ألغاز رياضية

لغز للشباب كلهم واللي يحله يعتبر بطل في الألغاز (يعتمد حله على معلومات الثانوية)

بانيو مطبخ له خلاطين ومسلك تصريف مياه والخلاط البارد يملى البانيو في دقيقتين والخلاط الحار في 3 دقايق ومسلك التصريف يصرف في 6 دقايق السؤال في حال تركنا البانيو فاضي ومسلك التصريف فاضي وبدأت صب الماء من الخلاطين معا كم تحتاج من الوقت عشان تملى البانيو؟

في إنتظار الإجابات

اذا صب البارد يصير 8 دقائق اشان يمتلي والحار 9 دقائق

kotaro كتب:

اذا صب البارد يصير 8 دقائق اشان يمتلي والحار 9 دقائق

للأسف إجابة خاطئة بس محاولة جيدة جدا حاول مرة ثانية

طيب السؤال يعني اذا صب البارد مع الحار معا

اي صب الخلاطين مع بعض ومسلك التصريف مفتوح

7 دقايق ونص

غلط ولكن تعجبني طريقة تفكيرك حاول مرة ثانية

8 ونص انشاالله صح الظاهر ماني مبقي رقم واحد ما خليته

غلط ركز شوي في السؤال

أعلى خلاط اللي هو الحار يملى البانيو بثلاث دقايق فكيف الإثنين يملونه ب8 ونص

راجع الحل وبتعرف الجواب بإذن الله

سألني تركي على الماسنجر و حاولت احله, حلي كان غلط بس قالي انزله هني لانه كان قريب شوي.


بالبداية شفت ان ما عندي معطيات الا ازمنة كلها فدريت ان السالفة سالفة تناسب بس و علاقات.

قلت اذا بدقيقة, معناتها الخلاط البارد يملي نص البانيو و الخلاط احار يملي ثلثه
معناتها جمعهم مع بعض, يعني بدقيقة واحدة يمتلي نص + ثلث = 1.2
هذا مع اهمال المسلك

اذا حسبنا المسلك
المسلك بالست دقايق يشيل بانيو كامل
اذن في 1.2 يشيل س بانيو

عوض بمعادلة و طلع قيمة س راح تساوي 0.2

غير الاشارة السالبة (لانه مصرف و قوة معيقة) الى اشارة موجبة (عشانك قاعد تحسب الزمن) و اجمع
يطلع 1.2 + 0.2 = 1.4

1.4 ضرب 60 = دقيقة و 24 ثانية.

غلطي كان بحساب المسلك قسمتي غلط ضيع الي بعده كله, علمني تركي الحل بس ما راح اعطي احد الحل هههههه

و مشكور على اللغز الحلو تركي, احب الغاز الرياضيات.

وأنا أعدك إن شاء الله بعطيك ألغاز رياضيات يحبها قلبك

وللمعلومية حل الأخ ناصر قريب درجة كبيرة من الحل الصحيح

Yang Dayang كتب:

معناتها جمعهم مع بعض, يعني بدقيقة واحدة يمتلي نص + ثلث = 1.2
هذا مع اهمال المسلك
.

غلطة الأخ ناصر كانت في الجزء هذا من الجواب وطبعا الباقي مشى فيه صح بس هالغلطة خربت الحل

طلعلي 1,55 يعني دقيقة وخمس وخمسين ثانية

قريب جدا من الحل هالمرة وأتوقع تجيب الحل المرة القادمة

طلع ها المرة 1,8 يعني دقيقة وثمان ثواني

2.5 رميتها ...

اقلك ذحين المسلك ذا شغال ولا ما يشتغل الا بعد 6 دقايق

3 دقايق صح ولا؟؟

اخر جواب عندي 1.5

Helsom كتب:

اخر جواب عندي 1.5

جوابك صح هالمرة بس إن شاء الله ما يكون ناصر معلمك

عموما أحسك شوي في البداية بديت بأرقام كبيرة وشوي شوي تنزل

بس المطلوب طريقة الحل يا مصلح أتمنى تنزلها

قادم بلغز آخر

ناصر ما قالي شيء بس استفدت من حله

هذي طريقة الحل انا اعتبرت الزمن كمية الماء اللي تصب في الخزان وطبعاً ناصر حسبها خلال دقيقه انا حسبتها خلال دقيقه ونص بعد ما فكرت فيها شوي وطلعت صح ..

(1.5\2)+(1.5\3)-(1.5\6)=1

صح ان الطريقه مهي مثالية لكن يمشي حالها "

ماشاالله يا مصلح جبتها انا قاعد ساعة ادور الحل ههههه

يلا لغز جديد رياضي أسهل من الأول بإذن الله

رجل ساكن بعمارة فيها عدة أدوار إذا نزل 3 أدوار صارت الأدوار اللي فوق ضعف اللي تحت وإذا صعد دورين صار اللي تحته ضعف اللي فوقه من الأدوار فكم دور بالعمارة وأي دور ساكن الرجل علما بأنه بدأ من الدور اللي ساكن فيه؟

Helsom كتب:

ناصر ما قالي شيء بس استفدت من حله

هذي طريقة الحل انا اعتبرت الزمن كمية الماء اللي تصب في الخزان وطبعاً ناصر حسبها خلال دقيقه انا حسبتها خلال دقيقه ونص بعد ما فكرت فيها شوي وطلعت صح ..

(1.5\2)+(1.5\3)-(1.5\6)=1

صح ان الطريقه مهي مثالية لكن يمشي حالها "

عموما تستاهل وناصر ساهم في إيجاد الحل

يلا شد حيلك ورنا الإبداع في اللغز الجديد

الدور السادس!