Dynasty Warriors 7

مشكورة لي هوا على الخبر.

بالبداية حسيت ان المفروض العكس بين Sima Shi و Sima Zhao لاني كنت دايما اعتبر Sima Shi واحد يقاتل بالامام و Sima Zhao مستشار. لكن بعد التفكير, شفت Sima Shi و الي حاطه على عينه هذا, اتوقع يبون يحطون الحادثة الي مات فيها Sima Shi بسبب مرض في عينه, و يوم شاف قوة Wen Yang زاد العوار و مات. فاتوقع بشكل كبير راح نشوف Wen Yang كشخصية اضافية.

شي ثاني, بما ان ضافوا عيال Sima Yi اكيد راح نشوف تقدم في القصة و تدخل مملكة Jin و هذا شي عاجبني حيل و اول مرة احس شركة KOEI عجبتني. بس ليش يقاتلون العمائم؟ فري مود صح؟ الا عاد اذا عوقوا القصة..

اما Bao Sanniang عاد!! ليش يعني؟! شخصية لا تاريخية ولا روائية حتى, و فوق هذا كله قصتها كلها سحر و خرابيط.. نبي شغلة واقعية تكفون... على العموم هي زوجة Guan Suo و بما ان اللعبة روائية, شي حلو حيييل نشوف Guan Suo لانه بالرواية --(جريندازر)---.

بشوف الصور و الفيديو بعدين احكم..

عاد ما شاء الله ما لقوا ل Sima Zhao إلا بازوكااااااااا


سلامات

ما بقا إلا أن يحطون Cao Cao راكب طيارة يطلق قنابل ورشاش

لكن اللي معجبني هو أنهم بيحطون Wen Yang عنتر بن شداد



يمكن يجيبون Sima Yan و Deng Ai و Zhong Hui وYang Hu و Du Yu و Lu Kang

عساه

بعد التدقيق و البحث..

شباب اللعبة هذه غير عن الجزء السادس! شكلها تسوى!

اول شي من الفيديو خلاص اكيد اللعب راح يكون مثل القديم (الجزء الخامس)

و شوفو الاضافات هذه:

- القصة - و اخيرا - راح توصل الى عام 280!! يعني الى توحيد الصين و نهاية تاريخ الممالك الثلاث

- اضافة مملكة Jin

- طور ال Story Mode راح يكون مثل الجزء الرابع, يعني تلعب التوصيل بالمملكة كلها و راح يكون في اربع ممالك Wei - Wu - Shu - Jin بدون الـ Others. طبعا تذكرون اللعب بالجزء الرابع, شلون ممكن تلعب فوق ال 15 مرحلة للمملكة الوحدة و كان ممكن تبدل الشخصية بين كل مرحلة و ثانية. الحين غير, كل مرحلة لها شخصية معينة مجبر تلعب فيها (بالستوري) بعدين اذا ختمت راح تقدر تلعب بالباقي.

- الاحداث راح تأثر باللعب و القصة و المراحل, شلون بالضبط ما اعلنوا بس المهم اننا راح نشوف في اختلاف بالمراحل حسب تطورات القصة و هذا شي ايجابي.

في طور جديد اسمه Chronicle Mode
- الطور هذا منفرد عن اللعبة و طريقتها, طبيعة الطور هذا انك تتمشى بالصين (مثل لعبة GTA) و تصنع قصتك بنفسك.
- ممكن تتكلم مع قادة معينين تلقاهم و تسوي لهم مهمات و ممكن تفتح اللعب ببعض الشخصيات بالطور هذا.
- ممكن انك تنضم لمملكة معينة و تلعب بمراحلها
- راح يكون في معارك تصير مبنية على الرواية

بالنسبة للعب
- اللعب نفس طريقة الجزء الخامس من ناحية التحكم.
- كل الشخصيات لها سلاحين كحد اقصى و تقدر تبدل الاثنين على كيفك. يعني تقط سيفك و تاخذ رمح طايح, تاخذ سهم, مدفع, الخ.. بالنهاية في 360 سلاح متغير ممكن تبدل بينهم.
- بعض الاسلحة حصرية لجنس معين (مثل المهفات - للنساء فقط اكيد)
- ممكن تبدل بين السلاحين الي عندك بأي وقت تبي حتى لو اثناء الضرب, يعني بنص الكومبو تبدل اسلحتك بدون لا توقف الكومبو! مثل لعبة Devil May Cry 4 بالضبط.
- لكل شخصية سلاح تجيده. بالنسبة للشخصيات القديمة الي نعرفها الاسلحة القديمة هي الاسلحة الي يجيدونها (مثلا Xiahou Dun بسيفه القديم اقوى من Xiahou Dun بالرمح) لان اذا اخذت السلاح الي تجيده شخصيتك تقدر تسوي هجوم خاص بزر ال R1. بالنسبة للشخصيات الجديدة اسلحتهم الي يتقنونها هي نفس الاسلحة الي بالفيديو.

- هجوم ال Musou الي تسويه بزر الدائرة, الحين لك عدادين للهجوم هذا. يعني تسوي الهجوم مرتين.
- احتمال يكون في نوعين من هجوم ال Musou النوع الاول حسب السلاح الي عندك, و النوع الثاني اذا كان السلاح الي عندك هو السلاح الي تتقنه شخصيتك.

اضافات اخرى
اللعبة تدعم اللعب ثلاثي الابعاد 3D و تقدر تلغي الخاصية هذه.
اوجه الشخصيات تتغير اثناء اللعب. يعني في بداية القصة Xiahou Dun له عينين, بعدين يصير بعين وحدة. ممكن يكبرون, ممكن Sima Shi قبل لا يحوشه المرض الي بعينه, الخ..
- الاخبار الي تجيك بنص القتال (قائد مات - قائد ذبح 100 - قائد يطلب مساعدة - الخ.. ) راح يكون جنبها وجه للشخصية و الوجه هذا ممكن يكون يضحك - يعصب - عادي - الخ..

موقع اللعبة:
http://www.gamecity.ne.jp/smusou6/

صورة Liu Bei مهربة و معاه اخوانه بالخلفية

https://s411.photobucket.com/albums/pp191/koeiwarriors/BlackKite/?action=view&current=o0640048010822859500.jpg

و الله متفائل بهذه الاخبار و اللعبة تستاهل 100%

اقتباس :

- الطور هذا منفرد عن اللعبة و طريقتها, طبيعة الطور هذا انك تتمشى بالصين (مثل لعبة GTA) و تصنع قصتك بنفسك.

تفحيط بالخيل و محطمات الابواب
هههههههه

لكن متى تنزل ؟؟؟

لكن ............Zhang Liao وييينه :P

النسخة اليابانية الحصرية على الـ Play Station 3 راح تنزل شهر مارس 2011.
النسخة الانجليزي تنزل بعدها بست شهور العادة, لان شركة KOEI متعودة تنقعنا كالعادة.


Zhang Liao للحين ما بين.. اكثر واحد انطر شكله هو و Lu Bu و Ma Chao.
و ابي عودة الـ Nanman !!

شركة KOEI تابت الظاهر, اعلنت الشركة ان النسخة الاوروبية راح تنزل بنفس شهر النسخة اليابانية!

صورة للدعاية بمعرض الالعاب الاوروبي يوم 29 من شهر 10.
https://2img.net/h/i411.photobucket.com/albums/pp191/koeiwarriors/dw7eu.jpg


طيب, دايم تصير السوالف و التوقعات هذه, الجماعة اليابانيين حللوا الفيديوات و الصور و شافوا:

Cao Cao و سلاحه الجديد؟






- Xiahou Yuan الظاهر سلاحه قوس و اسهم.





-Cao Ren احتمال يكون اخذ سلاح Dian Wei







لكن طبعا, للحين تقدر تقط السلاح الي تبي و تاخذ غيره.

المهم, شوفو هذه الصور:






سلاحه و وقفته مثل Zhao Yun لكن اسمه... Yue Jin!
هل شكله شكل مميز, يعني قائد جديد. او شكله قائد عادي, يعني ما راح ينضاف؟

سؤال عن القاده الجدد هل هم ابناء سيماي ..؟

اقتباس :

سؤال عن القاده الجدد هل هم ابناء سيماي ..؟

نعم ,هم ابنائه

خيبة امل كبيره وشذا الحين بدال مايحطون الجزء السابع بنفس محرك الجزء السادس مع تطويره شوي رجعونا لمحرك الجزء الخامس ايام السوني تو حتى القيم بلاي سيئ اللي منكم لعب لعبة devil kings ‎‏ بيحس انها مشابهه لها حتى الاعداء الجنود مو نفس الجزء السادس معهم رايات واذا جات مبارزة يتجمعون عليكم تحس انك تحارب صح انا حسب اللي شفته احس ان هذا بيكون افشل جزء لأن القيم بلاي هو اهم شي في اللعبه وهم ماركزوا عليه حتى الجزء السادس بصراحه احسن منه لأن محرك اللعب حقه جديد مو نفس هذا قديم وممل

صراحة انا حيل مستنانس من الجيم بلاي الجديد, الجيم البلاي مال السادس بااااااارد و ماله طعم ابد و حتى الشخصيات اسلحتها متشابهه و مكررة بشكل غبي, الحمد لله ردوا الجيم بلاي القديم و سمعوا نصايح محبي الالعاب. لكن صحيح في ناس حبوا جيم بلاي السادس فيمكن ما راح يعجبهم الوضع.

بخصوص المبارزة للحين ما ندري عن نظامها و اتوقع تكون المبارزة نفس نظام السادس و تصاميم الجنود نفس السادس من ناحية التنوع (مهندسين - حاملي راية- الخ..) و حتى من ناحية الاسلحة راح يكون في اشكال و الوان من الاسلحة و هذا شي حلو.

تعديل:
اشاعة - ممكن يكون في دعم لخاصية Play Station Move مع اني ما اتوقع صراحة.

خبر جديد - تستطيع الان القيام بهجوم الـ Musou و انت بالهواء.

اقتباس :

اشاعة - ممكن يكون في دعم لخاصية Play Station Move مع اني ما اتوقع صراحة.

يعني نرقص و نضارب مثلهم ؟؟

بكل صراحة وبغض النظر عن المستوى الهابط اللي قدمته السلسلة بداية من الجزء الخامس , اغلب ما شفت وقريت عن الجزء السابع هو ايجابي بطريقة او باخرى .

الرجوع للنظام القديم هو افضل خطوة سووها . فعلا النظام القديم افضل في الاداء وافضل في الافكار وافضل في العمق . الجزء السادس بكل صراحة كان سئ سئ جدا . ال Renbu كان نظام فاشل , واللي اعطى الضوء الاخضر له انسان فاشل . الانيميشن كان سئ والحركات ما تحس لها وقعها و كمان الموسو كان بكل بساطة تكرار للحركات الاساسية , باختصار فاشل جـــــــــــــــــــــــــــــــــــدا .

الى الان التصاميم تحسنت تحسن كبير . Dun اسطوري كالعادة , اللي صمم Yuan يبغاله ترقية والى الان افضل تصميم . Zhou Tai من اكثر التصاميم اللي التزموا فيها الرواية او التاريخ لمن اضافوا الندبات على جسمه .Zhao Yun مع انه مو الافضل الا انه تحسن كبير عن الجزء اللي فات . زعلت لمن شفت ان ;Liu Bei عاده بدون ال Facial Hair لكن هو في الافصل كان قليل شعر الوجه وكمان يمكن يطلعله في نص اللعبة .Guan Yu ماعاد هو Spiky .

باختصار التصاميم الى الان خطوة في الاتجاه الصحيح .

سمعت ان المقاطع السينمائية لها دورها في اللعبة = خطوة ايجابية . اللي كان يعجبني في dw4 كان ان المرحلة الوحدة مليانة احداث وكلام بين القواد .

ال Soundtracks ما سمعتها , لكن اذا كانت بمستوى الرابع يكون احسن شي .

=-=--=-=-=-=-=

احس ان KOEI حطت Budget ممتاز المره ذي وقاعدة تتهامل مع اللعبة بجدية اكثر .

ما توقعت اني بقول ذا يوم من الايام لكن اذا قدروا يردوا ايام 4 ( تكفيني بس تكون بمستوى 4 لا اكثر ولا اقل ) فانا ناوي اشتريها .

ليه الجزء الرابع افضل وليه اعتبره انا من افضل الاشرطة ؟

لانه كان مصمم عدل . كل شي كان Perfect الحركات الواجهة الTracks , التصاميم ... لكن اهم شي كانت المحادثات . الاجزاء القديمة من DW كانت مقسمة الشخصيات قسمين . فيها الشخصيات الجدية وفيها الشخصيات اللي موجهه للبزران وكان مستوى الانيمي قليل فيها . من الجزء الخامس وكل شي طاح وصار حق بزران ماعدا المحادثات بين Dun و Tsao .

كل اللي ابغاه هو محادثات بمستوى الرابع . شخصيات للبزران والبهلله ؟
ما عندي مانع لكن خلوا في شخصيات للجيل الكبير . لاني متاكد اغلب الكبار اللي يشترون اللعبة لهم سببين :

1- يستنون ROTK جديد .
2_ يحبون المحادثات بين الشخصيات والتصاميم الممتازة .

انا العب DW4 قدام اهلي وبدون احراج , لكن معليش ما اقدر اشغل dw6 قدامهم لانه يكسف وطفولي .

اتمنى يكونوا فهموا وجهة نظري اللي متاكد ان الكثيرين اقترحوها عليهم .

[b] ا السلام عليكم

انا جربت DW 3 و 4 و5 و6 |
وافضل شي كان 3 وبعده 5

وخيبة الامل كبيييييره عند 6 :P

واضن ان DW7 بكون جيد
بس مو مثل الـــ DW3 AND 4 AND 5
والله يعلم

انا لعبة السادس وكان جيد جدا وما لعبة الخامس واللي قبله يعني تتوقعون اتمتع في الجزء السابع ؟؟؟ لاني اصلا ملعبة الاجزاء مالت البي اس 2

وعلى الطاري فيه اون لاين او لا سؤال مهم ؟

تعرفون شعارات الممالك؟

Wei - Phoenix الي هو طائر العنقاء

Wu - Tiger الي هو النمر

Shu - Dragon الي هو التنين

الحين عندنا

Jin - Kirin الي هو حصان خيالي من الحضارة الصينية, له قرن و جسده كبير

http://www.kirin.com/images/the_kirin.gif

تتوقعون في اون لاين

يمكن يكون فيه اونلاين بس ما اتوقع تلعب اونلاين, يمكن بس تحط علامتك بالـ Challenge او يمكن تنزل اضافات جديدة؟

على العموم حاليا ما وصلنا خبر عن الاونلاين.

yuan shao: الجزء السادس كان الاسوء بنظر الملايين, الجزء هذا اقرب للاجزاء القديمة و اتوقع يعجبك. لعبة Samurai Warriors او Warriors Orochi ؟ نفس اللعب.

قبل شوي كان في معرض بلندن شاركت فيه KOEI و اعلنت ان اللعبة راح تصدر على الـ XBox 360 بالنسخة الانجليزية اما اليابانية حصرية على ال PS3.

شغلة متوقعة, بس غريبة شلون يلحقون يسوون النسختين مع بعض بشهر 11 مارس على جهازين مختلفين.. KOEI شكلها تحسنت حييييل من الناحية التقنية من يوم اندمجت مع Tecmo.

صور من الفيديو الي انعرض بالمعرض

Zhang Fei
http://sphotos.ak.fbcdn.net/hphotos-ak-ash2/hs446.ash2/71942_166030420081783_142059215812237_463563_7659005_n.jpg


Cao Cao
http://sphotos.ak.fbcdn.net/hphotos-ak-snc4/hs928.snc4/74103_493678576162_48306691162_7613285_1393540_n.jpg

اعلان اللعبة لل XBox
https://2img.net/h/i411.photobucket.com/albums/pp191/koeiwarriors/_root/dw7xb360confirmed.jpg

الفيديو اتوقع ينرفع بغضون ساعات.

shizai على طاري ان اللعبه فيها طور مثل حرامي السيارات انك تتمشى بالصين وغيره اتوقع بنسبة 80% فيه اونلاين وان شاء الله يعجبني بس اهم شي اذا فيه اون لاين خصصوا لنا صفحة حق اعضاء المنتدى حق ال اي دي مال البلي ستيشن نيتوورك عشان نسوي عصابه مع بعض

https://www.youtube.com/watch?v=yleqKsMK0Vc&feature=player_embedded

العرض الأول ااو الINTRO تصميمه قوي والجرافيكس حلو بس تركيب العرض مو حلو , طبعاً إلى الآنZhao Yun هو واجهة Koei لكن لاول مرة يظهر Xu Huang و Xiahou Yuan في عرض المقدمة بهذا الشكل واللي يزعل في الموضوع إن Wu ما طلع منهم إلا واحد اعتقد انه Sun Quan ..

احس الجرافيكس زين بس الخيال مبين عليه مرتفع. Sun Quan ما دريت انه هو هههه

احلى مقطع مال Cao Cao بـ Chi Bi هههه احسه منقهر هههه

على العموم راسي يفتر, فتعليقي على الفيديو يبيله وقت, لكني شفت شخصيتين ما عرفتهم (الي لابس قناع و يرقص, و الثاني الي اعتقد انه Sun Quan )