الاسئلة و الاقتراحات و الشكاوي من الاعضاء

طيب أخوي ناصر الحين Dong Xi و Cao Hong تفيدهم خواصهم الاساسية بالمبارزات؟؟
Dong Xi خاصيته القاتل( فرصة جيدة لأصابة الجنرال المعادي لك)
Cao Hong خاصيته الدرع الجيد (لايمكن اصابتك شخصيا بالمعارك).
وشكرا..

أبو عادل كتب:

طيب أخوي ناصر الحين Dong Xi و Cao Hong تفيدهم خواصهم الاساسية بالمبارزات؟؟
Dong Xi خاصيته القاتل( فرصة جيدة لأصابة الجنرال المعادي لك)
Cao Hong خاصيته الدرع الجيد (لايمكن اصابتك شخصيا بالمعارك).
وشكرا..

لا, الاولى تزيد من فرصة تضرر القائد العدو شخصيا اثناء الهجوم في المعارك, الثانية تمنع اصابة Cao Hong شخصيا في المعارك.

طبعا هذا بالظروف العادية, يعني مثلا ما يصير ترسل Cao Hong بروحه يقاتل على اعتبار انه لا يصاب, ممكن يقبضون عليه او اي شي ثاني, الخاصيتين بس اثناء الالتحام بين الكتيبتين.

ان شاء الله اكون افدتك, حاضر لأي سؤال.

شكرا اخوي ..
لا اكيد ما اقدر ارسل Cao Hong لحاله عشان مايصاب بيمسكونه بسهوله ثم سقصونه...
طيب أخوي سؤال آخر<<<< واحد فاالها..
الحين انا قوة الWar حقي 96 مثلا هل تفرق عن قوة 97 ؟؟ احس أنها نفس الشيء
+
أخوي الآن قدرة الذكاء ليش ماتدخل بالمبارزة؟؟ يعني القائد ذكي يقدر يستغل نقاط الضعف بشكل أكبر تصير عمليات الالتفاف احسن وحتى يدخل فيها الاستفزاز يعني واحد عنده الذكاء 85 يبارز واحد ذكاءه 60 يقدر ينرفزه ويخليه يخرج عن حذره شوي وهكذا...
أرجوا ماتنزعج من كثرة الاسئلة والاقتراحات...

لا ما تفرق, ما راح تحس بالفرق الا بفارق 5 نقاط و فوق.

مالها علاقة, نبي نفصل الطاقات ببعض. ما نبي شي يكون احسن من شي, و بعدين الذكاء هذا بالتحرك و غيرها يرجع للعضو نفسه الي يتحكم يقدر ينرفز و يتحرك صح.

بالعكس حاضرين بأي وقت.

لا اخوي تدخل يعني انا انرفزه مثلا عشان يتخلى عن حذره وكذا
واكيد الذكاء للعضو بس ليش الجنرال بالمعارك يحتاج ذكاء رغم ان العضو هو يحركه...؟؟؟
بالعكس انا اشوف يتصير فيه واقعية أكثر..

يعني قصدك مثل واحد ذكائة92 وواحد70
الاول يمدية يلعب على الثاني من دون مايلعب على اللاعب

أبو عادل كتب:

لا اخوي تدخل يعني انا انرفزه مثلا عشان يتخلى عن حذره وكذا
واكيد الذكاء للعضو بس ليش الجنرال بالمعارك يحتاج ذكاء رغم ان العضو هو يحركه...؟؟؟
بالعكس انا اشوف يتصير فيه واقعية أكثر..

و الله اخوي حنا نبي نفصل الطاقات ببعض, يعني نبي نخلي القيادة فقط للامور العسكرية, القوة فقط للمبارزات, الذكاء فقط للافخاخ و التخطيط, السياسة و حب الناس لامور الديبلوماسية و غيرها. يعني ما ودنا نعطي دفعة لمجال على حساب مجال ثاني, و ما نبي نتخربط بين المجالات بحيث ان الذكي يقدر يلعب على القوي بالمبارزة. فيها تعقيد شوي و البساطة الحالية احس انها اسهل و اريح و بنفس الوقت ماهي قضية كبيرة, خاصة اننا عرضنا النظام هذا على الاعضاء قبل فتح اللعبة و وافقوا عليها.

الذكاء بالمعارك لشغلات ثانية, يعني مثلا (مثال مبسط جدا) انا احفر حفرة و انسحب, انت تلعب بجنرال قدرة الذكاء عنده ضعيفة, لكنك اضفت في اوامرك انك تتوقع اني مجهز لك حفرة, لكن مع هذا ممكن تسقط بالفخ. ممكن مثلا لو تبي تبني هادمة بوابات, كلما زادت قيمة الذكاء لجنرالك زادت كفاءة الالة الخ..

الشكر لك على التوضيح..

عزيز الله لا يهينك بغيتك تفهمني شلون تبي تسوي مسابقة الشطرنج؟ الشعر اعرف لها و كنت مفكر فيها ترى.

شباب الي مؤيد اقتراح عزيز يقدر يقول رأيه و الي معارض يقدر يقول رايه و الي عنده فكرة افضل يقدر يقول رايه, نبي شي بسيط نونسكم فيه الى ان يأتي الافراج من وزارة التربية. مدري اذا الشعر متوفر في الاعضاء صراحة.

أنا موافق على الإقتراح لأن بصراحه فكره حلوه



أنا أقترح بعد ودي تكون مسابقة لرمي الأسهم


من أقوى رامي أسهم في الصين شرايكم ؟؟


بس مادري أحس صعبه عليك ناصر كيف تقدر تخليها تمشي و كيف تكون الخريطه


بس ترا مجرد أقتراح لا أكثر حتى لو أنرفض عادي بس هو لمجرد التنويع في المسابقات الإمبراطوريه



دمتم بحب




(( تـــــــــــــحياتـــــــــــــي ))

و شلون تبي تخلي الاعضاء يرمون اسهم و شنو يحدد اذا الجنرال راح يصيب ولا لأ؟ كل مملكة راح ترسل واحد له S بالرماية و ما راح يكون اصلا في تحكم و لعب فعلي للاعضاء.

مشكور على اقتراحك محمد و اتمنى تشرح رايك, و منتظرين اراء الشباب.

أدري هذه المشكله أصلاً


ممكن الرمي في صورة راميه مخططه مثل الراميات العاديه


و إذا رمى هو يكون مكان رميته لون أحمر أو أي لون ثاني يعكس ألوان الهدف


يعني ممكن لو جنرال ممتاز في الرمي ممكن تخليه يجيب الهدف أو يكون قريب من الهدف


(و الأوامر راح تجيب يعني مثل يستعد فلان الجنرال و يشد قوسه و يحدد الهدف و يرمي ... ألخ)


لكن في نفس الوقت أحس صعبه بس أنا طرحت هالأقتراح بسرعه بدون تفكير مسبق و يمكن تقدر أنت تطور هالإقتراح و كيفيه اللعبه فيه


دمتم بحب




(( تـــــــــــحياتـــــــــــي ))

الشطرنج سهلة


نفس الشطرنج الحالية


ترسم أنت مربعات وتضع فيها الأحجار وتلعب وهكذا

اول شي الشطرنج لها ستين الف لعبة, قوانينها تختلف.

بعدين الدورة تكون عبارة عن حركة لك و حركة لغيرك؟ يعني 60 دورة على ما تخلص اللعبة ههههه

تتقلص الأحجار والخريطة

السلام عليكم...
والله الشطرنج هذي كنت مفكر فيها من اول ماخشيت اللعبة وكنت ابي اقترحها بس عزيز سبقني لها...
انا مؤيد لها الفكرة تماما وقد كتبت عنها موضوع بالحياة اليومية...
كيف تسويها سهلة جدا...
سو الله لايهينك خريطة وحط عليها الاحجار وخل الشباب يلعبون واذ مشكلة الدورات عادي في اليوم يمديك تسوي 3_5 دورات لانها ماتحتاج تركيب احداث مثل المبارزات او المعارك اجمع مثلا 5 دورات ثم ضمها في دورة وحدة...
عشان ماتسي 50 دورة ..
وكل مملكة ترسل المستشارين الي ذكائهم عالي...

السلام عليكم

شباب أنا من خلال تحليلي للعبة

شفت أن اللعبة ما تضبط إلا بالأحداث

يعني النظام الحالي


شوي ممل

فأنا أقترح لو يصير النظام أحداث فقط

يعني Shu و Wu ما تتحارب ىإلا في Yi Liang فقط

فيا شباب تحبون أن اللعبة تصير كلها أحداث


ولا النظام الحالي


تصويت



نعم أحداث(0)

لا الحالي(0)

أبصوت بعدكم

وصوتوا شباب

لأن التصويت راح يقلب اللعبة

اصوت للاحداث لان الحدث يعطي طعم للعبة

اذا صار في اغلبية للاعضاء الي يبون نشيل شي اسمه تنافس و فوز و خسارة و نخلي اللعبة احداث فقط انا ما عندي مانع نطبق الفكرة اذا تبونها.

بس اتمنى عزيز يبين الاقتراح اكثر, يعني مثلا الاحداث تكون مثل ما حنا مجهزين ولا بس الاحداث التاريخية (لان اذا نبي نمشي على التاريخ, ترى اقولكم من الحين السالفة راح تصير مملة لان خلاص لزما على Shu تخسر في Yiling مثلا و النتائج تكون محسومة من قبل لا تبدا المعركة).

لآ مآ أويدكـ عزيز على هذا الإقترآح وطبعا مثل مآقآل نآصر مآبيكون فيه تنآفس

أنا إقترآحي:

إنه تزيد الأحدآث أكثر عشآن يكون فيه تحميس من وقت لآخر ولو كآنت معآركـ يكون فيها ميزة مثلا نتحد أنا وو في معركة

بخبرة نآصر يسوي الأحدآث إلي يبيها

الأحدآث حلوووة بسس صعبة ينحسم الأمر بالأحدآث لأنه بيكون فيه ظلم للآعبين

والمعآركـ إلي احنا نقوم بالهجوم هي المفروض تنهي اللعبة لأنه بيكون بيد الأعضآء

أما الأحدآث بيكون له طريق واحد ومملكة وحدة بتفوز

والأفضل إنه تزيد الأحدآث أكثر وخصوصا بالعطلة الصيفية بتكون لها ميزة اكثر

اقترآح جميل عزيز بسس فيه سلبيآت كثيرة مآرآح تعجب الأعضآء بنظري ومآبعرف إيش رأي الأعضآء بإقترآحي

شبآب ترى صعب زمن الأبحآث سنة وسنتيه يعني شهر شهرين وتصل بعد لخمس شهور تبون الصرآحة أحسها كثيرة مرة

أقترح إنه يقلل مدتها لأن اللعبة بالحيل تبقى شغآلة لين ينتهي البحث يعني يمكن تنتهي اللعبة والبحث لسة مآ أنتهى

ابشر, تم التعديل

السلام عليكم...
اخوي الآن خاصية القائد Zhou Tai الاساسية هل تكون مع امبراطور المملكة ام مع قائد الحملة ام كليهما؟؟؟
السؤال الثاني.. عشان احتل مدينة عندي خيارين اقتل كل الجنود الي فيها او اهدم القصر الاميري كلامي 100%؟؟؟؟

اقتباس :

اخوي الآن خاصية القائد Zhou Tai الاساسية هل تكون مع امبراطور المملكة ام مع قائد الحملة ام كليهما؟؟؟

حاكم المملكة يجب ان يكون متواجد في المعركة, و بذلك سيكون هو ايضا حاكم المعركة بشكل تلقائي. على ذلك, Zhou Tai يجب ان يهزم قبل هزيمة حاكم المملكة, و هو الان Sun Jian و يجب ان يكون في المعركة مع Zhou Tai. طبعا هذا لا يتضمن ان يكون Sun Jian قادما كامدادات.

اقتباس :

السؤال الثاني.. عشان احتل مدينة عندي خيارين اقتل كل الجنود الي فيها او اهدم القصر الاميري كلامي 100%؟؟؟؟

عشان تفوز لازم اما:

- تهدم القصر الاميري
- تهزم قائد الجيش المعادي, مو شرط تهزم الكل. و مو شرط (تقتل) الجنرال مثل ما قلت, بس يكفي انك تهزم كتيبته.

طيب سؤال ثاني..
هل اقدر اتحدى قائد مبارزة لاكثر من مرة؟؟
هل اذا تحديت قائد وتحت امرته قائد آخر هل يقدر يوافق على المبارزة ويخلي الثاني يبارزني؟؟
مثال لو أنا Ling Tong قاعد اواجه كل من Cao Ren وJie Xu (بكتيبة وحده) انا تحديت Cao Ren هل يقدر يقبل مبارزتي بس يخليني ابارز وJie Xu؟؟
انا بالشرح صفر بس انشاء الله يكون شبه واضح + معليش على الاسئلة الواجدة..