- اقتباس :
- 1- تعريف بنفسك و هواياتك ؟
أنا محمد شخصيه بسيطه جداً مرات أكون معقد في بعض الامورر و دايماُ أحب تكون سمعتي طيبه و أحب الناس تذكرني بالخير لأن ما يبقى للبني آدم في هذه الدنيا هو سمعتك مالك بيروح شكلك بيروح أملاكك بتروح كل شي يروح إلا السمعه (مادري طولتها صح هههه)
سؤال الهوايات جاوبته في المساهمه إللي قبل
- اقتباس :
- 2- ما هو أول رمضان قمت بصيامه ؟ وكم كان عمرك ؟ وأبرز المواقف فيه ؟
أممم يمكن في الصف الخامس الإبتدائي عام 1999 كان عمري 10 سنوات ما في مواقف بس كانت أمي لما يأذن المغرب تمدحني و تعلن الناس إللي موجودين في المائده معانا بأن محمد شوفوه صام ما شاء الله عليه رجال كبر هههههه
- اقتباس :
- 3 - كم مرة أفطرت وأنت صغير بدون علم أهلك ؟
كثير أيام الأبتدائي في صفوف الثالث و الثاني و الرابع
- اقتباس :
- 4 - موقف طريف لا يغيب عن بالك حدث لك في رمضان ؟
رمضان 2009 من العجله إللي فيني كليت تمره مع المدفع مش مع الأذان هههههههههههه
بس قضيت هاليوم عقب
- اقتباس :
- 6 - صف لنا برنامجك الرمضاني ؟
أمممم ماكو برنامج عادي أصلي الفجر و أقرأ قرآن لمدة ساعة و أسهر لين الساعة 6 الصبح كذا و عقب أقعد الظهر و أصلي الظهر و أرجع أنام و أقعد العصر أصلي العصر و عقب أقرأ قرآن لمدة ساعة و عقب أقعد أفرفر في التلفزيون لين يأذن و عقب أفطر فطور خفيف تمر و شوربه و أم بريد و عقب أروح أصلي المغرب و أرجع أشوف المائده مليانه اللهم لك الحمد و أفجر و عقب أروح أريح في غرفتي (أقعد ع النت أو أتكلم ف التلفون .. ألخ) و ساعة كذا و عقب يأذن العشا و أصلي العشا + التراويح و عقب أروح أتكي في المجلس لعب ورقة و سوالف و عقب أخر الليل أروح أتمشى في الدوحة شوي و نتسجر و نرجع المجلس لين يأذن علينا الفجر و نقعد شوي و أنا أرد البيت أشبك و هذا أنا شابك (أدري كتبت سيرة حياتي)
- اقتباس :
- 7 - ما هي الأكلات اللي تحبها في رمضان ؟
أنا أحب العيش كثير مثل أبوي و أحب اللحم و أحب المحلبيه و أحب العصيده بس تجيب لي حارق ما عاد أكلها واجد ألحين و أحب الفطاير البيتزا و غيرها و أحب الساندويشات يسون برجر و كلاب ساندوش في البيت بعد أحبه أحب كل شي تقريباً هههه
- اقتباس :
- 8 - شخص تفتقده في رمضان ؟
أووه ناس واجد أنا صرت متعود على فقدان الغوالي : جدي رحمة الله عليه و خالي رحمة الله عليه و ولد عمي و رفيجي حمد رحمة الله عليه و ولد عمتي محمد رحمة الله عليه
- اقتباس :
- 9 - مشاعرك ليلة الإعلان عن رمضان ؟
شوي هالسنه كانت عاديه مع فرحه أكيد لأن ما عندي إجازة هالسنه لرمضان رصيدي خلص
- اقتباس :
- 10 - هل تحرص على ختم القرآن في رمضان ؟
أكيد بس السنه إللي طافت وصلت للأخير بس ماقدرت أختمه لكن هالسنه بختمه إن شاء الله
- اقتباس :
- 11 - لو كنت الآن في ليلة القدر ماذا سوف تدعي لنفسك ؟
الله يغفر لي خطاياي و يهديني و يثبت قلبي على دينه و يوفقني في دراستي و يرزقني من فضله
- اقتباس :
- 12 - لو كان جميع الأعضاء أمامك حاليا وكنت تريد أن تدعو خمسة منهم للفطور عندك من تختار ؟
أدعيهم كلهم و من يعز عليهم بعد أنا كريم و ماحب أدعي خمسه فقط
- اقتباس :
- 13 - هل تفضل الفطور في البيت أم الفطور خارج البيت ؟
لا البيت أكيد أخذ راحتي أكثر
- اقتباس :
- 14 - مساحة مفتوحة لك للتعبير بما تريد ؟
تعبت أصابعي من الكتابه هههه
- اقتباس :
- 15 - ما رأيك في تقدم المنتدى منذ ان سجلت الى الان ؟
أكيد تطور كبير ممكن أنا من الناس إللي حاسين بهالتطور و التغير الجذري لأني تقريباً موجود في المنتدى منذ التأسيس
- اقتباس :
- 16 - كم مره افطرت و انت صغير ؟
بصراحه كثير ما أخبي عليك بس كنت صغير واجد بس من أول ما دخلت المدرسه و بديت أصوم بالتدريج يعني في الصفوف الأولى للأبتدائيه كنت أصوم لين الساعة 2 أو 1 الظهر و في نهاية المرحله الإبتدائية صمت صيام كامل
- اقتباس :
- 17 - ماذا تشعر لو كنت تكلم احد اصدقائك بعد صلاة العصر و هو في دولة اخرى و قال لك بأن اذان المغرب بعد 5 دقايق ؟
أكيد أحتر ههههه
- اقتباس :
- 18 - لو خيروك تكون مشرف أي قسم تختار ؟
أي قسم نقاشي
- اقتباس :
- 19-من هم الأعضاء اللي تود مصادقتهم ؟
و الله الكل أنا ما عندي حد معين عادي أحب اكون صداقات مع الكل
- اقتباس :
- 20-من هم الأعضاء اللي تتمنى تشوفهم؟
شفتهم ههههه بدون ذكر أسماء
- اقتباس :
- 21-من العضو اللي تحب يضيفك لقائمة الأصدقاء ؟
أي حد أنا أستانس إذا أشوف عضو طالب صداقتي و معلق على طول أقبل مهما كان حتى لو كان جديد
- اقتباس :
- 22-رأيك بـ الصداقـه بيـن الجنسيـن؟
عادي .. ما يهم أنا لي صدقات مع بنات من بلادي في قطر و كلنا على قلب واحد بنات و شباب لأن بلد غربه و كلنا نكون واحد و نساعد بعض
- اقتباس :
- 23-عضو عاجبتك صورته الشخصيه وتوقيعه ؟
أممم مادري ما أدقق كثير في هالسوالف قبل كنت أهتم كثير في هالسوالف ألحين عادي أي شي يمشي
ممكن شغل Yang Dyang يشدني أكثر
-------
قبل أجاوب على الأسئله الخاصه بالمنتدى أنا تراني مش متابع 100% هالأيام للمنتدى و الدليل توني أدري أني ضحيه في كرسي الأعتراف فـ بجاوب على حد معرفتي و على حسب ذاكرتي و على حسب إللي أشوفه قدامي و آسف لو ظلمت أحد من دون قصد
- اقتباس :
- 24-عضو نشيط... ؟
أممم أتوقع دانونه و Yuanrang
- اقتباس :
- 25-عضو مفقود... ؟
Fox و بو عادل و Gong Ji
- اقتباس :
- 26-عضو واثق من نفسه ... ؟
و الله مادري
- اقتباس :
- 27-عضو داخل مزاجك ... ؟
عادي كلهم
- اقتباس :
- 28-عضو تتمنى تلقتي به ... ؟
كل المقربين مني و إللي يعرفوني عدل
- اقتباس :
- 29-عضو مثقف ... ؟
ناصر و مصلح
- اقتباس :
- 30-عضو نفسك تغير اسمه ... ؟
مادري كل واحد و راحته ما أتدخل في هالأمور أنا و لا تهمني
- اقتباس :
- 31-عضو نفسك تكفخه هههه ... ؟
قبل Yang Dayang لكن هالأيام شكل المزاج التكفخ بيروح صوب Yuanrang
- اقتباس :
- 32-عضو نفسك تقول له ( برافو عليك ) ... ؟
كل المجتهدين في المكتبه و المتعاونين في الأحزاب شي حلو بصراحه
- اقتباس :
- 33- عضو تبي تهديه بيت شعر ايش هو بيت الشعر ؟
محد
- اقتباس :
- 34-ماهو رأيك بالحب ؟
هو الحياه .. حياه من دون حب ما تتسمى حياه أنا قلبي ينبض كل جزء من الثانيه بالحب لأمي لأبوي لربعي لوطني
- اقتباس :
- 35- صــف نفســـك بكلمتيـــن فقـــط..!
كسول و خجول
- اقتباس :
- 36 -مــاهــو الشــئ الذي ندمــت علــي عمـلــــه؟!؟
أني ما سجلت في الجامعة أول ما خلصت من الثانويه على طول
- اقتباس :
- 37 -كـلمـــة تمنيـــــت ان تسـتطيـــع سحـبهــــا؟!؟
و الله ما أذكر بس أتوقع شوي يصير لي هالموقف
- اقتباس :
- 38 -آخـــر شخـــص تتـــذكــــره قبـــل أن تنـــــام؟!؟
محد معين مرات يروح فكري لناس بعيده عن عيني و مرات يروح فكري بناس قدام عيني 24 ساعة ما في حد معين
- اقتباس :
- 39 -جــريمــة تتمنـــي لـــو تستطيـــع ارتكابهــــا؟!؟
لا مابي شي
- اقتباس :
- 40 -حمـامة زاجـــل حاملـــة رســالة لـك,,,من من تتمنـى ان تكــون؟!؟
أحتفظ بالإجابه لنفسي
- اقتباس :
- 41-شخـــص لطــالما حـــلمـــت بــــه؟!؟
أحتفظ بالإجابه لنفسي
- اقتباس :
- 42 -دمـعـــه انـذرفــــت رغـمــاً عنـــك؟!؟
كثير في وفاة المقربين مني
- اقتباس :
- 43 -مـوقـــف صــدمــك ولــن تنســــاه؟!؟
و الله ما أتذكر أنا ماحب ألحين أنصدم صرت أفكر مليون مره قبل أتخاذ أي موقف خوفاً من الصدمات لأن الصدمه متعبه
- اقتباس :
- 44 -شـخــص تتمنــي الإنتقــام منـــه؟!؟
بشار الأسد
- اقتباس :
- 45-شــئ او عمــل لا تستطيــع مســامحته؟!؟
المسامح كريم .. ربي يسامح شلون أنا ما أسامح و أنا عبد لربي ؟
- اقتباس :
- 46-شــئ او شخــص غيــّر مجــري حياتـــك؟!؟
الرجيم
- اقتباس :
- 47-حلم لا تستطيـــع تحقيقه؟!؟
أني أكون طبيب أو أدرس طب
- اقتباس :
- 48-كلمة تود سماعها كل يوم؟!؟
مديح لي
- اقتباس :
- 50 -طالع رحله بريه من تاخذ معك ؟؟
سليب باق .. جوالي و سماعتي .. زقايري .. و الأكل أجيبه لو ما كان موجود (أهم شي الكوافي و الحلاو و الشيبس)
- اقتباس :
- 51 - غرق المنتدى ومعك قارب مايشيل الا ثلاثه من تاخذ معك ؟؟
أغرق معاه هـع
- اقتباس :
- 52 - كم مرة تعرضت فيها للموت وشلون كان شعورك؟؟
مرتين .. شعوري حمد و شكر لله
- اقتباس :
- 53-مارايك بالاعضاء التالين
Kong Ming
YuanRang
Miaocai
Yang Dyang
Ziming
كلهم مميزين لو ما كانوا مميزين كان ما ذكرتهم في أسئلتك هذه و كلهم ما نستغني عنهم
- اقتباس :
- 54- ماهي اخر كلمة سببت بها الWu
و الله ما فهمت بضبط السؤال
دمتم بحب
(( تـــــــــــــــــحياتـــــــــــــــــي ))
موضوع: رد: كرسي الإعتراف 
الخميس 26 يوليو 2012, 7:35 am
) يقولون انك شايب وش تعليقك ؟
)