قيادة المرأة للسيارة فكرة (سليمة أم خاطئة)....

بسم الله
من الناحية الدينة ما نقدر نقول حرام
من ناحية القدرة على السواقة
اعتقد المراة قلبها ضعيف ما تستطيع التعامل مع المواقف الصعبة والمفاجئة
راي شخصي
اذا كانت المراة قادرة على السواقة ما في مانع
اما اذا لم تكن قادرة يكون في مانع
مشكووورعلى الموضوع لنقاشي الممتاز اخوي

اقتباس :

ترى فيه صحابيات كانوا يجاهدون ويقاتلون في المعارك ,

أنا قلت لك عند الضرورة فقط...وشوف عددهم تلاقيه جدا قليل مقارنة بمشاركة النساء الأخريات وهذا الي أبي أوصل له..
الصحابية الجليلة أم عمارة نسيبة المازنية كانت من أشهر المقاتلات وقد قتلت يوم أحد أكثر من عشرة رجال...
لكن أعتبرها حالة شاذه فقط...
أم حرام رضي الله عنها..لم تشارك في حرب أبدا... ركبت البحر مع زوجها عبادة بن الصامت..ثم قربت دابة لتركبها فسقطت من فوقها وماتت....وقد تحدث النبي صلى الله عليه وسلم في هذا الأمر مثل ما أسلفت وللعلم هذا حال أغلب النساء يشاركن في الحرب لأجل أن يكونوا مع أزواجهم فيشجعوهم.......
أخوي ناصر...

اقتباس :

أبو عادل بداية كلامك عن حاجة النساء للقيادة و غيرها, انا صراحة ما علقت الا على سالفة "عيب" انها تسوق و لا "حرام" انها تسوق

أحس أنك فهمتني غلط شوي..
أنا ما أعلق على مسألة عيب وماعيب صراحة..الموضوع يهم المجتمع خلنا نجنب الشيء هذا على جنب..

اقتباس :

اذا حصل و تطبق قرار اعطاء المرأة حق القيادة, ما راح يكون اجباري.. ممكن تسوق و ممكن تظل مثل ما هي, فقضية انها مو محتاجة تسوق هذا ما يغير بالموضوع شي

كلامك عين العقل في مسألة أنها تحتاج أو ماتحتاج وأنا أتفق معك تماما في النقطة هذي..اذا تحتاج تسوق واذا ماتحتاج لاتسوق أبدا..لكن في شيء مهم جدا ..(الوسائل لها أحكام الغايات) هذي قاعدة شرعية مشهورة..القيادة وسيلة الى كثير من الأمور المحرمة وبنفس الوقت وسيلة الى امور كثيرة جدا مباحة بل ومستحبة فضلا عن كونها واجبة...
نحتكم لقاعدة شرعية أخرى (درء المفاسد أولى من جلب المصالح) ..

اقتباس :

يمكن لاني بعيد شوي عن السعودية فما ادري عن صدى القضية عندكم بس كون القضية وصلت الجرائد و وصلت الى مطالبات و تحدي للقانون, اعتقد النساء يقرون انهن محتاجات للقيادة و هن ادرى مني و منك و انت ادرى مني بالوضع هناك. بس نقاشنا عن "حق" للقيادة, و الحقوق مالها علاقة بمدى احتياجية الفرد للحق, او مدى احتياجتنا لوصول او منع الحق هذا من غيرنا.

صدى القضية عندنا أخوي كبير جدا صراحة وفي ناس معارضين وناس مؤيدين الجرايد مليانة والمنابر تحذر والمناظرات كثيرة وفي ناس جربوا ..لدرجة أننا بالمدرسة ندخل في نقاشات حامية على الأخير..وبعض المرات يدخل المدرس يشوفنا نتناقش يقول مافي درس +راح أخش معكم ههههه..وسؤالك عن الوضع يجب أن أقدم شكري لك عليه..
مثل ماقلت لك في ناس محتاجه نعم لكن قليلين..ما أقدر أنا كمسؤول أقدم على الخطوة هذي عشان ناس قليلة..
الخطوة هذي راح يكون لها مضار بلا شك...والي راح يتضررون أكثر من الي ينتفعون..
أنا ما أحس أني تكلمت عن الإختلاط أبدا ولا جبت طاريه لكن ممكن عرجت عليه من دون قصد نظرا لأن القضايا متشابكة ببعضها...

اقتباس :

ثانيا انت تتكلم عن الاختلاط, القيادة مالها علاقة بالاختلاط. ثالثا حسب علمي المحدود بالشرع, العلماء انكروا الاختلاط مو لانه حرام, بل عشانه يؤدي الى "الخلوة". اذا كانت بالشارع, ما اعتقد راح يكون في حالة خلوة صراحة.. الا اذا راكبة مع واحد بنفس السيارة و بالحالة هذه مو شرط هي تسوق, يعني ممكن حاليا يصير الشي هذا, و هذا يعني ان الخلوة و الاختلاط و غيرها ما لها علاقة بالموضوع.

العلماء أخوي أنكروا الإختلاط لأنه يؤدي إلى الحرام...فإذا كان يؤدي للحرام شلون مايصير محرم ؟ وأنا أعتقد الموضوع متعلق ولو بشكل بسيط بالقيادة...لأنها فعلا تؤدي للإختلاط والخلوة..

اقتباس :

صراحة حسب ما قريت ببداية البلبلة هذه يوم بدت, ان المشايخ بالسعودية حرموا قيادة المرأة للسيارات لانها ما تناسب امكانياتها الجسدية, هل هذا صحيح؟

راح أجاوبك بالي أعرفه..
مأدري هل حرموه بسبب البنية أو لا صراحة...الي متأكد منه وبشكل تام أنه اعتبروه محرم لأنه يؤدي الى محرم..
الاسلام منظومة وحدة كلامك في الصميم

اقتباس :

مقارنتك بالعلاقة بين علم الحديث و علم الشرع, بالعلاقة بين طب العيون و طب الجلد ليست في محلها. الاسلام كله منظومة وحدة, الي ينزل محرم في الحديث, لا يمكن يكون محلل في القران

...لكن عالم الحديث مختص بالأسانيد والرواة وما الى ذلك.. وممكن يفتيك لكن في المسائل التي يكون فيها دليل قاطع..
لكن المسائل الاجتهادية لايمكن الأخذ الا من علماء الفقه ومو أي عالم بعد ...العلماء الراسخين...

اقتباس :

على فكرة طبيب العيون يقدر يفيدك بالجلد بس مو مثل طبيب الجلد, يمكن هذا الي كنت تبي توصله

بالضبط , واعتقد الكل يدور الأفضل في الدنيا فما بالكم بالآخرة...

اقتباس :

ليش لأ؟ عطهم الحق. الي تبي تسوق حياها الله, الي ما تبي, ما تشوف شر. شراح يصير يعني؟

أجبتك في الكلام الي فوق... اذا مالقيت الجواب مو مشكلة أعيده ثاني,,..

شباب اسف على السؤال الي قلته


بس شباب ارجوا اغلاق الموضوع لانه ماله هدف و فقط تضيع للوقت


و الكل عارف لو تذبح عمرك لين تموت ما راح يصير شي في العالم (القذافي)


وكل واحد منا في دولة و لهم قانون و عادات غير و خاصه التاثر ببعض الحضارات الاخرى من دوله الى دوله يختلف



الي ابي اوصل له : النقاش هذا الحلو فيه ذكر بعض الاحاديث و بعض القصص الجميله عن حياه الصحابه رضي الله عنهم بس الموضوع راح يضيع وقتكم و جهدكم على الفاضي


الحمد لله لقيت الاجابه الي ابيها بس في شباب فهموا بعض الكلام غلط


وكل واحد عنده عادات خاصه فيه و تربى عليها



توضيح اخير للي يقول الجامعات في الجامعه: انا اعطيك الي تبي اذا لبست بنت كذا مع ابوها ولا اخوها لو اخوها في حاله الله يستر عليه فيها يكون عنده غيره على اخته ولا يرضى انها تطلع كذا


لو تبي تخربط من ورا اهلها فامرها لله الله يحكم على مافي القلوب و النوايا و الي اخفي عنا بس حنا نحكم على الظاهر لنا


الله يهدي جميع المسلمين و المسلمات و يقدم الامه الاسلاميه الى مافيه خير لنا و يبعدنا عن التقليد الاعمى الي واقع فيه كثير من المسلمين في هذا الزمان


دول تثور و دول تقتل و دول تموت جوع و دول تقمع بدال لا نحمد الله على النعمه و الامان و نساله يديمه نفكر في سياقه المراه@@"



عذري للسؤال كان لاقبالي على الزواج و ابي اعرف راي تركي في هذا الموضوع


وشكرا...

اقتباس :

توضيح اخير للي يقول الجامعات في الجامعه: انا اعطيك الي تبي اذا لبست بنت كذا مع ابوها ولا اخوها لو اخوها في حاله الله يستر عليه فيها يكون عنده غيره على اخته ولا يرضى انها تطلع كذا

اييه يا حمد ، ما خفي كان اعظم ، مثل بنات تنزل من سيارت اهلها و هي متغطيه و متحشمه و يكون معاها شنطه كبيره

الي يشوف يقول كتب و مراجعات او عندها بريزينتيشن او عرض في المحاضره

اول ما تدخل الجامعه سيده لحمام النساء (عزكم الله) و تطلع بنت ثانيه ، ملابس قصيره و مكياج و نظارات شمسيه ما

تنزلها حتى داخل الغرف.... الخ

ههه رمضان و خير خلني ساكت احسن ، الله يستر على بناتنا..

أوكي للي يقول أنه تحت السواهي دواهي



أوكي ياخي كل شي يبين في عنوان الكتاب


يعني تجيك وحده منقبه أو متحجبه و الثانيه لا مو متحجبه


من إللي بيلفت نظرك المتحجبه و لا إللي مش متحجبه ؟ الإجابه معروفه


على الأقل لو كانت المتحجبه تسوي بلاوي تسويها في الخفاء


و الناس مالها إلا الظاهر فقط


أحسن من إللي شيسمونه


لا تسون نفسكم أنكم الأذكياء و أنكم إللي كاشفين الأمور


المتحجبات يحشمون الحجاب نفسه و يحشمون المجتمع إللي عايشين هم فيه


و حتى لو كان فيه على قولتكم متحجبات يسون بلاوي من ورا أهاليهم ترا نادر ما يتعدون الـ8 أو 7%


و ما أقول إلا أن لم تستحي فصنع ما شئت


و أما بخصوص الموضوع نفسه أنا أعيد و أكرر كل واحد له عاداته و تقاليده


أنا مو ضد و لا مع قيادة المرأه ممكن أكون مع لو كانت البنت ما عندها حد أو مطلقه أو أوضاعها الماديه تعبانه و بتسوق عشان تفيد أهلها أو أمها أو عيالها لا حرج أنها تسوق


أما لو كان عندها أخوانها أو أبوها أو زوجها و قادرين يطلعون لها سايق خاص و سياره أفضل لها أنها ما تسوق


برايفت : فلاح من زمان أنا منافق توك تدري ههههههه


دمتم بحب



(( تـــــــــــحياتــــــــــــي ))

تدري يا محمد.... لا ما تدري ، ما راح اطول السالفه كل شي يصير قدام عيوني ، بس المتحجبه المفروض ما تلبس عبايه

مخصره حدها حدها و البرقع يطلع الخدود و تلوح بالبلاك بيري و هي تمشي ، و الله لو انها مو لابسه عابه استر لها

كان شفنا الركبه السودى و العفن الي بالوجه ههه ، استغفر الله...

لحظا لحظااا فلآح يآحلو هالكلآم الي انت الحين تقوله على اقلية معظمهم لآبسين العبآية محتشمة ويعرفون يلبسونها تمآم

وعلى فكرة هذا النوع هم أكثر الي يسوون أشيآء من ورا اهلهم...

اما المحتشمآت ويلبسونها صح مآرآح تحصل الي نآدرا تعرف كثيرين المنآفقين...

الي تبي تحتشم بتعرف تحتشم وإلي تبي تستحي على نفسها تعرف تستحي...

Empror Deng Ai كتب:

ناصر

أجل في نسبة 5%معارضين لقيادة السيارة

أجل حطهم حقهم

واحدة بواحدة

نظام ساهركان يحتاجه 10%فقط

وشوف صار للباقي

الي معارضة للقيادة, لا تسوق. و الي معارض للقيادة, لا يخلي اهله يسوقن, محد راح يتضرر.

اقتباس :

نحتكم لقاعدة شرعية أخرى (درء المفاسد أولى من جلب المصالح) ..

و قيادة المرأة ما له علاقة ثابتة بالمفاسد.

كلامك الثاني ما علقت عليه, رأيك و انت حر فيه اخوي أبو عادل بس احس اني قلت رأئي.

اقتباس :

بس شباب ارجوا اغلاق الموضوع لانه ماله هدف و فقط تضيع للوقت


و الكل عارف لو تذبح عمرك لين تموت ما راح يصير شي في العالم (القذافي)


وكل واحد منا في دولة و لهم قانون و عادات غير و خاصه التاثر ببعض الحضارات الاخرى من دوله الى دوله يختلف



الي ابي اوصل له : النقاش هذا الحلو فيه ذكر بعض الاحاديث و بعض القصص الجميله عن حياه الصحابه رضي الله عنهم بس الموضوع راح يضيع وقتكم و جهدكم على الفاضي

مازن هو صاحب الموضوع و النقاش بالعكس مفيد و الكل قاعد يعبر عن رأيه.

============
عموما انا بطلع من النقاش لاني شوي تلقفت بالموضوع, اعتقد بينت وجهة نظري بالموضوع. كل مجتمع له ظروفه حتى و لو عادات اهل الخليج و الدين واحد, ممكن اذا واحد قعد يجادل مستند على طبيعة المجتمع السعودي و احتياجاته راح اتقبل كلامه و ما راح اجادله لانه اعلم مني بالوضع, لكن اتمنى محد يستخدم الدين لان كلنا مسلمين, و سالفة والله حرام تخلونا نحس اننا من بني قريظة.. و بس سؤالين قبل لا امشي, بس ودي اسمع الاجابة و يمكن اعلق عليها او اسكت اذا كانت الاجابات مقنعة:

- اذا ما كان في حاجة فعلا, ليش كل هالبلبلة هذه؟

- في شي انا مو فاهمه.. يعني الحين المجتمع منقسم بين مؤيد و معارض صح؟ طيب الي يعارض, يعارض على اساس انها راح تجيب المشاكل و الفتن. طيب ليش الي معارض ما يوافق و يخلي حريم الناس الثانية تسوق و هو يمنع اهله يسوقون؟ بهالطريقة راح يكون حماهم.. بعدين انا مو مقتنع ان الناس كلها معارضة عشان دين.. شلون الكل يتفق على الدين و حفظه و صيانته و يمنعون الشي هذا, و سببهم ان الناس (الي هم هم نفسهم) راح يتحرشون في البنات؟ في تناقض.. يعني بطريقة ثانية لاني احس كلامي مو واضح.. ليش الشباب يعارضون القيادة, و هم الاغلبية حسب كلامكم, و حجتهم دين, و خوفهم من بعض؟ المجتمع الدين هذا الي متمسك بالدين, يقدر يخلي الحريم يسوقون و يثبتون التزامهم بالدين و ما يتحرشون.. صح, ولا انا فاهم الموضوع غلط؟

اخيرا- اتمنى سالفة الاخيرة هذه ما تستمرون فيها (سالفة ما خفي كان اعظم).. اعتقد فيها خدش للحجاب و الزي الملتزم الي كلنا كمسلمين و عرب نفتخر فيه و حالات شاذة المفروض ما تسيء للكل, الاغلبية عوائل محترمة تحافظ على بناتها و البنات نفسهن شريفات. و بنفس الوقت , عندنا عضوات المفروض ما يشوفون الكلام هذا و فوق هذا كله, اساسا طلعنا برى الموضوع شوي... بخليه ماني ماسحه الا اذا الاداريين الثانيين يبون, بس اتمنى ما يستمر او يتطور لحد ثاني.

اقتباس :

ليش الشباب يعارضون القيادة, و هم الاغلبية حسب كلامكم, و حجتهم دين, و خوفهم من بعض؟

في كل مجتمع مسلم او غير مسلم تحصل المحافظ وتحصل الداشر عندنا في السعودية نفس الكلام في من يرفض بسبب الدين وخوفه على اهله وفيه من يرفض مسوي فيها حميه على اهله وقبيلته ويحسب سواقة المرأة عيب وخدش للحياء وفي القسم الأخير اللي مع المجتمع في الصح والغلط .. وما تقدر انت تسمح لفئة وتطالب الفئة الثانية انها تسكت وتتماشى مع الوضع , فلو سمحوا مثلا للحريم للي تبغى تسوق تسوق واللي ما تبغى واهلها مانعينها ما تسوق هل تتوقع ان الحريم اللي مانعيهم اهلهم انه يسوقون راح يسكتون وما يطالبون بحقوقهم وهذا الشي راح يسبب مشاكل وتفكك اسري بين العوائل ! لان البنت راح تشوف صاحبتها تسوق مثلاً ومن حقها تسوق مثلها لكن اهلها يمانعون او ان صاحبتها عندها سيارة وابوها يمنعها تروح معاها وكل وحده بتروح في حالها يعني السالفة بالعربي المجتمع اغلبه رفض الفكرة وصوت بعدم السماح من واجب الدولة انها تمشي معاهم ولا راح تصير مشاكل , اذا على السينما دخلوا الحرم وذبحوا خلق الله فما بالك بقيادة المرأة للسيارة هذا الكابوس اللي يعيشه المجتمع عندنا ايش راح يسوي لو المجتمع مهو مقتنع اصلاً !

اقتباس :

يقدر يخلي الحريم يسوقون و يثبتون التزامهم بالدين و ما يتحرشون.. صح, ولا انا فاهم الموضوع غلط؟

التحرش سبب من اسباب عدة , واذا كانت السالفة مقتصرة على التحرش بس كان ارسلوا مع بناتهم عيالهم ينتهبون لهن , لكن السالفة أكبر من كذا مثل ما قلت من قبل و عشان تغير تفكير المجتمع تحتاج لسنين عشان تغير تفكيرهم وتوجهه للشي اللي تبغاه,,

اقتباس :

اخيرا- اتمنى سالفة الاخيرة هذه ما تستمرون فيها (سالفة ما خفي كان اعظم).. اعتقد فيها خدش للحجاب و الزي الملتزم الي كلنا كمسلمين و عرب نفتخر فيه و حالات شاذة المفروض ما تسيء للكل, الاغلبية عوائل محترمة تحافظ على بناتها و البنات نفسهن شريفات. و بنفس الوقت , عندنا عضوات المفروض ما يشوفون الكلام هذا و فوق هذا كله, اساسا طلعنا برى الموضوع شوي... بخليه ماني ماسحه الا اذا الاداريين الثانيين يبون, بس اتمنى ما يستمر او يتطور لحد ثاني.

ايه خلوكم على محور نقاشنا في قيادة المرأة ..

بالتوفيق"

اعذروني شباب شدني النقاش ، امسح الرد يا ناصر انا وين و النقاشات وين

كنت راح اكتب جواب للسؤالين...
لكن يوم مصلح كتب الرد حسيت أنه سوى نسخ لصق لمخي ههههههه..
أخوي ناصر رأيك أحترمه بشدة..وأشكرك لاحترامي لرأيي...

يبه العيب مو في الحريم ولا في السياقه على قوله مصلح



وعلى قوله ناصر لو منعنى عنهم السياقه



راح يفكرون بالمنكر وتفكيرهم غلط راح يصير



اهم شئ الثقه انت مربي بنتك صح وله اختك متربيه صح طبيعي ماراح تلف وتدور بتروح تشوف شغلها وترد



فعشان جذي الثقه لازم موجوده وتحكم بالاخير اما الحوادث افنا اقولكم التفحيط هو المصيبه



وعلى قوله ناصر غلط المرا تلف غلط بس نصيحه اذا احد دعم ببنت



نصيحه عندك 10 دنانير عطها وامش لانها بتفضحك وتهايط وتخليك تعصب وتنرفز وتقول جيبوا المخفر جيبوا المخفر



سووا مثل صاحبي قالت له المرأه جيب المخفر قالها هذي 10 دنناير بتسدين حلجج وتنجعمين وتدخلين سيارتج وتحركين قصبن عنج



وحرك ولا هو له دخل فيها عطاها العشره ومشى وحرك بس هذي المشاكل لمن تشوق البنت

بالسعودية راح يخلوهم يسوقو صدقوني مايكون اسمي محمد احلى اسم اذا ماساقو ههههههههه
انا معارض لسواقة المرأة يعني الرجال لحالهم زحمة طيب كيف مع الحريم ؟؟؟
اما الدين كان يسمح لي الحريم بركوب الجمال والماشية