شهر نقاشي.

شباب, زادوا عندنا الاعضاء و المهتمين بتاريخ الممالك الثلاث و لله الحمد, ففكرت نعيش اجواء المنتدى القديمة و قاعد افكر ننظم شهر نقاشي في المنتدى.

فكرة الفعالية:
اسبوعيا, راح نفتتح مواضيع نقاشية في المنتدى. او نحيي مواضيع قديمة ممكن نتناقش فيها. المواضيع راح تتشكل و تتنوع بين الممالك الثلاث بصفة عامة, او مملكة معينة من الممالك, و ممكن نفتح مواضيع نقاش في الرواية بعد.

راح نحاول نحط موضوع او اثنين اسبوعيا, و اذا زاد التفاعل راح نزيد الدفعة بأكثر من موضوع.

طبعا كالعادة, نبي احترام لوجهات النظر, اي عضو له الحرية يتلزم في الراي الي يبيه مهما كان, و ما نبي مساهمات قصيرة مجرد نسخ كلام الي قبلك او وضع اسباب مثل ما نسميها ... حشو. مثال: فلان افضل حنرال في المملكة, لانه وفي و قوي. <<< الكل اوفياء و الاقوياء.

نبي ناخذ اراء الشباب قبل لا نفتح الفعالية هذه و نبي نشوف منو الي يبي يشاركنا في هذه الفعالية لاثراء المنتدى.

ملاحظة: لحد يقولي تخصصي في المملكة الفلانية بس, نبي نقاشات في جميع المواضيع.

فكرة ممتازة اخوي

بس بالنسبة للي ماعندهم ثراء في المعلومات وش يكون دورهم في المناقشات غير الاستماع (قصدي اللقراءة) ء

^^"

ممكن تعطينا وجهة نظرك حول الموضوع حتى لو ما كان عندك توسع في الموضوع المطروح للنقاش يعني حاول تستفيد من نقاش الأعضاء الثانيين عشان تطلع بفايده من الموضوع ويكون عندك مساهمة فيه ..

الفكرة ممتازة ناصر بس يبغالها تنظيم جيد مهو مواضيع تنحط هنا وهناك والاعضاء يتشتتون ولا يعرفون وين يردون "
انا اعتقد انه وقتها مناسب خصوصاً انه في خمول مهو طبيعي في الاقسام التاريخيه وغيرها والقسم الوحيد اللي نشيط هو الخيمة الرمضانية والشكر يرجع للأخ تركي " ما يقصر " افكاره والمواضيع اللي مساكها شخصياً ممتازة لكن المسابقات الثانية عشوائية وما حققت المطلوب " طلعت شوي من الموضوع " معليش بس حبيت اوضح النقطه هذي عشان لا نغلط نفس الغلطة في المواضيع اللي راح نطرحها للنقاش تكون كثيرة وفي نفس الوقت ويضيعون الأعضاء "

بالتوفيق"

لا ما عليك راح انظمها مثل ما تبون, نحط مواضيع نقاشية راح ادرسها عدل و اخذها من منتديات تاريخية ثانية عشان تكون على مستوى جيد, و اذا موضوع فشل, راح يكون في غيره و ان شاء الله ما يكون في تشتت.

و ما عليك يا سامي انت شارك و ناقش, راح تعبر عن رايك و لك الحرية تتمسك فيه + ممكن تصلح بعض المعلومات و نستفيد كلنا و نتشارك المعلومات.

مشكورين على حلولكم وراح اشارك معكم بك الي اقدر اشارك فيه وراح ارجع للمواضيع التاريخية في المنتدى كمرجع

ولو ماقدرت اشارك معكم راح استفيد من نقاشاتكم على الاقل

وكلام الاخ مصلح مهم جدا لازم ما نتشتت في اكثر من موضوع

مشكورين على سرعة المساعدة

فكرة جيدة تحي المنتدى من الخمول

خلاص بس قبل لا نبدأ الفعالية هذه نبي نشوف الاعضاء الي راح يشاركون؟

على العموم, ان شاء الله ابدأ الشغل عليها الاسبوع القادم..

الحمد لله مر الشهر و فتحنا مواضيع و كان في نشاط ملحوظ و ارتفع عدد المساهمات.

نشكر الاعضاء على نشاطهم و ان شاء الله ننظم فعالية مثل هذه بوقت ثاني و اي عضو عنده موضوع نقاشي يقدر يفتحه بأي وقت.

تم قفل الموضوع و ارشفته.