كرسي الإعتراف

بسم الله الرحمن الرحيم ,,





كرسي الإعتراف راح يكون في ضحية كل يوم إن شاء الله وراح يستمر معانا ليوم كامل وبعدها نختار ضحية ثانية .. تقدر تسأل أي سؤال للعضو ومن حق العضو إنه يرفض الإجابة ..



طريقة الإختيار على حسب تصويت الأعضاء , اول عضو يتكرر اسمه 3 مرات يكون الضحية !

اختار Yang Dayang :D

[وحدهم المديرون لديهم صلاحيات معاينة هذه الصورة] Yang Dayang

Yang........ (لا ممكن يزعل)

أقول Yang Dayang بس

miaocai

اول ضحية Yang Dayang طفشوه بالأسئلة شباب ,,

نفتتح الأسئلة بسؤالين على الماشي :

1 - كيف أجواء رمضان معك ؟

2 - صف لنا مائدة الفطور والسحور البارح ؟

(ههههههه شهويت الكل)

بالتوفيق

اقعد.. حب الناس يعور هههه

اقتباس :

1 - كيف أجواء رمضان معك ؟

الحمد لله رمضان دايما اجواءه حلوة مع الاهل. للاسف السنة هذه راح اقضي اسبوعين مع الاهل و الباقي برى الديرة.. الله يعين, حاليا مرتاح و عايش كاني ملك و مستانس بالجو الاسري, متأكد ان الاجواء راح تتغير تماما بس ما اتوقع راح تكون سيئة ان شاء الله.

اقتباس :

2 - صف لنا مائدة الفطور والسحور البارح ؟

الفطور: كل رمضان نقسم الفطرو لقسمين. اول شي ناكل شغلات بسيطة نكسر فيها الصيام, بعدين نصلي, بعدين نضرب بالخمس هههه كسرنا الصيام بتمر و قهوة و لقيمات و شوية فطاير. بعدها تغدينا مجبوس دجاج و و جريش و معكرونة. بعدها بساعتين كنت معزوم على ذبيحة عند عماني, هذه ترس بطني و خلاني ما اتسحر هههه

اقتباس :

طفشوه بالأسئلة شباب ,,

انا لها >>> مشكلة الحماس

miaocai

اذكرلي 3 اعضاء متفائل بهم

اخوي Lord Yousif, كل يوم في ضحية جديدة. لا تخاف, باجر انا وياك نستلم Miaocai هههه

Kong Ming: اعضاء بمعنى انهم غير مشرفين؟ داندونة و Yuanrang و Spear ابرز ناس بالمنتدى برأئي. اذا استمروا بما هم عليه, اتوقع على الاقل واحد منهم يصل للاشرف.. مجرد رأي.

اذكر 3 أعضاء دائماً تحصلهم... مسن منتدى.. الخ..

كيف Max Payne 3 معاك , وجع راس هاه ؟

اكيد حصلت لك مواقف وانت بامريكا اذكرلنا موقف مضحك حصلك ؟

في اثنين على الماسنجر يشتغلون مع الهيئة اذكر اساميهم !XD

ايش رايكم في المنتدى الشهر اللي راح ؟

ايش اكثر شي يغثك في المنتدى وتتمنى لو يتغير ؟

ايش اكثر شي يعجبك في المنتدى وتتمنى يستمر ؟



بالتوفيق"

اقتباس :

اذكر 3 أعضاء دائماً تحصلهم... مسن منتدى.. الخ..

The Stranger - Kong Ming - Yuanrang

اذا ما حصلتهم, هم يحصلوني [وحدهم المديرون لديهم صلاحيات معاينة هذه الصورة]

اقتباس :

كيف Max Payne 3 معاك , وجع راس هاه ؟

ما لعبتها من اخر مرة كلمتك هههه

اقتباس :

اكيد حصلت لك مواقف وانت بامريكا اذكرلنا موقف مضحك حصلك ؟

واجد المواقف.. بس هذا الي يحضرني:

اذكر مرة كنت اسوي بيض عشان اتريق. جاني الروم ميت قالي انا اسوي معك, و قعد يتفلسف على راسي.. قالي ناصر عمرك جربت اومليت مطبوخ مع بطاط شبس؟ هههههه قلت له اما هذا يصير بعد؟ قالي افا عليك بس, طعمه مو صاحي هههه راح حط البطاط مع البيض و هو يطبخ ههههه اكلناه مع بعض, انا ما عجبني حيل... يوم خلصنا قالي ترى كنت اتفلسف ههه

اقتباس :

في اثنين على الماسنجر يشتغلون مع الهيئة اذكر اساميهم !XD

مازن اكيد اولهم.. الثاني راشد اعتقد؟

اقتباس :

ايش رايكم في المنتدى الشهر اللي راح ؟

نشاط المنتدى ارتفع بشكل ملحوظ, و اعتقد شغلة تحسب لنا كلنا. الفعاليات كانت حلوة و ممتعة.

اقتباس :

ايش اكثر شي يغثك في المنتدى وتتمنى لو يتغير ؟

ساعات احس اقسام النقاش ميتة و الاقسام الثانية عايشة.

اقتباس :

ايش اكثر شي يعجبك في المنتدى وتتمنى يستمر ؟

الاعضاء كلهم ودي لو ما يفارقونا.

طيب اكبر مقلب صار بك؟

موقف محرج لك ياناصر بي امريكا


شيئ ماتقدر تستحمل وجوده او صوته ( انسان او حيوان او اي شيئ)

من أكثر واحد حسيت أنه نشبة عليك من كثرت الأسئلة اللي يسئلها لك

وش رأيك ب Dragon Dogma

كم عدد الأعضاء يوم سجلت بالمنتدى لأول مرة

من أكثر واحد أملت فيه يوم كنت مدير

اقتباس :

طيب اكبر مقلب صار بك؟

ما اذكر ولا مقلب صار فيني..

اقتباس :

موقف محرج لك ياناصر بي امريكا

مرة خرب عندنا التكييف. طلبت التصليح مال السكن عشان يشوف المشكلة. جاني بالليل كنت بروحي بالشقة ادرس لاختبار. طق الباب و فتحت له, قالي AC؟ انا تنحت. نسيت عن سالفة التكييف, و نسيت ان AC اختصار لـ Air Conditioning, قلته Sorry؟ رد عاد علي نفس الكلمة. مدري ليش حسبته يتكلم عن Assassin's Creed ههه عموما اخر شي فهمت قصده يوم عطاني جملة كاملة. دخل و شافها, قالي بشوفها من برى و شوي و ارجع. راح شوي و رد و قالي "You're good, man" طالعته و انا ابتسم "Why؟" قالي نفس الكلمة مرة ثانية هههه تنحت, اخر شي استوعبت ان قصده ان خلاص صلحها.

اقتباس :

من أكثر واحد حسيت أنه نشبة عليك من كثرت الأسئلة اللي يسئلها لك

The Stranger, بس الحين Yuanrang ينافسه ههه

اقتباس :

وش رأيك ب Dragon Dogma

ما احب العاب الار بي جي بالبلاي.

اقتباس :

كم عدد الأعضاء يوم سجلت بالمنتدى لأول مرة

8 تقريبا. الي موجود منهم حاليا مصلح و اخوه علي.

اقتباس :

من أكثر واحد أملت فيه يوم كنت مدير

ما فهمت. تقصد يعني توقعته يستمر بالمنتدى؟ انا طولت كمدير.. اذكر يوم سجل راشد و يوم سجلت انت توقعت انكم توصلون للاشراف.

شيئ لازم يكون في مائدة الفطور واذا مالقيته تصارخ

لازم لقيمات او اي نوع من الفطاير او المعجنات, و لازم على الاقل يكون في صنف واحد فيه نوع من اللحوم.

طيب شي تتمنى تحققه ( برا المنتدى اخوي ^_^)
و اجمل ثلاث اشياء في حياتك
شي فقدته وتتمنى يرجع لك

اقتباس :

طيب شي تتمنى تحققه ( برا المنتدى اخوي ^_^)

اتمنى الناس تذكرني بالخير بعد ما اموت.

اقتباس :

و اجمل ثلاث اشياء في حياتك

الوالدة , الوالد, اخواني.

اقتباس :

شي فقدته وتتمنى يرجع لك

نظري, اخذته البلاي >,>

اقتباس :

نظري, اخذته البلاي >,>

أتسائل وش قصة النظارات

بس شكلك فيها أكشخ الصراحة

اللي يعيد ك بصرك وأحسن من قبل إن شاء الله

هل التقيت بعضو من أعضاء المنتدى شخصيا؟

ايه ياشباب اليوم نستلم ناصر

موقف غضبت فيه بشدة وماحسين بنفسك فيه

اقتباس :

بس شكلك فيها أكشخ الصراحة

اللي يعيد ك بصرك وأحسن من قبل إن شاء الله

هل التقيت بعضو من أعضاء المنتدى شخصيا؟

الله يسلمك, و لا ما التقيت الا بالي اعرفهم قبل لا يسجلون.

اقتباس :

ايه ياشباب اليوم نستلم ناصر [وحدهم المديرون لديهم صلاحيات معاينة هذه الصورة]

يجي يومك و نشوف [وحدهم المديرون لديهم صلاحيات معاينة هذه الصورة]

اقتباس :

موقف غضبت فيه بشدة وماحسين بنفسك فيه

ما في موقف محدد, بس دايما انفعل زيادة على اللزوم اذا واحد صغير ما يحترم نفسه معي هههه