الاسئلة و الاقتراحات و الشكاوي من الاعضاء

لا مقفلة

مازن صدقني

ذاك الوقت مفتوحة

الرماة يطلعون يرمون
وبعدين يرجعون

أنا سألت ناصر

قال ما تقدر تدخل القلعة والأبواب مقفلة

عزيز - الشكوى موجهة للادارة لو سمحت.


القدرة الثانوية: حادثة النهر (تستطيع Sun Shang Xiang ان تنتقل من مكانها الى اي مكان تريد بالخريطة)


تم تغييرها لتصبح:


القدرة الثانوية: حادثة النهر (تستطيع Sun Shang Xiang ان تنتقل من مكانها الى اي مكان تريد بالخريطة, شرط ان لا تجتاز اي عدو في طريقها, حتى و ان كانت تستطيع المرور من جانب العدو, ولا تجتاز اسوار)

اذا Wu حبوا يستبدلونها بواحد ثاني دام الخاصية تغيرت, لهم الحرية دام المعركة ما بدت للحين.

اسف ناصر على التدخل بس قدرتا ما تتقارن بخاصيه zhang fei اذا تبي تغير قدرات احد غير قدراته




اما قائد يهاجم مرتين طول المعركه و فوق هذا قوته الجسديه الكبيره و قيادته للجوش جباره و ذكائه عالي



الصراحه مفروض يكون مملكه بروحه


هذا كل شي عنه

Zhang Fei
العضو: Guan Ping
الجنس: ذكر

WAR: 99
LDR:97
INT:70
POL:80
CHR: 65

القدرة الاساسية: عصفورين بحجر (تستطيع القيام بهجومين في دورة واحدة)

القدرة الثانوية: زئير الاسد (تستطيع ان توقف قائد عن الحركة لمدة دورتين, مرة واحدة في المعركة)

الفروسية: B
القتال البري: S
الرماية: A
الملاحة: B
الحصار: A
التخطيط: B
البناء: C
الطلاقة: D


بدال لا تتكلمون عن lady sun شوفوا المارد ذا


ياليت تغير سريع قبل المعركه او ارجاع قدره lady sun مو لازم تدخل داخل المدينه بس تروح اي مكان حتى لو قدامها جيش


وشكرا...

الصراحة نعم

لو تغير تغيير بسيط

لو تكون الخاصية مرة كل 3 دورات أو 4 دورات

بس كل دورة صعبة


وترى أشوف أنت معطيه ال POL 80 ؟؟؟؟؟

من متى وZhang Fei يعرف للسياسة ؟؟؟

بسم الله ما صارلنا كم يوم مغيرين خاصية Zhang Fei و لا احد اشتكى و طلب تغييرها, الا الحين يوم هاجمتم؟ قدرات Zhang Fei راح تظل مثل ما هي. أبو عادل قالي خاصية Xiahou Yuan القديمة, مع انها حلوة و ما في مجال لاساءة استخدامها, يبيلها تقوية, قويتها له. محمد قالي خواص Wu معظمها بحرية و يبون خواص برية, و عطيتكم. بس هذه خاصية ممكن اي واحد يستعملها بشكل استغلالي, فغيرتها.

اقتباس :

اسف ناصر على التدخل بس قدرتا ما تتقارن بخاصيه zhang fei اذا تبي تغير قدرات احد غير قدراته

مو لازم تتقارن يا حمد, Zhang Fei اقوى من Sun Shang Xiang و طبيعي يكون عنده خواص احسن منها.

اقتباس :

اما قائد يهاجم مرتين طول المعركه و فوق هذا قوته الجسديه الكبيره و قيادته للجوش جباره و ذكائه عالي

هاجم مرتين يتلقى خساير مرتين بعد.

اقتباس :

وترى أشوف أنت معطيه ال POL 80 ؟؟؟؟؟

من متى وZhang Fei يعرف للسياسة ؟؟؟

Shu انا متعمد باللعبة معطيهم فوق قدراتهم التاريخية عشان يكون في توازن و ما تسقط من اول سنة, و قبل لا نفتح اللعبة كان في موضوع تصويت على جميع القدرات و الاعضاء كلهم وافقوا عليها و قبل فترة عدلت بعض الخواص و اضفت خواص جديدة للبعض, محد تكلم. Zhang Fei و قليل مثل Huang Zhong و Wang Ping من الاقوياء في Shu و يحتاجونهم. حتى انتو عندكم ناس لهم خواص قوية حيل ترى, لازم يكون في توازن شوي. لو نبي نعطي تاريخيا كان ما شفنا ناس عندهم POL واجد في الممالك كلها الا المستشارين الضعاف بالعسكرية و محد ياخذهم, و كم واحد بس.

عموما المعركة بدت, و حتى بعد ما تنتهي ما راح يكون في تغيير الا للخواص الي يمكن يسيء استخدامها مثل Lady Sun حالها حال خاصية Yue Jin القديمة الي عدلناها, ممكن اي واحد يعطيها كل الجنود و بدورة وحدة توصل لقائد الجيش المعادي و تسقطه. حنا ما نعدل الخواص القوية حيل, نعدل الخواص الي ممكن يسيء استخدامها فقط.

اسف للتدخل مره ثانيه


اول شي lady sun ضعيفه في القياده عكس zhang fei تقول ياخذ خسائر مرتين شوف شنو يسوي يذبح 800 و يموت منه 200 وين تقول عدل؟؟


نسوي عليه خطط ما اظن تنجح شوف ذكاءه فوق الخيالي


نرجع ل lady sun اول شي ممنوع الحين تاخذ جنود من كتائب ثانيه يعني ما راح يصير الي تقولون عنه مثل الهجوم على قائد الجيش لانه داخل المدينه وما يصير ندخل المدينه


تعدل على القدرة تعديل بسيط ناصر و انا معك في التعديل بس مو تعدم القدره مره وحده الحين ما منها فايده ابد


خلها ما تتعدى الاسوار مو ما تتعدى اي جيش قدامها



و zhang fei الحين 97 قياده الجيش قتال بري : s قدرته الاولى هجوم مرتين قدرته الثانيه ما تقدر تتحرك دورتين


النتيجه مات الجيش الي ضده بكل سهوله


افضل الهجوم يكون مرتين يكون مره وحده في المعركه كامله ولا شنو هذا الجيش الي ما يتعب ابد



والامر راجع للحكام بس ياليت التعديل قبل لا تلتحم الجيوش و تنقص جنود


و الصراحه lady sun كن مسوي خطط فيها بس الحين مسحت ورقه رابحه من ايدي ناصر في وقت حرج


وشكرا...

لآآآآ يخسر 400 وإلي ضده 600 يعني مآفي فرق نفسها مرة أو مرتين بسس تزيد النسبة

وهو عنده خبرة بالقيآدة على حسب التآريخ القوي حقه المهم الرأي والأخير لنآصر

الحين تقارنون Sun Shang Xiang ب Zhang Fei ! هذا شي والشي الثاني بالنسبه للقوات احنا نهتم بال War و LDR في المعارك وشي معروف ان Zhang Fei متميز فيهم , بالنسبه لخططك ترى ماله دخل الذكاء اذا مشت على مازن تمشي على Zhang Fei لان المتحكم فيه مازن..

خاصية Zhang Fei ثابته وما راح نغيرها يعني كلهم اللي تمام في شو ينعدون على الاصابع وانتم عندكم خاصيات قوية وقادة تمام "

بالتوفيق"

اول شي انا ما قارنت بينهم


الي اقوله انا غيرتوا قدرة sun قلتوا انها قويه حيل


و خليتوا قدره zhang الي تقدر تقول خياليه مع قوته الكبيره يعني مفروض تغير قدرته هو مو ناقص قوه


وانتوا كيفكم


وشكرا...

انت تقول Zhang Fei عنده ومقوينه و Xiang مضعفينها ومعدلين خاصيتها هذي ترى مقارنه "

المهم اتفاهم مع ناصر ونشوف ووصل اقتراحك وراح ندرسه "

بالتوفيق"

انا المقارنه سويتها وانا ما ادري @@


المهم الي اقصده ان الحين sun ضعيفه و قدرتها هي الي معجبتنا فيها و كم دورة و كم معركه ما سويتوا فيها شي


الحين غيروا خاصيتها ؟؟


و هي ضعيفه و ما تتقارن مع zhang كافي كل شي عنده معدله عالي حيل و قدراته تخلي من الصعب الفوز عليه


ومع ذلك تضعفون sun و تخلونه على قوته هذي


و انا الي اطلبه تعديل قدره sun مره اخرا و جعلها لا تستطيع دخول المدن ولا تجاوز المباني او اي مانع مو ما تقدر تتعدى جيوش حتى لو من جنبها


و قدره zhang fei مو يهاجم مرتين كل دورة بس يهاجم مرتين كل معركه (على الاقل نقول الجيش يتعب ولا يضعف)


خاصيات قادتنا لازم تضحيه بجنود @@ على عكس خاصيات الشو بدون تضحيه


وياليت اجل تخلون واحد في كل مملكه بقول و خاصيات zhang fei ( ادري الرفض هو ردكم )


الصراحه قبل التعديل كانت الامور ماشيه و ارجع و اقول انتوا الحكام و الامر راجع لكم


وشكرا...

اقتباس :

و هي ضعيفه و ما تتقارن مع zhang

و هذا الي حنا نبيه بالضبط ترى.

Zhang Fei اقوى واحد في Shu و طبيعي ياخذ القوة هذه. Shu بكبرها ما فيها الا عدد بسيط حيل من الجنرالات الاقوياء. Wu عندكم ناس واجد عندهم خواص مثل او اقوى من Zhang Fei. لا تروح بعيد حمد, شوف Lady Sun..

Sun Shang Xiang
العضو: Ling T0ng
الجنس: انثى

WAR = 86
LDR = 79
INT = 66
POL = 67
CHR = 92

قدرة الزواج: اضافة 3 نقاط في ميدان ال WAR

القدرة الاساسية: اصطياد الرؤوس (قوة كتيبتك تزداد عندما تكون عبارة عن رماة فقط)

القدرة الثانوية: حادثة النهر (تستطيع Sun Shang Xiang ان تنتقل من مكانها الى اي مكان تريد بالخريطة, شرط ان لا تجتاز اي عدو في طريقها, حتى و ان كانت تستطيع المرور من جانب العدو, ولا تجتاز اسوار)

الفروسية: C
القتال البري: B
الرماية: S
الملاحة: S
الحصار: B
التخطيط: C
البناء: C
الطلاقة: A


لا تنسى انها انثى, طبيعي ما راح تكون بقوة ناس واجد. ابي اعرف الحين WAR حقها 86 على شنو بالضبط؟ و القيادة 79, يعني احسن من ناس واجد في Shu و هي بحياتها ما شافت معركة اصلا. الرماية عندها S و احسن من ناس واجد باللعبة, ترى الكل ماخذ فوق حقه.

خاصيتها للحين في لها فايدة, Cao Cao خاصيته الثانوية يتحرك 9 مربعات. هذه خاصيتها تتحرك عدد لا نهائي من مربعات بشرط ان ما يكون بطريقها جنرال, للحين اساسا الخاصية هذه فوق ما تستاهل بس انا ما كان ودي اغيرها حيل لانكم حاطينها بالمعركة على هالاساس. يمكن شوي ما وضحتها, بس ما تقدر تعطي جنرال حتى من الجنب, بس مو يعني من بعيد حيل.. يعني مثلا لو تبي تقطع 10 مربعات, و بعد 5 مربعات الى الامام و 5 الى اليمين في جنرال, عادي تعديه. بس ما يكون قريب حيل من طريقها, يعني فرق مربع ولا اثنين, ترجع لتقدير الحكم. لا تنسى ان الحركة هذه ممكن تصير في جميع الاتجاهات, امام ولا خلف, يعني ممكن تفك نفسك من التحام و تنسحب بسرعة, حتى لو محاصر من ثلاث جهات تقدر تنسحب من الجهة الخالية لان محد بطريقك. خاصية للحين قوية و لها فايدتها.

بعدين اي ذكاء فوق الخيالي يا حمد؟ ذكاء Zhang Fei عادي حيل.

و انتوا في Wu عندكم ناس واجد خواصها قوية حيل ترى.. عندكم ناس خواصهم هجومية تجيب اضرار قوية, عندهم هجمات مباغتة, عندكم ناس استحالة تصير بمدنهم ثورات.. لا تبالغ حمد, مو لازم يكون عندك واحد يقدر يهاجم مرتين او يقدر يوقف واحد عن الحركة دورتين, لازم اللعبة يكون فيها تنويع و فروقات بين الجنرالات, Shu بكبرها ما فيها الا عدد بسيط ينعدون على الاصابع يقدرون يواجهون Wu و انا مقوي كذا واحد فيهم بدون حق تاريخي بس عشان يواجهون Wu و Wei, و حتى انتوا نفس الشي و في امثلة واجد.

اقتباس :

و اقول انتوا الحكام و الامر راجع لكم

مشكور و ما قصرت, خلاص حنا قلنا راينا و متفقين عليه انا و مصلح و الموضوع تسكر من بعد اذلك.

السلام عليكم شباب عندي 3 اسئلة حاب استفسر عنها
انا توني ابدا اللعب RTK
اول شئ .. الـ Bandit ازعجوني خخ وش سبب ظهورهم لي .. ليه ما يطلعون على ممالك ثانيه غيره ؟

2\ ايش فايدة الـ AP ما اعرف عنه شئ .. حاليا عندي 2143\255 .. ليه محدد 255 يعني لازم ما اتعدى الـ 255 ؟ لان وصلت الفين و للحين ما اشوف شئ اثر على مملكتي فـ يا ليت احد يشرح لي ايش هو الـ AP

3\ كيف اكون صداقات مع الممالك الثانية , و على سبيل المثال لو واحد يهاجم مملكتي .. اقدر اعرض عليه ذهب او اكل عشان يوقف الهجوم ؟
لان يوم كنت اهاجم Jian Ye مالكها كان يعرض علي ذهب بس عييت عليه خخخ .. يعني اقدر اسوي مثله و اعرض ذهب او لا؟

و شكرا

اخوي اذا عندك اي استفسار عن سلسلة RTK تقدر تحطه في قسم اللعبة الخاص

https://dynastywarriors.yoo7.com/f6-montada

Wenyuan كتب:

اخوي اذا عندك اي استفسار عن سلسلة RTK تقدر تحطه في قسم اللعبة الخاص

https://dynastywarriors.yoo7.com/f6-montada

يؤ ! كل واحد يقول لي رح اسئل هناك
~_~
يعني اسوي موضوع كامل لاسئلتي ؟

لابس rtkلها قسم مخصص اما هذا القسم فهو عن لعبة ثانية

[Zhang Lia0] كتب:

لابس rtkلها قسم مخصص اما هذا القسم فهو عن لعبة ثانية

خلاص بكتب الاسئله في موضوع مستقل و يجي المشرف و يعدله اذا كنت مخالف

و شكرا على التوضيح .

صراحة انا عندي بعد الاعتراضات على اشياء استجدت في اللعبة من زمان ولكني ما كنت ابي اقدم اعتراضات فيها عشان ما اسبب مشاكل للجميع بس الحقيقة انه في اشياء غلط قاعدة تصير

اقتباس :

+ نسيت اضيف قانون ثاني:

في حالة طلب مبارزة, عند ارسال طلب المبارزة يتم معه تحديد نوع السلاح (قبل معرفة قبول الطرف الاخر ام رفضه). و الطرف الاخر يحدد السلاح في رسالة قبوله للمبارزة.

اشوف هذا القانون مجحف لنا وخصوصا انه جاء بعد طلبنا للمبارزة في المعركة على طول وكانه عائق متعمد عشان نضعف

المفروض المعركة لما تبدا القوانين الجديدة تكون في المعارك اللي بعدها لانه يكون الجيش عامل حسابه

اتمنى ايضاح للنقطة هذه لانه اعضاء المملكة رافضين للقوانين اللي تجي فجاة وبدون ما ينعمل لها حساب قبل المعركة واظن انه من ابسط حقوقنا تعريفنا بالقانون قبل تفعيله

هلا بو عزيز..

اقتباس :

صراحة انا عندي بعد الاعتراضات على اشياء استجدت في اللعبة من زمان ولكني ما كنت ابي اقدم اعتراضات فيها عشان ما اسبب مشاكل للجميع بس الحقيقة انه في اشياء غلط قاعدة تصير

دامك راضي على كبتك لها, اجل ليش تجيب طاريها الحين؟ اعترض بوقت السالفة مو بعدها..

اقتباس :

اشوف هذا القانون مجحف لنا وخصوصا انه جاء بعد طلبنا للمبارزة في المعركة على طول وكانه عائق متعمد عشان نضعف

اتهام خطير اخوي بو عزيز و هذا خارق لاداب النقاش. تقدر تدعي ان القرار (اثر) عليكم سلبا, لكن ارفض تماما انك تقول اننا (حطيناه كعائق متعمد). انتقد الاحداث و ليس النوايا الله يصلحك.

+ القانون ما اثر عليكم بأي شي. بدل ما يتم تحديد السلاح بعد الموافقة بالمبارزة, تم تحديد السلاح قبل الموافقة على المبارزة. السبب بسيط, بدل لا افتح موضوع, و يقعدون الاعضاء يوم كامل عشان يختارون اسلحتهم, بعدين يوم ثاني بس عشان تبدأ المبارزة, اختصرت الموضوع. فالسالفة ما فيها اي ضرر, و القصد فقط هو تسريع الاجراءات ببدأ المبارزة فقط لا غير.

عموما احتراما لرغبتك, مع اني مو مقتنع فيها ولا عاجبني الاتهام الي ضمنته بكلامك, راح اخفي سلاحكم بالمبارزة الان و راح اعلن عنه وقت المبارزة, يمكن هذا الي ودك توصل له بكلامك.

شكرا علي التجاوب السريع والنقطة الاولى من كلامك فهذي للاسف حقيقة لانك رافض تسمع لنا او تنفذ اي قرار جماعي لنا بسبب عدم وجود حاكمنا رغم انك عارف انه غير متواجد وانا اتفهم شعورك كونك تبي القرار يكون واحد واتمنى لو توسع صدرك لي شوي عشان ابين اشياء ما اعطيتني الفرصة اني اوضحها برسالة خاصة

النقطة الثانية اخوى ناصر انا الحمد لله مراعي لاداب النقاش لكن هذا اللي واضح من القانون لانه ما صدر الا بعد طلبنا للمبارزة والشغلة باينة ونتمنى تكون نيتك سليمة مثل ما تعودنا وفعلا هذا قصدي من الموضوع لكني ما اعرف صراحة ليش ما تم ذكر القانون في وقت مبكر ووين المشكلة ان الكل يعرف القانون قبل المعركة وبالاخص حكمها لانه اضرار هالحركة تكلف كثير وجربناها من قبل وشكرا على التجاوب مرة اخرى

اقتباس :

شكرا علي التجاوب السريع والنقطة الاولى من كلامك فهذي للاسف حقيقة لانك رافض تسمع لنا او تنفذ اي قرار جماعي لنا بسبب عدم وجود حاكمنا رغم انك عارف انه غير متواجد وانا اتفهم شعورك كونك تبي القرار يكون واحد واتمنى لو توسع صدرك لي شوي عشان ابين اشياء ما اعطيتني الفرصة اني اوضحها برسالة خاصة

.....؟؟

شنو علاقة هذا بسالفة المبارزة..؟ اذا بغيت تكلمني بموضوع معين, كلمني فيه مباشرة, ما يحتاج تدور اي شي تشتكي فيه عشان يكون بوابة لنقاش ثاني تجرنا فيه. المفروض بمساهمة وحدة تحط كل شكاويك الي عندك, بدل ما تنقلنا من موضوع الى موضوع ثاني.

سالفة حاكمكم مو موجود, بالعكس متواجد بشكل يومي لكنه يختار عدم ظهوره متصل بالقائمة الي تحت, و على فكرة متواجد بشكل اكثر منك شخصيا. ثانيا اعتقد الي تتكلم عنه تكلمت مع الشباب فيه و بينت لهم كل شي و عطيتهم وعد اني انفذ طلباتهم بس بطريقة غير الي اقترحوها (وافقوا) على اقتراحي, لكن للاسف سحبوا علي و حبوا يمشون الي براسهم. كلمت ربعك في Wu و كلمت Shu و معظم اللاعبين رافضين اعادة اللعبة, باستثناء ما نقل عنك + عضو ثاني.

ثاني شي, لو اني ابي اسحب على اقتراحاتكم كان من اول ما قلتوا لي اقتراحكم, كان رفضت على طول. بدل لا اناقش الشباب و اوصل لهدفهم و اعطيهم طرق ثانية يوصلون فيها لحل للمشكلة. انت ما كنت معنا بالماسنجر وقتها فالتمس لك العذر. و بما ان مبدئي الشفافية, و بما انك جبت السالفة بالمنتدى قدام الشباب, خلاص راح اقول شنو صار. طلبوا مني الاعضاء اعادة اللعبة, و طبعا رفضت لانه ينافي اخلاق اللعب ان نعيد اللعبة عشان كم عضو جديد يبي يسجل خاصة ان في ناس قاعدين يلعبون و ما يصير نعيد اللعبة عليهم.

قالولي الشباب المشكلة ان ما في عدد يكفيهم من الجنرالات بموضوع التسجيل و عطيتهم اكثر من حل و وعدتهم اني احله, لكن للاسف اصروا على سالفة الاستسلام. قبل فترة, كان عندنا قرار اقريناه لكن الاعضاء في Wei حبوا يحطون التحكيم بموقف حرج على قولتهم و قرروا استسلام جماعي, عشان يجبرونا بطريقة غير مباشرة اننا نعيد اللعبة, لكننا حذفنا المملكة بكل سهولة من اللعبة و استمرينا مع الاعضاء الي استمروا معنا. كلمت الاعضاء في Wei وقتها و قلت لهم اني حكم, معهم ماني ضدهم, يقولون لي الي يبون و انا اسوي الي اقدر عليه, لكن يخططون ضدنا بالتحكيم, هذا غير مقبولة. نفس الشي صاير الحين, سالفة استسلام و مدري شنو على اساس بس تنعاد اللعبة.

الي ابي اوصله, اني وقتها ناقشت الاعضاء بالماسنجر, فما سحبت على احد مع اني اقدر, خاصة اني قبلها محذر الاعضاء من سالفة التخطيط ضد التحكيم. و بعدين انا ما منعتك ترسل لي اي رسالة خاصة تبين لي اي شي تبيه.. ليش الاتهام هذا؟ ترى ماني مستبد انا.. و لا مصلح.. اثنينا تقدر تراسلنا بأي وقت + فاتحين لك الموضوع هذا + الكل يعرف عناوينا بالماسنجر.

اقتباس :

النقطة الثانية اخوى ناصر انا الحمد لله مراعي لاداب النقاش لكن هذا اللي واضح من القانون لانه ما صدر الا بعد طلبنا للمبارزة والشغلة باينة ونتمنى تكون نيتك سليمة مثل ما تعودنا وفعلا هذا قصدي من الموضوع لكني ما اعرف صراحة ليش ما تم ذكر القانون في وقت مبكر ووين المشكلة ان الكل يعرف القانون قبل المعركة وبالاخص حكمها لانه اضرار هالحركة تكلف كثير وجربناها من قبل وشكرا على التجاوب مرة اخرى

السبب موجود بنفس القانون, اني نسيت اذكره مع المساهمة الي قبلها, لو تلاحظ بينهم اقل من ساعة. انا قلت بالمساهمة اني نسيت اذكرها بالمساهمة الي قبلها, اذا انت تشك بالشي هذا فانت تتهمني بالكذب و ما اقبل الشي هذا صراحة. بالنهاية اتمنى تتذكر ان النوايا لا انت و لا انا نعرفها, فلا تحكم على نية اي واحد. كلها شغلة تافهة حيل مسكتها عشان تدخلنا بموضوع ثاني انت ناوي عليه..

اقتباس :

.....؟؟

شنو علاقة هذا بسالفة المبارزة..؟ اذا بغيت تكلمني بموضوع معين, كلمني فيه مباشرة, ما يحتاج تدور اي شي تشتكي فيه عشان يكون بوابة لنقاش ثاني تجرنا فيه. المفروض بمساهمة وحدة تحط كل شكاويك الي عندك, بدل ما تنقلنا من موضوع الى موضوع ثاني.

انت سالت ليش جبت الطاري وانا جاوبت لا أكثر وماني محتاج ادور شي اشتكي عليه عشان ادخل الموضوع

اقتباس :

سالفة حاكمكم مو موجود, بالعكس متواجد بشكل يومي لكنه يختار عدم ظهوره متصل بالقائمة الي تحت, و على فكرة متواجد بشكل اكثر منك شخصيا. ثانيا اعتقد الي تتكلم عنه تكلمت مع الشباب فيه و بينت لهم كل شي و عطيتهم وعد اني انفذ طلباتهم بس بطريقة غير الي اقترحوها (وافقوا) على اقتراحي, لكن للاسف سحبوا علي و حبوا يمشون الي براسهم. كلمت ربعك في Wu و كلمت Shu و معظم اللاعبين رافضين اعادة اللعبة, باستثناء ما نقل عنك + عضو ثاني.

وش الفايدة لما يتواجد وما نلاقيه دايم ؟؟ لا انت راضي تمشي برأي الاغلبية ولا راضي تفتح تصويت على القرار

اعادة اللعبة ابشرك اغلبنا في المملكة موافقين عليها ولكن بعض الاعضاء ما حبوا يخربون على الشباب المشاركين حاليا واشكرهم على هالموقف ولكن برضه نبي نطالب بحقنا

اقتباس :

ثاني شي, لو اني ابي اسحب على اقتراحاتكم كان من اول ما قلتوا لي اقتراحكم, كان رفضت على طول. بدل لا اناقش الشباب و اوصل لهدفهم و اعطيهم طرق ثانية يوصلون فيها لحل للمشكلة. انت ما كنت معنا بالماسنجر وقتها فالتمس لك العذر. و بما ان مبدئي الشفافية, و بما انك جبت السالفة بالمنتدى قدام الشباب, خلاص راح اقول شنو صار. طلبوا مني الاعضاء اعادة اللعبة, و طبعا رفضت لانه ينافي اخلاق اللعب ان نعيد اللعبة عشان كم عضو جديد يبي يسجل خاصة ان في ناس قاعدين يلعبون و ما يصير نعيد اللعبة عليهم.

قالولي الشباب المشكلة ان ما في عدد يكفيهم من الجنرالات بموضوع التسجيل و عطيتهم اكثر من حل و وعدتهم اني احله, لكن للاسف اصروا على سالفة الاستسلام. قبل فترة, كان عندنا قرار اقريناه لكن الاعضاء في Wei حبوا يحطون التحكيم بموقف حرج على قولتهم و قرروا استسلام جماعي, عشان يجبرونا بطريقة غير مباشرة اننا نعيد اللعبة, لكننا حذفنا المملكة بكل سهولة من اللعبة و استمرينا مع الاعضاء الي استمروا معنا. كلمت الاعضاء في Wei وقتها و قلت لهم اني حكم, معهم ماني ضدهم, يقولون لي الي يبون و انا اسوي الي اقدر عليه, لكن يخططون ضدنا بالتحكيم, هذا غير مقبولة. نفس الشي صاير الحين, سالفة استسلام و مدري شنو على اساس بس تنعاد اللعبة.

اخوى ناصر بكون صريح معاك دامك فتحت موضوع مملكة وي

اولا حنا ما نخطط ضد التحكيم لكني اعلنها صريحة تحكيمك للمعركة الاخيرة كان سيء للغاية

انت نسيت عدد دورات المعركة وسببت لنا خسارة وبعد ما ذكرناك تحججت بانه احنا نسينا نبلغك وكاننا مسوؤلين عن خطأك في حساب الدورات !!!

وبدل ما تعوضنا عن خطأك الفادح شاورت الاخ ابو عادل في انه يقبل بموضوع الدورة الاخيرة وهذا على حد تعبيرك غلط لانك ما شاورت الحاكم واذا انت تقر بالشيء هذا معناها وقعت في خطا ثاني

واظن انك في معركة وي مع شو بمجرد ما الاخ مازن خون في ذمة الاخ مشعل قررت ايقاف المعركة واعادتها من جديد رغم انك ما كنت تملك دليل واحد على كلامك حسب ما عرفت وهذا يدل على عدم الانصاف في اللعبة

وحنا نملك دليل انه المعركة 20 دورة والقانون واضح ومع ذلك فرضت كلمتك علينا ورفضت تعويضنا عن خطأك اللي سويته

هل انت تعتبر انك كنت منصف معنا ؟؟ للاسف اخوى ناصر المعركة الاخيرة فيها اخطاء تحكيمية كثيرة منها التافه على رايك ومنها الشديد اللي من الظلم نسكت عليه

اللي أبيه منك دامك قارنت مملكة وي فينا تشوف بنظرة حيادية هل حكمك علينا كان صحيح او انه مجرد راي تبي تفرضه علينا عشان تمشي اللعبة وتنتهي في الوقت اللي انت محدده ؟؟

اقتباس :

الي ابي اوصله, اني وقتها ناقشت الاعضاء بالماسنجر, فما سحبت على احد مع اني اقدر, خاصة اني قبلها محذر الاعضاء من سالفة التخطيط ضد التحكيم. و بعدين انا ما منعتك ترسل لي اي رسالة خاصة تبين لي اي شي تبيه.. ليش الاتهام هذا؟ ترى ماني مستبد انا.. و لا مصلح.. اثنينا تقدر تراسلنا بأي وقت + فاتحين لك الموضوع هذا + الكل يعرف عناوينا بالماسنجر.

اخوى ناصر كلمة اسحب عليكم اللي ترددها كل شوي مو حلوة بحق واحد مثلك نعرفه في المنتدى انه عضو له احترامه وتقديره صدقني لو سحبت علينا ما راح تعجبك العواقب مهما وضحت لنا انك غير مهتم اتمنى ما تستعملها كثير وبخصوص تخطيطنا ضد التحكيم للمرة الثانية اقولك شغلنا على المكشوف لا نخطط ولا ننفذ من وراء الحكام وسالفة الاستسلام قالوها لك الشباب وانت رفضت بدون ما تقنعنا ولا تنصفنا وهذه النتيجة ما عجبك الاستسلام فسكرت الموضوع وكلامي طلع بمحله اما بخصوص الرسائل والعنوانين انا اشهد انك تسمع لنا ولكن ما تنفذ لنا اي شي لانه ببساطة غير صادر الكلام من حاكم حتى وان كنا كلنا موافقين

اقتباس :

النقطة الثانية اخوى ناصر انا الحمد لله مراعي لاداب النقاش لكن هذا اللي واضح من القانون لانه ما صدر الا بعد طلبنا للمبارزة والشغلة باينة ونتمنى تكون نيتك سليمة مثل ما تعودنا وفعلا هذا قصدي من الموضوع لكني ما اعرف صراحة ليش ما تم ذكر القانون في وقت مبكر ووين المشكلة ان الكل يعرف القانون قبل المعركة وبالاخص حكمها لانه اضرار هالحركة تكلف كثير وجربناها من قبل وشكرا على التجاوب مرة اخرى

اقتباس :

السبب موجود بنفس القانون, اني نسيت اذكره مع المساهمة الي قبلها, لو تلاحظ بينهم اقل من ساعة. انا قلت بالمساهمة اني نسيت اذكرها بالمساهمة الي قبلها, اذا انت تشك بالشي هذا فانت تتهمني بالكذب و ما اقبل الشي هذا صراحة. بالنهاية اتمنى تتذكر ان النوايا لا انت و لا انا نعرفها, فلا تحكم على نية اي واحد. كلها شغلة تافهة حيل مسكتها عشان تدخلنا بموضوع ثاني انت ناوي عليه..

القانون جاء بعد الدورة وما ندري ان كنت تقصد او لا ونفرض لك النية الحسنة ان شاء الله ولكن انا ما اتهمك بالكذب ولا قلت عليك كذاب فلا تتهمني بشيء ما قلته مقصدي من الموضوع انه لا تقر قانون وتفعله في نص اي معركة عشان ما تربك الواحد واظن هذا حق لنا وللمرة الثانية اخوي ناصر انا مو قصدي ادخلك بمواضيع لكنك انت اللي طلبت طاري المواضيع وتقبل ردودي بصدر رحب

اقتباس :

انت سالت ليش جبت الطاري وانا جاوبت لا أكثر وماني محتاج ادور شي اشتكي عليه عشان ادخل الموضوع

ايه, قلت لك ليش تجيب طاري شي فات و ما اشتكيت بوقته, و قلت لك بنهاية كلامي "اشتك بوقتها, مو بعدها بفترة". فكلامي للحين يعتبر رد عليك, كل هذا المفروض تقوله بوقته مو الحين.

اقتباس :

وش الفايدة لما يتواجد وما نلاقيه دايم ؟؟ لا انت راضي تمشي برأي الاغلبية ولا راضي تفتح تصويت على القرار

اعادة اللعبة ابشرك اغلبنا في المملكة موافقين عليها ولكن بعض الاعضاء ما حبوا يخربون على الشباب المشاركين حاليا واشكرهم على هالموقف ولكن برضه نبي نطالب بحقنا

الاغلبية؟ انا سألت الشباب كلهم. انت طبعا تبي الاستسلام, نفس الشي King of honor. لكن أبو عادل و Bofu رافضين الاستسلام, نفس الشي لجنة التحكيم, و كل اعضاء Shu. وين الاغلبية الي تقول عنها؟

اقتباس :

اخوى ناصر بكون صريح معاك دامك فتحت موضوع مملكة وي

اولا حنا ما نخطط ضد التحكيم لكني اعلنها صريحة تحكيمك للمعركة الاخيرة كان سيء للغاية

انت نسيت عدد دورات المعركة وسببت لنا خسارة وبعد ما ذكرناك تحججت بانه احنا نسينا نبلغك وكاننا مسوؤلين عن خطأك في حساب الدورات !!!

وبدل ما تعوضنا عن خطأك الفادح شاورت الاخ ابو عادل في انه يقبل بموضوع الدورة الاخيرة وهذا على حد تعبيرك غلط لانك ما شاورت الحاكم واذا انت تقر بالشيء هذا معناها وقعت في خطا ثاني

Shu و Wu كلهم نسوا عدد دورات المعارك. عدد دورات المعارك في اللعبة اساسا 30 دورة, لكن بعد حدث العمائم حصل تحديث بسبب المجاعة و اعتبرنا ان عدد الدورات راح يصير 20 كحد اقضى. على مر تاريخ اللعبة ما مرت علينا اي معركة وصلت الى حد 20 دورة (باستثناء الاحداث) فشي اكثر من طبيعي ان الكل يكون ناسي الشي هذا. معليش بو عزيز, انا كنت حكم اللعبة و ادري ان في دورات واجد انت ما كنت ترسل و كان يرسل عنك أبو عادل و ادري ان عندك عذر قوي و هو ظروف الوفاة, لكن أبو عادل استلم كل شي عنك و من الدورة 17 (الدورة الي قلت فيها ان المعركة راح تخلص بـ 25 دورة) الى الدورة 23 و هو مستمر على الخطة هذه و مبيت النية ان المعركة تخلص على الدورة 25. فما كان في اي تأثير مباشر على التخطيط وقتها للسبب الي ذكرته.

ثانيا, كوني اعطي اعلان ان المعركة تخلص بالدورة 25, و فجأة بالدورة 24 اعلن الغاء اخر اربع دورات, اعتقد هذا ظلم. ثالث شي, أبو عادل, و هو الي انتم مفوضينه بالمعركة, رفض رفض قاطع اني اعلن Wu فائزة للسالفة هذه. و اقترحت حل اعادة المعركة من الدورة 17 لكن ما لاقى الحل هذا قبول من جميع الاطراف, و اقترحت بعده حل ثاني و هو اعتبار اخر دورة هي الدورة 24 و وافقوا الجميع. اتهمني بالظلم مرة ثانية و اني ابي امشي كلمتي بدون ما اشاور.. احب الثقة هذه و الكلام بدون علم..

بعدين مثالك ما له اي علاقة. في حالة رغبة عضوين انهم يخلون المملكة كلها تستسلم, طبعا راح اوقف و اقول الحاكم هو الي له الصلاحية. لان القرار خاص بالمملكة ككل, و هو المفوض باسمها بالسوالف هذه. بالمعركة, كان القائد و المتحكم, و الوحيد المتواجد اساسا هو أبو عادل. فمثالك كلش ما له علاقة..

اقتباس :

واظن انك في معركة وي مع شو بمجرد ما الاخ مازن خون في ذمة الاخ مشعل قررت ايقاف المعركة واعادتها من جديد رغم انك ما كنت تملك دليل واحد على كلامك حسب ما عرفت وهذا يدل على عدم الانصاف في اللعبة

اكبر غلط ممكن الواحد يطيح فيه انه يتكلم بدون دليل او علم بالموضع. كان عندي اكثر من دليل, و اتخذت القرار هذا بمشورة الجميع. اذا مازن كان يرسل خطة وحدة بس لكل دورة, و كانوا Wei يتوقعون الخطة هذه بالضبط. اعتقد شي الواحد يشك فيه. المعركة استمرت كذا دورة, كان كل حركة لمازن يتم توقعها بالكيفية + بأسم الجنرال الي ينفذ الخطة + بنفس الدورة الي يرسلها مازن. لو على الاقل Wei كانوا يتوقعون خطط الدورة 3 بالدورة 5 كان سكتت.. لكن بنفس الوقت الي مازن يرسل فيه الخطط, Wei يتوقعون.

يوم سألت Wei عن دقتهم الرهيبة, قالولي انهم يحطون كل الاحتمالات الممكنة و يتوقعونها, رجعت الى رسائلهم و ما اقتنعت ابد. اذا الواحد يبي يتوقع كل الاحتمالات.. لازم يتوقع كل الاحتمالات! مو يرسل شغلة وحدة و محددة. قلت لمازن يقدم خطة وحدة من عنده بدون لا يعلم مشعل عنها و سبحان الله الخطة مشت و هي الوحيدة الي ما توقعوها Wei. بعد مشاورة مصلح, قررنا استبعاد الاخ مشعل من المعركة لحين اشعار اخر, عشان نفهم بس شنو قاعد يصير.. بعد نقاشات و مطالبات, قررنا, و بموافقة ممثلي المملكتين, اننا نعيد المعركة. بعد ما Wei فشلوا في المعركة, انسحبوا واحد ورى الثاني على اساس يجبرون التحكيم يعيد اللعبة, لكن التحكيم قرر الاستغناء عن المملكة.

هذا الي صار و لك انك ترجع للارشيف. يمكن اكون غلطت بشغلة و لا ثنتين لان السالفة قديمة, لكن الفكرة عامة نفسها.

اقتباس :

وحنا نملك دليل انه المعركة 20 دورة والقانون واضح ومع ذلك فرضت كلمتك علينا ورفضت تعويضنا عن خطأك اللي سويته

هل انت تعتبر انك كنت منصف معنا ؟؟ للاسف اخوى ناصر المعركة الاخيرة فيها اخطاء تحكيمية كثيرة منها التافه على رايك ومنها الشديد اللي من الظلم نسكت عليه

اللي أبيه منك دامك قارنت مملكة وي فينا تشوف بنظرة حيادية هل حكمك علينا كان صحيح او انه مجرد راي تبي تفرضه علينا عشان تمشي اللعبة وتنتهي في الوقت اللي انت محدده ؟؟

رديت على كلامك, و انا ما فرضت كلمتي على احد, كل شي صار بموافقة الطرفين. ما في اي وقت انا محدده يا بو عزيز.. ترى الكلام يجيك مضروب, سألوني متى تخلص اللعبة, قلت اتوقع على نهاية السنة. ما قلت اني راح اخلصها على نهاية السنة.

اقتباس :

اخوى ناصر كلمة اسحب عليكم اللي ترددها كل شوي مو حلوة بحق واحد مثلك نعرفه في المنتدى انه عضو له احترامه وتقديره صدقني لو سحبت علينا ما راح تعجبك العواقب مهما وضحت لنا انك غير مهتم اتمنى ما تستعملها كثير وبخصوص تخطيطنا ضد التحكيم للمرة الثانية اقولك شغلنا على المكشوف لا نخطط ولا ننفذ من وراء الحكام وسالفة الاستسلام قالوها لك الشباب وانت رفضت بدون ما تقنعنا ولا تنصفنا وهذه النتيجة ما عجبك الاستسلام فسكرت الموضوع وكلامي طلع بمحله اما بخصوص الرسائل والعنوانين انا اشهد انك تسمع لنا ولكن ما تنفذ لنا اي شي لانه ببساطة غير صادر الكلام من حاكم حتى وان كنا كلنا موافقين

يا سلااااام, يعني انا ما يحق لي اقول "ما ابي اسحب عليكم" و انت يحق لك تقول "انت تسحب علينا, و تفرض كلمتك علينا, و تتعمد تضرنا و تظلمنا"؟

معليش بو عزيز, بس اذا جوني اعضاء قالولي نبي نعيد اللعبة, و قلت لهم لأ و رديت عليهم, بعدها قالولي نبي نخلص اللعبة بأسرع وقت عشان نبدأ اصدار جديد, و قلت لهم اللعبة بتخلص بوقتها ما نبي تدخل فيها. فجاة اليوم الي بعده المملكة تعلن استسلامها, و اسال الاعضاء بالماسنجر يقولون لي الهدف من الاستسلام هو اعادة اللعبة. اعتقد هذا تكرار لمحاولة Wei بالضغط على التحكيم عشان يمشي الي براي عضو ولا اثنين. بعدها تجي شكاوي و اتهامات بالظلم..؟ الي افهمه, اذا ربطت الاحداث هذه , ان حاليا الهدف من الدخول هذا هو بس احداث مشاكل عشان نزعل و نسكر اللعبة/نعيدها.

ما تحس كلامك الي تحته خط متضارب؟ (الشباب) قالولي عن سالفة الاستسلام, انت ما كنت معهم اساسا. و اقنعتهم وقتها, بس انت مو موجود فطبيعي ما راح اقنعك. الشباب وقتها كانوا معاذ و بو عادل و نايت وولف, كلمهم و شوف. بالنهاية طلبت منهم تلخيص لكل طلباتهم عشان اتناقش فيها مع مصلح. و لا واحد فيهم طلب اعادة اللعبة. واحد طلب حدث جديد, و واحد طلب تسريع نهاية اللعبة, بس.

الاستسلام ما يعجب الكل, شفيك بو عزيز. ترى بس انت و king of honor تبون الاستسلام, و حتى king of honor كان يبي الاستسلام بس يمكن الحين غير رايه. ما في اي (لاعب) حاليا باللعبة يبي الاعادة ترى. بعدين ما ينفع نعيد مجهود سنة كاملة, و هذا يشمل مجهود اللاعبين قبل مجهود الحكام. ثاني شي نبي اللعبة تاخذ نهاية طبيعية, لاحقين على موسم ثاني الدنيا ما راح تطير عشان عضوين ولا ثلاث جدد. الموقف هذا اقدر اصور لك اياه بمباراة كرة قدم على البلاستيشن, قبل خمس دقايق على نهاية المباراة, الطرف الخاسر وقف اللعبة و عاد المباراة قبل لا ينهزم. ما في روح رياضية و لا في احترام لجهود الطرف الاخر و لا التحكيم, و حتى الفريق المهزوم في منه ناس يبون يكملون.

بالنسبة لاخر جملة.. عشاني رفضت طلب عضوين بالاستسلام, صرت الحين ارفض (كل) طلبات المملكة.. الي (كلهم) موافقين عليها.. فعلا ارضاء الناس غاية لا تدرك.

اقتباس :

القانون جاء بعد الدورة وما ندري ان كنت تقصد او لا ونفرض لك النية الحسنة ان شاء الله ولكن انا ما اتهمك بالكذب ولا قلت عليك كذاب فلا تتهمني بشيء ما قلته مقصدي من الموضوع انه لا تقر قانون وتفعله في نص اي معركة عشان ما تربك الواحد واظن هذا حق لنا وللمرة الثانية اخوي ناصر انا مو قصدي ادخلك بمواضيع لكنك انت اللي طلبت طاري المواضيع وتقبل ردودي بصدر رحب

انا قلت السبب و انت قلت "كل شي واضح" و "الشغلة واضحه", و طلبت سبب عدم ادراج القانون بالمساهمة الي قبلها و رديت عليك بالسبب و قلت لك انه موجود بالمساهمة الي انت اقتبستها بنفسك و في حالة تشكيكك فانك تكون كذبتني, فقط في حالة التشكيك اما غيرها لا ما اتهمك بالتكذيب.

عموما ان شاء الله الموضوع يحل, انا عطيت للشباب حلول. هم برروا لي طلبهم باعادة اللعبة بسبب عدم تواجد ناس يكفونهم في موضوع التسجيل, و صارت سالفة الاصرار على الاستسلام قبل لا اسوي اي شي. حاليا, اقترح نحد نقاشنا على المشاكل الحالية عشان نقدر نحلها. سالفة Wei افضل لو نشيلها من النقاش, و انا فقط ذكرتها بالمساهمة هذه دفاعا ضد اتهاماتك فقط, سالفة معركتكم السابقة لك الحرية تتكلم فيها , نفس الشي قانون ذكر السلاح قبل المبارزة الي مدري ليش مضايقك بهالشكل.

اقتباس :

ايه, قلت لك ليش تجيب طاري شي فات و ما اشتكيت بوقته, و قلت لك بنهاية كلامي "اشتك بوقتها, مو بعدها بفترة". فكلامي للحين يعتبر رد عليك, كل هذا المفروض تقوله بوقته مو الحين.

وقتها الشباب كلموك في الموضوع وما طلعوا بنتيجة وبعد قانون سلاح المبارزة وبعد الظلم اللي تعرضنا له في المعركة اللي قبلها كلمتك وانت اللي طلبت سبب تعليقي

اقتباس :

الاغلبية؟ انا سألت الشباب كلهم. انت طبعا تبي الاستسلام, نفس الشي King of honor. لكن أبو عادل و Bofu رافضين الاستسلام, نفس الشي لجنة التحكيم, و كل اعضاء Shu. وين الاغلبية الي تقول عنها؟

أولا قرار إستسلام مملكتنا لجنة التحكيم وشو ما لهم علاقة فيه لان استسلامنا يعني نهاية مملكتنا ويترتب عليها نهاية اللعبة لانه شو راح تعتبر فازت

ثانيا انا قلت لك الكل موافق الا محمد والشباب تراجعوا عن كلامهم عشان خاطر الشباب الثانيين وبعدين الاخ معاذ من مملكة شو كان موافق يوم سالته

اقتباس :

Shu و Wu كلهم نسوا عدد دورات المعارك. عدد دورات المعارك في اللعبة اساسا 30 دورة, لكن بعد حدث العمائم حصل تحديث بسبب المجاعة و اعتبرنا ان عدد الدورات راح يصير 20 كحد اقضى. على مر تاريخ اللعبة ما مرت علينا اي معركة وصلت الى حد 20 دورة (باستثناء الاحداث) فشي اكثر من طبيعي ان الكل يكون ناسي الشي هذا. معليش بو عزيز, انا كنت حكم اللعبة و ادري ان في دورات واجد انت ما كنت ترسل و كان يرسل عنك أبو عادل و ادري ان عندك عذر قوي و هو ظروف الوفاة, لكن أبو عادل استلم كل شي عنك و من الدورة 17 (الدورة الي قلت فيها ان المعركة راح تخلص بـ 25 دورة) الى الدورة 23 و هو مستمر على الخطة هذه و مبيت النية ان المعركة تخلص على الدورة 25. فما كان في اي تأثير مباشر على التخطيط وقتها للسبب الي ذكرته.

اخوى ناصر انت كاتب انه مدة المعركة 20 دورة الا معارك الاحداث تكون 30 واظن مع اعتبار خسارة شو 5 دورات هذا بحد ذاته يخلي المعركة تنتهي على القانون عند الدورة 15 هل حنا محاسبين انه نتحمل غلط الحكم في حساب الدورات ؟؟

أبو عادل حرق المخيم بالدورة 17 على كلامه وهذا يخلي المعركة تنتهي على طول (وهذا خطأ جديد محسوب عليك)

شوف ناصر اعلانك الحين جاء بعد وقت المعركة (الاصلي) يعني هذا بحد ذاته كافي يخلينا نطالب بتصحيح هالخطأ

اقتباس :

ثانيا, كوني اعطي اعلان ان المعركة تخلص بالدورة 25, و فجأة بالدورة 24 اعلن الغاء اخر اربع دورات, اعتقد هذا ظلم. ثالث شي, أبو عادل, و هو الي انتم مفوضينه بالمعركة, رفض رفض قاطع اني اعلن Wu فائزة للسالفة هذه. و اقترحت حل اعادة المعركة من الدورة 17 لكن ما لاقى الحل هذا قبول من جميع الاطراف, و اقترحت بعده حل ثاني و هو اعتبار اخر دورة هي الدورة 24 و وافقوا الجميع. اتهمني بالظلم مرة ثانية و اني ابي امشي كلمتي بدون ما اشاور.. احب الثقة هذه و الكلام بدون علم..

الظلم اخوي ناصر انك تستمر في المعركة وانت عارف انها انتهت من زمان وحتى بعد ما انا بلغت ابو عادل بالخطأ هذا الحل حقك ما كان منصف للكل

الاخوان في مملكة شو اكيد لو مكاننا ما راح يرضون بالظلم وحنا ما نمانع فوزهم علينا لكن حسب القوانين والانظمة

اقتباس :

بعدين مثالك ما له اي علاقة. في حالة رغبة عضوين انهم يخلون المملكة كلها تستسلم, طبعا راح اوقف و اقول الحاكم هو الي له الصلاحية. لان القرار خاص بالمملكة ككل, و هو المفوض باسمها بالسوالف هذه. بالمعركة, كان القائد و المتحكم, و الوحيد المتواجد اساسا هو أبو عادل. فمثالك كلش ما له علاقة..

مثالي له علاقة اذا انت تفسره كذا انت حر لكن اظن ان المعركة بنفس الوقت تخص المملكة ككل مو أبو عادل لوحده والخسارة مؤثرة للكل مو لأبو عادل وحده ولذلك لازم تشاور الكل او على رأيك الحاكم مو أبو عادل وحده

اقتباس :

اكبر غلط ممكن الواحد يطيح فيه انه يتكلم بدون دليل او علم بالموضع. كان عندي اكثر من دليل, و اتخذت القرار هذا بمشورة الجميع. اذا مازن كان يرسل خطة وحدة بس لكل دورة, و كانوا Wei يتوقعون الخطة هذه بالضبط. اعتقد شي الواحد يشك فيه. المعركة استمرت كذا دورة, كان كل حركة لمازن يتم توقعها بالكيفية + بأسم الجنرال الي ينفذ الخطة + بنفس الدورة الي يرسلها مازن. لو على الاقل Wei كانوا يتوقعون خطط الدورة 3 بالدورة 5 كان سكتت.. لكن بنفس الوقت الي مازن يرسل فيه الخطط, Wei يتوقعون.

يوم سألت Wei عن دقتهم الرهيبة, قالولي انهم يحطون كل الاحتمالات الممكنة و يتوقعونها, رجعت الى رسائلهم و ما اقتنعت ابد. اذا الواحد يبي يتوقع كل الاحتمالات.. لازم يتوقع كل الاحتمالات! مو يرسل شغلة وحدة و محددة. قلت لمازن يقدم خطة وحدة من عنده بدون لا يعلم مشعل عنها و سبحان الله الخطة مشت و هي الوحيدة الي ما توقعوها Wei. بعد مشاورة مصلح, قررنا استبعاد الاخ مشعل من المعركة لحين اشعار اخر, عشان نفهم بس شنو قاعد يصير.. بعد نقاشات و مطالبات, قررنا, و بموافقة ممثلي المملكتين, اننا نعيد المعركة. بعد ما Wei فشلوا في المعركة, انسحبوا واحد ورى الثاني على اساس يجبرون التحكيم يعيد اللعبة, لكن التحكيم قرر الاستغناء عن المملكة.

كلامك غير مقتنع ناصر !! انت مو إداري ؟؟ ما تقدر تشوف من لوحة الإدارة وش قاعد يصير ؟؟ لازم يعني تعيد المعركة لمجرد انك شاك في نوايا مشعل ؟؟ هل عندك دليل انت مشعل كان خاين او تركي كان كذاب ؟؟ انت مو تقول شكيت في كلام وي ؟؟ يعني مكذبهم صح ؟؟ هذا بالضبط نفس كلامك لي بخصوص القانون اللي حطيته بعد ما حطيت دورة المعركة

ناظر المعركة اول وشوف شلون خطط وي تدمرت عشان القرار الإداري اللي كان بدون دليل والله اني ما ألومهم يوم قرروا ينسحبون لانهم مظلومين في القرار وبعدين يوم كان عندك شك بمشعل المفروض تعاقب مملكته مو مملكة ما لها دخل الا انها طاحت ضحية عضوين ما يثقون ببعض ومعركة الاياب كانت ضد رغبة وي على كلامهم وانت عدها لمجرد شكك انت بمشعل والمشكلة توك تقول محد يعلم بالنوايا وفشل وي في المعركة طبيعي لان الخطط انكشفت وهذا كلامك لابو عادل يوم رفضت تعيد معركتنا مع شو الاخيرة وبالاخير مملكة وي نفذت اللي تبيه وانسحبت بكرامتها

اقتباس :

رديت على كلامك, و انا ما فرضت كلمتي على احد, كل شي صار بموافقة الطرفين. ما في اي وقت انا محدده يا بو عزيز.. ترى الكلام يجيك مضروب, سألوني متى تخلص اللعبة, قلت اتوقع على نهاية السنة. ما قلت اني راح اخلصها على نهاية السنة.

لا تخاف الكلام ما يجيني كلام مضروب انت تتوقع بنهاية السنة كيفك ولكن بخصوص الطرفين هذه نتيجة خطاك في حساب عدد الدورات واذا انت ما تبي تعيد المعركة فهذا يعني انك حشرتنا بالخيارات اللي قدامنا وتجبرنا نختار منها

اقتباس :

يا سلااااام, يعني انا ما يحق لي اقول "ما ابي اسحب عليكم" و انت يحق لك تقول "انت تسحب علينا, و تفرض كلمتك علينا, و تتعمد تضرنا و تظلمنا"؟

لغتك في الحوار لغة تهديد وكأنك متفضل علينا بالوقت رغم انه من ابسط حقوقنا انك تسمع لنا وهذا التهديد مرفوض عندي وعند غيري اما كلامي فهو على سبيل التشبيه انت وش تقول بواحد حط قانون يخص حالة معينة بمجرد اننا فعلنا الحالة نفسها ؟؟ ما تشوف انه فيها تشبيه من أنك تبي تقيد حريتنا بالتحركات ؟؟

اقتباس :

معليش بو عزيز, بس اذا جوني اعضاء قالولي نبي نعيد اللعبة, و قلت لهم لأ و رديت عليهم, بعدها قالولي نبي نخلص اللعبة بأسرع وقت عشان نبدأ اصدار جديد, و قلت لهم اللعبة بتخلص بوقتها ما نبي تدخل فيها. فجاة اليوم الي بعده المملكة تعلن استسلامها, و اسال الاعضاء بالماسنجر يقولون لي الهدف من الاستسلام هو اعادة اللعبة. اعتقد هذا تكرار لمحاولة Wei بالضغط على التحكيم عشان يمشي الي براي عضو ولا اثنين. بعدها تجي شكاوي و اتهامات بالظلم..؟ الي افهمه, اذا ربطت الاحداث هذه , ان حاليا الهدف من الدخول هذا هو بس احداث مشاكل عشان نزعل و نسكر اللعبة/نعيدها.

اظن اني قلت لك انه طلب الاستسلام هو رد فعل لعدم تجاوبك معنا في موضوع المعركة وانا صراحة ما أرضى اني انخدع واتسكت بحلول ما فيها انصاف ابدا لو انك عطيتنا حقنا كان سكتنا وكملنا

اقتباس :

ما تحس كلامك الي تحته خط متضارب؟ (الشباب) قالولي عن سالفة الاستسلام, انت ما كنت معهم اساسا. و اقنعتهم وقتها, بس انت مو موجود فطبيعي ما راح اقنعك. الشباب وقتها كانوا معاذ و بو عادل و نايت وولف, كلمهم و شوف. بالنهاية طلبت منهم تلخيص لكل طلباتهم عشان اتناقش فيها مع مصلح. و لا واحد فيهم طلب اعادة اللعبة. واحد طلب حدث جديد, و واحد طلب تسريع نهاية اللعبة, بس.

حلو اجتماعك بالاعضاء بس تراهم ما لهم علاقة بالموضوع الا ابو عادل المفروض مجتمع في اصحاب الشان من مملكتنا وتحسم الموضوع فورا

اقتباس :

الاستسلام ما يعجب الكل, شفيك بو عزيز. ترى بس انت و king of honor تبون الاستسلام, و حتى king of honor كان يبي الاستسلام بس يمكن الحين غير رايه. ما في اي (لاعب) حاليا باللعبة يبي الاعادة ترى. بعدين ما ينفع نعيد مجهود سنة كاملة, و هذا يشمل مجهود اللاعبين قبل مجهود الحكام. ثاني شي نبي اللعبة تاخذ نهاية طبيعية, لاحقين على موسم ثاني الدنيا ما راح تطير عشان عضوين ولا ثلاث جدد. الموقف هذا اقدر اصور لك اياه بمباراة كرة قدم على البلاستيشن, قبل خمس دقايق على نهاية المباراة, الطرف الخاسر وقف اللعبة و عاد المباراة قبل لا ينهزم. ما في روح رياضية و لا في احترام لجهود الطرف الاخر و لا التحكيم, و حتى الفريق المهزوم في منه ناس يبون يكملون.

بالنسبة لاخر جملة.. عشاني رفضت طلب عضوين بالاستسلام, صرت الحين ارفض (كل) طلبات المملكة.. الي (كلهم) موافقين عليها.. فعلا ارضاء الناس غاية لا تدرك.

ارضاء الناس في مملكتنا انك تحكم بحيادية في الغلطة اللي انت سويتها وتحط قرارات وتراعي حق كل مملكة والله العظيم يا خي مو عيب انك تغلط العيب انك تكابر على الغلط وتصر انه اعضاء المملكتين غلطانين في انهم ما ذكروك بعدين من مصلحة قوات شو يطول الوقت واظن ان الجهة الدفاعية الوقت عامل رئيسي في معركتها جرب تعيد المعركة ولما نخسر بكون اول المهنئين لشو

اقتباس :

انا قلت السبب و انت قلت "كل شي واضح" و "الشغلة واضحه", و طلبت سبب عدم ادراج القانون بالمساهمة الي قبلها و رديت عليك بالسبب و قلت لك انه موجود بالمساهمة الي انت اقتبستها بنفسك و في حالة تشكيكك فانك تكون كذبتني, فقط في حالة التشكيك اما غيرها لا ما اتهمك بالتكذيب.

جيب اي واحد وخله يشوف الدورة والرد اللي نزلت مباشرة وراح يقول انه الرد مكتوب بناء على الدورة عاد النية (مقصودة - غير مقصودة - تذكرتها مع الدورة) هذه بينك وبين الله ما نحكم فيها انا علي من الظاهر قدامي

اقتباس :

عموما ان شاء الله الموضوع يحل, انا عطيت للشباب حلول. هم برروا لي طلبهم باعادة اللعبة بسبب عدم تواجد ناس يكفونهم في موضوع التسجيل, و صارت سالفة الاصرار على الاستسلام قبل لا اسوي اي شي. حاليا, اقترح نحد نقاشنا على المشاكل الحالية عشان نقدر نحلها. سالفة Wei افضل لو نشيلها من النقاش, و انا فقط ذكرتها بالمساهمة هذه دفاعا ضد اتهاماتك فقط, سالفة معركتكم السابقة لك الحرية تتكلم فيها , نفس الشي قانون ذكر السلاح قبل المبارزة الي مدري ليش مضايقك بهالشكل.

اللي قالوا لك الحلول اللي تقول عليها هم الاثنين اللي ما لهم علاقة بالموضوع مع ابو عادل اذا ودك تتجاوب معنا حياك الله عندنا وعطتنا الحلول اللي تقترحها وخلنا نتناقش معك كرجال

سالفة وي انت فتحتها تبي تنهيها كيفك وقانون سلاح المبارزة مضايقني للسبب المذكور فوق