مدينة في العالم تود زيارتها !!

السلام عليكم ..
السؤال هذا خطر ببالي من فترة بسيطة جدا ..
هل توجد مدينة تود زيارتها ولماذا ؟
عن نفسي أتمنى زيارة مدينة الضباب لندن ,,
السبب , أريد مشاهدة الآثار والتماثيل لشخصياتي المفضلة شارلوك هولمز وهيركيول بوارو ..
اريد معرفة الحياة في ذلك العصر , ومعرفة التفاصيل الدقيقة عن تلك الحقبة !!
يمكن تعتيروني مجنون بس حبي للتاريخ والاثار والروايات فوق المعتاد ويصل للجنون حقا !
ماذا عنكم .؟

اقتباس :

هل توجد مدينة تود زيارتها ولماذا

ابي اروح باريس احس لها منظر جمالي خاص فيها
بس حتى لندن احس انها مفضله لدي ابي اشوف كل شي فيها وابي اشوف الثلج

dاحب اروح مدريد لااشاهد الصرح الرائع سنتياجو برنابيو

ابا اروح روسيا ابا اشوف حضارتهم

والله فيي مدن كثير ة
اولها مكة والمدينة لاني مازرتهم من قبل للاسف ..
طبعا اريد ان اشوف الصين ....
وكمان شلالات نياجرا او نيجارا في الولايات المتحدة الامريكية ...
والمدينة الي عشت فيها سنه كاملة مدينة كيمنتيس االالمانية ....

اسنطبول - ودي ازور تركيا. جوها حلو و هي دولة حلوة سواء بالمعالم التاريخية او الاماكن الترفيهية.

سان فرانسيسكو - جو جميل و مكان سياحي ممتاز.

مدريد - ودي ازور السانتياجو برنابيو, ملعب ريال مدريد

باريس/لندن - اماكن حلوة في اوروبا

الصين/اليابان - ودي اشوف الاماكن التاريخية هناك

استراليا - ودي ازور استراليا بعد..


ادري احلامي كبيرة ههه

اقتباس :

ادري احلامي كبيرة ههه

لا عاديه بس انصحك تنسى تروح اليابان والصين حروفهم واااااااااااااااااجججججججججججججججددددددددددد

واظف للقائمة كوريا هههههه

انا ودي اروح مدريد _ الصين _اليابان_سويسرا_فرنسا_امريكا_روسيا_استراليا

أنا ودي أقعد ببيتنا وأشوف اللابتوب والبلايستيشين فقط



لا أمزح

طبعا ما عندي مدن واجد

بس يمكن

لندن

أبغا أشوف شرلوك هولمز

وأبغى أشوف بكين

وبس

أنا تقريباً زرت حوالي 40% من مدن العالم الرئيسيه أو أكثر من 40% بشوي


بس خاطري أروح أمريكا هي الوحيده إللي ما رحت لها بتحديد خاطري أروح Las Vegas


طبعاً أكيد ودي أشوف الصين و كوريا و اليابان


و بعد خاطري أروح النرويج - أوسلو يمكن تستغربون مني لكن مادري أحسها حلوه حيييل


أوروبا ما خليت مكان ما جيته فيها مو لازم نحطها بالحسبه بس بنحسب النرويج ودي أروح لها


شكراً على الموضوع إللي قلب المواجع فيني ننطر إجازه عيد الأضحى عشان نخلع بجلدنا أكيد


دمتم بحب



(( تـــــــــــحياتـــــــــــي ))

شفتلكم كم وجه حسن في مدريد صاروخ ارض جو ههههه
بكرة حشوف بعض آثار المسلمين زمان

اسبانيا : غرناطة - قرطبة - مالقة - اشبليه ( اظن الاسماء ما عادت تستخدم في وقتنا )
اشوف اثار او بقايا الاثار الاسلامية و اشوف حال المسلمين

ايطاليا : روما
اثار الامبراطورية الرومانية

تركيا : انقرة - استانبول
زيارة المتاحف التي تضم اثار من الدولة العثمانية

اليابان : غير محدد
نفسي اشوف تطروهم , ههه

الاردن : البتراء
طبعا السبب واضح , البيوت و التماثيل المنحوته

[quote] الاردن : البتراء


خلص معناتو انت ضيفي ...اعتبرني دليلك السياحي ههه باي منطقة من الاردن

هههه , ماتوقعت راح يكون فيه تفاعل كذا !!
أشكركم حميعا على مروركم !
بس غريبة الكل يبي يشوف ملعب الريال ومحد معطي البرشا وجه !

أبو عادل كتب:

بس غريبة الكل يبي يشوف ملعب الريال ومحد معطي البرشا وجه !

منتدى تاريخي -> اعضاءه يحبون التاريخ -> الريال افضل نادي بالتاريخ


ودي اروح الكامب نو, احرق الملعب و ارد ههههه

السلام عليكم و رحمة الله و بركاته

صراحة سافرت كثير بس في مدن و بلدان ما رحتهم و اتمنى اروحهم

و هم سنغافورا و كيب تاون كوريا و اليابان و الصين و ايطاليا و ماليزيا و سيدني و اوكسفورد و بس

و مشكور اخي على الموضوع الجميل و ان شاء الله الكل يروحوا البلدان اللي يبونهم

اقتباس :

ان شاء الله الكل يروحوا البلدان اللي يبونهم

ان شاء الله

من جد شباب وش بتسوون اول ماتبدا سياحتكم بالمدن الي ذكرتوها

انا اشجع برشلونة
شوي شوي علي لاتأكلوني بس ههه

اقتباس :

من جد شباب وش بتسوون اول ماتبدا سياحتكم بالمدن الي ذكرتوها

مباشرة على اقرب متحف لشارلوك هولمز و هركيول بوارو واجلس هناك 5 ساعات واشتري اي شيء له علاقة فيهم واحطه بغرفتي

السلام عليكم و رحمة الله و بركاته

السياحة و التجول في كل مدنها و اراضيها و اسواقها والخ اتابع اخر تطوراتهم و اشوف كل ما يتعلق فيها ..