مسألة, اراء الاعضاء.

السلام عليكم شباب


شباب صارت عندنا مشكلة شوي باللعبة و قرر العضو Ling T0ng الانسحاب من اللعبة. مملكة Wu هي من الاساس اقل مملكة بالاعضاء و حاليا عليهم معركتين, و احداها هجومية. شنو بالضبط تقترحون لحل هذه المشكلة؟

العضو Taishi Ci و العضو liu bei x ما يدشون المنتدى, و العضو Ling T0ng انسحب فقعد العضو Lu Xun بروحه. نبي اراءكم.. كنت ابي اعطي Lu Xun الصلاحية يتحكم في الشخصيات الغائبة في المعارك الهجومية بعد بس حتى Lu Xun يقول ما يقدر يمسك المعارك بروحه.

هل نعيد اللعبة؟ نوقفها؟ لا تنسون ان مملكة Wu تحتاج استعادة مدينة Chang Sha قبل لا يتم تحصينها, و اذا وقفنا اللعبة لفترة ما راح تكون لمصلحة Wu لان مملكة Shu راح تستغل الوضع في التحصن و غيرها.

تبون تدخل الامبراطور لمساعدة Wu عشان نوازن مثلا؟ او اي اراءكم. حاليا, لحتى ما نحل المشكلة, راح نتوقف عن تحديث المعارك و التجنيد.. اسفين للازعاج.

افضل تعيدون اللعبه و عشان يصير توازن بين الاعضاء و يكون التوزيع منك انت مو العضو وين يروح


عشان لا يصير الي قلت لك عنه في المسن اذا تذكر


بس هذا رايي انا و انت حر

أنا أقترح أنك تعيد العبة بس تعديل بالأعضاء يعني تخلي 3أعضاء في Wu و3أعضاءShuو3أعضاء في Wei وتخلي كل عضو يأخذ 5 جنرالات عشان يكون فيه توازن يعني إحنا مملكة Shu كلنا الخمسة نكون متواجدين فأنا أقترح هذا الأقتراح

لنرى الحلول المقترحة:

1- اعادة اللعبة لا اعتقد انه حل
2- مساعدة الامبراطور اعتقد راح تكون فيها مشاكل دوبلوماسة في اللعبة
3- افضل اقتراح هو ايقاف اللعبة ( تجميد الزمن) من دون تطوير لا دفاع ولا هجوم
حتى نعرف اين ذهب الاعضاء
اخ ling tong ليش طلعت اللعبة راح تصير مملة من دونك
لا والله ما تطلع

للأسف الحل الوحيد هو البدأ بلعبة جديدة بس هالمرة التسجيل فيها يكون غير

التسجيل يكون للعضو اللي كان مشارك متواجد كثير في اللعبة وأي عضو ما يحضر لمدة أسبوع بدون إذن يطرد من اللعبة مباشرة

معليش لما تكون مملكة فيها 4 أو 5 أعضاء تلاقي بس 1 متواجد معناها للأسف الباقيين نايمين بالعسل

للأسف اللعبة كانت جميلة بس هالموضوع خرب اللعبة مع أني تركت ملاحظة قبل عن هالموضوع لكن مو مشكلة

أخيرا نقول جزاك الله خير يا ناصر على المجهود اللي قاعد تبذله على اللعبة لكن أتمنى تسمع كلامي وتترك التسجيل فقط للأعضاء المتواجدين فقط حتى تكون اللعبة متميزة وبالتوفيق

سالفة اني اعيد اللعبة ترى مو صعبة, بيوم واحد اقدر اعيدها. امسح مواضيع المعارك و المساهمات و اعيد التسجيل من اول.

ما راح نخلي الامبراطور يساعد Wu لان لها تأثير كبير ديبوماسيا.. نخلي القبائل تساعدهم اذا ما عندكم مانع؟ او نعيدها و انا اشوف هذا احسن.. نبي اراءكم شباب.

تركي: ادري انك قلت, و لكل رؤساء الجيوش صلاحية طرد العضو الي ما يتواجد بصفة اعتيادية بس المشكلة بقلة الاعضاء الي باللعبة..

أخوي في حل أسهل بقلة الأعضاء تكون اللعبة زينة
أقترح بأنك تعيد اللعبة لكن تخلي الواحد يسحل بس بدون ما يختار الممملكة وتختار له المملكة والجنرالات هو يختارهم
أنت تشوف مثل قلنا بأن
مملكة وو الأعضاء الفعالين:2
مملكة شو الأعضاء الفعالين:4
مملكة واي الأعضاء الفعالين:3
تقوم بتقسيم هؤلاء كل مملكة3 3 3
ما رأيك أخوي

Empror Sanda كتب:

أخوي في حل أسهل بقلة الأعضاء تكون اللعبة زينة
أقترح بأنك تعيد اللعبة لكن تخلي الواحد يسحل بس بدون ما يختار الممملكة وتختار له المملكة والجنرالات هو يختارهم
أنت تشوف مثل قلنا بأن
مملكة وو الأعضاء الفعالين:2
مملكة شو الأعضاء الفعالين:4
مملكة واي الأعضاء الفعالين:3
تقوم بتقسيم هؤلاء كل مملكة3 3 3
ما رأيك أخوي

بس مملكة Wu الاعضاء الفعالين عضو واحد بس. الي هو Lu Xun
و مملكتكم الاعضاء الفعالين 5 بس يركب التقسيم حلو.

طيب محد يعترض باني اجبره يلعب في مملكة معينة؟ مثلا يعني, اتمنى محد يزعل من كلمتي بس امثال مازن و علي و محمد, بما انهم احسن اللاعبين يكونون بممالك متفرقة, و الي مستواهم نص و نص مثل الذئب و Empror Sanda و تركي يكونون بممالك مختلفة, و المبتدئين الباقيين كل واحد في مملكة.
يصير كل مملكة لها واحد محترف, واحد نص و نص و واحد مبتدأ يتعلم.

يمشي الحال؟

أنا ما عندي إعتراض بالعكس
لكن الجنرالات يختارهم العضو نفسه
وتخلي العضو المحترف يأخذ رئيس الممملكة
والمتوسط يأخذ المخطط
والمبتدى يأخذ اللي يبي

لو قررنا نعيد اللعبة, نخلي الكل يختار الي يبيه لكن حنا نحدد الممالك. على العموم, بس عطوني فترة افكر بالموضوع مع مصلح و نشوف.

و اتمنى اي واحد عنده راي يرسل بالموضوع هذا.

اعندي سؤال
اذا انا اخترت مثلا pang tong هل راح اكون في مملكة الشو ام مملكة اخرى
ا

راح نلتزم بنفس الفكرة, Pang Tong تاخذه معناتها تكون في مملكة Shu.

طيب أخوي متى راح يبتدي التسجيل

انا راي تعيدوناه وبدال مايخذ الواحد منا 4 جنرالات لا

نبي 2

انا بروحي باليالله لقيت احد فيه حيل للقتال بشوو

عشان كل واحد تنفتح نفسه وياخذ الجنرال الي يحبه

وابي اقول شئ

ممكن تضيفون على المعارك صور تشجيعيه

مثلاً القائد الفلاني يقول لجيشه هيا

وتحطون صور تشجيعه ومن هذا الكلام

Empror Sanda كتب:

طيب أخوي متى راح يبتدي التسجيل

والله ياخوك انا حاليا عندي برنامج المنتدى قاعد اجهز لحلقة جديدة بالمونتاج و غيرها, لكن عطوني بالكثير ثلاثة ايام و نعيد التسجيل.

البطل الاول: صعب حيل كل واحد ياخذ اثنين بس... كل مملكة لها 6 جنرالات يعني, و توزيع 6 جنرالات على 4 مدن صعب حيل.

تم اعادة اللعبة, التسجيل يبدأ غدا يوم الخميس الموافق 19 من شهر 8.