يتكلم عن السيرة الذاتية لـLu Bu منسوخ فيه إسمه في المنتدى Shizai وهذا دليل كافي على سرقتهم للموضوع

وللأسف حتى مشرف القسم أثبت غباءه وعدم إلتزامه بقوانين الإشراف على المنتديات التي تنص على أن المشرف لازم يتابع قسمه أول بأول ويشوف مصادر المواضيع اللي مكتوبة فيه . وهذا مثال على خيانة الأمانة اللي أعطوه إياها مدراء المنتدى

وأنا كوني عضو إداري سابق وعضو قديم في المنتدى عارف سياسة المنتدى اللي قضيت فيه 4 سنوات . والله الحمد ما فيه موضوع في منتدانا مسروق من منتدى آخر أو من موقع آخر ودائما ما تشدد الإدارة على ذكر المصادر . وحتى المواضيع المنقولة للفائدة لها روابط وحقوق فكرية نحترمها جميعا . ولا يعني أن بعض الأعضاء من المحسوبين علينا كأعضاء بسرقتهم للمواضيع داخل المنتدى أنهم يمثلون المنتدى ولا أعضاءه

أتمنى من الإدارة ما تسكت عن الموضوع . والحمد لله منتدانا ماشي على أسس قوية وثابتة من أول إنشائه حتى الآن . وراح أتقدم بفكرة للإدارة حتى نمنع قدر الإمكان السرقات الفكرية لمجهودات الأعضاء

أعتذر عن أي لفظ صدر مني . ولكن هذا الأسلوب حقيقة يستفز صاحب كل ضمير يرى إخوانه يتعبون في كتابة وترجمة المواضيع وينسبها غيرهم لأنفسهم بدون أي وجه حق

ملاحظة : أتمنى كل الأعضاء يدخلون على الرابط ويشوفون مدى وقاحة العضوين ومشرف القسم في الردود وكأنهم هم أصحاب المواضيع الحقيقين

عفوا هذا واجبي تجاه المنتدى ...

ترا من زمان و هم يسرقون لكن لدرجة هالوقاحه و السذاجه و الغباء ما شفت نقل حرفي بالحروف و حتى بالألوان


أنا و ناصر مره صدنا سيرة عن Lu Xun فيها أشياء كثيره من سيرتي إللي ترجمتها أنا


و في سرقة بعد من سيرة من ترجمة الهذلي بعد من زمان


أظاهر في أعضاء هنا ينقلون كل شغلنا و تعبنا


يعني حرام عليهم ليش يسون كذا وش بيخسرون لو حطوا المصدر ؟


الصراحه حركه مش عدله و أتمنى إتخاذ إجراء من الإداره بخصوص الموضوع


صحيح هالحركه تحبطنا إحنا كأعضاء أن حنا ما نكتب و نترجم


ألف شكر لك أخوي على المتابعه و شكراً على التبليغ


دمتم بحب



(( تـــــــــــحياتـــــــــــي ))

وللأسف مثبتين الموضوع
حمقى

شي عجيب لمن الواحد يسرق ويسوي نفسه هو اللي كاتب الموضوع والناس تصدق مدري هذا كيف عايش اذا كان حتى شغله على المنتديات مسروق , شباب احد عنده عضوية في منتدى مكسات ؟ لازم نوقع المهزلة هذي , انا فكرت اني امنع النسخ في المنتدى لكن راح نتعب في حكاية الاقتباس عشان كذا بطلت الفكرة لكن الفكرة الثانية اننا نخلي فواصل وسط الموضوع بسيطة عليها رابط المنتدى وما اعتقد ناس زيهم راح ينتبهون لمن ينقلونها ,, واذا كان المشرف صاحي راح يشوفها ويعرف ان الموضوع منقول .

شباب

امنعوا النسخ وفكوا انفسكم من هذي السالفه

موقع الاستاذ عبدالله ماينور كان قابل للنسخ و الحين غير قابل شوف مافي نقل
كله معلومات على الموقع الرئيسي

شباب مو منه صرنا مصخره والمنتدى جذي يضيع هيبته

أنا عندي عضوية هناك

تبون أرد عليهم وأفضحهم

اسلوب التهجم والتفضيح ذا ما ينفع ولا هو حلو , راسل مشرف القسم ووريه روابط السير في منتدانا وطالب منه انه يحذف الموضوع ويبين سبب الحذف انه مسروق من منتدانا ,

انا من رايي افضحهم الحراميه ذولي..

هههه مشكور يا فهد على الابلاغ عنهم, خلهم علي.

سيرة Zhao Yun الي سرقت في احد المنتديات كلمناهم على اساس يمسحونها و حتى يوم بلغناهم هناك حطيت رابط المنتدى مالنا عشان تكون مثل الدعاية ههههه

الحين بنسوي مثل الحركة, بشترك في منتداهم (النايم) و اقولهم عن السرقة الكبيرة.

و سالفة ازالة النسخ راح توهقنا حنا بعد لاننا نحتاج ننسخ و نقتبس بعد. انا اقول نخلي قسم المكتبة للاعضاء فقط.

تعديل: منتداهم نظام لازم يفعلوني بالاول..

أنا مسجل هناك


وأرسلت شكوى


تبي نستهبل عليهم ؟؟

وترى المنتدى تفعيل ثم مراقبة لك(مدة قصيرة)

شوي ولا أنت تقدر ترسل مساهمات

لا , لا تستهبل. خلك مباشر و صريح, ادخل الموضوع و قول هذا الموضوع تمت سرقته من منتدانا و حط رابط القسم و رابط كذا موضوع سرقوا, اقتبس اسامينا الي الدلخ نسى يمسحها و اثبت انه مسروق, و قولهم عيب عليكم و كم كلمة تحرجهم و ان شغلهم فيه تضييع لتعب كتاب منتدانا, و اطلب من المشرف يمسح الموضوع.

اذا محد رد عليك خلال 24 ساعة ارسل رسائل خاصة الى مشرفين القسم عشان يتصرفون, محد سوى شي راسل مديرهم.

و مشكور عزيز هههه انا بنطر لين يجيني التفعيل بعدين بدخل معك.

أنا أرسلت للأدارة وراح أفضح

لكن بعد عدة ساعات

وترى مصلح ما يبي أسلوب التفضيح

وللمعلومية

ترى اللي اسمه Koro

عضو في فريق عمل المنتدى حقهم

يعني بيصير منتداهم مصخرة

طيب, الي يريحكم.

بس المشكلة ان صاحب الموضوع نفسه مشرف يعني مدري شقول صراحة.

أنا مع الأخ ناصر تسير المكتبة للاعضاء فقط...

شباب اشوفكم معطين الموضوع اكبر من حقه سالفة السرقه على النت تصير واجد ولا تقدرون تسوون شي

يوقف الشغله هذي ، كلام ناصر عين العقل ادخل في الموضوع بين انه الموضوع مسروق او منقول و احرجه شوي بعدين

حط رابط المنتدى دعايه و كان الله غفور رحيم

بس اذا تبون تستهبلون عليهم قدام انا معكم

اما سرقه شوف تعليقاتي على موضوع ling tong موجوده ^^"


مثلا لما قلت كبير يا ling tong موجوده ^^



زين اخوي jia xu انا لما اتعب 5 ساعات اترجم في سيره و القا كلمات ما اعرف معناها او صينيه ما ترموهوا بالانجليزي


او حتى كلمات موضوع في صورة يعني انسى تقدر تنسخها او حتى في شباب يتعبون فوق اليومين على الترجمه و يجي واحد مثل هذا ياخذها بكل برود و ينسب الترجمه لنفسه ؟؟


ما اظن في احد راح يقبلها


و انا عندي اقتراح لمصلح او ناصر خلو بعض الاقسام ما تفتح الا بعد تخطي 50 مشاركه او شي كذا


عشان مو اي واحد يسجل و ينسخ و يحط رجله



وشكرا :P

ههه لا تفهمني غلط يحق لك تعصب بس انا اقول لو تسوي الي تسويه السرقه سهله بالنت

لا تروح بعيد شوف مكتبة التحميل و الالعاب الي فيها ولا youtube و الاغاني/الافلام الي فيه

اذا حطيت القانون هذا الزوار الجدد ما راح يقدرون يستفيدون بالمنتدى

شلون يقدرون يردون على المواضيع او يناقشون اذا هو اصلاً ما يقدرون يقرون السير ؟

شنو راح يجذبهم الى المنتدى؟

اسمح لي اذا ثقلت عليك

القصد بس يتعلق بقسم المكتبة. الزوار يقدرون يشوفون النقاشات و المعلومات الي يحصلونها بالنقاشات بالاقسام الثانية, اما قسم المكتبة الي ما فيه الا نتاج تعب الاعضاء اعتقد لو نخليه للاعضاء فقط راح يقلل السرقات, لكن اكيد ما راح يمنعها. هذا النت و هذولي عرب هههه

على فكرة ترى هذه مو اول مرة, سيرة ترجمها الاخ عبد الرحمن الهذلي الله يذكره بالخير و هي سيرة Zhao Yun الروائية نقلت حرفيا و كلمت الي سرق الموضوع و سكر الموضوع. و سيرة Lu Xun على كلام الاخ محمد تم نقل كلام منها, فلا تكبرون السالفة شباب حتى لو كان نقل قسم كامل, الموضوع ان شاء الله ينفرغ منه و نتخذ اجراء احترازي بخصوص قسم المكتبة اذا اتفقت الادارة عليه.

طيب ليش ماتخلون الزوار مايقدرون ينسخون

بس الاعضاء اللي فوق 50 مشاركه يقدرون بنسخون

انا مع رايي اخي فهد اننا نمنع النسخ وذلك حفاظا على تعب الاعضاء

الكل يقدر يتسفيد من الفكره ذي

بس انا مستغرب منتدى مشهور مثل مكسات يكونون المشرفين والاعضاء اغبياء لهذي الدرجه ههههههه

يا أخي يقلع أم الغباء

روحوا لم وموضوع Lu Xun في منتداهم

راح تلقون اسم محمد(Lu Xun )


هههههههههههههههه