ناصر مختفي هاليومين ,

هههههه
و الله اني متوقعها اصلا اول ما قال ان *koei* رافعه عليه قضيه
على العموم نعيش و نأكل غيرها؟

اووف شنو هذا؟ >>> يا عيني على البراءة بس..

كذبة ابريل يا شباب, كل سنة و انتوا تاكلونها ان شاء الله ههههه ان شاء الله ما يصير في زعل و ادري تركي الظاهر ما درى انها كذبة ابريل و توقع اني انا و عز مطير مسوين الدقة في الادارة نفسها, لا ابشركم ترى حتى مصلح الشرير معانا في الدقة و هي بالاساس عمل اداري بحت ما سويته من ورى الادارة ولا شي ولا خالفت اي قانون بس اكيد لو الادارة يشوفون اني خالفت شي اكيد ما راح ينطرون احد يتكلم عن الموضوع و يعاقبوني و هذا شي عادي ولا اخاف منه.

بس كتنويه, الدقة كانت اكبر من جذيه بس الله ما كتب بسبب اشغال لجنة التكذيب ههه. كنا نبي نقول اني ضائع حاليا فنثير الخوف, بعدها نقول امن الدولة فنثير الاستغراب, بعدها نقول اني هكر فنثير الشك, بعدها نقول اني علمت على المنتدى و كوي تبي تسكر منتدانا فنثير الكراهية علي. ما سويتها عشان اثير التعاطف و اسكت لان الشي هذا يحرج اكثر مما يضحك,لكن قدر الله ان الدقة تتوقف الى يوم واحد ابريل و حنا للحين في مرحلة التعاطف فبينت كأني ابي اثير تعاطف الاعضاء معي و غيرها و هذا لا يمكن اسويه. اشكر لكم صدق كلامكم و تفهمكم للمقلب و تعيشون و تاكلون غيرها و شيبانا دايما يقولون احمد لله على الي عندك و حاليا عندنا صفحة كاملة ممكن نضحك عليها متى ما بغينا هههههه

بس كتذكير, الشغلة هذه موسمية عندنا و سويناها السنة الي فاتت بمقلب الفايرس. Kongming.net مسوي دقة السنة هذه ان الموقع كله صار عن لعبة البيسبول, السنة الي طافت قالوا اوباما من سلالة Cao Cao, الي قبلها قالوا الموقع صار عن بوكيمون (Pikachu, اسمه الحركي Pika كان من اتباع... الخ). شي طبيعي و الكل يسويه و عشان الضحك, كلها يوم واحد في السنة عشان نضحك فأتمنى محد يزعل و اذا صارت مشاكل من المقالب هذه حلها بسيط.. كذبة ابريل. كلمتين يحلون اي لبس يصير. KOEI Warriors سووا نفس الدقة السنة الي طافت انهم يبون يسكرون الموقع بسبب تسريب معلومات.

بخصوص السبب الي حطيناه على ان KOEI رفعت قضية علي, ترى كل ما كان السبب اتفه كل ما ضحنا اكثر عليه بعدين. كنا نبي نخلي العملية كبيرة حيل و جتني افكار اكبر خاصة بعد استقالة الحكومة الكويتية امس هههه حتى اننا كنا نبي نفتح موضوع تمويه على انه كذبة ابريل نقول فيه ان القذافي طلع من سلالة Yuan Shao.

على العموم, نشوفكم السنة الجاية بمقلب جديد. السنة الجاية اذا طبخنا الدقة و سويناها اتمنى الي ما يطيح فيها و يحس انها كذبة ابريل يقعد على كرسي المشاهد و ينظم لنا في الضحكات خلف الشاشات.. الشغلات هذه معظم الاحيان ما تصيد الا الاعضاء الجدد اصلا و نعتمد على الاعضاء الجدد انهم يسترون او يشاركونا.

معليش على التأخير في الاعلان لكن النت عندنا انتهى و عبيته على السريع, و انا و عز مطير نعتذر على اي ازعاج سببناه.

فرحان بعد ماازعجتنا ب الابريل بالمناسبة وش كذبة السنة الي فاتت

هههه , ناصر ترى ما شبكت الا دوبني وما شيكت على الايميل للحين !
بس الوضع تطور وهذا المطلوب هههه , ازيدكم من الشعر بيت , كذبة ابريل في السعودية تناقلوها الشباب ان بكره اجازة ( يوم البيعه ) وعندنا في الجامعه طلعت كذبه انهم راح يحذفون لفل انجليزي كامل ! السالفة ومافيها مقلب بسيط بمناسبة ابريل ان شاء الله كان خفيف عليكم وما شاء الله تركي كشف المقلب على طول وكنت اتمنى انه سكت وخلاه يمشي على الأعضاء صح انه شوي ثقيل لكن هذا المطلوب هه ,

بالتوفيق شباب ,

أنا وش دراني ماكنت موجود السنة الي فاتت وش دراني :D

الحقيقه مزحة مدري ش اقول عنها المهم طلعت مب هين ياناصر :D

المشكلة انا نسيت التاريخ اخ ناصر الله رحمك من ايدي ههههههه :D
بس حلوة ومشت علينة

الله ياسامحك يا ناصر انت و مصلح و عبد المحسن و الله اني صدقت المقلب و مقلبكم هذا قلب جدولي فوق تحت x_x

و كنت ادعوا لك في الصلاة و القهر كنت راح اكتب الدعوات في الموضوع
و يكفي ان اخوي بشير دايما يفاجأني مقالبه (الرجال متأثر بربعه)
لكن دام انكم راح تسونها كل سنه و في شهر ابريل
ان شاء الله اكون مستعد لها مع اني ما اهتم لهالاشياء الاعياد و غيرها من عادات اللي جابوها الغرب

الحين ابيكم تضحكون شوي شوفوا الدعوات اللي كنت راح اكتبها بالموضوع

اللهم يارب السماوات و الارض ساعد ناصر و اهله في محنتهم
اللهم ياقاهر الظالمين و يا منصر المظلومين استر ناصر و اهله
اللهم رب العالمين ابعد لسان الناس عن ناصر و اهله
اللهم يارب العالمين ارجع ناصر لاهله سالم غانم
لا اله الا انت سبحانك اني كنت من الظالمين

طبعا كنت ادعو في كل صلاة و كنت ناوي اقول للاعضاء يدعون لك

فبعد عرفت انه مقلب تذكرت مقالب بشير و اللي غاب عن ذهني دايما يسوي هالحركات لكنها صارت تنكشف بسرعة لما اقوله ( احلف) يسكت و يبتسم

وهاذي وحدة من مقالب بشير خلاني اضربه هو و ربعه

كنا بالصف الرابع اخذت تلفون اخوي سالم دون اعلمه( لاني كنت ابي اصور سيارة احد الاساتذه
الا و هي هامر كنت مجنون فيها دحين هي بنظري عادية) و حطيته بالشنطة و بشير كان داري
المهم مرت الحصص بسلام و لكن في الفسحة نادوني زمايلي عشان العب معاهم كورة القدم في الساحة
المهم بعد شوي جاني بشير مسرع و قالي الحق المدير يفتش شنط الصف طلع التلفون من الشنطة قبل
لا يكتشفه بدون ما اسمع الباقي ركضت و لما فتحت الباب و رشوا الربع علي الموية من ست غرش ماي
ملة ملابسي ماي و طبعا عصبت و كلهم هربوا المهم و لا واحد فيهم سلم من يدي

و الحين ان تذكرت هاليوم اضحك المهم ما توقعت منكم المقالب الرجاء لا تكررو هالمقالب الثقيلة ترى يكفي ان بشير دايما يسويها معاي =_=

و في نهاية كلامي اشكر تركي ضبطكم و انتم متلبسين كفوووو هههههههههههه

اصدمني اكثر ناصر

بس خوش مقلب

ههههههه

الحمدلله ما كنت موجود

هههههه الحمد لله عجبكم المقلب و اخوي بشار قام يحسسني بالذنب الحين هههه

لكن مشكور على صدق مشاعرك و بادرتك الطيبة - و ان شاء الله نشوفكم السنة الجاية في مقلب جديد.. منتظر Lu Xun ابي اشوف ردة فعله ههههه

و اشكرك اخوي بشار على الادعية مرة ثانية و جعلها الله في ميزان حسناتك, و حياك الله في منتدانا.

تقصد الاخ محمد !! ههههههههههههههههههههههههههه يا شريييييييييييييييييييييييييييييير عياااااااااااااااااااااااااااااااااااااارر
السموحة على اخر الكلمات خخخخخخخخخخخخ و الله انك تستحقها خخخخخخخ المهم الله يخليك لاهلك و تكون المقالب الجاية خفيفة و يبعد عنا الثقيلة اللي تجيب وجع راس و حالات نفسية ههههههههههههههههههههههههههههههههه و بصراحة المقلب فللللللللللة

مع كل تمنياتي بلغوا سلامي للاعضاء اللي اكلوا المقلب

ولله المقلب يا شيخ هههههههههههههههه الله يقلع بليسك يا ناصر ههههه

انا على بالي صج ومصدق السالفه
وبغيت انشر الخبر ونجيب لك درع الجزيره ههههههههههههههههههههههههه

ونجيب لك اكبر محامي بالولايات المتحده

دقه عجيــــــــــــــبه

أنا أول شي صدقت صح و الله


و عقب كنا نتكلم أنا و تركي


قالي تركي أنا أحس أنه مقلب أنا وقفت و أحترت و قعدت أحك راسي


و قبل تركي يكلمني بشوي قفلت موضوع أخبار اللعبه و كنت أنطر مصلح يشبك عشان أناقشه و أحذف الموضوع


عشان ما يلقون دليل <<< إذا هم أذكياء حنا أذكى



المشكله أنا أصدق بسرعه و حتى مقلب العام كليته أنا أول واحد هههههه



دمتم بحب




(( تـــــــــــحياتــــــــــــي ))