نموذج ليوم تمثيلي باللعبة

عشان بعض الشباب مو مستوعبين الفكرة, لانها جديدة على منتدياتنا العربية بصفة عامة, هذا نموذج ليوم تمثيلي في احد الممالك.
نفرض ان هذا هو موضوع خاص بمدينة من مدن مملكة Wu
^^ يعني موضوع جديد محد يساهم فيه الا اعضاء مملكة Wu ^^

الموضوع هذا, لأي عضو في المملكة يجي (اذا ما كان عنده حرب) و يمثل فيه يوم شخصيته.

مثال, نفرض اني انا اتحكم بالرئيس Sun Jian و ابناؤه, و مصلح يتحكم ب Zhou Tai , Gan Ning , Ling , Tong , Lu Meng

--------------

Yang Dayang يرسل:

Sun Jian : يخرج من قصره بلباسه اليومي, يتنفس الهواء العليل و يقف بمنتصف
الطريق امام القصر, يتبادل بعض الطرف (النكت) مع بعض حرس القصر كعادته.
بعد ثواني يرى ابنته Lady Sun و يرحب بها.

Sun Shang: تجد والدها و معه بعض الحرس, يضحكون و يتجاذبون اطراف الحديث, ردت التحية لوالدها و ذهبت الى البحيرة لتستلقي قليلا.

ملاحظة: مو شرط يحط كل الشخصيات مالته, و لاحظوا انه ما تحكم بأحد ثاني بس
قال Sun Jian انه شاف Sun Shang و هو اصلا يتحكم في Sun Shang لو ان Sun
Shang تحت تحكم عضو ثاني كان الغيت الخطوة هذه.
-------

Helsom يرسل:

Gan Ning : كان Gan Ning مستيقظا في الصباح الباكر و باشر بالذهاب الى البحيرة ليصتاد السمك و ذهب مع صديقة Ling Tong.

Gan Ning : شرايك الي يصيد سمك اكثر هو الفايز؟
Ling Tong: من صجك راح تفوز انت؟ يلا ماشي, والله لاخليك تنسى شلون تصيد

------

Yang Dayang يرسل:

Sun Jian: ذهب Sun Jian الي داخل القصر و الى غرفه ابنه الكسول Sun Ce الذي لم يزل نائما, فحاول ايقاضه مرارا و تكرارا.

Sun Jian : قوم يا ولد اخلص, الساعة الحين 3 العصر
Sun Ce: اخششش اخششش (يشاخر)
Sun Jian : ولييي, قوم يلا... اقولك, ترى Da Qiao تبي تجي اليوم
Sun Ce فز من السرير و قام ينقز: وينها وينها؟!
Sun Jian: اقول, قم رح غسل وجهك بس اقول.
Sun Ce وجهه قام يعطي لون احمر و مشى يغسل وجهه و هو متحسر.

بذلك الوقت Sun Shang كانت بالبحيرة و شافت Gan Ning و Ling Tong يصيدون سمك.
------

Helsom يرسل:

--- بعد ساعة--

Gan Ning: ها! انا صدت اكثر منك!
Ling Tong: لا انا قاعد اصيد اكثر منك و سمكي اكبر بعد!

--- بعد ساعة ثانية---

Gan Ning : مو جنه بس شي قاعد يتغير؟
Ling Tong : لا يالغبي انت بس منصدم شلون انا قاعد اصيد اكثر منك
Gan Ning : يصير خير بس..

--- بعد ساعة اخرى---

Gan Ning: يا غبي وقف وقف! القارب يبي يغرق من كثر السمك!
Ling Tong : توك تقول؟!
*السفينة غرقت فيهم و السمك كله رد و رد الاثنين للشاطىء**

-------

Yang Dayang:

Sun Shang: تضحك على الي صار في Gan Ning و Ling Tong و تسلم عليهم و تروح معاهم العاصمة.

Sun Ce: يطلع برا و تصك الشمس في وجهه و يحس كأنها يبي يحترق
Sun Ce: " يصير خير, ان ما قومتك الساعة 6 الصبح بكرة.... اخليك تصايح بدال الديك"

-------

Helsom:

Ling Tong و Gan Ning يردون مع Sun Shang للعاصمة و هم منقهرين من ضحكها عليهم.

Gan Ning: ما تسوى علي, تضحك علي بنت
Ling Tong : ياخي انت عادي, انا شقول عن نفسي!

و قربوا يوصلون العاصمة..

------

Yang Dayang:

Sun Shang: شفيها البنت؟! لا تنسون اني اعرف اقاتل!

وصلوا العاصمة..
Sun Ce شاف Ling Tong و Gan Ning و ملابسهم كلها ماي و نظراتهم على بعض كأن في بينهم كهربا.

-------



الخ الخ الخ....

انت تتحكم في شخصيتك و تحطلها الي تبيه, مثل ما شفتوا ابقيت على النزاع
بين Gan Ning و Ling Tong و ابقيت على شخصية Sun Shang Xiang بس اضفت من
عندي كسل Sun Ce و غيره.
اهم شي ما تتحكم في شخصيات انت مو قاعد تتحكم فيها, و ما تكتب شي خيالي
حيل (يعني مثل Sun Ce يتحول الرجل الاخضر و ينقز على ابوه) و ما تقوي
شخصيتك حيل (يعني تقول Gan Ning عطى Sun Ce كف و خلاه يطيح) لازم تقول ان
Gan Ning عطاه كف و حاول يخليه يطيح. بعدين يجي العضو الي يتحكم في Sun Ce
و يقول اذا طاح او لأ.


اذا فكرة التمثيل حسيتوها سخيفة, تراهي بس جذيه على ما يمر الوقت, اللعبة
نفسه تعتمد على الحرب بس الي يصير فيها ينحسب, يعني لو الي يتحكم في Gan
Ning قال انه غرق يعتبر غرق فعلا, او مثالا اصيب يكون مصاب و يحتاج ينطر
الى ما يتعالج.