الرجوع لزمن القديم

موضوع يتكلم عن طفولتنا كيف كانت حلوة انا أذكر كان عندنا تلفزيون اسود تعبان وكنت اتفرج غرندايزر وأذكر يقول الصحن الدوار هههههههه ياشباب الهمة

موضوع جميل



أنا كانت طفولتي عاديه مثل أي طفل



كنت أحب الرسوم كثير و كنت أتابع كبمارو و مخلص صديق الحيوان و هايدي على قناة السعوديه العصر


و كنت أحب بعد سالي و ليدي ليدي و طموطوم في الأرض الخضراء


و أخبر كان عندنا غنم كان أول ما يخلص الرسوم أروح عند الغنم ألعب كنت أحب الحيوانات مكرم القارئ


و أخبر كنت أتابع أفلام هنديه مع خدامتنا الهنديه كل خميس على قناة قطر الثانيه فليل هههه


بعد شنو أممم ما أتذكر عدل


كنا نروح كل جمعه الملاهي و السيرك كان كل جمعه في سيرك في المدينة الترفيهيه


أروح مع أخواني الكبار


و أخبر بعد كانوا أخواني الكبار عندهم كلاب بوليسيه و مره جابت وحده من الكلاب عيال صغار مكرم القارئ


و كانت تنبح و تعصب لما حد من أخواني الكبار يقرب من عيالها إلا أنا ههه كانت تحبني و كنت أقعد مع عيالها و لا تقول لي شي <<< ماوكلي مو محمد


و كنت أحب ألعب السيقا كان ما في أول بلاي ستيشين كنت ألعب السيقا و أحب ألعب بذات سونك و السنجاب إللي يطير من ذيله هههه و كنت ألعب فاميلي صيد البط بالمسدسات و ماريو و كنت أسميه الطباخ لانه شنبه كبير و ملامحه ملامح طباخ نفس إللي في برينقز الشيبس ههههههههه


و طبعاً كل جمعه نروح عندي بيت جدي الله يرحمه و نسلم على الأهل و جدتي و ألعب مع عيال عمي


و بس تقريباً هذا إللي أتذكره و الله ياخوي رجعتني لأيام حلوه أيامها كانت القلوب صافيه و بيضاء و كان كل همنا نتابع الرسوم إللي نحبه


دمتم بحب




(( تــــــــــحياتـــــــــــي ))

آه قلبتوا المواجع يالمحمدين..
أنا كانت طفولتي حلوة مرررة أذكر على حسب كلام أمي أنها جابتني بعد انقطاع سبع سنوات وكان الوالد الله يحفظه في أوج شبابه والحق وبشهادة الكل يوم كنت صغير كنت ذكي وألاحظ أشياء غريبة لذا كان أبوي يعزني واجد لكن بنفس الوقت كنت مرح إلى أبعد الحدود أحب الألعاب وأذكر شلون الوالد كان يوديني محل الألعاب ونروح نشتري حيوانات واااجدة ثم أجي وألعب فيها ولازم أخلي الأسد الملك ومافي أحد يقدر عليه لو الكل اجتمعوا عليه....
أنا كان عندي اثنين من أولاد عمي بنفس سني واثنين من أولاد خالتي بنفس سني فأذكر كنا واحنا صغار نلعب ليييين نقول بس...
بعدها أذكر رحت المدرسة وأذكر شلون كان أبوي يحرص علي أنك لازم تدرس بجد وتذاكر زين ..وكان يوعدني اني اذا جبت درجات زينة فانه بيشتري لي ألعاب حيوانات أو دفاتر تلوين وكنت أحب الأشياء هذي بشغف خيالي..
بعدين كبرنا شوي وصرنا نقلل اللعب بالحيوانات لكن مانتركها أكيد...صرت أتابع تلفزيون ما أذكر بالتحديد وش كنت أحب لكن أتذكر على بداية أيام سبيس تون كانت بالنهار سبيس تون وبالليل قناة البحرين ههههه...
كنت أحب ماوكلي وكابتن ماجد حتى اني كنت أخلي الحيوانات في ملعب وأسوي لهم باب ثم آخذ قصدير وأخليه مثل الكورة وألعب بهم والفريق الي معه الأسد لازم يفوز بطبيعة الحال..
بعدها كبرنا وصرنا نحب كثير سبيس تون وأذكر كنت دايم أشوفها ...وأنا بطبعي محب للحيوانات فأذكر مرة خالتي جابت قطة منب قايل (قطوة عشان واحد ببالي مايطقني) صغيرة وكنت ألعبها دايم ثم يوم صرت بسادس ابتدائي جابت 3 عيال وأنا أخذت واحد منهم أربيه وأخواني أخذ كل واحد منهم شيء..
الي أخذته كان أكبرهم وكان شعره كثيف وكان خواااف حيل..المهم بحكم طباعي البدوية علمته يلبس شماغ وأدمن بقوة على القهوة !!!كانت خالتي مرة تشرب قهوة وتتابع برنامج وجا القط وشرب القهوة كلها وجت خالتي تبي تشرب لقت الفنجان فاضي هههههه
طبعا بعدها تغير الحال تعلمنا أشياء كثيرة جدا للأسف....تعلمنا الحسد والحقد وأخذنا طباع شينة وهذي سنة الحياة..
أعتذر وبشدة للقارئ الكريم عن الاطالة الزائدة ولكن اثارة مثل هذا الشيء فيني ذكرتني بأيام الماضي الحلوة ...خصوصا في أنني إنسان من الطراز القديم..

اه والله الواحد يتحسر انو ذيك الايام راحت
أنا اذكر انو ابوي كان يطقني كثير هههههه
مين فيكم اخذ علقة
وأنا اسف اخوي ابو عادل اني قلبت عليك المواجع ابوعادل عطني اسمك

صارت سير ههههههههههههه
سيرة طفولتي
ادمان تاريخ الدولة الاسلامية و صقور الارض اممممممممم اول مشرية السوني 1 كان عمري 7سنوات اذكر ببسيمان
وبعد كراش تحدي اثنين(على سوني 2)
اغبى موقف لي مع Call of dutyكنت ماعرف اسمة كنت انادية الحرب العالمية الاولى مع اولاد خالي واذا شفنا مكتوب جمبة الجزء1 او اثنين الخ
نقول حرب عالمية رابعة و اكبرنا ادلخنا يقول صدق فيه حرب عاملية 3 وحنى مكملين الوضع لما شرية سوني 3 وعرفة اكثر عن الاشرطة
كنت مرهههههههههه اطالع بالتاريخ واذا جت استراحة الجماعة يبدون الشباب يسالوني بالتاريخ واسالهم وماشي مع الاجوبة صح للنهاية
بعد ماشرية سوني 3 تركة مطالعة الكتب بعدها كذا بشوي رجعت لها حتى صرة اقرا عن جنكيز خان و بدية اقرا اللغة الصينة (بس حفضت كلمتين ثلاث) شياو:صغير
والله القصص واجد وشكلي بدوخ


ذكرني مشعل انا مثله بس بالسيارات
كنت اللعب كورة فيهم وسباقات كانت جدتي وامي وابي اذا نجحت او فكروا يشترون لي سيارات اطفاء شرطة انا الملعب كان تعرفون الموكيت القديم الي يجيك مخطط شعبي كنت اخلي خطين مرمى و الطول والعرض لما ينتهي الخط