افضل قائد جيش في مملكة Wu

Sun Jian كتب:

Sun Quan كان رايق وهو الوحيد منهم اللي ينفع يصير امبراطور .
اذا بغيت واحد يحكم خذ Sun Quan

منور علي و الله



بس لا تنسى إدارة Sun Quan الداخليه للمملكة حتى أفضل من Sun Jian و Sun Ce بكثير


إدارة Sun Quan من أفضل الإدارات في الممالك كلها


بعدين في شي غلطت فيه أنت Sun Jian و لا مره خسر في معركه أبد


حتى المعركه إللي توفى فيها فاز جيشه فيها


لا تقاطعنا يا علي الكل ضد Wu هني



دمتم بحب



(( تــــــــحياتـــــــــي ))

صحيح يمكن Sun Jian قائد عسكري اكثر من انه قائد دولة, تاريخيا.

لكن صراحة ما اتفق معاك بكلامك عن Sun Quan اعتبره مو ماسك المملكة صح. المملكة كلها ثورات بالجنوب و كل سنة يضيع جنود واجد عليها و ما قدر يثبتهم, قادته يروحون و يتحكمون بالمملكة دون الرجوع اليه مثل Lu Meng الي اعدم Guan Yu دون ان يرجع له. و مشاركته بالمعارك دايما معناها خسارة مؤكدة, و بالمعارك الدفاعية يعتمد على التحصين المسبق و مستشاريه, معاملته للقادة الي معاه ما كانت جيدة و نقدر نشوف نهاية Lu Xun كخير دليل... مدري ما اعتبره امبراطور ابدا..

السلام عليكم ..

أنا ارى ان أفضل قآئد جيش SUN JIAN صحيح أنه لم يعش كثيراً ولو عآش كآن بإمكآنه أن يكون أشجع و آحد في الممآلك الــ 3 وأقوى شخص وبإمكآنه توحيد الصين إذا بقي شجآعاً وقوياً كمآ كآن عليه
وبعده SUN CE

أمآ SUN QUAN لم يتميز سوى في إدآرة شؤون الحكم وليسَ شجآعآ كابيه وأخيه وهو محظوظ لأن ابيه زآد سمعة عآئلة sun واخيه زآد سمعته العآئلة sun وسمعة المملكة wu وهو فقط كآن صآرم في اتخآذ القرآر الدآخلي أمآ في الحروب لو لم يشآرك فيها لمى طرأ شيئاً ففي زمنه كآن gan ning و lu xun همآ من يديرآن امرَ الحروب وخسآره اكثر من إنتصآرآته بعكس وآلده واخيه

السلام عليكم....
اتوقع في فرق كبير بين افضل قائد جيش في Wu وافضل قائد جيش في Sun Jian واولاده...
اول شيء راح ابدأ بالافضل بين Sun Jian واولاده...
طبعا راح تنحصر المنافسة بين Sun Ce وابوه..
اتوقع ظلم نقارن بين Sun Ce وابوه مباشرة.. لان Sun Jian يوم كان يقود الجيوش كان تحت امرة الحكومة او حتى Yuan Shu..
وكان كل قرار راح يتخذه مسأول عنه والمخاطرة غير مسموحة له لان اي خطا ولو ضغير منه راح يخلي الحساد يطعنون في قدراته وراح ينزل مستواه...
اما Sun Ce فانه كان في اغلب معاركة قائد للامبراطورية وبالتالي يقدر يسوي أي شيء ومافي احد يقدر يحاسبه وحتى لو في ثورات فانها راح تتأخر وممكن يقدر يتداركها حتى...
صحيح اعداء Sun Ce اكثر شراسة واكثر قوة لكن بنفس الوقت كان عنده جنرالات محنكين ومسيطر عليهم تماما لانه الملك
عكس ابوه.. لذلك أفضل Sun Jian على البطل Sun Ce...وهذا ماينقص من Sun Ce أبدا...
ثاني شيء الافضل من Wu ...
طبعا في كثيرين قادوا جيوش من Wu ... ابرزهم برأيي ..
Sun Ce .... Lu Xun....Lu Meng...Zhu Huan

Zhu Huan قدر يهزم العظيم Cao Ren ومعركته كانت جيدة..
Lu Meng. قاد حملة رائعة فبض خلالها على احد عظماء Shu واخذ فيها اقليم وماخسر سوا جندي واحد
Lu Xun قاد معركة دفاعية مميزة لWu .. وان كانت عنده بعض الاخطاء التي لو استغلها خصمه كان هزمه شر هزيمة..
لكن ماننسى ان جيشه كان اقل عدد وانه قدر يستخرج القوة المدفونة في Zhu Ran والي نتج عنها الفوز...
معركة Shi Ting اعتبره القائد صراحة لكن ماكان انجازه فيها كبير كقائد..
Sun Ce صراحة معاركة واجد ومهمة جدا صحيح خسر مرتين من شخص اقل منه لكنه كون جيش قوي وسيطر على الكثير من المعارك والمدن..
Sun Quan اعتبره الاقل منهم..
باختصار Sun Ce الافضل

اقتباس :

Sun Ce صراحة معاركة واجد ومهمة جدا صحيح خسر مرتين من شخص افضل منه

صلحتها لك ، ملاحظه خارج الموضوع

zhu huan قدم خطه ذهبيه كانت راح تقضي على cao xiu و جيشه بالكامل بس lu xun و sun quan رفضها

ممكن لأن zhu huan شخصيه مكروهه او لأن lu xun كان يبي يأخذ الفضل كله

لا حرام عليك يا فلاح تقارن Chen Deng بإنجازات Sun Ce


Chen Deng مو أفضل من Sun Ce بالعكس و الله


Sun Ce برأيي قائد ما في مثله


ما يحتاج أقول عنه و أجيب عن إنجازاته لأن يبيلنا وقت طويل


و بعدين مادري شنو إللي تبي توصله بأن Lu Xun هو إللي يبي الفضل لنفسه


بالعكس هو قدم خطه قضة على Cao Xiu بصراحه


و برأيي Cao Xiu على كثر هجماته على Wu لكن و لا مره نجح


و في بعد مره أستغل معركة Yiling و أنشغال جيش Wu فيها


لكن Lu Fan قدر يردعه رغم أنه كان النهر فايض و مو مستقر لكن قدر يفوز و يردع هجومه هو و Wu Can


دمتم بحب



(( تـــــــــــحياتـــــــــــي ))

رايك واحترمه لكن انا اشوف من الصعب نغض الطرف عن انجازات Sun Ce بسبب خسارته منه..
Zhu Huan اعتبره قائد يؤدي واجبه بشكل كبير وادري صراحة هو مكروه او لا...

اقتباس :

zhu huan قدم خطه ذهبيه كانت راح تقضي على cao xiu و جيشه بالكامل بس lu xun و sun quan رفضها

شدراك انها راح تقضي عليه؟ اقدر اقول عن خطة Wei Yan مثل الكلام, كلنا ما ندري شنو ممكن يصير لو سوى الخطة.

اقتباس :

و برأيي Cao Xiu على كثر هجماته على Wu لكن و لا مره نجح

النجاح الاول و الثاني

اقتباس :

Sun Quan sent a commander to garrison at Liyang. Cao Xiu went there and defeated that commander, before sending a separate force to cross the Yangtze to burn several thousand tents of the enemy’s at Wu Lake.

النجاح الثالث

اقتباس :

When the Emperor went on an expedition against Sun Quan, he made Cao Xiu General-in-Chief who Conquers the East, granted him the Imperial Golden Axe, and put him in charge of Zhang Liao and some other commanders, on top of twenty-odd battalions from different provinces. With that, Cao Xiu attacked Lü Fan and other generals under Sun Quan at Dongpu and vanquished them. For that he was made Protector of Yang Province.

النجاح الرابع و الخامس

اقتباس :

When the Illustrious Emperor [Cao Rui] came to the throne, he promoted Cao Xiu to be Marquis of Changping. The Wu general Shen De set up a garrison at Wan. Cao Xiu proceeded to rout [the Wu troops], and beheaded Shen De. At that, Han Zong, Zhai Dan, among others from Wu surrendered along with their commands. Consequently Cao Xiu’s fief was increased by four hundred households, making a total of 2,500 households. He was also promoted to be Commander-in-Chief, and to remain the controller of Yang Province as before.

نجح خمس مرات, انهزم مرة وحدة. ظلم انك تقول انه ما نجح ولا مرة. و ما انهزم الا بالخيانة

لا لا يا ناصر أنا أقصد هجومياً


دفاعياً صح يفوز و نجح


و نفس الشي مع قادة Wu الدفاع نجاح باهر أما الهجوم فشل أقصد الهجوم على Wei و الدفاع منها


اللهم كم قائد نجح هجومياً على Wei مثل Lu Meng يوم خذا Wan


أما بخصوص إللي فاز عليهم Cao Xiu كلهم قاده ضعاف من Wu بذمتك Shen De قائد قوي ؟ و في كم قائد أول مره أسمع في أساميهم حتى !


أما بخصوص أستسلام Han Zong حق Cao Xiu صح أستسلم لكن Ding Feng قتل هالقائد و أتباعه و هزمهم


أنا ما أقلل من Cao Xiu قائد قوي و قدر يردع كم هجوم من Wu


دمتم بحب


(( تـــــــــــحياتـــــــــــي ))

محمد.. الاقتباسات الي طافت كلها هجومية.

Wan الي اخذها Lu Meng رجعها Cao Xiu من Shen De.

و اخذ Liyang.

مالي شغل بـ Shen De ضعيف و لا قوي, Cao Xiu سوى الي عليه و انتصر و غلط تقول انه ما نجح ضد Wu. و اعتبر هذه سذاجة من Sun Quan انه يرسل ناس ضعاف مثل ما توصفهم.

اقتباس :

Sun Ce برأيي قائد ما في مثله


ما يحتاج أقول عنه و أجيب عن إنجازاته لأن يبيلنا وقت طويل

محمد خلنى نخذها حبه حبه

sun ce يهاجم بجيش مدرب و مدرع بشكل ممتاز اكبر بعشرات المرات من chen deng

اول ما تحط حصاره sun ce يخرج له chen deng و الله يعلم خرج بالجيش كله ولا لا يهزمه و يطارده و يسوي مجزره بجنوده


sun ce يهاجم مره ثانيه بجيش اكبر ولا يمديه يحاصر المدينه بعد ، خرج له chen deng و حطم جيش sun ce و طارده و

سوى مجزره ثانيه و سيطر على سفنه (خلاه يرجع سباحه ؟ :D )

و على فكره chen deng كان مع رجاله بنفسه و حارب معهم

على اي اساس sun ce افضل ؟ chen deng هزمه شر هزيمه

بس لأن انجازاته اكثر هو افضل؟ مع احترامي هذا تقييم مو عادل و دام عندي القرين لايت راح اقول انك متعصب

اقتباس :

شدراك انها راح تقضي عليه؟ اقدر اقول عن خطة Wei Yan مثل الكلام, كلنا ما ندري شنو ممكن يصير لو سوى الخطة.

انا ما قلت كذا مني و الطريق

انا راجعت الاحداث في المعركه

خطة zhu huan كانت بأنه يحرق الطرق و الجسور حتى ما يقدر ينسحب cao xiu

الي صار في المعركه ان cao xiu ترك كل الي يقدر يتركه و هرب لو ان lu xun قبل الخطه cao xiu كان و جيشه كان راح

ينتهي

خطة wei yan خلنا نراجعها

يأخذ 5000 جندي و يهاجم فيهم chang an و 5000 ثانيين يحملون المؤن

1- الطرق مو موثوق فيها و خطره اذا دروا بأمر الهجوم wei yan و جنوده راحوا فيها (فيه مقاله كتبتها جامعه صينيه تقول

ان liu bang بعد ما وحد الصين و تخلص من اتباعه دمر الطرق الي استعملهاhan xin

نفس الطرق الي يبي يستعمها wei yan راح اورها و اعطيك اياها)

2 - ظن wei yan اذا شافه xiahou mao (ذكرتني ناصر ) راح يهرب منه على طول و يترك المدينه خاليه وراه

، و هذا امر اقدر اقول انه مستحيل

3- chang an مدينه كبيره لا 5000 ولا 10000 يقدرون يحمونها بشكل جيد هذا اذا قلنا ان wei yan مراح يخسر جندي

واحد بالطرق او القتال

4- chang an في وسط منطقه ممبسطه راح يقدرون يشوفون wei yan و جيشه من مسافة يوم او يومين بالكثير

اذا شافوه راح يسكرون الابواب ، و مدينه مثل chang an اكيد راح تصمد cao zhen عاده قريب بعد

5- cao rui بنفسه كان متجه الى chang an حتى يقود الحمله

انا الحين اسألك وش يخليك تظن ان خطة wei yan راح تنجح؟

اقتباس :

محمد خلنى نخذها حبه حبه

sun ce يهاجم بجيش مدرب و مدرع بشكل ممتاز اكبر بعشرات المرات من chen deng

اول ما تحط حصاره sun ce يخرج له chen deng و الله يعلم خرج بالجيش كله ولا لا يهزمه و يطارده و يسوي مجزره بجنوده


sun ce يهاجم مره ثانيه بجيش اكبر ولا يمديه يحاصر المدينه بعد ، خرج له chen deng و حطم جيش sun ce و طارده و

سوى مجزره ثانيه و سيطر على سفنه (خلاه يرجع سباحه ؟ )

و على فكره chen deng كان مع رجاله بنفسه و حارب معهم

على اي اساس sun ce افضل ؟ chen deng هزمه شر هزيمه

بس لأن انجازاته اكثر هو افضل؟ مع احترامي هذا تقييم مو عادل و دام عندي القرين لايت راح اقول انك متعصب

أنزين و بعدين ؟


Sun Ce يعني ما سوا شي أبداً كلش صح ؟


ما وحد الجنوب ؟ ما هزم ناس أكبر منه ؟


ما طرد القبائل ؟ ما أخضعهم له ؟ ما ضم القراصنه ؟


ما سوا شي برأيك


أنا مو متعصب أنا واحد حقاني كل واحد أعطيه حقه


خلاص دام نمشي على كلامك


بنقول أنه Zhou Yu أفضل من Cao Cao لأنه هزمه في Chibi


و بنقول أنه Gao Shuan أفضل من Cao Cao لأنه هزمه


يعني مثال على كأس العالم


يعني كأنك تقول أنه منتخب اليابان هزم البرازيل يعني خلاص منتخب اليابان أحسن من البرازيل


و نعظم اليابان لأنها فازت على البرازيل و نجحد البرازيل في نجاحاتها كلها و نقول أنه اليابان أفضل من البرازيل


و أسمحلي أقول أنه أنت إللي تقييمك مو عادل أبداً أنك تجحد إللي سواه Sun Ce لمجرد هزيمتين


فهمتني فلاح ؟ أتمنى و الله ههههه

اقتباس :

نجح خمس مرات, انهزم مرة وحدة. ظلم انك تقول انه ما نجح ولا مرة. و ما انهزم الا بالخيانة

أنهزم من Lu Fan و أنهزم من Lu Xun و في له بعد هزائم بعد في Ru Xu لأنه شارك فيها على ما أعتقد


و بخصوص الأقتباسات قريتها كلها و بين لي أنه Cao Xiu هو إللي أعداد جيشه أكبر من العدو


و يهجم في وقت أنشغال المملكة في معارك ثانيه


دمتم بحب



(( تـــــــــــحياتــــــــــــي ))

اقتباس :

أنزين و بعدين ؟


Sun Ce يعني ما سوا شي أبداً كلش صح ؟


ما وحد الجنوب ؟ ما هزم ناس أكبر منه ؟


ما طرد القبائل ؟ ما أخضعهم له ؟ ما ضم القراصنه ؟


ما سوا شي برأيك

متى قلت ما سوى شي؟ بس قلت chen deng افضل منه و حروبه مع sun ce اكبر دليل

و بيني و بينك ما ما ارتاح ل سيرة sun ce لأنها ما تذكر هزايم sun ce بس تذكر الانتصارات

اقتباس :

خلاص دام نمشي على كلامك


بنقول أنه Zhou Yu أفضل من Cao Cao لأنه هزمه في Chibi

اولاً في chi bi

huang gai هو الي اقترح و نفذ خطة النار

ثانياً انا اقدر اناقشك بأن الي هزم cao cao هو مرض جنوده مو zhou yu و عبقريته

الحين انت تعرف الي صار ب chi bi و الي صار بمعارك chen deng

شلون zhou yu افضل؟

اقتباس :

و بنقول أنه Gao Shuan أفضل من Cao Cao لأنه هزمه

الي اعرفه cao cao اخذ حقه من gao shun من تتوقع امر بأعدامه؟

اقتباس :

يعني مثال على كأس العالم


يعني كأنك تقول أنه منتخب اليابان هزم البرازيل يعني خلاص منتخب اليابان أحسن من البرازيل


و نعظم اليابان لأنها فازت على البرازيل و نجحد البرازيل في نجاحاتها كلها و نقول أنه اليابان أفضل من البرازيل

و الله على حسب اذا البرازيل فازت بكأس العالم

بعدين لعبت مع اليابان و فازت عليها اكثر من 20 - 0

بعدين تلعب البرزيل مره ثانيه مع اليابان و تفوز عليها بنيجه اكبر من النتيجه الاولى

اكيد بنقول اليابان افضل صح؟

اقتباس :

و أسمحلي أقول أنه أنت إللي تقييمك مو عادل أبداً أنك تجحد إللي سواه Sun Ce لمجرد هزيمتين

لا بالعكس كل ما زادت عظمة sun ce كل ما زادت عظمة chen deng

انا ما جحت شي من الي سواه sun ce بس انا اقول ان chen deng افضل منه و علمه شلون الحرب صح

انت كأنك تقول ان مثلاً ان سيارات الفورد سنه 1750 اسرع من سيارات الفورد سنه 2000 لأنها ربحة سباقات واجد

مع العلم ان الاختبارات تثبت ان الفورد سنه 2000 سبقت الفورد القديمه ينتائج خياليه

sun ce كان عنده كل المزايا ، الجنود ، الاسلحه ، الخبره ، القاده (taishi ci و قائد ثاني هزم sun ce كانوا معروفين بأنهم قادة مقدمة جيشه) ، المعنويات.... الخ

و انهزم

هاجم مره ثانيه بجيش اكبر و انهزم هزيمه اكبر

اذا هذا مو دليل انه افضل منه احد يقول لي شنهو الدليل

اقتباس :

لو منيغ الافضل واذظن انجازاته معروفة للكل خصوصا انه صاحب افضل غزوة في تاريخ الممالك الثلاث

الجدير بالذكر انه sun quan و lu xun و quan cong و مستشارين عند guan yu توقعوا و فكروا بفس الفكره هذي

@Chen Deng : اها مشكور على التوضيح, عموما Cao Xiu معظم جنوده هربوا او قتلوا في المعركة فما اعتقد خطة Zhu Huan ممكن تسوي اضرار اكبر, الشي الوحيد الي ممكن تسويه هو قتل Cao Xiu بنفسه و هو اساسا مات بعد المعركة بفترة فما راح تفرق برأئي.

اما Xiahou Mao ماله حل ههههه

اقتباس :

أنهزم من Lu Fan و أنهزم من Lu Xun و في له بعد هزائم بعد في Ru Xu لأنه شارك فيها على ما أعتقد


و بخصوص الأقتباسات قريتها كلها و بين لي أنه Cao Xiu هو إللي أعداد جيشه أكبر من العدو


و يهجم في وقت أنشغال المملكة في معارك ثانيه

انهزم من Lu Fan ؟ متى؟ سيرة Cao Xiu تقول انه انتصر على Lu Fan ما انهزم منه. سيرة Wu Can اعتقد هي مصدرك, سيرة Wu Can تتكلم عن موقف Wu Can الانساني بانقاذ جنود لكن ما تقول انهم هزموا Cao Xiu, بينما سيرة Cao Xiu تذكر الانتصار و سيرة Wu Can تتعذر بموقف غرق السفن و غيرها, لكن ما نقدر ننفي الي سواه Cao Xiu.

انهزم من Lu Xun ما اختلفنا عليها.

شارك في Ruxu؟ ما في دليل. بعدين اخر معركة Ruxu قبل وفاة Cao Cao كان القائد فيها Cao Cao بعدين رحل للعاصمة و استلم القيادة النائب الي هو Xiahou Dun, و بقراءة مقدمة سيرة Cao Xiu مكتوب انه خلف Xiahou Dun في منصبه بعد وفاة Xiahou Dun بعد المعركة بسنوات فلا يمكن يكون له دور فيها. ثانيا, سيرة Cao Xiu تقول انه كان يقاتل في Hanzhong فما اعتقد قاتل في الجهتين من الصين. ثالثا, لو افترضنا جدلا ان فعلا Cao Xiu ((شارك)) في Ruxu, هل معناتها انه يلام على الهزيمة؟ طيب, اجل Xie Ti كان ((مشارك)) في Hefei و هزم Lu Meng, شرايك؟

اقتباس :

متى قلت ما سوى شي؟ بس قلت chen deng افضل منه و حروبه مع sun ce اكبر دليل

و بيني و بينك ما ما ارتاح ل سيرة sun ce لأنها ما تذكر هزايم sun ce بس تذكر الانتصارات

من قال Chen Deng ما سوا ربع إللي سواه Sun Ce شاإللي خلاك تقول أنه أفضل لمجرد معركتين ؟


أما بخصوص السير برأيي الشخصي ما تذكر كل شي عن القاده لأن في بعض السير ناقصه


Sun Ce يستاهل سيره أطول و أدق في التفاصيل لأنه شخصيه كبيره

اقتباس :

اولاً في chi bi

huang gai هو الي اقترح و نفذ خطة النار

ثانياً انا اقدر اناقشك بأن الي هزم cao cao هو مرض جنوده مو zhou yu و عبقريته

الحين انت تعرف الي صار ب chi bi و الي صار بمعارك chen deng

شلون zhou yu افضل؟

تفاصيل Chibi مو موضوعنا


لكن لو حبيت نتوسع في النقاش حاضرين


أنزين بسألك السؤال نفس إللي سألتني أياه أيام يوم كنا نتناقش عن He Fei


ليش جنود Zhou Yu ماجاهم هالمرض


و بعدين سيرة Zhou Yu تقول أنه تشابك مع قوات Cao Cao و هزمها في ثواني و بسرعة البرق


و هجمة Huang Gai كانت الهدية الختاميه فقط ما كان Zhou Yu معتمد عليها و لا هم يحزنون


و مثل ما تقول نلوم Zhang Liao على أنه كانوا الجنود و غباء Sun Quan أنا بقول نلوم Zhou Yu على أنه الجنود مرضى و غباء Cao Cao

اقتباس :

الي اعرفه cao cao اخذ حقه من gao shun من تتوقع امر بأعدامه؟

أنا ما يهمني من أعدمه لكن يهمني أنه هزم Cao Cao مع أنه Cao Cao بدون مقارنه هو الأفضل منه

اقتباس :

و الله على حسب اذا البرازيل فازت بكأس العالم

بعدين لعبت مع اليابان و فازت عليها اكثر من 20 - 0

بعدين تلعب البرزيل مره ثانيه مع اليابان و تفوز عليها بنيجه اكبر من النتيجه الاولى

اكيد بنقول اليابان افضل صح؟

يعني اليابان أفضل من إنجازات منتخب البرازيل لمجرد هزيمتين ؟ معقوله ؟

اقتباس :

لا بالعكس كل ما زادت عظمة sun ce كل ما زادت عظمة chen deng

انا ما جحت شي من الي سواه sun ce بس انا اقول ان chen deng افضل منه و علمه شلون الحرب صح

انت كأنك تقول ان مثلاً ان سيارات الفورد سنه 1750 اسرع من سيارات الفورد سنه 2000 لأنها ربحة سباقات واجد

مع العلم ان الاختبارات تثبت ان الفورد سنه 2000 سبقت الفورد القديمه ينتائج خياليه

sun ce كان عنده كل المزايا ، الجنود ، الاسلحه ، الخبره ، القاده (taishi ci و قائد ثاني هزم sun ce كانوا معروفين بأنهم قادة مقدمة جيشه) ، المعنويات.... الخ

و انهزم

هاجم مره ثانيه بجيش اكبر و انهزم هزيمه اكبر

اذا هذا مو دليل انه افضل منه احد يقول لي شنهو الدليل

أوكي دامه أفضل من Sun Ce ليش ما شفنا شي له غير هالإنجازين بتقولي خيانات + جواسيس


هل تقارن إنجازاته هذه بإنجازات Sun Ce أرحم عقلي يا فلاح


حتى البزر إللي هو البزر بيقول Sun Ce أحسن منه


و الناس بتشتري الفورد الجديده عشان إنجازات القديمه لأن القديمه ما عادت موجوده


مثلك ما يمشي فلاح


أنزين وش ضمنك أنه كان جيشه أكبر ؟ ليش ما نقول أنه Cheng Deng كان عنده دعم و إمداد ممتاز ؟


و لا بس اللوم يجي على Sun Ce ?


مادري كيف أنتوا تجحدون شخص سوا هوايل و أكتسب شهره عظيمه في الصين بفتره قياسيه و سوا إنجازات بفتره قياسيه


أتحدى حد يسوي إللي سواه Sun Ce حتى Cao Cao نفسه ما سوا و جمع إنجازات في فتره قياسيه

اقتباس :

الجدير بالذكر انه sun quan و lu xun و quan cong و مستشارين عند guan yu توقعوا و فكروا بفس الفكره هذي

لكن محد يقدر ينفذ الهجوم هذا ببراعته و محد يقدر يسوي إللي سواه منهم هذولا كلهم


و على فكره Sun Quan و Lu Xun مشاركين Lu Meng في كل شي و Lu Xun شخصياً كان متواجد في جيش Lu Meng و هاجم معاه


و Sun Quan هو إللي فكر معاهم و أمرهم و قدم الدعم لهم من الجنود .. ألخ


وين الدليل أنه مستشارين Guan Yu فكروا بنفس الفكره ؟ هذا إذا كان عند Guan Yu مستشارين أصلأ ! يتحملون حماقته


دمتم بحب



(( تــــــــــــحياتــــــــــــي ))

......بعض المرات احس انك مو فاهمني او مو معي محمد ، بالرغم اني ارد على كل اسألتك انت تتجاهل اسألتي و تسأل

اسأله اكثر كأنك تبي تنسيني اياهم

اقتباس :

من قال Chen Deng ما سوا ربع إللي سواه Sun Ce شاإللي خلاك تقول أنه أفضل لمجرد معركتين ؟


أما بخصوص السير برأيي الشخصي ما تذكر كل شي عن القاده لأن في بعض السير ناقصه

اول شي لأزم نوضح ان sun ce قائد جيش يسوي الي يبيه و chen deng مجرد محافظ

ثاني شي sun ce ما سوى كل الي سواه بنفسه كان عنده قائده يساعدونه و هو احسن استعمالهم

ثالث شي sun ce تخصص في الحروب بينما chen deng تحصص بالأمور الاداريه و كلنا ندري شلون سطر الانجازات فيها

اقتباس :

أما بخصوص السير برأيي الشخصي ما تذكر كل شي عن القاده لأن في بعض السير ناقصه

one man with courage makes majority - Andrew Jackson

كونه رأيي الشخصي ما يعني انه خطأ عندك شي يخليني مخطأ قوله

اقتباس :

ليش جنود Zhou Yu ماجاهم هالمرض

ليش اللف و الدوران محمد الاجابه تعرفها

جنود cao cao كانوا يحاربون yuan shao سنيين و بعد توحيد الشمال على طول تحرك بالجنوب

جنود cao cao كانت تعابا و كانوا كلهم شماليين ولا متعودين على المناخ الجنوبي

ولا خبيرين بالقتال البحري فيه اسباب اكثر تلقاها في سيره zhou yu

hefei منطقه حدوديه وراح تلقاها قريبه حيل منطقة wei يعني المناخ واحد

جنود sun quan ما كانوا تعابى في الاشتباك اول ما مرضوا على طول انسحبوا (لو zhuge liang معهم ممكن علمهم

شلون ينسحبون مثل الاوادم ) و انا عندي تحفض على سالفت المرض

اقتباس :

و بعدين سيرة Zhou Yu تقول أنه تشابك مع قوات Cao Cao و هزمها في ثواني و بسرعة البرق


و هجمة Huang Gai كانت الهدية الختاميه فقط ما كان Zhou Yu معتمد عليها و لا هم يحزنون

سرعة البرق؟ سبحان الله ، على العموم صح الاشتباك الاول انتصر في التحالف

بس الهجوم الناري مو واضح تأثيره (معركة chi bi نفسها علامة استفهام كبيره)

اقرأ سيرة cao cao و شوف مدى تأثر الهجوم الناري ل huang gai او تأثير اشتباك zhou yu

مره ثانيه المرض الي اجبره على الانسحاب لا zhou yu و لا غيره

اقتباس :

و مثل ما تقول نلوم Zhang Liao على أنه كانوا الجنود و غباء Sun Quan أنا بقول نلوم Zhou Yu على أنه الجنود مرضى و غباء Cao Cao

ما فهمت وضح شوي ، الي قدرت استنتجه شي غبي وضح ولا عليك امر

اقتباس :

أنا ما يهمني من أعدمه لكن يهمني أنه هزم Cao Cao مع أنه Cao Cao بدون مقارنه هو الأفضل منه

gao shun هزم cao cao بعدين cao cao هزم gao shun و طرده من pu yang بعدين هزمه مره ثانيه في xia pi صح؟

اقتباس :

يعني اليابان أفضل من إنجازات منتخب البرازيل لمجرد هزيمتين ؟ معقوله ؟

انت تقلل من الحدث بقولك هزيمه

اقتباس :

وكي دامه أفضل من Sun Ce ليش ما شفنا شي له غير هالإنجازين بتقولي خيانات + جواسيس


هل تقارن إنجازاته هذه بإنجازات Sun Ce أرحم عقلي يا فلاح

لأنه محافظ مدينه متواضع بعكس sun ce قائد جيش يسوي الي يبيه

كونه سوى شي في موقعه الصغير هذا شي كبير

لو نقارن بالأنجازات ترا جنرالات jin افضل من كل جنرالات الممالك الثلاث كونهم وحدوا الصين

تعني sima yan افضل من sun ce?

اقتباس :

حتى البزر إللي هو البزر بيقول Sun Ce أحسن منه

لأن البزر ما يدري شنو سوى chen deng

اقدر اسوي مناحه و اقول الروايه ظلمت chen deng و خلته جبان.....الخ

بس ما احتاج الي يبي يعرف التاريخ راح يعرف و الي يبي يتمسك بمعلوماته القديمه راح يتمسك

اقتباس :

و الناس بتشتري الفورد الجديده عشان إنجازات القديمه لأن القديمه ما عادت موجوده


مثلك ما يمشي فلاح

ههههه ، خوش رد بس اتمنى ان المعنى وصل

اقتباس :

أنزين وش ضمنك أنه كان جيشه أكبر ؟ ليش ما نقول أنه Cheng Deng كان عنده دعم و إمداد ممتاز ؟


و لا بس اللوم يجي على Sun Ce ?

........ لا تعليق

اقتباس :

مادري كيف أنتوا تجحدون شخص سوا هوايل و أكتسب شهره عظيمه في الصين بفتره قياسيه و سوا إنجازات بفتره قياسيه


أتحدى حد يسوي إللي سواه Sun Ce حتى Cao Cao نفسه ما سوا و جمع إنجازات في فتره قياسيه

من "انتوا" o_o ؟

على فكره في الوقت الي sun ce كان يلعب مع liu yao و مدري منو

cao cao كان يحارب ناس مثل yuan shao و lu bu و zhang xiu و غيره

و على فكره cao hong سيطر على 9 (مدن او مقاطعات) في حمله وحده

تبيني استعمل نفس المنطق؟

اقتباس :

لكن محد يقدر ينفذ الهجوم هذا ببراعته و محد يقدر يسوي إللي سواه منهم هذولا كلهم

الله اعلم ، و عن مستشارين guan yu اظن اسمه wang fu

لأن أسألتك مو منطقيه و أنا أسألك عشان أفهم شاللي تبي توصله


و ترد علي و تقلب السؤال و تغير فيه و تخلي الجواب من صالحك

اقتباس :

اول شي لأزم نوضح ان sun ce قائد جيش يسوي الي يبيه و chen deng مجرد محافظ

ثاني شي sun ce ما سوى كل الي سواه بنفسه كان عنده قائده يساعدونه و هو احسن استعمالهم

ثالث شي sun ce تخصص في الحروب بينما chen deng تحصص بالأمور الاداريه و كلنا ندري شلون سطر الانجازات فيها

أي صح صح مسكين ما عنده حد Chen Deng لأنه (مجرد) محافظ


ما كان عنده حد نهائي بس عائلته و مرته و عياله و جاء Sun Ce الشرير و هاجمه بمليون جندي ! صح


و طلع Chen Deng البطل الشجاع (لوحده فقط) و دافع عن عائلته و طرد الشرير Sun Ce حقاً أنه بطل حقيقي


شأللي ضمنك أنه ما طلب جنود ؟

اقتباس :

ليش اللف و الدوران محمد الاجابه تعرفها

جنود cao cao كانوا يحاربون yuan shao سنيين و بعد توحيد الشمال على طول تحرك بالجنوب

جنود cao cao كانت تعابا و كانوا كلهم شماليين ولا متعودين على المناخ الجنوبي

ولا خبيرين بالقتال البحري فيه اسباب اكثر تلقاها في سيره zhou yu

hefei منطقه حدوديه وراح تلقاها قريبه حيل منطقة wei يعني المناخ واحد

جنود sun quan ما كانوا تعابى في الاشتباك اول ما مرضوا على طول انسحبوا (لو zhuge liang معهم ممكن علمهم

شلون ينسحبون مثل الاوادم ) و انا عندي تحفض على سالفت المرض

لأنك أنت تلف و تدور و تحاول تقلل من كل شي تسويه Wu و مليون مره أكشفتك و تنكر و ما تعلق


أي واضح Sun Quan ما حارب كلش أبداً ما كان في نفس السنه 208 يحارب Liu Biao


و لا حارب شي و لا سوا شي بس Cao Cao حارب أما غيره لا


تعبانين من السفر و مرضى و متعودين على المناخ الجنوبي يا حرام ؟ ليش متعب نفسه و راح هاجم الجنوب دام جنوده تعبانين هل هذا غباء ؟


ليش لما قلت لك هالكلام يوم نقاشي عن He Fei نفيته شفت كيف يا فلاح بديت تنكشف


كيفك تحفض لكن أنا مو متحفض و بقول


كفاية ترقيع

اقتباس :

انت تقلل من الحدث بقولك هزيمه

لأنها فعلاً هزيمه فقط لا هي حمله و لا هي شي ثاني


و أنت بدورك تكبرها كأنها حملة دامت سنوات


(إللي بيته من زجاج لا يرمي الناس بحجر)

اقتباس :

لأنه محافظ مدينه متواضع بعكس sun ce قائد جيش يسوي الي يبيه

كونه سوى شي في موقعه الصغير هذا شي كبير

لو نقارن بالأنجازات ترا جنرالات jin افضل من كل جنرالات الممالك الثلاث كونهم وحدوا الصين

تعني sima yan افضل من sun ce?

يا حرام متواضع خنقتني العبره ههههههه


صح معاك حق أتفق معاك Chen Deng أبدع ترا من صجي أقولك كونك تهزم Sun Ce هذا بحد ذاته شي كبير


لكن يظل إللي سواه شي قليل بالنسبه لإنجازات Sun Ce


بالنسبه حق Sima Yan هل أبتدء من الصفر نفس Sun Ce ?

اقتباس :

لأن البزر ما يدري شنو سوى chen deng

اقدر اسوي مناحه و اقول الروايه ظلمت chen deng و خلته جبان.....الخ

بس ما احتاج الي يبي يعرف التاريخ راح يعرف و الي يبي يتمسك بمعلوماته القديمه راح يتمسك

أن كانك تقصدني ترا أنت ما قصرت و سويت مناحه في التاريخ نفسه حق عالم الغيب الملاك Zhuge Liang على مجرد أمور إداريه


و أعيد المثل إللي بيته من زجاج ما يضرب الناس بحجر

اقتباس :

من "انتوا" o_o ؟

على فكره في الوقت الي sun ce كان يلعب مع liu yao و مدري منو

cao cao كان يحارب ناس مثل yuan shao و lu bu و zhang xiu و غيره

و على فكره cao hong سيطر على 9 (مدن او مقاطعات) في حمله وحده

تبيني استعمل نفس المنطق؟

يلعب شفت كيف التقليل و Cao Cao يحارب شفت كيف التعظيم


و ودي في سؤال لكل منو Lu Bu أن ذكرتوه بس عشانه هزم Liu Bei عديتوه من أسياد الحرب ؟


على فكره Cao Cao حارب Yuan Shao و Sun Ce قده متوفي يعني لا تحاول تبرر المواقف


و بقولك Sun Ce من كتيبه صغيره وحد فيها الجنوب


من أكثر Cao Hong و لا Sun Ce ألحين ؟


معليش كتبت الرد و أنا مستعجل لأني طالع سوري لو فيه أخطاء أو مو كامل


(لاتزعل على الأمثال و التعليقات ما عليك منها بس عشان تلطف النقاش)


دمتم بحب




(( تــــــــــــحياتــــــــــــي ))

ههههه يعجبني محمد لما يسكت يسكت بعدين يطلع المحقق كونان مره وحده :D

اقتباس :

لأن أسألتك مو منطقيه و أنا أسألك عشان أفهم شاللي تبي توصله


و ترد علي و تقلب السؤال و تغير فيه و تخلي الجواب من صالحك

ممكن تحدد الشي الي ما فهمته؟

اقتباس :

أي صح صح مسكين ما عنده حد Chen Deng لأنه (مجرد) محافظ


ما كان عنده حد نهائي بس عائلته و مرته و عياله و جاء Sun Ce الشرير و هاجمه بمليون جندي ! صح


و طلع Chen Deng البطل الشجاع (لوحده فقط) و دافع عن عائلته و طرد الشرير Sun Ce حقاً أنه بطل حقيقي


شأللي ضمنك أنه ما طلب جنود ؟

صح بارفوا عليك اصلاً لازم يعلقون صورة chen deng في كل مكان بدال اول رئيس صيني mao

لا بس بجد سيرة chen deng موجوده اذا تبي ولا مو واثق فيني

اقتباس :

شأللي ضمنك أنه ما طلب جنود ؟

http://the-scholars.com/viewtopic.php?p=173811#p173811

اقتباس :

لأنك أنت تلف و تدور و تحاول تقلل من كل شي تسويه Wu و مليون مره أكشفتك و تنكر و ما تعلق

لا بالعكس انا واضح ادش دوغري بدون مجاملات او بطيخ

و خلنا نقول انا كاره لwu هل هذا يعني ان كلامي كله غلط؟ شنو كشفتني فيه حسستني اني مسوي مؤامره

اقتباس :

أي واضح Sun Quan ما حارب كلش أبداً ما كان في نفس السنه 208 يحارب Liu Biao


و لا حارب شي و لا سوا شي بس Cao Cao حارب أما غيره لا


تعبانين من السفر و مرضى و متعودين على المناخ الجنوبي يا حرام ؟ ليش متعب نفسه و راح هاجم الجنوب دام جنوده تعبانين هل هذا غباء ؟

حرب liu biao و sun quan في 208

حرب hefei الي نتكلم عنها اما في 215 او 217

شباب ممكن احد يتأكد من التواريخ؟

اقتباس :

ليش لما قلت لك هالكلام يوم نقاشي عن He Fei نفيته شفت كيف يا فلاح بديت تنكشف


كيفك تحفض لكن أنا مو متحفض و بقول


كفاية ترقيع

هههه ممكن تقول لي مره ثانيه وش قلت لأني متأكد اني رديت عليك بكلام مقنع

انا قلت متحفض لأن الشغله مالها علاقه بالموضوع بس اقدر اللف و ادور و استعملها لصالحي

اقتباس :

صح معاك حق أتفق معاك Chen Deng أبدع ترا من صجي أقولك كونك تهزم Sun Ce هذا بحد ذاته شي كبير


لكن يظل إللي سواه شي قليل بالنسبه لإنجازات Sun Ce


بالنسبه حق Sima Yan هل أبتدء من الصفر نفس Sun Ce ?

صح اتفق معك كونه هزم sun ce انجاز كبير بس يهزمه بالطريقه هذي؟ مرتين؟ بالظروف هذي؟

لا sima yan ما بدأ من الصفر ، بس سوى شي ما سوى sun ce ربعه و هو توحيد الصين صح؟

انا ما اقلل من sun ce بس استعمل منطقك ضدك الله يعلم احترامي ل sun ce (رغم ان chen deng حط في سره

عصاه و سوى منه ممسحه :D <<< امزح امزح )

اقتباس :

أن كانك تقصدني ترا أنت ما قصرت و سويت مناحه في التاريخ نفسه حق عالم الغيب الملاك Zhuge Liang على مجرد أمور إداريه


و أعيد المثل إللي بيته من زجاج ما يضرب الناس بحجر

الي على رأسه بطحه يحسس عليها

و لا انا مو بكل رد لازم امدح فيه zhuge liang حتى بعض المرات استهزء فيه

اقتباس :

يلعب شفت كيف التقليل و Cao Cao يحارب شفت كيف التعظيم

بس sun ce كان صغير و حسيت ان كلمت يلعب مناسبه افضل

اقتباس :

و ودي في سؤال لكل منو Lu Bu أن ذكرتوه بس عشانه هزم Liu Bei عديتوه من أسياد الحرب ؟

lu bu غير ان صيته في الصين على انه اقوى محارب و حوف قاده كثيرين منه ، كان يقضي على cao cao

و يسيطر على كل مدنه لولا اجتهاد xun yu و cheng yu

هذا غير المبدعين الي تحته

اقتباس :

على فكره Cao Cao حارب Yuan Shao و Sun Ce قده متوفي يعني لا تحاول تبرر المواقف

انت قلت انه سوى شي بوقت قياسه و cao cao ما يسويها انا قلت لأن اعداء cao cao اقوى امن اعداء sun ce

هذا بالمختصر المفيد راجع الردور اذا تبي تتأكد

اقتباس :

من أكثر Cao Hong و لا Sun Ce ألحين ؟

بوجهت نظري؟ sun ce افضل

في منطقك؟ متساويين

لا مو زعلان اظن انا تكلمنا بالموضوع هذا من قبل

Sun Quan هزم 4 مرات في Ruxu لكن ماحاول يرده مثلا Cao Cao هزم ب chang an قام ردها وزيادة ممكن تقول القائد الي كان بالمعركة Lu Meng لكن برضو القائد لازم يتابع جيشه وكيف مستشارين Sun Quan لم يلاحظو الخطة ثم انو Cao Cao خطط وارسل ويشارك بالمعارك ورضو اخوه زرع وSun Quan حصد

اقتباس :

Lu Meng. قاد حملة رائعة فبض خلالها على احد عظماء Shu واخذ فيها اقليم وماخسر سوا جندي واحد

اسف يا ابو عادل

بس من قال المعلومه المدوجه هذي ؟ اول شي اقليم jing نصه ل wei و النص الثاني يتقاسم بين shu و wu

shu ما كان عندها الا 3 مدن ، يعني يقولنا انه اخذ اقليم كامل بدون خسارة لا جندي خطأ

في سيرة lu xun يذكر ان lu xun كان يقاتل بقايا قوات shu بينما lu meng كان يتبطح في فراشه

اقتباس :

Lu Xun sent generals Li Yi (李異) and Xie Jing (謝旌) with some three thousand troops to attack Shu generals Zhan Yan (詹晏) and Chen Feng (陳鳳). Li Yi led the naval troops while Xie Sheng led the land troops. They cut off the main road at the mountainous area leading to the city and defeated Zhan and Chen. Chen Feng was captured alive and he surrendered. After that, the troops (of Wu) continued on to attack Deng Fu (鄧輔), Governor of Fangling (房陵), and Guo Mu (郭睦), Governor of Nanxiang (南鄉) ; the attackers scored a decisive victory. Wen Bu (文布) and Deng Kai (鄧凱), both of prominent families in Zigui (秭歸), gathered a several thousand man army made up of minority populations and led them to join the ranks of Shu. Lu Xun regrouped his army and ordered Xie Sheng to quell Wen Bu and Deng Kai. Both Wen and Deng escaped and became officials in Shu. Lu Xun sent someone to coax them to return, and Wen Bu led his men back to surrender. Some ten thousand men were captured, recruited or executed during the entire incident. Sun Quan then appointed Lu Xun as Right Commissioner of the Army (右護軍), General Who Subdues the West (鎮西將軍) and further gave him the noble rank of Marquis of Lou (婁侯) (3).

يعني في المعارك هذي ما خسروا ولا جندي؟ معقوله ؟

اشوف lu xun يرجع له الفضل في الخيانه

هو الي خدع guan yu و هو الي قاتل حتى ان الخطه جايبها من رأسه ولو ان lu meng فكر بخيانة shu الخطه نفسها
ما فكر في تفاصيلها الى بعد محادثته مع lu xun (مثل تعيين lu xun مكانه لخداع guan yu)

فلاح,

جزء مملكة Wei من Jing بسيط و ما يتعدى الجزء الشمالي, Wei خسرت كل ارض ورى الـ yangtze بعد Jiangling. الخرايط هذه ممكن تفيدك

http://www.anu.edu.au/asianstudies/decrespigny/images/gos_map11.gif
http://kongming.net/i/n/maps/empresses_and_consorts/wei_small.png

بخصوص اقتباسك, هذا كله بعد سقوط Jing و اعدام Guan Yu. اصلا هذا كله بعد وفاة Cao Cao حتى..

اقليم Jing نفسه سقط بدون خسائر, لان المدن الثلاث استسلمت بدون قتال. الخسائر الفعلية كانت جندي واحد فقط, تم اعدامه بعد ما نهب من احد البيوت في المدن الجديدة و خرق قانون اصدره Lu Meng بمنع النهب, فتم اعدامه. مقابل هذا, كان في ناس واجد تركوا Shu و انضموا الى Wu في المدن هذه.

كل اتباه shu الي قاتلوهم شنو كانوا يسوون؟ ههه في العاب رومانس xiang yang كانت بعد النهر <_<

مدري عن Xiangyang , بس اعرف انها جنب Fan. المهم سواء ان كانت شمال ولا جنوب النهر, اراضي Wei في شمال Jing صغيرة حيل و ما تجي النصف مثل ما قلت.

بخصوص سالفة Lu Xun, صراحة بديت اشك بكلامي فرحت للـ ZZTJ و حصلت ان السالفة هذه صارت ورى استيلاء Lu Meng على Jing, و قبل انسحاب Guan Yu و القبض عليه و اعدامه. انا متأكد ان مالها علاقة بـ Jing لاني شفت اكثر من عضو بـ Kongming يقول و يؤكد ان خسائر Lu Meng كانت جندي واحد فقط. عموما, اما انها معركة خارج Jing او ان القصد ان Lu Meng نفسه ما خسر جنود في عملية اسقاط المدن.. او ان المعارك هذه مالها شغل بأسقاط مدن و تلقاها معارك ميدانية.. مدري انا سألت بكونغ مينغ و انطر الاجابة الحين.

معليش اعتذر اني استعجلت شوي و قلت هذه صارت ورى وفاة Cao Cao هههه

الصراحة sun famly ابطال