اقليم Jing و الخيانة العظمى

اقتباس :

اول مره اسمع ان sung quan احتل ميناء xiakou حتى موقع kongmeng ينفي المعلومه o_o

وين ينفي المعلومة..؟

انا عن رائي اقول ان هذي مب خيانه لنه ليو بي هو اصلا كان بهجم على اقليم JING

هاذي اكبر خيانه من المفروض يوم كان القائد Lu Meng
يوم تصالح مع shu بس من القائد الي هاجم ب التجسس على القلعه Jing


وتقبل مروري

اقتباس :

وين ينفي المعلومة..؟

اسف اخوي shizai انشغلت حيل و صارت لي اعلوم
و عن المصدر راح ادوره و ان شاء الله القاه
و ان ما لقيته ممكن تتجاهل الجمله الي قلتها
بس سوألي لا يزال قائم بعد ما استولوا على الميناء هل حافظوا عليه ام انسحبوا من الميناء ؟

ههههه سؤالك كان موجه لمحمد فتجاهلته, على العموم هو احتل المنطقة و افرغها من قوات Huang Zu بعدها تراجع و استقبل قوات Liu Bei فيها.

و المصادر واجد بهالخصوص.. ZZTJ و سيرة Sun Quan و كتاب جنرالات الجنوب.

Fox كتب:

في معركة he fei
نفس الحاله سوء قيادة sun quan كان السبب في الخساره

ما كان بسبب سوء قيادة Sun Quan


كان بسبب وباء خطير أنتشر بين جيش Wu لدرجة أنه وصل الجنرالات و المستشارين


و أضعفهم هالوباء كثير


رقم 2 كانت منطقة He Fei كانت نائيه جداً و ما فيها بشر كثير


مليئه بالمستنقعات و الحيوانات الضاريه و كانت الصعبه السيطره عليها حتى من جانب Wei


لكن هني نصفق حق Wei لأنها عرفت كيف تحصن المدينة خير تحصين


أما بالنسبه لطلب Liu Bei من Sun Quan الهجوم على He Fei هذا الكلام روائي


إللي طلب من Sun Quan الهجوم المستشار Zhang Hong و غيره من المستشارين منهم Lu Meng


بالنسبه للميناء بعطيك معلومه مختصره حييل مملكة Wu لم تخسر أرض أو ميناء من أراضيها أو موانيها


إلا من مملكة Jin فقط بعد وفاة Lu Kang بس


دمتم بحب



(( تــــــــــحياتــــــــــي ))

Fox كتب:

انا متأكد لو shu كان عندها اقليم jing في ذاك الوقت ما راح تنام عليه اكيد راح تهاجم و تسوي حملات على wei

و راح تفشل كلها فشل ذريع لأن Shu عندها دايم مشاكل في الأمداد


و راح يخسرون جنودهم و مواردهم و كل شي


Wu تتفوق عليها في هالنقطه لأن أمدادهم سريع جداً و لم يعانوا من هالنقطه أبداً


على العموم لا أنا و لا أنت نعرف الغيب


لكن الحقيقه المره بالنسبه لمحبين Shu أن Wu طردت Shu من الإقليم و لم تخسر إلا جندي واحد فقط هههههههههه


و هالأنجاز برأيي أفضل إنجاز في الممالك الثلاث كلها بصراحه


دمتم بحب



(( تــــــــــحياتــــــــــي ))

اقتباس :

و راح تفشل كلها فشل ذريع لأن Shu عندها دايم مشاكل في الأمداد


و راح يخسرون جنودهم و مواردهم و كل شي


Wu تتفوق عليها في هالنقطه لأن أمدادهم سريع جداً و لم يعانوا من هالنقطه أبداً

احييك على المرور المتواصل اخوي lu xun
shu في اقليم جبلي الطرق فيه صعبه و خطره
و الكل يعرف ان الخيل في shu شبه معدومه و هذا سبب ازمة الامداد على عكس اقليم jing
و انهم خلوها مجرد مشاكل من ازمات هذا شي يحسب لهم مو عليهم

و على الفشل تقريبا محد احسن من احد

اقتباس :

ما كان بسبب سوء قيادة Sun Quan


كان بسبب وباء خطير أنتشر بين جيش Wu لدرجة أنه وصل الجنرالات و المستشارين


و أضعفهم هالوباء كثير

الوباء حصل في نهاية المعركه و انسحب بعدها sun quan

اقتباس :

ما كان بسبب سوء قيادة Sun Quan


كان بسبب وباء خطير أنتشر بين جيش Wu لدرجة أنه وصل الجنرالات و المستشارين


و أضعفهم هالوباء كثير

لا اخوي اول الوباء حصل بعد المعركه بس حتى ولو ليش ما فصل المريض مع الباقي؟ ما يعتبر هذا سوى قياده؟

اقتباس :

رقم 2 كانت منطقة He Fei كانت نائيه جداً و ما فيها بشر كثير


مليئه بالمستنقعات و الحيوانات الضاريه و كانت الصعبه السيطره عليها حتى من جانب Wei



لكن هني نصفق حق Wei لأنها عرفت كيف تحصن المدينة خير تحصين

اوكي ليش هاجمها sun quan بالأساس؟ على حسب كلامك هي ما كانت تستحق كل الجهد المبذول عليها عدل؟

اقتباس :

أما بالنسبه لطلب Liu Bei من Sun Quan الهجوم على He Fei هذا الكلام روائي


إللي طلب من Sun Quan الهجوم المستشار Zhang Hong و غيره من المستشارين منهم Lu Meng


بالنسبه للميناء بعطيك معلومه مختصره حييل مملكة Wu لم تخسر أرض أو ميناء من أراضيها أو موانيها


إلا من مملكة Jin فقط بعد وفاة Lu Kang بس

صراحه اول مره اسمع بالمعلومه هذي ممكن تعطيني الموقع الي تأخذ منه هذي المعلومات اخوي؟

و عن lu kang يعني انت تقول ان wu تقدر على wei لحالها لأن lu kang قدر يحمي مملكة wu في فترة حياته من قائد سيى؟
ارجو انك تشرح وجهت نظرك بشكل افضل

بخصوص الوباء ترا Sun Quan مو طبيب و لا دكتور و فترة الممالك الثلاث ما فيها حجر صحي و مدري شنو لأن عندهم جهل كثير ما تطوروا مثل ألحين


و لا كانوا يدرون أنه أنتشر لأنهم يحاربون إحنا ما نلوم Sun Quan في خسارته لأنه الظروف ضده كلها


و هالوباء حصل بداية المعركه خلال المسير من المستنقعات و الحشرات و غيرها


و أما بخصوص هجومه على He Fei هو يبي يكشف دفاعات Wei من خلال هجومه على He Fei و يسهل عليه شق طريقه نحو العاصمه Xu Chang


70% معلوماتي من النقاشات السابقه من الأساتذه الكبار أعضاءنا القدامى و 30% من موقع Kongming و كتاب جنرالات الجنوب من الدكتور راف وإذا تقصد هالمعلومه مالت هجوم He Fei من أقتراح Zhang Hong خذيتها من كتاب أبطال الجنوب


صح كلامك Lu Kang قدر يحمي المملكة من مملكة Jin رغم الفساد الداخلي و الضغط النفسي من أبناء Sun Quan و بذات من Sun Hao الذي أفلس بالمملكة


Sun Quan كان عمود مملكة Wu الفعلي و المملكة أزدهرت في عهده و كان عهده و فترة حكمة كانت فتره ذهبيه بصراحه


لكن عياله خربوا كل شي و ما قدروا يحافظون على المملكة مثل Sun Quan


دمتم بحب



(( تـــــــــــحياتـــــــــــي ))

اقتباس :

بخصوص الوباء ترا Sun Quan مو طبيب و لا دكتور و فترة الممالك الثلاث ما فيها حجر صحي و مدري شنو لأن عندهم جهل كثير ما تطوروا مثل ألحين

lما اظن انك تحتاج تكون دكتور حتى تعرف ان الي قدامك مريض و يمكن ما مافيه حجر صحي بس كان معروف ان المريض يعزل عن باقي الناس
ولو الجيش كله بجنوده و قاده الي معه ما فيهم دكتور واحد؟ شي عجيب

اقتباس :

و لا كانوا يدرون أنه أنتشر لأنهم يحاربون إحنا ما نلوم Sun Quan في خسارته لأنه الظروف ضده كلها

اي ظروف كلها مرض الجيش و انسحب بعده على طول
zhuge liang مر بظروف اصعب منها و اشوف ناس واجد يلومونه

اقتباس :

و هالوباء حصل بداية المعركه خلال المسير من المستنقعات و الحشرات و غيرها

لا في نهاية المعركه
http://the-scholars.com/viewtopic.php?f=5&t=8564&st=0&sk=t&sd=a&start=30
اقرأ الي كتبته lady wu

اقتباس :

70% معلوماتي من النقاشات السابقه من الأساتذه الكبار أعضاءنا القدامى و 30% من موقع Kongming و كتاب جنرالات الجنوب من الدكتور راف وإذا تقصد هالمعلومه مالت هجوم He Fei من أقتراح Zhang Hong خذيتها من كتاب أبطال الجنوب

الكتاب هذا لازم اقراه مشكور اخوي

اقتباس :

صح كلامك Lu Kang قدر يحمي المملكة من مملكة Jin رغم الفساد الداخلي و الضغط النفسي من أبناء Sun Quan و بذات من Sun Hao الذي أفلس بالمملكة

عادك ما جاوبت السؤال

اقتباس :

Sun Quan كان عمود مملكة Wu الفعلي و المملكة أزدهرت في عهده و كان عهده و فترة حكمة كانت فتره ذهبيه بصراحه


لكن عياله خربوا كل شي و ما قدروا يحافظون على المملكة مثل Sun Quan

ما عرف يربي؟ :D

بس ودي استفسر هو ما قتل ولده الكبير و حط sun liang و هو عاده صغير مكانه كولي عهد؟

ما كانوا يعرفون يا الغالي هم همهم المعركه و هم على بالهم أنه ما راح ينتشر


لأن ما يعرفون حتى وش معنى كلمة وباء ختى !


أخوي هالكلام من 2000 سنه شنو تتوقع هل يكون عندهم بروفسور للأمراض ؟


أغلب القاده في الممالك يموتون بسرعه البرق و الحاله صعبه عندهم


أي ظروف أخوي أنت كله تنفي كلامي و لا كأني قلت لك شي و أنا ما أحب أكرر كلامي


ظروف الأرض نفسها لأنها منطقه نائيه جداً حتى بشر ما فيها


و هجمة Zhang Liao الغير متوقعه و لا جات على الحسبان حتى و هم في وسط المرضى


حبيت أقولك شي عن المصدر إللي جبته لي ترا منتدى Kong Ming لا يعتبر مصدر للتاريخ لأن المنتدى عندهم كله مكس تاريخ + روايه عادي يعني


مو مثلنا منظمين المنتدى صح مخلين للتاريخ أقسام و الروايه أقسام بعد


هم عندهم الموسوعه هي المصدر الأكيد و فيها تفريق بين الروايه و التاريخ أتمنى أنك فهمت علي


و بعدين بخصوص مقارنتك في Sun Quan بـZhuge Liang


في فرق بينهم هالحملات إللي شنها Zhuge Liang هي إللي أسقطت المملكة و أضعفتها هالحملات و خسرت موارد و خسرت جنود كثار و خسرت أموال و أختراعات


قولي شنو خسر Sun Quan من المملكة ؟ هل حلمة He Fei أسقطت مملكة Wu ?


و بعدين نلوم Zhuge Liang لأنه يبي يكحلها عمها كان خوش ولد مستشار مدني و داخلي في المدينة و أول ما أستلم أمور العسكريه بعد وفاة Liu Bei خرب الدنيا و دمر Shu


Sun Quan أحسن منه بمراحل و فاز في كم حملة و قدر يتحكم في مملكة كامله و قدر يطفي الثورات


و طهر المملكة من القبائل و اللصوص و قطاعين الطرق و حول الجنوب المضطرب إللي حتى الـHan نفسها ما قدرت على الجنوب و قبائله قدر عليه Sun Quan و خله من جحيم إلى جنة لدرجة أنه في الأسواق حط حراسه تامه و دوريه طوال اليوم


أي سؤال أنت تبي تطلع أنه Sun Quan هو إللي سيء و Shu هم الأبطال صح ؟


يكون في علمك Sun Quan ما لحق على Lu Kang إلا في نهاية حياة Sun Quan يوم كان مخرف و شايب


و القائد السيء إللي تقصده هم عيال Sun Quan مو Sun Quan نفسه


و بخصوص كلامك ما عرف يربي يعني Cao Pi عرف يربي ؟


عيالهم فاسدين حالهم حال عيال Sun Quan و نفس الشي أفلسوا في المملكة لين ما سقطت في أيدي مستشارينهم عائلة Sima


صحيحه المعلومه قتل ولده إللي قبل Sun Liang عشان ولده إللي قبل Sun Liang (مايحضرني أسمه)


كانت أمه مش من عائلة مرموقه أو كانت عائلة أمه ما يحبها Sun Quan و خاف أنه خوال ولده الأول يستولون على الحكم بعده و يتسلطون على المملكة



معليش أخوي Fox أنا ضعيف شوي في الشرح أتمنى تفهم كلامي ههه


دمتم بحب



(( تــــــــــــحياتــــــــــــي ))

ما كأنكم طلعتوا شوي من الموضوع...؟ ادري النقاش مرات يشد و ما الومكم, لكن اتمنى لو ترجعون لسكة النقاش و قضية Jing و ممكن الكلام عن قدرات Sun Quan يروح لموضوع "تقييمك لـ Sun Quan" , و ممكن تفتحون موضوع لـ He Fei اذا كنتوا تبون تحدثون فيها بتعمق.

شكرا على نقاشكم العالي بالمستوى.

اقتباس :

ما كانوا يعرفون يا الغالي هم همهم المعركه و هم على بالهم أنه ما راح ينتشر


لأن ما يعرفون حتى وش معنى كلمة وباء ختى !


أخوي هالكلام من 2000 سنه شنو تتوقع هل يكون عندهم بروفسور للأمراض ؟

يا اخوي الطاعون موجود من قبل التاريخ الميلادي و ما كان له علاج الحل الوحيد له هو الحجر
تبي تقول لي ان الصين المعروفه بأنها من اكثر الحضارات تقدم في ذاك الوقت ما تقدر تتعامل مع مرض؟

اقتباس :

أغلب القاده في الممالك يموتون بسرعه البرق و الحاله صعبه عندهم

صح لأن فيه قاده ما يهتمون بصحتهم او انهم اصلا كبار بالسن
يعني عندك القائد lu meng الاخ مريض رجل في الدنيا و رجل في القبر رايح يحارب؟

اقتباس :

أي ظروف أخوي أنت كله تنفي كلامي و لا كأني قلت لك شي و أنا ما أحب أكرر كلامي


ظروف الأرض نفسها لأنها منطقه نائيه جداً حتى بشر ما فيها

ليش ما تأثرت فيها قوات wu بس ما تأثرت فيها قوات zhang liao و هو يطارد قوات sun quan ?

اقتباس :

و هجمة Zhang Liao الغير متوقعه و لا جات على الحسبان حتى و هم في وسط المرضى

و هجوم الناري في chibi غير متوقع
و الهجوم على wu chao غير متوقع
و القائمه تطول

اقتباس :

حبيت أقولك شي عن المصدر إللي جبته لي ترا منتدى Kong Ming لا يعتبر مصدر للتاريخ لأن المنتدى عندهم كله مكس تاريخ + روايه عادي يعني

الله يا الدنيا حتى كلام lady wu ما يعجبك الحين =]

خلني اقتبس كلامك

اقتباس :

70% معلوماتي من النقاشات السابقه من الأساتذه الكبار أعضاءنا القدامى و 30% من موقع Kongming و كتاب جنرالات الجنوب من الدكتور راف وإذا تقصد هالمعلومه مالت هجوم He Fei من أقتراح Zhang Hong خذيتها من كتاب أبطال الجنوب

مع احترامي لكل الاعضاء القدامى الا اني اظن ان lady wu تعرف في تاريخ الصين اكثر منهم و حتى من اسمها تدري ان ما عندها سبب للتلفيق

اقتباس :

في فرق بينهم هالحملات إللي شنها Zhuge Liang هي إللي أسقطت المملكة و أضعفتها هالحملات و خسرت موارد و خسرت جنود كثار و خسرت أموال و أختراعات

لا اختلف معك الحملات ما اسقطت المملكه بالعكس عاشت المملكه بعد موت zhuge liang بسنين طويله
و الموارد و الاموال الي خسرها يمكن يعوضها و لا عيب في المحاوله
و اكل خسائر فد ماكلت wu في حملاتها الهجوميه ولا فهمت قصدك بخسارت اختراعات

اقتباس :

قولي شنو خسر Sun Quan من المملكة ؟ هل حلمة He Fei أسقطت مملكة Wu ?

هل حملات zhuge liang اسقطت shu ?
و حبيت اوضح نقطه انا مو متعصب ل wei او shu او wu
عندي بعض الشخصيات المعجب فيها و ادافع عنها كل ما هجمها احد بصوره اشوفها غير عادله
و اخترت wei بس لأن اغلب الشخصيات كانت من مملكت wei
انت تظن اني متعصب ل shu بس لانك مثل المنشار تأكل من shu صاعد نازل =]

اقتباس :

و طهر المملكة من القبائل و اللصوص و قطاعين الطرق و حول الجنوب المضطرب إللي حتى الـHan نفسها ما قدرت على الجنوب و قبائله قدر عليه Sun Quan و خله من جحيم إلى جنة لدرجة أنه في الأسواق حط حراسه تامه و دوريه طوال اليوم

انجاز رهيب مره!!!
و عن الجنوب تحول من مضطرب الى مكان امن ترا الصين كلها مضظربه في ذاك الوقت لا تحكر الاضظراب بالاقليم الجنوبي
و ال han كان ضعيف اداريا مو عسكري
شاف ان الجنوب ما يستحق الجهد و هاجم كوريا
لو اراد ال han القضاء على قطاع الطرق هناك ما اظن انه راح يرى صعوبه تذكر

اقتباس :

و بخصوص كلامك ما عرف يربي يعني Cao Pi عرف يربي ؟

cao rui كان قائد ممتاز و ناس واجد يعتقدون انه افضل من ابوه ,_,

اقتباس :

صحيحه المعلومه قتل ولده إللي قبل Sun Liang عشان ولده إللي قبل Sun Liang (مايحضرني أسمه)


كانت أمه مش من عائلة مرموقه أو كانت عائلة أمه ما يحبها Sun Quan و خاف أنه خوال ولده الأول يستولون على الحكم بعده و يتسلطون على المملكة

يعني يعرض مستقبل مملكه كامله للخطر لأن امه مش من عائله مرموقه؟ و لا ما يحبها؟
ليش تزوجها بالأساس ؟

اقتباس :

معليش أخوي Fox أنا ضعيف شوي في الشرح أتمنى تفهم كلامي ههه

لا اخوي lu xun شرحك فوق الزين انا الي شرحي سيء و اخطائي الكتابيه عد و خربط xD

اقتباس :

ما كأنكم طلعتوا شوي من الموضوع...؟ ادري النقاش مرات يشد و ما الومكم, لكن اتمنى لو ترجعون لسكة النقاش و قضية Jing و ممكن الكلام عن قدرات Sun Quan يروح لموضوع "تقييمك لـ Sun Quan" , و ممكن تفتحون موضوع لـ He Fei اذا كنتوا تبون تحدثون فيها بتعمق.

شكرا على نقاشكم العالي بالمستوى.

اسف اخوي shizai
شدني النقاش مره ثانيه بس راح احاول اني ابقى على الموضوع الا ان الموضوع يشد مواضيع ثانيه x.x

شوف إذا أنا منشار أنت شنو ؟ أنت سكين في تنطعن في كل إنجاز من Wu


و ثاني شي وقف أنت يعني تنفي الجنوب كله ألحين ؟ و متى Han راحت لكوريا ؟


ما راحت مكان قعدت في الشمال و الوسط و معروف أنه أشرس قبائل في الصين هي قبائل الجنوب لأنهم فيهم قراصنه و فيهم لصوص كثير


مهما كان ما راح تقدر تنفي إنجاز مملكة Wu لو شنو في توحيد الجنوب لأنه إنجاز أنكتب لهم خلاص في التاريخ


و بعدين أنا أدري أنك تحاول تكذبني


و إذا على Zhang Liao ليش ما تأثر ترا جيش Wu جيش جنوبي متعود على المناخ الأستوائي


و جيش Wei يختلف عندهم المناخ عشان كذا جاء الوباء حق جيش Wu


و إذا على الهجمه ترا بعد كانت أخر المعركه و أنا أقصد هجة Zhang Liao كانت هجمه أنتحاريه يعني محد يتوقعها فهمتني ألحين


لكن Lu Meng قدر يعطي المملكة و قدر يسوي أفضل إنجاز في الممالك الثلاث قبل وفاته و ختمها و مات


Zhuge Liang إللي طاير فيه شنو سوا ؟ قولي أنجاز واحد بس دامك قارنته بـSun Quan


تصدق عاد صدقتك أنك مو متعصب هههههههههههههههههههههه



معليش ناصر تعديت حدودي في الموضوع رغم تنيهك لكن يجب الرد و التوضيح




دمتم بحب



(( تــــــــــــحياتــــــــــــي ))

اقتباس :

شوف إذا أنا منشار أنت شنو ؟ أنت سكين في تنطعن في كل إنجاز من Wu

كلامك صحيح 100% بس انا احسبها على انها ردة فعل =]

اقتباس :

و ثاني شي وقف أنت يعني تنفي الجنوب كله ألحين ؟ و متى Han راحت لكوريا ؟

'طال عمرك يوم استلم dong zhou السلطه امر gonsun du (اظن اني ذكرت اسمه غلط) على انه يحتل كوريا
و وين نفيت الجنوب o_o

اقتباس :

مهما كان ما راح تقدر تنفي إنجاز مملكة Wu لو شنو في توحيد الجنوب لأنه إنجاز أنكتب لهم خلاص في التاريخ

وين نفيت توحيد الجنوب؟
وين قلت توحيد الجنوب ما حصل؟ لا تقولني كلام ما قلته

اقتباس :

و بعدين أنا أدري أنك تحاول تكذبني


و إذا على Zhang Liao ليش ما تأثر ترا جيش Wu جيش جنوبي متعود على المناخ الأستوائي


و جيش Wei يختلف عندهم المناخ عشان كذا جاء الوباء حق جيش Wu

لا ما احول اكذبك بس ظنيت ان كلام lady wu له اكثر مصداقيه على العموم اسف ان اسأت لك او جرحت شعورك

بس على كلامك تقول ان المناخ ل he fei يختلف تماما عن jiang dong رغم قرب المسافه
و بعدين جيش cao cao من كل المناطق السهول الوسطى و jing و hebei و العديد من المناطق
او ان كل المناطق من cao cao لها مناخ واحد؟

اقتباس :

و إذا على الهجمه ترا بعد كانت أخر المعركه و أنا أقصد هجة Zhang Liao كانت هجمه أنتحاريه يعني محد يتوقعها فهمتني ألحين


لكن Lu Meng قدر يعطي المملكة و قدر يسوي أفضل إنجاز في الممالك الثلاث قبل وفاته و ختمها و مات

لأنهم ما توقعوه ما يعني انا ما نلومهم بالعكس
و بعدين ليش sun quan امراطور مملكة wu يكون قريب حيل من الاسوار ؟ ياخذ صوره؟ او يقاتل؟
وين كانوا المستشارين حتى ينصحونه؟

اقتباس :

Zhuge Liang إللي طاير فيه شنو سوا ؟ قولي أنجاز واحد بس دامك قارنته بـSun Quan

على كلامك القضاء على الثوار انجاز
و zhuge liang قدر يقنع الجنوبين للأستسلام ل shu
و بعدين zhgue liang ما اخطأ خطأ فادح كان سبب خسارة معركه نسبة النجاح فيها 99.9%

اقتباس :

تصدق عاد صدقتك أنك مو متعصب هههههههههههههههههههههه

يعني بس لأني اخلفت برأيي معك صرت متعصب للجانب الاخر؟ شدعوه عاد

Shizai كتب:

اقتباس :

اول مره اسمع ان sung quan احتل ميناء xiakou حتى موقع kongmeng ينفي المعلومه o_o

وين ينفي المعلومة..؟

حقك علي ناصر توني اشوفها

اقتباس :

the First Sovereign met with Guan Yu along with the Governor of Jiangxia, Liu Qi with ten thousand troops. They went to Xiakou. Liu Bei sent Zhuge Liang to discuss alliance with Sun Quan

هنا تقول سيرة liu bei انه تلقى مع liu Qi محافظ مدينة jiang xia في xiakou

يعني xiakou و jiang xia كانت تحت سيطرة liu biao طول الوقت و sun quan ماله اي علاقه فيها لا من قريب ولا من بعيد

اقتباس :

ما راحت مكان قعدت في الشمال و الوسط و معروف أنه أشرس قبائل في الصين هي قبائل الجنوب لأنهم فيهم قراصنه و فيهم لصوص كثير

لو كان صحيح ها الكلام

كان ما هاجر الملايين من أهل اشمال للجنوب بل العكس يصير

اقتباس :

اقتباس :

و إذا على Zhang Liao ليش ما تأثر ترا جيش Wu جيش جنوبي متعود على المناخ الأستوائي

محمد هما

(من عاشر القوم 40 يوم كان منهم)

ولا سحبت على هذا المثل

اقتباس :

و جيش Wei يختلف عندهم المناخ عشان كذا جاء الوباء حق جيش Wu

جيش Wei جاهم وباء في Chu Bi ولكن في Ru Xu لا ليش؟

جيش Wei جن يحاربون

اقتباس :

و إذا على الهجمه ترا بعد كانت أخر المعركه و أنا أقصد هجة Zhang Liao كانت هجمه أنتحاريه يعني محد يتوقعها فهمتني ألحين

أنا أتفق معك في سالفة ما أحد يتوقع الهجمة


لكن محمد

ترا 8000 ضد

100000

ما فيه ضمان يقول أن الجيش كله مصاب


لو كان الجيش كله مصاب


كان Sun Quan مسخرة التاريخ كله لأنه ما يعرف يتصرف


لو كان نص الجيش

النص الثاني وش يسوي؟؟

اقتباس :

لكن Lu Meng قدر يعطي المملكة و قدر يسوي أفضل إنجاز في الممالك الثلاث قبل وفاته و ختمها و مات

Lu Mang قائد جيد بعد Cao Cao لكن المشكلة السبب


اللي هو أتفف سبب

أنك تصير وقح

وتتطلب أشياء مب لك

وزيادة


عشان 5 كلمات قتلت ألوف الجنود






أبغى أعرف شئ واحد بس


وش دور Lu Mang في He Fei

ما له دور بارز

هذا يعني إهمال الحكومة له


لا أحد يقول لي ما كان بارز في الدولة

من عام 200 وهو معهم ولا استلم منصب إلا عام 212 أو حولها

اقتباس :

هنا تقول سيرة liu bei انه تلقى مع liu Qi محافظ مدينة jiang xia في xiakou

يعني xiakou و jiang xia كانت تحت سيطرة liu biao طول الوقت و sun quan ماله اي علاقه فيها لا من قريب ولا من بعيد

- يوم جاهم Lu Su - اعتقد هو استقبلهم بالمكان هذا.

- Xiakou ميناء على الساحل, كان ممكن لأي جيش و اي قوة تروح تقعد على اي منطقة خارج اي مدينة. لان قوات Sun Quan ماهي عايشة في الميناء, عايشة في المدينة و الميناء يعتبر منطقة للحرب يروحون لها اذا احد اعتدى عليها, فممكن يكون Liu Bei راح لها. Sun Quan يوم انتصر على Huang Zu هزم قواته في الميناء و حررها. بعدها صار في حالة سلام يوم قتل Huang Zu فقوات Sun Quan ما كانت قاعدة في الميناء وقتها.

معليش على النقطة الثانية شوي صعبة و ما قدرت اشرحها عدل, اتمنى تكون وصلت. ببساطة هي منطقة ساحلية و القوات دايما تكون في المدن و تخرج منها لملاقاة العدو في جميع معارك الممالك الثلاث.

اقتباس :

وش دور Lu Mang في He Fei

وش منصب Lu Meng في He Fei؟

كان جنرال, دوره كان دور اي جنرال و حمى Sun Quan من هجوم Zhang Liao.

وش سوى Zhang Fei في Changban؟ ليش ما انتصر؟ نفس الشي بالضبط, كان جنرال و الصلاحيات الي عنده حيدته و على هذا ما قدر يسوي شي غير حماية Liu Bei بتأخير قوات Cao Cao لكن ما منع الهزيمة.

اقتباس :

معليش على النقطة الثانية شوي صعبة و ما قدرت اشرحها عدل, اتمنى تكون وصلت. ببساطة هي منطقة ساحلية و القوات دايما تكون في المدن و تخرج منها لملاقاة العدو في جميع معارك الممالك الثلاث.

شكلك ماخذ فكره عني

فهمت عليك ان الميناء ممكن اي قوه تأخذها ، بس قصدي ان liu qi كانت تحت سيطرته jiang xia و xiakou في وقت وصول lu su

zhang feiوقف قدام جيش وحدة مو مثل100000الف هزمتهم800

Ma Chao-226 كتب:

zhang feiوقف قدام جيش وحدة مو مثل100000الف هزمتهم800

Zhang Fei ما وقف قدام جيش و لا هم يحزنزن


بس قطع الجسر و صرخ و انحاش على 5000 خياله من جيش Wei كانوا يلاحقون جيش الملائكه لأن خيالة Wei وصلوا قبل المشاه و غيرهم


و شغله ثانيه ترا الـ800 كلهم قتلوا إللي تقصدهم و ما بقوا منهم إلا 100 أو أقل و بعدين أنفكوا الجيش كله 8000 إللي داخل الحصن


لكن إذا تبي تجيب مهزلة Wu أنا بحيب لك مهازل من Shu ترا و أقرب مثال Yiling تبي أقولك كم جنرال من Shu أنقطع راسه ؟


دمتم بحب



(( تــــــــــــحياتـــــــــــي ))

اقتباس :

Zhang Fei ما وقف قدام جيش و لا هم يحزنزن


بس قطع الجسر و صرخ و انحاش على 5000 خياله من جيش Wei كانوا يلاحقون جيش الملائكه لأن خيالة Wei وصلوا قبل المشاه و غيرهم

ما حطم الجسر ومنع التقدم

اقتباس :

و شغله ثانيه ترا الـ800 كلهم قتلوا إللي تقصدهم و ما بقوا منهم إلا 100 أو أقل و بعدين أنفكوا الجيش كله 8000 إللي داخل الحصن

ما يدرا عن هذا

هما الجيش مريض

ولا الواحد يقدر يقتل وهو مريض

؟؟

اقتباس :

لكن إذا تبي تجيب مهزلة Wu أنا بحيب لك مهازل من Shu ترا و أقرب مثال Yiling تبي أقولك كم جنرال من Shu أنقطع راسه ؟

مهزلة ولا ألف مهزلة


أنك تكرر الخطأ نفسه

أنك تصير متهور وتهاجم بجيش 100000 مريض

أنك تعرض نفسك للقتل

أنك تعطي صلاحيات لناس مو كفو

وترى ب Yi Ling كم أعداد الجيوش


40000 Shu

ضد


50000 Wu

انتصرت Shu في الجولة الأولى رغم أن الجيش أقل

بعدين مرة 9 أشهر

وتم هجوم النار

وانتصرت Wu

الجيش في نيران

جاه هجوم مفاجئ وما كان مرتب من النيران لأنه تشتت الجنود يمين ويسار سبب بلبلة

وترى Shu تعذر بالهزيمة

مثل ما Wu تعذر أيضا

الجنرالات اللي أعرفهم هم

Zhang Nan

Fu Tong

Feng Xi

كلهم كانوا تضحية

ولا كانوا يقدرون يهربون مع قائدهم

Empror Deng Ai كتب:

مهزلة ولا ألف مهزلة


أنك تكرر الخطأ نفسه

أنك تصير متهور وتهاجم بجيش 100000 مريض

أنك تعرض نفسك للقتل

أنك تعطي صلاحيات لناس مو كفو

وترى ب Yi Ling كم أعداد الجيوش


40000 Shu

ضد


50000 Wu

انتصرت Shu في الجولة الأولى رغم أن الجيش أقل

بعدين مرة 9 أشهر

وتم هجوم النار

وانتصرت Wu

الجيش في نيران

جاه هجوم مفاجئ وما كان مرتب من النيران لأنه تشتت الجنود يمين ويسار سبب بلبلة

وترى Shu تعذر بالهزيمة

مثل ما Wu تعذر أيضا

الجنرالات اللي أعرفهم هم

Zhang Nan

Fu Tong

Feng Xi

كلهم كانوا تضحية

ولا كانوا يقدرون يهربون مع قائدهم

أنزين ليش ما كانت تهور و مهزله يوم Cao Cao قاد جيش جاهل في الملاحه و البحر و يقدر جيشه 250 ألف مو 100 ألف نفس Sun Quan


و لا التهور يركب على ناس و ناس لا ما يركبها



جيش الملائكه أنظم لهم جيوش القبائل أغراهم الملاك الكبير بو خدود حمره Liu Bei بالذهب و الحرير و أنظم له ملك القبائل Sha Moke


و أبشرك زيد على هذولا الثلاثه Huang Quan إللي كان يهاجم شمال الأقليم و طرده Pan Zhang حق حدود Wei و أنحاش Huang Quan و أضطر يستسلم حق Wei ههههه (موقف لا يحسد عليه)


و Sha Moke زعيم القبائل و جميع أعوانه و في قائدين أنأسروا ما تحضرني أسمائهم


صحيح في مصادر تقول أنه جيش Wu 50 ألف


لكن في مصادر تقول أنه جيش Shu ما بين 40 - 80 ألف


ما في شي يضمن أنهم أقل من جيش Wu


و بخصوص الهجوم على معسكر Liu Bei


تراها كانت خطه لدراسة معسكره و أثارة الرعب فيهم حتى Lu Xun ما سوا شي بس قعد يطالع المعسكر و يخزه خز و الجنود هم إللي يقاتلون


لين ما طلب الأنسحاب و أنسحب و خلاهم 9 شهور عشان معنوياتهم تهبط و يصيبهم الإحباط و نفذ الخطه بعدين


على فكره بعد Liu Bei كاد يقتل في Yiling و هو يهرب قال مقوله (لماذا يأتي لي الذل من Lu Xun هل هي إرادة السماء)


و على فكره ترا أنهزم جيش Shu بـ5000 آلاف جندي بقيادة Zhu Ran و باقي الجنود كانوا يحرقون المعسكرات و يأخذون الغنائم و صارت مطارده كبيره جداً ما بقى يوصل Liu Bei حق أرضه


يعني مهزله كبيره مو صغيره هزيمته ثقيله كانت Liu Bei


يعني تبي الصراحه تصلح فلم هندي أكشن خطير Yiling


دمتم بحب



(( تــــــــــــحياتــــــــــــــي ))

اقتباس :

أنزين ليش ما كانت تهور و مهزله يوم Cao Cao قاد جيش جاهل في الملاحه و البحر و يقدر جيشه 250 ألف مو 100 ألف نفس Sun Quan


و لا التهور يركب على ناس و ناس لا ما يركبها

الي اعرفه cao cao بنى بركه كبيره في ye حتى يدرب جنوده و كان عنده cai mao و zhang yun حتى دربون جنوده

مثلما كان عند التحالف zhou yu الي يدرب جنوده

اقتباس :

و أبشرك زيد على هذولا الثلاثه Huang Quan إللي كان يهاجم شمال الأقليم و طرده Pan Zhang حق حدود Wei و أنحاش Huang Quan و أضطر يستسلم حق Wei ههههه (موقف لا يحسد عليه)

صححني اذا كنت غلطان بس huang quan كان في الشمال حتى يراقب تحركات wei , و سمعت ان كانت له نصايح حلوه

بس liu bei ما سمعها

و طرده pan zhang بعد الزعزعه و الهجوم الناري ، و عن استسلامه

هل تدري عندما سمع cao pi بموت liu bei احتمل بس huang quan قعد يبكي في بيته ؟

عدد الجنود ما ادري بس سمعت ان wu كانت الطرف الاكثر عدد و انهم استهانوا ب liubei في اول اشتباكين

بسبب الفارق العددي

خطة lu xun الناريه تستاهل التصفيق بس بعد حصار 9 شهور من جيش يقال انه اقل منك؟

هذا شي يثير الريبه