مجلس أعضاء المنتدى

بسم الله الرحمن الرحيم

في البداية أخواني الفكرة بسيطة جدا . تخيل جميع أعضاء المنتدى أمامك في مجلس كبير و يسولفون فيه عن مواضيع تهم الشباب . طبعا راح ننفذ الفكرة هنا . كل أسبوع راح نأخذ موضوع معين ونناقشه وكل عضو يعطي رأيه فيه . طبعا الآداب العامة والأخلاق الإسلامية تكون موجودة . هدف الموضوع هو مناقشة أفكار الأعضاء ويسمح بأي شي يبي العضو يضيفه دام ما يتعارض مع الفكرة وقوانين المنتدى

في البداية حيا الله الجميع أعضاء وزوار ونتمنى الفكرة تعجبكم . موضوع هالأسبوع بيكون عن (العزوبية) موضوع جميل من إقتراحات عضو أجمل حبينا نبدأ فيه كونه شي مشترك بين أغلب أعضاء المنتدى

تخيل نفسك في بيت شعر - خيمة - والفحم قدامك والشاي والقهوة جمبك . وحولك أعضاء المنتدى كلهم . تكلم وخذ راحتك وشارك معنا

الساحة لكم أخواني ودقايق والقهوة جاهزة هههههههههه . تشتشتوا على كيفكم ههههههه . وراجع برأيي عن العزوبية

الفكرة حلوة حيل و عجبتني من اول ما شفتها.

العزوبية, و ما ادراك مالعزوبية ههههه انا صراحة اشوف العزوبية شغلة ضرورية في حياة اي انسان. لازم الشباب اول شي يمرون بمرحلة العزوبية على الاقل 3 سنوات قبل لا يتزوجون, عشان يكسبون خبرة بالحياة من الفرارة و الهيات بالديرة هههه و بنفس الوقت يكون عندهم خبرات اكثر قبل لا يخوضون تجربة الزواج و يصير عندهم مسؤوليات كبيرة.

طبعا ممكن يعرف شلون الطريقة الي تمشي فيها الامور في البلد لان هذه ما يتعلمها صح بالمدرسة, و يكسب علاقات و يكون نفسه بوظيفته و يستانس بشبابه قبل لا يبدأ يتحمل المسؤوليات. و نفس الشي للبنات, تكون البنت تعودت على شغل البيت و عرفت شلون تدير مملكتها الصغيرة في البيت و تصير فاهمه و ناضجة.

هذا رأئي.

عزوبية


تبينا نتكلم على اني عزابي ولا تمثيل عن شخصيتي ولا عن رائي

لاني عطالي اذا بتكلم عن الحقيقا الي عايشها اذلي عشان ما اخربها من البداية


ههههه

فكرة حلوة مرررة

انا اشوف ان العزوبية(طبعا للطلاب مو للموظفين) متعة وناسة مافي قيود زي الي تكون على المتزوج بس بنفس الوقت

اما امن ناحية الفوائد انك زي ما اوضح اخوي ناصر تعتمد على نفسك (بعيد عن بابي ومامي والدلع) وتبدأ تعرف الدنيا كيف هي ماشية

اما من ناحية الاضرار فهي على حسب العزوبيين انفسهم ضايعين او معتدلين واخواني في المنتدى ان شاء الله من المعتدلين لذا ماراح اتطرق لموضوع الاضرار واتركه لكم

موضوع حلو وله جوه الخاص , العزوبية يمكن الواحد ما يحس فيها إلا لو دخل الجامعه او قرب يتخرج لأن المدرسة تحس فيها انضباط واهلك فوق راسك وما تقدر تسوي شيء الا بعلمهم , لكن بعد كذا تحس بالعزوبية فعلاً ( ما اقول الا الله يطولها علينا ) على كل حال كثير يبغون يتزوجون وبعد ما يتزوجون يندمون ويبغون يرجعون للعزوبية , المسئولية لو الواحد مو قدها لا يتعب نفسه ويصبر ..

العزوبية ههههههه
العزوبية شي ما عندي خبرة فيه
العزوبية اصعب شي هههههههههههههه
شوفوا سلبياتها
مين بينضف ملابسك ولاتبي تترجل وتتركها ههههههههههه
مين بيرتب البيت او الشقه مايهم
مين بيطبخ او بتروح دور لك على مطعم ههههههه
بكرة بيجيك سهال ووجع ببطنك :D :D هههههههههههههههههه
مين بيروح يتقضى للبيت
مين بيذكرك تدفع الفواتير
هذي السالفة عند الشركات اذا ما سدت

موضوع هذا الاسبوع هو عن (الأصدقاء)

كيف تقيم صداقتك ؟ كيف تصنف صداقتك ؟ الفرق بين الأصدقاء ؟ ........

مادري أنا ماقدر أعيش من غير أصدقاء أبداً


مادري ما أعرف أقيم و أقيس مقياس الصدقات


الصداقه لازم تكون في جو ودود دائماً أو على الأقل في البدايه


المهم نظرتي العامه لموضوع الصداقه أني ما أقدر أعيش من غير ربع و أصدقاء !


دمتم بحب



(( تــــــــــحياتـــــــــــي ))

ما ادري الواحد كيف يعيش بلا اصدقاء وكما يقول المثل الجنة بلا ناس ما تنداس
الحمدالله انا واصدقائي في جو ودود جدا مثل ما قال محمد ما اعرف اقيس او اقيم الصداقة كلنة اصدقاء وبس
وما اقدر انساكم انتوا اعز اصدقائي ولكم فضل علي والجو بيناتنة جو اخوة وصداقة عميقة الله يديم المحبة بينة امين

الصداقة شي مهم حيل بالحياة و هي اهم طريق للتقدم بالحياة سواء بالطرق الشرعية (التعاون) او الغير شرعية (الواسطة ههههه - خلنا نكون صريحين, هذه شغلة اساسية صارت). انا اشوف الاصدقاء اقرب لي من افراد العائلة البعاد حتى, لان العائلة ما تختارها اما الاصدقاء تختارهم و يختارونك و تصارحهم بشغلات ممكن ما تصارح فيها عائلتك مرات.

بالنسبة لي, الحمد لله اصحابي واجد بس المشكلة اني اعاملهم كلهم بنفس القدر و ما عندي صديق مفضل, اما هم عندهم اصدقاء مفضلين.

موضوع حلو

اضافه على ما قالو الاصدقاء وما اختلف معهم بشي هي تصنيف بعض الاصدقاء

بعض الاصدقاء تصادقة مع انك ما تشوف فيه اي ميزة بس ترتاح له مع انه انسان عادي جدا

واكره اصدقاء (ما اعتبرهم اصدقاء لي) هم الي تكون علاقتهم مبنية عى المصلحة وهم موجودين كثييير للاسف

ومن افضل الاشياء ان يكون عندك اصدقاء كثير مع ان بعض الناس يحبون العكس

وفي شي مهم من وجهة نظري وهو الاصدقاء الغثة(اصحاب المزح الثقيل) وانا اتحملهم مدة وبعدها اضطر اقطع العلاقة

وودي اعرف وجهت نظركم فيهم لانهم موجودين وصعب التعامل معاهم ؟

هذا كل الي عندي واسف على عدم ترتيب الافكار

وش رأيكم بشهر رمضان المبارك ؟ وش هي أبرز إقتراحاتكم عشان الإخوان في إدارة المنتدى يلبونها لكم ؟

سؤال حبيت أعرف إجابته من الشباب في مجلسنا اللي يرحب بكل الأراء ههههه

مين مايحب العزوبية تكون مرتاح وتودع الايام الي فاتت

اقتباس :

تخيل نفسك في بيت شعر - خيمة - والفحم قدامك والشاي والقهوة جمبك . وحولك أعضاء المنتدى كلهم . تكلم وخذ راحتك وشارك معنا

ذكرتني باابو سيف ببرنامج زد رصيدك على قناة بداية..
قبل لا أقول رأيي... أتمنى لكل موضوع زمن محدد.. يعني في مواضيع ممكن تنتهي بأسبوع وفي مواضيع أكثر وفي أقل بعد.. الحقيقة ما أقدر أقول رأيي بالعزوبية والأصدقاء لأن وقتها انتهى وما ودي أخرب تناسق الموضوع وترتيبه...
راح أبدأ برمضان...
شهر رمضان وما أدراك ما رمضان ..؟؟
شهر تضاعف فيه الحسنات وتصفد الشياطين وتفتح أبواب الجنان وتغلق أبواب النيران وتصفد الشياطين وتصبح النفوس سهلة الانقياد الى الطاعات.. لكن مع تصفد شياطين الجن الا أن شياطين الإنس لايزالون موجودين ولربما طغت شرارهم على الجن حتى..في حقيقة الأمر لو أردت أن أتحدث عن هذا الشهر الكريم ربما أكون مقصرا فمقامي لايسمح لي بأن أفيض عليه مايستحفه...
أجدد شكري لجميع الأعضاء على مشاركتهم وأخي تركي على فكرته..

احياء للموضوع ......
رأيك عن القيادة المبكرة .. كم عمرك يوم كنت تسوق .؟ هل تؤيد القيادة من 17 وفوق أو أقل أو أكثر..؟
تسوق الآن ؟ رأيك في قيادتك وهل تتبع الأنظمة ؟

علموا اولادكم الرمايه و السباحه و ركوب الخيل

يعني يصير رجل خاط شاربه و هو ما يعرف يسوق عادي -_-

مع السواقه المبكره بس مو من اول سوقه الى خط السريع ههه تدرج

بالنسبة للسواقة المبكرة انا سقت بشكل كامل يعني اروح واجي على كيفي لمن كنت بصف ثالث متوسط قبل 4 او 5 سنوات .. بالنسبة للأنظمة السواقة عندنا تعبانة بشكل ونادر تحصل واحد يتقيد بالأنظمة عن نفسي مو دايما اتقيد بها يعني اذا الاشارة طولت وانا طفشان اقطعها مو مشكلة بس مو على حساب سلامتي او سلامة احد ثاني اذا كان الشارع فاضي عادي لكن لو مزحوم لا , كذا مرة طلعت فوق الرصيف عشان اروح للطريق الثاني اوقات الزحمة بس الحين سيارتي سيدان مافي مجال عاد اسويها , وبالنسبة للسرعة العادة اني لمن اطلع من الجامعه اكون طفشان وابغى ارجع البيت بسرعة اغلب الايام انا واثنين اصحابي نتسابق مين يوصل أول ههه بس الفترة الأخيرة بطلت الهبل ذا لأني كذا مره كنت باروح فيها والحمد لله ما عاد اسرع زي أول ..

وللي متحمس على السواقة أركد ترى راح تكره عمرك من المشاوير ,

بالتوفيق,

القياده المبكره ؟؟

اممم شوف انا اوافق عليها اذا تبي تعلم ولدك عليها او واحد يعرف يسوق للطوارئ يعني تعلمه او تخليه يسوق في منطقتك او في البر او الشوارع في المناطق الفاضيه لين يمسك الليسن و خله يروح وين ما يبي


اما في الكويت و خاصه في منطقتي في الصف السادس يعني ثاني متوسط يسوق بدون والي بس مو كلهم


انا سقت و عمري 17 عشان لا ابتلش في الاختبار


الصراحه اشوف من العمر 17 يمسك الليسن مو من ال18 و الي عنده ظروف يسمحون له من عمر 16


انا اسوق و اتبع الانظمه و الحمد لله الكويت بمنطقتي ما قمت اشوف ظاهره التفحيط ابدا يمكن بس في العيد سكران في اخر الليل سحب سايد على الماشي بس ^^


اممم قيادتي حلوه بنظري بالنسبه للي اشوفهم في الشارع و عشان كون صريح انا واحد من ربعي ضابط في المرور معلمني شنو اسوي عشان اتجنب الكاميرات


الله يستر على جميع اخوانا في الاسلام من شر الحوادث و يكفينا شر التفحيط



بضيف سؤال اذا تسمحون


الي قد ساق او سرق السيارة شنو مواقف صارت لك



امممم عني انا انا بغيت اقلب بس الله ستر



وشكرا...

احياء جديد للموضوع ..!!
مارأيك في التقليعات الجديدة عند الشباب بما أنك شاب أيضا ... أمثال / كدش , طيحني , الى آخره ..؟؟

هههههه

صرآحة بالنسبة لي أشوفها شغلآت فآضية حدها ومآلها دآعي ابد ^_^

وعن السوآقة سقت قبل سنة او سنتين ورأيي مثل حمد ^_^

يقول الشاعر ناصر الفراعنة:

"عيشتي ما بين اسود و لو ماني رئيس.. خير من كوني رئيس على شلقة تيوس"

كنت اسولف مع واحد صيني قبل شهور, و قالي ان المثل هذا معكوس بالصيني.. و قالي, عندهم المثل هو:

"منقار الدجاج خير من ذيل الاسد"

الامثلة طبعا متعارضة. بنظرة الشاعر ناصر الفراعنة, العيش بمكانة متوسطة لكن بين ناس اعزاء و شهماء, و ان كانوا عليك اولياء امر, افضل من كون المرء ولي امر على مجموعة من الناس المنحطين/اللئماء, و ان لم يكن المرء مشابهها لهم.

بالصيني العكس, المكانة تعتبر اهم و قيادة المرء لمجموعة من الناس و ترأسهم, افضل من تباعية الغير مهما كانت هويات الاشخاص التابعين او المتبوعين.

بالضبط مثل تناقض المقولتين التاليتيين (الاولى انا كتبتها.. الثاني بس عكست كلامي)
"قاع الذكاء خير من قمة الغباء"
"قمة الغباء خير من قاع الذكاء".

رأيكم بالموضوع؟ وين تشوف نفسك مقتنع بأي كلام؟ ام هل لك نظرة مختلفة؟ هل تعتقد رأي الفراعنة يعبر عن الفكر العربي السائد؟ هل تعتقد المقولتين تشخصان الاختلاف بين الفكر العربي و الفكر الصيني؟ جاوبوا على اي سؤال حابين, او بس علقوا على راحتكم.. الموضوع للتعبير عن النفس لا اكثر, مو شرط اجابة على الاسئلة الي حطيتها كمساعدة بس..

!!! Good idea
بسم الله الرحمن الرحيم ..
بما أني عربي فربما تكون وجهة نظري مختلفة الى حد ما ..
أولا يجب أن نعلم أن أي مثل يحتمل الصواب ويحتمل في الوقت نفسه الخطأ .. وربما نقول عن أي مثل أنه يمثل صاحبه فقط إلا إذا تم تبنيه من قبل جماعات أخرى .. كلام شاعرنا الفراعنة يمثله شخصيا , ولكني مقتنع بفكرته تماما.. فكوني عضوا مع الأسود يعني أنني أسد .. وكوني رئيسا على التيوس يعني أنني تيس !! وأعتقد أنني سأختار أن أكون أسدا على أن أكون تيسا . ! صحيح أن القيادة أمر مهم جدا , وربما تتفوق التيوس على الأسود إذا كان قائد التيوس بمستوى متقدم ,, ولكن في نظري تبقى الأسود أسودا , والتيوس تيوس !! ..
أعتقد أنني راح أخالف المثل الصيني , شخصيا أفضل ذيل الأسد على منقار الدجاج , فكوني في قمة الحفرة لايعني أنني أعلى من سفح الجبل أو سطح الأرض حتى !!
إحياء ممتاز للموضوع أشكرك جزيلا ناصر ..

اييه... على حسب تفسيرك للأمثال

اذا كنت ذيل للأسد يعني انك محتقر و كلنا ندري وين مكان الذيل

المنقار في الراس معزز و مكرم

ابو عادل : حلوه اللغه ههه

احياء للموضوع :مارايك بالسفر للخارج للتعلم؟+سياحة؟