| اختبر معلوماتك في الممالك الثلاث | |
|
+20NobuNoc Hero Of Chaos Little Conqueror أبو عادل Kong Ming Fox Wesker Seet B.7.H caocao Liu Xuan De Tadaoki Mengde Lord Turki Makaveli Gong ji The Philosopher (Guan Yu) Brave knight Lu Meng Shizai 24 مشترك |
|
كاتب الموضوع | رسالة |
---|
Tadaoki Marquis
عدد الرسائل : 4298 العمر : 31 الدولة : kingdom Of Jin أفضل مملكة : Jin تاريخ التسجيل : 14/06/2010
| موضوع: رد: اختبر معلوماتك في الممالك الثلاث الإثنين 20 يونيو 2011, 9:40 pm | |
| إجابك صحيحة Shen Ying - اقتباس :
- برايفت و الله لو Sun Quan موجود و الله ما يدخلون العاصمه :/
أنا من رأيي الشخصي ما يدخول إقليم Yong كله لكن ما راح يكون فيه جنرال جيد مع Sun Quan فيمكن بعد مدة راح يسقط لكن بعد ما يحرق سفن Jin وفيه إفتراض Jin كانت تنتظر حتى يموت Lu Kang كيف لو Sun Quan | |
|
| |
Lu Meng King
عدد الرسائل : 2334 العمر : 35 الدولة : دولة قطر - مدينة الريان أفضل مملكة : Wu تاريخ التسجيل : 27/01/2009
| موضوع: رد: اختبر معلوماتك في الممالك الثلاث الإثنين 20 يونيو 2011, 10:16 pm | |
| صح ممكن ما يكون في جنرالات و مستشارين جيدين معاه و ممكن يسقط لكن برأيي Sun Quan ما يقعد كذا أكيد راح يستكشف ناس جدد لأنه هو مستشكف مواهب جيد و هو من أستكشف Lu Meng و نصحه بالتعمق في القراءه و دعمه لين ما صار ذو فكر مستنير و مذهل أحسن من قبل يوم كان مجرد جنرال و راح يكونون جيدين إللي راح يستكشفهم و ما راح يسكت على Jin أبداً و ممكن نشوفه يهاجم Jin قبل تهاجمه المهم سؤالي هو أممم و الله مادري وش أسأل ما في شي ببالي قائد كبيرررر <<< قال كبير عشان يسهل عليكم هههه أرسل رساله حق Cao Cao أثناء هجومه على Ru Xu حذره من وجود فيضان سوف يضرب قوات Wei و Wu معاً و قال له يجب على كلينا الأنسحاب و كتب تعليقاً صغيراً أخر شي قال لن تفلت مني يا صديقي سوف أقتلك بعد الفيضان هههه دمتم بحب (( تــــــــــحياتــــــــــي )) | |
|
| |
Fox Colonel
عدد الرسائل : 1393 العمر : 32 الدولة : الكويت أفضل مملكة : Wei تاريخ التسجيل : 26/02/2011
| موضوع: رد: اختبر معلوماتك في الممالك الثلاث الإثنين 20 يونيو 2011, 10:56 pm | |
| - اقتباس :
- أنا من رأيي الشخصي
ما يدخول إقليم Yong كله كأن هذا فيه استصغار ل Du Yu? الرجل اسقط مملكة wu كلها بسنه وحده يعني jing و yong و jiao و المستعمارات كلها في سنه <_< و لما سأله sima yan عن احوال الحمله رد عليه بأنه كأنه يكسر الخيزران (او شي مشابه) و هذا تعبير عن السهوله - اقتباس :
- فيمكن بعد مدة راح يسقط
لكن بعد ما يحرق سفن Jin
وفيه إفتراض
Jin كانت تنتظر حتى يموت Lu Kang
كيف لو Sun Quan شلون يحرق سفن jin 0_0؟ على اي اساس استنتجت الكلام الي قلته XD و كلام ان jin كانت تنتظر lu kang يموت مبالغه كبيره كانوا يقدرون يسممونه او يغتالونه لو انهم صحيح مرعبهم من جهه ثانيه sun hao امر lu kang يهاجم jin لكنه رفض (ممكن لأن jin كانت اقوى؟) على العموم صرف من الخدمه و jin ما هاجمت على طول ، ليش؟ - اقتباس :
- لأنه هو مستشكف مواهب جيد و هو من أستكشف Lu Meng
اظن الي اكتشف موهبة lu meng هو sun ce و هو الي انقذه من العقاب لقتله شخص sun quan كان يفضل ناس على ناس بشكل او بأخر لأنه ارسل jiang qin مع lu meng ولا شفنا lu meng ثاني ممكن ضربة حظ - اقتباس :
- و راح يكونون جيدين إللي راح يستكشفهم و ما راح يسكت على Jin أبداً و ممكن نشوفه يهاجم Jin قبل تهاجمه
ممكن يستسلم و يخضع لهم مثل ما استسلم ل cao cao و cao pi و على سالفة الاوفياء ترا حتى wei و shu فيها اوفياء واجد يعني مو حكر عليكم في wei و صلوا الى عائلة sima نفسها و في shu تقريباً كل الجنرالات ظلوا يحاربون حتى بعد سقوط shu الى ان جائهم امر بالأستسلام من liu shan للأجابه عن السوأل : lu meng? | |
|
| |
Lu Meng King
عدد الرسائل : 2334 العمر : 35 الدولة : دولة قطر - مدينة الريان أفضل مملكة : Wu تاريخ التسجيل : 27/01/2009
| موضوع: رد: اختبر معلوماتك في الممالك الثلاث الثلاثاء 21 يونيو 2011, 2:55 am | |
| [quote="Chen Deng"] - اقتباس :
- كأن هذا فيه استصغار ل Du Yu?
الرجل اسقط مملكة wu كلها بسنه وحده يعني jing و yong و jiao و المستعمارات كلها في سنه <_<
و لما سأله sima yan عن احوال الحمله رد عليه بأنه كأنه يكسر الخيزران (او شي مشابه) و هذا تعبير عن السهوله
بسألك سؤال و جاوبه بصراحه بدون لف و لا دوران Wu من كان فيها من القاده يوم أسقطوها ؟ - اقتباس :
- شلون يحرق سفن jin 0_0؟
على اي اساس استنتجت الكلام الي قلته XD
و كلام ان jin كانت تنتظر lu kang يموت مبالغه كبيره كانوا يقدرون يسممونه او يغتالونه لو انهم صحيح مرعبهم
من جهه ثانيه sun hao امر lu kang يهاجم jin لكنه رفض (ممكن لأن jin كانت اقوى؟) على العموم صرف من الخدمه و jin ما هاجمت على طول ، ليش؟
رفض صح لأنه أنهزم منهم في معركه هجوميه Lu Kang هزم أربع حملات من جانب Jin طول حياته حملات مو معارك شلون تبي Jin ما تهابه ؟ أوووه صح ممكن ما تهابه لأنها كانت تهاب Zhuge Liang صح ههههههههههههههههه - اقتباس :
- اظن الي اكتشف موهبة lu meng هو sun ce و هو الي انقذه من العقاب لقتله شخص
sun quan كان يفضل ناس على ناس بشكل او بأخر لأنه ارسل jiang qin مع lu meng ولا شفنا lu meng ثاني
ممكن ضربة حظ
Lu Meng كان جنرال قوي تحت Sun Ce و كان Sun Ce يحبه لكنه ما كان قائد جبهه و لا مستشار في عهد Sun Ce لكن Sun Quan نصحه في التعمق في قراءة كتب التخطيط و غيرها و مشى الرجال على كلام سيده و صار أحسن مما يكون وين ضربة الحظ في الموضوع و لا بس تكون ضربة الحظ على Sun Quan لو Liu Bei سواها كان شفنا هذا أكبر أنجاز في الدنيا هههههه - اقتباس :
- ممكن يستسلم و يخضع لهم مثل ما استسلم ل cao cao و cao pi
و على سالفة الاوفياء ترا حتى wei و shu فيها اوفياء واجد يعني مو حكر عليكم
ما أستسلم حق Cao Cao أبداً و وقف في وجهه كثيييير أستسلم حق Cao Pi أنا معاك لكنه خدعه في فرق ما سلمه شي من المدن و لا الأقاليم بس نصب عليه و عيشه جو أنه إمبراطور كم شهر حتى ما كملت السنه عقب طلع من عند قصره و أعلن نفسه إمبرطور Sun Quan ههههه و إذا على سالفة الوفاء واضح جداً عائلة Sima كثير كانت خايفه على Wei و أستلمت الحكم مكان عائلة Cao و غيرت أسم المملكة يا عيني على الوفاء الجميل هههه أما بالنسبه للإجابه خطأ مو Lu Meng حاول مره ثانيه دمتم بحب (( تــــــــــــحياتـــــــــــي )) | |
|
| |
Fox Colonel
عدد الرسائل : 1393 العمر : 32 الدولة : الكويت أفضل مملكة : Wei تاريخ التسجيل : 26/02/2011
| موضوع: رد: اختبر معلوماتك في الممالك الثلاث الثلاثاء 21 يونيو 2011, 12:22 pm | |
| - اقتباس :
- بسألك سؤال و جاوبه بصراحه بدون لف و لا دوران
Wu من كان فيها من القاده يوم أسقطوها ؟ shu من كان عندها من القاده يوم اسقطها dang ai? يعني على كلامك و مبدئك خلاص deng ai من اصغر الاصغار wu كان عندها جنرالات كثيرين ، بس لأن du yu هزمهم خلاص مو عاجبينك يمكن du yu نابغه ، او ممكن الي دمر wu قائد عادي يعجبني اكثر التفسير الثاني - اقتباس :
- رفض صح لأنه أنهزم منهم في معركه هجوميه
Lu Kang هزم أربع حملات من جانب Jin طول حياته حملات مو معارك
شلون تبي Jin ما تهابه ؟
أوووه صح ممكن ما تهابه لأنها كانت تهاب Zhuge Liang صح ههههههههههههههههه
انهزم منهم ، يعني مو افضل منهم على العموم ممكن تذكري لي تفاصيل انتصارات lu kang ? يعني بس اجبرهم على الانسحاب او سبب اضرار كبيره ل jin? و الحملات ممكن تذكر لي كم معركه في كل حمله ؟ و ليش تهابه؟ كل الي اعرفه عنه انه هزم احد الخونه و اجبر jin على الانسحاب بدون خسائر تذكر الي اشوفه الخسائر من wu مو من jin خلاص wei تهاب wang ping و wu تهاب man chong صح؟ لأن الاثنين هزموا الممالك المذكوره ردينا على zhuge liang وش دخله في الموضوع؟ اخذ وقتك و رد علي بصراحه لي ذكرت zhuge liang لأن محد جاب طاريه - اقتباس :
- ما أستسلم حق Cao Cao أبداً و وقف في وجهه كثيييير
أستسلم حق Cao Pi أنا معاك لكنه خدعه في فرق
ما سلمه شي من المدن و لا الأقاليم بس نصب عليه و عيشه جو أنه إمبراطور كم شهر حتى ما كملت السنه عقب طلع من عند قصره و أعلن نفسه إمبرطور Sun Quan ههههه
و إذا على سالفة الوفاء واضح جداً عائلة Sima كثير كانت خايفه على Wei و أستلمت الحكم مكان عائلة Cao و غيرت أسم المملكة
يا عيني على الوفاء الجميل هههه
أما بالنسبه للإجابه خطأ مو Lu Meng حاول مره ثانيه
مدري اظن في احد معارك ru xu استسلم ل cao cao راح ارجع اقرى السير =/ بس حلوه اجابتك ، استسلم بس خدعه ، في اي حاله ثانيه او شخص ثاني راح نشوف المستسلم الخائن بنظره دونيه بس الا sun quan حبيب قلبك و على فكره cao pi استعمل خضوع sun quan حتى يثبت نفسه بالحكم بعد اطاحة ال han و كثير من قادة wu شافوها خذل و مذله من طرف wu مثل xu sheng تبي تقول ان sima yi و sima fu و عائلتة مو اوفياء؟ اثبت اتحداك اجابه ثانيه ، sun quan? | |
|
| |
Lu Meng King
عدد الرسائل : 2334 العمر : 35 الدولة : دولة قطر - مدينة الريان أفضل مملكة : Wu تاريخ التسجيل : 27/01/2009
| موضوع: رد: اختبر معلوماتك في الممالك الثلاث الثلاثاء 21 يونيو 2011, 7:02 pm | |
| - اقتباس :
shu من كان عندها من القاده يوم اسقطها dang ai? يعني على كلامك و مبدئك خلاص deng ai من اصغر الاصغار
wu كان عندها جنرالات كثيرين ، بس لأن du yu هزمهم خلاص مو عاجبينك
يمكن du yu نابغه ، او ممكن الي دمر wu قائد عادي يعجبني اكثر التفسير الثاني
لا يا فلاح أنت تفكر بس عسكرياً مملكة Jin كان تسمع عن Wu أنها أفلست و ان صار فيها فساد إداري و صار فوضى في المملكة يعني ضعفت من جميع النواحي و نرجع عسكرياً عطني قائد ذكي صاحب إبداع في مملكة Wu أو على الأقل ينذكر أسمه ساعاتها يوم هاجمت مملكة Jin على Wu كان توقيت مملكة Jin رائع و أهنيه عليها و كان الهجوم ذكي و أستغلت ضعف المملكة و دخلت أنا أعرفك يا فلاح أنت بس تبي تقلل من Wu لكلمتك هذه (ممكن قائد عادي أسقط مملكة Wu) لكن شوف سقوط Wu كان ضعف منها في كل النواحي و لم تمتلك شي من المخزون و المؤن و لا حتى دافع معنوي على الأقل و كان جيش Jin أكثر بكثير و حاصر المملكة كلها أنزين منو القاده إللي هزمهم Du Yu ? تعرفهم ؟ منهم ؟ شنو سوو ؟ شنو ألقابهم ؟ شنو إنجازاتهم ؟ شنهي مهاراتهم ؟ هل لهم شي أبدعوا فيه ؟ - اقتباس :
- انهزم منهم ، يعني مو افضل منهم
على العموم ممكن تذكري لي تفاصيل انتصارات lu kang ?
يعني بس اجبرهم على الانسحاب او سبب اضرار كبيره ل jin? و الحملات ممكن تذكر لي كم معركه في كل حمله ؟
و ليش تهابه؟ كل الي اعرفه عنه انه هزم احد الخونه و اجبر jin على الانسحاب بدون خسائر تذكر
الي اشوفه الخسائر من wu مو من jin
خلاص wei تهاب wang ping و wu تهاب man chong صح؟ لأن الاثنين هزموا الممالك المذكوره
ردينا على zhuge liang وش دخله في الموضوع؟ اخذ وقتك و رد علي بصراحه لي ذكرت zhuge liang
لأن محد جاب طاريه
تفضل هني سيرة القائد Lu Kang http://home.1asphost.com/Cyberneo27/History/Lu%20Kang.htm و هني أنا ترجمتها بعد ما يحتاج تتعب نفسك و تترجم https://dynastywarriors.yoo7.com/t885-topic تكفى أبيك بعد تشكك في إنجازات Lu Kang ههههه بالعكس ترا في قاده كان يهابونهم المخططين المعادين لهم مثل Zhuge Liang كان يحذر من Zhang He في خططه و عندك Lu Xun كان لا يستهين في Liu Bei و يمدحه و يقول عنه صاحب خبره في المعارك و لا يتسهان به ف شي طبيعي كانت مملكة Jin تحذر من Lu Kang لأنها هزمها هزائم متكرره أنا جبت طاري حبيب قلبك لأن لو كان حي أيام مملكة Jin راح تعظم موقفه حتى لو راح الحمام و رجع أتحداك ما تنكر هالنقطه - اقتباس :
- مدري اظن في احد معارك ru xu استسلم ل cao cao راح ارجع اقرى السير =/
بس حلوه اجابتك ، استسلم بس خدعه ، في اي حاله ثانيه او شخص ثاني
راح نشوف المستسلم الخائن بنظره دونيه بس الا sun quan حبيب قلبك
و على فكره cao pi استعمل خضوع sun quan حتى يثبت نفسه بالحكم بعد اطاحة ال han
و كثير من قادة wu شافوها خذل و مذله من طرف wu مثل xu sheng
تبي تقول ان sima yi و sima fu و عائلتة مو اوفياء؟ اثبت اتحداك
اجابه ثانيه ، sun quan? أنا النظره ما نظره دونويه أو سماويه ما تهم أهم شي أنه ما أستسلم أستسلام حقيقي له خله يعيش الجو لبكره لكنه أنصدم يوم أعلن نفسه Sun Quan أمبراطور و راح هاجمه بعد و فشل هههه الشي النفسي أنا ما يهمني لو شنو سوا بـ Sun Quan عادي بس أهم شي أنه Sun Quan خدعه بالأستسلام الكاذب و الدليل أنه ما سلم Cao Pi أي شي من المدن و لا الأقاليم و لاحتى حد من جنرالات و مخططين Wu دخل في خدمة Wei بعد هذا الأستسلام معناتها أنه كلهم عندهم خبر و يدرون أنه أستسلام كاذب أنا قلت من قبل Sima Yi وفي حق Wei و صاحب إصلاح جميل في المملكة لكن سؤال يطرح نفسه من أجبر Cao Huan على التنحي ؟ مو عائلة Sima ? و لا Zhuge Liang طلع من القبر و قاله تنحى من الحكم هههه ؟ صح إجابتك صحيح Sun Quan صاحب جماهيريه كبيره من الحقاد له هههههه دورك فلاح دمتم بحب (( تــــــــــــحياتــــــــــــي )) | |
|
| |
Fox Colonel
عدد الرسائل : 1393 العمر : 32 الدولة : الكويت أفضل مملكة : Wei تاريخ التسجيل : 26/02/2011
| موضوع: رد: اختبر معلوماتك في الممالك الثلاث الثلاثاء 21 يونيو 2011, 10:29 pm | |
| تصدق اني احب اتناقش معك ، دايماً مختلفين حتى في اصغر الامور - اقتباس :
- لا يا فلاح أنت تفكر بس عسكرياً مملكة Jin كان تسمع عن Wu أنها أفلست و ان صار فيها فساد إداري
و صار فوضى في المملكة يعني ضعفت من جميع النواحي
ليش يعني shu كانت بأفضل احوالها مثلاً؟ - اقتباس :
- أنا أعرفك يا فلاح أنت بس تبي تقلل من Wu لكلمتك هذه (ممكن قائد عادي أسقط مملكة Wu)
لكن شوف سقوط Wu كان ضعف منها في كل النواحي و لم تمتلك شي من المخزون و المؤن و لا حتى دافع معنوي على الأقل
و كان جيش Jin أكثر بكثير و حاصر المملكة كلها استعمل كلامك ضدك و لو قلت انه قائد عادي كنت راح ارد عليك ماراح ارضى و مثل ما قلت حالة deng ai مشابهه لحالة du yu بس du yu مهمته اصعب - اقتباس :
- أنزين منو القاده إللي هزمهم Du Yu ? تعرفهم ؟ منهم ؟ شنو سوو ؟ شنو ألقابهم ؟ شنو إنجازاتهم ؟ شنهي مهاراتهم ؟ هل لهم شي أبدعوا فيه ؟
لا ما اعرف شي عنه ، كل الي اعرفه انه اسقط wu كلها بسنه و بسهوله ، هذا شنو يدل عليه؟ و بعدين الشهره ما تعني شي ، لا تروح بعيد luo xian ما كان مشهور مع هذا كان موهوب و هزم lu kang hao zhao في الحمله الشماليه الثانيه بعد تعني ان الموهبه كانت معدومه من wu بس لأنها كانت في ضعف؟ على فكره سيرة du yu عادهم ما ترجموها لأنها طويله يعني استعد لأنجازات كثيره - اقتباس :
- فضل هني سيرة القائد Lu Kang
http://home.1asphost.com/Cyberneo27/History/Lu%20Kang.htm
و هني أنا ترجمتها بعد ما يحتاج تتعب نفسك و تترجم
https://dynastywarriors.yoo7.com/t885-topic
تكفى أبيك بعد تشكك في إنجازات Lu Kang ههههه
بالعكس ترا في قاده كان يهابونهم المخططين المعادين لهم مثل Zhuge Liang كان يحذر من Zhang He في خططه
وين الانجازات ما ذكر بالتفصيل الا معركه وحده بس ، حتى مو معركه كامله بس انه وضع فخ لقائد اول مره اسمع اسمه حلو "zhuge liang" كان حذر من zhang he shu غير و zhuge liang غير yang hu غير و jin غير و حبيت اضيف zhang liao و sun quan - اقتباس :
- أنا جبت طاري حبيب قلبك لأن لو كان حي أيام مملكة Jin راح تعظم موقفه حتى لو راح الحمام و رجع
أتحداك ما تنكر هالنقطه
انكر النقطه هذي <_< - اقتباس :
- أنا النظره ما نظره دونويه أو سماويه ما تهم أهم شي أنه ما أستسلم أستسلام حقيقي له
خله يعيش الجو لبكره لكنه أنصدم يوم أعلن نفسه Sun Quan أمبراطور و راح هاجمه بعد و فشل هههه
الشي النفسي أنا ما يهمني لو شنو سوا بـ Sun Quan عادي بس أهم شي أنه Sun Quan خدعه بالأستسلام الكاذب
و الدليل أنه ما سلم Cao Pi أي شي من المدن و لا الأقاليم و لاحتى حد من جنرالات و مخططين Wu دخل في خدمة Wei بعد هذا الأستسلام
معناتها أنه كلهم عندهم خبر و يدرون أنه أستسلام كاذب
هههههه نظره دونيه مو دنيويه ، الله يهديك بس ان قاعد تحاول تلطف الاستسلام، cao pi ما انصدم بالعكس استفاد من استسلام sun quan حتى يثبت مملكته و يقوي شرعيته ، لو ان sun qaun ثار على cao pi كان ممكن نشوف خيانات من wei الى طرف wu بس قصر نظر sun quan مره ثانيه يضيع فرصه حلوه كلهم يدرون ان الاستسلام كاذب ، بس من المستفيد من الاستسلام و من خادم من فيه؟ - اقتباس :
- أنا قلت من قبل Sima Yi وفي حق Wei و صاحب إصلاح جميل في المملكة
لكن سؤال يطرح نفسه من أجبر Cao Huan على التنحي ؟ مو عائلة Sima ? و لا Zhuge Liang طلع من القبر و قاله تنحى من الحكم هههه ؟
خلاص لأن sima shi و sima zhao خونه عائلة sima كلها خونه ولا تخاف على wei صح؟ وش دخل zhuge liang بالموضوع؟ اذا نكته وضحها لأني ما فهمتها - اقتباس :
- صح إجابتك صحيح Sun Quan صاحب جماهيريه كبيره من الحقاد له هههههه
تراني من جد احاول اشوف sun quan بنظره ثانيه بس كلامك عنه يكرهني فيه زياده هدي بالك مو كلما انتقد احد sun quan او اي واحد من wu تنقز و تنكر لا كل من انتقد شخصيه خلاص كارهها ، اخذها برواقه يا ابو جاسم | |
|
| |
Fox Colonel
عدد الرسائل : 1393 العمر : 32 الدولة : الكويت أفضل مملكة : Wei تاريخ التسجيل : 26/02/2011
| موضوع: رد: اختبر معلوماتك في الممالك الثلاث الثلاثاء 21 يونيو 2011, 10:37 pm | |
| السوأل : قائد اكبر من عمه بأكثر من 15سنه من هو ؟
| |
|
| |
Lu Meng King
عدد الرسائل : 2334 العمر : 35 الدولة : دولة قطر - مدينة الريان أفضل مملكة : Wu تاريخ التسجيل : 27/01/2009
| موضوع: رد: اختبر معلوماتك في الممالك الثلاث الأربعاء 22 يونيو 2011, 12:00 am | |
| - اقتباس :
- لا ما اعرف شي عنه ، كل الي اعرفه انه اسقط wu كلها بسنه و بسهوله ،
هذا شنو يدل عليه؟
و بعدين الشهره ما تعني شي ، لا تروح بعيد luo xian ما كان مشهور مع هذا كان موهوب و هزم lu kang
hao zhao في الحمله الشماليه الثانيه بعد تعني ان الموهبه كانت معدومه من wu بس لأنها كانت في ضعف؟
على فكره سيرة du yu عادهم ما ترجموها لأنها طويله يعني استعد لأنجازات كثيره
Wu في سنه صح ؟ Shu في كم يوم ههههههههه ؟ صح كلامك بس حبيت أضيف Chen Deng مو معروف و هزم Sun Ce أي أكيد لها علاقة المؤن الأسلحه الأسهم الآلات الحربيه الأبراج لرمايه التحصين الأكل الشرب من وين يجبونه من الهوا ؟ من مخرون المملكة شلون يجيبونه ؟ و المملكة مفلسه ؟ أكيد يضعفهم هالشي إذا ما تواجدوا الأشياء إللي ذكرتها صح مستعد لموجة التلفيق في السيره لأن كل قادة Jin كلها ملفقه و مطلعين أنه باقي الممالك مجرد ثوار هل هذا معقول في نظرك ؟ - اقتباس :
- وين الانجازات ما ذكر بالتفصيل الا معركه وحده بس ، حتى مو معركه كامله بس انه وضع فخ لقائد اول مره اسمع اسمه
حلو "zhuge liang" كان حذر من zhang he
shu غير و zhuge liang غير
yang hu غير و jin غير
و حبيت اضيف zhang liao و sun quan
قبل شوي تقول أنه القاده إللي مو معروفين يمكن يطلع منهم شي ليش قلت أنك أول مره تسمع في أسم هالقائد و لا بس عشان هزمه Lu Kang صرت ما تعرفه شفت كيف أنت تناقض نفسك و يا سيدي تفضل أقرأ عدل السيره - اقتباس :
- Lu Kang was also a military man. He led 4 successful defensive campaigns against Wei.
شنو مكتوب ؟ تبي ترجمه ؟ بس شيل أسم Wei و حط أسم Jin لأنه كنا نتناقش أنا و ناصر بهذه النقطه قال أكيد الكاتب مغلط و حط Wei و لا هي في الأصل Jin - اقتباس :
- انكر النقطه هذي <_<
واضح ههههههههه - اقتباس :
- هههههه نظره دونيه مو دنيويه ، الله يهديك بس
ان قاعد تحاول تلطف الاستسلام، cao pi ما انصدم بالعكس استفاد من استسلام sun quan حتى يثبت مملكته و يقوي
شرعيته ، لو ان sun qaun ثار على cao pi كان ممكن نشوف خيانات من wei الى طرف wu
بس قصر نظر sun quan مره ثانيه يضيع فرصه حلوه
كلهم يدرون ان الاستسلام كاذب ، بس من المستفيد من الاستسلام و من خادم من فيه؟
خلاص كل واحد له رأي أنت تحاول تخليه مذلول و أنا أقول أنه نصب عليه و الأستفاده يا سيدي هو وقف حقن الدماء بينهم بس توقغتك راح تعرفها - اقتباس :
- خلاص لأن sima shi و sima zhao خونه عائلة sima كلها خونه ولا تخاف على wei صح؟
وش دخل zhuge liang بالموضوع؟ اذا نكته وضحها لأني ما فهمتها
أي لأن صارت العائله الحاكمه هي Sima مو Sima Shi و لا Sima Zhao فقط لأن جاء وراهم Sima Yan و مدري شنو و باقي الأرانب - اقتباس :
- تراني من جد احاول اشوف sun quan بنظره ثانيه بس كلامك عنه يكرهني فيه زياده
هدي بالك مو كلما انتقد احد sun quan او اي واحد من wu تنقز و تنكر
لا كل من انتقد شخصيه خلاص كارهها ، اخذها برواقه يا ابو جاسم
ترا أنا في النقاش أشد لكن شوفني خارج النقاش و الله طيب ههههه و أسال الأعضاء أدري مو كل من أنتقد شي يكرهه أتفق معاك لكن إللي ما يمدح الشي و كله ينتقد شلون ؟ و بعدين عادي أهم شي أني أحب Sun Quan ما يهم لو كل الناس كرهته هههههه و الإجابه على السؤال هو Lu Xun دمتم بحب (( تــــــــــــحياتــــــــــــي )) | |
|
| |
Fox Colonel
عدد الرسائل : 1393 العمر : 32 الدولة : الكويت أفضل مملكة : Wei تاريخ التسجيل : 26/02/2011
| موضوع: رد: اختبر معلوماتك في الممالك الثلاث الأربعاء 22 يونيو 2011, 1:09 am | |
| - اقتباس :
- Wu في سنه صح ؟
Shu في كم يوم ههههههههه ؟
صح كلامك بس حبيت أضيف Chen Deng مو معروف و هزم Sun Ce
أي أكيد لها علاقة المؤن الأسلحه الأسهم الآلات الحربيه الأبراج لرمايه التحصين الأكل الشرب من وين يجبونه من الهوا ؟
من مخرون المملكة شلون يجيبونه ؟ و المملكة مفلسه ؟
أكيد يضعفهم هالشي إذا ما تواجدوا الأشياء إللي ذكرتها
صح مستعد لموجة التلفيق في السيره لأن كل قادة Jin كلها ملفقه و مطلعين أنه باقي الممالك مجرد ثوار هل هذا معقول في نظرك ؟
محمد بعض المرات احس انك مو معاي في الموضوع ، انا ما اقلت shu و wu ان قلت ان du yu و انجازه تخليه بمستوى deng ai انت قلت ان wu كانت ضغيفه و فساد و مش عارف ايش و انا قلت shu كانت في ضروف مماثله تعليقك على shu شنو معناه؟ و اكيد ما يخفى القمر chen deng اذا الممالكه مفلسه مثل ما تقول ، شلون دفعت رواتب الجنود و القاده؟ ولا مفلسه على الاكل بس ؟ و عن التلفيق خلاص لا نعترف بكل السير الي جات منهم ،و فيه تلفق من باقي الممالك يعني محد احسن من احد - اقتباس :
- قبل شوي تقول أنه القاده إللي مو معروفين يمكن يطلع منهم شي
ليش قلت أنك أول مره تسمع في أسم هالقائد و لا بس عشان هزمه Lu Kang صرت ما تعرفه شفت كيف أنت تناقض نفسك
و يا سيدي تفضل أقرأ عدل السيره
هل كذبت؟ صدق اول مره اسمع اسمه و لا اعرف عنه الا انه طاح بفخ من lu kang هل هذا يدل على الموهبه؟ - اقتباس :
- شنو مكتوب ؟ تبي ترجمه ؟
بس شيل أسم Wei و حط أسم Jin لأنه كنا نتناقش أنا و ناصر بهذه النقطه قال أكيد الكاتب مغلط و حط Wei و لا هي في الأصل Jin
انا قلت ما فيه معركه فيها تفاصيل تقول انه سوى شي بالأساس ، معارك lu bu ضد cao cao في pu yang كان منتصر فيها lu bu و ينسب النجاح له لأنه القائد بس هو وش سوى؟ الشغل كله على gao shun ؟ و بس حتى ارجع الموضوع الى مساره حنى نتناقش على اذا jin تخاف من lu kang او لا مو اذا lu kang موهوب او لا ، لا تجرني بالكلام - اقتباس :
- خلاص كل واحد له رأي أنت تحاول تخليه مذلول و أنا أقول أنه نصب عليه
و الأستفاده يا سيدي هو وقف حقن الدماء بينهم بس توقغتك راح تعرفها
sun quan استسلم الى cao pi و اخذ منصب تحت مملكته الجديده ، روح اسأل اي واحد اذا هذا خضوع او لا بس انت تقول نصب عليه ، يعني خانه؟ اي دماء حقنها؟ رد يثور على cao pi بعد فتره قصيره انا ادري ان قصدك liu shan ، بس liu shan استسلم و عاش معزز مكرم ، sun quan عرف الخطأ الي سواه و ثار حتى لا يخسر مملكته ل cao pi - اقتباس :
- أي لأن صارت العائله الحاكمه هي Sima مو Sima Shi و لا Sima Zhao فقط
لأن جاء وراهم Sima Yan و مدري شنو و باقي الأرانب
محمد لو هاجري يثور على قطر هل هذا يعني ان كل الهواجر خونه؟ انا ما اعتبر الي ما حتى عاصروا wei خونه بس اوكي ، sima shi و sima zhao و sima yan بس؟ - اقتباس :
- ترا أنا في النقاش أشد لكن شوفني خارج النقاش و الله طيب ههههه و أسال الأعضاء
أدري مو كل من أنتقد شي يكرهه أتفق معاك لكن إللي ما يمدح الشي و كله ينتقد شلون ؟
و بعدين عادي أهم شي أني أحب Sun Quan ما يهم لو كل الناس كرهته هههههه
و الإجابه على السؤال هو Lu Xun
ههه لا مصدقك مو لازم اسأل (يرسل رسائل بالخاص) بس انت بعد عط الناس فرصه يمدحون ، تبينا نصير ببغائات تكرر نفس الكلام؟ واحد قال الزين و ترك الشين ادخل انا مثلا و اذكر الشين ، و بعدين ممكن المواضيع تتطلب هذا الشي، الاعضاء (انا) مالهم ذنب اجابتك صحيحه دورك | |
|
| |
Shizai Marquis
عدد الرسائل : 9535 العمر : 30 الدولة : دولة الخليج العربي, محافظة الكويت. أفضل مملكة : Wei تاريخ التسجيل : 10/10/2007
| موضوع: رد: اختبر معلوماتك في الممالك الثلاث الجمعة 24 يونيو 2011, 6:34 pm | |
| محمد ما سأل من ثلاث ايام, راح اسأل انا..
قائد استخدم المغناطيس لأبطاء حركة اعداءه في احدى المعارك, من هو هذا القائد؟ للمساعدة, هو استخدمها ضد القبائل. | |
|
| |
Tadaoki Marquis
عدد الرسائل : 4298 العمر : 31 الدولة : kingdom Of Jin أفضل مملكة : Jin تاريخ التسجيل : 14/06/2010
| موضوع: رد: اختبر معلوماتك في الممالك الثلاث الجمعة 24 يونيو 2011, 6:36 pm | |
| | |
|
| |
Fox Colonel
عدد الرسائل : 1393 العمر : 32 الدولة : الكويت أفضل مملكة : Wei تاريخ التسجيل : 26/02/2011
| موضوع: رد: اختبر معلوماتك في الممالك الثلاث الجمعة 24 يونيو 2011, 7:48 pm | |
| | |
|
| |
Shizai Marquis
عدد الرسائل : 9535 العمر : 30 الدولة : دولة الخليج العربي, محافظة الكويت. أفضل مملكة : Wei تاريخ التسجيل : 10/10/2007
| موضوع: رد: اختبر معلوماتك في الممالك الثلاث الجمعة 24 يونيو 2011, 7:50 pm | |
| لا حاولوا مرة اخرى.
للمساعدة, هو مو من الممالك الثلاث Wei - Wu - Shu | |
|
| |
Tadaoki Marquis
عدد الرسائل : 4298 العمر : 31 الدولة : kingdom Of Jin أفضل مملكة : Jin تاريخ التسجيل : 14/06/2010
| موضوع: رد: اختبر معلوماتك في الممالك الثلاث الجمعة 24 يونيو 2011, 7:55 pm | |
| يمكن؟؟؟؟؟؟؟
Gongzon Du
إذا كان خطأ
عطنا وش القبيلة اللي حاربها؟ | |
|
| |
Shizai Marquis
عدد الرسائل : 9535 العمر : 30 الدولة : دولة الخليج العربي, محافظة الكويت. أفضل مملكة : Wei تاريخ التسجيل : 10/10/2007
| موضوع: رد: اختبر معلوماتك في الممالك الثلاث الجمعة 24 يونيو 2011, 7:59 pm | |
| حارب قبائل الـ Xiongnu الشمالية.
لا مو Gongsun Du.
>> يبي السؤال يقعد فترة ما يبي يرمي التوضيحات يمين يسار.
على فكرة هو مو معروف. | |
|
| |
Tadaoki Marquis
عدد الرسائل : 4298 العمر : 31 الدولة : kingdom Of Jin أفضل مملكة : Jin تاريخ التسجيل : 14/06/2010
| موضوع: رد: اختبر معلوماتك في الممالك الثلاث الجمعة 24 يونيو 2011, 8:04 pm | |
| - اقتباس :
- على فكرة هو مو معروف.
يعني ما مر علينا أبد أتوقع Zhang Yang | |
|
| |
Shizai Marquis
عدد الرسائل : 9535 العمر : 30 الدولة : دولة الخليج العربي, محافظة الكويت. أفضل مملكة : Wei تاريخ التسجيل : 10/10/2007
| موضوع: رد: اختبر معلوماتك في الممالك الثلاث الجمعة 24 يونيو 2011, 8:07 pm | |
| مدري اذا مر عليك ولا لأ ههههه بس مو موجود بداينستي ولا رومانس.
لا حاول مرة اخرى. | |
|
| |
Tadaoki Marquis
عدد الرسائل : 4298 العمر : 31 الدولة : kingdom Of Jin أفضل مملكة : Jin تاريخ التسجيل : 14/06/2010
| موضوع: رد: اختبر معلوماتك في الممالك الثلاث الجمعة 24 يونيو 2011, 8:08 pm | |
| - اقتباس :
- مدري اذا مر عليك ولا لأ ههههه بس مو موجود بداينستي ولا رومانس.
هنا المشكلة طيب الفترة متى؟ | |
|
| |
NobuNoc Soldier
عدد الرسائل : 88 العمر : 31 الدولة : الكويت أفضل مملكة : Shu تاريخ التسجيل : 23/02/2011
| موضوع: رد: اختبر معلوماتك في الممالك الثلاث السبت 25 يونيو 2011, 1:12 am | |
| | |
|
| |
Fox Colonel
عدد الرسائل : 1393 العمر : 32 الدولة : الكويت أفضل مملكة : Wei تاريخ التسجيل : 26/02/2011
| موضوع: رد: اختبر معلوماتك في الممالك الثلاث السبت 25 يونيو 2011, 2:35 pm | |
| قاهر الاشرار ناصر الاخيار, zhuge liang! | |
|
| |
Shizai Marquis
عدد الرسائل : 9535 العمر : 30 الدولة : دولة الخليج العربي, محافظة الكويت. أفضل مملكة : Wei تاريخ التسجيل : 10/10/2007
| موضوع: رد: اختبر معلوماتك في الممالك الثلاث الأحد 26 يونيو 2011, 12:28 am | |
| لا حتى الحين الاجوبة غلط.
هو قائد من مملكة Jin, غير موجود في داينستي او رومانس, تطوع لـ Sima Yan انه يقاتل قبائل الـ Xiongnu الي ظلت ثائرة لعشرة سنوات, طلب من المملكة توفير المؤن و اسلحة بدرجة عالية من الكفاءة و رفض استخدام الاسلحة القديمة, جند عدد كبير من الجنود بعدين سوى اختبارات و اختار الصفوة, بعدين سوى اختبارات ثانية و اختار صفوة الصفوة و صار عنده 3500 جندي متقن للرماية بشكل عالي جدا و استخدم اقواس و اسهم كبيرة بالحجم و خطط نادرة جدا في القتال, في احدى المعارك علق قطع كبيرة من المغناطيس و رمى بعضها بالارض و كانت القبليين لابسين دروع ثقيلة فجذبوا اليها و اصبحوا بطيئين و هذا خلاهم اهداف سهلة امام رماته, قواته كانت مدرعة بدروع غير معدينة فما تضرر, تمكن من النهاية من قتل قادة القبائل بعد صراع لعشر سنوات معهم و شبعهم خلالها هزايم, توفي عام 279 بعد قضاءه على القبايل و بعد انجازه الكبير اخيرا تفرغت مملكة Jin لمملكة Wu و قضت عليها بالسنة التالية.
كفاية تلميح.. | |
|
| |
Tadaoki Marquis
عدد الرسائل : 4298 العمر : 31 الدولة : kingdom Of Jin أفضل مملكة : Jin تاريخ التسجيل : 14/06/2010
| موضوع: رد: اختبر معلوماتك في الممالك الثلاث الأحد 26 يونيو 2011, 4:12 am | |
| | |
|
| |
Fox Colonel
عدد الرسائل : 1393 العمر : 32 الدولة : الكويت أفضل مملكة : Wei تاريخ التسجيل : 26/02/2011
| موضوع: رد: اختبر معلوماتك في الممالك الثلاث الأحد 26 يونيو 2011, 1:05 pm | |
| مار علي السوأل هذا و بس نسيت الاجابه ، du yu? | |
|
| |
Shizai Marquis
عدد الرسائل : 9535 العمر : 30 الدولة : دولة الخليج العربي, محافظة الكويت. أفضل مملكة : Wei تاريخ التسجيل : 10/10/2007
| موضوع: رد: اختبر معلوماتك في الممالك الثلاث الإثنين 27 يونيو 2011, 3:56 am | |
| لا, هو توفى قبل سقوط مملكة Wu بسنة.
اسمه يبدأ بحرف الـ M. | |
|
| |
| اختبر معلوماتك في الممالك الثلاث | |
|