ناصر مختفي هاليومين ,

سلام عليكم شباب ,

بس كلمني عز مطير بخصوص ناصر إنه عنده مشكله وجهاز أمن المعلومات عندهم في الكويت أخذوه معاهم للقسم , للحين مافي اي اخبار , ومو سامحين لأحد يكلمه غير اهله وراح يحاول عز مطير يوصلنا آخر الأخبار ..

اشفيه عسا ماشار

ان شاء الله تمشي الامور على خير و ما يصير شي و لا تطول هالفترة و يرجع بالسلامة

آخر الاخبار اللي وصلتني : أخذوا جهازه اللاب توب وفحصوه وطلعوا برامج خاصة بالتهكير وما زال في القسم عندهم ,

- ما اظن ناصر يتعامل اصلا مع برامج التهكير أكيد الموضوع فيه إن ! والموضوع اكبر من مجرد برامج تهكير وماليه البلد مهو بس هو , إن شاء الله سوء تفاهم لا اأكثر "

الله يستر عليه ان شاء الله و يكون سوء تفاهم
و الله ما يستاهل
و ان كانت السالفه سالفة هكر ما اظن انها راح تطول لأني ما قد سمعت في قانون ضد التهكير في الكويت
و هو قاصر يعني ممكن يتساهلون معاه
بس الي محيرني شلون صادوه o_o

ادعوله شباب تكفوووون

يارب تمشي بخير
الله يستر عليه
اتوقع سوء تفاهم او احد نكبة من اصدقاه بالكويت

الله يستر الله يستر

الله يحفظه أهم شي سلامته الجهاز في لعنه عادي !


و في 60 مليون هكر في الكويت حبكت على ناصر يعني !


و إن شاء الله ما تتأثر نفسيته من هالموقف و تأثر على دراسته


مشكور مصلح و أقول لو تتدمج الموضوع في صفحته الشخصيه يكون أحسن بس مادري أحس ما يبينا ندري بالموضوع هذا


دمتم بحب



(( تـــــــــحياتــــــــــي ))

مثل ما سمعت ان الكويت آخر فترة استضافت مؤتمرات عندهم خاصه بامن الملعومات وشددوا عليهم من هذي الناحية وأي بلد يطبق القانون , إن شاء الله السالفة بسيطة وما تستاهل , انتظر عز مطير يتواصل معاي عشان اخبركم بآخر الاخبار ,,

محمد , نزلت الموضوع هنا عشان كل الأعضاء يشوفونه ,

Koei رفعت على ناصر قضيه عشانه سرب معلومات , الله يستر

اي معلومات....?

اتوقع عن العاب

لا لا لا والله الان دريت اشاء الله خير
اخ عز انت من وين عرفت معلومة koei اذا موجودة بشي منتدى تخبرنة الله يخليك

ناصر ولد خالي ابوة قالي

لا حول و لا قوة إلا بالله


مصلح طوارئ أبيك بالماسنجر بسرعه


دمتم بحب



(( تــــــــــحياتــــــــــي ))

اعرف قرابتكم
بس لحظة اسال اخوي محامي و اشوف وارجعكم


تنبيه إداري : يمنع تكرار المساهمات

عز مطير كتب:

Koei رفعت على ناصر قضيه عشانه سرب معلومات , الله يستر

مع كل الإحترام والتقدير لك أخوي محسن والأخ ناصر السالفة غير منطقية بالمرة

Koei شركة كبيرة في اليابان وجمهورها كبير وصعب تتبع كل واحد ونشاطه عشان تحمي حقوقها الفكرية . والأخ ناصر كل اللي سربه معلومات عادية + تسريبات من أشخاص آخرين لأنه ناصر نفسه ما يعرف أي شي عن اللعبة عشان يسريه

بالنسبة لبرامج الهكر . على حسب إستعمال الأخ ناصر . وأنا كشخص أعرف ناصر من 4 سنوات تقريبا متوقع منه كل خير مع هالبرامج . لكني ما أقدر أحكم على إستعماله لها ولكني أفترض حسن النية للأخ ناصر لأنه إنسان ما عهدنا منه إلا كل خير

وبعدين العقوبات اللي تتعلق بوجود برامج هكر على أي جهاز كلها غرامات وحذف للبرامج . أما اللي يستعملها فأكيد راح يسجن ويعاقب عليها . وما أتوقع ناصر إستعملها لأهداف سيئة . بعدين المسافرين لأوروبا وأمريكا يطلب منهم بالعادة تنظيف أجهزتهم من هالبرامج المقلدة + برامج الهكر وإن ضبطوا يطلب منهم حذفها ثم السفر بدون مشاكل . يعني مسألة حمل البرامج مهي قضية أمنية أصلا

ولو حنأخذ هالسالفة معيار . كان نصف أعضاء المنتدى في السجون وهذا شي غير منطقي بالمرة . ناصر كل اللي سربه هو معلومات متداولة بين الناس بكل بساطة في منتديات أجنبية . أما لو -لا قدر الله- ثبت إستعمال برامج الهكر لأهداف سيئة فهذا يعتبر إستعمال شخصي وطبيعي يحاسب عليه

يا ليت إذا السالفة مقلب يوقف إلى هالحد لأنه السالفة كبرت . وعيب عليكم أصلا هالمقلب السخيف أمام أعضاء وزوار المنتدى . وإحتراما لخصوصية السالفة . أتمنى الأخ مصلح يحتفظ بالسالفة له لأنها ما تخص المنتدى لا من قريب ولا من بعيد . المسألة شخصية والمفروض ما تنزل في المنتدى أصلا

الحين koeiبتبطل الشغل يمكن توقف تنزيل الالعاب لما تحل المشكلة بس يارب ماتطول عشان ناصر يرجع لنا وkoeiتنزل العابها

انشاء الله كلامك صح تركي
انشاء الله يرجع بدون اي عقوبة وفعلا ناصر ما شفنة منة الا كل خير

يا ليت تسكرون على الموضوع وعلى هذا المقلب السخيف جدا

كل المكتوب في الموضوع كذب في كذب . إن كان مقلب فهو مقلب سخيف للغاية وللأسف طاحت أسهم أصحابه عندي بعد هذا الأسلوب التافه

الأخ ناصر داخل المنتدى حاليا وهو مخفي

سبق وقلنا شباب . المقالب مثل هذه تضر بالمنتدى . والسالفة باين عليها أنها غلط بغلط . ولكن للأسف يا ناصر . المقلب هذا سبب مشاكل للمنتدى لذلك لازم تتحاسب أخوي ناصر أنت والأخ عبد المحسن على هالحركة .

الكذب والنفاق أمام الأعضاء شي كبير يا ناصر . ولو كان مقلب لازم تحاسب على سرد القصة في المنتدى . المنتدى مهو مكان لعمل مقالب أو سرد قصص كاذبة

للأسف ابو بدر . ما قبلت منك هالمقلب السخيف أبدا وأتمنى تفكر بكلامي زين . وأتمنى من الإخوان بالإدارة يحطون حد لهالمهزلة . يحاسبون اللي فعلوها مهما كانت مناصبهم

الله يسامحكم

لا لا لا يا ناصر هالمقلب كان لعب با اعصابنة الله يسامحك
بس الحمدالله ما صار لك شئ