الاسئلة و الاقتراحات و الشكاوي من الاعضاء

السلام عليكم ورحمة الله وبركاته

اخوي ابو عزيز أول شيء بقول لك هذه لعبة وكبر رأسك رجاءاً ما حد بيموت فيها وما حد بيمرض وما حد بيصير له شيء وما تهمني اللعبة من ساسها لرأسها.

بس فيه شيء أزعجتني به كأخ واتهمتني به باقي الإحتجاج بيرد عليه ناصر لأنه هو الي مسوي اللعبة وهو بيرد عليك بس بالنقطة هذه لما اتهمتني ما زعلت أو حقدت أو شيء بس ما ارضى حد يضع لوم عليّ ومالي ذنب.!!

اقتباس :

الاخ مازن خون في ذمة الاخ مشعل

انا ما بودي الكلام وبجيبه على شأن لعبة ما تستاهل أخوتنا ردي جملة والي بيشوفه يشوفه

آسف أخوي مشعل (night^wolf) وآسف أخوي تركي (lord torki) وأخوي أبو عزيز أرجوكـ لآ تتدخل بالسالفة ولا ترجع تذكرها لأنها مآ تخصكـ أو لكـ علاقة فيها.!!!

أتمنى يقبلوا أسفي.

وآسف اذا كنت غلطت بحقكـ وأنا مدري.

سالفة Wei انتهت ولا عاد نبغى نتناقش فيها لأنه نقاشنا ما راح يأثر ,,

سالفة قانون المبارزة !ههه , ترى القانون مو ضدكم ! وبس عشان يسرع المبارزة وماني عارف ليش محط في بالك إن اي شي نسويه هو ضدكم ,, وإنت كعضو في اللعبه لازم تشيك على المواضيع المهمه في اللعبه حقت القوانين والاخبار وساحة النقاش أول بأول عشان لا تجي وتقول هذي الشغله ما نعرفها او هذي الشغله ضدنا , واحنا كحكام مو معقوله نكلم الأعضاء واحد واحد ونقول تروا نزلنا قانون جديد ! , إذا كنت قاصد إنك تعيد النقاش أكثر من مره عن سالفة القانون ترى وصلت الفكرة خلاص وما راح ننزل قوانين خلال المعارك أو الأحداث سواء كانت قوانين مؤثرة أو غير مؤثرة مثل قانون المبارزة ! ومثل ما قال ناصر سلاحكم راح نخفيه لكم يعني انتهى النقاش عن سالفة القانون,


سالفة المعركة , دام انكم كلكم نسيتوا ما تقدر تحمل الغلط على الحكم ! الحكم زيك زيه ترى وراه اشغال ومو معقوله يفتكر كل شي ولازم الأعضاء يكونون منتبهين معاه خصوصا اللي معاه الحق اللي هو انت حالياً , انت كان من الفمروض تنبه أعضاء مملكتك إن المعركة تنتهي في الدورة 20 , مو بعد ما وصلت 23 تجي وتقول المفروض تكون منتهيه ! مو معقولة نعيد المعركة وكل خططكم وخطط ملكة شو انكشفت وصعب إنهم يغيرون خططهم وتحركاتهم وإنتم عرفتم كل شي عنهم , وصعب إننا نوقفها ونعلن فوزكم وشو وإنتم ما اخذتم بالكم إن المعركة تنتهي في الدورة ال20 ! الحل الوحيد والفاصل إننا نزود دورة وحده اللي هي 24 وما كان صعب عليكم تصمدون لدورة كامله وكان صعب على مازن إنه يضغط خططه في دورة وحده كانت الدورة اختبار لكم ولشو ودام المعركة إنتهت خلاص ولها فترة ليش الحين بالضبط تجي تعترض ! يوم شفت إننا ما رضينا بقرار الاستسلام ورفضه حاكمكم وغالبية أعضاء مملكتكم !

إذا ما كنت راضي عن التحكيم وقرار أعضاء مملكتك واجماع اعضاءها على عدم الاستسلام ترى مو لازم تكمل ! ومو شرط إنك عشان ما تبغى تكمل تطلع كل الأعضاء معاك وتحاول تقنعهم ! وتفرضون قراركم علينا وعلى الأعضاء اللي يبغون يكملون ! ,

دام إن اللي صار انتهى وفتحنا معركة جديدة الحين ركزوا فيها ولا تفكرون في اللي راح لانه ما راح يتغير شي دام إننا كملنا وما وقفنا ,

إذا راح تستمرون بنفس الموال ! تتغيبون لفترات طويلة وما تخططون مع بعض راح تنهزمون لكن هذي فرصة إنكم تجتمعون وتخططون عشان تفوزون وتكملون وترى مو صعبه أبداً ,

موفقين ومعليش على اللقافة ,

بو عزيز من حقك تعترض و تناقش, بس طلبتك لا تعيد كلامك كذا مرة بلا رد..

اقتباس :

وقتها الشباب كلموك في الموضوع وما طلعوا بنتيجة وبعد قانون سلاح المبارزة وبعد الظلم اللي تعرضنا له في المعركة اللي قبلها كلمتك وانت اللي طلبت سبب تعليقي

الشباب كلموني في الموضوع و طلعت معهم بحل اتفقوا عليه هو اعتبار الدورة 24 اخر دورة بالمعركة. بو عزيز طلبتك حط نفسك مكاني, شراح تسوي بالضبط؟ قلت لهم اعيد المعركة, رفضوا الطرفين. قلت اعيد المعركة من الدورة 17, مو الكل وافق. قلت لهم اعتبر اخر دورة هي الدورة 24, الكل وافق. تبيني امشي كلامك عليهم و اعيد المعركة كلها؟ معليش انا محترم ظروفك و رحم الله اخوك, بس ما اقدر اطلع لك بالبيت و اقولك لحق ترى بو عادل راح يتخذ قرار هو يشوف فيه الصحة و انت الظاهر مو متفق معه. لو ابي امشي كلمتي كان اجمعت مع مصلح و بس, لكني عرضت الموضوع على الطرفين في المعركة.

اقتباس :

أولا قرار إستسلام مملكتنا لجنة التحكيم وشو ما لهم علاقة فيه لان استسلامنا يعني نهاية مملكتنا ويترتب عليها نهاية اللعبة لانه شو راح تعتبر فازت

ثانيا انا قلت لك الكل موافق الا محمد والشباب تراجعوا عن كلامهم عشان خاطر الشباب الثانيين وبعدين الاخ معاذ من مملكة شو كان موافق يوم سالته

لا, قرار استسلام مملكتكم للكل علاقة فيه. استسلام المملكة باختصار , و باسم ثاني, هو قرار انهاء اللعبة. لو قررنا لاي سبب اننا نسكر اللعبة, راح نعتبر مملكة Shu منتصرة لانها الاكثر مدن, فسالفة الاستسلام ما تغير شي من هدف انهاء اللعبة. ثانيا انا عطيتك ثلاث اسباب تمنعنا من تسكير اللعبة و انت ما رديت عليها, للاسف ما اقدر اخذ نقاشك على محمل الجد اذا استمريت بتجاهل الاسباب الي اعطيك اياها. و انا ما ادري متى سألت ربعك في Wu, لكن بو عادل رافض الاستسلام و نفس الشي معاذ, اثنينهم كانوا اطراف في النقاش الي دار بيننا بالماسنجر و اتفقنا على عدم انهاء اللعبة.

اقتباس :

اخوى ناصر انت كاتب انه مدة المعركة 20 دورة الا معارك الاحداث تكون 30 واظن مع اعتبار خسارة شو 5 دورات هذا بحد ذاته يخلي المعركة تنتهي على القانون عند الدورة 15 هل حنا محاسبين انه نتحمل غلط الحكم في حساب الدورات ؟؟

أبو عادل حرق المخيم بالدورة 17 على كلامه وهذا يخلي المعركة تنتهي على طول (وهذا خطأ جديد محسوب عليك)

شوف ناصر اعلانك الحين جاء بعد وقت المعركة (الاصلي) يعني هذا بحد ذاته كافي يخلينا نطالب بتصحيح هالخطأ

ردينا على نفس الاسطوانة.. اهملت كل الي قلت لك اياه.. و رديت تعيد نفس الكلام..

بعدين اتهامك الجديد عاري من الصحة تماما. اعلاني ما كان بعد وقت المعركة (الاصلي) على قولتك, اعلاني كان بالدورة 17. في حالة اني خصمت خمس دورات من المعركة و كنت معتبر ان المعركة تخلص بالدورة 20, كان بالدورة 17 نفسها قلت تم الحرق, خلصت المؤن و فازوا Wu. لا تنسى الحقائق, الحرق صار في الدورة 17, مو معقولة اعلنكم فايزين في الدورة 15 لانكم مستقبلا راح تحرقون في الدورة 17 و تفوزون! حدث العاقل بما يعقل.. بعدين على فكرة, لو اني ادري ان المعركة تخلص على الدورة 20, كان ما خصمت خمس دورات, لان هذه ربع المعركة. كان خصمت دورتين بالكثير.

بالنهاية هو خطأ صار, و مثل ما سويت بكل اخطائي بالمعركة, صلحته. حلي للمشكلة عرضته على الجميع و وافقوا, لكن للاسف الهزيمة خلتك تعترض. مثل ما انت ما تتحمل خطا الحكم على قولتك, انا ما اتحمل عدم وجودك في اللعبة عشان تعترض علي بوقتها.

اقتباس :

الظلم اخوي ناصر انك تستمر في المعركة وانت عارف انها انتهت من زمان وحتى بعد ما انا بلغت ابو عادل بالخطأ هذا الحل حقك ما كان منصف للكل

الاخوان في مملكة شو اكيد لو مكاننا ما راح يرضون بالظلم وحنا ما نمانع فوزهم علينا لكن حسب القوانين والانظمة

للمرة الثانية, لا تدخل بالنوايا. لو ابي افوز اي طرف معين, كان طلعت القبايل و الامبرطور و اسقطت المملكة بمعركتين. انا ما كانت عارف من زمان انها انتهت على حد قولك, و الحل الي وضعته كان بموافقة الجميع و كان ضمن ثلاث حلول هم اختاروه بالاجماع. للمرة الاخيرة, مو من مسؤولياتي اروح لك و اقول لك ان مملكتك اختارت شي ما يعجبك.

القوانين الي تبيها, تقول ان لازم تعترض بوقت السالفة. القوانين الي تبيها, تقول ان للادارة حرية اضافة اي قانون او تعديله او حذفه دون اي اشعار مسبق. القوانين يا بو عزيز تقول ان اعتراضاتك كلها واهية.

اقتباس :

مثالي له علاقة اذا انت تفسره كذا انت حر لكن اظن ان المعركة بنفس الوقت تخص المملكة ككل مو أبو عادل لوحده والخسارة مؤثرة للكل مو لأبو عادل وحده ولذلك لازم تشاور الكل او على رأيك الحاكم مو أبو عادل وحده

فسرها مثل ما تبي, و تفسير التحكيم هو الي يمشي. وقتها كان هو المفوض في المعركة + انت و غيرك من الاعضاء كانوا غايبين, مو ذنبي الشي هذا. انا سويت الي علي و جبت حل ارضى كل واحد كان موجود بالمعركة وقتها, انت الوحيد الي مو عاجبك الشي هذا.

اقتباس :

كلامك غير مقتنع ناصر !! انت مو إداري ؟؟ ما تقدر تشوف من لوحة الإدارة وش قاعد يصير ؟؟ لازم يعني تعيد المعركة لمجرد انك شاك في نوايا مشعل ؟؟ هل عندك دليل انت مشعل كان خاين او تركي كان كذاب ؟؟ انت مو تقول شكيت في كلام وي ؟؟ يعني مكذبهم صح ؟؟ هذا بالضبط نفس كلامك لي بخصوص القانون اللي حطيته بعد ما حطيت دورة المعركة

ناظر المعركة اول وشوف شلون خطط وي تدمرت عشان القرار الإداري اللي كان بدون دليل والله اني ما ألومهم يوم قرروا ينسحبون لانهم مظلومين في القرار وبعدين يوم كان عندك شك بمشعل المفروض تعاقب مملكته مو مملكة ما لها دخل الا انها طاحت ضحية عضوين ما يثقون ببعض ومعركة الاياب كانت ضد رغبة وي على كلامهم وانت عدها لمجرد شكك انت بمشعل والمشكلة توك تقول محد يعلم بالنوايا وفشل وي في المعركة طبيعي لان الخطط انكشفت وهذا كلامك لابو عادل يوم رفضت تعيد معركتنا مع شو الاخيرة وبالاخير مملكة وي نفذت اللي تبيه وانسحبت بكرامتها

هههه لوحة الادارة شنو علاقتها؟ لوحة الادارة تطلع لي سوالف الاعضاء بالماسنجر, و لا تطلع لي الرسايل الخاصة بين الاعضاء؟ و لا تطلعني جنبك بالبيت عشان اقولك ادخل المنتدى و شوف شصاير؟ ماني مكرر كلامي و راد على بقية ردك -مع انه سهل علي- لاني افضل نسكر الموضوع القديم لان ما في مجال يحل اساسا, مثل ما قال مصلح. و اعتقد هذا اقل حقوقي, اهمل كلامك مثل ما اهملت كلامي.

اقتباس :

لا تخاف الكلام ما يجيني كلام مضروب انت تتوقع بنهاية السنة كيفك ولكن بخصوص الطرفين هذه نتيجة خطاك في حساب عدد الدورات واذا انت ما تبي تعيد المعركة فهذا يعني انك حشرتنا بالخيارات اللي قدامنا وتجبرنا نختار منها

لا تتكلم بصيغة الجمع, تكلم عن نفسك. انت الي جاي متأخر رافض احتساب دورة اضافية كختام و ممثل المملكة وقتها كان موافق.

اقتباس :

لغتك في الحوار لغة تهديد وكأنك متفضل علينا بالوقت رغم انه من ابسط حقوقنا انك تسمع لنا وهذا التهديد مرفوض عندي وعند غيري اما كلامي فهو على سبيل التشبيه انت وش تقول بواحد حط قانون يخص حالة معينة بمجرد اننا فعلنا الحالة نفسها ؟؟ ما تشوف انه فيها تشبيه من أنك تبي تقيد حريتنا بالتحركات ؟؟

لا لغتي مو لغة تهديد و اتحداك تطلع لي اي تهديد في مساهماتي, بينما انا اقدر اقتبس اكثر من اتهام اتهمتني فيه, منها اتهامات شخصانية, و تدخل بالنوايا و طعن بمصداقية الحكم.

للمرة المليون, القانون كنت من زمان ناوي احطه بس نسيت و يوم شفت حالتكم تذكرت و حطيته, و اصلا القانون مو ضدكم باي طريقة و لا راح يضركم باي شي و يعتبر تغير في طريقة طلب المبارازات فقط لا غير للتسريع, و فوق هذا و ذلك نفذت طلبك باخفاء السلاح و اضمن لك محد من Shu شافه لاني على طول عدلته و كان وقتها بالفجر و محد غيرنا داخل المنتدى. القانون للمرة المليون ما تعمدته ضدكم, و قلت لك الشي هذا و انا الحين اقسم لك برب العباد اني ما تعمدته ضدكم ابدا, مع اني مو مطالب اقسم عشان لعبة, و اذا انت للحين تشكك بمصداقيتي و تطعن فيني كحكم.. صراحة من الحين اقدر اقولك اياها, ما راح يعجبك اي قرار ننفذه و راح تعتبره ضدك. لو ابي اضركم كان ضريتكم من زمان و باكثر من طريقة اقدر اسويها, لو ابي لكم الخسارة كان قبلت استسلامكم, و في طرق امامي اضركم فيها اقوى من شغلة تافهة تتعلق بطريقة بدأ مبارزة بسيطة.

اقتباس :

اظن اني قلت لك انه طلب الاستسلام هو رد فعل لعدم تجاوبك معنا في موضوع المعركة وانا صراحة ما أرضى اني انخدع واتسكت بحلول ما فيها انصاف ابدا لو انك عطيتنا حقنا كان سكتنا وكملنا

اظن اني قلت لك ان قرارنا كان بموافقة جميع المشاركين بالمعركة و بشكل نشيط, و انا صراحة ارفض يتم اتهامي بالظلم المتعمد, مع اني قمت بحل بتشاور مع الجميع, لو انك قريت ردودي و رديت عليها كان سكت و كملت, لكنك تعيد و تزيد بنفس الاسطوانة, شكلي قاعد انفخ برماد..

اقتباس :

حلو اجتماعك بالاعضاء بس تراهم ما لهم علاقة بالموضوع الا ابو عادل المفروض مجتمع في اصحاب الشان من مملكتنا وتحسم الموضوع فورا

ههههههههههههههه!!! بذمتك عاد؟!

يعني يجوني ثلاث اعضاء يطالبون باعادة اللعبة, اقولهم لا وقفوا.. ترى بكرة Wu راح تستلم, خلني اروح اشاورهم؟! شدراني ان اعادة اللعبة تتعلق بهزيمة Wu؟ الاعضاء الي جوني كانوا من جميع الممالك (بو عادل - Wu , و معاذ - Shu , و مشعل - خارج اللعبة) و طلبهم كان عام جدا, و هو اعادة اللعبة. و يوم سألتهم عن السبب كان عدم وجود ناس يكفونهم في موضوع التسجيل, ما في ولا واحد فيهم جاب طاري الهزيمة.

اقتباس :

ارضاء الناس في مملكتنا انك تحكم بحيادية في الغلطة اللي انت سويتها وتحط قرارات وتراعي حق كل مملكة والله العظيم يا خي مو عيب انك تغلط العيب انك تكابر على الغلط وتصر انه اعضاء المملكتين غلطانين في انهم ما ذكروك بعدين من مصلحة قوات شو يطول الوقت واظن ان الجهة الدفاعية الوقت عامل رئيسي في معركتها جرب تعيد المعركة ولما نخسر بكون اول المهنئين لشو

الحيادية: انك ما تميل لاي طرف في قراراتك.

قراري اتخذته بموافقة الطرفين, كلامك كله خاطىء.

+ ما كابرت بالغلط, مع انكم تأخرتوا حيل بابلاغي و كنتم مستمرين بالمعركة على اساس انها تخلص 25 و بانين خططكم على الشي هذا, ما اثرت عليكم بشي. على الاقل الكلام هذا ينطبق على أبو عادل الي ما كان يدري عن نهاية المعركة و مخطط بشكل عادي انها تنتهي على الدورة 25, و انت ما كنت متواجد لفترة طويلة فما في تأثير لمعرفتك بالموضوع او لأ.

ثانيا, لو اعيد المعركة اكون فرضت كلمتي او كلمتك مستقبلا (قبل لا اسمعها يعني) عليهم, انا اتخذت القرار الي الكل رضى فيه و كان قرار من بين ثلاث قرارات هم اختاروه بنفسهم بالاجماع.

اقتباس :

جيب اي واحد وخله يشوف الدورة والرد اللي نزلت مباشرة وراح يقول انه الرد مكتوب بناء على الدورة عاد النية (مقصودة - غير مقصودة - تذكرتها مع الدورة) هذه بينك وبين الله ما نحكم فيها انا علي من الظاهر قدامي

و انت جيب اي واحد و قوله القانون هذا يضر احد؟ اذا قعد يفر بمكانه ساعتين و يحك راسه لين يطلع مخه, بعدين يحك مخه, يمكن يقول فيها كشف مبكر للسلاح, و هذا انا حليته و نفذت طلبك على طول و بدون "مكابرة" و "رفض سماعنا" على حد مزاعمك.

اقتباس :

اللي قالوا لك الحلول اللي تقول عليها هم الاثنين اللي ما لهم علاقة بالموضوع مع ابو عادل اذا ودك تتجاوب معنا حياك الله عندنا وعطتنا الحلول اللي تقترحها وخلنا نتناقش معك كرجال

سالفة وي انت فتحتها تبي تنهيها كيفك وقانون سلاح المبارزة مضايقني للسبب المذكور فوق

شلون مالهم علاقة..؟

مازن و بو عادل, هم اكثر ناس لهم علاقة بالمعركة و هم اختاروا احتساب اخر دورة بالمعركة كدورة ختامية.

اما اذا قصدك باعادة اللعبة, ناقشتها مع الي طلبوا مني اعادة اللعبة وقتها, شدراني انك انت بعد معهم تطالب باعادة اللعبة؟

الاستسلام ناقشته انا و مصلح مع المتواجدين وقتها. ناقشته مع عزيز و بو عادل و Bofu, كل واحد بروح طبعا بسبب اختلاف الوقت, بس محد فيهم اصر على استسلام المملكة.

حسب الي اشوفه.. ناقشت ختام المعركة مع الاطراف الموجودة, ناقشت اعادة اللعبة مع مقدمي الاقتراح, ناقشت الاستسلام مع المطالبين بالاستسلام الي قدرت اوصلهم. شلون بالضبط ما نقشت الاطراف المعنية؟ بغيتك تقولي بس منو تقصد يوم قلت "بغيت تتجاوب مع(نا)", الجمع يشمل منو, لا تهمل كلامي, ابيك ترد على كلامي كرجال.

سالفة Wei انا فتحتها؟ ههه اوكي..

+ مثل ما قال مصلح, ترى الي فات ما في مجال نعدله باللعبة و ركز على المعركة الجاية احسن.

Dragon Shu كتب:

السلام عليكم ورحمة الله وبركاته

اخوي ابو عزيز أول شيء بقول لك هذه لعبة وكبر رأسك رجاءاً ما حد بيموت فيها وما حد بيمرض وما حد بيصير له شيء وما تهمني اللعبة من ساسها لرأسها.

بس فيه شيء أزعجتني به كأخ واتهمتني به باقي الإحتجاج بيرد عليه ناصر لأنه هو الي مسوي اللعبة وهو بيرد عليك بس بالنقطة هذه لما اتهمتني ما زعلت أو حقدت أو شيء بس ما ارضى حد يضع لوم عليّ ومالي ذنب.!!

اقتباس :

الاخ مازن خون في ذمة الاخ مشعل

انا ما بودي الكلام وبجيبه على شأن لعبة ما تستاهل أخوتنا ردي جملة والي بيشوفه يشوفه

آسف أخوي مشعل (night^wolf) وآسف أخوي تركي (lord torki) وأخوي أبو عزيز أرجوكـ لآ تتدخل بالسالفة ولا ترجع تذكرها لأنها مآ تخصكـ أو لكـ علاقة فيها.!!!

أتمنى يقبلوا أسفي.

وآسف اذا كنت غلطت بحقكـ وأنا مدري.

اخوى مازن السالفة فتحها الاخ ناصر وانا كنت ارد عليه ثم هذا اللي صار في الواقع ما جبت شي من عندي وادري انها لعبة لكن نبي فيها عدل وانصاف عشان تكون ممتعة للكل

اخوى لازم الواحد يتعلم من خطاه اذا يبي يطور اللعبة وللاسف اللي صار في المعركة الاخيرة مهزلة في التحكيم وكل اللي نبيه هو الحكم بحيادية على الموضوع

اقتباس :

سالفة قانون المبارزة !ههه , ترى القانون مو ضدكم ! وبس عشان يسرع المبارزة وماني عارف ليش محط في بالك إن اي شي نسويه هو ضدكم ,, وإنت كعضو في اللعبه لازم تشيك على المواضيع المهمه في اللعبه حقت القوانين والاخبار وساحة النقاش أول بأول عشان لا تجي وتقول هذي الشغله ما نعرفها او هذي الشغله ضدنا , واحنا كحكام مو معقوله نكلم الأعضاء واحد واحد ونقول تروا نزلنا قانون جديد ! , إذا كنت قاصد إنك تعيد النقاش أكثر من مره عن سالفة القانون ترى وصلت الفكرة خلاص وما راح ننزل قوانين خلال المعارك أو الأحداث سواء كانت قوانين مؤثرة أو غير مؤثرة مثل قانون المبارزة ! ومثل ما قال ناصر سلاحكم راح نخفيه لكم يعني انتهى النقاش عن سالفة القانون,

اخوى مصلح بخصوص هالسالفة اعتبرها انتهت دام الاخ ناصر وافق على رايه

ولكن ما تشوف انه كونك تفرض قانون بالشكل هذا فيه نوع من الاجراء المتعمد علينا

انا ادري انه الموضوع تم حله ولكن نتمنى مستقبلا يكون الشي هذا ماخوذ في الحسبان لا اكثر

اقتباس :

سالفة المعركة , دام انكم كلكم نسيتوا ما تقدر تحمل الغلط على الحكم ! الحكم زيك زيه ترى وراه اشغال ومو معقوله يفتكر كل شي ولازم الأعضاء يكونون منتبهين معاه خصوصا اللي معاه الحق اللي هو انت حالياً , انت كان من الفمروض تنبه أعضاء مملكتك إن المعركة تنتهي في الدورة 20 , مو بعد ما وصلت 23 تجي وتقول المفروض تكون منتهيه ! مو معقولة نعيد المعركة وكل خططكم وخطط ملكة شو انكشفت وصعب إنهم يغيرون خططهم وتحركاتهم وإنتم عرفتم كل شي عنهم , وصعب إننا نوقفها ونعلن فوزكم وشو وإنتم ما اخذتم بالكم إن المعركة تنتهي في الدورة ال20 ! الحل الوحيد والفاصل إننا نزود دورة وحده اللي هي 24 وما كان صعب عليكم تصمدون لدورة كامله وكان صعب على مازن إنه يضغط خططه في دورة وحده كانت الدورة اختبار لكم ولشو ودام المعركة إنتهت خلاص ولها فترة ليش الحين بالضبط تجي تعترض ! يوم شفت إننا ما رضينا بقرار الاستسلام ورفضه حاكمكم وغالبية أعضاء مملكتكم !

معليش اخوى مصلح انا احد المشاركين في المعركة واقسم بالله العظيم اني ادري انه المعركة 20 دورة ومخطط على هالاساس واضطريت امشي لظروف الوفاة اللي جتني وعلى اساس انه المعركة شبه النتهت وتفاجت ان لا زالت شغالة وانا اللي قلت لابو عادل عن هذا الخطا اما الحل الوحيد اللي تفضلت فيه فهو صعب خصوصا انه في فرق 4 دورات وبسببها خسرنا المعركة يعني الحل جاء على حسابنا حنا انا في البداية كلمت الاخ ابو عادل على اساس هو اللي كان متابع مع الاخ ناصر ولكن رفض الاخ ناصر طلبنا باعادة المعركة او الاستسلام بدون اسباب مقنعة اذا هو تعب من المعركة فلازم يتحمل نتيجة قراره الخاطئ مو احنا واظن انه يقدر على اقل تقدير يخلي حكم ثاني مكانه الشغلة مهي صعبة ثم انه الحادثة هذه صارت قبل كذه والاخ ناصر قرر يعيد المعركة لمملكة شو بعد ما تظلموا ليش حلال عليهم وحرام علينا ؟؟

اقتباس :

بو عزيز من حقك تعترض و تناقش, بس طلبتك لا تعيد كلامك كذا مرة بلا رد..

ما عليك انا عارف وش اقول اخوى ناصر

اقتباس :

الشباب كلموني في الموضوع و طلعت معهم بحل اتفقوا عليه هو اعتبار الدورة 24 اخر دورة بالمعركة. بو عزيز طلبتك حط نفسك مكاني, شراح تسوي بالضبط؟ قلت لهم اعيد المعركة, رفضوا الطرفين. قلت اعيد المعركة من الدورة 17, مو الكل وافق. قلت لهم اعتبر اخر دورة هي الدورة 24, الكل وافق. تبيني امشي كلامك عليهم و اعيد المعركة كلها؟ معليش انا محترم ظروفك و رحم الله اخوك, بس ما اقدر اطلع لك بالبيت و اقولك لحق ترى بو عادل راح يتخذ قرار هو يشوف فيه الصحة و انت الظاهر مو متفق معه. لو ابي امشي كلمتي كان اجمعت مع مصلح و بس, لكني عرضت الموضوع على الطرفين في المعركة.

لو انا مكانك راح اعيد المعركة من الاول لاني غلطان واكون كذا انصفت المملكتين اما تعيد المعركة من الدورة 17 ما تقدر تعيدها لانه بكذا المعركة تكون انتهت بعد ما ابو عادل حرق معسكر شو واكيد شو راح ترفض لانه الكل يدور على مصلحته

تبي تحل الشغلة حلها بحيادية شديدة بدون ما تحمل احد خطاك الشخصي ولا تحتاج تجيني البيت عشان تحكم بالعدل اظن عندك عيون تشوف وضمير يفكر والشغلة صارت الحين بينك وبين ربك واذا انت ما تبي تنصفنا لنا رب اعدل منك وما راح ينسانا سبحانه

اقتباس :

لا, قرار استسلام مملكتكم للكل علاقة فيه. استسلام المملكة باختصار , و باسم ثاني, هو قرار انهاء اللعبة. لو قررنا لاي سبب اننا نسكر اللعبة, راح نعتبر مملكة Shu منتصرة لانها الاكثر مدن, فسالفة الاستسلام ما تغير شي من هدف انهاء اللعبة. ثانيا انا عطيتك ثلاث اسباب تمنعنا من تسكير اللعبة و انت ما رديت عليها, للاسف ما اقدر اخذ نقاشك على محمل الجد اذا استمريت بتجاهل الاسباب الي اعطيك اياها. و انا ما ادري متى سألت ربعك في Wu, لكن بو عادل رافض الاستسلام و نفس الشي معاذ, اثنينهم كانوا اطراف في النقاش الي دار بيننا بالماسنجر و اتفقنا على عدم انهاء اللعبة.

والله اسبابك احترمها لكنها ما تحل الموضوع والشباب انا متاكد من ارائهم وكل اللي ذكرتهم مو عاجبهم الوضع بس ومنهم اللي مشى الموضوع بسبب رفضك في المسن قرار اعادة اللعبة

اقتباس :

ردينا على نفس الاسطوانة.. اهملت كل الي قلت لك اياه.. و رديت تعيد نفس الكلام..

ماشي معاك انا بالكلام ما قاعد الف وادور لانك منت راضي تفهم كلامي فالغلط مو مني

اقتباس :

بعدين اتهامك الجديد عاري من الصحة تماما. اعلاني ما كان بعد وقت المعركة (الاصلي) على قولتك, اعلاني كان بالدورة 17. في حالة اني خصمت خمس دورات من المعركة و كنت معتبر ان المعركة تخلص بالدورة 20, كان بالدورة 17 نفسها قلت تم الحرق, خلصت المؤن و فازوا Wu. لا تنسى الحقائق, الحرق صار في الدورة 17, مو معقولة اعلنكم فايزين في الدورة 15 لانكم مستقبلا راح تحرقون في الدورة 17 و تفوزون! حدث العاقل بما يعقل.. بعدين على فكرة, لو اني ادري ان المعركة تخلص على الدورة 20, كان ما خصمت خمس دورات, لان هذه ربع المعركة. كان خصمت دورتين بالكثير.

شفت يعني انت حاط قوانين ولا زلت تفتي من راسك على كل حدث حتى لو تناقض مع القانون اللي انت حطيته (وهذا خطاك اللي انت رافض تعترف فيه وتكابر بسببه)

بعدين قصدي يا شيخ بالحرق انه المدة المحددة بالقانون هي 5 دورات وكان باقي لنا 3 دورات يعني المعركة انتهت فورا بس انت الظاهر انك تحاول تحرجني عشان تطلعني غلطان

اقتباس :

بالنهاية هو خطأ صار, و مثل ما سويت بكل اخطائي بالمعركة, صلحته. حلي للمشكلة عرضته على الجميع و وافقوا, لكن للاسف الهزيمة خلتك تعترض. مثل ما انت ما تتحمل خطا الحكم على قولتك, انا ما اتحمل عدم وجودك في اللعبة عشان تعترض علي بوقتها.

يعني السالفة تحدي ولوى ذراع صح

اولا ظروف الوفاة هي اللي منعتني من الحضور وانت عارف الشي ذا زين

ثانيا انت لا زلت غلطان لانك ما حليت الموضوع معنا واكتفيت بعرض حل على ابو عادل غير مقنع ثم ان ابو عادل نفسه قالي انه يبي يطالب باعادة المعركة وهذا يتنافى مع اللي تقوله انه الحاكم هو صاحب القرار الرسمي في كل شي يستجد علينا

اقتباس :

للمرة الثانية, لا تدخل بالنوايا. لو ابي افوز اي طرف معين, كان طلعت القبايل و الامبرطور و اسقطت المملكة بمعركتين. انا ما كانت عارف من زمان انها انتهت على حد قولك, و الحل الي وضعته كان بموافقة الجميع و كان ضمن ثلاث حلول هم اختاروه بالاجماع. للمرة الاخيرة, مو من مسؤولياتي اروح لك و اقول لك ان مملكتك اختارت شي ما يعجبك.

انا اتحداك تطلع القبائل والإمبراطور وتسقطنا بمعركتين ما تقدر تسويها لانه كذا انت بفتح باب عليك ما تقدر تسكره وبتكون انت الخسران

وانا ارجع اقولك انه مو من حقك تسوي قرار يخص المملكة بدون ما تستشير اعضائها كلهم وعلى راسهم حاكم المملكة مو هذا كلامك ؟؟ ولا هنا حرام وهناك حلال ؟؟ رغم انه الحالتين فيها تاثير للمملكة ككل

والحلول الثلاثة اللي تقول عليها انت رافض اولها اللي هو اعادة المعركة من الاساس عشان الخطط اللي انكشفت والحل الثاني يعني فوزنا مباشرة والحل الثالث الحل اللي المشكلة قايمة عليه

اقتباس :

فسرها مثل ما تبي, و تفسير التحكيم هو الي يمشي. وقتها كان هو المفوض في المعركة + انت و غيرك من الاعضاء كانوا غايبين, مو ذنبي الشي هذا. انا سويت الي علي و جبت حل ارضى كل واحد كان موجود بالمعركة وقتها, انت الوحيد الي مو عاجبك الشي هذا.

حلو يعني تفسيرك هو اللي يمشي وما لنا حق نعترض يعني الاعتراضات بابها مرفوض على كلامك لو ما مشت على مزاجك يعني تغلط انت وحنا ندفع الثمن ولا تبي تمشي لا على القوانين اللي تحتم عليك تشاور رئيس مملكتنا وتجي بعدين تطالبنا انه الاستسلام لا يقبل الا بوجود حاكمنا

اقتباس :

لا تتكلم بصيغة الجمع, تكلم عن نفسك. انت الي جاي متأخر رافض احتساب دورة اضافية كختام و ممثل المملكة وقتها كان موافق.

لا أتكلم بصيغة الجميع لانك انت اللي مخالف القانون وما كلمت حاكمنا وقتها وابو عادل مجرد لاعب في المعركة وكان لازم تكلم حاكمنا اللي انت تاخذ الكلام منه واظن هذا هو كلامك اللي تقوله دايم

اقتباس :

هههه لوحة الادارة شنو علاقتها؟ لوحة الادارة تطلع لي سوالف الاعضاء بالماسنجر, و لا تطلع لي الرسايل الخاصة بين الاعضاء؟ و لا تطلعني جنبك بالبيت عشان اقولك ادخل المنتدى و شوف شصاير؟ ماني مكرر كلامي و راد على بقية ردك -مع انه سهل علي- لاني افضل نسكر الموضوع القديم لان ما في مجال يحل اساسا, مثل ما قال مصلح. و اعتقد هذا اقل حقوقي, اهمل كلامك مثل ما اهملت كلامي.

طيب تقول وش علاقتها ؟؟ فسر لي أجل ليش تم إعادة المعركة لمملكة شو وما تم إعادة المعركة لنا ؟؟ انت تبي تهمل كلامي لانك تدري انه ما في عدل لو ناظرت بحيادية مثل ما قلت لك انت الحين بالرد هذا بينت لي اشياء كثيرة في اللعبة

اقتباس :

لا لغتي مو لغة تهديد و اتحداك تطلع لي اي تهديد في مساهماتي, بينما انا اقدر اقتبس اكثر من اتهام اتهمتني فيه, منها اتهامات شخصانية, و تدخل بالنوايا و طعن بمصداقية الحكم.

والله اي احد يقرأ ردك بيعرف انه تهديد وريتك وين التهديد موجود بينما اتهام شخصي ما اتهمتك وافترضت لك النية الزينة وقلت ان الاجراء اللي سويته هو اجراء كأنه متعمد وكأن تفيد التشبيه وهذا الشي موجود بردك ما جبت شي من عندي

اقتباس :

للمرة المليون, القانون كنت من زمان ناوي احطه بس نسيت و يوم شفت حالتكم تذكرت و حطيته, و اصلا القانون مو ضدكم باي طريقة و لا راح يضركم باي شي و يعتبر تغير في طريقة طلب المبارازات فقط لا غير للتسريع, و فوق هذا و ذلك نفذت طلبك باخفاء السلاح و اضمن لك محد من Shu شافه لاني على طول عدلته و كان وقتها بالفجر و محد غيرنا داخل المنتدى. القانون للمرة المليون ما تعمدته ضدكم, و قلت لك الشي هذا و انا الحين اقسم لك برب العباد اني ما تعمدته ضدكم ابدا, مع اني مو مطالب اقسم عشان لعبة, و اذا انت للحين تشكك بمصداقيتي و تطعن فيني كحكم.. صراحة من الحين اقدر اقولك اياها, ما راح يعجبك اي قرار ننفذه و راح تعتبره ضدك. لو ابي اضركم كان ضريتكم من زمان و باكثر من طريقة اقدر اسويها, لو ابي لكم الخسارة كان قبلت استسلامكم, و في طرق امامي اضركم فيها اقوى من شغلة تافهة تتعلق بطريقة بدأ مبارزة بسيطة.

وانا أقسم لك برب العباد أنه قرارك في المعركة مو عاجب اعضاء المملكة الا حاكمنا وانا مو مطالب اقسم عشان تصدقني وانت مع ذلك رافض تصدقني وانا من ثاني رد قلت انك فهمت قصدي من الاعتراض على سالفة السلاح ولا زلت تبي تطلع منها وتبي تحرجني بسالفة التشكيك فيك

يا خي والله العظيم مو عيب تغلط كل اللي أبيه شوية إنصاف وعدل وعشان أريحك إنسى كل شي فوق وقلي هل أنت راضي باللي صار وهل أنت تشوف انه حادثة مملكة وي (اسمح لي على المداخلة) كان حكمك باعادة المعركة له اساس وهل عندك دليل يخليك تعيد المعركة ؟؟

حنا عندنا دليل قوي انه المعركة فيها غلط كبير مثل هذا ومع ذلك رافض تعيد لنا ورافض تخلينا نطلع بكرامتنا هل تشوف هذا عدل ؟؟

خلاص انا عرفت اللي تبيه انت ما تبي تعيد المعركة ولا تبي تصلح غلطك ولا تبي تخلينا نطلع بكرامتنا وعندك تفسير الحكم سلاح تستند عليه ولا راح تسوي اي شي وتبي تضيع وقتي على الفاضي

خلاص بكيفك وعلى الاقل انا وضحت كلامي وعارف انك بتسوي اللي براسك والآن الشغلة بينك وبين ضميرك وانت احكم قبل ما امشي لان النقاش صار عقيم بوضح لك شغلة الآن الموضوع عندك وانا وضحت نقاط المشكلة الموجودة وكل شي واضح قدامك وانت معترف انك غلطان ومتعلق على اشياء تنافي قوانين انت اللي حطيتها وتعتبر تفسيرك لها حل يمشي على الكل اتمنى ترجع تشوف كل النقاط اللي كلمتك عليها وبعدها احكم ومتاكد مليون بالمية انك بتشوف انه في ظلم واقع علينا وادري انك ما راح تبين الشي هذا لكن انا متاكد اني على حق مثل ما وريتك الشباب قبلك واكدوا كلامي

بعد كل اللي حصل هذا لا يعني اني بيني وبينك خلاف والاحترام بيننا لا زال قائم ان شاء الله واحترم الاخوان مصلح ومازن واشكرهم على المدخلات اللي قالوها وبالنهاية حنا اخوان ان شاء الله فقط اخوى ناصر انظر بانصاف لكلامي مو اكثر وشكرا

ناصر اعذرني على المداخله بس تبي الصراحه ترا بعض كلام الاخ ابو عزيز صحيح


وبذكرك لما gan ning كان عنده الwar 98 و zhang fei 99 انت رفعت الاخير الى 103 او 104 و هذا شي مستحيل اصلا بس مشيناها


و قرارك الي ينص على كتائب المتبارزين يمكن ان تقاتل و gan ning ما سمحت له انه يقاتل لما كان يتبارز ولا حتى تدخلت وقتها و قلت شي و مع ذلك الحين خلال طلب مبارزة الاخوان تدخلت بقانون يخرب عليهم


الصراحه انا استغرب شنو هذي القوانين الي اغلب الاحيان تكون في وقت غلط و الممالك الثانيه تستغل الثغرات فيها على عكسنا اذا استغليت انا ثغره غيرت القانون او وضته بطريقه ثانيه


و اسف على هذي الكلمه بس انت قلت انه في ناس قالت كلام و هم ما قالوا

في شي عشان لحد يقول اني اضيع الموضوع


تعديلك لخاصيه او قدرات القادة كلها كانت تقليل من قدرات قادة مملكة wu اما مملكة شو فكانت تقوية خاصيه ma chao و تعديل بسيط على خاصيه zhang fei


و طرد lady sun من اللعبه و جعلها جاريه و على حسب راي الحكم يضعها في السوق يعني خسرت ملكة wu قائد عسكري جبار و سمحت ل الشو انهم ياخذونه


اسف على المداخله

برد على النقاط الجديدة بس , الباقي يعتبر تكرار كلام ما راح نتخذ قرار جديد فيه.

اقتباس :

ولكن رفض الاخ ناصر طلبنا باعادة المعركة

!!!

انا الي اقترحت اعادة المعركة عليكم و انتم رفضتوا!!! بس بعد الخسارة طالبتوا فيها!!

الي قالك غير هالكلام مخطىء تماما.

اقتباس :

ما عليك انا عارف وش اقول اخوى ناصر

لا اسمح لي بس في اسس للانتقاد, انتقد الفعل و لا تنتقد النوايا. قول الشي هذا خاطىء و الشي هذا كان ضدنا, و قول الشي هذا كان ظلم لنا. لكن لا تقول انت ظالمنا و انت تتعمد تضرنا, و لا تلوي الحقائق او على الاقل لا تصدق الي يعطيك كلام خاطىء تماما.

اقتباس :

لو انا مكانك راح اعيد المعركة من الاول لاني غلطان واكون كذا انصفت المملكتين اما تعيد المعركة من الدورة 17 ما تقدر تعيدها لانه بكذا المعركة تكون انتهت بعد ما ابو عادل حرق معسكر شو واكيد شو راح ترفض لانه الكل يدور على مصلحته

تبي تحل الشغلة حلها بحيادية شديدة بدون ما تحمل احد خطاك الشخصي ولا تحتاج تجيني البيت عشان تحكم بالعدل اظن عندك عيون تشوف وضمير يفكر والشغلة صارت الحين بينك وبين ربك واذا انت ما تبي تنصفنا لنا رب اعدل منك وما راح ينسانا سبحانه

اوكي انا اسف المرة الجاية المفروض اقول "غصب عنكم راح اعيد المعركة", صح؟ انتم الي رفضتوا مو انا!

اقتباس :

وكل اللي ذكرتهم مو عاجبهم الوضع بس

كل الي ذكرتهم انا كلمتهم بالماسنجر و قالولي رافضين الاستسلام/اعادة اللعبة, هم رجال و يقدرون يتكلمون عن نفسهم, ما يحتاج تتكلم عنهم.

اقتباس :

ابو عادل نفسه قالي انه يبي يطالب باعادة المعركة

بو عادل بنفسه قالي انا ارفض اعادة المعركة, و ارفض احتسابنا منتصرين بشكل مباشر. و هو بنفسه وافق على اعتبار اخر دورة هي الدورة 24 بدون اي ضغط من جانبي و كنت مستعد افكر بحلول ثانية في حالة رفض الاعادة.

اقتباس :

وهذا يتنافى مع اللي تقوله انه الحاكم هو صاحب القرار الرسمي في كل شي يستجد علينا

نفس الكلام اعيده عليك, استسلام المملكة بكبرها قرار الحاكم, و في اسباب غير هذه خلتنا نرفض الاستسلام اصلا و ذكرتها لك. المعركة بيد الاعضاء المفوضين فيها, انت كنت غايب و كان بو عادل يتحكم عنك, فمعناتها يتحكم بالمعركة ككل و هو كان موافق على الحل على المشكلة الي صارت. و بنفس الوقت ما اقدر اتواصل مع جميع اعضاء المملكة بالشأن هذا صراحة.

اقتباس :

انا اتحداك تطلع القبائل والإمبراطور وتسقطنا بمعركتين ما تقدر تسويها لانه كذا انت بفتح باب عليك ما تقدر تسكره وبتكون انت الخسران

هه اسأل ربعك في Wu, يوم خانوا الامبراطور و جو يتعذرون منه, ما كان هذا سبب اكثر من كافي اني على اقل تقدير ارسل مساندات لمازن ضدكم بالامبراطور؟ لكني اخترت اطوف هذه و اساعدكم لان حالة مملكتكم ما تسر. و على فكرة, ادري ليش تتحداني اسوي الشي هذا, بس ابشرك انا مو خبل عشان فعلا اطلع القبايل و الامبراطور و انهي اللعبة و احقق هدفكم.

اقتباس :

والحلول الثلاثة اللي تقول عليها انت رافض اولها اللي هو اعادة المعركة من الاساس عشان الخطط اللي انكشفت والحل الثاني يعني فوزنا مباشرة والحل الثالث الحل اللي المشكلة قايمة عليه

انا مو مجنون عشان اقترح حل و ارفضه. اقترحت عليكم اعادة المعركة و الطرفين رفضوها. الحل الثاني ما يعتبر انهاء للمعركة, اعيد عليك كلامي مرة ثانية,5 دورات تعتبر ربع ال 20 فلا يمكن اشيلها عشان خطة. لو اني ادري ان نهاية المعركة بال20 كان اختصرت دورة او اثنين بس. بعدين انا فتحت المجال للجميع يعطي حلول و محد عطاني حلول غير الثلاث حلول هذه و بعد التصويت اختاروا الشي هذا.

اقتباس :

حلو يعني تفسيرك هو اللي يمشي وما لنا حق نعترض يعني الاعتراضات بابها مرفوض على كلامك لو ما مشت على مزاجك يعني تغلط انت وحنا ندفع الثمن ولا تبي تمشي لا على القوانين اللي تحتم عليك تشاور رئيس مملكتنا وتجي بعدين تطالبنا انه الاستسلام لا يقبل الا بوجود حاكمنا

ايه تقديرنا كحكام هو الي يمشي طبعا, و لأ طبعا لك الحق تعترض و الموضوع هذا مو موجود الا للشي هذا و انا مو قاعد اناقشك الا لاني معطي الكل الحق يعترض سواء متأخر او لأ بس ما اضمن له اني اقدر احل الاشياء المتأخرة. و على فكرة, الاستسلام مرفوض كمبدأ لانه طريقة خالية من الروح الرياضية بختام اللعبة و عبارة عن تخريب للعبة على الي يلعبون حاليا, سواء ان كان الحاكم معكم او لأ.

اقتباس :

طيب تقول وش علاقتها ؟؟ فسر لي أجل ليش تم إعادة المعركة لمملكة شو وما تم إعادة المعركة لنا ؟؟ انت تبي تهمل كلامي لانك تدري انه ما في عدل لو ناظرت بحيادية مثل ما قلت لك انت الحين بالرد هذا بينت لي اشياء كثيرة في اللعبة

مو اتفقنا نخلي سالفة Wei على جنب؟

بس مع هذا انا اجاوبك. في معركة Wei كان في شك صراحة بالي صار حتى من قبل لا يقولي مازن عن الموضوع, و استمريت ارصد التحركات لفترة الى ان صار الشك لا يطاق و قررت اخذ اجراء احترازي باعادة المعركة و الشي هذا صار بموافقة الجميع.

في معركتكم صار في خطأ تحكيمي اعترفت فيه انا و ما كابرت و بالعكس حاولت اصححه قد ما اقدر, و شاورت ممثلي المملكتين (مثل معركة Wei بالضبط..) لكن هني الطرفين رفضوا اعادة المعركة سواء من البداية او من الدورة 17. فلا يعقل اني اصر على اعادة المعركة رغم رفض الطرفين.

اقتباس :

والله اي احد يقرأ ردك بيعرف انه تهديد وريتك وين التهديد موجود بينما اتهام شخصي ما اتهمتك وافترضت لك النية الزينة وقلت ان الاجراء اللي سويته هو اجراء كأنه متعمد وكأن تفيد التشبيه وهذا الشي موجود بردك ما جبت شي من عندي

اكرر كلامي, اتحداك ثم اتحداك تطلع لي اي كلمة فيها تهديد لك او للمملكة. لا تدعي المظلومية بلا دليل. اما اتهاماتك الشخصانية بتعمد الظلم اقدر اعطيك اياها اذا تبي, بس حفاظا على علاقتنا ما ودي اطلعها.

اقتباس :

وانا أقسم لك برب العباد أنه قرارك في المعركة مو عاجب اعضاء المملكة الا حاكمنا وانا مو مطالب اقسم عشان تصدقني وانت مع ذلك رافض تصدقني وانا من ثاني رد قلت انك فهمت قصدي من الاعتراض على سالفة السلاح ولا زلت تبي تطلع منها وتبي تحرجني بسالفة التشكيك فيك

صراحة صعبة علي اروح ادور جميع اعضاء المملكة, من مسافرين و مشغولين بظروف الحياة, و اخذ من الجميع رأيهم بالموضوع. شاروت ممثلي المملكتين في المعركة و اتخذت القرار على الضوء هذا. و ارسلت القرار في المنتدى و ولا واحد رفض اي شيء الا بعد الهزيمة, فسرها مثل ما تبي.

و انا ما بي اطلع من شي, بس ما احب واحد يلوح باتهامات من بعيد. سالفة السلاح حليناها و نفذنا لك طلبك, مع هذا انت مستمر باعادة نفس الكلام علي.

اقتباس :

يا خي والله العظيم مو عيب تغلط كل اللي أبيه شوية إنصاف وعدل وعشان أريحك إنسى كل شي فوق وقلي هل أنت راضي باللي صار وهل أنت تشوف انه حادثة مملكة وي (اسمح لي على المداخلة) كان حكمك باعادة المعركة له اساس وهل عندك دليل يخليك تعيد المعركة ؟؟

حنا عندنا دليل قوي انه المعركة فيها غلط كبير مثل هذا ومع ذلك رافض تعيد لنا ورافض تخلينا نطلع بكرامتنا هل تشوف هذا عدل ؟؟

خلاص انا عرفت اللي تبيه انت ما تبي تعيد المعركة ولا تبي تصلح غلطك ولا تبي تخلينا نطلع بكرامتنا وعندك تفسير الحكم سلاح تستند عليه ولا راح تسوي اي شي وتبي تضيع وقتي على الفاضي

خلاص بكيفك وعلى الاقل انا وضحت كلامي وعارف انك بتسوي اللي براسك والآن الشغلة بينك وبين ضميرك وانت احكم قبل ما امشي لان النقاش صار عقيم بوضح لك شغلة الآن الموضوع عندك وانا وضحت نقاط المشكلة الموجودة وكل شي واضح قدامك وانت معترف انك غلطان ومتعلق على اشياء تنافي قوانين انت اللي حطيتها وتعتبر تفسيرك لها حل يمشي على الكل اتمنى ترجع تشوف كل النقاط اللي كلمتك عليها وبعدها احكم ومتاكد مليون بالمية انك بتشوف انه في ظلم واقع علينا وادري انك ما راح تبين الشي هذا لكن انا متاكد اني على حق مثل ما وريتك الشباب قبلك واكدوا كلامي

بعد كل اللي حصل هذا لا يعني اني بيني وبينك خلاف والاحترام بيننا لا زال قائم ان شاء الله واحترم الاخوان مصلح ومازن واشكرهم على المدخلات اللي قالوها وبالنهاية حنا اخوان ان شاء الله فقط اخوى ناصر انظر بانصاف لكلامي مو اكثر وشكرا

اول شي اول شي, كرامتكم محد جاها. لكم كل الاحترام و التقدير و خسارتكم في معركة ما لها علاقة بالكرامة, لا تحط نفسك مظلوم و مسلوب الحق.

ثاني شي, ما راح نتخذ اي اجراء لانك الوحيد الي تطالب باعادة المعركة, و تطالب فيها متأخر حيل (الاحصائيات تحدثت, و بدت معركة جديدة) و اساسا القرار كنت حريص ما اتخذه الا بعد موافقة اطراف المعركة. تقدر تقول ان حظك مو حلو بالظروف الي صارت و انك ما لحقت تشاور بو عادل بالموضوع, لكن هو كان ممثل المملكة في المعركة و كان الوحيد المتواجد وقتها في المعركة و اتخذت القرار بمشورة الجميع.

ثق تماما اني اكثر حكم يغلط بالعالم و بنفس الوقت اعترف بكل خطأ ذكرته, و اعدله بلا اي حرج. بعد كل دورة استلم على الاقل رسالتين طلب تعديل و اعدل الدورة و انا ابتسم, ببساطة لان المعركة كانت كبيرة و انا ما اخجل اني اعدل و بالعكس ما اكابر على احد و الاعضاء يعرفوني زين, و فتحت لكم كل مجالات التواصل معي الي اقدر عليها و حريص على سماع شكاويهم و ما اكبت اي رأي سواء عجبني او لأ (مثل رأيك الان). القرار اتخذ بموافقة جميع الحاضرين, حتى بمجالس الشورى ياخذون بس تصويت الاعضاء الحاضرين اما الباقيين فغيابهم شي ما نتحمله صراحة, بغض النظر عن سبب الغياب. و الله ثم و الله, لو انك كنت موجود وقتها و اعترضت, كان دورت لك على حل يرضيك و يرضي الشباب, لكنك ما كنت موجود و جبت حل وافق عليه جميع الموجودين وقتها.

بالنهاية هو خطأ , و خطأ كان ظلم مو بس لكم, حتى لـ Shu. في الدورة 17 انا ذكرت بصريح العبارة ان المعركة راح تخلص بالدورة 25, و كان هذا تأكيد لـ Shu بالشي هذا و استمروا عليه, فاعلانكم فايزين ايضا ظلم لهم. و اعادة المعركة الطرفين ما وافقوا عليها, و الدورة الختامية وافقوا عليها. صحيح اني اخطأت بالاساس, بس بحل المشكلة اتخذت القرار الي اعجب المتواجدين.

و ثق تماما اني مو متحيز لمملكة معينة, و مثل ما قلت لك كان في شغلات واجد كنت اقدر امسكها عليكم و في شغلات واجد مشيتها لكم من عندي و تقدر تسأل بو عادل عنها بس مو من طبعي اتمنن على الي صار. ابسط مثال هو غياباتكم المتكررة و اعطائي لكم وقت لارسال الدورات.

و اخيرا, ادري ان في اجندة ورى الطلب هذا بس ساكت انا. ادري ان الهدف من هذا كله هو اعادة اللعبة, سواء بالاستسلام او بالبحث عن سبب مقنع امام الاعضاء بالانسحاب من اللعبة و لوم الحكم و "المحافظة على الكرامة" على قولتك عشان يتشجعون الاعضاء الثانيين ينسحبون بعيد عن "الظلم" و "القمع" الي يمارسه التحكيم "المتوحش", و السالفة مبينة و Wu نفسهم قالولي ان هذا هدف الاستسلام, و يعتبر كله تكرار لمحاولة Wei بانتحار المملكة.

تلخيص : انا اتحمل مسؤولية الخطأ في عدد الدورات لكن ما اتحمل اي مسؤولية بقرار الدورة الخاتمة لانه كان من قرار المشاركين نفسهم.

اقتباس :

وبذكرك لما gan ning كان عنده الwar 98 و zhang fei 99 انت رفعت الاخير الى 103 او 104 و هذا شي مستحيل اصلا بس مشيناها

هذه شنو علاقتها بالظلم اساسا؟ هل انا قصرت الموضوع هذا على Shu فقط؟ اي واحد يشتري item راح تزيد قوته حتى لو زادت على الـ 100. ابسط لاعبي ROTK يعرفون الشي هذا.

اقتباس :

و قرارك الي ينص على كتائب المتبارزين يمكن ان تقاتل و gan ning ما سمحت له انه يقاتل لما كان يتبارز ولا حتى تدخلت وقتها و قلت شي و مع ذلك الحين خلال طلب مبارزة الاخوان تدخلت بقانون يخرب عليهم

صراحة ماني فاهم شي.. اتمنى توضح..

اقتباس :

بس انت قلت انه في ناس قالت كلام و هم ما قالوا

واحد من اثنين. اما اني الان اكذب عليكم و اغير بكلام الناس الي قالولي اياه. او ان الناس قالوا لكم كلام و قالوا لي كلام. الناس الي انت تتكلم عنهم, تقدر تراسلهم و تخليهم يجون و هم يحددون لنا. انا نقلت لكم كلام اعضاء Wu برفضهم الاستسلام/و موافقتهم على الدورة الختامية في المعركة.

شباب, الشغلات القديمة اشتكوا فيها بوقتها لاننا ما نقدر اصلا نعدل شي الحين. و خلوا انتقاداتكم لافعال الحكام, بدون طعن في مصداقية الحكم. بمعنى اني اغلط لكن ما اتعمد اني اغلط او اظلم. اذا انا كنت لاعب و شفت ان الحكم يكذب و يتعمد يظلم و يتعمد يتحيز و يفسر القوانين مثل ما يبي, اترك اللعبة لان الحكم ما راح يعجبني شي هو سواه و ما اقبله كحكم اساسا.. ( كل واحد يفهمها على راحته )

اقتباس :

تعديلك لخاصيه او قدرات القادة كلها كانت تقليل من قدرات قادة مملكة wu اما مملكة شو فكانت تقوية خاصيه ma chao و تعديل بسيط على خاصيه zhang fei

ليش ما اشتكيك بوقتها؟ بعدين اذكر انتم طالبتوا بتعديل في خواص Wu لان معظمها خواص بحرية و عدلتها مثل ما طلبتم.

اقتباس :

و طرد lady sun من اللعبه و جعلها جاريه و على حسب راي الحكم يضعها في السوق يعني خسرت ملكة wu قائد عسكري جبار و سمحت ل الشو انهم ياخذونه

شكلك من زمان ما لعبت اللعبة حمد.. Lady Sun مو جارية..

اول شي اذا تبي تاخذ rotk مرجع او مسند للعبه و قراراتها اقول لك ان اللعبه حدها 100 مستحيل يزيد في اي خواص عن ال100 سواء الwar او ال pol او الint (اقصد ال 11 )




توضيح الي ما فهمته


في معركتي الاخيرة (معركتي انا مو معركه wu ) كنت اطالب بنفس هذا القانون و رفضتوا ولما انتهت المعركه ضفتوه لانه كان صحيح و لو تفعل في وقت معركتي كان صار كلام ثاني



الي تقوله انت افهم منه انه طرد من اللعبه بطريقة غير مباشرة (ياليت ناصر تعدل اسلوبك لانك بديت تقترب من اسلوب ؟؟؟؟ انت افهمها )



لانه لما نشتكي تقول لنا انا الحكم و كلامي يمشي (حنا نقول هذا الكلام عشان نبين وين انت مو محايد و انت تقول انك محايد )



اذا هي مو جاريه اجل ليش بالقرارات الجديده كاتب انها جاريه؟



ملاحظات: اول شي انا اقول هذا الكلام مو عشان تعدل الاشياء الي فاتت انا اقول عشان ابين لك وين المواطن الي تبين انك غير محايد بقراراتك (ادري انك مو متعمد بس ليش ما تصلحها؟ )


ثاني شي اذا انت باسلوبك هذا تبي تطردني او تطرد اللاعبين ابشرك ان المنتدى بدون هذولا الاعضاء يصير زبالة والله ما ينفعونه ادارة بدون اعضاء و يا كثر المنتديات المجانيه و الله يذكر سلطان بالخير ترا منتداه موجود عندي لو تبيه


اقتراحات :
يا انك تعدل او تصحح اخطاءك او انك تمسك حكام غيرك لانشغالك بادارة المنتدى
او انك تعدل اسلوبك شوي مع الاعضاء و ما تكلمهم بتكبر و بطريقه طاغيه لانه بكل بساطه راح يعرفون يدون عليك (انت الصراحه قاعد تكسب عداوة اعضاء المنتدى عشان ترضي شخص واحد و تشيل العيب عن نفسك و هذا اكبر غلط )



اعذرني على اخر فقرتين بس اسلوبك استفزني

يا شباب

هدوا هدوا الوضع

والله ترا هذا ناصر مو واحد من البرازيل

قسم بالله أن هذا ناصر

يعني مو معناها إشتعال نيران القلب

عشان لعبة

أدري أنا معكم في كلامكم

بس ترى الدعوى مو أنكم ترتكبون خطأ سلوكي وإتهام

وبالنسبة لإعادة اللعبة

تحسبني ناصر أبي أعيد اللعبة عشان خسارتنا

أو عشان أبي أخربها

الللي أبيه هو ترى اللعبة كل شوي طالع قانون

ترى ما أقصد إهانة

لكن أن اللعبة كل يوم قانون

لازم تعيد عشان تبدأ اللعبة بكل القوانين الجديدة

وبكل القادة اللي تقدر توفرهم


وبتعديل الخواص

لأن فيه خواص لو ربطتها بالتاريخ ما لها دخل

وترى اللعبة بمملكتين شوي مملة

ما تذكر يوم أطلب منك أني أمسك Wei

ورفضت

كنت أبي أسير اللعبة

عشان ما تصل لهذا الحد الكبير

مثلا حقين Wei طلعوا

تدري ليش

لسببين
1-خروج اللي ماسكها ليل ونهار وتاعب عشانها تركي

2-إعادة المعركة اللي تعبوا عليها

الواحد صعب يعيد ما بناه

إلا أنه يتعب ويكافح

إحنا كنا نبي نعيد اللعبة

عشان القوانين تنظم

وعشان الخواص والقادة

وعشان المملكة الثالثة

وعشان الأعضاء الجدد

وعشان الأعضاء اللي تعودوا من أخطائهم

وعشان يأخذون فكرة حول جو اللعبة

وعشان يغيرون الممالك (لأن نص اللاعبين راح يغيرون ممالكهم)


طبعا أنا أعترف معك ناصر أن اللعبة واسعة شوي وصعب تتحكم بكل شئ

لأني تخيلت نفسي مكانك وكدت أجن

أسوي خريطة لهذا

أم "أحدث إحصائيات هذا

أم أحدذ موضوع الخريطة

أم أرد على الزوار

أم أرد على الرسائل الخاصة

\أم.....................

.............

لما بكرى

وأدري أن إعادة اللعبة إهدار لتعبك كله وإهدار لتعب مازن اللي قعد من أول اللعبة يقاتل ويخطط

ثم أخرتها يجي كم واحد يقول أعيدوا اللعبة ونستسلم

شوي ظلم

بس ناصر

إذا كنت تدري أنك خسران خسران

وش الفائدة تكمل

يعني أن أعتبر مازن فائز

والمفروض أنه يصير منتهي من زمان

(هجومين واحد منا والأخر من Wei راح يطيح مملكته خهخهخه لا أمزح)

وترى ناصر كلامك كله عن المعركة ووو

الصراحة كلنا مخطئين

أبو عادل ما إستشارنا

بعدين ناصر ترى فيه غل صغير

أنا متابع المعركة بحذافيرها

وراك إستشرت أبو عادل لوحده؟


وعن إذنكم

MW3 يناديني

اقتباس :

برد على النقاط الجديدة بس , الباقي يعتبر تكرار كلام ما راح نتخذ قرار جديد فيه.

اقتباس :

ولكن رفض الاخ ناصر طلبنا باعادة المعركة

!!!

انا الي اقترحت اعادة المعركة عليكم و انتم رفضتوا!!! بس بعد الخسارة طالبتوا فيها!!

الي قالك غير هالكلام مخطىء تماما.

اقتباس :

ما عليك انا عارف وش اقول اخوى ناصر

لا اسمح لي بس في اسس للانتقاد, انتقد الفعل و لا تنتقد النوايا. قول الشي هذا خاطىء و الشي هذا كان ضدنا, و قول الشي هذا كان ظلم لنا. لكن لا تقول انت ظالمنا و انت تتعمد تضرنا, و لا تلوي الحقائق او على الاقل لا تصدق الي يعطيك كلام خاطىء تماما.

اقتباس :

لو انا مكانك راح اعيد المعركة من الاول لاني غلطان واكون كذا انصفت المملكتين اما تعيد المعركة من الدورة 17 ما تقدر تعيدها لانه بكذا المعركة تكون انتهت بعد ما ابو عادل حرق معسكر شو واكيد شو راح ترفض لانه الكل يدور على مصلحته

تبي تحل الشغلة حلها بحيادية شديدة بدون ما تحمل احد خطاك الشخصي ولا تحتاج تجيني البيت عشان تحكم بالعدل اظن عندك عيون تشوف وضمير يفكر والشغلة صارت الحين بينك وبين ربك واذا انت ما تبي تنصفنا لنا رب اعدل منك وما راح ينسانا سبحانه

اوكي انا اسف المرة الجاية المفروض اقول "غصب عنكم راح اعيد المعركة", صح؟ انتم الي رفضتوا مو انا!

اقتباس :

وكل اللي ذكرتهم مو عاجبهم الوضع بس

كل الي ذكرتهم انا كلمتهم بالماسنجر و قالولي رافضين الاستسلام/اعادة اللعبة, هم رجال و يقدرون يتكلمون عن نفسهم, ما يحتاج تتكلم عنهم.

اقتباس :

ابو عادل نفسه قالي انه يبي يطالب باعادة المعركة

بو عادل بنفسه قالي انا ارفض اعادة المعركة, و ارفض احتسابنا منتصرين بشكل مباشر. و هو بنفسه وافق على اعتبار اخر دورة هي الدورة 24 بدون اي ضغط من جانبي و كنت مستعد افكر بحلول ثانية في حالة رفض الاعادة.

اقتباس :

وهذا يتنافى مع اللي تقوله انه الحاكم هو صاحب القرار الرسمي في كل شي يستجد علينا

نفس الكلام اعيده عليك, استسلام المملكة بكبرها قرار الحاكم, و في اسباب غير هذه خلتنا نرفض الاستسلام اصلا و ذكرتها لك. المعركة بيد الاعضاء المفوضين فيها, انت كنت غايب و كان بو عادل يتحكم عنك, فمعناتها يتحكم بالمعركة ككل و هو كان موافق على الحل على المشكلة الي صارت. و بنفس الوقت ما اقدر اتواصل مع جميع اعضاء المملكة بالشأن هذا صراحة.

اقتباس :

انا اتحداك تطلع القبائل والإمبراطور وتسقطنا بمعركتين ما تقدر تسويها لانه كذا انت بفتح باب عليك ما تقدر تسكره وبتكون انت الخسران

هه اسأل ربعك في Wu, يوم خانوا الامبراطور و جو يتعذرون منه, ما كان هذا سبب اكثر من كافي اني على اقل تقدير ارسل مساندات لمازن ضدكم بالامبراطور؟ لكني اخترت اطوف هذه و اساعدكم لان حالة مملكتكم ما تسر. و على فكرة, ادري ليش تتحداني اسوي الشي هذا, بس ابشرك انا مو خبل عشان فعلا اطلع القبايل و الامبراطور و انهي اللعبة و احقق هدفكم.

اقتباس :

والحلول الثلاثة اللي تقول عليها انت رافض اولها اللي هو اعادة المعركة من الاساس عشان الخطط اللي انكشفت والحل الثاني يعني فوزنا مباشرة والحل الثالث الحل اللي المشكلة قايمة عليه

انا مو مجنون عشان اقترح حل و ارفضه. اقترحت عليكم اعادة المعركة و الطرفين رفضوها. الحل الثاني ما يعتبر انهاء للمعركة, اعيد عليك كلامي مرة ثانية,5 دورات تعتبر ربع ال 20 فلا يمكن اشيلها عشان خطة. لو اني ادري ان نهاية المعركة بال20 كان اختصرت دورة او اثنين بس. بعدين انا فتحت المجال للجميع يعطي حلول و محد عطاني حلول غير الثلاث حلول هذه و بعد التصويت اختاروا الشي هذا.

اقتباس :

حلو يعني تفسيرك هو اللي يمشي وما لنا حق نعترض يعني الاعتراضات بابها مرفوض على كلامك لو ما مشت على مزاجك يعني تغلط انت وحنا ندفع الثمن ولا تبي تمشي لا على القوانين اللي تحتم عليك تشاور رئيس مملكتنا وتجي بعدين تطالبنا انه الاستسلام لا يقبل الا بوجود حاكمنا

ايه تقديرنا كحكام هو الي يمشي طبعا, و لأ طبعا لك الحق تعترض و الموضوع هذا مو موجود الا للشي هذا و انا مو قاعد اناقشك الا لاني معطي الكل الحق يعترض سواء متأخر او لأ بس ما اضمن له اني اقدر احل الاشياء المتأخرة. و على فكرة, الاستسلام مرفوض كمبدأ لانه طريقة خالية من الروح الرياضية بختام اللعبة و عبارة عن تخريب للعبة على الي يلعبون حاليا, سواء ان كان الحاكم معكم او لأ.

اقتباس :

طيب تقول وش علاقتها ؟؟ فسر لي أجل ليش تم إعادة المعركة لمملكة شو وما تم إعادة المعركة لنا ؟؟ انت تبي تهمل كلامي لانك تدري انه ما في عدل لو ناظرت بحيادية مثل ما قلت لك انت الحين بالرد هذا بينت لي اشياء كثيرة في اللعبة

مو اتفقنا نخلي سالفة Wei على جنب؟

بس مع هذا انا اجاوبك. في معركة Wei كان في شك صراحة بالي صار حتى من قبل لا يقولي مازن عن الموضوع, و استمريت ارصد التحركات لفترة الى ان صار الشك لا يطاق و قررت اخذ اجراء احترازي باعادة المعركة و الشي هذا صار بموافقة الجميع.

في معركتكم صار في خطأ تحكيمي اعترفت فيه انا و ما كابرت و بالعكس حاولت اصححه قد ما اقدر, و شاورت ممثلي المملكتين (مثل معركة Wei بالضبط..) لكن هني الطرفين رفضوا اعادة المعركة سواء من البداية او من الدورة 17. فلا يعقل اني اصر على اعادة المعركة رغم رفض الطرفين.

اقتباس :

والله اي احد يقرأ ردك بيعرف انه تهديد وريتك وين التهديد موجود بينما اتهام شخصي ما اتهمتك وافترضت لك النية الزينة وقلت ان الاجراء اللي سويته هو اجراء كأنه متعمد وكأن تفيد التشبيه وهذا الشي موجود بردك ما جبت شي من عندي

اكرر كلامي, اتحداك ثم اتحداك تطلع لي اي كلمة فيها تهديد لك او للمملكة. لا تدعي المظلومية بلا دليل. اما اتهاماتك الشخصانية بتعمد الظلم اقدر اعطيك اياها اذا تبي, بس حفاظا على علاقتنا ما ودي اطلعها.

اقتباس :

وانا أقسم لك برب العباد أنه قرارك في المعركة مو عاجب اعضاء المملكة الا حاكمنا وانا مو مطالب اقسم عشان تصدقني وانت مع ذلك رافض تصدقني وانا من ثاني رد قلت انك فهمت قصدي من الاعتراض على سالفة السلاح ولا زلت تبي تطلع منها وتبي تحرجني بسالفة التشكيك فيك

صراحة صعبة علي اروح ادور جميع اعضاء المملكة, من مسافرين و مشغولين بظروف الحياة, و اخذ من الجميع رأيهم بالموضوع. شاروت ممثلي المملكتين في المعركة و اتخذت القرار على الضوء هذا. و ارسلت القرار في المنتدى و ولا واحد رفض اي شيء الا بعد الهزيمة, فسرها مثل ما تبي.

و انا ما بي اطلع من شي, بس ما احب واحد يلوح باتهامات من بعيد. سالفة السلاح حليناها و نفذنا لك طلبك, مع هذا انت مستمر باعادة نفس الكلام علي.

اقتباس :

يا خي والله العظيم مو عيب تغلط كل اللي أبيه شوية إنصاف وعدل وعشان أريحك إنسى كل شي فوق وقلي هل أنت راضي باللي صار وهل أنت تشوف انه حادثة مملكة وي (اسمح لي على المداخلة) كان حكمك باعادة المعركة له اساس وهل عندك دليل يخليك تعيد المعركة ؟؟

حنا عندنا دليل قوي انه المعركة فيها غلط كبير مثل هذا ومع ذلك رافض تعيد لنا ورافض تخلينا نطلع بكرامتنا هل تشوف هذا عدل ؟؟

خلاص انا عرفت اللي تبيه انت ما تبي تعيد المعركة ولا تبي تصلح غلطك ولا تبي تخلينا نطلع بكرامتنا وعندك تفسير الحكم سلاح تستند عليه ولا راح تسوي اي شي وتبي تضيع وقتي على الفاضي

خلاص بكيفك وعلى الاقل انا وضحت كلامي وعارف انك بتسوي اللي براسك والآن الشغلة بينك وبين ضميرك وانت احكم قبل ما امشي لان النقاش صار عقيم بوضح لك شغلة الآن الموضوع عندك وانا وضحت نقاط المشكلة الموجودة وكل شي واضح قدامك وانت معترف انك غلطان ومتعلق على اشياء تنافي قوانين انت اللي حطيتها وتعتبر تفسيرك لها حل يمشي على الكل اتمنى ترجع تشوف كل النقاط اللي كلمتك عليها وبعدها احكم ومتاكد مليون بالمية انك بتشوف انه في ظلم واقع علينا وادري انك ما راح تبين الشي هذا لكن انا متاكد اني على حق مثل ما وريتك الشباب قبلك واكدوا كلامي

بعد كل اللي حصل هذا لا يعني اني بيني وبينك خلاف والاحترام بيننا لا زال قائم ان شاء الله واحترم الاخوان مصلح ومازن واشكرهم على المدخلات اللي قالوها وبالنهاية حنا اخوان ان شاء الله فقط اخوى ناصر انظر بانصاف لكلامي مو اكثر وشكرا

اول شي اول شي, كرامتكم محد جاها. لكم كل الاحترام و التقدير و خسارتكم في معركة ما لها علاقة بالكرامة, لا تحط نفسك مظلوم و مسلوب الحق.

ثاني شي, ما راح نتخذ اي اجراء لانك الوحيد الي تطالب باعادة المعركة, و تطالب فيها متأخر حيل (الاحصائيات تحدثت, و بدت معركة جديدة) و اساسا القرار كنت حريص ما اتخذه الا بعد موافقة اطراف المعركة. تقدر تقول ان حظك مو حلو بالظروف الي صارت و انك ما لحقت تشاور بو عادل بالموضوع, لكن هو كان ممثل المملكة في المعركة و كان الوحيد المتواجد وقتها في المعركة و اتخذت القرار بمشورة الجميع.

ثق تماما اني اكثر حكم يغلط بالعالم و بنفس الوقت اعترف بكل خطأ ذكرته, و اعدله بلا اي حرج. بعد كل دورة استلم على الاقل رسالتين طلب تعديل و اعدل الدورة و انا ابتسم, ببساطة لان المعركة كانت كبيرة و انا ما اخجل اني اعدل و بالعكس ما اكابر على احد و الاعضاء يعرفوني زين, و فتحت لكم كل مجالات التواصل معي الي اقدر عليها و حريص على سماع شكاويهم و ما اكبت اي رأي سواء عجبني او لأ (مثل رأيك الان). القرار اتخذ بموافقة جميع الحاضرين, حتى بمجالس الشورى ياخذون بس تصويت الاعضاء الحاضرين اما الباقيين فغيابهم شي ما نتحمله صراحة, بغض النظر عن سبب الغياب. و الله ثم و الله, لو انك كنت موجود وقتها و اعترضت, كان دورت لك على حل يرضيك و يرضي الشباب, لكنك ما كنت موجود و جبت حل وافق عليه جميع الموجودين وقتها.

بالنهاية هو خطأ , و خطأ كان ظلم مو بس لكم, حتى لـ Shu. في الدورة 17 انا ذكرت بصريح العبارة ان المعركة راح تخلص بالدورة 25, و كان هذا تأكيد لـ Shu بالشي هذا و استمروا عليه, فاعلانكم فايزين ايضا ظلم لهم. و اعادة المعركة الطرفين ما وافقوا عليها, و الدورة الختامية وافقوا عليها. صحيح اني اخطأت بالاساس, بس بحل المشكلة اتخذت القرار الي اعجب المتواجدين.

و ثق تماما اني مو متحيز لمملكة معينة, و مثل ما قلت لك كان في شغلات واجد كنت اقدر امسكها عليكم و في شغلات واجد مشيتها لكم من عندي و تقدر تسأل بو عادل عنها بس مو من طبعي اتمنن على الي صار. ابسط مثال هو غياباتكم المتكررة و اعطائي لكم وقت لارسال الدورات.

و اخيرا, ادري ان في اجندة ورى الطلب هذا بس ساكت انا. ادري ان الهدف من هذا كله هو اعادة اللعبة, سواء بالاستسلام او بالبحث عن سبب مقنع امام الاعضاء بالانسحاب من اللعبة و لوم الحكم و "المحافظة على الكرامة" على قولتك عشان يتشجعون الاعضاء الثانيين ينسحبون بعيد عن "الظلم" و "القمع" الي يمارسه التحكيم "المتوحش", و السالفة مبينة و Wu نفسهم قالولي ان هذا هدف الاستسلام, و يعتبر كله تكرار لمحاولة Wei بانتحار المملكة.

تلخيص : انا اتحمل مسؤولية الخطأ في عدد الدورات لكن ما اتحمل اي مسؤولية بقرار الدورة الخاتمة لانه كان من قرار المشاركين نفسهم.

دامك تقول انك ما راح تغير شي فهذا يعني انه ما فايدة من الاعتراض خصوصا انك تشوف انك اصغر من انك تقر وتعترف رغم كل الادلة اللي جبتها لك وقاعد تحاول تتمسك بحجج واهية

اقتباس :

اذا انا كنت لاعب و شفت ان الحكم يكذب و يتعمد يظلم و يتعمد يتحيز و يفسر القوانين مثل ما يبي, اترك اللعبة لان الحكم ما راح يعجبني شي هو سواه و ما اقبله كحكم اساسا

أوكي على أمرك أنا منسحب من اللعبة للسبب اللي انت ذكرته

اوف اوف اوف ، عسى ما شر شباب ؟ ترا الشغله مو مستاهله ، اقصاها لعبه

اتمنى الكل يتصرف على حسب سنه و يبتعد عن التجريح ، بس قولوا شنو سبب المشكله الحين ؟ المواضيع متشابكه

و الكل يقط نغزات للثاني، تخربطت والله ههه

Fox كتب:

اوف اوف اوف ، عسى ما شر شباب ؟ ترا الشغله مو مستاهله ، اقصاها لعبه

اتمنى الكل يتصرف على حسب سنه و يبتعد عن التجريح ، بس قولوا شنو سبب المشكله الحين ؟ المواضيع متشابكه

و الكل يقط نغزات للثاني، تخربطت والله ههه

جزاك الله خير اخوي و يشهد الله ان نيتك صافيه و تبي تحل الامور

Dragon Shu كتب:

الحمدلله والشكر الي يقول هدوا يزيد الطين بلة.!!!

شباب مثل ما تبوا تبون المعركة تنعاد بتنعاد بتنعاد من كبرها من ساسها لرأسها بس شباب أبطلب طلب صــــغــــيــــر قد ذرة الترآب

رجآءً إحفظوا كرامة عقولكم إلي ربي معطيكم انتم مسلمين وكلنا مسلمين ما بتودينا لعبة لهالشيء ترا تعديتوا الحدود بالكلام من وقت وانا أشوف وأنتم تهينوا العقول إلي كرمكم الله بها... أرجوكم إحفظوا هذه العقول إلي ربنا كرمنا بها بلا ما نهينها وبلا ما نقلل من مقدآر أخوتنا يآ كثر مآ يضحك الشيطان بهالزمن...

وأرجوا من نآصر مآ يردني من أخو لأخوه الكبير نآصر تكفى عيد المعركة عيد المعركة أرجـــوكـ ولو سمحت عيد المعركة إذا هالسالفة بسبب لعبة ما تسوا الحذاء الملوّث .!!! فعيد المعركة على شأن ما نضر بأخوتنا ومآ نمس بكرامة عقلنا وندنيها وننزل من مستواها

ناصر عيدها يالغالي.

كلامك حلو بس ليش تحاول تجرحني بكلامك؟ و مسوي فاهم و مسكين و انت تجرح بالناس؟


و كلامك حلو و ممتاز بس كالعاده مسوي لي فيها فاهم و تجرح بالناس (الحين بدال لا تقول اللعبه ملهيه الناس عن امورها الدينيه و الدنيويه الاهم من اللعبه جاي تبرر لنفسك انك تلعب و تقلل من عقول الناس انهم يلعبون ؟؟ )


و انت الصادق يا كثر ما يضحك الشيطان بهذا الزمن (اعوذ بالله منه )

آسف اخوي حمد إن كنت جرحتك بشيء

وبنفس الوقت هذا هو إلي أشوفه بعيني أخوي حمد

والي تبوه بيصير وش تبوا أكثر من كذا.!!

ومين قال لك أنا قلت الي يلعب باللعبة منزل عقله بالعكس ينميه

قلت الي تسوونه الحين هو تنزيل عقل واهانه له إلي ربنا مكرمه

وآسف اذا غلطت مرة ثانية...


وآسف وآسف وآسف واسمحلي بسوي أي شيء عشان ترضون أي شيء اطلب وانا أنفذ انا الخادم وانت الي تملكه وش تبي أطلب أي شيء كلكم أعضاء Wu اطلبوا أي شيء من مملكتي..

انا اصلا متفرغ لحياتي اموركم مع باقي الاعضاء


و ياليت تقول اطلبوا اي شي للتذكير مو اطلبي (للتانيث )


مشكور اخوي مازن ردك الاخير حلو و ممتاز و جزاك الله خير على التوضيح الي انا فهمته غلط

اخطاء مطبعية اعذرني..

السلام عليكم,

شباب سكرت الموضوع للنظام فقط. باقول الي عندي بعدها راح افتح الموضوع, بعد ما افتح الموضوع مابي اي شكوى الا بالنقاط الي انا طلبت الاعتراض عليها بسرعة. في حالة تأزيم (... حسيت اني سكوب..) اي عضو للمشكلة, يتم طرده من اللعبة حسب اتفاق الادارة.

سموها انفصام شخصية, بس ساعات الاداري يتكلم من منطلق كونه اداري يبي نظام و ساعات يتكلم من منطلق كونه عضو. فابي اكتب مساهمتين بمساهمة وحدة لان للاسف مو الكل مستوعب الشي هذا.

-- الاداري:
حسب قوانين اللعبة: للاعضاء حرية التقدم بشكاوي فقط لغرض تنبيه الحكم و يبقى القرار النهائي للجنة التحكيم.

ما في انسان ما يغلط, و الاخطاء التحكيمية جزء من اي لعبة بالعالم. خطأ اي فرد يحسب عليه و هذه سنة الحياة ماشيين عليها. Wu في المعركة كانوا ممثلين بعضوين, بو عزيز و بو عادل. للاسف لظروف بو عزيز اضطر يتغيب عن المعركة و صار الامر كله بيد بو عادل و يعتبر هو المتصرف عن المملكة في ذلك الوقت, و اساسا المملكة كان فيها غيابات.

وقتها صارت (غلطتي) > ما اخجل اني اقولها. و غلطت باني اعتبرت المعركة تنتهي عند الدورة 30. بالقوانين فعلا المعارك تنتهي عند الدورة 30 لكن قبل سنة, بعد اول حدث في اللعبة, اعتبرنا ان المعارك راح تكون 20 دورة فقط, فكان شي طبيعي اني و بو عادل و مازن ننسى الشي هذا, و محد تذكر الموضوع الا بو عزيز فقط.

في الدورة 17 قاموا Wu باحراق المؤن و انا قدرت ان راح يتم خصم 5 دورات من المعركة و اعلنت بصريح العبارة انها راح تنتهي في الدورة 25. استمرت المعركة بشكل طبيعي و بدون اي اعتراض, الى الدورة 23 وصلني تنبيه من بو عادل, ان بو عزيز نبهه ان المعركة المفروض مخلصة بالدورة 20.

طبعا ما انكرت غلطي, و اعتذرت للطرفين و فتحت لهم باب اقتراح حلول و الطرفين ما قدروا يجيبون حلول. في الحالة هذه طرحت ثلاث حلول بيني و بين نفسي. اقترحت على بو عادل اعادة المعركة ككل و رفض. بعدها اقترحت عليه اعادة المعركة من الدورة 17, و وافق و قالي انه يرفض الغاء الدورات الحالية و اعتبار Wu منتصرين, و انا اساسا رافض الفكرة هذه لان Shu كان عندهم اعلان رسمي من الحكم باستمرار المعركة الى الدورة 25, فما يصير اكسر فيهم بالكلمة هذه و اظلمهم لان اعلان الحكم يعتبر قانون.. رحت عند مصلح و ناقشته بالوضع و عطاني فكرة ان الدورة 24 تكون الدورة الختامية و اقتنعت بالفكرة خاصة انها ما تضمن اي انتصار. عرضت الفكرة على بو عادل , و ابدى موافقته في الموضوع. رحت عند مازن و عرضت عليه الفكرة و وافق.

لو واحد منهم رفض كان عرضت فكرة اعادة المعركة من الدورة 17, او اي فكرة ثانية. لكن (جميع المشاركين الفعليين) بالمعركة وافقوا على القرار. العضو رونالدو العرب كان متغيب لكذا دورة, و نفس الشي بالنسبة للاخ بو عزيز فوصولي لهم كان شبه مستحيل خاصة ان المعركة امر مستعجل, و اساسا ما احتاج اوصل لهم لان قائدي الطرفين موجودين و القرارات هذه بيدهم.

نفذت القرار, و اعتبرت اخر دورة هي الدورة 24 و انتصرت قوات Shu في المعركة.

بعدها, كلموني بالماسنجر ثلاث اعضاء هم night^wolf و هو خارج اللعبة, و بو عادل من مملكة Wu و [Zhang Lia0] من مملكة Shu, و طلبوا مني اعادة اللعبة باستثناء بو عادل الي كان فقط متواجد في المحادثة. طلبهم هنا انا فهمته على انه طلب عادي جدا من اعضاء ما بينهم مصالح في اللعبة. نقلت لهم رفض لجنة التحكيم على فكرتهم, للاسباب التالية:

1) نبي اللعبة تخلص بشكل عادي جدا.
2) ما يصير يطلبون مني عضوين اعادة اللعبة و اعيدها, بينما في ناس حاليا شغالين عليها و يخططون.
(بعد الموضوع بيوم, كلمت كذا عضو في اللعبة و من باب الحديث الجانبي عرضت موضوع اعادة اللعبة عليهم و ابدوا الرفض القاطع لها)

ناقشت الشباب و طلب منهم سبب اعادة اللعبة. كان الدافع الاساسي هو الرغبة برجوع مملكة Wei. بينت لهم ان مملكة Wei انسحبت بنفسها و ما كان في عدد كافي من الاعضاء عشان يغطون ثلاث ممالك, و عودتها الان بنص اللعبة شي صعب و يفتقر الى النظام, و ان اللعبة الحمد لله ماشية بلا اي مشاكل. طلبت سبب المطالبة بعودة Wei و كان السبب انهم يبون ناس اضافيين في موضوع التسجيل عشان يختارون منهم, عرضت عليهم اكثر من حل:

1) عرضت كتابة ناس اضافيين من Wu في موضوع التسجيل.
2) عرضت تقسيم ناس اضافيين من Wei على المملكتين.
3) بعد ضغط منهم, وافقت على مناقشة اقتراح اضافة قادة Others لمملكتين على حساب الاحداث. و هذا لاقى رفض من لجنة التحكيم + بعض الاعضاء الي عرضت عليهم الفكرة.
4) عرضت عليهم ان بمجرد انتهاء اللعبة راح يكون لهم الحرية يفتحون موسم جديد بطاقم تحكيم جديد لاني راح اكون مشغول خلال السنة القادمة و يكفي علي اللعبة هذه.

انتقل النقاش لنقطة ثانية و هي المطالبة بتسريع ختم اللعبة, و بعد نقاش مع الاعضاء في المحادثة اتفقنا على ان اللعبة نفسها ما راح تطول اصلا (السبب: اننا الغينا قانون منع الهجمات المتتالية). و بنهاية الاجتماع طلبت من كل واحد يكتب طلباته عشان انقلها لمصلح و نتناقش فيها. طلب معاذ حدث جديد, بينما night^wolf طلب حذف مدينة من كل مملكة للتسريع.

قبل لا تناقش بأي شيء, بعدها بيوم او اثنين, طالب العضوين King of honor و بو عزيز باستسلام مملكة Wu الى مملكة Shu. لجنة التحكيم رفضت الشي هذا للاسباب التالية:

1) القرار هذا بيد حاكم المملكة.
2) ما نبيها عادة باللعبة. ما يصير كل ما مملكة تخسر معركة تروح تستسلم. ما في روح رياضية ابدا في القصة هذه.

تكلمت مع بو عادل في الماسنجر و كان مصلح موجود وقتها, و قالنا ان ما ابدى موافقة على كلام زملاءه في المملكة. راسلت Bofu و ابدى لي رفضه بالاستسلام. سألت في الماسنجر و اوضحوا لي ان سبب الرغبة بالاستسلام هو لاعادة اللعبة + دخول مملكة Wei + تسجيل الاعضاء القدماء في مملكة Wei. رفضنا طبعا الاستسلام و استمرت اللعبة بشكل عادي.

بعدها بفترة بسيطة, اضفت بعض القوانين الى اللعبة كنوع من التحسين. و بعدها طالبوا Wu بمبارزة ثائر في المعركة الحالية عندهم و تذكرت قانون نسيت اضيفه, و هو يقتضي باجبار العضو على اختيار سلاحه قبل بدأ المبارزة كنوع من اختصار الوقت. بالعادة, نحتاج دورة لطلب المبارزة, دورة ثانية للموافقة, دورة ثالثة لتحديد الاسلحة فحبيت اختصر الدورة الثالثة و اجبر الاعضاء يحددون الاسلحة بسرعة.

للاسف Wu, و لسبب غريب, فهموها اني اتعمد اضرهم بالقانون هذا مع العلم ان القانون ما فيه اي ضرر عليهم + نفذت طلبهم باخفاء الاسلحة.

الان, بغيت كل واحد يقرا المساهمة , لا هنتم شباب, بس اصعدوا شوي بالمساهمة و ارجعوا الى المعركة الي تركناها. حصلتوها؟ قديمة صح؟ هذه رجعت السالفة. اعتقد اي شكوى بخصوص المعركة المفروض تكون بوقتها, على الاقل بعد المعركة. انا اعلنت بالموضوع ان نهاية المعركة هي الدورة 24 و قلت الدورة راح تكتب غدا, و ما جاني اي اعتراض. كتبت بعدها الدورة و قلت تحديث الاحصائيات غدا, و ما جاني اي اعتراض. بعدها حدثت الاحصائيات و يوم وصلوا الاعضاء الي حاليا معترضين, طالبوا بالاستسلام لاعادة اللعبة لاسباب ثانية خارج المعركة. الان رجعنا لنفس القصة, و ماني داخل بالنوايا بس اعتقد سبب النقاش هذا كله هو احداث شوشرة في اللعبة بس عشان تتسكر و تنعاد اللعبة و اي متابع للنقاش يقدر يطلع اكثر من خيط يدل على ان هدف كل هذا هو اعادة اللعبة فقط.

الان, نبهوني شباب بالماسنجر ان في فقرة من كلامي انفهمت بشكل خاطىء تماما:

اقتباس :

اذا انا كنت لاعب و شفت ان الحكم يكذب و يتعمد يظلم و يتعمد يتحيز و يفسر القوانين مثل ما يبي, اترك اللعبة لان الحكم ما راح يعجبني شي هو سواه و ما اقبله كحكم اساسا

شباب, مو قصدي اقولكم مطرودين او اطلعوا من اللعبة. اسف اذا فهمتوها بالطريقة هذه. كنت ابين الفرق بين الانتقاد الموضوعي و الانتقاد الشخصي. و قلت ان الانتقاد الموضوع يكون انتقاد لفعل انا سويتها, و استخدام عبارات "الفعل هذا اضرنا" او "الفعل هذا فيه ضرر لنا". اما الانتقاد الشخصي يكون انتقاد للشخص نفسه و فيه طعن بمصداقية و صلاحية الحكم, و يشمل عبارات مثل "انت ظالم" او "انت متحيز" بشكل تعمدي. و بعدما بينت الفرق, قلت ان الاولى حلها بالنقاش و تبين الاخطاء و التذكير, اما الثاني فمالها حل الا ازالة احد الطرفين, و قلت كمثال, اني اذا صادفت حكم يتعمد الاساءة و الظلم, هني انا اتركه. كلامكم في الموضوع, اجمعتوا على انكم تلتمسون لي العذر و ان قصدكم تبيين الخطأ فأكيد الكلام ما يشملكم. و في جزء اقل منكم فهم معنى اسوء.. فهم اني اطرد من المنتدى ككل.. لا ما وصلت الامور للدرجة هذه و ان شاء الله عمرها ما توصل.

الي فوق كله, بس سرد للقصة و كله كلام فاضي بالماضي و الي صار. و فيه تبيين و تبرير لكل خطوة اتخذتها ادارة اللعبة. شغلة ثانية بقولها.. في اكثر من مرة, كنت على شفى حفرة بالغاء اللعبة تماما و دفنها في طيات الارشيف. اكثر من مرة صارت بالماضي. لكن دايما كان مصلح يشجعني اننا نكلم الي بديناه, على الاقل احتراما للاعضاء المستمرين معنا. الان, مصلح ارسل لي رسالة يقول فيها حلول و يقول اذا ما نفعت, ارشف اللعبة لانها ما تسوى كل الي صاير.

الان, القرارات الي اتمنى انها تكون اصلاحية في الموضوع:

* تلتزم الادارة بان جميع القرارات التالية تم اقرارها فقط, و فقط, لان الطرفين طالبوا بذلك. الادارة لا تتحمل مسؤولية اي قرار اتخذه من يمثل المملكة. (بمعنى اخر, للحين حنا مو غلطانين بسالفة الدورة الختامية. في حالة حدوث اي شيء مشابه, و اتخاذ ممثل المملكة اي قرار, راح نمسكه).

* تعاد المعركة من البداية. (اذا Wu مو عاجبهم الشي هذا, الحين الحين قولوا. مساهمة بسيطة, سطر واحد بس موافقين او رافضين, في حالة الرفض و وجود حل بديل, اتمنى ذكره. حل الاعادة من الدورة 17 رفضوه Shu فما يحتاج اعادته الان).

* جميع المعارك المستقبلية تنتهي بالدورة 30! قانون العشرين دورة ملعون حطيته قبل سنة و تحسفت عليه قد شعر راسي >,>

*تتم ارشفة المعركة الحالية, ارجاع النقود التي خصمت, الغاء الخطط المستعملة من الطرفين, اضافة 1000 مستجد لـ Wu و خصم 1000 مستجد من Shu (او اي الف في حالة التجنيد). الخطط هذه تشمل خطة Shu الناجحة بقيام الثورة عندكم, و تفشل خطتكم الي فشلت و يرجع Cao Pi لكم (لانه مأسور) و يتم ارجاع الاحصائيات لما كانت عليه (ناخذ نفس الاحصائيات قبل بداية المعركة).

* في حالة حدوث اي مشكلة او اعتراض من الحجم هذا, تتم ارشفة اللعبة ككل و اصدار قرار اداري من ادارة المنتدى نفسه (مو من لجنة التحكيم) بمنع قيام العاب مثل هذه مستقبلا.

* القرار هذا تم اتخاذه بموافقة الجميع, لاي معارض فرصة الاعتراض الى يوم الخميس. في حالة عدم وجود اي اعتراض, يتم تطبيق بقية القوانين. اي اعتراض بعد يوم الخميس سيتم اهماله تماما.

* المهزلة الي صارت في الموضوع هذا و التدخل الجماعي مرفوض جملة و تفصيلا و سيعاقب كل من يحاول تكراره.

* اللعبة لم و لن تعاد و ستنتهي بطريقة معتادة باذن الله و (في حالة) وجود من يتحدى ذلك باثارة اي مشاكل مستقبلية, ليعلم من الان انه في حالة الغاء اللعبة بقرار اداري, ما راح يكون في موسم ثاني, لا منا ولا من غيرنا من الادارة. نرفض ان نخلي اي عضو يكسر شوكة الادارة و يفرض خططه بالغصب و يحاول يطيحنا بمشاكل.
===========================================

الحين كعضو, تلخيص لكلامي كله "عيب". عيب صراحة الكلام هذا يطلع من بعضكم. اتهامات قاسية و تجريح و طعن شخصي بضميري و مصداقيتي و انا ارفض الشي هذا. الحكم مهو رجل الي, لازم تتذكرون الشي هذا و انتقاداتكم تكون متماشية مع الاحترام المتبادل بين البشر مو بس الاعضاء.

اي واحد حس اني غلطت عليه, او استفزيته اتمنى يرسلي رسالة خاصة يبين لي وين غلطت عليه و انا مستعد اعتذر له و احب راسه خاصة ان نصكم اكبر مني سنا, كلامي كان عام و ما قصدت فيه احد معين لكن اطالب باحترام متبادل, انا سويت الي ارضى المشاركين بالمعركة و ماني ملزوم اكلم الغير مشاركين, ما يصير غلطة قديمة تمسكونها كعذر لاعادة اللعبة. و الي صار فعلا محد يرضى عليه او على الاقل اتمنى ان محد يرضى عليه. كلنا نوايانا صافية و محد يتعمد يغلط بحق احد او يستفز احد, او يظلم احد او يتحيز لاحد لكن ساعات الكلام ينفهم بالطريقة هذه. الكتابة بالنت تنقل الفكرة لكن ما تنقل المشاعر وراها. ناس واجد حسوا اني معصب, انا مو معصب ابدا.. بس زعلان بجد, كلام اول مرة اسمعه يقال عني و اتهامات حسستني اني مو بشر معكم, و اعتبرتها تجريح شخصي و اساءة..

============================================

(للي قاعد يكتب المساهمة التالية): اذا كنت من Wu, اذكر موافقتك او رفضك لقرار اعادة المعركة. في حالة الرفض اذكر السبب او الحل البديل. ما يحتاج نقاش و اقناع و اتهامات خلاص مليت..

اذا كنت من Shu, و تبي تعقب على القرار الاداري, عقب عليه.

ممنوع التعقيب على سرد القصة و اتهام اي شخص بالكذب, لانه راح يشعل النار, و راح يتم اتخاذ اجراء اداري بحق الي يتعدى على القانون هذا.

لحد يرد على الثاني, الكل يعقب على القرار فقط مهما كان.
===========================================

يوم الخميس اعادة اللعبة اذا ما كان في اعتراضات, من الان الى يوم الخميس وقت فراغ, نعطي Wu فرصة يعترضون اذا حبوا و نعطي انفسنا وقت نطلع من الشحن السلبي الي صاير و كل واحد يفكر بالاخطاء الي سواها سواء من جانبي كحكم و من المسيئين لي بطريقة شخصية. و بنفس الوقت, نستانس بالعيد.

مساهمة طويلة, بس لازم منها..

اقتباس :

الان, القرارات الي اتمنى انها تكون اصلاحية في الموضوع:

* تلتزم الادارة بان جميع القرارات التالية تم اقرارها فقط, و فقط, لان الطرفين طالبوا بذلك. الادارة لا تتحمل مسؤولية اي قرار اتخذه من يمثل المملكة. (بمعنى اخر, للحين حنا مو غلطانين بسالفة الدورة الختامية. في حالة حدوث اي شيء مشابه, و اتخاذ ممثل المملكة اي قرار, راح نمسكه).

* تعاد المعركة من البداية. (اذا Wu مو عاجبهم الشي هذا, الحين الحين قولوا. مساهمة بسيطة, سطر واحد بس موافقين او رافضين, في حالة الرفض و وجود حل بديل, اتمنى ذكره. حل الاعادة من الدورة 17 رفضوه Shu فما يحتاج اعادته الان).

* جميع المعارك المستقبلية تنتهي بالدورة 30! قانون العشرين دورة ملعون حطيته قبل سنة و تحسفت عليه قد شعر راسي >,>

*تتم ارشفة المعركة الحالية, ارجاع النقود التي خصمت, الغاء الخطط المستعملة من الطرفين, اضافة 1000 مستجد لـ Wu و خصم 1000 مستجد من Shu (او اي الف في حالة التجنيد). الخطط هذه تشمل خطة Shu الناجحة بقيام الثورة عندكم, و تفشل خطتكم الي فشلت و يرجع Cao Pi لكم (لانه مأسور) و يتم ارجاع الاحصائيات لما كانت عليه (ناخذ نفس الاحصائيات قبل بداية المعركة).

* في حالة حدوث اي مشكلة او اعتراض من الحجم هذا, تتم ارشفة اللعبة ككل و اصدار قرار اداري من ادارة المنتدى نفسه (مو من لجنة التحكيم) بمنع قيام العاب مثل هذه مستقبلا.

* القرار هذا تم اتخاذه بموافقة الجميع, لاي معارض فرصة الاعتراض الى يوم الخميس. في حالة عدم وجود اي اعتراض, يتم تطبيق بقية القوانين. اي اعتراض بعد يوم الخميس سيتم اهماله تماما.

* المهزلة الي صارت في الموضوع هذا و التدخل الجماعي مرفوض جملة و تفصيلا و سيعاقب كل من يحاول تكراره.

* اللعبة لم و لن تعاد و ستنتهي بطريقة معتادة باذن الله و (في حالة) وجود من يتحدى ذلك باثارة اي مشاكل مستقبلية, ليعلم من الان انه في حالة الغاء اللعبة بقرار اداري, ما راح يكون في موسم ثاني, لا منا ولا من غيرنا من الادارة. نرفض ان نخلي اي عضو يكسر شوكة الادارة و يفرض خططه بالغصب و يحاول يطيحنا بمشاكل.

القرارات بالنسبة لي منصفة لكن المفروض من الأول تقرر مثل هذا القرار انت اللي اجبرتني اني اضطر الى الإعتراض لإنك رفضت تسمع لنا بس لا زلت انت غلطان بالدورة الختامية وعندي دليل على كلامي أعطيته للأخ أبو عادل وعندي شاهد يشهد على كلامي (الدليل والشاهد عندي تبي تتطلع عليهم ما عندي مشكلة بشرط أني راح أنزلهم هنا لو إطلعت عليهم عشان الشفافية اللي هي مبدأ الكل في اللعبة)

بخصوص المهزلة اللي صارت اظن انه كلامي كله طلع بمحله والاعضاء اللي اجتمعت فيهم قبل شوي يدورون عن كلامي زين واظن انه المهزلة كانت من القرارات الغلط اللي صدرت بحقنا واللي الحمد لله تعدلت لصالحنا بعد إكتشاف الأخطاء اللي صارت

الحمد لله اللي راح الظلم اللي كان واقع علينا ووصلنا حقنا بعد ما تعبنا فيه الشكر موصول للجميع

اما بخصوص كل عضو يقرر انا آسف قراري ما راح أقوله إلا بوجود الأخ محمد حاكم المملكة وراح أبلغ الإخوان في المملكة أنه القرار يكون واحد أفضل لنا كأعضاء وللحكام

محمد موكلني بالمملكة

وأنا موافق

وراح أمسك المعركة بنفسي

هذا كله من أجل

اللعبة

المملكة / Wu
القرارات منصفة الى حد كبير لنا .. المعركة تعاد من 30 أو 20 ؟
لان المعركة تمت قبل (الغاء) شرط ال20 دورة , لذا المفترض أن تعاد من 20 دورة فقط ..
(زمن وصول الإمدادات لم يتم الحديث عنه ..هل هو نفسه أم يحق لنا التغيير )
هل يمكن التبديل في المعركة أم ماذا ؟
أنا أوافق إذا كانت من 20 , أما 30 , لا .. خططنا انكشفت بشكل كبير واحنا طرف مدافع للمعلومية ..

أبو عادل كتب:

المملكة / Wu
القرارات منصفة الى حد كبير لنا .. المعركة تعاد من 30 أو 20 ؟
لان المعركة تمت قبل (الغاء) شرط ال20 دورة , لذا المفترض أن تعاد من 20 دورة فقط ..
(زمن وصول الإمدادات لم يتم الحديث عنه ..هل هو نفسه أم يحق لنا التغيير )
هل يمكن التبديل في المعركة أم ماذا ؟
أنا أوافق إذا كانت من 20 , أما 30 , لا .. خططنا انكشفت بشكل كبير واحنا طرف مدافع للمعلومية ..

- المعركة تعاد من 20 طبعا.
- الامدادات تلغى, و ترسل طلب جديد للامداد متى ما بغيت بنص المعركة. يعني مثل حالة المعركة الاصلية, انت تحدد الوقت.
- ..... شي اكثر من طبيعي انكم ما تغيرون جنرالاتكم او جنودكم, اذا قصدك شي ثاني بكلمة التبديل اتمنى توضح.

اقتباس :

- ..... شي اكثر من طبيعي انكم ما تغيرون جنرالاتكم او جنودكم, اذا قصدك شي ثاني بكلمة التبديل اتمنى توضح.

لا ماقصدت شيء ثاني ..
موافق .

اليوم الخميس, راح احتاج اليوم و بكرة عشان اعمل على اعادة الاحصائيات و المعركة لما كانت عليه, فاللعبة موقفة اليوم و بكرة, الي اساسا يوم توقف اسبوعي.

+ السكوت علامة الرضى, بهذا تعتبر المملكتين موافقتين على الحل رسميا و على الملأ و اي اعتراض مستقبلي لن يتم اخذه على محمل الجد و سيتم اهماله مهما كان السبب او الدافع.

+ للتذكير, اي تصعيد مستقبلي في اللعبة سيتم التعامل معه بحزم. في حالة كانت حالة فردية ستتم ازالة العضو من اللعبة, في حالة كانت حالة جماعية سيتم اغلاق اللعبة الى الابد.

+ للتذكير, اي تعدي على الادارة سيتم اتخاذ اجراء اداري قاسي بسرعة. الانتقادات تكون بطريقة احترافية و يتم انتقاد الافعال و ليس الطعن بالضمائر و النوايا.

بالنهاية اشكر الاخ مازن على تعاطفه مع الوضع و تنازله عن حقه, و اتمنى للطرفين التوفيق في المعركة المعادة و ان المعركة تنتهي على خير و اللعبة تلقى نهاية سعيدة.

*يغلق ملف المشكلة, يرجع الموضوع لحالته الطبيعية*

السلام عليكم ، شباب انا عندي ملاحظه على قدرات نمور wei صراحه ما فيهم احد بمستوى zhang liao >_>

او قريب منه و قائد مثل yu jin يستحق قدره ثانويه خصوصاً ان قدرته الرئيسيه لها تأثير جانبي خطير...

و عندي اقتراح ثاني ، الاخوه لها تأثيرات جانبيه سلبيه ؟ او حتى تدفع عليها شي حتى تتمها ؟ اذا على هذي الحاله خلاص

اسوي لكل 3 قاده بالمملكه عهد اخوه.... حتى في rtk الشغله اما مكلفه او صعبه او بعض القاده ما يحبون بعض >_>


اذا قبل اقتراحي و اضفنا تأثيرات جانبيه سلبيه ممكن اذا قبضنا او قتلنا احد الاخوه انهم يتصرفون "بتهور" او "غباء"

او يموت من القهر اذا ما انتقم مثل ما حدث للأخوه في الروايه/الاصدقاء في التاريخ او اي شي يقدره الحكم...