أسود الصحراء - قصة

ممتاز كالعاده يا ناصر ههه ، بس فيه شخصيات اخذت فوق حقها

الشي الي اتمناه واحد من الشباب ينظم بلهجة الشياطين ههه

مشكورين على المرور شباب.. المكتب الثقافي جنني و تعبني فتأخرت بالتحديث *ترقيع زايد*

اقتباس :

هل المقتبس من الممالك
1معركة جبل الذئب اوالابيض ناسي اسمها وموقف zhan liaoفيها

2او فخxu rongبcao cao

الفصل الي فات ما فيه شي مقتبس من الممالك..

اقتباس :

بس ليه الشباب راحوا للشيتان الأعزم ؟

طال عمرك كانوا بالسفينة و هم طالعين من جزيرة شويطر, و بدل ما يرجعون للمملكة, غرقت السفينة و جرفتهم الامواج للشيتان الاعزم.

اقتباس :

بس فيه شخصيات اخذت فوق حقها

صح, صعب توازن بين عدد كبير من الشخصيات خاصة اني احب اختصر كل شي.. الله يعين, بديت احس بمعاناة KOEI بداينستي..

======================================

الشباب قاموا من النوم, و الشمس الساطعة على اعينهم. شي غريب ان مكانهم كان امن, كانوا بالعراء, بمكان خالي بين المدن.. ارض فاضية ان صح التعبير. كان على جنوبهم في المدينة الي بجانب الجبل, و الي كان فيها حراسة و فرق بحث للكشف عن مكانهم. على شرقهم كان في قرية صغيرة, الشباب حسوا انها امنة و صغيرة, و يمكن اسعارها ارخص بعد. فاتفقوا يروحون هناك بالاول..

بو عادل: اشرقت شمس الصباح.... نورها في الافق لاح
..........و عبير الروض يسري...... و شذا الازهار فاح
..........و العصافير تغني....... في سرور و انشراح

عبد المحسن: قديييييييييييم...
تركي: اقول شباب, انا بروح القرية هذه. بشوف اذا حصلت لنا و للنيام ذولي شي ناكله. بغيتوا شي؟
فلاح: اثنين فلافل بطاط و بذنجان..
سعود: اقول تركي ما عليك منه, انا بروح معك.
محمد: و انا كمان

و يروحون محمد و سعود و تركي للقرية. يمشون بالسوق و يشوفون واحد شباب صغير, متلثم. تركي شافه و الولد شاف تركي و اعطوا بعض نظرات بعدين الولد رد و كلم راعي المحل الي قدامه. تقدموا الشباب و صفوا بالدور قدام محل ثاني, المحل كان اكثر واحد عليه زحمة فقالوا هذا شكله خوش محل.

المهم جاء دورهم بعد طول انتظار..

تركي: ايه, ايش عندك؟
البايع: .... ارب ساق..
تركي: عطنا واحد من هذا..
البايع: .... ارب ساق...
سعود: يذكرني بريزدنت ايفل..
تركي: اقول.. عطني من ذا درزنين *و يؤشر على القدر الي على اليمين*
سعود: و نبي نشرب بعد, شوف البطول الي ورى, جيب منها درزنين..

محمد كان ورى ينطرهم, و قاعد يشوف الولد المتلثم. كان يتلفت يمين و يسار و شكله كان مخلي محمد يشك بالوضع. فجأة و محمد قاعد يطالع, يد طويلة وصلت الى كتفه من وراه و سحبته.

محمد: ااه!
بو عزيز: هههه كيف الحال محمد؟
محمد: تريد اطخك؟ باوع, كنت ابتنطيني جلطة..
بو عزيز: ههههه

ردوا تركي و سعود من المحل..

سعود: ترى ما ندري شنو شرينا, المهم تاكلون و انتوا ساكتين..
محمد: هههه سعود ما كنت اعرف انك تحب الاش!
سعود: شنو؟ ااش!! لا!!!
بو عزيز يفتح الكيس و يطلع البطول: اعوذ بالله!! ايش هذا!!
تركي: مدري.. ههههه
محمد: اووه مهياوا كمان!
سعود: اي احد من الربع ياكل هذا؟
بو عزيز: ما ظنتي..

بنفس الوقت, الولد المتلثم بسرعة دز الي حوله, عطى راعي المحل بلكمة مع وجهه, سرق له اكياس الخبز و انحاش, و قاموا يركضون وراه عشر رياجيل. بسرعة قام محمد و راح للطريق يبي يشوفه, شافه يركض بسرعة و يدخل من بين الطرقات في المدينة و الحارات.

تركي: شكلها بلد كلها مجرمين..
سعود: ايه.. شلون نبي نتعايش معهم؟
بو عزيز من وراهم: نصير مثلهم!

يلتفتون الشباب لبو عزيز, يشوفونه رافع اكياس من الخبز و يغمز لهم. سعود و تركي و محمد ياخذون الاكايس من المحل الفاضي, و محد كان موجود عشان يوقفهم, و بسرعة ركضوا و ردوا للشباب. قبل لا يردون للشباب, دعم تركي الولد الي كان منحاش. و طارت عيون الولد و صاح عليهم : هذا لي يا حرامي!

محمد يلتفت لسعود و يقول: اطخه؟
الولد: وقف وقف, انت عربي؟ تعال معي اسرع اسرع..

و يقوم الولد يركض و يقومون الشباب يركضون وراه..
سعود: ليش قاعدين نركض؟
بو عزيز: مدري.. بس الحين شوف الناس يركضون ورانا بعد..
عبد العزيز: اسمي عبد العزيز.. الحقوني بسرعة! الشيخ يبي يفرح الليلة بقدومكم!

المهم ركضوا الشباب و طلعوا من القرية و ضيعوا الي وراهم و راحوا لخيمة كبيرة بعيدة شوي من القرية و مخفية بعيد عن انظار سكان القرية.. دخلوا..

عبد العزيز: يا شيخ, لقيت الشباب ذولي في القرية, يتكلمون عربي!
الشيخ: يا مرحبا الساع!
بو عزيز: اووه اخيرا لقينا واحد يتكلم عربي!
الشيخ: هيه, ابتلينا بهالبلاد..

تركي يطلع تلفونه و يدق على الجنرال محمد, و يقوله عن مكانهم عشان يجون له..

الشيخ: يا ولد اربع ييب اكل للضيوف, ما تستوي يلسة بدون شي ناكله.

يوصلون الشباب, و يتعرفون كلهم على بعض, و يعرفون ان اسم الشيخ الشيخ راشد, و هو شيخ التجمع الشبابي هذا. كانوا جماعة ارهابيين, مافيا, يهددون العوائل القريبة و القرى, و المعسكرات, و كانوا مسلحين بشكل كبير و عندهم علم كبير بالمكان. الشيخ راشد عزمهم للغداء و كلهم تجمعوا على طاولة وحدة و بدأوا ياكلون..

الجنرال محمد: الا قولي راشد, شلون تمول كل الحركة هذه و الاسلحة؟
راشد: نحن نزرع افيون و مخدرات و ماريغوانا و حشيش, و نبيعها و بفلوسها نشتري اسلحة و نتجهز.
مصلح: اما عاد"
مازن: حرام! حرام!
راشد: وابويه! شبلاكم؟ نحن نبيع المخدرات على الكفار و نضرهم, و نشتري اسلحة و نقتلهم فيها بعد!
مازن: حرام! حرام!
عبد العزيز: يا شباب ما فيها الشي. نحن نحاربهم بطريقة ثانية بدل القتال, نبيع لهم السم.
تركي: بس الفلوس ما تصير حرام؟
مصلح: اقلك اسكت, حقين الارهاب كلهم كذا"
راشد: بس انت ما تقدر تسير لهم و تقاتلهم بدون اسلحة. و الاسلحة يبالها دراهم, و الدراهم ما تيي الا بالمخدرات.
ناصر: لا عادي تقدر تسويها باكثر من طريقة
راشد: ههههه هيه نبا نشوف كيف بتستوي هذه..

بالتلفزيون طلعت الاخبار و خيم الهدوء على الحاضرين عشان يسمعون الاخبار..

"تسرب خبر من المكتب الاعلى لاية اللات العظمى, مفاده بان الافندي, اسير السرداب قد قتل في ظروف غامضة مما اربك المضيع الاعلى للثورة و اية اللات العظمى و مقتدى السرة و غيرهم من علماء العملاء, و انهم اتفقوا على ابقاء الامر سرا. لكن بالتأكيد لم يسبق لنا ان رأينا الافندي, و لذلك لا نستطيع تأكيد الاشاعة او نفييها. اية اللات العظمة و اتباعه بدأوا ينكرون الخبر و يكذبوه, و اتهموا المملكة الكبرى باثارة مثل هذه الاخبار الطائفية للتفكيك بين صفوف سكان الشيتان الاعزم. ربما يكونون على الحق, و ربما يجب على العملاء فعلا ان يقلقوا على دينهم"

مصلح: فلاااح"..
فلاح بلع ريقه على البطىء..

أخيرا جاء دوري

أثري سريع هههههههههههههه


بس وش سالفة فلاح؟؟

اقتباس :

راشد: وابويه! شبلاكم؟ نحن نبيع المخدرات على الكفار و نضرهم, و نشتري اسلحة و نقتلهم فيها بعد!

هههه , اول ما شفت كلمه " هيه " قلت هذا انا

عاد " وابويه " هذي دخلية على لهجتي هههه

ههه اكثر شي عجبني في الفصل هذا هو حديث راشد و مازن ، ما شاء الله عليك ضبطتهم ههه

ناصر وش في فلاح ؟؟؟

1) مشكورين على المرور منورين الموضوع..
2) افا ما عرفتوا سالفة فلاح..؟ الحين يبين لكم..
====================================================

مازن: فلاح!!
تركي: فلاح شسويت انت!!
فلاح: يمكن صدفة..؟
راشد: شبلاكم؟ شو هالرمسة؟
ناصر: اذا كنت فاهمهم.. في واحد فلاح ذبحه يوم كنا بالسرداب.. الظاهر هو المهد- قصدي الافندي..
عبد العزيز: تقصد اسير السرداب؟!
فلاح: ايه..
مازن: فلاح.. الشرطة تبحث عنك لانك قتلت اثير الثرداب
بو عادل: سنبقيه معنا ما دمنا احياء!! و الله لان يمسه احد, لاجعلنه شاورما!
عبد المحسن: روووح.. خلاص راحوا فيها الشياتين..

راشد: هيه هين, انا ما بسمح له ييلس عندنا
الجنرال حمد: ل-ل-ليش؟
راشد: شو انت تريده يخلي الشرطة و الجيش ايونا هالحين؟
الجنرال محمد: عادي, خلهم يجون. نقدرهم بمساعدة جيشك
راشد: شو تريدني اضيع جيشي بحرب خاسرة؟!
بو عزيز: فايزين فايزين باذن الله
محمد: انطينا جيشك و بنفوز!
راشد: متأكدين؟ طيب بعطيكم نص الجيش بس..
مصلح: يبغالنا نخطط دحين"

بو عادل: لي النفوس و للطير اللحوم....... و للوحش العظام و للخيالة السلب!
فلاح: مع انك وقفت معي, بس فكنا الله يصلحك..

عبد العزيز و بو عزيز راحوا ياخذون فرة بالمكان و يشوفون المنطقة, و عرفوا ان في معسكر قريب منهم بين الجبال و المعسكر هذا راح يكون المكان الي راح توصل منه الجيوش في حالة اكتشفت مكان راشد.

تركي: اول شي لازم نسويه اننا نقطع الكهربا و خطوط الاتصالات..
الجنرال محمد: و بعدين لاز-
ناصر: لا ما نبي حرق.. نبي المعسكر لنا!
مصلح: بس في هذه الحالة تصير مكشوف و معسكرك معروف عندهم"
محمد: يعني هسى تريدونا نشرد من مكان لمكان؟ لا هيجي هواية ما تنفع..
فلاح: وين راحت سالفة نبي نرجع للمملكة؟
مازن: مو حضرتك كشفتنا يوم ذبحت اثير الثرداب..
بو عزيز: و اغلقوا المطارات كلها..

سعود: المهم بعد ما نقطع الكهربا و الاتصالات, شنسوي؟
مازن: ما في الا اننا هاجم من كل مكان.. راشد راح يعطينا نث قواته.. يعني اكثر من ميتين..
ناصر: لا ما ينفع. هذه اول مرة نواجههم بشكل رسمي امامهم, لازم نعطيهم انطباع اننا قوة مدربة و متخصصة, و ننتصر بشكل احترافي.
فلاح: اقعد يا بو الاحترافية..

ناصر: ههه بدينا بالطنازة.. طيب اسمعوا. نرسل عشرين مع سعود للممر الجبلي و على طول يروحون للمعسكر و يبدؤون يرمون على طول على البوابة, و ...

و اتفقوا كلهم على الخطة..

راحوا للمنطقة بالليل, و خيموا بمكان هادىء عشان محد ينتبه لهم. الليلة الي وراها, على غروب الشمس.

تركي: يلا شباب.. ابي اروح اطفي الكهرباء عليهم و اقطع الاتصالات
سعود: تركي, خذ معك الجنرال حمد يساعدك
الجنرال حمد: اب-اب-ابشر..

راح تركي و حمد, و يوم قربوا للبوابة قاموا يفكرون شلون يدخلون.. فجأة, واحد مد ايده على كتف تركي من وراه

الجندي: انتا منو؟
تركي: ...
الجندي: منو انتا؟!
تركي: انا تكنشن حق تكيف.. بابا سوي كول انا..
الجنرال حمد طارت عيونه من اللهجة..
الجندي: يلا تعال.. الهر هاذيه ذبهنا..
و يدخلون تركي و الجنرال حمد و هم منصدمين من الحركة العشوائية الي صارت.. و راحوا لغرفة المحولات. الجنرال حمد ما يعرف بامور الكهرباء بس قاعد يطلع من العدة و يعطي تركي, و تركي شاف التكييف عطلان و طلع العدة و مثل انه يشتغل لان الجندي ناشب لهم.

تركي: سديق سديق.. جيب ماي..
و يروح الجندي يجيب ماي..
تركي: هههه نفس الحركة كل الحرامية يسوونها!
الجنرال حمد: هههه

تركي قام يطقطق بالمحول الرئيسي و يفصل الوايرات و يتخلص منها بطريقة يخلي من الاستحالة على اي واحد يرجعها الا بقطع جديدة. الجنرال حمد قاعد يدور بالمكان, و طلع من الباب الخلفي لغرفة المحول و تمشى بالطريق الى وراه و شاف في درايش للسرداب تحت, و شاف في اجتماع و طارت عيونه من الشخصية الي شافها بالاجتماع مع الشيتان

تركي: شفيك حمد؟
الجنرال حمد: ن-ن-ناصر!
تركي: شفيه ناصر؟
الجنرال حمد: ن-ناصر مع-ع-
تركي: اقول بعدين.. خلنا نخلص الشغل لا يطيحون علينا..
راح الجنرال حمد للدريشة يبي يصور ناصر, لكن طفت الكهربا و صور صورة سودة. بسرعة تركي مسكه و انحاشوا من المعسكر.. صعدوا الجبل بطريق العودة..

و هم صاعدين الجبل, مرت قوات صغيرة مختبأة بالظلام, حوالي عشرين رجل, يقودهم سعود. و راحوا لبوابة المعسكر و بدؤوا يطلقون النار بشكل عشوائي و باتجاهات واجد و بطريقة مزعجة. المعسكر صار بحالة طوارىء و طلع قواته من البوابة لصد العدوان الغريب هذا و شافوا جماعات الارهابيين و لاحقوهم على طول الممر الجبلي..

بعد ما مرت نصف قواتهم في الممر الجبلي, عبد المحسن اسقط صخور من طرف الجبل مع بعض الرجال, و الطرف الثاني كان فيه تركي و اسقط صخور و قدروا يسدون الممر و يقسمون قوات الشيتان قسمين في الممر. سعود رجع الى المعسكر و انطلق من المعسكر محمد و مازن بقوات كبيرة لمهاجمة الي بقوا في الممر, و من الجانبين طلع الجنرال محمد و الجنرال حمد و رموا عليهم من فوق..

القسم الي انعزل عن البقية كان في حالة فوضى, و سمع صراخ من الجهتين, من اليمين طلع لهم عدد كبير من الجنود بقيادة مصلح و ناصر, و قتلوا عدد جيد من الجنود بينما هربوا الاعداء لليسار و تفاجؤوا بقوات ثانية بقيادة بو عزيز و فلاح, و تم حصارهم و قتلهم.

ناصر: الحين دور بو عادل. المفروض الحين يفتح لنا ابواب المعسكر..
مصلح: ايوه دوبه وصل لهم دحين"

بو عادل كان خرج بهجوم مباغت للمعسكر اثناء الانشغال و قدر يدخل المعسكر لكن كان في كمين داخل المعسكر, و تمت اصابته في كتفه و قتل الجنود يمين و يسار, ما استسلم بو عادل و استمر يرمي الي يقدر عليه و يصرخ من اعلى الابواب يطلب مساعدة الشباب. الشباب ما سمعوا صوته بسبب صوت اطلاق النار, لكن شكوا بالامر و حاولوا يفتحون الابواب لكن بلا جدوى.

فجأة فتحت الابواب, راشد و عزيز دخلوا المعسكر من الجهة الاخرى بسيارات و قتلوا الاعداء و انقذوا ابو عادل. و تم احتلال المعسكر بنجاح..



سعود: الحمد لله! فزنا! احتيلناه!
راشد: هيه.. الحمد لله اني فزت..
عبد المحسن >,>

الجنرال حمد راح يهمس لناصر..
ناصر: والله صج؟! قوية هذه!!
الجنرال حمد: لاز-م ينش-ش-شال.. سميك..

---------------------------------------
(لحد يسأل عن الجنرال حمد و "ناصر".. اخاف من المطاعات و الدروع.. الي فهمها فهمها و الي ما فهمها يفهمها ان شاء الله ههه)

قوية السقصة

وأنا عرفت من سميك

وتوقيعك مرة قوي

لأني من المعجبين فيه

(طلعت من الموضوع

اعتقد اني اعرف سالفة ناصر بالقصة

الجزء جيد جدا

انتظر الجزء القادم عشان ااكد نظريتي حول ناصر

اسير السرداب ههههه

سميك عرفته بعد تفكير طويل
منتظر التكملة

طولت صح..؟ يلا ان شاء الله نعوض
===============================

عبد المحسن: ناصر خل الموضوع علي و لا تحاتي, سميك طايح طايح
ناصر: كفو, شد حيلك.

---

بو عادل: حمدا لله على الانتصار!
راشد: هيه, الحصن هذا كبير وايد
فلاح: شباب ما ينفعنا الحصن هذا!!
بو عادل: و لماذا؟
فلاح: الحصن صغير, بين جبال, مكاننا صار مكشوف, حتى لو كان راشد رامبو و انت عنتر, ما راح نقدر نوقف قدام حرس الثور, ولا الجيش الشيتاني ولا شي.
الجنرال محمد: بالضبط, لازم نشوف حل للوضع.
تركي: انا عندي اقتراح اذا سمحتم شباب. اذا مشينا شمال على بعد كم كيلو راح نحصل لنا منطقة الاشواس المعروفة. السكان هناك عايشين تحت ضغط, و يبون الثورة و ينقصهم تسليح. اذا قدرنا نقنعهم بالثورة, و نقلنا لهم الربيع الصحراوي, و الاسلحة الي اخذناها نعطيهم اياها نقدر نكون لنا حركة شعبية "يقودها الشباب" بالظاهر و حنا نحركها بالباطن. نقدر نستخدم وسائل الاتصال الاجتماعي عشان نوصل الرسالة للعالم + ممكن الغرب يتدخل, باسوء الاحوال راح يكون عندنا متطوعين جدد, و في حالة الهزيمة راح نكون اقرب للخليج نقدر نهرب له.
مازن: طيب متى نمشي؟
مصلح: دحين"

بعد ساعات, الشباب كلهم شالوا قشهم, اسلحتهم حطوها بشاحنة و الباقيين ركبوا سيارتهم و انطلقت القافلة الي تتكون من اكثر من سيارة بالطريق للشمال. عبد المحسن قاعد على اللاب يطقطق, و ناصر و فلاح يقودون مقدمة القافلة و تركي يقلب بالخريطة و يدلهم للطريق.

ناصر: متى نوصل؟
تركي: باقي 4 ساعات..

فجأة تطلع سيارات لهم بالطريق و تلاحقهم من ورى..

الجنرال حمد: ش-ش-ش-ش-ش-ش
محمد: شباب باوعوا طلعت النا سيارات!!!
الجنرال حمد: <,<

مازن بسرعة يطلع من الدريشة الي ورى و يطلع الرشاش و يرمي على السيارات الي ورى, و محمد و الجنرالين يرمون و يصير في تبادل اطلاق نار. مازن يرمي على تاير السيارة و يخليها تدعم الي جنبها, و الجنرال محمد يرمي قنبلة تفجر سيارتين.

عبد المحسن يطقطق على اللاب, حاط سماعات و ما يدري عن الازعاج الي برى.. اخيرا وصل للي يبيه..

مصلح: بلا باشكالهم!!! كم واحد ذولي؟!
مازن: مليووووووون!!!

عبد المحسن: اي مليون؟ ملاييين!! طحت بايدي.. يا ناصر..

يوصلون الشباب لجسر و تمر السيارات, تطلع لهم هيلوكبتر من ورى جبل و ترمي بالرشاش عليهم و تصيب تاير الشاحنة الي فيها اسلحة و توقف الشاحنة على الجسر و توقف بعض السيارات الي كانت ورى الشاحنة. راشد كان فوق الشاحنة و افترت فيه الشاحنة و وقفت, عطا الهيلوكبتر نظرة ابو هول, بعدين دخل داخل الكونتينر بالشاحنة, طلع منه و معه ار بي جي, و رمى و طيح الهيلوكبتر على السيارات.

راح عزيز و صفط السيارة على الجسر..

عزيز: "انا عزيز من القميص, ابن امه الي يعبر الجسر!!!"

و يرمون الشياتين عليه, و ينزل راسه و يتحمى داخل السيارة..

مصلح: مسوي فيها بطل"

و يقاتلون الشباب, على ما راشد و بو عادل يصلحون تاير السيارة, بعدها مشت السيارة و طافت الجسر و القافلة شوي شوي طافوا الجسر و ختمها الجنرال محمد بتفجير الجسر و منع ملاحقة الشياتين لهم.

الشباب مركبين قناة لاسلكي بينهم..

بو عادل: تركي, الم تدر بما حصل لنا؟
تركي: لا لم ادر.. اقصد لا ما دريت, وش صار؟
راشد: هيه لانكم قايدين القافلة فما تدرون عن الي صار ورى..
(و يقولون السالفة)


عبد المحسن:ناصر!! هكرت موقع الاستخبارات الشيتانية و طلعت فيديو ناصر معهم من كاميرات المراقبة, و تبين لي ان موضوع الاجتماع خطير و فيه تبادل اوراق و مستندات!! و على طول دزيتها لديرة البطيخ و تبناها "ضمير الامة" و حطها مع سالفة "الملايين" و الحين محاكمته!!
ناصر: الحمد لله انشال!

وصلوا الشباب اخيرا للاشواس و دخلوها..

==============================

بسيط الفصل, اعذروني..

بعد غياب طويل , لدرجة أني قرأت الفصلين السابقة بعد ههههه...

اقتباس :

نقلنا لهم الربيع الصحراوي

اقتباس :

عزيز: "انا عزيز من القميص, ابن امه الي يعبر الجسر!!!"

اقتباس :

تركي: لا لم ادر.. اقصد لا ما دريت, وش صار؟

هههههههه , فصلت ضحك على الفصل هذا !
فصل ممتاز , والأكشن فيه رهيب خلاني بجو !

===يفكر طويل بالسمي ومايعرفه !===

ابو عادل السمي شالوه من الحكومة قبل كم يوم. ( لازم تفهمها )

هههههههههههههه

حلو هذا الفصل

بس قوية ناصر

قوية

قوية

قوية

قوية

قوية

ناصر الظاهر انك ما تعرف تضرب بالعالي الله يهديك جبت العيد ترا



المهم انا اموت و اعرف ليش طريقة كلامي متعثرة؟ ^_^"


القصه حلوة و ياليت تطولها اكثر ^^"

لما قريت القصه حسيت بنفس الاحساس لما شفت هذا المقطع...



امزح ^_^

^^
ههههههههه , مو لهالدرجة !

Fox كتب:

لما قريت القصه حسيت بنفس الاحساس لما شفت هذا المقطع...



امزح ^_^

للحين ما جاك شي, القصة بكبرها فيها خيال كبير.. مخليكم ابطال انا هههه

------------------
نورتوا الموضوع شباب.

---

وصل الشباب للاشواس, خيموا على مسافة قريبة من المدينة البسيطة و الهادية , و ناموا. الصباح الي بعده قاموا من النوم على اصوات مزعجة و صراخ عالي..

"ارحل!"

"الشعب يريد اسقاط الرئيس!"

"ارحل ارحل يا حامرئي! حامرئي!"

"يسقط كسرى يسقط كسرى"

جاهم عبد العزيز يركض: شباب اصحوا اصحوا!
الشيخ راشد: ااااه.. نشيت من الرقاد, خبرنا شتريد؟
عبد العزيز: الشعب كله ثاير!
مصلح: اما"

راحوا الشباب و شافوا اعداد كبيرة من الناس محتشدة و تصارخ و تطالب برحيل كسرى, و تحرير الاشواس و رجوعها صحراوية. و فعلا هذا شي استغرب منه الشباب, لان الناس بالاشواس كانوا يتكلمون باللغة الصحراوية الفصحة تماما.

بو عادل: نصرك الله يا اشواس!

سعود: شباب حنا كنا نبي نصدر لهم الثورة, لكن سبحان الله حصلنا الثورة جاهزة عندهم. خلنا نشعلها زيادة و نكسب دعم.
تركي: و تغطية عالمية للخبر.

انضموا الشباب للثوار, و بعد ساعة خرجت عليهم اجهزة الداخلية تضربهم بالعصي و المطاعات, و من اليمين طلعت مجموعة من المقنعين راكبين فوق حصن و يضربون بالسيوف! بينما تم سحب احد الدكاترة الجامعيين على الارض و سحله و ضربه, عبد المحسن صور مشاهد الضرب للدكتور.

هربوا الناس جميعا , و هرب معهم الشباب و تجمعوا بمكان بعيد عن الانظار. عبد المحسن مستانس يضحك, و الباقيين تعبانين من الركض.

فلاح: ناصر, شفيه يضحك هذا؟
عبد المحسن: صورتهم! راح افضحهم فضيحة ما صارت و لا استوت!

و يرفع عبد المحسن المقطع على المي توب..

يجيهم واحد من الاشاوس: "سلام اليكم!"
الشباب: و عليكم السلام
فلاح: و اليكم السلام
الشباب يعطون فلاح نظرة..
معاذ: انا اسمي موأز.
بو عادل: اهلا بك يا موأز, لماذا لا تتقن اللغة العربية؟
معاذ: هزا كلو من الشيتان الاأزم الله ياخذها.
تركي: امين
معاذ: انا شوفكم بالمزاهري مأانا, تؤولوا مأي اشان تتجمأون مأا السوار.
الجنرال حمد: ش-ش-ش-شيقول هذا؟
الجنرال محمد: يقولكم الثوار متجمعين, خلونا نروح معه و نشوف شسالفتهم.

و يرحون الشباب مع معاذ..

بعد فترة وصلوا الى مكان التجمع, ودخلوا ضمن الحشود..


"ارحل! ارحل! ارحل!"

محمد: يعني لييش هم يتكلموا عربي, و هسى انت تتكلم مخربط؟
معاذ: قلت لج, هزي الشيتان الااعزم خربتت كلامي!
مصلح: ايرنت" الاشواس"
عبد المحسن: اوووه.. 5,000 متابعين للفيديو بظرف ساعة! و الله قزرت..

الثوار واحد واحد قاموا يخطبون و يتكلمون, شوي و يقولون لتركي تعال قول قول كلمة!

تركي: لا لا ما اروح..

و يدزونه شوي شوي الين يوصل للمنصة, و المايك قدامه, رفع عيونه فوق المايك و شاف حشود من الناس تطالعه بهدوء..

تركي: السلام عليكم و رحمة الله و بركاته, تحية طيبة عطرة احييكم بها
فلاح: الحين يقول ابنائي الطلبة..
تركي: حقوقنا نهبت! عرقنا يستهان به و لغتنا اندثرت! جيلنا الجديد يتكلم كالبربري, و ينظر لنا كالكلاب اجلكم الله, و ينظر لنساءنا كنظرة الكلاب الظالة للحوم السائبة!
مصلح: شعللها تركي"
تركي: يا قوم, الله اكبر! الله اكبر!
فلاح: يلا شباب, ساووا الصفوف.. ههه
تركي: اليوم, جمعة الغضب! جمعة الازالة! جمعة الرد! تجمعنا بميدان الارادة, و ضربونا! صادروا ابسط حقوقنا! اليوم لا سكوت لنا, اليوم ندافع عن هيبة اجيال صمدت! لا للسكوت!!! الى الامام!!!

عبد المحسن: كفو! 15,000 متابعين!
و يصيحون الحشود صيحة قوية تخلي عبد المحسن ينقز بمكانه..
تتقدم الحشود ركض و تخرج من الساحة

مازن: تركي, اشثويت؟! الناث وين رايحة؟!
تركي: مدري! ههههه
بو عزيز: انا اشهد انك شيشتهم بس..
سعود: وين معاذ؟
بو عادل: لقد ذهب معهم, هيا بنا نلحقهم..
فلاح: هيا هههه

يروحون الشباب و يلقون الحشود كلها متظاهرة امام البرلمان, و بعد عشر دقايق تمكنوا من اقتحام البرلمان, و قاموا يصيحون داخل البرلمان و يصارخون..

سعود: شباب شكلهم باعوها, خلاص مهمتنا نجحت.. خلنا نرجع للمتطوعين خليناهم من الصبح بروحهم.

رجعوا الشباب, كان وقتها ليل فكل واحد حط راسه و نام. اليوم الي وراه..

عبد المحسن: الفيوورز وصلوا 55,000!! ماني مصدق!! معاذ تكفى روح خلهم يطقونك و انا اصورك!
معاذ: ....

قاموا الشباب, و ناصر و بو عادل تعاونوا على تجهيز الافطار مع المتطوعين الي صحوا.

عبد المحسن: شباب شوفوا الخبر هذا, يقولك ان المتظاهرين الي امس طلعوا بعد عشر دقايق, و ما كسروا شي..
مصلح: ما شاء الله"
عبد المحسن: لا وقف.. الظاهر كاكاو الرئيس اكلوه..
مازن: ههههه

سعود: اقول شباب, الحين شنو نسوي؟
الجنرال محمد: انا اقول لو الحين نجمع المتطوعين, باسلحتنا ناخذ لنا حصن جديد و نسلح الثوار بالاسلحة.
الشيخ راشد: طيب, تدل الحصن؟
معاذ: انا ادلها!
بو عزيز: حلو.. يلا امش و حنا وراك..

بعد يوم سفر بالسيارات, وصلوا للمعسكر, ناموا, و اليوم الي بعده تجهزوا للقتال.


معاذ: اسمأوا شباب. في نهر يجي من ورى الهسن. انت تقدر تسده, بأدين يسير فيزان.
فلاح: صح صح! كفو!
تركي: ايش قال؟
فلاح: و الله مدري هههه
مصلح: يقلك انت وياه ان في نهر يمر بالحصن, لو تقدر تسدوه قبل لا ينزل في البحر, حتقدر تعمل فيضان في الحصن.
الجنرال محمد: و لو تسده قبل لا يمر بالحصن, راح تسوي جفاف عندهم
سعود: امم صح, بس حنا نبي فيضان احسن.

راحوا الشباب و حاصروا الحصن, و بدأ تبادل اطلاق النار باماكن متفرقة حول الحصن, و اعطوا الي داخل الحصن انطباع انهم اعداد كبيرة. تركي قطع الكهرباء عن الحصن, و عبد المحسن هكر شبكة التواصل بين الحصن و الجيش. بعد قتل الي قدروا عليه, الشباب اسقطوا شجرة سدوا فيها النهر قبل لا يصب بالبحر, وفاض مستوى الماء في النهر داخل الحصن, و استمر الوضع فترة قبل لا الشياتين يسقطون شجرة اخرى قبل مرور مجرى الماء بالحصن, لكي لا يزداد مستوى الماء في الحصن..

بالطريقة هذه منعوا الفيضان, و استمر القتال بين الطرفين. بعد عدة ساعات وصل معاذ مع حشود كبيرة من الثوار المسلحين بأسلحة بسيطة, و تمكنوا من قتل بعض الهاربين من المعسكر. و حاصروا المعسكر من جميع الاتجاهات. مصلح امر بازالة الشجرة الي اسقطوها الشياتين, بعد ما حجزت كمية كبيرة من الماء, بازالة الشجرة اندفع الماء داخل الحصن و هدم السور الي الماي كان يمر تحته, و اندفع الثوار و المتطوعين داخل الحصن و قتلوا الجميع. و تعالت اهازيج النصر بعد احتلال الحصن.

معاذ: شباب, هزه منطقة فيها ثلاثة هسون.
محمد: هسى احنا النا واحد, باقي اثنين.
مصلح: ايوه"
معاذ: واهد كبير, و بأدها يسير باقي اصمة مالت مهافزة
بو عادل: جيد جيد..
عبد العزيز: طيب عندكم خطة للمدينة الجاية؟

عبد المحسن: مليوووووووووووووون مشاهد!!

ناصر: اقول اسكت بس, لجيتنا.
الجنرال حمد: ط-ط-طيب الحين-ن-ن المدينة الجاية-ية وي-وينها؟
معاذ: بأد في نهر ساني, بأدين الا تول يجي الهسن..

تركي: شباب قبل لا نروح.. عندي خطة..

القتلى بالقتال السابق كانوا حوالي 100. المتطوعين اخذوا ملابس الجنود و لبسوهم, و لبسوا القتلى ملابس المدنيين. عبد المحسن اتصل على وسائل الاعلام عشان يغطون الخبر.. و بسرعة الكل ترك الموقع و راحوا للحصن الجديد.. عبد المحسن اخذ له فيديو على الجثث..

--بالطريق--

عبد العزيز: ناظروا شباب!
مازن: الناث يطلعون من بيوتهم و يجون معنا!
تركي: و الله و سويناها..

عبد المحسن: 2,000 مشاهد! حلو حلو..

يوم وصلوا.. حصلوا المعسكر بحالة تجهز كامل و الجنود جاهزين للقتال.

عبد المحسن: شوفوا الي فوق السور شباب!!
ناصر: هذا!!!
مصلح: ابو كرشة"

(الي ما يعرفه, راجعوا اول كم فصل بالقصة..)

الجنرال محمد: شباب ترى اعدادنا متقاربة معهم.. نقدر نفوز عليهم حتى لو متجهزين..
محمد: عيني نسيت النهر؟ هسى النهر هيجي يطلع لك عيونك..
مازن: ثح
عبد العزيز: شباب, شوفوا الحصن هناك, شرايكم اروح له بكم جندي و احتله. اذا امنت الوضع تقدرون تجون لي و منها تعبرون النهر. و اذا ما امنت الوضع, و هاجموني, راح اخذ انتباههم.
مصلح: كويس كذا"
الجنرال حمد: ان-نا-نا معك

راح عبد العزيز و الجنرال حمد للمعسكر مع عشرة جنود فقط, و دخلوه بسرعة و كان فاضي فما واجهوا صعوبات. لكن يوم صعدوا للسور و شافوا خروج عدد ضخم من قوات العدو الى الحصن, توتروا..

الشباب شافوا خروج عدد ضخم من القوات الى المعسكر..

الجنرال محمد: شباب!! لازم نروح ننقذ الجنرال حمد!
ناصر: بس اذا رحنا انقذناه, راح نخلي المعسكر بلا حماية, و يمكن يهاجمونا.. و نفقد مكاننا هني عند النهر.
مازن: لا روحوا, محد راح يقرب لنا!

سعود: طيب, مصلح و بو عادل و الجنرال محمد يروحون لمساعدة الجنرال حمد و عبد العزيز مع المتطوعين. مازن و محمد و الباقيين يقعدون معي للدفاع هني مع الثوار.

عبد المحسن: 10,000 متابع!!

وصلت قوات الاعداء للحصن, و بدؤوا يطلقون النار من فوق السور و الطلقات تسقط باماكن عشوائية داخل الحصن. عبد العزيز كان هادىء جدا في الموقف هذا و جلس على كرسي و قال للكل يقعد و يهدي بمكانه. الجنود استغربوا من الهدوء هذا و توقفت حالة الفوضى و هدؤوا معه. بعد دقايق صاح الجنرال حمد و بشرهم بوصول قوات الامداد لرفع الحصار.

بو عادل و مصلح و الجنرال محمد بدؤوا بالقتال مع القوات المقاتلة, الجنرال حمد و عبد العزيز و العشرة الي معهم صعدوا السور و بدؤوا بالرمي على القوات من الخلف.

مازن و القوات الي خلف النهر بسرعة تقدمت و طافت النهر, لكن يوم عدت النهر تماما وصل الجنرال ابو كرشة مع عدد كبير من الجنود للمكان و بدأ تبادل اطلاق النار. محمد و بو عزيز قادوا قوات لمهاجمة الميمنة و اسقطوا اعداد كبيرة من قوات ابو كرشة, الي بدأ يقاتل بضراوة لكن قتال مازن كان كافي لتحقيق التوازن بين الطرفين حتى مع فارق الاعداد.

عبد المحسن: 30,000 متابع, قزرت السالفة..

الشباب عند الحصن قتلوا القوات الي كانت عندهم, و راحوا لقتال قوات ابو كرشة من الخلف و حاصروه. اما مصلح قاد نصف القوات لمهاجمة المدينة مباشرة و قدر يدخلها, و بعد ساعة وصلت بقية القوات و دخلوا معه و اتموا السيطرة على الحصن الكبير.

---

في نغزة على الممالك الي يعرفها بطل.

ترقبوا الفصل الجديد.. قاعد ادوس بالقصة حد الدعسة عشان اخلص هههه

كل الشخصيات الان طلعت بالقصة, بس ناقص اسامة. ترقبوه..

ناسي اسمها اهم شي معركة القضاء على lubu

انا ناصر القصبي على غفلة!!!


مين ابو كرشة

واضحة ناصر

عبد العزيز (أو أنا ههههههه)

قاعد يقلد Gan Ning يوم هاجمه الظاهر Li Tong أو Cao Ren في Yi Ling وثبت قدامهم ولا خاف وتحرك يوم جتهم السهام

(كل واحد أدرى بروحه)

اقتباس :

اعد يقلد Gan Ning يوم هاجمه الظاهر Li Tong أو Cao Ren في Yi Ling وثبت قدامهم ولا خاف وتحرك يوم جتهم السهام

عبد العزيز هذه المعركة اساسا ماشركت فيها wei

اقتباس :

عبد العزيز هذه المعركة اساسا ماشركة فيها صثه

يا الغالي أنا ما أقصد المعركة

أنا أقصد الحصن اللي هاجمه Cao Ren يوم كان Zhou Yu يحاصر Jingling

اتنمى تنزل حلقات جديدة من القصة
والتركيز على شخصية ابوعادل الفصيح 
وفلاح العبيط خخخخخخخ
ومغامراتهم في الشيتان الاعزم
قصة متعوب عليها وحلوة واعطيها 100 من 100 
ويا ليت اخوى ناصر تكثر من الاسقاطات السياسية
لانك تعرف وين تحط كل اسقاط باحسن مكان له خخخخخ

قريت كل الفصول .. قصة حلوة صراحة بكل أحداثها
بصراحة أشجع هالقصص وأتمنى تعود مرة أخرى

لو تكملها أخي ناصر أو تبدأ بقصة جديدة تضيف المتعة للمنتدى ..
تحياتي

أفضل إذا في قصة ثانية .. تكون زي عصر الممالك الثلاث بدون بنادق وطيارات
على خيول وتكتيكات وأفخاخ وكذا ..