شباب بعد الثانويه بالضبط شتسون؟؟

هندسة اذا الله احيانا.

والله صراحة ما حددت للحين اي تخصص بالهندسة بس بدورلي تخصص حلو و مطلوب عشان يمشي حالي.

و صراحة ودي ادرس بعثة بالخارج, ببريطانيا لكن مو شرط. الله كريم.

و مشكور على الموضوع الممتاز.

ياحبيبي ناصر تامر امر ابي ادش على البعثات بالنت على موقع الوزاره وراح اجيبلك بالتفصيل والجامعات

واذا تبيني اصورلك مواقعهم من القمر الصناعي اجيبه ترى هع

ان شاء الله بشوفلك شغلهم وطرقتهم

ليلي يبيلي ابحث له عن بعثات تراني احب البحث يعني ماراح اقصر ناصر دقايق والتقرير احطه

موفقين شباب

ناصر افتح هذي الصفحه واٌقراها عدل فيها القوانين وغيره للبعثات

http://www.mohe.edu.kw/moheweb/sch2.pdf

الحين نجي توصيف التخصصات لخطة البعثات:

http://www.mohe.edu.kw/moheweb/Default.aspx?PageID=327

وهذي صفحه لشورط التقديم البعثه

http://www.mohe.edu.kw/moheweb/Default.aspx?PageID=169

وهذا دليل

http://www.mohe.edu.kw/moheweb/Default.aspx?PageID=135

وفيه كم شغله بعد مهمه بجيبها بعد شوي عشان انشغلت بشئ

وهذا الحين كله لناصر في احد يبي مساعده ها لاتطلعون عن محور الموضوع

محور الموضوع نقاشي مو بحث بس عشان عيونكم ادور لكم


هذا خاص لوزاره التربيه بالكويت فقط

ننتظر الاعضاء

مشكور اخوي سليمان علشانك ذكرت اسمي والموضوع فكرته حلوة مرة واتمنى من الاعضاء التفاعل لان هذا موضوع مهم لطلاب الثانوي

بالنسبة لي انا مقرر ادخل هندسة وتحديدا كهرباء او كيمياء (مثل الوالد الله يحفظه) او مكينيكياء بس

وان شاء الله في ماليزيا

بس ماسمعناك انت يا سليمان وش رايك

مشكور على الموضوع الأكثر من رائع

إن شاء الله بعد الثانوية بأدخل جامعة الإمام سعود بالرياض وأدخل قسم الطب بس للحين ماقررت أي قسم أخش

وإن شاء الله أروح بعثة

حلو الكل يحط نوع تخصصه عشان ابحث لكم

اما انا فخلوني افكر لاني مافكرت لحد الحين ابي تخصص احبه ابدع فيه

وعيني على الطاقه الحيويه هع بشووووووووووف لانه احتماله للبعثه ضعيف

وانا ابي شغلي ماشي 100%

ننتظر البعض

سامي واخوي Guan Ping نسيت اسمك ترى

حددوا بهذي الطريقه

التخصص بالتفصيل:

تبون بعثه وله لا:

وسيتم البحث بأذن الله

ههههه مشكور سليمان على البحث راح يفيدني حيل بعد سنة. بس ما كان عليك تتعب نفسك, خلنا نخلص من الثانوي بعدين يصير خير ههه

مشكور و موفق في الموضوع و موفقين الكل في الدراسة.

أخوكـ مازن

والله صراحة أتمنى أتخصص بالجراحة وأبي بعثة

بجراحه ههه سهاله ومندون بحث بعد (هذا الكلام لأخوي مازن)

شوف تخصص جراحه وبالضبط

اول ماتخلص (ما اعرف نظامك بالسعوديه) من الثانويه روح اطلب بعثه كأي طالب عادي


في عندك المانيه على اتذكر

وبريطانيا وامريكا

ومصر وفيه كم دوله عربيه

بس اقواهم مصر

ولاتزعل حتى هم بيقولون لك انه مصر قويه بالجراحه

المهم ياخذ 7 سنين عام جراحه و3 سنين تخصص جراحه

لازم تمر عليهم كلهم

وخالي اهناك بعد وعن قريب يبيني الحقه وانا اقوله لا انا غير هههههههههههه خصوصاً انه تخصصي يعكس الشخصيه


وناصر ترى سهالات البحث عندي تدش على الوزاره وجك دم(جك دم هذا كاسور ها تعرفونه)

ههههههههههههههههه


ويطلع ام البحث

المهم ناصر كل سنه على فكره يضيفون تخصصات

والوزارة العربيه كلها تدور وتضيف ارقى الجامعات والمراكز العلميه

وهم الي يبي بعد من عيوني ترى سهالات وبالتوفيق

على فكره يمكن تلاقون اثنين بالمنتدى نفس التخصص ونفس البلد= ربع مع بعض بالجامعه فهمتوها ههههههههههههههه

اوووه الحمد لله اني خلصت الثانوية , انا للحين ما حددت التخصص بالضبط لأنه فيه سنة تحضيرية وعلى حسب المعدل تدخل التخصص , لكن راح يكون هندسة او طب " والله يعين "

بالنسبة للبعثه فكرت فيها لكن قولت نخليها لمن نطلع للماجستير "


بالتوفيق"

"Helsom" كتب:

اوووه الحمد لله اني خلصت الثانوية , انا للحين ما حددت التخصص بالضبط لأنه فيه سنة تحضيرية وعلى حسب المعدل تدخل التخصص , لكن راح يكون هندسة او طب " والله يعين "

بالنسبة للبعثه فكرت فيها لكن قولت نخليها لمن نطلع للماجستير "

بالتوفيق"

موفق مصلح بس حبيت أوضح شي

ترا أكبر غلط تحتار بين تخصصين ما في أي صلة قرابة بينهم وأعطيك قصة لأحد زملائي مشابهة لحد كبير للموضوع

زميل لنا قبل 4 سنوات كان يرغب بالإلتحاق بكلية العلوم الطبية التطبيقية حتى يتخرج كأخصائي في الأجهزة الطبية الحيوية وهو تخصص على حد علمي نادر في المملكة ولكنه لم يقبل في أي جامعة يوجد فيها هذا التخصص ودرس معنا في في نفس قسمي - قسم الهندسة الكهربائية - على أساس بعض المواد المترابطة في التخصصين وبعد عام دراسي قرر الإنسحاب والتحويل إلى كلية العلوم الطبية التطبيقية في جامعة أخرى وبسبب حصوله على معدل مرتفع قٌبل تحويله وبعد الدراسة أكتشف أن التخصص صعب ولا يقدر عليه وأصبح مجبر يكمل في نفس التخصص أو الإنسحاب للمرة الثانية

المغرى من الكلام أنا كطالب جامعي على وجه تخرج أنصح أي أحد أنه يحدد هدفه من الآن ويتعب عشانه ولا تترك الأهل والأحباب والأصدقاء يأثرون عليك مهما كان مقدار معزتهم لك

المفروض مصلح بما أنك طالب مستجد في الجامعة تتطلع على الخطط الدراسية لجميع التخصصات اللي ترغب فيها وتشوف نفسك فيها ما يمنع أنك طبعا تسأل أحد خريج من أحد الكليات وراح أذكر لك إيجابيات وسلبيات تخصصي إذا بغيت

ملاحظة / عندي مقالة عن هذا الموضوع في صفحتي الشخصية بضيفها بعد إذن الأخ سليمان (البطل-الأول) ممكن تفيد وتثري الموضوع وأنا بإذن الله موجود لأي إستفسارات تخص تخصصي أو التخصصات اللي عندي خلفية عنها

The Lord Sami كتب:

مشكور اخوي سليمان علشانك ذكرت اسمي والموضوع فكرته حلوة مرة واتمنى من الاعضاء التفاعل لان هذا موضوع مهم لطلاب الثانوي

بالنسبة لي انا مقرر ادخل هندسة وتحديدا كهرباء او كيمياء (مثل الوالد الله يحفظه) او مكينيكياء بس

وان شاء الله في ماليزيا

بس ماسمعناك انت يا سليمان وش رايك

أولا حياك الله وأن شاء الله توفق في دخول كلية الهندسة أولا وبعد إلى سماء الأقسام الهندسية
أما بالنسبة للأقسام أشير عليك حاليا بالكهربائية والكيميائية من الخيارات اللي ذكرتها لكون فرص العمل الوظيفي فيها ممتازة خصوصا مع التطور الحاصل في المملكة والخليج

أما الميكانيكية فمطلوبة أيضا ولكنها حاليا تعاني من فيض من الخريجين لم يعينوا بعد ومنهم زملاء لي في الجامعة وطبعا لو تخرجت الأفضلية تكون لهم لدى الوزارات والشركات الخاصة بحكم الأقدمية وممكن يطورون أنفسهم

طبعا أول سنة في كلية الهندسة معروفة بسنة (الإعداد العام) واللي تدرس فيها جميع المواد المشتركة في كل الأقسام الهندسية وبعدها تقدر تشوف نقاط القوة لديك ونقاط الضعف وتختار على هالأساس

أنا شخصيا بعد سنة الإعداد العام كانت عندي مادة الكيمياء فيها شوية مشاكل ورغم أني أخذت تقدير جيد فيها إلا أني شلت قسم الهندسة الكيميائية مثلا من رأسي وكنت أفضل عندها التفاضل والتكامل في الرياضيات وطبعا القواعد الخاصة فيها والدوائر الإلكترونية من أهم أسس الهندسة الكهربائية فتوكلت على الله ودخلت قسم الهندسة الكهربائية ومرتاح فيها ولله الحمد

أما بالنسبة للدراسة المرحلة الجامعية (البكالوريوس) فكرة الإبتعاث ما أيدها بشكل كبير رغم أني مرحب بالفكرة أن حصلت والسبب عزيزي أن شهادة البكالوريوس تكون عن قشور التخصص وأغلبها تحتاج إلى محاضرات نظرية وتدريب عملي بسيط إذا صح التعبير أما الدراسات العليا فتحتاج إلى دراسة نواة التخصص ويكون لديك تخصص فرعي أيضا وتحتاج إكتساب الخبرة من الخارج

وبالنسبة للجامعات في الخارج فدول أمريكا الشمالية ودول شرق آسيا حاليا أفضل بكثير من الدول الأوروبية خصوصا بعد أن أصبحت الهند والصين تنافس أمريكا في صدارة العالم بالعلم والمعرفة

حبيت فقط من كلامي أفيدك وأفيد الشباب من بعض المعلومات اللي عندي واللي جمعتها من خلال دراستي بكلية الهندسة من الزملاء وأعضاء هيئة التدريس والخريجين وأرحب بأي إستفسار لو حبيت أخوي سامي

اقتباس :

ملاحظة / عندي مقالة عن هذا الموضوع في صفحتي الشخصية بضيفها بعد إذن الأخ سليمان (البطل-الأول) ممكن تفيد وتثري الموضوع وأنا بإذن الله موجود لأي إستفسارات تخص تخصصي أو التخصصات اللي عندي خلفية عنها

تقدر ونص بعد ولي رجعه اقرأ كلام الاعضاء وبفيدهم بس شوي خلني اصحح وارد افيدهم اكثر

مشكور اخ تركي على المعلومات الثمينة الي عطينتني ايها والحين انا فهمت وش كنت تقصد في المسن

يعني انت تشوف ان نفس الشهادة الي احصل عليها من المملكة راح تكون نفس الي راح احصل عليه في الخارج بالكفائة والقبول في الوظايف


مشكور مرة ثانية واحرجتني مررة بردك الي افادني فعلا وممكن اني اواصل بالسعودية اذا كان كلامك زي ما انا فاهمة

اما بالنسبة للاخ محمد الهاجري بصراحة قصتك مأثرة بس اسمحلي انت ما كافحت ولا سويت كل المطلوب منك على الاقل ادرس شريعة وبعدين التحق في السلك العسكري

اعذرني اذا اعتبرت هذا تطلفل بس انت طرحت موضوعك في القسم وانا حبيت اشارك

مشكور اخ تركي على المعلومات الثمينة الي عطينتني ايها والحين انا فهمت وش كنت تقصد في المسن

يعني انت تشوف ان نفس الشهادة الي احصل عليها من المملكة راح تكون نفس الي راح احصل عليه في الخارج بالكفائة والقبول في الوظايف


مشكور مرة ثانية واحرجتني مررة بردك الي افادني فعلا وممكن اني اواصل بالسعودية اذا كان كلامك زي ما انا فاهمة

اما بالنسبة للاخ محمد الهاجري بصراحة قصتك مأثرة بس اسمحلي انت ما كافحت ولا سويت كل المطلوب منك على الاقل ادرس شريعة وبعدين التحق في السلك العسكري

اعذرني اذا اعتبرت هذا تطلفل بس انت طرحت موضوعك في القسم وانا حبيت اشارك

محمد انت ما اجتهدت بالي تبيه انت قعت تناظر بس

على العموم الحمد الله انه تعدل حالك بعد الازمه الي كنت تعيشها من احباط وغيره

وعسى يكون درس لك وتعلمه لعيالك باجر

بالعكس أنا أرى أن الأخ محمد لا زالت قدامه فرصة ذهبية للدراسة لو رغب
صدقني ما دامك ما تبي تخصص يدرس باللغة الإنجليزية أنصحك بأحد التخصصات هذي وكلامي بناء على سوق العمل في الخليج كله

أنصحك بدراسة القانون أو إدارة الأعمال والقبول فيها بإذن الله سهل وأنا لي زميل أخوه يدرس بمصر إدارة أعمال وأول ما سجل خيروه بين الدراسة باللغة العربية أو الإنجليزية وإحتار العربية وماشي والله الحمد زي الحلاوة

وأظن في إمكانية كبيرة للإنتساب وتصير تسافر كل ترم للإختبارات بس

عموما بالتوفيق لك وأي معلومات عن هالموضوع لا تتردد في كتابتها

وعلى قوله تركي اي معلومه لاتتردد في كتابتها

اكتب كل الي خاطرك وننتظر الطلبات البحث

شباب دام اني اعزكم واجد بفتح معكم موضوع وابي حتى انقد اقبله

زين شباب

انا محتار بشغله وحده

انا اخترت وخلصت

علم النفس>>علم ماوراء الطبيعه>>>علم الخوارق>>>الطاقه الحيويه

جبت لكم التفصيل بتخصصي بالمستقبل بأذن الله

المشكله الوحيده تدرون شنو

انه التخصص هذا موجود وله قبول بوزاره التربيه العليا


ليش شنو المشكله الحين فيه واجد من امثله لعلم الخوارق كويتين (بمعنى مختصر فيه بالكويت ناس ماخذين تخصص
علوم الخوارق بس بالظبط مو الفرع الي ابيه)

المهم المشكله انه انصدم انه مافيه قبول او مافيه بعثه وله وما الاقي شئ في البعثه واتوهق عاد هههههههههههههه

صج اتوهق

الطاقة الحيوية !!!!

أول مرة أسمع فيها أتمنى تكتب أكثر عن هالتخصص لأنه ممكن يكون معروف بإسم ثاني

ويا ليت تقولي يتبع لأي كلية حتى نساعدك أكثر

بإنتظار عزيزي

الطاقه الحيويه

هذا الاسم المعروف فيه

راح اجيبلك مقاطع يوتيوب من افضل مدربي الطاقه الحيويه

شوف

هذا المقطع لمدرب روسي يدرب الطاقه الحيويه للجيش الروسي

وهذا الي راح يقلب الموازين مستقبلاً

وهذا لا تعلم عنه امريكا تدريب جنود خارقين

الي اكتشفوا العلم روس بس الاصل للصينين بمعبد شاولين

بس هم الروس الي تسرب عن طريقهم علم الطاقه

وطبعاً الي يدرسه بيروح منظمات كبيره هههههههههههه(قريبه لأفكاري ياسامي هههههه)

شوف المقطع

http://www.fightauthority.com/watch.php?ytv=xghVvuIh4VE


وهذا مقطع للماتسر ماستر يعني مدرب Master Zhou Qigong

https://www.youtube.com/watch?v=Nh1LatEdDh0

وهذا مقطع روعه

https://www.youtube.com/watch?v=NnLV3YPUTS4&feature=related

المهم هو تخصص واجد يكثر عنه الكلام

تركي تقدر تختصر طريقك وتشوف هذا الفيديو الي هو اول واحد حطيته لك

http://www.fightauthority.com/watch.php?ytv=xghVvuIh4VE

لا تندمج معاه ولاحظ بدقه اشلون يتحكم بالشباب ولاتتتعجب