أسود الصحراء - قصة

اقتباس :

ماشاء الله أبداااااع....
طولت علينا بس صراحة طلعت حلوة كلها تكتيك وشغل نظيف...
ننتظر الجزء الرابع بشوق..
بس العملاء كم أعدادهم؟؟؟؟؟؟

ايه العطلة مرات تخليك مشغول هههه

العملاء الحرس كانوا 200 حسب ما قدروهم الشباب, و كان في ناس داخل و تم استدعاؤهم للقتال, يعني تقريبا 200+.

و على فكرة تعمدت اخلي العدد القليل ينتصر.

اقتباس :

ههههه , في دق كثير في الفصل هذا , اعجبني تصوير القتال وتوزيع الادوار والتخطيط بين الشخصيات لكن لمن رجعوا لداخل المدينة كانت التفاصيل قليله ,

بالتوفيق في تكملة القصة ,

ايه على اخر شي مليت ههه

بس على فكرة, بالبداية كنت كاتب الفصل على اساس ان الخطة راح تمشي 100%, بعدين يوم عدت الكتابة بسبب النت المعوق خليت الخطة شوي تتعثر بشغلات.

اقتباس :

ههههههه

قصة حلوة جدا منكـ نآصر

استمر على هذا الإبدآع...

عيونك الحلوة, تسلم على مرورك.

اقتباس :

هذا وراه سالفة طويييييلة

اقتباس:
بما فيهم الشاب الي التقى بناصر بالمسجد


الفصل هذا كنت ماسك الشاشة وأخاف أدخل فيها لكن الحمد الله أنه سلم

الولد هذا عضو عندنا و (عزيز) علي و كنت ابدخله بالقصة بس يوم شفته مقاطعنا صارله فترة, قلت خله على الجنب لين يرد هههه

و الحمد لله حمسك الفصل.

======================================================================

رجعوا الشباب الى جند, و استقبلهم الشيخ عبد الوهاب.

عبد الوهاب: "ها شباب, ربعكم وينهم؟"
سعود: "استشهدوا.. بس ترى قدرنا نفتح الفقيط"
عبد الوهاب: "لا حول ولا قوة الا بالله, على شان تفتحون الفقيط تخسرون كل ذولي؟ يا سعود لازم تفكرون بالناس الي يقاتلون معكم, ما يصيرون تلعبون فيهم لعب.. شلون ماتوا كل ذولي؟"
سعود: "والله عمي كانوا اكثر منا و متحصنين و متجهزين و مسلحين بأسلحة قوية مو مثلنا.. معظم الشباب استشهدوا مع محمد و مازن و هم يصمدون ضد هجوم العملاء الي كانوا مثل النمل"
عبد الوهاب: "يعني انتو توزعتوا؟ كان عندكم خطة؟ وش كانت خطتكم؟"
و شرح مازن الخطة للشيخ عبد الوهاب.
عبد الوهاب: "كان المفروض تاخذون خطط سهلة و تضمنون الفوز بطريقة اسهل او تنسحبون ابرك, لو الحين يهاجمونا راح يقتلونا بسهولة. خطة من هذه؟"
مازن: "خطة نا-"
ناصر عطى مازن نظرة غضب و سكت مازن بنص كلامه..
عبد الوهاب: "ايش؟"
مازن: "خطتنا!"
ناصر: "اي صح كلامك مازن, كلنا تشاورنا و اتفقنا على الخطة هذه. عمي كنا نحتاج نتفرق عشان نفرقهم و نشتتهم لانهم كانوا متحصنين بقوة. و خطتنا ما مشت صح لانهم طلعوا لقتال مازن و محمد على دفعات و هذا اخر دخولي للمدينة, و خبر الثورة تسرب و صار تجمعنا بالمدينة و حتى عدد الي ضميتهم ما كانوا مثل ما توقعنا... نعتذر لك عمي على الخساير هذه بس هذا الي قدرنا عليه و لو كنت معانا راح تتفهم الموقف لانهم كانوا واجد و اقوياء"
محمد: "طخونا بالار بي جي!"
سعود: "ايه مثل ما قالوا الشباب.. بعدين عمي يعني الحين جد راح يهاجمونا؟ صعبة.."
عبد الوهاب: "الشي يصير صعب اذا قلت عنه صعب. وصلتنا اخبار بقيام ثورة كبيرة و اعمال تخريب بمدينة السيول و الفيضانات بغرب المملكة و انتوا تقاتلون بالفقيط".
مازن: "اما..."

------

ارتاحوا الشباب باليومين الي بعدها و تعالجوا من اصاباتهم. و بدوا يتعلمون التخطيط, باليوم الي بعد رجوعهم مباشرة كانوا متجمعين عند الشيخ عبد الوهاب.

ناصر: "شباب شوفوا حاطينا على التلفزيون!"
سعود: "مازن طول شوي الله لا يهينك"
على مازن على الصوت, و تكلم مذيع نشرة الاخبار.. "كانت هذه ابرز العناوين. شنت قوات مسلحة يعتقد انها تتبع منظمة ارهابية هجوما فتاكا على مدينة الفقيط شرقي المملكة الكبرى. و في هذا السياق معنا مراسنا, عبود عبودي

"نعم هذا صحيح, لقد شنت قوات مسلحة ارهابية هجوما على مدينة الفقيط و تم احراق الكثير من المنازل و قتل الكثير من السكان من النساء و الاطفال. و كما هو ظاهر بالصورة فقد تم تفجير المطار بالقرب من المدينة و قدرت الخسائر بالالاف, و تم اغتيال الكثير من الرموز البارزة في المدينة. للأسف لم اتمكن من عمل مقابلة مع اي من السكان الذين نجوا من الهجوم الارهابي. هل تستطيع المملكة مواجهة هذه التحديات الداخلية اثناء حربها مع الشيتان الاعزم؟ هذا ما نتكر للزمن الاجابة عليه. عبود عبودي, قناة الخرابية, الفقيط".

ناصر: "الا ابن ال..."
محمد: "هواية يجذبوا!"
سعود: "قلبوا الموقف فوق تحت.. المدينة هم حرقوها, السكان ثاروا و هم قتولهم, النساء و الاطفال ما جيناهم.. حسبي الله و نعم الوكيل"
عبد الوهاب: "و المطار يا شاطرين؟"
مازن قام يصفر..

فجأة دخل عليهم الشاب الي التقى بناصر بالمسجد و قال للشيخ عبد الوهاب: "يا شيخ, في مجموعة كبيرة من الناس المسلحين بالطريق لنا! جايين من الغرب و الظاهر انهم الي هاجموا مدينة السيول و الفيضانات!"

عبد الوهاب بسرعة قام و وزع الشباب للحماية و تحصنوا كلهم و كل واحد مسك سلاحه و انتظر تقدم القوات. القوات كانت ضخمة بالعدد, تقريبا 300 رجل مسلح و جايين مشي بعد! اقتربت القوات و فجأة تقدم شاب بروحه الى معسكر الشيخ عبد الوهاب و شاف تحصن الشباب بنفسه و الشباب يطالعونه و مستغربين و هو يطالعهم بكل برود.. الجنود كلهم كانوا مصوبين عليه و ينتظرون الاشارة بالرمي من الشيخ.

و قام الشاب يطالع يمين يسار لين وقفت عيونه على الشيخ عبد الوهاب و تقدم له شوي شوي و الشباب يقربون منهم شوي شوي.. وقف الشاب امام الشيخ و يطالعون بعض بنظرات غريبة كأنهم يعرفون بعض. تقدم محمد و صوب المسدس على رأس الشاب و قال "هسى تاخذ خطوة وحدة, اطخك بالمسدس اطلع مخك من راسك!" الشاب انفجر من الضحك و طبطب على كتف الشيخ "عرفت كيف تجمع لك رجال يا شيخ". رد عليه الشيخ بابتسامة "و انت جمعت رجال يا مصلح".

و استقبلوا قوات مصلح داخل المخيم و كان الشباب شاكين بمصلح و يراقبونه.. و اجتمعوا بالديوانية للعشاء الي جهزه الشيخ عبد الوهاب لهم.

مصلح: "حبيت اشكرك على العشاء شيخ. زي ما انت عارف, هجوموا علينا العملاء بمدينة السيول و الفيضانات و قدرنا نفوز عليهم. و الحين انا قدرت اجمع الشباب الي هناك معي على اساس نجتمع معك بعد ما سمعنا بالحركتك هنا"

عبد الوهاب: "شرفتنا. شلون العملاء بالسيول, كان زينين؟"

مصلح: "لا كانوا حق يوم يومين و يموتون. الا قلي, ايش سالفة الفقيط؟ ليش دمرتوها؟ حرام ترى.."

رد ناصر: "اقول اسمع, لا تصدق الاعلام تراه كلام فاضي"

مصلح: "يا شيخ ورونا المطار منفجر! كيف كلام فاضي؟"

ناصر: "خلك من المطار, احتجنا نفجره يوم حاصرونا حصار تام. المدينة و الحرق و قتل الناس هذا ما سويناه ابد. الي ماتوا كلهم ماتوا من العملاء قتلوا الناس الي ثاروا ساعدونا".

مصلح ما رد عليه و ناصر شك ان مصلح ما صدقه.. عموما استمرت قوات مصلح معهم في المعسكر و حالة الشك فيه للحين عند بعض الشباب مثل ناصر و محمد, اما سعود مازن واثقين بحكمة الشيخ عبد الوهاب.

سعود لازم شاب اسمر ضعيف ياكل جنب مصلح, عمره شوي اكبر من الباقيين يعني ببداية الثلاثينات و يهمهم فقاله "عسى ما شر؟ شفيك؟"

رد عليه الشاب: "ااخ ادرس و اتعب بدراستي و اخر عمري انقط هني و اصير خارج عن القانون.."

سعود وقف دقيقة بعدين رد عليه "يوم كنت تدرس, كنت تدرس عشان تخدم بلدك. الحين قاعد تخدمها بس بطريقة ثانية".

رد الشاب : "بس انا خريج اكبر الجامعات بالمملكة و اخذت دكتوراه من جامعة بدولة الافرنجة, ما ينفع اقاتل"

سعود: "ما عليه يجيك يوم و تتعود, معك سعود."

تركي: "معك تركي"

و كونوا صداقة مع بعض..

===============

فصل قصير بس عشان ارتب الافكار شوي, منتظركم.

اقتباس :

تقدم محمد و صوب المسدس على رأس الشاب و قال "هسى تاخذ خطوة وحدة, اطخك بالمسدس اطلع مخك من راسك!"

مت من الضحك على هذي ههههههه , عجبني مشهد التلفزيون فكيت عليه ضحك وفعلاً الواقع كذا تضخيم وقلب وقائع ,

وعجبتني " مدينة السيول والفيضانات غريبة ما اضفت لها والحفر كمان هههه ,"

بالتوفيق ,,

ههههه

متفرع في اللهجآت نآصر منت سهل

القصة حلوة جدا كمل على كذا

ناصر الان شفت القصة بعد ما انت قلت لي عنهة
مشكور لان حاطني بالقصة
والمهم من كله انك ضبط اللهجة العراقية مع العلم انهة صعبة
وانا حاطني بطل ومقاوم وانا حلمي الدفاع عن وطني بس ودي اكبر اجاهد ضد الامريكان
وانشاء الله تكمل الرواية

بعد جهد مرير و تعب كثير, و تفكير ليس بفقير, كتبت الفصل الجديد ههه

اقتباس :

مت من الضحك على هذي ههههههه , عجبني مشهد التلفزيون فكيت عليه ضحك وفعلاً الواقع كذا تضخيم وقلب وقائع ,

وعجبتني " مدينة السيول والفيضانات غريبة ما اضفت لها والحفر كمان هههه ,"

بالتوفيق ,,

هههه دوم الضحكة. و ايه صح فيها حفر و جبال و زحمة و بيك, كل شي ههه

و جتني فكرة اسميها دجة هههه

اقتباس :

ههههه

متفرع في اللهجآت نآصر منت سهل

القصة حلوة جدا كمل على كذا

ههههه لا لي معلومات متفرعة باللهجات, الحمد لله القصة عاجبتك.

اقتباس :

ناصر الان شفت القصة بعد ما انت قلت لي عنهة
مشكور لان حاطني بالقصة
والمهم من كله انك ضبط اللهجة العراقية مع العلم انهة صعبة
وانا حاطني بطل ومقاوم وانا حلمي الدفاع عن وطني بس ودي اكبر اجاهد ضد الامريكان
وانشاء الله تكمل الرواية

الحمد لله عاجبتك القصة و الحمد لله ما قصرنا باللهجة.
----------------------------------------------------------------------------------------------------------------
كان الشباب قاعدين مع بعض بالديوانية.

عبد المحسن: مصلح, الشباب قالولي انك جيت مشي من مدينة السيول و الفيضانات؟ شلون؟
مصلح: ايوه و معي جيشي كمان! اقلك كنا بالسيارات جايين و بعد نص الطريق شوي تعطلت السيارات و نزلنا نمشي الين وصلنا جند"
عبد المحسن: و شلون مشيتوا كل المسافة هذه, ما مليتوا؟
مصلح: اخذنا كم يوم و حنا نمشي ترى و مرينا كذا بقالة بالطريق و ارتحنا, بس الشباب ملوا بالطريق"
عبد المحسن: و شلون شجعتهم؟
مصلح: قلت لهم في بجند غابة كنار و شهيتهم عشان يتحركوا بسرعة!"
عبد المحسن : ههههههه و الله ذكي!
مصلح: و انت دحين عرفت؟ هههه

عبد الوهاب اعطى مازن كتاب تخطيط: اقراه يمكن ينفعك يا ولدي..
مازن عمره ما حب يقرا و اخذ الكتاب و هو مو مقتنع و حطه بجيبه.

فجأة على التلفزيون طلع الجنرال ابو كرشة من جيش الشيتان الاعزم , و علوا الشباب على الصوت عشان يسمعون شعنده يقول.

ابو كرشة: "دول السهراء من زمان هق الشيتان الاعزم! نهن نهزرهم من التأدي على هكوك الشيتان الاعزم التاريخية"
بعد دقائق ترجم تركي الشفرة و عرفوا ان قصده ان دول الصحراء ملك للشيتان الاعزم و هي من حقوقهم التاريخية, الشباب ردة فعلهم كانت ضحك من غباء الجنرال ابو كرشة و بنفس الوقت نرفزة من غروره.

يجتمعون الشباب للنقاش في الخطوة القادمة.. التفوا كلهم بدائرة. جاء مصلح معه خريطة كبيرة و واضحة و حطها بالنص. ناصر ما انتبه و اخرج خريطته كان يبي يحطها بس لاحظ خريطة مصلح الي كانت اكبر و اوضح, قام يهم يهم ناصر و يقول بقلبه "ايه ايه خريطة كخشة, من قدك.. يصير خير ان ما كشفتك يالنصاب..". عموما يبدؤون التخطيط.

عبد الوهاب: انا اقول لو نهاجم المناطق الي حولنا عشان نجمع مجندين متطوعين افضل"
مازن: انا اتفق مع جدي
مصلح: بس الي عندنا يكفي. شلون تبينا نصرف على كل ذولي و تبي اكثر بعد؟"
محمد: ايه خطية عيني ما بيه اكل يكفيهم.. هيجي احسن

مصلح: "انا عندي مصادر تقول الشيتان الاعزم تبي تهاجم الضفة العنابية, لو تروح و ندافع عنها احسن"
ناصر بقلبه : الله ياخذك انت و مصادرك
بعدين يضيف بصوت عالي: انا اقول لو نخلي الضفة تنطر شوي, اذا فعلا الشيتان هاجمها نروح ندافع. الحين قوات درع الصحراء موجودة على طول الساحل و متجهزة تماما. انا اقول نروح نحرر ديرة البطيخ احسن
مازن: يوم جينا ديرة البطيخ كان في رمي صواريخ قوي
عبد الوهاب: بالضبط, صعب تحررها الحين ناصر. هذه ديرة كبيرة مو مدينة مثل الفقيط
عبد المحسن: لا عمي! نبي نحرر ديرتنا!
مصلح: ايش فيك انت, ما راح تقدر تقاتل هناك اصلا. بترجع لنا و ار بي جي خاش بدماغك"
ناصر: خلاص اجل انا بروح, باخذ معي ناس و بروح. من يجي معي؟

سعود: انا معك
مازن: طيب ناصر انا بروح معك مع اني مو مقتنع ابد
عبد المحسن: ناصر حتى انا خذني معك
ناصر: لا عبد المحسن انت بتقعد هني

مصلح: طيب و انا بروح الضفة العنابية, مين يجي معي؟ صدقوني ترى هم جايين زي ما اقول بالزبط"
محمد: خلاص اجل اني اروح معك مصلح

و انصرفوا الشباب كل واحد لداره بالليل..

سعود: ااخ بس لو كلنا نروح ديرة البطيخ, ودي احررها
ناصر: مصلح هذا يسوي نفسه فاهم.. نشوف شراح يصير..
مصلح: لو كل واحد يشغل مخه و يفكر بدون عواطف كان من زمان قدرنا نطلع من المشكلة هذه"

عبد الوهاب كان بمكانه مع تركي و هم الوحيدين الي ما راحوا..
عبد الوهاب: الله يوفق الشباب هذا.. كل واحد مهمته اصعب من الثاني.
تركي: اجميعن. اقولك يا شيخ, تدري اني مو مقتنع بكلامهم كلهم؟ ما يصير نتقسم كذا راح نضعف و للمعلومية راح نفشل بالمهمتين.
عبد الوهاب: و ليش ما قلت رايك و اشتركت بالنقاش؟
تركي: ... لا.. انا مالي شغل بالسوالف هذه خلني اشوف مستقبلي ابرك لي..
عبد الوهاب: تركي لازم اذا سويت شي, تحرص انك تبدع فيه. انت الحين قاعد معنا و تقاتل معنا, دراستك و توظيفك اجباريا راح ينطر. عط وطنك كل مواهبك ولا تبخل عليها.

انصرف تركي للنوم بعد ما ودع الشيخ..

===============================


اليوم الي بعده.. صحى تركي من النوم و راح للشيخ يركض. الشيخ كان قاعد بروحه..

تركي: شيخ, الشباب وينهم؟
عبد الوهاب: صلوا الفجر و راحوا للقتال, انت ليه ما رحت؟
تركي: انا صليت الفجر و رحت للفراش هههه ما توقعت يروحوا من ثاني يوم على طول.. صدق شغل مافيا ذولي..
عبد الوهاب: اقول اقعد.. ترى مافي الا انا انت و عبد المحسن بس.
تركي: شيخ ترى عندي فكرة فكرت فيها امس كنت ابغى اقترحها على الشباب بس مشوا.
عبد الوهاب: شنهي؟
تركي: عندنا قروش؟ ابغى اروح للثوحيين بالجنوب و ارشيهم لانهم ممكن في اي وقت يهاجمونا و يخونون الهدنة الي بين المملكة و بينهم..
عبد الوهاب: و تبي تروح لحالك؟
تركي: ايه يمديني اضبط اموري.
عبد الوهاب: طيب روح..

============================

بالفترة هذه قعد عبد الوهاب و عبد المحسن يتدربون على راحتهم و زود بعد..

==========================

-- في ديرة البطيخ

ناصر: شباب نبي ندخل من الفخجي و نروح لأقرب منطقة سكنية و نلتحم مع اي قوى معارضة شبابية. شرايكم؟
سعود: خلاص حلو. يلا نروح
و قادوا قواتهم الى منطقة قرة مباشرة و حصلوا كتائب تفتيش شيتانية هناك. قال سعود : شباب انا برأئي, البطيخ ديرة كبيرة لو نقتل الاعداء تدريجيا احسن. بعدين ترى حنا ما لنا امل نرجع الديرة على طول. انا اقول لو بس نساعد قوات درع الصحراء تتفوق على قوات الشيتان الاعزم احسن بواجد.
ناصر: لا! نبي نوصل للبعدلي!
مازن: طيب خلينا ندخل مع قوات درع الصحراء؟
ناصر: ايه عشان يطردونا مثل اخر مرة..

مشوا الشباب على خطة ناصر و استمروا بالقتال تدريجيا. استعملوا خطط المناورات عند المدارس و المساجد و ركزوا بالمقام الاول على قتل الحراس البسيطين و تجنبوا اي مواجهات مباشرة مع قوات الجيش الشيتاني.

في احد التقاطعات.. كان المتطوعين مسيطرين على الشارع و بالطريق لمنطقة عابر الجلي و منها الى منطقة الرقين. ما كانوا يدرون بالضبط شنو بالمنطقة, بس هم حسوا بالسعادة بتحرير سكان المناطق السكنية ففكروا يحررون المنطقة السكنية هذه. دخل مازن بالمقدمة, و قتل اثنين حرس بهدوء تام.

ناصر: سعود, ارمهم بالزبالة الله لا يهينك
سعود : ههههه ابشر!

و تقدموا الى ان وصلوا الى احد الحارات و سمعوا صوت ضرب قوي و شكوا انه قصف بس استغربوا وجود اسلحة قوية داخل حارات سكان, و وجدوا بيت صغير يتعرض للقصف من الدبابة الي بالشارع, و كان في صاروخ كبير داخل بأحد الجدران بالدور الثاني بس ما انفجر و عليه اثر دم و كان في ناس مصلوبين امام بيت الرقين و طلقات الرصاص تتطاير من و الى البيت. و هم قاعدين يطالعون المنظر المخيف هذا, و سعود قاعد يصور المقطع من هول الي شاف, تقدم لهم جنرال من الشيتان الاعزم بعد ما لاحظهم..

الجنرال: انتي تبين تروهين مأأهم؟
مازن: انت يال*** ما تستحي على وجهك تقتلهم؟
الجنرال على طول رمى مازن على قلبه و سدحه على الارض: "يلا دور منو فيكم؟ يلا يا هراس, امسكوهم!"
و قبضوا على ناصر, ناصر التفت يدور سعود بس ما حصله, بعدين شافه بعيد عنهم يصور من زاوية احسن و ما يدري عن مازن و ناصر.

ناصر: مازن! مازن! لااااا والله ما اهدكم يالملاعين..

و يربطون ناصر و يعطيه الجنرال ركلة مع بطنه و يأخذون جثة مازن بعيد عن ناصر.. و يرمون ناصر بالسجن و يغمى عليه من الضرب.

============================

يصحى ناصر بالزنزانة و يلتفت و يحصل عدد كبير من السجون, كل سجن فيه اثنين او ثلاثة و المكان كان وسخ و كان في حرس يفترون بالمكان.

؟؟؟ : اخيرا صحيت!
ناصر: ايه لو يجيك الي جاني الاقيك نايم الى يوم القيامة..
؟؟؟ : ههههههههههه شفيك معصب؟ تيك ات ايزي
ناصر: ذبحوا رفيجي! مات بسبتي! ما تبيني اعصب!
؟؟؟ : اووه انا اسف ما ادري.. عظم الله اجرك ناصر
ناصر: شدراك ان اسمي ناصر؟
؟؟؟ : مكتوب على قميصك ناصر..
ناصر: اها.. اجرنا و اجرك يا ... *يقرا الاسم* يا فلاح

===========================

بانتظار التعليقات..

حلو هذا الفصل

رأينا كيف ماتت أول شخصية

وجازت لي شخصية أبو كرشة اللي مت عليها ضحك ههههههههههههههههه

Dong Zhou هههههههههههه

ولا يوم الخريطة الكبيرة والكشخة حقت مصلح ههههههههههههههههههههههه

افاااا موتني ههههه

شكلي مو قوي بنظركـ بسس مآ عليه ههه

عجبني الجنرآل ذا ههه

بالوفيق بالتكملة

حبيت اوضح كذا شغلة:

- غابة الكنار و طريقة مصلح في تحفيز جيشه عبارة عن نغزة عن حادثة او قصة شعبية صينية عن Cao Cao, انه قام بنفس الحركة لكن حفزهم بغابة خوخ, انا خليتها كنار على اساس انه اقرب للواقع العربي. ادري ان كلمة كنار يمكن بس باللهجة الكويتية فلو واحد يدورها بجووجل يكون شي حلو.

- سالفة ابو كرشة, عبارة عن نغزة على شخصية واقعية اطلقت تصريح مشابه. فكرت ادخل شخصيات شريرة بناء على اقتراح احد الاعضاء.

- سالفة موت مازن, اتمنى الشباب ما يتضايقون من الشي هذا بس حسيت لازم يكون في تضحيات و اعطاء القصة طابع درامي لانها حرب و مو لازم كلها ضحك و قتال.

- بنفس الوقت لو تلاحظون في علاقة مضروبة بين مصلح و ناصر, هذه بالقصة مالها شغل بالواقع اكيد هههه و نفس الشي ان عبد المحسن صغير, تركي ما يبي يجاهد, مازن ما يحب يقرا, الخ هذه كلها شخصيات انا الفتها و مالها علاقة بطباع اعضاء المنتدى الكرام.

ايه حسبت ههه

انا احب اقرأ لآ تتهمني زور مرة ثآنية

ولآ تغآ{ من مصلح كثير لأنه أحسن منكـ هههه

الفصل ذا مليان اكشن , لهجة " مصلح " في الفصل ذا ضحكتني في كذا مكان بالنص وحكاية ال ( " ) دوبني الاحظها وضحكت عليها , "

فكرة موت مازن شوي استغربت منها مع اني دريت قبل ما اقرا الفصل وممكن المشهد اللي مات فيه شوي غريب , الفصل ذا كان فيه وصف للمكان اعجبني هذا الشي والمفروض تكثر منها عشان تقرب الصورة للقارئ ويتخيل القصة بنفس الطريقة اللي تتخيلها انت او تبغى القارئ انه يتخيلها ,

فصل حلو مع ان مازن الله يرحمه استشهد ههه ,

بالتوفيق,,

كل مره ودي ادخل و اعلق القى الشباب كاتبين الي ابي اكتبه ، خصوصاً مصلح

بس اشوف موت مازن شوي سريع ، حتى لو انك تبي تدخلنى جو درامي خليت موت شخصية مازن سريع و بدون هدف

موت المدنيين ممكن يكون كافي

بس اخيراً جاء دوري! بالله شد حيلك و اكتب الفصل الجاي ودي اعرف شخصية فلاح على فكره المناطق الي تتكلم عنها

قريبه حيل من المنطقه الي ساكن فيها! ما شاء الله عليك >_>

و من الجنرال ابو كرشه؟

و صراحه زاد اعجابي فيك يا ناصر

مازن: ههههه شرفت الموضوع و شرقت القصة

عبد العزيز: دوم الضحكة و ان شاء الله كل فصل يعجبك اكثر بعد.

مصلح: ايه هذه قلت لازم احطها " ههههه بس خفت محد يلاحظ. بالنسبة للوصف انا ضعيف فيه لاني اذا قريت قصص احسس بالملل اذا الكاتب قعد يوصف المكان و الجو و الوضع.. ما احس نفسي اتخيل شي بالعكس امل من التفاصيل هههه مدري احس القصة خاصة اذا كانت طويلة مثل أسود الصحراء لازم تكون على السريع. عموما بحاول احط تفاصيل قد ما اقدر و مشكور على الاقتراح.

فلاح: ايه انا ما اواطن الدراما فلا تتوقع مني افلح فيها ههه بس القصة طويلة و للحين ما جينا ربعها حتى, حتى الاعضاء مو كلهم طلعوا باللعبة فتقدر تستنتج الشي هذا. ان شاء الله مشاهد قتل الباقيين اخليها اكشن و لا تحاتي سالفة الموت السريع ما طافتني, بس قلت لازم في ناس يموتون بدون اهتمام هههه بخصوص المناطق, الادارة مراقبة كل تحركات الاعضاء ههه لا اضحك, صدفة مشت معي. بو كرشة غريبة ما عرفته, بقولك برسالة خاصة ان شاء الله. و شخصيتك ان شاء الله تعجبك بس راح تنطر لان الفصل هذا عن رحلة تركي ههه, و بالنهاية احرجتني بكلامك و ان شاء الله تعجبك القصة فلاح, على راسي والله.

بخصوص الكنار, بعد سؤال الي حولي, بالسعودي اسمه "نبق".

-----------------------------------------------------------------
- الى الثوحيين!

ودع تركي الشيخ عبد الوهاب و عبد المحسن و ركب سيارته و راح للجنوب الى الثوحيين. الثوحيين كانوا مسيطرين على مناطق جنوبية. اخذ له فرة بالمكان و حس نفس ضايع, بس مشى على الماجلان و راح جنوب جنوب ولا يدري بالضبط وين مكانهم بالضبط. عموما دخل منطقة مأهولة بالسكان البدو و ما يدري بالضبط وين يروح. صلى الظهر بمسجد و قعد يفكر, تركي كان بروحه بالمسجد بس بعد شوي بدؤوا الناس يجون بعد الصلاة بربع ساعة فاستغرب تركي على تأخر (الجميع) و بدؤوا يصلون و يضعون تراب امامهم و عرف تركي السالفة كلها و درى انه وصل لضالته.

بعد الصلاة, كل واحد راح لبيته و ضد المستر قاعد بالمسجد. راح تركي عنده و قام يكلمه

تركي: لو سمحت مستر الله يحفظك و يجزاك خير, سمعت ان الجهاد له فضل كبير بالاسلام و حبيت اجاهد بس ما اعرف. يقولون الجهاد انتهى بزمنا؟
المستر: ما شاء الله تبي تجاهد! الله يثبتك و يحفظك! في جهاد عندنا بس عند الثوحيين اذا بغيت تروح لهم
تركي: الثوحيين؟ سمعت شيوخ كثار يمدحونهم, يقولون انهم انصار ال البيت. كيف انضم لهم؟
المستر: ما ادري وين مكانهم بالضبط
تركي دس بجيب المستر 10 ريالات..
المستر: نشاطهم قل الوقت هذا ترى..
تركي زادهم 20 ريال
المستر: امم.. ترى الاسعار ارتفعت..
تركي زادهم 20 ريال
المستر: السدس ما قام يكفي.. الناس ما قامت تدفع..
تركي زادهم 20 ريال
المستر: المدام تبي تسافر الصيف هذا..
تركي ختمها بلكمة مع وجه المستر..
تركي: تبي تقولي ولا شلون؟ ترى افضحك و اقول المستر هذا ياخذ رشاوي و اصيح عشان يجون الثوحيين يذبحونك و اعرف مكانهم!
المستر: خلاص خلاص.. تحصلهم بالجنوب الشرقي, في تل عريض تحصل وراه خيام و فيها ناس مسلحين و واجد. ترى اذا رحت ما يعترفون بدين, يقتلونك.
تركي: مشكور مستر
و ياخذ تركي الفلوس و يمشي, و المستر قاعد يندب حظه..

و راح تركي للجنوب الشرقي و غرزت سيارته برمال متحركة قدام التل بكم متر.. نزل من سيارته و صعد التل, كان التل عريض فعلا و الهوا خفيف و شايل حبات التراب بالهوا. و بعد ما صعد التل, شاف منظر عظيم قدامه. على الاقل 100 خيمة بمكان صغير و الناس مسلحين كلهم بخنجر و رشاش و راح تركي لاول خيمة و اختبأ وراها. فكر تركي يتسلل الى خيمة الشيخ بس خاف ينصاد و يقتل على الفور, هو ما معه الا مسدس فما يقدر يسوي اشياء واجد.. فقال ان ذولي بدو, راح يقدرون الضيف اكيد.. و راح لهم مباشرة بدون لف و دوران و راح للجندي الي يحرس المدخل, و سمع صيحة جندي من فوق تل يقول "في غريب دخل المعسكر!" و بسرعة طلع صف كامل من المقاتلين كل واحد مصوب الرشاش على تركي.

تركي رفع ايده و راح بكل ثبات الى الحارس الي ماسك البوابة.

الحارس: ايش تريد؟
تركي: بغيت اقابل شيخكم, عندي له اخبار تسره
الحارس: خبرني ايش الخبر و انا انقل له الكلام
تركي: لا لازم اقابله بنفسي
الحارس: من تكون انت عشان تقابله من نفسك؟
تركي: انا تركي
الحارس: من تركي؟
تركي: ما سمعت فيني؟ انا تركي المملكة كلها تعرفني.. قتلت ناس واجد و فجرت مطار الفقيط قبل كم يوم و الحكومة تحاول تقبض علي بس ما قدرت
الحارس: يعني انت هزمت ناس واجد؟
تركي: ايه والله, اقسم بالله!
الحارس: امم لزوم نبلغ الشيخ.. يا مسعود, خبر الشيخ و قوله تركي يبي يقابلك!

راح مسعود, و هو احد الحرس الثانيين و دخل خيمة الشيخ.

مسعود: يا شيخ, وصل غريب يقول اسمه تركي يبغى يقابلك
الشيخ: من هذا؟ اذبحوه
مسعود: يا شيخ, هو يقول ان ضد الحكومة و له سجل قوي بالقتل و التفجير و عنده اخبار حلوة لك.
الشيخ يتنهد بعدين يقول : اجل دخلوه! هذا يبغاله جلسة استقبال!

و يدخلون تركي المعسكر. تركي لاحظ المعسكر مختلف تماما عن معسكرهم بجند. المعسكر هذا كان كله خيام, الكهربا كانت شبه معدومة, الناس كلها تجسد اعماق البداوة و البساطة و كل واحد معه رشاش و الخيام كانت قديمة و بالية و متراصة بمكان صغير, و را المعسكر كان مزرعة شافها تركي من بعيد قبل لا يدخلونه خيمة الشيخ.

الشيخ: ارحب! يا هلا والله! هذه الساعة المباركة, حياك حياك, اقلط.
تركي قعد و رد :هلا فيك يا شيخ.
لاحظ تركي ان الشيخ كان جسمه كبير و شواربه شكلها ما قد لمسها ابدا, و مبين عليه انه رجال كبير بالسن و مو متعلم تماما..
الشيخ: يا خدم, اكرموا الضيف اكرموه!
يروح الشيخ يصيح على الخدم داخل و يظل داخل شوي و يجي واحد من الخدم و يرمي قدام تركي عشبة كبيرة..
الخادم: كل كل يا تركي..
تركي: عفوا؟
الخادم: كل جعلك تحيا..
تركي: شايفني عنز؟ كيف تبغاني اكل عشب؟
الخادم: هذا جات, كويس اكله..

رد الشيخ و شاف تركي و قدامه الجات للحين ما قرب صوبه..
تركي بقلبه: اااه يا الورطة.. يبغاني اكل جات.. عشان ارد للعبد الوهاب مهلوس..
الشيخ: تركي, وراك ما اكلت؟ لا هذا مو مقبول ابد, اكل ولا ترى باذبحك!
تركي تردد بعدين قال بقلبه : الظاهر ذولي غير عنا.. بس يلا ان شاء الله تضبط..
بعدين قال بصوت عالي: اسمع يا شيخ, جاتك ما راح نقرب له الا اذا لبيت طلبي
الشيخ : هههههه القهوة عادها ما وصلت.. بس مو مشكلة اطلب امر, حتى اذا كنا قتلة, العادات ما نقتلها ابد..

تركي: اسمع يا شيخ. الحين الدول الصحراوية بحرب مع الشيتان الاعزم و بغيناك تساعد المملكة بالحرب
الشيخ: انت ما قلت انك فجرت و قتلت و المملكة تمشي وراك؟
تركي: ... بالضبط صحيح, انا ما احب المملكة ولا دول الصحراء, بس بنفس الوقت الشيتان الاعزم قاعدة تهيننا بالجنوب. لا تنسى انها ما ساعدتنا بالحرب الي فاتت
الشيخ: عادي, حنا نساعدها!
تركي: بس يا شيخ دول الصحراء ساعدتنا عام 2011 يوم شالت الطاغية الي كان يحكمنا. انا ما احب الدول هذه بس احس ان لزوم علينا نرد لهم الدين. اقل ما فيها ما نهاجمهم ولا نقرب لهم. الشيتان الاعزم ما ساعدتنا ابد و يمكن اذا انتصر الشيتان الاعزم يقتلنا.
الشيخ: و اذا انتصرت دول الصحراء ما راح تقتلنا يعني؟
تركي: دول الصحراء تخاف, ما تعادي الا الي يعاديها. حنا عشنا معها سنين نزعجها و ما تسوي لنا شي, بس يوم زودناها شوي بغت تفرك خشومنا بالحرب, و الشيتان ما ساعدنا مثل ما وعد. اسمع يا شيخ انا منكم و فيكم, انا اقول لو نناظر الحرب بين الطرفين و ما نسوي شي نندم عليه احسن. لو هاجمنا المملكة الحين و بعدين انتصرت المملكة بالحرب ما راح تخلينا, و اذا انهزمت بالحرب الشيتان ما نقدر نظمنه. انا اقول لو نقعد الى نهاية الحرب و نهزم الي يفوز فيهم افضل! نجهز انفسنا للحرب المستقبلية و هم يتعبون بعض بالقتال.

الشيخ: يعجبني تفكيرك يا ولد. بس التفجير الي صار بالفقيط, ما تعتقد ان ممكن المملكة ترمي اللوم علينا و تهاجمنا؟
تركي: لا ما عليك.. هم مركزين على الشيتان الاعزم و ما يبون تدخل من جهة ثانية.
الشيخ: خلاص! دامهم ما يبون تدخل من جهة ثانية هذه فرصتنا نهاجمهم و نقضي عليهم! كيف راح يقاوموننا؟ نحن معنا الشيتان الاعزم!

تركي قام من مكانه و صارخ على الشيخ: اسمع يا شيخ! المملكة فركت خشمك بالارض و لا احد فكك! المملكة جنودها فوق المليون جندي, و الميليشيا الداخلية اكثر من جنودها و يقاتلون على شان يموتون! العالم كله مع المملكة! انت و معسكرك هذا الصغير, تاكل الجات هذا و تهلوس و تشوف الدنيا بالمقلوب! اسمع يا شيخ, هذا تحذير. انا واحد قاتل بارجاء المملكة كلها, خسرت اهلي و اصحابي, رئتي مرتين انثقبت و تعالجت, تلقيت رصاصتين بفخذي و وحدة بكتفي و رقبتي انكسرت مرة و ذراعي ثلاث مرات. شفت ناس يقاتلون مثل الجن, اذا حبيت ان ترمل زوجتك, و تثكلك امك و ييتم اولادك, جرب تقاتلهم! انا عن نفسي جيت احذرك و بس, و باجلس على دكة البدلاء لين اشوف الوضع استقر, و انت حر.."

الحرس الي حول تركي كلهم رموا اسلحتهم و راحوا يترجون تركي يفكهم من المشكلة هذه, الشيخ ما عجبه الوضع هذا ابد بس سكت من الخوف و ما عرف شيقول.. تركي كلم الحرس و اقنع بعضهم بنضمون له و مشى معهم و الشيخ طايح على الارض.. طلع الشيخ من خيمته حافي و شاف تركي مع عشرات من حرسه طالعين بسيارات.. ركض بسرعة الشيخ يبي يلحق على تركي بس ما لحق عليه. قال الشيخ "... نسى ياكل الجات.."

===================

صراحة الفصل هذا اعتبره اسوء فصل حتى الحين برأئي, بس ان شاء الله الجايات احسن. حبيت اخلي فيه كوميديا شوي, و اكشف عن جانب من شخصية تركي (ذكي , سريع البديهة, شجاع) و حاولت محاولة بائسة اني اقلد سالفة Qian Zhao مع الـ Wuhuan بس الظاهر ما ضبطت معي ههه

بالعكس عجبني الفصل ذا والافكار والتصوير كان ممتاز والحوار عجبني ,

اقتباس :

قال الشيخ "... نسى ياكل الجات.."

ههههههه ,, بالتوفيق"

والله حلو ها الجزء

خصوصا أنه عن شخصية تركي

وأما

اقتباس :

قال الشيخ "... نسى ياكل الجات.."

هههههههههههههههه

ما شاء الله بدوي درجة أولى

حريص على الجات

دايم يهلوس

ههههههه
فصل اشوفه حاو مش سيء ابدا..

(شخصيتي كنها طولت ولا جاها دور)

و الله انا صريح, الفصل الي طاف مو عاجبني ابد.. بس يلا ان شاء الله الفصل هذا يسوى, الفصل الي طاف كنت في معظم اوقات كتابته افكر بالفصل هذا ههه

اقتباس :

بالعكس عجبني الفصل ذا والافكار والتصوير كان ممتاز والحوار عجبني ,

تسلم, من ذوقك هذا.

اقتباس :

خصوصا أنه عن شخصية تركي

ايه, هو الشي الوحيد الي يخلي الفصل يسوى ههههه

اقتباس :

(شخصيتي كنها طولت ولا جاها دور)

كل شي بوقته حلو, في كذا عضو بالقصة للحين ما بين و القصة للحين في مرحلة البداية ترى.

=================================================
الهروب!

بالسجن, كان ناصر و فلاح قاعدين بروحهم بزنزانتهم, المكان كان نتن و محد يقدر يعيش فيه و المعاملة من المجوس كانت من اسوء ما يكون, و اهم من هذا كله, التكيف كان عطلان..

فلاح: ناصر شفيك متضايق؟ خلاص خل الماضي وراك.. مو بس مازن الي ممكن تفارقه بالحرب هذه..
ناصر: بس هذا مات بسبتي يا فلاح, احس بالذنب..
فلاح: بس هو مات و خلاص عدت السالفة, اذا زعلت ما راح يرد.
ناصر: ...
فلاح: لو مازن معانا شراح يقول؟
ناصر: هه, راح يحاول يكسر الباب و ياخذ ثاره..
فلاح: و ما مداه يسوي الشي هذا, على الاقل سو الشي هذا عنه و اخذ بثاره..
ناصر: طيب.. بس شلون نطلع من السجن؟

قعدوا الشباب يفكرون, السجن كان شبه خالي اساسا بس في ست زنزانات و كل زنزانة فيها مسجونين, و كان في حارس قاعد بالممر بكرسي و يراقب الوضع. بعد الممر, فلاح كان يقدر يشوف في غرفة صغيرة فيها المفاتيح. الحارس قام من مكانه و راح طلع مفتاح من جيبه و فتح باب صغير بالزنزانة , مثل المدخل الصغير عشان يدخل الاكل داخل للمساجين, و راح فر على كل الزنزانات عشان يدخل الاكل و يقفل الباب.

يوم دخل عليهم الاكل, كان في صحن واحد صغير و مغطى, و الصحن نفسه كان قذر لابعد الحدود. فلاح قعد بالزاوية و يقول لناصر : لا لا لا تفتحه!
ناصر: ليه؟ شفيه؟
و يفتح ناصر الصحن و تصكه ريحة شوي و تسدحه.. يسكر الصحن مع ان الريحة طلعت بس خفت و بعد الصحن عنه.
ناصر: شنو هذا؟!
فلاح: هههههههههههه ما عرفته؟ هذا اش

فلاح قعد يطالع الصحن من بعيد و ناصر يؤذيه
ناصر: فلاح ليش دخلت السجن؟
فلاح: ذبحت واحد
ناصر: ليش ذحبته؟
فلاح: كان يغلط على احد رموزنا.. قمت خنقته من وراه و يوم مات, نحشت بس صادوني و الحين انا بالسجن على ما ينزل حكم الاعدام..
ناصر: اووف...
فلاح: اقول ناصر, عندي فكرة..

و يقول فلاح فكرته لناصر, ناصر مو متأكد من نجاحها بس ما عندهم شي يخسرونه..

فلاح يروح عند الصحن, و ناصر يروح عند الباب..

ناصر: يا حارس.. انا و صاحبي ما نحب الاش, فحبينا نعطيك اياه , اكيد تحبه
الحارس: امم زين, اتيني اياه
و بدل ما يعطيه الصحن من الفتحة, يسحبه من ايده الى داخل و يبدأ ناصر و فلاح يلكمونه و ياخذون منه المفتاح للباب الصغير و يطلعون شوي شوي زحفا.

ناصر: حسيت نفسي ضب..

شوي شوي بعد ما طلعوا, يبون يروحون للغرفة عشان يطلعون, المساجين كلهم شافوهم و راحوا عند الباب و قعدوا يؤشرون عليهم و يترجونهم عشان يطلعونهم..

ناصر: اسكتوا! اسكتوا فضحتونا!
فلاح: لا تخافون شباب الحين نطلعكم معانا
ناصر: شنو؟ ليش تطلعهم؟! خلنا ننحاش..
فلاح: ناصر, تدل الطريق؟
ناصر: لا كان مغمي علي..
فلاح: اجل اسمع الكلام

و يروحون للغرفة الي فيها المفاتيح, و يشوفون جندي قاعد على الكرسي..

ناصر: لحظة عندي فكرة..

و يروح ناصر ياخذ الاش الي كان بالسجن و يحطه بالممر, و يندسون ناصر و فلاح قريب..

الجندي: ااوه هزا اش! منو هزا خبل ما ياكل؟

يطلع الجندي ياخذ الاش, و يشوف زنزانة الشباب فاضية, يلف راسه و يشوف فلاح و ناصر, يستلمونه بكسات و يدخلونه بسجنهم القديم مع الحارس الثاني. ناصر يروح يراقب الباب, و فلاح ياخذ المفاتيح و يرميها داخل عند المساجين و بظرف دقايق الكل طلع من السجن.

ناصر: فلاح, برى في سيارات نقدر ننحاش.. بس ترى في حرس..
فلاح: كم واحد؟
ناصر: اربعة
فلاح: يلا شباب, كل واحد ياخذ له شي يطق فيه

الناس قعدوا يطالعون بعض, ما يدرون شنو ياخذون. قام ناصر و رمى الكرسي على واحد, و الطاولة على الثاني, و قال: يلا كسروها لقطع خشب و كل واحد و سلاحه..

ناصر اخذ الصحن الي كان فيه الاش بعد ما فضى الاش على روس الجنديين, و فلاح ما كان عنده سلاح, و اندسوا بقرب الباب

واحد من المساجين: انا عندي خطة.. نبي نفاجؤهم, خلاص نرفس الباب و نقول هجوووووم و نقتلهم!
فلاح: يالخبل, اذا قلنا هجووووم راح يدرون اننا راح نهاجمهم...
المسجون: طيب انا عندي فكرة عشان نفاجؤهم, نطلع و نقول دفااااااع و نهاجم؟
فلاح طق راسه بأيده من القهر, و ناصر طق رأسه بأقرب طوفة..

طلعوا الشباب و كل اثنين مسكوا واحد و بظرف ثواني, قدروا يقتلون الاربع جنود بسهولة.. و ركبوا كل واحد بسيارة, كانت المفاتيح بحجرة حصلوها عند المصافط.

ناصر: وين فلاح..

فلاح: اا--اا-اا-ههه

جا ناصر و حصل جندي خانق فلاح من وراه بحبل, و يقرب ناصر و يعطيه وحدة مع راسه و يسدحه

فلاح تنفس بسرعة: كل هذا عشاني خنقت خويه..

و يردون, يلقون كل السيارات مأخوذة الا سيارة وحدة, قديمة, و معفنة.. بعد خمس محاولات لتشغيل السيارة, اشتغلت و مشوا و قدروا يلحقون على المساجين..

على الحدود البطيخية - المملكية

فلاح: ناصر الحين وين تبي تروح؟
ناصر: قطني عند الشيخ عبد الوهاب.. الله يعيني, شلون بقوله عن مقتل مازن.. والله للحين مدري شلون اواجهه..
فلاح: لا تخاف انا بروح معك, اعرف اتعامل مع الشيبان..
ناصر: ههههه فلاح ليش ما تصير معانا؟
فلاح: تحتاجوني؟
ناصر: ايه, نبي مخطط مثلك, صراحة ما توقعت اننا راح ننحاش من السجن بالطريقة هذه. لو اني مكانك كان عانيت, و كان طلعت لحالي بدون المساجين, و كان انهرست من الحرس الي برى..
فلاح: ههههه طيب, بروح معكم

=================================
في اليوم السابق..

تركي رجع للمعسكر في جند, و سمع صوت طلق نار في المعسكر و شاف دخان يتصاعد منه, و بسرعة داس بالسيارة اسرع ما يقدر و وصل للمكان و طلع من السيارة ركض, رفس الباب و صعد داخل غرفة مازن و اخذ الرشاش القديم ماله, و راح لغرفة الشيخ و لقاه مرمي على الارض..

تركي: شيخ!! شيخ!! وش صار!!
الشيخ عبد الوهاب, بابتسامة بسيطة و عيون دامعه : تركي.. المجوس هاجمونا.. كح كح..
تركي: يا شيخ امسك نفسك!! الحين اتصل على الاسعاف
الشيخ عبد الوهاب: اسمع يا تركي, بديت احس ان رجولي صارت باردة و اصابعي قامت تسكر.. تركي خلاص هذا وقتي كح كح ...
تركي: لا يا شيخ لا-
الشيخ: كح كح .. اسمع تركي.. انا قلت لكم ان شغلكم تطوعي, ترى انا عندي اوامر من الحكومة اجمع المتطوعين بطريقة اسلامية للقتال كح كح اسف اني خبيت كح كح الشي كح كح
تركي: ما عليك, عادي ما يهم..
الشيخ: ااااه.. تركي اسمع زين.. لا توقفون الا و راس كسرى بالطين.. و المسلمين بأمان..
تركي و الدموع بعينه :ما يحتاج توصي يا شيخ..
الشيخ: و ناصر.. وص ناصر قوله يعطي عبد المحسن فرصته.. فرصته..

توفي الشيخ عبد الوهاب, شاله تركي و حطاه على جنب الغرفة و غطاه و راح يفتش بالمعسكر المشتعل بالنيران, و راح لغرفة عبد المحسن و لقاه ماسك رشاش و طايح على الارش, و قدامه جثتين..

عبد المحسن: تركي!
تركي ساعد عبد المحسن يقوم, و طلعوا برى و شافوا جثث طايحة, تقريبا 7 جثث..

تركي: كم واحد هاجموكم؟
عبد المحسن: وااجد.. انا اندسيت و ما قدرت اقتل الا الي قدامك, الباقيين حرقوا المكان و انحاشوا قبل لا اسوي شي.. اقول خلنا نروح عند الشيخ عبد الوهاب نشوف شلونه..

تركي: الشيخ عطاك عمره عبد المحسن..
عبد المحسن: لاااا!!!

و شافوا البيت الي كان فيه الشيخ, محترق على الاخر و انهدم.. و بعد ما هدىء عبد المحسن, راح يساعد تركي باطفاء المعسكر, و كلهم الدموع بعيونهم و مو قادرين يستوعبون الموقف.. ولا يدرون شلون يبلغون الشباب بالاخبار هذه.. كانوا يتمنون لو ان هذا كابوس و راح يصحون بعده..

=====================
بالطريق, اتصل تركي على ناصر..

ناصر: هلا تركي..
فلاح: الله يعينك الحين شلون تبلغه..
ناصر: ايه تركي.. حنا الحين.. امم.. حنا بالطريق, اذا وصلنا نخبرك بالي صار معانا..
ناصر: اعطيك مازن.. لا مازن مو معي الحين..
فلاح: قوله و اخلص..
ناصر: لا والله!! انت من صجك!! لا حول ولا قوة الا بالله.. انا لله و انا اليه راجعون.. تركي اذا وصلنا نتفاهم.. سلام"
فلاح: شنو؟ شصار؟
ناصر: عندي خبر حلو و خبر خايس..
فلاح: شنو الخبر الحلو؟
ناصر: ما راح اقول للشيخ ان مازن استشهد..
فلاح: ليش؟ و الخبر الخايس؟
ناصر: الشيخ عبد الوهاب استشهد!! و حط ناصر راسه على الطبلون.. و فلاح ساكت ما يبي يقول شي..

فجأة بعد دقايق.. دب! دب!

فلاح: ناصر! منو هذا الي دعمنا؟ الظاهر واحد من الي طلعناهم منشع.. دقيقة بطلع بشوف شصار..
ناصر: ...

بعد دقيقة..

فلاح: ناصر.. في واحد مجسم و معصب حيل يبيك برى.. شكله ناوي لك..
ناصر: شنو؟ يلا اوكي بشوف شعنده..

طلع ناصر برى السيارة, و راح ورى السيارة. بالوقت هذا, المساجين انبتهوا ان الشباب وقفوا فرجعوا لهم قري..

ناصر: .....
؟؟؟؟: ....
فلاح: تعرفون بعض؟

ناصر: م-مم-- مازن؟!
مازن: لا راجو.. ايه مازن! مالك خليتني اموت؟
ناصر: انت.. ما مت؟
مازن طلع الكتاب الي اعطاه اياه جده الشيخ عبد الوهاب, و رماه على ناصر.. ناصر لاحظ ان في حفرة كبيرة بالكتاب و تمتد الى اخر عشر صفحات بعدين توقف.. بعدين رمى مازن على ناصر رصاصة, و ناصر لاحظ ان حجم الرصاصة يملىء الفتحة الي بالكتاب..

ناصر: ههههههه! يعني الحين الكتاب هذا انقذك؟
فلاح: مازن.. هذا كتاب فن الحرب! تستعمله كدرع؟ حرام عليك!
مازن: من هذا؟
ناصر: هذا فلاح, طلعني من السجن.. انسجنت يوم تلفظت على الي رماك, بعدين طقوني و صحيت بالسجن و ظنيت اني شفتهم يسحبون جثتك..
سعود: ناصر كلش ساحب علي انت ههههه
ناصر: لا بس خوفني اندتيكر شوي.. الحمد لله على سلامتك..
فلاح: اووه بطيخي ثالث.. تشرفنا!

مازن: ناثر..

ناصر: ههههههههههههه! وين ضروسك!
مازن: يوم وقعت على الارض كثرتهم, بثببك!
و مازن يعطي ناصر لكمة مع بطنه..

ناصر: هه- عشانك ما مت, بطوف لك هذه.. لا تثويها مرة ثانية هههه
مازن عصب..
فلاح: اقول مازن, عقب ما رموك, شصار فيك؟
مازن: وقعت على الارض و يوم طالعت الدم حثبته من ثدري و هو من ضرثي فاغمى علي و ثحبوني و رموني بمخزن فيه جثث.. طلعت و لقيت ثعود, و ركبت معه و ردينا مع الجنود الي تركناهم..

ناصر: و قمت بالمخزن و رديت؟ ما كان في حراسة؟

مازن: كان فيه حراثة.. بث حارث واحد..
فلاح: قتلته؟
مازن: لا.. تعرف ريزيدنت ايفل؟
فلاح: ايه.. قد شفته..
مازن: الجندي طلع متأثر فيه ههههه

فلاح: هههههه شافك و انحاش!

ناصر: اقول يا شباب, حنا متطوعين نقاتل بمعسكر لنا في جند, نساعد المملكة و دول الصحراء بالحرب ضد المجوس, الي يبي ينضم لنا حياه الله و الي يبي يروح ما يشوف شر.

قرر عدد جيد من المساجين الانضمام, و جزء بسيط قرر السفر لأقرب مدينة..

ناصر: طيب مازن ليش تدعم سيارتي؟
مازن: اقول, اثكت انت رافع ضغطي..

و يركب كل واحد سيارته و يكلمون السفر.. ناصر و فلاح و المساجين و سعود و مازن و الجنود, سدوا الطريق من الزحمة..

فلاح: متى بتقوله عن الشيخ؟
ناصر: مادري.. كنت ارتب كلامي عشان اقول للشيخ عن وفاة مازن, بعدين من هول خبر وفاة الشيخ نسيت كل شي, بعدين الحين طلع مازن حي.. مخي انعفس..
فلاح: امم.. اوكي..
=================================
سالفة رجوع مازن كنت مخطط لها, بس سالفة الضرس الي انكسر جتني امس من محادثة مع مازن ههههه

ان شاء الله القصة ما تكون ثقيلة عليكم شباب و يعجبكم الفصل.

و اي شي ما ينبلع طوفولي هههه

القصة روعه بس في سؤال

عدد لا بأس به من المساجين ؟؟ و انت تقول 6 زنزانات و ناصر و فلاح مع بعض ؟؟


باقي 5 زنزانات x2 الناتج 10؟؟؟ و في ناس سافروا؟؟؟ يعني باقي اقل من 9 على الاكثر لو اعتبرنا ان 2 سافروا بس يعني انضم لكم تقريبا 8 ؟؟

الي ابي اوصل له





















...

















,,,











::::: <<< عبط ؟؟




















""""""" <<<<<< اسف



















شكلي طولت الي ابي اوصل له 8 مساجين عدد جيد ؟؟ <<<<<< سؤال متعوب عليه >>>>>> لا تتهور ناصر و تذبحني



وعفوا

ههه ما شاء الله عليك يا ناصر القصه ممتعه و اسلوبك يجذب للقراءه ما ادري شنو اقتبس و شنو اخلي

اعجبتني شخصية فلاح العبيطه ، بس صراحه خبر موت عبد الوهاب و انقاذ مازن قلب القصه فلم هندي

تصدق من يوم ما شفت الكتاب وأنا أحس له دخل في السالفة

لأني تذكرت حصلت لكونان(مب لم درب)

واحد حاول يطعنه وكان لابس قلادة حظ(أستغفر الله) وجت السكين مع مكان قلادة الحظ فنفس السالفة توقعتها

اقتباس :

واحد من المساجين: انا عندي خطة.. نبي نفاجؤهم, خلاص نرفس الباب و نقول هجوووووم و نقتلهم!
فلاح: يالخبل, اذا قلنا هجووووم راح يدرون اننا راح نهاجمهم...
المسجون: طيب انا عندي فكرة عشان نفاجؤهم, نطلع و نقول دفااااااع و نهاجم؟
فلاح طق راسه بأيده من القهر, و ناصر طق رأسه بأقرب طوفة..

هههههههههههههههه
هذي ضحكت عليها لين شوي ويغمى علي...
عشان نفاجئهم نقول دفااااع هههه
ناصر لو تألف مسرحيات كوميدية راح يذيع صوتك..
وسالفة الضرس حلوة كرة صراحة...

اقتباس :

ناصر: فلاح ليش دخلت السجن؟
فلاح: ذبحت واحد

مجرم يافلاح الرجل يسألك ليش دخلت السجن وبكل سهولة بكلمتين (ذبحت واحد)

اقتباس :

لأني تذكرت حصلت لكونان

الي صارت لكونان طعنة سكين..
في موقف صار ل(تكاجي) مشابه تماما لموقف مازن..
الرجل شال معه حجر ماهونج وطلق عليه واحد رصاصة وجت بالحجر...ونجا..

اقتباس :

شكلي طولت الي ابي اوصل له 8 مساجين عدد جيد ؟؟ Embarassed <<<<<< سؤال متعوب عليه >>>>>> لا تتهور ناصر و تذبحني cyclops

الي يريحك, ثمانية- عشرة- خمسة, كيفك ههه

لا تدقق حمد ترى كل القصة شغل عالسريع ههه

اقتباس :

ههه ما شاء الله عليك يا ناصر القصه ممتعه و اسلوبك يجذب للقراءه ما ادري شنو اقتبس و شنو اخلي

اعجبتني شخصية فلاح العبيطه ، بس صراحه خبر موت عبد الوهاب و انقاذ مازن قلب القصه فلم هندي Mad

اهم شي عجبتك شخصيته, للحين فيها جوانب ما انكشفت و ان شاء الله الشخصية تعجبك.

بخصوص الفلم الهندي, اتفق معك هههه بس خلاص تعود على شغلات ما تنبلع لسبب راح ينكشف قريب ان شاء الله.

اقتباس :

تصدق من يوم ما شفت الكتاب وأنا أحس له دخل في السالفة

لأني تذكرت حصلت لكونان(مب لم درب)

واحد حاول يطعنه وكان لابس قلادة حظ(أستغفر الله) وجت السكين مع مكان قلادة الحظ فنفس السالفة توقعتها

الفكرة اخذتها من لعبة او فلم بس ما اذكر... اظن Kessen III او يمكن فلم..

اقتباس :

هههههههههههههههه
هذي ضحكت عليها لين شوي ويغمى علي...
عشان نفاجئهم نقول دفااااع هههه
ناصر لو تألف مسرحيات كوميدية راح يذيع صوتك..
وسالفة الضرس حلوة كرة صراحة...

هههه دوم الضحكة

==========================

بعد غياب 8 ايام بسبب ظروف خارجة عن ارادتي, رجعت بالفصل البسيط هذا ان شاء الله يعجبكم.

--

رجعت قوافل قوات المتطوعين الى جند, و دخوا القرية و شافوها رماد بعد ان احترقت عن بكرة ابيها و ما بقى الا المصلى الصغير الي كانوا يصلون فيه جماعة. كانت الحالة فوضى تامة و الكل ينبش بالتراب و يدور هني و هناك, و تركي و عبد المحسن قاعدين يهزون راسهم و سعود يسألهم و هم يشرحون له شوي شوي.. و فلاح قاعد يتأمل الناس الي تبكي و الي تصيح و الي تدور بمكانها من الخبر المخيف لهم.. محد غير ناصر و فلاح كانوا يدرون عن السالفة هذه.. التفت فلاح يدور ناصر و ما حصله.

ناصر كان يحوس من زاوية الى زاوية و لقى مازن بالمصلى ماسك سجادة جده الشيخ عبد الوهاب و يبكي عليها..
ناصر: مازن, ما عليه قدر الله و ما شاء فعل.. عظم الله اجرك و الموت حق..
التفت مازن و مسك ناصر من قميصه و رفع فوق و الدموع بوجهه الي صار احمر من الغضب..

مازن: ناصر. اثكت. لا. اعيد. ترتيب. ملامح. وجهك!
ناصر بلع ريقه و سكت..
مازن: الحين منو الـ *** ابن الـ *** الي قتل جدي؟
ناصر: و انا شدر-
مازن يلكم الطوفة و يسكت ناصر.. يقوم ناصر يمد ايده بجيبه شوي شوي بدون لا يلاحظ مازن..

مازن: ناثر.. متأكد انك ما تعرف؟
ناصر: لا والله ما ادري.. بس ترى السالفة واضحة.. اكيد الشيتان الاعزم او -
مازن يلكم الطوفة مرة ثانية و يسكت ناصر.. يد ناصر توصل الى تلفونه و شوي شوي يضغط رقم سعود..
مازن: مالك عسى تشتي ملاطيم أنتا.. أنت مالك الشيتان مقد دريوا.. اكيد العملاء لهم دور.. انت و خططك الغبية فرقتوا المقاتلين و قللتوا الحراثة في جند و قدروا يقتلون جدي بثهولة..

ناصر: مازن, ترى مو بس انا الي خططت. مصلح بعد قال يبي يهاجم الضفة العنابية, حتى هو اخذ جنود و هاجم.. ليش بس كل اللوم على راسي و مصلح الكل يمد-
مازن يمسك ناصر من رقبته و ناصر يتصل على سعود و يسكر..
مازن: ما لي شغل فيكم.. جدي مات بثببكم كلكم!
ناصر: اتق الله يا مازن.. كلنا.. بنموت, ليش ..ما تخنق كسرى.. بدالي؟
مازن ينزل ناصر و يقوله : و كيف تشانا نهاجم الشيتان الاعزم و نفوز بدون جدي و بدون المعثكر؟
ناصر: عادي.. المعسكر بس للدفاع.. نقدر نهاجم بدونه و نحصل عشرة احسن منه..
مازن: ...
ناصر: مازن, صدقني بتاخذ بثارك بس انطر شوي.. اصبر ولا بد الايام تجيب كسرى..
مازن: طيب..

طلعوا اثنينهم المصلى و واجهوا سعود جايهم يركض, ناصر قاله : تو الناس.. و كملوا طريقهم و سعود ما يدري شالسالفة..

===========================

سعود جمع الشباب كلهم و خطب فيهم:

يا شباب.. فقدنا كبيرنا و معلمنا و والدنا.. الشيخ عبد الوهاب الله يرحمه و يبيحه. صدقوني مثل ما انا زعلان.. انا مستانس.." و تطير عيون مازن و ناصر يقرص سعود "لااااانه مات شهيد" سكت مازن و نزل عيونه, و سعود طالع ناصر لان القرصة خلته يقول لاااانه "شباب, ما نبي الشيخ عبد الوهاب يموت هباء منثورا.. نبي نتعاون اننا نسقط حكم الشيتان الاعزم و نحرر الاراضي الصحرواية و نسقط حكمهم!

سعود يروح يتصل على محمد عشان يخبره بكل شي.. بعد ما يخبره

سعود: محمد وينكم الحين؟
محمد: سعود, هسى نحنا للحين ما وصلنا نصف الطريق حتى!
سعود: اوف! ليش؟
محمد: والله بحياتي ما مر علي واحد مثل مصلح.. يمشي كل يوم سانتي على مود يخلي الجيش مرتاح..
سعود: ههههه طيب طيب, شوف في قرية قريبة منكم اسمها المربز الظاهر هم الي هاجمونا و قتلوا الشيخ عبد الوهاب, قول لمصلح يهاجمها و حنا نجيكم.

محمد بلغ مصلح عن كل شي, و قاد مصلح قواته لمهاجمة القرية بسرعة.. و سعود بسرعة راح معهم بقواته الكبيرة مع الشباب, بظرف بضعة ايام وصلوا ال القرية و انضموا لقوات مصلح الي كانت تقاتل و تمكنوا من اسقاط القرية بسرعة كبيرة بسبب فارق الاعداد الكبير. مازن بالتحديد قدر يقتل رجال يمين و يسار, و صعد اطول مبنى في القرية و رمى قائدهم من فوق بعدين اسقط فوقه صخرة كبيرة و الشباب كلهم يطالعون بهدوء تام..

عبد المحسن: الحمد لله اني مو مكانه..

اجتمعوا الشباب و بدؤوا يتناقشون, بعد ما عزوا مازن

مصلح: طيب شباب.. ايش تبغون تعملون دحين؟"
ناصر: انا اقول, مصلح تاخذ قواتك و تكملون مهمتكم.. الحين يمكن وصلوا قوات الشيتان للضفة.
مصلح: ايه زمانهم وصلوا"
سعود: ماكو مشكلة.. بس نبي نحدد القائد الي يقودنا بعد الشيخ عبد الوهاب.. يله كل واحد يصوت..
تركي يقول بقلبه: كان لازم كل واحد يكتب بورقه و يعطيها لحكم عشان محد يزعل من احد..
محمد: اني انطي صوتي لناصر
مصلح: انا اصوت لنفسي"
ناصر: انا اصوت لنفسي
تركي: انا اصوت لمصلح
مصلح: دوبك تصوت ههه"
ناصر: شهالغرور هذا..
مصلح: اقلك اسكت انت.. مو ناقص الا انت تصير القائد"
ناصر: شنو؟!
سعود: اسكتوا!
فلاح: اقول.. انا اصوت لسعود
تركي: انا اسحب صوتي و اصوت لسعود
مازن: اثوت لثعود
محمد: و انا كمان
سعود: لا انا ما كان قصدي.. شباب ما انفع انا
فلاح: سعود, خلاص خلك انت القائد و شاور الجميع و ما راح تخطي ان شاء الله.

و اتفقوا يخلون سعود هو قائدهم, و امر سعود بتفتيش المدينة شبر شبر بيت بيت دار دار زنجة زنجة لاخذ كل الموارد الي يحتاجونها و يجهزون البيوت عشان تصير المعسكر الجديد لهم, و امر بجلب الاسرى لاقناعهم بالاسلام و الانضمام لهم. في واحد من الاسرى كان جسمه كبير و طويل.. بشكل مختصر, كان عملاق بجد.. و كان لابس نظارات صغيرة حيل. الجنود اصلا لقوه بسجن القرية و جابوه مع اسرى الحرب, و ربطوا الجميع و صفوهم. و جا بعض الجنود يوزعون الاكل و كل الاسرى اكلوا كانهم مو شايفين خير, الا هو رفس الصحن

؟؟؟ : و لقد ابيت على الطوى و اظله حتى انال به كريم المأكل!!
مصلح: مين يطلع هذا؟"
تركي: ما اعرفه
؟؟؟: الخيل و الليل و البيداء تعرفني و الرمح و السيف و القرطاس و القلم!!
عبد المحسن: ما شاء الله حتى الخيل تعرفك؟ شتعرف عنك؟
؟؟؟: الخيل تعلم و الفوارس انني فرقت جمعهم بطعنة فيصلي!!
فلاح: هذا عايش الدور.. اقولك, شرايك لو نعدمك؟
؟؟؟: سألمت تكاليف الحياة و من يعش ثمانين حولا لا أبا لك يسأم
سعود: انا عاجبني الولد هذا.. شرايك تنضم لنا؟
مصلح: هذا شكله ما ينفع"
؟؟؟: اتهجو ابا عادلا و السيف يرفعه ليضرب به رأس كل جبار؟!
سعود: لا يبى خل سيفك بعيد, و شرايك تنضم لنا؟
تركي: ترى الظاهر هو مسلم بس مو ملتزم مثلنا
ابو عادل: أغاية الدين حف شوارب يا امة ضحكت من جهلها الامم؟
ناصر: هذا مسخرنا و حنا قاعدين..
سعود: ههههه خلاص انضم لنا.

و انضم لهم ابو عادل.. محد كان يعرف اسمه, بس يعرفون كنيبته و ينادونه أبو عادل. كان دائما اما يرد عليهم بابيات شهر او مقولات معروفة, او انه يتكلم معهم باللغة العربية الفصحى. كان شاب هادىء و ما يكلم الا الي يكلمه, لكنه كان سريع الغضب.

عبد المحسن كان يتمشى في المدينة و شاف ملصق على الجدار , و بسرعة طارت عيونه و شال الاعلان و راح لفلاح و قاله: شنو هذا؟!
فلاح: ....

==========

الفصل الجاي قريبا, ان شاء الله عجبكم الفصل هذا. و اسف على القصور و التأخير و اللهجات المضروبة و اشكر لاخوي بو عادل مساعدته لي باللهجة الجيزانية.

-يصفق- الله عليك يا ناصر احسن لك تصير كاتب ههه

برأيي افضل شخصيه حالياً هي شخصية ابو عادل ، فصيح

ما توقعت تكمل القصه حتى في رمضان ، الرمضان شوي يخربط الروتين ولا تقدر تطلع لك وقت تفضى فيه

تشكرات افندم =]

لا لا لا لا كذا ابدااااااااع....
شخصية أبو عادل ممتازة جدا جدا جدا!!!
طلعتني فارس ومعي سيف هههه والله أمنيتي..

اقتباس :

اتهجي ابا عادلا و السيف يرفعه ليضرب به رأس كل جبار؟!

صراحة ما أدري شلون وصل لك... ماشاء الله
وأتنمنى تبديل كلمة (أتجهجي) ب(أتهجوا ) حتى يكتمل المعنى...
وياليت ياناصر يسير غالب كلامي شعر وحكم هههه

هههههه

ابو عآدل شكلكـ سآعدته بلهجتي نآصر ذا لهجة جيزآني بدوي انا متحضر حرآم عليكـ ظلمتني ههههه

وأخيرا طلعت حي مو ميت ثآني مرة لآ تموتني هههه

ابدآآآع نآصر كمل على كذا

اما علي ذي الكلمة

(تشتي ملاطيم أنتا)

حسستني اني يمني هههه

اقتباس :

-يصفق- الله عليك يا ناصر احسن لك تصير كاتب ههه

برأيي افضل شخصيه حالياً هي شخصية ابو عادل ، فصيح Laughing

ما توقعت تكمل القصه حتى في رمضان ، الرمضان شوي يخربط الروتين ولا تقدر تطلع لك وقت تفضى فيه

تشكرات افندم =]

على راسي والله فلاح, مشكور على المرور الحلو.

اقتباس :

لا لا لا لا كذا ابدااااااااع....
شخصية أبو عادل ممتازة جدا جدا جدا!!!
طلعتني فارس ومعي سيف هههه والله أمنيتي..

ههههه قايلك من اول صفحة لك بالقصة دور مميز. في كذا واحد بالقصة له دور مميز حيل و شخصية تخليه مختلف عن غيره تماما.

فكرة الفصيح هذه جت من اللقب الي اطلقوه الشباب عليك بالقروب, سيبويه المنتدى ههه

اقتباس :

صراحة ما أدري شلون وصل لك... ماشاء الله
وأتنمنى تبديل كلمة (أتجهجي) ب(أتهجوا ) حتى يكتمل المعنى...
وياليت ياناصر يسير غالب كلامي شعر وحكم هههه

تم التعديل, و البيت انت كنت كاتبه بالمنتدى و حفظته اول ما قريته هه

اقتباس :

هههههه

ابو عآدل شكلكـ سآعدته بلهجتي نآصر ذا لهجة جيزآني بدوي انا متحضر حرآم عليكـ ظلمتني ههههه

وأخيرا طلعت حي مو ميت ثآني مرة لآ تموتني هههه

ابدآآآع نآصر كمل على كذا

اما علي ذي الكلمة

(تشتي ملاطيم أنتا)

حسستني اني يمني هههه

ههههه اللهجة انا ماني مسؤول عنها. بس عرفت ليش كنت اقولك اقرا القصة بالماسنجر و انت تقولي خلاص مت ماني قاريها؟ ههه

=========================
مزاج كتابة.. الفصل الجديد لعيونكم. احس القصة راحت للكوميديا شوي و اهملت اهم جانب بالنسبة لي, الاسقاطات السياسية ههه
----

فلاح: ....
عبد المحسن: ها يا فلاح, قولي شنو هذا؟
فلاح: عبد المحسن, في غير هذه؟
عبد المحسن: اول شي قولي! ليش حاطين صورتك مطلوب للعدالة؟!
فلاح: ...
عبد المحسن: ايا المجرم.. انا اعلم عليك الشباب!
فلاح: لا لا عبد المحسن..

و نادى عبد المحسن الجميع.. و وراهم الملصق.. كان مكتوب فيه ان فلاح مطلوب للعدالة في المملكة و من يقبض عليه له جائزة كبيرة.

سعود: فلاح تغشنا؟ تندس بينا بالحركة هذه و ما تعلمنا انك مجرم و فار من العدالة؟
أبو عادل: ان بعض الظن اثم..
ناصر: .. احم.. انا كنت ادري انه مجرم..
سعود: افا! حتى انت يا ناصر معه!
ناصر: انا لقيته بالسجن, و يوم سألته قالي ذبحت واحد, فأدري انه مجرم.. بس ترى ما سوى شي غلط, هو ذبح واحد تطاول على رموزنا..

مازن: مثلح, ايش رايك؟
مصلح: الحركة ذي مرة مهي عاجبتي" كان ممكن يقولنا من اول"
فلاح: اقول, بوقت السلام كلنا نقدر نكون مع القانون و يكون لنا فايدة. بس بوقت الحرب, ترى القتلة هم الي ينفعونا.. يعني تحسسوني انتم ما ذبتحتم ولا واحد الحين..
مصلح: طيب, بس في فرق اذا قتلت واحد وقت السلام و اذا قتلت واحد دحين"
تركي: كل ما تذبح واحد وقت الحرب يكون احسن, بالسلام العكس..
ناصر: بس يا شباب هو بس ذبح واحد و بحق.. نقدر نستفيد منه ترى ساعدنا حيل و انقذني..
تركي: فلاح, انت ذبحت واحد شيتاني؟
فلاح: لا , بطيخي..
ناصر: شنو؟!

فلاح: كان عميل..
ناصر: و بعدين انت كنت مسجون بالبطيخ.. شلون الحين مطلوب للعدالة بالمملكة؟
مصلح: اي صح, كيف؟"
فلاح: شباب..بقولكم كل شي.. مو دايما الشغلات الرسمية صح.. بس عشان الحكومة تبيك مو شرط تكون انت مذنب, في حكومات ظالمة.
مازن: اقول اذا قلت عن حكومات الصحراء ظالمة بادفن رمتك هني!
فلاح: لا لا مو قصدي الصحراء. بس اقول ان مرات الناس الي بالمناصب يقدرون يتبلون عليك, العملاء ماسكين مناصب بالدول الصحراوية من سنين, من عام 2011 و هم شوي شوي فارضين سيطرتهم و شفنا لهم مواقف واجد.. ثورة عملاء جزيرة شويطر كشفتهم بس استمروا بمناصب القوة. ناصر سمعت عن سالفة اغتيال محيسن الفلاق قبل فترة؟
ناصر: ايه..

فلاح: انا اشتغل مقدم برامج بالتلفزيون, كنت مسوي مع الفلاق مقابلة ببيتهم و قام يسب رموزنا و يوم رديت عليه, قام راح السرير و طلع رشاش من تحته يبي يذبحني! بسرعة نحشت و رحت السرداب و لقيت عنده مخزن اسلحة.. اخذت لي سلاح و ذبحته و نحشت و جو الشرطة يفتشون و حتى الشرطة كانوا من العملاء! لهدرجة ماسكين بلادنا.. المهم صادوني و ودوني السجن لحالي بمخفر قديم, شكيت فيهم لانهم ما سجلوا علي قضية ولا شي, و حسيت اني راح الحق شهيد التعذيب كان تعرفه, بسرعة اتصلت على النائب الضمير و قدر يقنعهم انهم يرسلوني سجن ثاني على اساس اني قتلت ناس واجد و ارهابي و راح يعدموني بثاني يوم, طبعا هذا بالنسبة لي كان احسن من اني اتعذب, خاصة ان الضمير شجعني انحاش من السجن و يوم شفتك قلت هذا صيدة العب عليه و ننحاش و اذا صادونا اقطها عليك.. الحين الظاهر عملاء البطيخ قالوا لعملاء المملكة عني.. صراحة ما توقعت العملاء مقتحمين دولنا بهالشكل!

الشباب ملامح الذهول على اوجههم..

مصلح: اقلك رامبو, كيف صادوك؟"
فلاح: المصور الي معي كان مستر و كان يبي يتصل على الشرطة بس ذبحته و هو يتصل و نسيت اسكر جهازه, فظل الجهاز مفتوح و جو الشرطة..
ناصر: ... انا مصدق كل شي الا اخر نقطة.. ترى نعرف ربعنا, ما يجون الا بعد ساعة.. شلون لحقوا عليك؟
فلاح: و هذا الي انا كنت حاسبه.. بس الظاهر على ناس و ناس.. اذا كانوا من ربعهم يجون قبل لا تتصل حتى..
محمد: اصلا حتى سفاراتهم عنا مستعمرينا.. مو بس سفارات الشيتان, حتى حلفاء الشيتان, مثل بلاد مضيع النعجة الي بالشمال..

تركي: ها شقلتوا شباب؟
ناصر: انا اقول نخليه معنا, صج انه خبى عنا شغلات بس يظل واحد نقدر نستفيد منه.. حتى و ان ضحك علي >,>
مصلح: انا مو مقتنع بكلامه و مو عاجبني"
محمد: اني هسى اقول نطخه و نرتاح منو!
مازن : ثح! نفتك منه و نريح انفثنا!
سعود: لا يبى ما نبي ذبح, انا اقول نخليه يمشي على راحته احسن..

فلاح: كيفكم, انا بمشي.. اصلا انتو الي قلتو لي تعال معنا.. راح يبين شنو يصير فيكم بدوني..
أبو عادل: اعلم علم اليوم و الامس قبله... و لكني عن علم ما في غد عمِ
فلاح و هو معصب: اقول مالي خلق لك! سيذكرني قومي اذا جد جدهم, و في الليلة الظلماء يفتقد البدر!
أبو عادل:
أيا فلاح جفـاكَ السـوءُ والضـررُ... أنّــا رحـلـتَ وأنّــا ينتـهـي الـسـفـرُ
شــحَ الـزمـانُ أن يـجــودَ بمثـلِـكـم... والبحـرُ تكمُـنُ فـي أعماقِـه الـدررُ
وفـي السمـاء نجـومُ لا عـداد لـهـا... ويُـرسِـلُ شعشـاعـا نــورَه الـقـمـرُ
الـيـومَ تحـضُـرُ مجلـسَـنـا تـشـرفَـهُ... نَسعَـد بلقيـاكَ وفيـكَ يَسعـدُ النـظـرُ
وقـادمِ السبـتِ إن شـاءَ الإلـهُ فمـا... يُصـبـرُ القـلـبَ ان القـلـبَ يعتـصـرُ
في العين حرقة من غير ذي سقـمٍ... تبكي الخوالي ومنها الدمعُ منهمرُ
ولـولا فـؤادٌ عركتـهُ السنـونَ لـمـا... كـان فـي الأمــر عــزمٌ ومصطـبـرُ
فــإن يــكُ طـيـفُـكَ عـنــا بمـرتـحـلٍ ...فـإنـك فــي القـلـب بـــاقٍ ومعـتـبـرُ
حـمـى اللهُ أرضـــاً أنـــتَ تَسكُـنَـهـا.... من أرضِ بلقاءٍ وبلَ جالَها المطـرُ

يبتسم فلاح و يغادرهم..

--- اليوم التالي---
مصلح: شباب, انا ابغى اهاجم الحين و نبغى نروح للضفة العنابية عشان نحررها, مين معي؟
ناصر: انا بقعد هني.
تركي: و انا مع ناصر.
محمد: اني معك
مازن: خذني معك مثلح
سعود: اجل انا راح اقعد, بس مصلح تحرك بسرعة هههه و بالتوفيق.
مصلح: ايه ان شاء الله"
أبو عادل: انا معكم يا رجال, سنحرر الضفة و نكسي ضفتهم بدمائهم!

راح تركي يكلم ناصر..

تركي: ناصر.. ترى الشيخ عبد الوهاب الله يرحمه وصاني اقولك شي
ناصر: الله يرحمه.. شوصاك تركي؟
تركي: عبد المحسن.. خله يقاتل..
ناصر: لا يبى ما اقدر, هو للحين صغير و اهله موصيني عليه..
تركي: ناصر كلنا صغار ترى على السالفة هذه, بس الشيخ عبد الوهاب هو الي شجعنا على الموضوع.
ناصر: لان الشيخ شاف فينا موهبة و نماها
تركي: و شاف بعبد المحسن موهبة و كان يدربه بالسر
ناصر: امم..
تركي: ترى انا شفته بنفسي يوم هاجمونا, كان يقاتل و يعرف شلون يدبر اموره..
ناصر: تلقاه محظوظ..
تركي: معسكر كامل انمسح , الشيخ مات و هو للحين حي.. اكيد عنده موهبة..
ناصر: العملاء مو مهتمين الا بالشيخ, فما انتبهوا له
تركي: ... حتى ولو ما انتبهوا له, هو انتبه لهم و قتل كذا واحد..
ناصر: قتل كذا واحد؟ شرايك بو عادل؟ اخاف يموت بسبتي..
أبو عادل:

اذا كشف الزمان لك القناعا.......ومد اليك صرف الدهر باعا
فلا تخشى المنية واقتحمها......ودافع ما استطعت لها دفاعا
ولا تختر فراشاً من حرير...........ولا تبكي المنازل والبقاعا

ناصر: ... ما ودي يموت بسبتي..
أبو عادل:
لا دارٌ للمرءِ بعد الموت يسكُنـــهـا***إلا التي كانَ قبل الموتِ بانيـــــها
فإن بناها بخير طاب مسكنُــــــــه *** وإن بناها بشر خاب بانيـــــــــها
أموالنا لذوي الميراث نجمعُهــــــا ***ودورنا لخراب الدهر نبنيهـــــــا
أين الملـــــوك التي كانت ِِِمتسلطنة***حتى سقاها بكأس الموت ساقيـها

ناصر: ههه طيب, دامكم مصرين.. الله يستر..

عبد المحسن: هيااا!! ما عليك ناصر, بس دزني لاقرب شيتاني و انا اسويه هريس!
ناصر: ايه على خير..

راح مصلح و محمد و أبو عادل و مازن للحرب, و اخذوا معظم الجنود و قعدوا الباقيين بالمكان.

===============
ان شاء الله يعجبكم الفصل و اسفين على القصور.. الفصل كتبته على السريع و بارتجال و بتخطيط مسبق شبه معدوم فالظاهر فيه ثغرات بالقصة, اعتذر عنها مقدما.