موضوع الـ Vs. (المقارنات)

ابو عادل مع احترامي الكبير لك بس كلامك كله تخمين ولا في شي يثبته

من وين جبت كلامك ان سيطرت zhuge liang قلت و انه كان يدري ان wei yan راح يرفض الاوامر؟

و ليش يحتاج zhuge liang سبب لعزل wei yan ? من wei yan ؟ zhuge liang رئيس وزراء المملكه و wei yan

جنرال عنده ، li yan كان حاله خاضه لأنه كان بنفس رتبة zhuge liang و اصدر امر مزور

و بعدين ترا liu bei امر zhuge liang يغير الامبراطور اذا ثبت انه ما يقدر يحكم ، ليش ما مشى على الامر zhuge liang?

مو liu bei امبراطور و كلمته تمشي على الكل؟ ما فيه احتمال ان الاوامر خطأ؟ ولا حلال على zhuge و حرام على

wei yan?

ترا الي بعد zhuge liang كلهم سووا و جهزوا لحملات شماليه ، ليش ما اسمعوا امر zhuge liang?

ما قال zhuge liang لا تجون المكان هذا مره ثانيه؟ ولا بس حرام على wei yan?

اقتباس :

مثل ماقلت هو مارد لانه يبغى يظهر الاقتناع حتى لايزعل منه Wei Yan ..
أجل تخيل معي قام برد عليه ويتكلم وعاد هو بالمجال ذا كويس.. وبعدين قاله في أمان الله أستأذنك..
تتوقع Wei Yan بيخليه يرجع لShu أتوقع ممكن بس يرجع جسد بدون راس..

لا ما حاول بقنع wei yan حتى اذا كان خايف على حياته كان المفروض ما يقبل المهمه من الاساس ، هذا خطأ منه

مو مبرر له و مثل ما قلت ما فيه اي تلميح حتى ان wei yan كان ناوي يقتل صاحبه fei yi

اقتباس :

مو قصدي رفضه غير مؤدب في نظر الناس العادية..
رفضه غير مودب في نظر الناس المصابة بمرض الكبر والغطرسة.. يعني الأفضل Zhuge ياخذه على قد عقله..

من وين جبت الكلام هذا ؟ ما فيه اي نص يقول ان رفض zhuge liang كان غير مؤدب ، wei yan ما رد على نقاط

zhuge liang و قال لا ما عليك انت بس اعتمد علي

اقتباس :

افي بالي شيء مؤكد على أنه تعديل..
لكن الفكرة أتوقع حلوة ممكن لو Zhuge سوا تعديلات تنجح..
وعن الرابط ردك قد قريته من زمان.. وأصلا سيرة Wei Yan شرحت الخطة أيضا..

اذاً اسمح لي اني اتجاهل الجزئيه هذي لأنك تتوقع توقع بدون اي سند

zhuge liang بالأساس عنده خطه افضل ، و رفضه للخطه ما سبب مشاكل مثل ما تتصور

اقتباس :

خوي متردد الي بسيرة Wei Yan تختلف لانه قصد فيها أنه مايثبت على قرار وأنه مو واثق تماما.. وهذا تأخذه من السياق..
السيرة حقت Xiahou Yuan تقصد التردد يعني الحذر.. لانه في فرق كبير بين التردد والحذر..
لكن ممكن استدام التردد كدليل على الحذر مجازا...
وإذا على الحذر أنا من الناس الي يعجبني اللي يلعب على المضمون..

هذا مبدأ ما له سياق محدد و عن كلام wei yan انا اعترض معك ، و ان كنت صادق و كان قصد wei yan ثاني

اتحداك ثبت انه مخطئ

اقتباس :

من وين جبت كلامك ان سيطرت zhuge liang

مافهمت شيء..

اقتباس :

انه كان يدري ان wei yan راح يرفض الاوامر؟

فلاح لازم الواحد يحلل المعلومات الي عنده لأن هذا تاريخ مو كله وصل لنا..
أنت تنتظر مثلا مخطوطة مكتوب فيها أن Zhuge يدري ان Wei Yan راح يعصي الأمر!!
لما يخص Zhuge القائد Wei Yan بالذكر وانه لو ماانسحب خلوه .. وش تفهم من ذي.. ليش ماقال لو ماانسحب Ma Dai اتركوه؟؟ ماتتوقع أن الشغلة واضحة تماما...

اقتباس :

و ليش يحتاج zhuge liang سبب لعزل wei yan ? من wei yan ؟ zhuge liang رئيس وزراء المملكه و wei yan

جنرال عنده ،

طيب أنت تعرف أنه في ناس فاسدين يحقدون على Zhuge واجد وممكن يأخذون ذي ذريعة للوشاية ب Zhuge... لو عزل Wei Yan المغرور بدون سبب .. تتوقع راح يسكت؟؟ ماراح يسوي ثورات?? طبعا في هذا في أحسن الأحوال لكن ممكن ينضم ل Shu أو Wu صحيح كان شوي كبير بس
كان ممكن على الأقل يتم دعمه من Wei و Wu بالمؤن والجنود ويخلونه يسوي ثورة كبيرة عريضة..

اقتباس :

li yan كان حاله خاضه لأنه كان بنفس رتبة zhuge liang و اصدر امر مزور

عارف بس وش دخله بالموضوع...


و بعدين ترا liu bei امر zhuge liang يغير الامبراطور اذا ثبت انه ما يقدر يحكم ، ليش ما مشى على الامر zhuge liang?

مو liu bei امبراطور و كلمته تمشي على الكل؟
بلى امبراطور وغصب على الكل وأولهم Zhuge يطيعه أنا متفق لكن Liu Bei بعد قال له حافظ على Shu بعد ولاتضيع حلمي..
من ممكن يحكم غير Liu Shan؟؟؟؟؟ نفرض أطاعه وصار الحاكم أو حط واحد ثاني.. راح يكون خالف الأمر الثاني وهو الحفاظ على Shu ... هو اختار ينفذ الأصح من وجهة نظره لأنه يستحيل تنفيذ الاثنين معا!!

اقتباس :

ما فيه احتمال ان الاوامر خطأ؟ ولا حلال على zhuge و حرام على

wei yan?

الأوامر تتنفذ حتى لو خطأ حفاظا على استقرار الجيش..وطبعا لكل معركة ظروفها
وإذا تبي الحق مو Wei Yan يقرر القرار صح أو خطأ.. كل الجنرالات وافقوا على الخطة منو Wei Yan يعارضهم؟؟
لايكون يحسب نفسه أحسن منهم كلهم...

اقتباس :

ترا الي بعد zhuge liang كلهم سووا و جهزوا لحملات شماليه ، ليش ما اسمعوا امر zhuge liang?

هل Zhuge Liang أمر أنه مايتم تنفيذ أي حملة شمالية بعد موته؟؟ لا مأمر بذلك لأنه ببساطة مايعلم الغيب..
وصراحة بيكبر بعيني لو أمر بكذا .. لأنك تعرف نتائج الحملات بعده..

اقتباس :

ما قال zhuge liang لا تجون المكان هذا مره ثانيه؟ ولا بس حرام على wei yan?

أرجو توضح أكثر..

اقتباس :

لا ما حاول بقنع wei yan

لأنه لو فعل كان رجع بدون رأس هذا إن رجع طبعا..

اقتباس :

حتى اذا كان خايف على حياته كان المفروض ما يقبل المهمه من الاساس ، هذا خطأ منه

مو مبرر له

كل واحد بالدنيا ذي خايف على حياته... وبعدين إذا ماأرسلوا Fei Yi من يرسلون ؟؟
الاثنين كانوا أصحاب لذلك تم ارسال Fei Yi وقبوله للمهمة أمر صحيح من حقه ينفذ أوامر مملكته وأيضا يخاف على حياته
واستعمل ذكاءه النادر في خداع Wei Yan ماادري انت ليش مزعلك الشيء ذا...

اقتباس :

و مثل ما قلت ما فيه اي تلميح حتى ان wei yan كان ناوي يقتل صاحبه fei yi

حتى الندم بعد مايكفيك؟؟

اقتباس :

من وين جبت الكلام هذا ؟ ما فيه اي نص يقول ان رفض zhuge liang كان غير مؤدب ، wei yan ما رد على نقاط

zhuge liang و قال لا ما عليك انت بس اعتمد علي

أرجوا أنك تقرأ الكلام المكتوب في الاقتباس زين..

اقتباس :

اذاً اسمح لي اني اتجاهل الجزئيه هذي لأنك تتوقع توقع بدون اي سند

zhuge liang بالأساس عنده خطه افضل ، و رفضه للخطه ما سبب مشاكل مثل ما تتصور

بالعكس أنا أتوقع سبب المشاكل كان رفض الخطة..
وأنا جبت طاريها كسبب أعتقد أنه سبب مشاكل..
وإذا ماتبي تتوقع وتحلل فماراح تقدر أبدا تتقدم في دراسة أي تاريخ..
التاريخ في نواقص كثيرة لو الناس ماتستخدم عقولها وتحاول تحل وتربط لايمكن نعرف أي شيء.. لأنه حتى الكلام الي بالمخطوطة ممكن يكون ملفق.. فالواحد تجيه معلومة يحللها وعلى التحليل ذا تكون النقاشات...
صحيح ممكن تخيب التوقعات.. لكن أتمنى ننظر للجانب المليء من الكأس وهو أن التوقعات ممكن تصيب. وكل ماكان الواحد أخذ وقت أكثر بالدراسة والتحليل احتمال الإصابة راح يكون أكبر..

اقتباس :

هذا مبدأ ما له سياق محدد و عن كلام wei yan انا اعترض معك ، و ان كنت صادق و كان قصد wei yan ثاني

اتحداك ثبت انه مخطئ

راح أقولك الي فهمته وأناقشك على ضوءه إذا غلطت بالفهم علمني..
الي فهمته إنك تقصد أنه Wei Yan كان يمدح Zhuge يوم قال إنه متردد..لأنك تشبهه بموقف Cao Cao الي كان يمدح فيه.. أجل علمني ليش Wei Yan قال على نفس السياق أنه(يقصد Zhuge) مايعرف يستغل مهاراتي.. الا إذا تقصد أنها مدحة بعد..

اقتباس :

ابو عادل مع احترامي الكبير لك بس كلامك كله تخمين ولا في شي يثبته

رأيك وأحترمه كثير...أنا قدامي حقائق وسجلات وكلام عن الحادثة هذي..
تبغاني أقعد مثل الأبله وأردد مثل الببغاء كل الي بالسير ذي الي في احتمال وان كان بسيط بعضها مو صح..
والا أحلل وأربط وأناقش وكل واحد يبدي رأيه..وبالتالي نفيد ونستفيد؟؟
وبعدين التخمين الي تقصده ما أعتقد إني أكثرت منه... أنا دايم أعطي الكلام التاريخي وبعدين التحليل..
صحيح فيه تخمينات لكن قليلة غالب ماتقصده تحليل وليس تخمين..
أعيد وأكرر رأيك ويجب علي احترمه..

اقتباس :

هو كان شغال مع Sima Yi ويعينون الضعاف ويذبحون أبناء Cao و Xiahou عشان يمهدون..
تم عزل Xiahou Xuan ووضع Guo Haui وبدو يشتغلون طبعا نجا منهم Xiahou Ba وما نجا Cao Shuang...

مجرد ان Guo Huai حل محل Xiahou Xuan ما يدل انه يشتغل معهم. لكن على راحتك, ممكن هذا تصور اخذته عنه انه يقتل عائلة Xiahou. على فكرة قتل عائلة Xiahou شي مختلف عن الفساد, ممكن قتل العائلة فيه صلاح للمملكة. بعدين الفساد ماله علاقة بالقدرة العسكرية, شوف Fa Zheng و Dong Zhuo و احكم بنفسك.

اقتباس :

أنا أقلل من إنجاز Zhou Yu لانه مشترك مع Zhuge في الاقناع و Lu Su..
أما المعركة ترى حتى الالتحام الي كان بين الطرفين ماكان كبير عشا نقول صارت معركة قوية وابرزت مواهب صح..
المواقف الصعبة تصنع رجال,, وصعوبة موقف Zhou Yu كانت نفسية فقط .. أما الالتحام انسحب Cao Cao مباشرة يوم شاف الوضع مو بصالحة.. وكان ممكن يتعلم الدرس هذا زين ويرجع ويسوي هجوم أفضل..
لكن Huang Gei بالمرصاد.. لو خطة النار ماتمت كان ممكن Cao Cao يرجع بشكل أقوى..
أنا قلت شبه بحرية.. لأن Cao Cao سوا من السفن مثل اليابسة عشان جنوده مايتأثرون..

ما في شي يدل ان الالتحام كان بسيط. ثانيا, لو ان Zhou Yu ما قاتل كان Huang Gai ما سوى خطته الي كانت مبنية على تراجع Cao Cao و هذا شي سواه Zhou Yu. عموما, رأيك و انت حر فيه انا بالنسبة لي Zhou Yu له دور كبير و مهم في قيادة المعركة و الانتصار.

اقتباس :

zhang liao vs zhao yun
cao cao vs liu bei vs sun quan vs sima yan بالترتيب
lu meng vs lu xun

Zhang Liao و بفارق كبير, بس ترى Zhao Yun ما كان يقود جنود بنفسه الا باخر عمره من Hanzhong و فوق.

Cao Cao
Liu Bei - Sun Quan
Sima Yan

Cao Cao الاول بكل شيء, و بدون مبالغة.
Liu Bei و Sun Quan واحد تميز بالعسكرية و القيادة, و الثاني تميز بالسياسة و الديبلوماسية القوية.
Sima Yan ما اعرف عنه شغلات واجد, لكنه جيد جدا سياسيا حسب ما اعرف, عسكريا ما ادري اذا قاتل.

Lu Meng افضل من Lu Xun بمراحل في القيادة العسكرية و التخطيط و الذكاء, بس Lu Xun كأدارة داخلية يتميز عن Lu Meng لسبب واحد هو ان منصب Lu Xun اعطاه صلاحيات اكثر من Lu Meng من الناحية الادارية.

--------------------
فلاح: ماني ناط بنقاشكم بس عندي سؤال لك اتمنى تفيدني, ليش Zhuge Liang يعين Wei Yan كنائب له في الحملة الخامسة, و يصدر قرار ان Wei Yan يصبح فجأة جنرال مؤخرة و Yang Yi الي كان مسؤول امدادات يصبح القائد للحملة, بعد وفاة Zhuge Liang؟

اما هذا عبط لان Zhuge Liang كان يشك بـ Wei Yan, او هذا تزوير من Yang Yi. لا ننسى ان ممكن Shu تقع بكارثة لو Wei قررت تلاحق Shu بالحملة الخامسة بعد الانسحاب خاصة مع المشاكل الي سببها Wei Yan , و خاصة لو انظم لهم بعد.. بس كان صعب على Wei تسوي الشي هذا لانها جربت تلاحق مرتين و انقرصت.
------------------

مقارنات جديدة

Yu Jin Vs Huang Zhong
Yue Jin Vs Zhao Yun
Zhuge Liang Vs Xu Huang
Deng Ai Vs Lu Kang
Zhu Ran Vs Xu Sheng

اقتباس :

Yu Jin Vs Huang Zhong

صحيح أنا يعجبني انجاز Huang Zhong بقتله ل Xiahou Yuan وتنفيذ كل شيء حرفيا وبدقة..
لكن ظلم أنسى الي سواه Yu Jinسواء بGuan Du أو Fan أو غيرها وااااجد..
لذلك أفضل Yu Jin بفارق جيد...

اقتباس :

Yue Jin Vs Zhao Yun

هنا الواحد ممكن يحتار.. صراحة Zhao Yun يعجبني فيه أنه ممتاز بالقيادة وانجازاته حلوة وعاش عمر أطول من غيره لذلك خاض حروب جيده وأعتبره ممتاز...Yue Jin فترة حياته قصيره نوعا ما لكنها في الحقيقة مليئة بالانجازات..
أعتبرهم متساوين..

اقتباس :

Zhuge Liang Vs Xu Huang

تقصد كقيادة جيش..
أتوقع أن Zhuge Liang كانت قيادته حلوة وكان ينسحب بدون خسائر واذا انسحب يسوي كمائن..
وشفنا من نتائجها مقتل Zhang He, Wang Shang ...
لكن Xu Huang ب الFanسوا أعاجيب بجيشه الغير مدرب وصراحة أعجبتني أفكاره الممتازة..
أخشى أفضل واحد فأظلم الثاني..

اقتباس :

Deng Ai Vs Lu Kang

Deng Ai لأنه صد حملات شمالية كثيرة جدا وأيضا هاجم بشكل ممتاز وأسقط الShu...
Lu Keng حفظ مملكته من السقوط لمدة تزيد عن 6 سنوات ...
لذلك ماكان سهل..

اقتباس :

Zhu Ran Vs Xu Sheng

Zhu Ran سهلة..

مقارنات جديدة

Yu Jin Vs Huang Zhong
Yue Jin Vs Zhao Yun
Zhuge Liang Vs Xu Huang
Deng Ai Vs Lu Kang
Zhu Ran Vs Xu Sheng
[/quote]
1- yu jin
2- zhao yun
3 من ناحية معارك يعني التحام وقتال xu huang
اذا من ناحية ادارة zhuge ling
4- deng ai
5 zhu ran

مقارنة حلوة...
Xiahou Yuan VS Deng Ai...

أبو عادل كتب:

مقارنة حلوة...
Xiahou Yuan VS Deng Ai...

iههههههههههههه مقارنة حلوة
بس من ناحيتي xiahou yuan

Yu Jin Vs Huang Zhong

Yu Jin و بفارق شاسع برأئي.

Yue Jin Vs Zhao Yun

Yue Jin لكنها مقارنة صعبة, و يمكن المناصب شوي تخلي المقارنة صعبة بعد.

Zhuge Liang Vs Xu Huang

على فكرة بهذه قصدت بقيادة الجيوش. Xu Huang افضل بواجد.

Deng Ai Vs Lu Kang

Deng Ai بفارق كبير.

Zhu Ran Vs Xu Sheng

Zhu Ran بفارق بسيط جدا.

Xiahou Yuan Vs Deng Ai


Deng Ai لانه اذكى بواجد من Xiahou Yuan, له انجازات تقارب انجازات Xiahou Yuan عدديا لكن ضد اعداء اقوى و عملها كلها كجنرال مو كمسؤول على اقليم كامل.

Yu Jin vs Xiahou Yuan

يا أخ Shizai

NobuNoc كتب:

Yu Jin vs Xiahou Yuan

يا أخ Shizai

Xiahou Yuan كان يقود حملات بنفسه ضد قطاع طرق و يتحكم بصلاحيات كبيرة, اما Yu Jin كان جنرال يشارك بمعارك. مقارنة صعبة لكن مضطر اقول Xiahou Yuan بسبب الفارق الكبير بالانجازات. بس طريقة Yu Jin تعجبني اكثر من Xiahou Yuan, احس ان Xiahou Yuan متسرع شوي, حذر و ذكاء Yu Jin افضل بالنسبة لي بس نهاية Xiahou Yuan نهاية مشرفة, نهاية Yu Jin ما تستاهل تكون نهايته.

انت شرايك اخوي؟ حياك الله بالنقاش.

Xu Huang vsZhang Liao


Cao HongvsXu Sheng

Cao RenvsLu Xun

اقتباس :

Xu Huang vsZhang Liao

Cao HongvsXu Sheng
محيرة الصراحة بس أحس انجازات Cao Hong في Guan Du وغيرها أفضل شوي...
Cao Hong بفارق بسيط..

Cao RenvsLu Xun
مخنلفين واجد..

Xu Huang Vs Zhang Liao

ارشح Xu Huang لاني احب طريقته اكثر بواجد, بعدين تخطيطه افضل من Zhang Liao شوي. بس الفارق بينهم بسيط حيل و Zhang Liao مو بعيد عنه ترى, اثنينهم من افضل جنرالات الصين.


Cao Hong Vs Xu Sheng

Xu Sheng و بفارق اكثر من شاسع.
Cao Hong بسيط مقارنة بـ Xu Sheng.

Cao Ren Vs Lu Xun

اختلاف تام بينهم و بين طريقة كل واحد فيهم و بمناصبهم و بكل شي تقريبا.. صعبة المقارنة.

اقتباس :

مافهمت شيء..

على اي اساس استنتجت ان سيطرته اضعفت؟ ما فيه اي شي يقول ان سيطرة zhuge liang كانت ضعيفه على جنوده

اقتباس :

فلاح لازم الواحد يحلل المعلومات الي عنده لأن هذا تاريخ مو كله وصل لنا..
أنت تنتظر مثلا مخطوطة مكتوب فيها أن Zhuge يدري ان Wei Yan راح يعصي الأمر!!
لما يخص Zhuge القائد Wei Yan بالذكر وانه لو ماانسحب خلوه .. وش تفهم من ذي.. ليش ماقال لو ماانسحب Ma Dai اتركوه؟؟ ماتتوقع أن الشغلة واضحة تماما...

اذا تبي تحلل لازم تشوف كل المعلومات ، من كل مصدر ، من كل وجهت نظر ، و اذا تبي تستنتج لازم يكون استنتاجك
صحيح ، و اذا كان فيه شي يخلي استنتاجك مشكوك فيه اذكره
اذا ما تقدر تسوي الشي هذا سو مثلنا ، نتبع اراء ناس يقدرون

على منطقك هذا خلاص guan yu افضل جنرال بسبب شهرته و اعجاب اغلب القاده في ، صح مذكر الي اخفاقاته بس ممكن "المخطوطات" الي تتكلم عنه مفقوده!

بذمتك هذا كلام يدخل العقل؟ خلك على التاريخ ولا راح تصير بأبداع luo guanzhong

اقتباس :

طيب أنت تعرف أنه في ناس فاسدين يحقدون على Zhuge واجد وممكن يأخذون ذي ذريعة للوشاية ب Zhuge... لو عزل Wei Yan المغرور بدون سبب .. تتوقع راح يسكت؟؟ ماراح يسوي ثورات?? طبعا في هذا في أحسن الأحوال لكن ممكن ينضم ل Shu أو Wu صحيح كان شوي كبير بس
كان ممكن على الأقل يتم دعمه من Wei و Wu بالمؤن والجنود ويخلونه يسوي ثورة كبيرة عريضة..

الناس الي يكرهونه لهم اسم؟ بعدين zhuge liang رئيس وزراء الدوله سوى اشياء اكبر من عزل wei yan
ليش ما صار شي من الي تقوله؟ و شلون يسوي ثورات؟ الرجل المعزول ما عنده سلطه ولا قوات
لو يبي wei yan ينظم الى wei او wu كان عنده اكثر من فرصه يخون ، الكلام الي تقوله كله ما ادري من وين استنتجته

اقتباس :

بلى امبراطور وغصب على الكل وأولهم Zhuge يطيعه أنا متفق لكن Liu Bei بعد قال له حافظ على Shu بعد ولاتضيع حلمي..
من ممكن يحكم غير Liu Shan؟؟؟؟؟ نفرض أطاعه وصار الحاكم أو حط واحد ثاني.. راح يكون خالف الأمر الثاني وهو الحفاظ على Shu ... هو اختار ينفذ الأصح من وجهة نظره لأنه يستحيل تنفيذ الاثنين معا!!

zhuge liang سمح له liu bei بعزل liu shan اذا ما يمتلك الموهبه
liu shan ما كان يمتلك الموهبه
zhuge liang ما عزل liu shan
هذا مو رفض صريح للأوامر؟ ممكن الاوامر ما كانت تصب في منفعت الدوله؟
نفس الحاله في zhuge liang ، رغم اجتهاده الا ان الغاء الحمله كان شيء خاطىء

اقتباس :

الأوامر تتنفذ حتى لو خطأ حفاظا على استقرار الجيش..وطبعا لكل معركة ظروفها
وإذا تبي الحق مو Wei Yan يقرر القرار صح أو خطأ.. كل الجنرالات وافقوا على الخطة منو Wei Yan يعارضهم؟؟
لايكون يحسب نفسه أحسن منهم كلهم...

شوف شنو صار ب zheng he ، هل تنفيذ الاوامر الخطأ حافظ على استقرار الجيش؟ xiahou yuan في hanzhong?

و شوف chen yu في الحروب ضد yuan shao او zhao yun في الحمله الشماليه الاولى
شلون رفض الاوامر ساعد الجيش ما ضره
و الكثير غيرهم ، اذكر ان في كتاب فنون الحرب يشجعون القاده على عصيان الاوامر اذا كان في الامر في مصلحت الدوله

اذاً من يقرر الصح و الخطأ ؟ رجل ميت؟ مو كل الجنرالات وافقوا wang ping على سبيل المثال كان مع wei yan حتى حرق الطرق ،

zhuge liang احد القله القليله (الي منهم wei yan) الي وافقوا على مبدأ الحملات الشماليه في shu
من zhuge liang حتى يقرر الصح او الخطأ مع العلم ان اغلب القاده رفضوا الحملات؟

الي وافق على الخطه كانوا بي jiang wei و fei yi و yang yi و قسمت السلطه بينهم بس

اقتباس :

هل Zhuge Liang أمر أنه مايتم تنفيذ أي حملة شمالية بعد موته؟؟ لا مأمر بذلك لأنه ببساطة مايعلم الغيب..
وصراحة بيكبر بعيني لو أمر بكذا .. لأنك تعرف نتائج الحملات بعده..

اقتباس :

تاب Wei Lue يقول "عندما مات Zhuge Liang, قال لـ Wei Yan و الاخرون "بعد موتي, كونو حذرين بالدفاع و لا ترجعوا هنا". Wei Yan كان امر ان يساعد في العملية و ان يبقي وفاة Zhuge Liang سرا كما قيل له. عندما رجعوا الى مدخل Bao, اعلن عن حالة الوفاة و اقيمت مراسم عزاء. المفتش الرئيسي لدى Zhuge Liang, القائد Yang Yi لم يكن ابدا على اتفاق مع Wei Yan, و بعد ان علم ان Wei Yan مسؤول عن الامور العسكرية قلق ان يؤذى. لذلك نشر اشاعات ان Wei Yan كان يريد الانضمام الى الشمال و ارسل جنوده لكي يهاجمهم. في الحقيقة, Wei Yan لم يرد ابدا ان يفعل ذلك و لذلك لم يقاوم عدوه. تم القبض عليه و قتله. المؤرخ Pei Song Zhi يقول ان هذه اشاعة لا اساس لها قادمة من مملكة عدوة و يجب ان لا تستخدم لتناقش محتويات هذه السيرة.
".

لو تفكر فيها شوي راح تفهم =]

و لاخظ انه ما امره بحراسة المؤخره و لاحظ التلفيق من جانب yang yi

و على فكره yang yi عوقب بعد الحمله بفتره قصيره لندمه لأنه ما خان shu و انظم الى wei

اقتباس :

لأنه لو فعل كان رجع بدون رأس هذا إن رجع طبعا..

من وين استنتجت الكلام هذا؟ اقرى سيرة wei yan و شوف شلون تناقش مع wei yan و اتفق معه و سيطروا على الجيش مع بعض
و fei yi صديق ل wei yan ، ما فيه اي شي يدل ان wei yan راح يقتله

اقتباس :

كل واحد بالدنيا ذي خايف على حياته... وبعدين إذا ماأرسلوا Fei Yi من يرسلون ؟؟
الاثنين كانوا أصحاب لذلك تم ارسال Fei Yi وقبوله للمهمة أمر صحيح من حقه ينفذ أوامر مملكته وأيضا يخاف على حياته
واستعمل ذكاءه النادر في خداع Wei Yan ماادري انت ليش مزعلك الشيء ذا...

ابو عادل ، حبيبي

ان خايف على حياتك ليش انظميت الى حمله للقتال؟ يرسلون ان شاء الله جندي ، هم ارسلوا fei yi يشوف نية
wei yan ليش يشجعه و يسيطر على الجيش معه؟
انت لو تقرى سيرة wei yan راح تشوف الظلم الي صار له

اقتباس :

حتى الندم بعد مايكفيك؟؟

ندم لأنه شك في نية fei yi و الشي العجيب ان شكه كان في محله

اقتباس :

أرجوا أنك تقرأ الكلام المكتوب في الاقتباس زين..

قريته بس ما في شي بالأقتباس يثبت استنتاجك

لأن wei yan شايف نفسه افضل من غيره انت استنتجت انه سفيه و يفكر مثل الاطفال

هذا شي مو معقول يا ابو عادل

اقتباس :

بالعكس أنا أتوقع سبب المشاكل كان رفض الخطة..
وأنا جبت طاريها كسبب أعتقد أنه سبب مشاكل..
وإذا ماتبي تتوقع وتحلل فماراح تقدر أبدا تتقدم في دراسة أي تاريخ..
التاريخ في نواقص كثيرة لو الناس ماتستخدم عقولها وتحاول تحل وتربط لايمكن نعرف أي شيء.. لأنه حتى الكلام الي بالمخطوطة ممكن يكون ملفق.. فالواحد تجيه معلومة يحللها وعلى التحليل ذا تكون النقاشات...
صحيح ممكن تخيب التوقعات.. لكن أتمنى ننظر للجانب المليء من الكأس وهو أن التوقعات ممكن تصيب. وكل ماكان الواحد أخذ وقت أكثر بالدراسة والتحليل احتمال الإصابة راح يكون أكبر..

لا تتوقع شي انت مو متأكد منه ، اما شي صار او ما صار ،
توقع و حلل بأدله و اشياء تستدل كلامك فيه ، ولا صرنا في براحه كل واحد يقول الي يبي
اذا مو عاجبك كلام في مصدر دور عن مصدر ثاني ، اذا قعدنا نتوقع اذا ممكن han fu افضل قائد في الممالك الثلاث
و اقدر اقول اتوقع و اتوقع..... وخلاص ما تقدر ترد علي

اقتباس :

راح أقولك الي فهمته وأناقشك على ضوءه إذا غلطت بالفهم علمني..
الي فهمته إنك تقصد أنه Wei Yan كان يمدح Zhuge يوم قال إنه متردد..لأنك تشبهه بموقف Cao Cao الي كان يمدح فيه.. أجل علمني ليش Wei Yan قال على نفس السياق أنه(يقصد Zhuge) مايعرف يستغل مهاراتي.. الا إذا تقصد أنها مدحة بعد..

لا ما كان يمدح zhuge liang كان يوصفه ، الزين و الشين

اذا تبي تكون انتقائي لأنك تكره شخصيه محدده كيفك بس لا تظن اني راح اوافقك

اقتباس :

رأيك وأحترمه كثير...أنا قدامي حقائق وسجلات وكلام عن الحادثة هذي..
تبغاني أقعد مثل الأبله وأردد مثل الببغاء كل الي بالسير ذي الي في احتمال وان كان بسيط بعضها مو صح..
والا أحلل وأربط وأناقش وكل واحد يبدي رأيه..وبالتالي نفيد ونستفيد؟؟
وبعدين التخمين الي تقصده ما أعتقد إني أكثرت منه... أنا دايم أعطي الكلام التاريخي وبعدين التحليل..
صحيح فيه تخمينات لكن قليلة غالب ماتقصده تحليل وليس تخمين..
أعيد وأكرر رأيك ويجب علي احترمه..

حبيبي عدني الحقائق و السجلات ، و لا تكرم ما انت ببغاء بس التوقع له حدود لازم ما نتعداها
انت تربط الحلقات ببعض مو تكون حلقه كامله و تربطها في الموضوع
و اذا بتخمن قول هذا رأيي الشخصي لا تتكلم على انها حقيه تارخيه

ادري اسلوبي شوي ثقيل بس تحملني ولا تفهمني خطأ

اقتباس :

فلاح: ماني ناط بنقاشكم بس عندي سؤال لك اتمنى تفيدني, ليش Zhuge Liang يعين Wei Yan كنائب له في الحملة الخامسة, و يصدر قرار ان Wei Yan يصبح فجأة جنرال مؤخرة و Yang Yi الي كان مسؤول امدادات يصبح القائد للحملة, بعد وفاة Zhuge Liang؟

ناصر اذكر اننا تكلمنا في الموضوع ولا قدرت اثبت الي افكر فيه

القرار هذا اظن انه مزور من jiang wei و fei yi و yang yi خصوصاً انه سري و قسم السلطه بينهم فقط

القاده في العاصمه ساندوا yang yi لأنه لفق كلام على wei yan و القاده في shu كانوا معارضين الحملات بشكل عام

jiang wan كان مره يبي يقود حمله شماليه و على طول jiang wei و fei yi عارضوا الشغله و ارسلهم liu shan حتى يغيرون رأي jiang wan

خلنى نقول ان jiang wan عقد صفقه معهم و خلى jiang wei و fei yi يقودون جيش بري

و هو يقود الجيش البحري

هم في البدايه رفضوا الجيش البحري بشكل كامل ليش وافقوا لما عرض عليهم السلطه؟

yang yi عوقب لنيته في الخيانه و انتقده لأوامر zhuge liang الي كلش ميت حزن عليه و اوامر الامبراطور

هذي اشياء تثبت فساد fei yi و jiang wei و yang yi

و لو ان fei yi نفع الدوله اكثر من انه افسدها

انا بالبداية صراحة كنت شوي تعبان وفيني النوم وقلت اذا قمت اكتب...
بس فجأة تحمست شوي وقلت خلني أجاوب...

اقتباس :

على اي اساس استنتجت ان سيطرته اضعفت

الرجل بآخر حياته واحتمال يموت قريب... قصدي بسيطرته انها ضعفت يعني مو مثل أول ويقدر يقنع Wei Yan اذا نوى يخون..
وهذا مانلومه عليه أبدا لأنه خارج عن ارادته..

اقتباس :

ما فيه اي شي يقول ان سيطرة zhuge liang كانت ضعيفه على جنوده

صح عليك لكن يوم مرض ثار Wei Yan أفسرها خروج عن السيطرة..

اقتباس :

على منطقك هذا خلاص guan yu افضل جنرال بسبب شهرته و اعجاب اغلب القاده في

ما أدري بس ممكن أعرف المنطق الي تقصده.. ما أذكر لمحت للشيء ذا.. وفعلا الشهرة ليت مقياس أبدا..

اقتباس :

صح مذكر الي اخفاقاته بس ممكن "المخطوطات" الي تتكلم عنه مفقوده!

ما ادري وش قصدك صراحة لكن ما اعتقد انها مفقوده لانها على الاقل بتوجد في سير ناس ثانين..

اقتباس :

بذمتك هذا كلام يدخل العقل؟ خلك على التاريخ ولا راح تصير بأبداع luo guanzhong

اذا قصدك التقييم بالشرة أبدا.. وترى Luo Guan Zhong مبدع جدا..

اقتباس :

الناس الي يكرهونه لهم اسم

قصدك لازم يكون جنرال أو محافظ؟؟ فيه خدم ولصوص ومحافظين يكنون له الحقد وهذا طبيعي جدا وفي كل مملكة يصير
(لاتقولي مافي أحد يحقد عليه عاد)

اقتباس :

بعدين zhuge liang رئيس وزراء الدوله سوى اشياء اكبر من عزل wei yan
ليش ما صار شي من الي تقوله

أشياء كبيرة ممكن يكون لها عواقب؟؟؟ وبدون أسباب أكبر من العزل.. ياليت أمثلة..

اقتباس :

و شلون يسوي ثورات؟ الرجل المعزول ما عنده سلطه ولا قوات..

مو مشكلة يروح ل Wu أو Wei.. أو يرسلون له مساندات بالسر عشان العلاقات ماتسوء..

اقتباس :

لو يبي wei yan ينظم الى wei او wu كان عنده اكثر من فرصه يخون ، الكلام الي تقوله كله ما ادري من وين استنتجته

مو شرط انه كان مخطط للخيانة مسبقا.. الرجل زعل ليش بعد مامات قائد الجيش ينسحب وغروره دفعه أنه يرفض ان يكون تحت إمرة Yang Yi...لكن لو تم عزله بدون سبب راح يسعى للانتقام وبيروح لاي مملكة..لكن صعب جدا يعيش كمواطن عادي...

اقتباس :

zhuge liang سمح له liu bei بعزل liu shan اذا ما يمتلك الموهبه
liu shan ما كان يمتلك الموهبه
zhuge liang ما عزل liu shan
هذا مو رفض صريح للأوامر؟ ممكن الاوامر ما كانت تصب في منفعت الدوله؟

ممكن تقرأ الاقتباس مرة ثانية؟؟
المخالفة صارت بس وش تبيه يسوي؟؟ تبيه يخلق ولد ويقول هذا ولد Liu Bei ويستاهل الحكم?? lمافيه الا Liu Shan سيء أو جيد غصب تقبل فيه... ولاتنسى انه قال حقق Shu Han .. يعني لو عزل Liu Shan ماراح يحقق الهدف الثاني...

اقتباس :

نفس الحاله في zhuge liang ، رغم اجتهاده الا ان الغاء الحمله كان شيء خاطىء

بنظرك أنت خاطئ ولكن بنظر ناس كثيرين كان عين الصواب (خص ولاتعم)...

اقتباس :

شوف شنو صار ب zheng he ، هل تنفيذ الاوامر الخطأ حافظ على استقرار الجيش؟ xiahou yuan في hanzhong?

و شوف chen yu في الحروب ضد yuan shao او zhao yun في الحمله الشماليه الاولى
شلون رفض الاوامر ساعد الجيش ما ضره
و الكثير غيرهم ، اذكر ان في كتاب فنون الحرب يشجعون القاده على عصيان الاوامر اذا كان في الامر في مصلحت الدوله

اذاً من يقرر الصح و الخطأ ؟ رجل ميت؟ مو كل الجنرالات وافقوا wang ping على سبيل المثال كان مع wei yan حتى حرق الطرق ،

zhuge liang احد القله القليله (الي منهم wei yan) الي وافقوا على مبدأ الحملات الشماليه في shu
من zhuge liang حتى يقرر الصح او الخطأ مع العلم ان اغلب القاده رفضوا الحملات؟

الي وافق على الخطه كانوا بي jiang wei و fei yi و yang yi و قسمت السلطه بينهم بس

شوف فلاح انت مشكلتك تستعجل شوي في الحكم على الرد..
راح أكتبه مرة ثانية اقراه بتمعن شوي...

اقتباس :

الأوامر تتنفذ حتى لو خطأ حفاظا على استقرار الجيش..وطبعا لكل معركة ظروفها
وإذا تبي الحق مو Wei Yan يقرر القرار صح أو خطأ.. كل الجنرالات وافقوا على الخطة منو Wei Yan يعارضهم؟؟
لايكون يحسب نفسه أحسن منهم كلهم...

الاقتباس الي ذكرته يعارض سيرة Wei Yan .... لانه مكتوب انه تقاتل مع Wang Ping وأحرق الطرق وماني عارف ايش
شلون ماكان يبي يقاتل ... وأصلا Pei Song Zhi نفاه...

اقتباس :

من وين استنتجت الكلام هذا

قد سألتني كذا 100 مرة وجاوبتك ....

ان خايف على حياتك ليش انظميت الى حمله للقتال؟ يرسلون ان شاء الله جندي ، هم ارسلوا fei yi يشوف نية
wei yan ليش يشجعه و يسيطر على الجيش معه؟
انت لو تقرى سيرة wei yan راح تشوف الظلم الي صار له

فلاح حبيبي ..
تفهمني ان الي يحاربون كلهم مو خايفين على حياتهم ؟؟؟
ارسال Fei Yi عين الصواب وعن سيرة Wei Yan قريتها ستين ألف مرة كل ماارد تقول ارجع أقراها وارجع انا اقراها...
أنا معك انه انظلم لكن 85% من الخطأ هو من يتحمله على الأقل...

اقتباس :

ندم لأنه شك في نية fei yi و الشي العجيب ان شكه كان في محله

قلتها بلسانك شك فيه تتوقع بيخليه حي بعد مايتحول الشك ليقين؟؟

اقتباس :

لأن wei yan شايف نفسه افضل من غيره انت استنتجت انه سفيه و يفكر مثل الاطفال

الرجل شايف نفسه الافضل تاخذه على قد عقله...
وعلى فكرة الغرور يدل على قلة العقل وان الانسان صغير فعلا ..(المتكبر كمن فوق جبل , يرى الناس صغارا لكنهم يرونه كذلك صغيرا) ويحشر المتكبرون يوم القيامة يطأهم الناس باقدامهم..
لذا تراه شيء معقول جدا..

اقتباس :

لا تتوقع شي انت مو متأكد منه

أجل وش أتوقع؟؟؟؟؟؟ ما في أحد بالعالم يتوقع شيء متأكد منه ألا المجنون...
وعن الدليل جبته بس ماعجبك..

اقتباس :

لا ما كان يمدح zhuge liang كان يوصفه ، الزين و الشين

فلاح فكر شوي... دائم يقول تراه متردد وما يعرف يستغل قدراتي (تعتبرها مدحة)

اقتباس :

اذا تبي تكون انتقائي لأنك تكره شخصيه محدده كيفك بس لا تظن اني راح اوافقك

انا مانتقيت شيء أبدا ....وبالعكس انا ما اكره Wei Yan أبدا لانني لابد أعترف بانجازاته الجيدة لكن مايعجبني اننا نظلم ناس ثانين عشان نرقع له شيء هو الي أخطأ فيه...

اقتباس :

لا تكرم ما انت ببغاء بس التوقع له حدود لازم ما نتعداها

كرمت , أبدا أنا ماتجاوزت حدود التوقع وان حصل ذلك نبهني لو سمحت...

اقتباس :

و اذا بتخمن قول هذا رأيي الشخصي لا تتكلم على انها حقيه تارخيه

انا دايم اقول اظن ... الا اذا حللت لكن أبشر ..

اقتباس :

ادري اسلوبي شوي ثقيل بس تحملني ولا تفهمني خطأ

لا أبدا عادي ... عزيز وغالي أبو محمد...

اسف ابو عادل كل الي عندي قلته ، انا ميبس رأسي و انت ميبس رأسك
راح انسحب من النقاش و اعتبر نفسك المنتصر =o

مقارنة جديدة

Xu Huang
5000مشاة
2000رماة
vs
zhang liao
4000مشاة
2000خيالة

المكان
guan du

اقتباس :

اسف ابو عادل كل الي عندي قلته ، انا ميبس رأسي و انت ميبس رأسك
راح انسحب من النقاش و اعتبر نفسك المنتصر =o

انا كنت باسوي مثلك وانسحب واعتبرت ردي هذا الأخير...

مقارنات
zhang fei vs guan yu vs lu bu كقوة جسدية
xiaho dun vs guan yu من كل النواحي مثل قوة قيادة الخ...........

اقتباس :

zhang fei vs guan yu vs lu bu كقوة جسدية

قوة جسدية - Lu Bu, بعده Guan Yu بعده Zhang Fei

اقتباس :

xiaho dun vs guan yu من كل النواحي مثل قوة قيادة الخ

Guan Yu كجنرال, و بفارق متوسط عن Xiahou Dun.
Xiahou Dun كمحافظ, و بفارق كبير.

Ma Chao.......VS Zhu Huan
Sima Yan VS Sun Quan....
Wang Ping VS Zhang Fei..
Lu Xun VS Guo Jia...

zhu huan
sun quan
wang ping
lu xun

اتفق مع فلاح, بس Lu Xun Vs Guo Jia ترى ظلم بسبب اختلاف المناصب و الصلاحيات.

طيب هذه مقارنة الحين Kongming تقريبا 5 صفحات نقاش عليها, و انا صراحة اشوفها ما تستاهل ههه

Zhou Yu Vs Lu Xun

حبيت اشوف اراؤكم.